رواية لعبة الحياه الفصل الرابع 4 بقلم حنين الماضي

رواية لعبة الحياه الفصل الرابع 4 بقلم حنين الماضي

رواية لعبة الحياه الجزء الرابع

رواية لعبة الحياه البارت الرابع

رواية لعبة الحياه الحلقة الرابعة

بدأت حياة الجامعة لملك وشهد وكل واحدة دخلت كلية غير التانية لكن فضلوا بردوا قريبين لبعض ووقت ما بيتقابلوا بيتكلموا ويطمنوا على اخبار بعض .
طبعا شهد عندها عقدة من مامتها وكانت بتخاف تكلم اى شاب لحسن حد يشوفها ويقول عليها بنت مش كويسة ،على عكس ملك اللى أهلها زرعوا فيها ثقتها بنفسها جداااا وبقت تتعرف على شباب وبنات عادى وليها جروب مشترك فالكلية ، لكن شهد فضلت اول سنة من غير اصدقاء خالص .
و عدت سنة أولى جامعة وبدأت ملك تعرف ناس وأصحاب اكتر واكتر ،لدرجة انها عزمت أصحابها الشباب والبنات على الغدا فالبيت عندها وعرفت باباها ومامتها عليهم .
وفى يوم نزلت من بيتها وعدت على واحدة صاحبتها تمشى معاها لحد الكلية .
ملك : هتروحى الجامعة النهاردة
شيماء : لا ماليش مزاج ما تفكك
ملك : بصراحة ماليش مزاج انا كمان
شيماء : خلاص تعالى نقضيها مع بعض النهاردة كأننا فالجامعة
ملك : ماشى موافقة ،قوليلى بقى هنعمل ايه
شيماء : بصى كدة ،دة شات الناس بتتعرف فية على بعض وانا اتعرفت على ناس كتير
ملك : هاتى كدة اشوف

شيماء : شوفى اهو
ملك : تمام هكتب اسم مستعار وأشوف مين هيرد عليا
شيماء : هههه حلوة دى يالا ادينا بنتسلى
ملك : أية دة الحقى واحد بيقولى هاى ومكتوب تحت اسمة عميد كلية الحب ههههه
شيماء : ما حلو دة
ملك : ايوة سيبينى بقى اجرب واتسلى شوية
شيماء : هههه ماشى عيشى وانا كمان هشوفلى حد
ملك : هاى اسمك أية
الشاب : هاى أسمى تامر وانتى
ملك : أسمى نور
تامر : اسمك حلو اوى يا نور ،هو انتى بتدرسى
ملك : اة وانت
تامر : انا فى معهد سنتين بتاع المطرية تعرفية
ملك : اة اعرفة
تامر : بتدرسى أية
ملك : انا فى تجارة سنة تانية
تامر : ينفع طيب نتكلم مع بعض بعد كدة
ملك : ماشى موافقة هات رقمك
تامر : هبعتهولك وانتى كمان ابعتى رقمك
_____________________
دينا : ازيك
شهد : الحمدلله انتى تعرفينى
دينا : باخد بالى انك على طول قاعدة لوحدك بالرغم أن الجامعة مليانة وسهل تتعرفى ويكون ليكى اصدقاء
شهد.: هو انتى معانا هنا فالكلية
دينا : اة بس انا سبقاكى بسنتين وشكلك متعرفنيش
شهد : انا اسفة بس فعلا معرفكيش
دينا : انا يا ستى رئيس اتحاد الطلاب
شهد : أية دة بجد ههه
دينا : اة وحبيت اتعرف عليكى
شهد بفرحة : شكرا وياريت انا كمان اتعرف عليكى
دينا : خلاص متفقين ،يبقى اليوم اللى انتى تيجى فية نتقابل هنا فالكلية ونقعد شوية مع بعض أية رأيك ؟
شهد : خلاص ماشى اتفقنا وفرصة سعيدة جدا
دينا : انا اسعد حبيبتى
____________________
مشيت شهد من كليتها وراجعة البيت وكانت فرحانة أن رئيس اتحاد الطلاب جت لحد عندها تتعرف عليها ، خصوصا أن شهد خدت بالها أن أغلب زمايلها كانوا مستغربين أن دينا واقفة بتتكلم مع شهد وكانوا عاوزين يعرفوا السبب .
وصلت شهد بيتها واول لما هند فتحت الباب 👇
هند : كل دة كنتى فيييين
شهد.: انتى بتزعقى كدة لية
هند : انتى تردى عليا عدل فااااهمة

