رواية حبك حياة الحلقة الحادية عشر 11 بقلم سهيلة سعيد

( تمشي اوشة ، يتنهد ريان ويمسك الفون )

ريان : الو .. لا باظ .. انت برة .. طب اعمل الي قلتلك عليه .. اه دلوقتي .. سلام 

( يقفل ريان ، تطلع اوشة ع الشارع عشان تروح ، وفجأة ، يقرب عليها بوكس ينزل منه عساكر ياخدوها )

اوشة ب خضة : في ايه ي باشا في ايه انا عملت ايه ؟؟؟

( يركبوها البوكس ويمشوا ، يعدي الوقت ويبجي الليل ، ريان ف مكتبه ف القسم ، يخبط الباب ويدخل مخبر )

المخبر : البت الكوافيرة ي باشا ????

ريان : هتهالي ????

( تدخل اوشة شعرها منكوش وهدومها متقطعة )

ريان : روح انت 

( يمشي المخبر )

اوشة ب صدمة : انت ظابط ????

( يقوم ريان يقرب عليها ، تترعب )

ريان : جيبتك وكلمتك بالزوق وقلتلك هديكي فلوس وهظبتك فتحتيلي صوتك وبلا اختك بلا اخوك .. مبسوطة كدة بقا ????????‍♂️

اوشة ب خوف : ي باشا بالله عليك انا مش حمل مرمطة انا عاوزة اروح بيتي ????

ريان وهو بيقعد ع كرسي وبيحط رجله ع الترابيزة : لما  نتفق الاول ي اوشة ????

اوشة : مش هعرف والله انا ممثلة فاشلة مش هعرف امثل ع حد ولا هعرف اسيب البيت واختى لوحدها ????????‍♀️

ريان : لا انا متأكد انك هتعرفي واهو ممكن اجيبلك اختك هنا تقعد معانا انا هاخد بالي منها كويس .. اكيد مزة زيك مش كدة ????

اوشة ب خضة : لا والنبي لأ ????

ريان : ردك ايه وم الاخر وفكري كويس قبل م تنطقي ب اي كلمة دي كانت خناقة ستات م بالك بقا بالرجالة لما يتخانقوا مع ست ⁦????????‍♂️

( تسكت اوشة وتخاف )

اوشة : الي تؤمر بيه هعمله ????

ريان : تمام كدة نعرف نتكلم .. تعالي  

( يروح يقعد ع الكنبة وبيشاورلها جنبه )

ريان : اقعدي ????

( تقرب تقعد جنبه ب خوف ، يفتح فونه ويوريها صور )

 ريان : دي لايرا اختي 

اوشة ب استغراب : شبهي بجد !!!!!!

ريان : ايوة جداً .. دي امي ودة ابويا .. امي عارفة الحوار لكن ابويا ميعرفش ولا هقوله 

اوشة : طب ليه ؟!

ريان : مش هيوافق ع فكرتي وف نفس الوقت هو دة الحل الوحيد .. المهم انا هوريكي ڤيديوهات ل لايرا بس ف البيت ع اللاب بتاعها وهوريكي حسابات السوشيال بتاعتها كلها عشان تشوفي طريقة لبسها وكلامها واسلوبها عشان تعرفي تقلديه 

اوشة : ماشي 

ريان : الموضوع مش صعب بس انتي حاولي تركزي ف الي هنعمله 

اوشة : حاضر ????

ريان : دة مراد خطيبها ????????

( تشوفه )

اوشة ب صدمة : مراد مين ????

ريان : خطيب لايرا 

اوشة : اختك مخطوبة ل دة ؟؟

ريان : ايوة 

اوشة : وهربت عشان مش عاجبها ؟؟؟؟؟

ريان : ايوة 

اوشة : احيييه ????????‍♀️

ريان : في ايه ؟!

اوشة : هو دة يتساب ايه بنت الموكوسة دي ????

ريان : بت لمي لسانك ????

اوشة : لامؤخذة انا اسفة بس حاجة تجن يعني دة انتوا عيلة دماااغ ????

ريان : خلينا ف المهم .. احفظي شكله كويس 

اوشة : طب شوفلي صورة تانية من غير النضارة 

ريان ب تنهيدة : طيب ????

( يوريها صورة تانية )

اوشة : انا بجد عاوزة اقتل اختك دة كفاية عيونه ????????

ريان : ركزي معايا دة ابوه ودي امه ودي اخته و ……….

( يقعد يعرفها ع العيلة شخص شخص ، بعد شوية )

اوشة : طيب المفروض انا اعمل ايه ؟؟

ريان ب انفعال : نعم اومال انا بقالي ساعتين قاعد معاكي بهبب ايه ????????‍♂️

اوشة : م براحة ي باشا انا ركبي بتخبط ع الجيران خلقة ????

ريان : استغفر الله العظيم ????

اوشة : وهقول ل اختي ايه ؟؟

ريان : قوليلها جالك شغل ومطرة تسافري 

اوشة : دة ع اساس اني وكيلة وزارة ????

ريان : قوليلها مسابقة ميكب ارتيست ف لبنان وجاتلك التكت هدية انتي والبنات الي اترشحوا معاكي ولو كسبتي هتاخدي ٢٥٠ الف جنيه 

اوشة : مش قليل دة عليا دة انا هيطلع عين امي ????

