رواية لعنة سلطان الحلقة الأولى بقلم أحمد عبدالله
 |
| رواية لعنة سلطان الحلقة الأولى بقلم أحمد عبدالله |
رواية لعنة سلطان الحلقة الأولى بقلم أحمد عبدالله
” بداية الملحمة”
حلقة ” 1 “
……………………………..قراءة ممتعة
” ….. واحدآ تلو الاخر تم ……لم يبقى أحد “
إجاثا كرستي
.
سلطانة : أقفلت اخر صفحة من الرواية و هذه المرة المليون التى أقراءها ، و كل مرة دموعي تصبح في عيني ، و أشتياقي يزداد ، مرت 25 سنة و أنا وحيدة ، كئيبة ، الفرحة فارقت وجهي
منذ أن هاجر أخواني و تركوني وحدى
عندما هاجر كل أولاد سلطان و جعلوا بيت أباهم فارغآ ،
فارغآ 25 سنة لم يفكر أحدآ يومآ أن يراه او حتي يلقي عليه التحية من بعيد . ها أنا اليوم أنتظرهم و أنتظر لقائهم هم و
” أحفاد سلطان “
……………………
☁️ مدينة ” الزهرة الليبية “
” لبست و طلعت من الحوش
عمتي : بري شوفي عيلة امك في طرابلس ما بعتولك رسالة الا انهم نفسهم يشوفوك ، شوفي قصر جدك سلطان
حياة : ان شاء الله سلام يا عمتي
عمتي : سلام يا بنتي
، ركبت السيارة “
( قعدت نبتسملها و طلعت )
أنا ” حياة فايز علام ” دكتورة عيون و أشتغل في مدينة الزهرة ، يتيمة الاب و مؤخرآ الام ، عايشة مع عمتي ، وصلتني رسالة من فترة تقول أن خالتي حابة تشوفني و أمر ضروري يخص جدى سلطان الكبير في طرابلس ” الحقيقة عمري كله نسمع ان جدى سلطان الكبير لكن عمري ما شفته و لا شفت خالتي و لا خوالي ، مش عارفة هل نفرح اني حنشوف عيلة أمي او نزعل ، نضرة عمتي و انا طالعة من بيتها و تفكيرها كله اني حنجي و نجيب معاي الملايين تضحك و في نفس توجع ، الحقيقة قصة جدى سلطان الكبير حكتهالي قبل أمي و قاعدة نتذكرها
✨ جدي سلطان كان أكبر تاجر مجوهرات في ليبيا ، تاجر كبير في هذا المجال و صانع أسم فيه ، عنده 6 أبناء ، 3 أولاد و 3 بنات ، فاضل الكبير و محمود و خيري و نهى أمي و سعاد و أخر العنقود سلطانة ، فجاء و بعد وفاة زوجته تبدا حالة سلطان تتدهور و قالت لى أمي أن كل أولاده تخلوا عنه و كل واحد أخد جزء من الثروة و سافر بيها و كون نفسه بعيد عن التاني ، حتي من سعاد تزوجت و سافرت ، الا نهى و سلطانة بناته الاتنين ، و بعد سنتين تزوجت نهى بوى و لكن للاسف بعد المسافة كانت كبيرة و بوى كان مانع أمي من الزيارة حتي ،
قعدت سلطانة هي الوحيدة مع بوها و راعاته ، المجوهرات كلها تباعت ، الفلوس كلها تفرقت ، اسم سلطان نزل و السبب الوحيد هو ” أولاده “
عدت الايام و مات سلطان و ماكانش في حد غير ” سلطانة ” عدت الشهور و السنين و ها هيا اليوم بعد 25 سنة قررت انها تبعت عشان ترجع تلم شمل العيلة …………….” عيلة سلطان ” يلي كانت سبب في قتل ” سلطان “
.
???? مطار طرابلس الدولي
” هبوط طيارة مصر “
………………………….” وصول ( فاضل الابن الاكبر لسلطان و عنده ولدين )
فاضل : هي أنت و ياها
أيوب : أقسم بالله تعبت ، انا قتلك المفروض مشيتي انتي و بوك و خلاص ليش أني جاي بس
سلمى : بتسكت و لا شن قصتك أنت خلاص عاد
فاضل : يعنى حبكت تتعبوا لما حنشوفوا اولاد خوتي
ايوب : ما نبيش نشوفوهم
سلمي : ????
