رواية ذكريات طفولتي الفصل الثامن 8 بقلم مجهول
رواية ذكريات طفولتي الجزء الثامن
رواية ذكريات طفولتي البارت الثامن
رواية ذكريات طفولتي الحلقة الثامنة
– بقولك!
= اي يا اياد!؟
– تعالي نطلع البلاكونه ولا اقولك السطح احسن
= نطلع ليه في اي؟!
– هقولك سر
= انت الى قتلت موفاسا ؟ ها قديمه
– بت متهزريش انا هقولك حاجه بجد!
= خلاص ماشي متزوقش! اوعي تكون حْاطفني يا اياد!
– وانا هحْطفك فوق السطح بتاعنا ليه؟ انا هديكي هديه
= هديه؟!
– اها
= حلو
– خدي رايحه فين
= رايحه السطح يلا تعالي ورايا وهات الهديه بسرعه.
ضحك: بيضحك عليكي بمنتهي السهوله انتي..
” طلعنا و هو كان حاطط ايده ورا ضهره ”
– اي رأيك السما جميلة صح ؟
= انت عارف ان نقطه ضعفي النجوم و القمر و اني بحب اليل هيييح و واقعه في غرامه!
– يبختو
بصتله و ابتسمت: طب قول في اي و فين الهديه ولا بتضحك عليا؟
– تؤ انا شايف انك جبتلهم كلهم هديه تخدي واحده مني بقي! ده بديهي يعني يا جوجا
= مانا جبتلهم كلهم و جبت لك برضو هي في جيبي
– طب افتحي هديتي الأول
“ختها منه و بعدين ادتله بتاعته”
– افتح هديتك
= لاااء انتي الاول.
” فتحت العلبة الصغيره الى ادهالي وكانت سلسلة على شكل كوكب زحل و خاتم تاج صغير اوي و الإتنين فضة ”
– اياد دول حلوين اوي بجد! مش عارفه اقولك اي بجد
= عجبوكي؟!
– ايوه طبعا! حلوين و عجبوني اوي
= حلوين زيك
بصتله بفرحه: طيب.. افتح بتاعتك بقي!
” فتحها كنت جايبه له ساعه سودا ب لونه المفضل ”
– يابنت اللذيذة ذوقك جامد! حلوة اوي
لبسها و حط ايده قدام وشي: ها حلوة صح ايدي محليها؟
ضحكت: ايوه صح
خد السلسلة مني: لفي اللبسك السلسلة بقا
بصتله: ها جميلة عليا؟
= تحفه .. هاتي موبايلك
– ليه؟!
= هاتي بس
خد الموبايل و وجه الكاميرا ناحيتي: اضحكي!
” ابتسمت و لبست كمان الخاتم و حطيته قدام الكاميرا و هو ضحك و صورني وفضل باصص للصورة شوية ”
– شكلك حلو حقيقي
= شكرا يا دودا
– عايز اقولك على حاجه مهمه بقا
= قول حاجه اي؟
– هي حاجه كنت عايز اقولها من بدري بس يعني ..
= تقول يابني! هو سر
– ايوه سر شايلة بقالي كتير اوي… انا ..
” مكملش كلامه بسبب كحتي الى ظهرت من العدم فضلت اكح جامد و نفسي كان بيروح مني لدرجه اني كنت هقع لكن هو لحقني ومسكني ”
– جميلة ! جميلة في اي !
حاولت اتكلم ومكنتش قادره: في .. ج جيبي
” حط ايده فجيبي بسرعه و طلع البخاخه اول ما شافها فهم و حطها ف بوقي واخيرا كنت بتنفس كويس ”
فضل يطبطب عليا: اهدي اهدي بقيتي احسن!!؟
” خت نفسيي بالراحه و افتكرت اني مختش الدوا لما قضيت اليوم كله معاهم نسيت اخده! و كنت عارفه ان فخلال دقايق هتحصلي نوبة تانيه فا قومت بسرعه ”
– انا لازم انزل !
= لا لا استني انتي بتخدي بخاخه من امتي ؟؟
– من… مش كتير .. ده ااا كل فتره
= طب اصبري متمشيش!
