رواية يومياتي الفصل العاشر 10 بقلم ألاء عاطف
رواية يومياتي الجزء العاشر
رواية يومياتي البارت العاشر
رواية يومياتي الحلقة العاشرة
قررت انى استعين ب… اللورد ايوا زي ما سمعتو اللورد مش عارفه ليه بس كان فى احساس جوايا ان ده هو اللى هيقدر يساعدنى بس ف نفس الوقت ياسمين قالتلى مقولش لحد طب اعمل اي يا ربى اعمل اي انا مش هعمل حاجة بس هحاول اعرف اي حاجة عن الرمز ده اللى هو رمز مالا نهاية وطبعا اللى هيقدر يفيدنى من غير ما يشك ف حاجة هو إكسايل بالظبط إيكسايل هو اللى هيقد يساعدنى….
بعد شوية
سلمى : فين إيكسايل يا ريهام ؟
ريهام : هناك فى اوضته
سلمى: تمام ماشي شكرا
ريهام:العف. و دى راحت فين دى جريت بسرعة كده ليه ؟
بدات اخبط على الباب جامد إيكسايللللل إيييكسايلل رد بقا
اتفتح الباب انا اتصدمت
مجهولة : إنتى مين
أنا سلمى انتى اللى مين
المجهولة : وانتى مالك انا خطيبت إيان
سلمى : إيان … اه قصدك إيكسايل تشرفنا مكونتش اعرف
المجهولة : واديكى عرفتى ابعدى عن خطيبى بقاا
سلمى: مش فاهمة انا بس قريبة منه من طبيعة الشغل مش اكتر مجرد زملاء فى الشغل
المجهولة بسخرية :لا والله والمفروض منى اصدقك صح
سلمى : تصدقى متصدقيش أنت حرة
إيكسايل: ازيك يا سلمى 🥰 انتى بتعملى اي هنا يا كارما مش قولتلك تمشي
كارما : اي يا حبيبي ليه كده وراحت حاضنة إيكسايل
انا بصراحه مهتمتش اوى بس كنت متضايقة من بجاحتها
سلمى: انا اسفة يا إيكسايل لو دايقتكو هبقى اجيلك وقت تانى
ومشيت
كارما : مين دى يا حبيبى عشان تقارنني بيها أصلا
إيكسايل: وانتى مالك بيها انتى متقدريش تكونى زيها أصلا
كارما : والله ليه فيها اي زيادة عنى
إيكسايل: فيها الادب والاخلاق اللى حضرتك متعرفيش عنهم حاجة وبعدين انتى اي اللى جابك هنا مش قولتلك معوتيش تيجى جيتى مع اختى سما مش كده
كارما :اه جيت معاها وفيها اي يعنى اما اطمن عليك
إيكسايل :هو انا اعرفك عشان تطمنى عليا
كارما : اه هتبقى خطيبى
إيكسايل: بطلى هبل ليه ان شاء الله خلصو بنات الدنيا
كارما : مسيرك هتيجى يوم وتحبنى
إيكسايل :طب يلا غورى من هنا روحى انتى وسما ومتجيش هنا تانى العربية برا بتستناكو
كارما : تمام
فى اوضة ياسمين..
كنت قاعدة بفكر ف كل اللى بيحصلى وف الرمز اللى على التلسكوب ومش عارفة اعمل اي ولا استعين بمين قطع تفكيرى صوت .. صوت إيكسايل
إيكسايل : صباح الخير 🥰
سلمى: صباح النور
إيكسايل : كنتى عاوزة اي وبالمناسبة البت دى مش خطيبتى ولا حاجة هى بس بتجرى ورايا
سلمى: علفكرة انا مسالتكش ولا مهتمة انى اعرف انت حر
إيكسايل : تمام
المهم كنتى عاوزة اي وصحيح ازاي فتحتى الاوضة
سلمى الاوضة اتفتحت ببصمة ايدى ومتسالش ازاي لانى معرفش
وبخصوص كنت عاوزة منك اي ف تعالى ورايا
بص شوف اي ده ؟
إيكسايل : ميكروسكوب منتيش شايفة
سلمى:علفكرة انا مش غبية وشايفة قصدى الرمز اللى على الميكرسكوب
إيكسايل: اااه قصدك رمز ال ما لا نهاية
سلمى: اه بالظبط
إيكسايل: ده الرمز المفضل عند ياسمين وهى بنفسها اللى حفرته على الميكرسكوب ده غير كان في سلسلة بتاعتها معمولة بنفس الرمز
طب واي حكاية الميكرسكوب وليه هو متوجه على مكان واحد؟
إيكسايل : الميكرسكوب ده مش محتاجينه لان في كاميرات مراقبة حوالين المقر وبنستخدمها فى التكبير والمراقبة والشاشات اللى هنا بتعرض كل تسجيلات الكاميرات بس ياسمين اختك صلحت الميكرسكوب ده بعد ما كان متعطل وكنا بنعتبره خرده وحفرت عليه الرمز ده ووجهته عند المكان اللى بيلتقى فيه الليل والنهار واللى مستحيل تشوفيه غير من الاوضة دى وقت الغروب لانها كانت بتحب المنظر ده
