رواية عشق الروح الحلقة التاسعة 9 بقلم بنت الصعيد

 رواية عشق الروح الحلقة التاسعة 9 بقلم بنت الصعيد

رواية عشق الروح الحلقة التاسعة 9 بقلم بنت الصعيد

رواية عشق الروح الحلقة التاسعة 9 بقلم بنت الصعيد

روح….((اول مهمة خلصت بقا باقي المهمة التانية ….أسر))

__________________________

في المساء جاء أسر الي غرفة روح

أسر اقترب من السرير وجلس بجوارها 

أسر …وحشتيني

روح..بخبث….نفسي اعرف انت بتروح فين دا كله …انت شكلك عفريت شقي وصايع 

أسر …انا لو عليا ما اسيبكيش خالص بس مشاغل بقا 

اقتربت منه روح كثيرا وكأنها ستقبله توتر أسر ولكنها بدأت تفتح له ازرار القميص 

أسر ….بتوتر ….هو في حاجة 

روح ….تؤ تؤ عادي يعني 

فتحت له قميصه ونظرت مكان الطعنة مباشرة توتر أسر لأنه خاف أن تلاحظ أثر الطعنة …وبالفعل أشارت علي مكان قلبه .. 

روح ….هو فين …وهي تشاور علي قلبه

أسر تعرق كثيرا …..ايه في ايه يا روح  تصرفاتك غريبة كده ليه وايه هو اللي فين 

روح …فين اسمي اللي كان مكتوب بالدم جمب قلبك

انت مش بقيت بتحبني ولا ايه 

أسر تنفس الصعداء ….لا أنا بعشقك اصلا بس انتي قولتيلي بلاش ارعبك فبحاول اكون زي البني ادمين

روح (في نفسها) …لا ذكي عرفت ترد…..اوك يا حبيبي

أسر ممكن اطلب منك طلب

أسر ….اطلبي يا روح أسر

روح ….ممكن تبات معايا انهاردة ومش تختفي الصبح قبل ما اصحي عايزة لما أصحا القاك جمبي ومش تمشي علشان عملالك مفاجأة ولا فاكر نفسك انت بس اللي بتفاجئ

أسر بابتسامة حب …. بس كده سمعا وطاعا يا مولاتي …بصراحة أنا كنت عايز اقولك حاجة مهمة جدا بس اوعدك بعد مفجئتك هقولك حاجات كتير هتفرحك

روح …اوك يلا بقا هات دراعك 

أسر …ليه. ؟؟؟؟                 روح …هنام في حضنك 

أسر ….اه اكيد وانا اطول تعالي يا حبيبتي تعالي …نامت روح علي زراع أسر …ولكنها كانت تمثل انها نائمة فهي لم تنم ابدا في هذه الليلة …جاء الفجر قام أسر توضأ وصلي  …رأته روح وتفاجأت كثيرا هل هذا أسر حقا أسر الذي كان يسكر ولا يصلي ويفعل الفاحشة …

روح ….معقولة بقا بيصلي؟؟؟؟!!!!! …انهي أسر صلاته وسرعان ما أخذ روح في حضنه ونام سريعا 

__________________________________

في الصباح 

استيقظت روح قبل أسر

روح في أذن أسر مباشرة تتحدث مثل صوت ريا اللي في فيلم ريا وسكينة 

روح …أسررررر…… أصحا يا أسررررر 

قام أسر مفزوع من الصوت 

روح ..ههههههههههه انت خفت ….اول مرة اشوف عفريت بيخاف

أسر بضيق ….مانتي اول مرة تشوفي عفريت اصلا ….وبعدين يعني أحنا بنحس زيكم بالظبط تحبي اوريكي اننا بنحس وبدأ يقترب منها فقامت سريعا وضحكت وهرولت الي الحمام وقفلت الباب

بعد دقائق وصلت فريدة 

فريدة …..بفرحة ……روح روح يا قلبي فينك 

بسرعة وضعت روح شيئا ما في جيب بنطالها ونزلت 

وحضنت فريدة 

روح ….اولا وحشتيني ثانيا مبروك من قلبي يا فريدة علي الخطوبة

فريدة …الله يبارك فيكي يا حبيبتي وانتي كمان وحشتينيييي اخر حاجة….انتي قولتيلي أنه في حاجة مهمة هتقوليلي عليها

روح ….فعلا اسمعي كويس اوي اللي انا هقوله …وبدأت تنادي بأعلي صوتها(جزررررر جزررررررر.)