” تلفت فاضل و مشي “
سلمي : سكر فمك ، الراجل فرحان ان جي لخوته و انت تلقح عيب عاد تحشم
ايوب : 25 سنة ناسيهم توا كيف تذكرهم
سلمى : خلاص عاد هي يومين و حنرجعوا ، أعتبرها تغيير جو شن هذا
فاضل : تي هيا
( مشو يجروا )
.
???? مطار طرابلس الدولي
” هبوط طيارة تونس “
………………………………..( وصول سعاد و ولدها )
سعاد : هي يا أسلام
أسلام : و النبي أخطيني
سعاد : بسرعة برا شوفلنا سيارة تعبت
أسلام : نبي نخش الحمام ضروري
سعاد : توا وقته
اسلام : ايه وقته
سعاد : باهي برا يا ولدي ما تعطلش
” مشي للحمام “
” وصل خش طلع الحبوب ???? “
.
???? مطار طرابلس الدولي
” هبوط طيارة تركيا “
…………………………….” وصول محمود و بنته رويدة “
محمود : شن رايك يا رويدة في ليبيا
رويدة : ????
محمود : ???? خيرك حبيبتي
رويدة : نو نو ليبيا حلوة
محمود : اها ???? انا فرحان و اللهي انك حتشوفي العيلة كلها ياريت أمك عايشة راهو شافت اللحظة هادي
رويدة : بابا رجليا وجعوني بليز اقرب سيارة بسرعة
محمود : احم ???? حاضر
رويدة : بابا
محمود : نعم حبيبتي
رويدة : هو فيه كافي بريك اهنى
محمود : ????
رويدة : الواضح ان ما فيش ???? اطلب السيارة بليز . اني شوية و جاية
.
???? مطار طرابلس الدولي
” هبوط طائرة الجزائر “
……………………………..( وصول خيري و أبنه ياسين )
خيري : الله علي جو و جمال ليبيا
ياسين : ايه و الله صدقت
خيري : انا فرحان يا ولدي ان جت اللحظة يلي حنشوف فيها حوش بوي و خوتي من جديد
ياسين : و انا فرحان معاك و اللهي
خيري : و الفرحة اني جاية و معاي ولدي و هذه حتي في الحلم ما كنتش نتخيلها
ياسين : ربي يخليك يارب
خيري : شوية و توصل السيارة يلي بتوصلنا
ياسين : باهي تمام اني حنمشي للكافي و جاي
خيري : تمام
” تلفت ياسين و مشي للكافي تبع المطار “
ياسين : قهوة سادة لو سمحت
الڤرسون : حاضر يا فندم
” فجاء يسمع في صوت بنت وراه “
” تلفت “
رويدة : استكيوز مى
ياسين : ????????
الڤرسون : تفضلي يا هانم
رويدة : بليز عندك ستار بوكس
الڤرسون : ????
رويدة : طيب عندك كافي بريك
الڤرسون : ????
رويدة : طيب مياة
الڤرسون : ????
رويدة : طيب عندك اي شي ينشرب
الڤرسون : ????
رويدة : اداب يوك
” تلفتت و مشت “
الناس : ???? ????
ياسين : ” أبتسم” لو سمحت واحدة قهوة سادة تانية
الڤرسون : حاضر
…………………..
” خدي القهوة و لقاها واقفة معصبة “
” مد القهوة “
رويدة : شنو هذا
ياسين : تفضلي هذه قهوة
رويدة : كافي بريك ????
ياسين : لا قهوة سادة
رويدة : نو ميرسي
ياسين : شدى معاها سكر زيديها لو حابة
رويدة : نو ميرسي
” تلفتت و مشت “
” شد ايدها “
رويدة : ????
ياسين : عندنا في ليبيا عيب تردى حاجة حد اعطاهالك
رويدة : افففف
” شدت الطاسة “
” و مشت “
ياسين : ???? مهبولة ????
.
” طلعت لقت محمود واقف “
محمود : وين مشيتي يا رويدة
رويدة : شد
محمود : شن هذه
رويدة : واحد مختل اعطاني قهوة سادة ، اشربها
محمود : ????
رويدة : هو أحني مطولين في الوقفة هكي و لا شن
محمود : قريب توصل السيارة
………….
” طلع اسلام من الحمام “
” مشي يدور في أمه “
( لقاها راقدة علي واحدة من الكراسي )
اسلام : يما يما
سعاد : هذا كله في الحمام يا ولدي
اسلام : هي نوضي جت السيارة
سعاد : هي
.
???? ” بيت سلطان “
” مقعمزة و تتفرج علي الجريدة ⛲️ “
” و تشوف للساعة و تذكر “
قبل 25 سنة ………????