– لا معلش عايزه انزل
اتحكرت فا وقف قصادي: لا يا جميلة مش هسيبك
– اياد! انا عايزة اقولك حاجه قبل ما امشي خلي بالك على نفسك انت و تيته و كريم و اوعي يا اياد عشان خاطري اوعي ترجع تشرب اي حاجه وحشه
= جميلة انا مش فاهم حاجه هو في اي!
– ممكن توعدني! عشان خاطري
اياد بصلها و رد عليها و هو مش فاهم: اوعدك
ابتسمت له: متجيش ورايا
” مشيت بسرعه لتحت و طلعت البيت لقيت ماما على السلم وكانت مخضوضه ”
– انتي كويسة! مختيش العلاج و
= متقلقيش انا كويسة بس ممكن نمشي!
************************************
بقلمي / Salspil A Mahmoud
|| 28 فبراير | 2024 ||
– طمنت ماما و طلعنا البيت و اخدت العلاج الحمدلله و كانت الشنط جاهزه و نزلنا بعدها ركبنا او* بر رميت كل حاجه ورايا مجرد ما خرجنا من شارعنا و مسحت دموعي الى نزلت ، بصيت على ايد ماما الى بتطبطب عليا و بس كده وصلنا المطار و سافرت واديني هنا هو و دي كل قصتي يا دكتور.
= اخيرا وصلت للنهايه قبل ما امو* ت؟
ضحكت: بعد الشر يا دكتور
– بقالك هنا سنتين و شوية و حكيتي قصتك بالتفصيل ده مفيد جدا لحالتك النفسيه يا جميلة ومش كتير بيقدروا يتكلموا
ابتسمت: هوا الحاجه الوحيده المفيده يا دكتور اني لما مشيت من هناك كنت فاكره اني مسحت ذكرياتي كلها لحد ما شوفت حضرتك من سنتين بعد اول عملية ليا و طمنتني و طلبت مني احافظ على كل الذكريات دي و افضل احكيها و حكيت لك كل ذكريات طفولتي بقيت عارف كل حاجه اهو!
– العلاج النفسي مهم بنفس اهميه العلاج الطبي يا جميلة وانا مكنتش عاوزك تحزني وتحسي انك لوحدك كنت عاوز كل ذكرياتك الحلوة دي تحاوطك و تحميكي من اي انتكاسه نفسيه او اكتئاب
عيوني دمعت: معاك حق صحابي حتي وهما مش معايا و بيساعدوني اكمل ف العلاج و انوه يبقي عندي أمل
– لازم يبقي عندك أمل احنا كنا فين و بقينا فين!
= فعلا الحمد لله.
” خرج و سابني و انا فضلت افكر هل هما لما بيفتكروني بيعملوا اي! و لا زمانهم نسيوني! ”
*************************************
بقلمي / سلسبيل احمد محمود
فلاش باك #
|| رابع يوم العيد | 2021 ||
بزعيق: يعني اي يا تيته ! يعني اي مشيت !
يوسف: ما تهدا يعم انت في اي!
فاطمه بهدوء: اياد ! انا جمعتكم عشان تعرفوا و تفهموا مش تعملوا كده ابوها عاوزاها هي و امها معاه في اي !
وانا مكنتش عاوزاكم تضايقوا عشان كده بعتلكم سوا
اتكلم بعصبيه: ما احنا كنا سوا امبارح ! كانت ممكن تقولنا !!! وبعدين موبايلها مقفول ليه !
ملك بدموع: احنا مش فاهمين ! ليه معرفتناش! دي مخلتناش ناخد فرصه نودعها حتي !
ليلي: ازاي يجيلها قلب تعمل كده ! انا مش مصدقه
فاطمه: الله واعلم بظروفهم هدي كلمتني فالموبايل وهما ماشيين و عرفتني انا كمان مكنتش اعرف و زي زيكم لكن انا بفكر بعقل و حكمه و بتمني ليهم حياة كويسة مدام هيتجمعوا سوا ولا نسيتوا جميلة كانت مفقتده والدها قد اي!
” إياد كان رافض كل كلمه بتتقال وقام عشان يمشي يوسف مسكه”
– اياد استني !