جاء أسر ….انا جيت  في ايه روح         

روح ….لازم تسمع الكلام اللي هقوله دا انت كمان 

فريدة …روح انتي بتكلمي نفسك؟؟؟!!!

روح …..مجنونة بقا تقولي ايه 

اسمعي …أنا خلاص قررت اموت نفسي ..وأخرجت سكينة حادة وضعتها صوب قلبها 

فريدة …صرخت …روووووووح انتي اتجننتي هاتي السكينة 

أسر حاول يقترب ليأخذ السكينة ولكن روح 

روح …..لو قربت خطوة واحدة هحطها ف قلبي علي طول 

أسر ….روح جرالك ايه انتي مش طبيعية بتعملي كده ليه

روح …أنا خلاص مش قادرة اعيش من غيرك لازم ابقا زيك 

علشان حبنا يفضل علي طول دا الحل الوحيد …..

فريدة وبدأت تبكي وترتعش أسر قولها الحقيقة

أسر ….روح أنا عايش أنا مامتش يا روح ..دي كانت طعنة خفيفة جدا خدش بسيط وانا اهو محصليش حاجة 

روح وبدأت تبكي ….كنتوا بتخدعوني 

كنتوا شايفيني  بموت من تأنيب ضميري …مافيش مرة صعبت عليكم …وانتي يا فريدة يا اختي بعتيني بكام لأسر

فريدة وأسر انصدموا كيف عرفت انهم متفقون علي خطة ولكن خوفهم علي روح لم يسعهم يسألوها كيف عرفت

فريدة … ودموعها كالسيول ….أخص عليكي يا روح أنا عمري ما أبيعك ..انا وافقت علي خطة أسر لاني اتأكدت أنه بيحبك بجد …أسر اتغير علشانك أسر بقي بيصلي ومش بيشرب خمرة ولا يعرف بنات بقي إنسان تاني بسبب حبه ليكي سديقني 

أسر ….روح يا حبيبتي انا عملت كل دا لما اتأكدت انك مستحيل هتحبي أسر القديم كنتي بتكرهيني ما كنتيش طايقة تبصي ف وشي علشان كده قررت اموت أسر القديم واعمل أسر جديد اسر اللي اول مرة يحب ومستعد يعمل اي حاجة علشان حبيبته ترضي عنه 

ارجوكي يا روح اديني فرصة …فرصة بس وهتعرفي اني عمري ما خدعتك  واني حبيتك بجد

روح …ليه يا أسر ليه ما قلتليش قبل ما اعرف يمكن كنت سامحتك

أسر …وبدأت دموعه تنزل ….أنا اسف كنت خايف كنت متردد خوفت اقولك تضيعي مني وأخسرك للابد …عاهدت نفسي انك بعد ما تعرفي لو رفضتي انك تكملي معايا هطلقك ….مش هجبرك علي حاجة تاني ياروح 

روح …..طلقني يا أسر 

أسر …غير مستوعب للكلمة واحس كأن قلبه انفطر ……لا لا مش هطلقك عاقبيني عاتبيني اعملي اي حاجة بس طلاق لا ….وبدأ يقبل يديها …ابوس ايدك اديني فرصة اثبتلك حبي فيها مش هتندمي يا روح وبدأ يبكي كالطفل 

فريدة ….روح حرام عليكي انتي بتحبي أسر ماتخليش غضبك يخسرك حبك الاول …أنا عارفة أنك بتحبيه واول مرة تحبي كمان 

أسر …فكري شوية يا روح فكري ومش هتندمي ..لو ما كنتش بحبك ما كنتش هاعمل كل دا علشانك  