ريان : يطلع عين امك ايه انتي هتعيشي عيشة متحلميش بيها .. ربع مليون جنيه دة اخرك معايا ✋

اوشة : اه لو كدة ماشي ????

( يبصلها ب استغراب ع غبائها )

ريان وهو بيقوم : قومي روحي وبكرة تكوني عندي هبعتلك العنوان ع الواتس عشان اعرفك باقي الحاجة 

اوشة وهي بتقوم : حاضر 

ريان وهو بيمسكها من دراعها ب عنف : لو فكرتي تزوغي مني هعرف اجيبك من تحت الارض ⁦☝️⁩

اوشة : ي باشا ازوغ ليه هو انا عاملة عاملة دي مصلحة وهقضيها وخلصنا ????

( يسيبها )

ريان : ايوة كدة احبك وانتي عاقلة ????

اوشة : سلاموا عليكم ✋

( تمشي اوشة ، ف بيت مراد ، نازل مراد من اوضته )

الجد : مراد 

مراد : نعم ؟

الجد : تعالى عاوزك 

( يقرب يقعد قصاده )

الجد : مش بشوفك بتخرج مع خطيبتك يعني ولا بتكلمها ولا بتجيب سيرتها !!!!

مراد : دي مش مشكلتي انا هي الي فونها مقفول من ساعة اري الفاتحة وكلمت اخوها قالي الفون باظ وبتصلحه 

الجد : كلمها من ع اي موبايل تاني ايه المشكلة ????????‍♂️

مراد : م انا قلت ل حضرتك مش مشكلتي انا هي الي المفروض تكلمني انا هوصلها ازاي !!!

الجد : رحلهم البيت مهو مش معقول متبقاش عارف خطيبتك فين ولا بتعمل ايه !!!!

مراد ب تنهيدة : ماشي .. بكرة هروحلهم .. عن اذنك 

الجدة : اتفضل 

( يقوم مراد يمشي ، يمسك فونه يتصل تاني ع فون لايرا يلاقيه لسة مقفول ، عز قاعد مع فرح ف كافيه ، يرن فونه )

عز : الو 

مراد : انا رايح ال night club هتيجي ؟؟

عز ب ارتباك : اااا لا انا ورايا شغل ????

مراد ب استغراب : شغل ايه الساعة ٩ !!!!

عز : لا شغل برة انا طلعت م الشركة دة قاعد مع عميل برة كدة 

مراد : طيب ماشي لو خلصت بدري تعالى 

عز : تمام ماشي سلام

( يقفل عز )

فرح : مين ؟

عز : مراد 

فرحة : في حاجة ؟

عز : لا مفيش فكك 

فرح : عز هو احنا كدة تمام ؟

عز ب عدم فهم : يعني أيه مش فاهم ؟!

فرح : يعني مراد بهدل اخته وضربها عشان شافها مع واحد .. تفتكر الي احنا بنعمله دة صح ؟؟

عز : انتي ليه محسساني اني واخدك شقة مفروشة ي بنتي احنا ف مكان عام وكل مقابلاتنا كدة وانا ابن عمك قبل اي حاجة يعني هخاف عليكي وهحافظ عليك اكتر من اي حد ف الدنيا دي دة غير ان انا بحبك وانتي عارفة كدة كويس .. وبردوا خارجاً عن كل دة انتي عارفة اني مستنيكي تخلصي امتحانات عشان اتقدملك ونعمل الخطوبة يعني مش معاكي بضيع وقت ????????‍♂️

فرح : يعني انت مغيرتش رأيك او ممكن تغيره ؟؟

عز : انتي هبلة لا طبعاً دة انا مستني ب فارغ الصبر ????????

فرح ب ابتسامة : ماشي ????????

عز وهو بيمسك ايدها : وبعدين انا محدش هيربي ابني غيري انا مقدرش اسيبك لوحدك ف المصيبة دي ????

فرح ب خضة : ايه الي انت بتقوله دة يلهوي ????

عز ب ضحك : الحقيقة ????

فرح : حقيقة ايه يخربيتك بس ????

عز : هههههههه ????

( يعدي الوقت ، اوشة قاعدة مع اختها )

شيرين : ايه دة لبنان ايه !!!!

اوشة : مسابقة ي بنتي ????????‍♀️

شيرين ب استغراب : ودة من امتى بتدخلي مسابقات !!!!

اوشة ب توتر : اااا دة المدام صاحبة الكوافير قالتلنا وهما اصلاً باعتين التذاكر هدية يعني مش هغرم مليم فيها ????

شيرين : خلاص اسافر معاكي 

اوشة ب خضة : ايه لأ لأ مينفعش هي تذكرة واحدة هنجيب منين حق التانية ????

شيرين : بس انا هخاف عليكي تبقي لوحدك ????

اوشة : متخافيش انتي عرفاني بعرف اسلك ف اي حتة ????

شيرين : طيب بردوا تتأكدي انهم صادقين ليكونوا نصابين 

اوشة : هينصبوا ف اي ي حسرة هو انا حيلتي حاجة يتنصب عليها ????

شيرين : بردوا عشان اطمن ⁦☝️⁩

اوشة : طيب حاضر ????

شيرين : صحيح عملتي ايه مع الولا الي كان عاوز يقابلك ؟

اوشة : ااا مرحتش ????

شيرين : ليه ؟!

يتبع..