” اياد زقه بعيد عنه بقوة و خرج من البيت ”
فاطمه: سيبه يا يوسف سيبه
” يوسف قعد و حضن ليلي و طبطب عليها ”
” و مليكة طبطبت على ملك ”
***********************************
صلي على محمد
باك #
|| في مستشفي في ألمانيا | 2024 ||
– جميلة! قومي بابا هنا
فتحت عيوني: بابا
ابتسم وباس دماغي: جيت اطمن عليكي يا روح قلبي
– وحشتني اوي يا بابا
= وانتي كمان الدكتور طمني عليكي يا جوجو انا فخور بيكي يا حببتي
– هفضل كويسة طول ما احنا سوا وانت بتيجي تزورني
هدي حطت الأكل: معاد الأكل يا ستي
– ياما نفسي اكل رغيف حواواشي
= بتقولي حاجه يا جوجو
– ابدا يا حببتي تسلمي.
**********************************
( إِلاَّ تَنصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنَّ اللَّهَ مَعَنَا فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُواْ السُّفْلَى وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيمٌ ) سورة التوبة.
|| في مصر | بالتحديد ف بيت يوسف ||
– واد يا اياد انت هتفضل مربي دقنك دي يع !
ضحك: انت هتعمل زي كريم ؟ معنديش وقت احلق يعم الشغل مطلع عيني بالجملة
= طب هو فين كيمو اصلا؟!
– فالمدرسه يابني ساعه و هاروح اجيبه انا وانت
“ليلي دخلت هي و حوريه”
حورية: ازيك يا اياد و كريم عامل اي
– كويسين الحمدلله
يوسف لبس الجاكيت: يلا بينا ننزل بقا
= يلا يا نجم سلام يا ليلي سلام يا طنط
************************************
( سبحان الله و بحمده سبحان الله العظيم )
– يعني انتي مش هتتكلمي معايا يا مليكة! يابنتي انا
عملت لك اي ردي عليا !
= بطلي قر*ف بقي انا مش طيقاكي !
– انتي بتردي عليا كده ازاي انا اختك الكبيرة !
= مش عاجبك متتعامليش معايا احسن ! اية الهم ده
– كل ده عشان ماما ! طب هي بتتخانق معاكي انا مالي ! ده انا حتي بدافع عنك !
= شكرا مش محتاجه دفعاك و لا دور الغلبانه ده هياكل معايا و لتاني مره ملكيش دعوة بيا
بصتلها بدموع: يعني الكلام الى سمعته منك لصحبتك مكنش كدب ولا كان كلام ف لحظه غضب !
– كلام اي ده ؟
= كلامك فالموبايل من فترة عن قد اي بتكرهيني !
– هوا انتي بتتصنتي عليا!
= ده الى هامك !
” سابتها في الاوضة و مردتش عليها و ملك كانت مدايقه و بتعيط. ”
***********************************
|| في ألمانيا | الساعه 12 بليل ||
” كنت ف اوضة المستشفى لوحدي قومت و بصيت للشباك عيوني راحت عالسما و النجوم و القمر و افتكرت اياد وقت لما كنا صغيرين ”
فلاش باك #
– حاسبي يا جميلة تقعي!
= متخفش انا ماشية بالراحه
– وانتي ماشيه رافعه راسك كده ليه
= عشان ببص على السما شكلها جميل
– عاوزين ننزل نلعب حبه!
= تؤ اتفرج معايا
– اتفرج على اي لاء يلا نلعب
= يا دودا اصبر طب تعرف انا لما اكبر هطلع فوق
– عند ربنا! هتمو*تي!
= لاء يابني! هطلع السما و اروح عند القمر
# باك
” ضحكت لما افتكرت الموقف ده بينا و قعدت افكر ف اياد كتير و مكنتش عارفه انام كان نفسي اقوله كل حاجه و كان نفسي يعرف انوه غصب عني! ”
************************************
|| في مصر | في المدرسة ||
– اي يا كيمو عامل اي فالمدرسه شكلك مفرهد ليه
= انا مش مفرهد انا زعلان
– واي مزعلك ؟!
= انا فاضلي اربع سور فالقرآن و ابقي ختمتة لأول مره!
حضنه بفرحه: ايوه يا بطل عاش و دي حاجه تزعل؟؟
اتكلم كريم من غير ما يبصله: انا كنت عايز جميله تكون هنا معانا عشان اقولها!
اياد بصله:..
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية ذكريات طفولتي)