شهد : كنت فالكلية يعنى هكون فين
هند : وآية اللى اخرك لحد دلوقتى
شهد : انتى بتتلكى هو فين التأخير دة
هند : 😡😡 شكلك مش هتجيبيها لبر
شهد : انتى عاوزة اية !؟ عاوزة تتخانقى!؟
هند : اتفضلى يا سيادة السفيرة المطبخ يضرب يقلب من امبارح ومعملتش اكل عشان انا وهاجر نازلين ، اتفضلى روقى الشقة واعملى لقمة لابوكى عشان نلحق مشوارنا انا وهاجر
شهد : نعم مطبخ اية اللى اعملة دلوقتى ، انا حاسة انى تعبانة وعاوزة انام ،دة كفاية المشوار كل يوم ، دة يهد الحيل لوحدة
هند : 😡 اعملى اللى اقولك علية بالذوق بدل ما أخلى ابوكى يقعدك خالص
شهد بكسرة : لا وعلى أية حاضر داخلة اعملة واعمل الاكل واستنى بابا لحد ما يرجع احطلة الاكل ولما ترجعى انتى وبنتك كمان هااا حاجة تانى 🙂
شهد سابت هند واقفة ودخلت بهدومها زى ماهى على المطبخ ،لكن هند دخلت وراها
هند 😡: هو انت مش عاجبك يا بنت فاطمة الخاينة كلامى
شهد بغيظ وصوت عالى : حرااااام عليكى عاااااوزة منى أية تااانى قولتلك حاضر هعمل كل حاجة وبردوا مش عاجبك ، عايشة فى ذل انا واخويا زى الكلاب فى بيت اهلى وابويا وعاملين زى الخدامين عندك ،لحد امتى لحد ااااامتى الذل دة
هند اتهورت وراحت ضاربة شهد بالقلم على وشها ونزلت فيها ضرب جامد وبقت تقولها رووووحى يا اللى امك بتاعت رجااااالة رووووووحى شوفيها ماشية مع مين وشوفى الفرق بينى وبينها ،شوفى مين امك ومين انااااا وانتى شكلك زيها وطبعا شهد بتصرخ جامد ومش قادرة تبعد هند عنها ، لحد ما شهد قررت فى لحظتها تنتحر وجريت من تحت ايد هند وفتحت باب الشقة وهى نازلة تصرخ على السلم وهند بتجرى وراها .
عمها : أية الصوت العالى دة
شهد : لسة فاكر تسأل أية الصوت العالى دة ،هو انتوا بتعملوا معايا أنا واخويا كدة لية رددددد عليا
عمها : أهدى يا شهد مالك اية اللى عمل فيكى كدة
شهد : يعنى مش عارف اية اللى عمل فيا كدة ، شوووف اخوك عمل فيا أية أنا واخويا وظلمنا من واحنا اطفال 😭 كلكوا سيبتونا لواحدة تعذب فينا وتضربنا كل يوم وتذلنى بأمى اللى هو انا اصلا ماليش ذنب فى حاجة ورفضت اعيش معاها وعيشت معاكوا انتواااا ، الهانم دى مدت ايديها عليا دلوقتى وضربتنى بالقلم وكل يوم تعمل مشكلة وتتلكك عشان نمشى ونسيب البيت انا واخويا وتعيش فية هى وبنتها 😭 وبابا كل ما اشتكيلة يقولى معلش مشى الدنيا وهى تعملة غسيل دماغ وبيسمع كلامها فى كل حاجة ، انا بقيت خدامة فى بيت ابويا واهلى ،اللى المفروض دة اكتر مكان امان ليا ، وعشان تعبت من الذل والمعايرة والإهانة اللى ماليش ذنب فيها انا سيبالكوا الدنيا كلها ورايحة فى حتة يمكن الاقى حد يحس بيا وميظلمنيش
عمها : طب أهدى يا شهد يا حبيبتى تعالى دة بيتك
—–
عم شهد كان متأثر بالموقف اللى شهد فية ومرة واحدة طلع لهند وخبط جاااامد على الباب وخد شهد معاة
عمها : 😡😡😡 افتحى البااااب دة