كانت روح وفريدة وأسر ثلاثتهم يبكون 

روح وقفت دون أن تقول أي كلمة وأخذت تمشي في المنزل وتنظر الي اللا شئ وأسر وفريدة ينظرون لبعضهم البعض

وفجأة روح تقع  علي الارض 

أسر وفريدة في صوت واحد …..رووووووح .حملها أسر ووضعها في سيارته وانطلق بها إلي اقرب مستشفي 

______________________________________

في المستشفي 

فحصها الطبيب وخرج

أسر ….خير يا دكتور 

الطبيب… للأسف عندها انهيار عصبي حاد ونتيجته ما تطمنش 

أسر ..يعني ايه يا دكتور 

الطبيب لما تفوق هنقدر نحدد مدي ضرره نفسيا عليها

فريدة …جلست علي مقعد وأخذت تبكي وتلوم نفسها علي ما حدث لروح

فريدة…..أنا السبب …أنا السبب أنا اللي وصلت روح لكده لو ماكنتش وافقت علي خطة أسر ما كنتش خسرت صاحبتي

يارب يارب روح تقوم بالسلامة

أسر يضرب الحائط بيده …يارب يارب مش هستحمل تضيع مني …وكمان بسببي يارب تفوق 

بعد ساعة يخرج الطبيب ….المريضة فاقت بس 

أسر …بس ايه ؟؟؟؟؟؟؟

الطبيب…..المريضة رافضة تتواصل مع اي حد يعني مش مستجيبة لأي فعل …يترك أسر الطبيب قبل أن ينهي كلامه ويسرع الي غرفة روح

أسر ….والدموع تملأ عينيه ….روح يا حبيبتي روح أنا أسر العفريت أنا جزر قومي بقا قومي ردي عليا أنا مستحيل اسيبك تضيعي مني يلا ياروح قومي اشتميني زي زمان ما تسكتيش كده…وجلس بجوارها وبدأ يبكي ..

روح لا تتحرك كليا …عينيها مفتوحتان ولكن لا تنظر لأسر 

دخلت فريدة وبدأت تبكي علي حالة صديقة عمرها 

فريدة …..أنا السبب أنا السبب روح هتضيع مني 

أسر بصدمة …لا اوعي تقولي الكلمة دي تاني روح هتفوق وانا واثق …

مضي ثلاثة أيام وروح كما هي وأسر لم يفارقها لحظة كان يصلي بجوارها كل فرض ويقرأ لها القران بصوت عالي ويدعو لها في كل صلاة 

أسر بعد ما انهي صلاته امسك يديها وغفا ….دخل والده فهو قلق عليه وعرف كل شئ وهو سعيد جدا لان ابنه اخيرا وجد معشوقته وتزوجها فكل ما يهم هادي النجار هو سعادة ابنه 

ربط هادي علي كتف أسر ….اول مرة اشوفك بالحالة دي من بعد موت امك يا ابني …فتح أسر عيناه ببطء

أسر …بابا ؟؟؟؟ انت عرفت ازاي 

هادي ….صاحبتها ردت علي موبايلك …وحكتلي كل حاجة 

ليه خبيت عني كل دا يا أسر وانا مفكرك بتقضي شهر العسل …قوم يا بني قوم  روح خد شاور وتعالي أنا هقعد معاها لغاية ما تيجي روح الشاليه بتعنا اللي كنت مخبيها فيه…

أسر …..لا يا بابا أنا مش هسيب روح الا لما تفوق واخدها ف حضني وتقولي أنها سامحتني ونروح بيتنا  

روح سمعت كلام أسر وقالت في نفسها ((كفاية اوي لغاية كده انا قلبي بيتقطع علي أسر مش قادرة اشوفه بيتعذب اعمل ايه بقا هبلة وغبية لازم أوقف اللعبة كده.))…..

يتبع..

لقراءة الحلقة العاشرة : اضغط هنا

لقراءة باقي حلقات الرواية : اضغط هنا

نرشح لك أيضاً رواية أحببتك صدفة للكاتبة فاطمة أحمد.