سلمى: طب المكان اللى بين الجبلين ده عمركو روحتوه
إيكسايل: اه كتير ساعة التدريب بس ليه الاسئلة دى
سلمى:لا مفيش بس كان عندى فضول
إيكسايل: طب انا ورايا شغل همشى دلوقتي لو احتجتى حاجة ناديلى
سلمى: تمام
قررت انى هروح المكان ده لوحدى وادور على سر ياسمين من غير مساعدة حد
الساعة 12 منتصف الليل
يارب ميشوفنيش حد يا رب
انا اخيرا وصلت بعد المشي ده كله وكنت خايفة ل الذئاب تاكلنى
هدور بقا … فضلت ادور كتير وكتير وف اماكن عشوائية وكان
معاية كاشف المعادن يمكن الاقى حاجة …. ياربي كل ده الكاشف ده مش ناوى يطلع حاجة عدلة مطلعلى حتة صفيح اعمل بيها اي دى ؟
شوية يطلعلى صفيح وشوية يطلعلى جنيهات فضة او حاجات ملهاش لازمة لحد ما الكاشف ده اجا عند مكان معين والزن اشتغل فيه جامد ف قررت انى اجرب واحفر ف المكان ده لحد ما لقيت صندوق كامل لا دى خزنة خزنة مصنوعة من الفولاذ باين ان فى حد حاول يفتحها معرفش يفك ارقامها ف قام ضاربها بحاجة ودى اثار طلقات رصاص عيار نارى بس ليه كل ده …معقول معقول يكون ده هو سر ياسمين
للصراحة انا خوفت وكنت حاسة بالخطر اخدت نفس وقررت انى اخد الصندوق
وهنا بيظهر ان فى حد بيراقب سلمى فى صمت ومن مكان بعيد
مجهول١ لا برافو انتى طلعتى شاطرة بجد اما الحق اقابل الرئيس واقوله
فى مكان آخر..
مجهول١ : البنت قدرت توصل للخزنة
مجهول٢ : يعنى جيت بدرى وبعدين اصلا انا كنت عارف انها
هتوصل بسهولة دى في النهاية اخت ياسمين
مجهول ١: انا كده خلصت مهمتى انا همشي دلوقتي عشان محدش يشك
مجهول ٢: تمام
بعد شوية فى قصر سلمى
مامااا انا عاوزة كباية قهووووة
ايمان: مالك يا حبيبتي مالك بتزعقى ليه مش هتبطلى تصرفات العيال دى
سلمى : انا دماغى هتفرقع والنبى يا ست الكل كباية قهوة من بتاعتك مبحبش حد يعملهالى غيرك
ايمان: حاضر يا حبيبتى وهخلى حد من المساعدين يجبهالك
سلمى: ماشي يا ماما بس متتاخريش
وانا ف الاوضة بتاعة ياسمين قعدت افكر و ادور يمكن انى
الاقى حاجة توصلنى ملقتش حاجة بس كان درج المجوهرات
بتاعتها مقفول هو بصراحه مقفول من ساعة ما اتجوزت ابيه احمد
وانا مجاش ف بالى ابدا انى افتحه بس حسيت انى عاوزة افتحه
خصوصا انها ادتنى المفتاح بتاعه ف رزحت جبت المفتاح من اوضتى وفتحت الدرج وانصدمت لما لقيته زى ما هو انا فكرتها اخدت كل حاجة وهى ماشية بس كان زي ماهو ولقيت فيه السلسلة اللى عليها الرمز وقررت انى البسها ومن كتر التفكير تعبت وقررت انى انام وفعلا دخلت نمت …
فى مكان آخر ..
مجهول ٢ :اي يا دكتورة خلصتى جلسات الكهرباء
الدكتورة : ما تقلقش قاسم بيه المريضة بخير و كله تحت السيطرة
قاسم : انا مش عاوزها تفتكر اي حاجة على الاقل لحد ما اتجوزها
الدكتورة : اكيد يا قاسم بيه جلسات الكهرباء دى هتخليها تنسى اسمها حتى
قاسم : وده المطلوب ومتقلقيش اتعابك هحولها لك على حسابك ف البنك
الدكتورة: شكرا جدا يا قاسم بيه
قاسم: تقدرى تتفضلى انتى دلوقتي
الدكتورة: حاضر يا قاسم بيه
وبيظهر هنا ان قاسم بيبص من زجاج الاوضة اللى فيها المريضة
واخيرا اخيرا كل حاجة ماشية زي ما انا عاوز … الخزنة واكيد سلمى هتعرف تفتحها وبكده الخطر هيبعد عنى وف نفس الوقت
وخلاص معادش كتير معادش وقت كتير يا ياسمين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يومياتي)