هند : فى أية
عمها : شهد قالتلى على كل حاجة ، لااااااازم تعرفى أن البيت دة بيت شهد وأخوها انتى سااااامعة وكل اللى قاعد فالبيت دة قاعد عشان خاطرها هى وأخوها لكن لو عليا حالا اديكى نفس القلم اللى ادتيهولها واعرفك واربيكى ازاى تمدى ايدك عليها هى ولا اخوها تاااانى انتى سامعة 😡
هند : انا هقول لاخوك انك اتهجمت عليا وأخلية يشوف صرفة
عمها 😡 : دة هو يبقى برررررة قبل منك مدام سايب ولادة لشيطانة معندهاش رحمة وانتى وهو برررررة وشهد وأخوها يقعدوا معززين مكرمين دة بيتهااااا انتى سااااامعة
هند : لااااا بقى أنا هتصل باخوك يجى حالا
عمها : ياااااريت تتصلى عشان اطردك انتى وهو مع بعض واللى ميقدرش لحمنا ودمنا مالوش عندى غير الطرد فالشارع ،يالا يا شهد تعالى ولما اخوكى يجى من مدرستة هتقعدوا عندى تحت لحد ما اجيبلك حقك تالت ومتلت
_____________________
اليوم خلص ورجعت ملك البيت وكانت اتعرفت على تامر وخدت رقم موبايلة وقالت تجرب تتصل بية وفعلا اتصلت وبقى تليفون تامر ليها يوميا بقى حاجة أساسية ، وبقى تامر ادمان لملك .
اتطورت العلاقة بينهم على الشات لحد ما طلب منها يقابلها وفعلا وافقت ملك وقابلتة
ملك : يا ترى هو أنة واحد فالواقفين دووول ؟ يارب يطلع شكلة حلو زى ما قالى
تامر : وبعدين المحطة مليانة بنات هى أنهى واحدة فيهم
ملك : وانا هعذب نفسى لية ،ما اتصل بقى وخلاص
تامر : الو
ملك : هو انت فين انا واقفة
تامر : وانا كمان واقف
ملك : هههه قدامى واحد ماسك الموبايل فى ايدة شكلة انت صح
تامر : ههه اة انا
ملك : أية دة انت طلعت احسن من الوصف
تامر : وانتى كمان طلعتى جميلة جدا وكنت بصراحة عمالة اقول هتطلع تخينة ولا شكلها أية
ملك : هههه يعنى احنا الاتنين كنا خايفين والحمد لله جت سليمة
تامر : ههههه اة الحمدلله
ملك : انا مش مصدقة انى معاك دلوقتى وكنت مستنية النهار يطلع بفارغ الصبر
تامر : انتى كمان بقيت مش عارف امشى يومى من غير ما اكلمك لحد ما قولت لاااا لازم اقابلها واشوفها
ملك : يعنى مبسوط
تامر : طبعا لدرجة أن ابويا عاوز يتعرف عليكى من كتر ما كلمتة عنك
ملك : هههه انت بتتكلم بجد
تامر : تعالى اثبتلك واكلمة قدامك
ملك : موااافقة طبعاااا هههه

_________
ملك كلمت ابو تامر وكانت مبسوطة جدا واتفق معاها أنة يشوفها ويشوف مين دى اللى قلبت كيان تامر ابنة ، خصوصا أن تامر أبوة وأمة منفصلين وكل واحد فيهم متجوز ومستقر لكن تامر صاحب باباة اكتر وكل حاجة بيقولة عليها .
وفعلا ملك قابلت ابو تامر فى يوم وكانت مبسوطة جدا لما قالها أنة عاوز الارتباط يكون بشكل رسمى وخصوصا أن العلاقة زادت بين تامر وملك وطبعا لما ملك سمعت الكلام دة وااافقت فورااا وقررت تعرف مامتها الموضوع كلة عشان تساعدها أن الارتباط يكمل وتقف معاها .
فلاااااش بااااااك
_____________
طارق : أية يا اخويا اللى عملتة دة وهند مصممة تمشى من البيت
عمها : 😡 هو دة كل اللى همك ،مش همك انها مدت ايديها ونزلت ضرب فى بنتك وبتعايرها بأمها وكلنا عااااارفين أن ولادك ملهمش ذنب
طارق : هند بتقول أن شهد ضربتها وهى حاولت تدافع عن نفسها
شهد بغضب وحسرة : 😭😭 حرااااام عليك يا بابااااا حرااااام عليك انت كنت هترجع البيت النهاردة مش هتلاقينى ،عارف كنت هتلاقينى فين ، كنت هتلاقينى ميتة عشان كنت عاوزة ارتاح من الذل والمعايرة والإهانة كل شوية ولا الخدامين والشحاتين انا ومحمد فى بيت ابونا 😭😭😭 انت ليييية كل السنين دى مش حاسس بينا لييييية بايعنا اوى كدة انت كمان ،لييييية محدش عاوزنا نعيش معاكوا فالدنيا 😭😭 طيب انا واخويا ذنبنا أية !! حد يرد علياااا ذنبنا أية فى معايرتنا بواحدة مخترنهاش فى حياتنا 😭 انا محدش دخل حياتى واخترتة ،انت يا بابا اللى لازم تحاسب نفسك على اختيارك مش انا ولا اخويا
انت اللى لازم تتحاسب على اختيارك لماما انت اللى لازم تعتذرلى انا واخويا عن اللى احنا وصلنالة ،كل دة كان بسبب ام وأب مقدروش أنهم عندهم اطفال ، يا بابا ؛ محمد اخويا فى مرة قعد يعيط من كتر ما كان جعان وهى مش سمحالنا ناكل غير لما اخلص تنضيف وبقى يقولى لما بابا وماما مش عاوزنا جابونا لية 😭😭 وكانت تبقى منكدة علينا واول لما تشوفك تضحك عليك بحركاتها وكنت اسمعك وانت بتضحك معاها وتاخدها وتقفلوا عليكوا الباب ، طيب مفكرتش فى يوم تدخل تبص علينا ! مفكرتش فى مرة تقولنا كلتوا ولا من كتر الغم نمتوا شبعانين ، انت يا بابا رمتنا رامية وحشة اووى اوووى انا مش مسمحاك لا انت ولا ماما ، وبالرغم أن ماما مش بتحبك ومش عاوزاك لكن من كرهها فيك كرهتنى انا واخويا وبقت تحملنى ذنب غلطتها كأن انا اللى اغلط وبقيت اترمى من كل واحد شوية
شهد : عارف يا عمى انا عمرى ما اتكلمت ولا اشتكيت
طارق : لية يا شهد مجتيش تقوليلى كل دة
شهد : مش هتعمل حاجة كنت دايما تقولى عدى عشان الأمور والدنيا تمشى
عمها : يا اخى حرام عليك وانا اللى فاكر انك واخد بالك منهم

طارق : انا ليا كلام معاها ،بس حط نفسك مكانى معايا طفلين وعندى شغل اعمل ايه كنت لازم اجيب واحدة تشوف امورنا
شهد : يا ريتك ما كنت جبت لان انا من صغرى وانا اللى بشوف أمور البيت وقضيت طفولتى فى غسيل وتنضيف لدرجة أنها بقت تهددنى لو منضفتش هتخليك تحرمنى من المدرسة والدروس وفعلا حرمتنى من كل حاجة
طارق : انا يا شهد
شهد : ااااة يا بابا ،كنت بتجيب لبنتها حاجات حلوة وتضحك فى وشها وهى فالمقابل كانت بتحرمنا من الأكل ، كنت انت بتفكر ازاى تخلى بنتها تعوض حنان الاب وانا واخويا محرومين من أم وأب وأهل 😭😭 انا تعبانة اوووى يا عمى تعباااانة اوووى
مرات عمها : يا حبيبتى يا بنتى حسبى الله ونعم الوكيل انا كل دة سامعة وعمالة أقول مش عاوزة اطلع واتكلم لكن قلبى مش مستحمل وحرام بجد
عمها : متهيألى بعد اللى سمعتة الحيوانة اللى فوق دى تطلع تديها علقة محترمة تحترم نفسها فيها والا هطردكوا برة وشهد وأخوها يعيشوا وسطنا معززين مكرمين .
طارق : هى اتصلت باخوها وزمانة جاى وانا هتكلم معاها
عمها : وانتى يا شهد لو عاوزة اى حاجة اطلبيها منى
طارق : انا عارف انك شايلة مسئولية نفسك
شهد : حتى دى كسرتنى فيها ومنعت عنى فلوسك حتى لو بجزء بسيط ، دة انت يا بابا العيد كان بيجى كنت تجيب لبنتها لبس جديد وانا لا ،بحجة انى مطلبتش منك وعشان كنت حاسة انك غريب عنى كنت ببتسم فى وشك واقولك كل سنة وانت طيب يا بابا ومحاولش أبين انى زعلت لانى مكنتش قادرة اطلب
عمها : خلاص يا شهد النهاردة هنحط حد للموضوع دة وانتى واخوكى هتقعدوا معايا هنا لحد احنا ما نتصرف
شهد : حاضر يا عمى
🙂🙂🙂🙂🙂🙂🙂
ملك : ماما عاوزة اقولك حاجة
مامتها : قولى
ملك: انتى عارفة انى مبحبش اخبى عنك حاجة وأننا أصحاب
مامتها : قولى يا حبيبتى اللى عاوزاة
ملك حكت قصتها كاملة مع تامر وازاى اتعرفت علية وقابلتة وقابلت باباة.

أم ملك : خلاص خلية يجى يقابلنى واشوفة ومش هنقول لابوكى التفاصيل دى عشان يوافق وعشان مش عاوزين وجع دماغ من اخواتك
وفعلا تامر جة قابل ام ملك وقالها أنة عاوز يرتبط بيها لكن هو لسة بيدرس والامتحانات على الابواب .
واقترحت ام ملك يخبوا الموضوع لحد الامتحانات ما تخلص وبعدها يجى يتقدم .
🙂🙂🙂🙂🙂🙂🙂🙂
لمتابعة رواية لعبة الحياة لااايك وكومنت عشان نشوف ابو شهد أية الموقف اللى خدة مع هند ويا ترى شهد عملت اية ؟ ونشوف رد فعل اخوات ملك وخناقتهم مع ابوهم كان سببها أية ؟؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية لعبة الحياه)