سلطان : دوري علي خوتك يا سلطانة
سلطانة : أنا حندور عليهم و لا هما حيدوروا عليا
سلطان : دوري عليهم يا سلطانة و أعطيهم حقهم يا بنتي
سلطانة : ???? هادم ما يستاهلوش حقهم أبداً
سلطان : أعطيهم يا سلطانة أعطيهم
” بدت أيده تخف “
سلطانة : انت معاي سادني
سلطان : أني بنموت يا سلطانة ، ما ليك الا خوتك ، أعطيهم حقهم أعطيهم
” طاح راسه “
سلطانة : بابا يا باااابااااااااا يا بوي باباااااااااااااااااا
????
” واقفة و دموعها تنزل “
” فجاء شافت سيارة دخلت لحديقة القصر “
سلطانة : ❤️
” فتح إسماعيل الباب “
إسماعيل : يا هانم وصلت أول سيارة
” تلفتت و فرحة في عيونها “
سلطانة : ???? أخيرآ
” طلعت من باب الدار و نزلت من الدروج “
” وصلت للصالة “
” وقفت و الصدمة في عيونها “
” خش فاضل و أولاده “
….
سلطانة : ????فاضل
” قرب عليها و مصدوم “
فاضل : سلطانة
” نقزت عليه و أضبطاته و الدموع في عيونها “
” تبوس فيه و الدموع في عيونها “
فاضل : كبرتي يا سلطانة
سلطانة : الله اسمي من صوتك فاضل محلاه
( تلفت )
فاضل : تعال يا أيوب و قربي يا سلمي
التلاتة : ????
سلطانة : من هادم
فاضل : ولادي
سلطانة : ما شاء الله ما شاء الله
” قربت عليهم و بدت تبوس فيهم “
سلطانة : تفضلوا تفضلوا يا اسماعيل تعالا خود الشناطي
خشو خشو
فاضل ” يفرج علي الحوش ” نفسه بزبط
.
???? وصلت سيارة تانية
محمود : هيا يا رويدة
رويدة : وصلنا
محمود : وصلنا
” نزلت “
رويدة : اه يا ضهري اه ، هذا الحوش
محمود : ???? هذا الحوش
رويدة : اوكي
” وخرت و بدت تنادي “
رويدة :يا بڤم بڤم
محمود : اسكتي نقصي صوتك
رويدة : انادي في البڤم
محمود : اسمه الشغال و انادوه بصوت واطي
رويدة : اوكي
” فتح اسماعيل الباب “
اسماعيل : يا هانم وصلت السيارة التانية
سلطانة : ????
” طلعت “
” وقفت بحدا الباب “
محمود : سلطانة
سلطانة : محمود
” نزلت تجري من الدروج و أضبتاطه “
محمود : ليك وحشة يا أختي
” باساته “
” جت رويدة “
رويدة : هاي
سلطانة : من الغزالة هادي
محمود: رويدة بنتي
سلطانة : يا ما شاء الله ، يا ما شاء الله
” شدت وريدة و بدت تبوس فيها “
سلطانة : تفضلوا تفضلوا
” ركب محمود “
” طلع أسماعيل للسيارة “
رويدة : انت البڤم صح
اسماعيل : ????
رويدة : الشغال يعني
اسماعيل : هز براسه
رويدة : اوكي دخل الشناطي و بشوية
اسماعيل : حاضر
…..
” خش محمود و حط عينه في عين خوه فاضل “
” تضبطوا بعض و بدت الدموع تنزل “
” خشت رويدة “
رويدة : هاي
” شاف ايوب لسلمى “
سلمي : هاي
ايوب : انتي بنت عمي محمود
رويدة : يس
ايوب : اهلا اهلا
سلمي : انا سلمي بنت عمك فاضل
رويدة : اها حلو
” لقت كرسي الصالون قعمزت عليه “
سلمي : ????
ايوب : ????
محمود : شوف رويدة بنتي يا فاضل
رويدة : ????
فاضل : ما شاء الله ما شاء الله
” مشي يسلم عليها ناضت سلمت عليه و قعمزت “
……..
???? وصلت السيارة التالتة
نزل خيري و الدموع في عيونه
” الله علي حوش بوي “
ياسين : خلاص يا بوي اهو الحلم صار حقيقة
” فتح أسماعيل الباب “
أسماعيل : السيارة التلاتة وصلت يا هانم
” طلعت “
خيري : ???? سلطانة
سلطانة : خيررررييييي
” نزلت تجري “
” تضبطوا بعض “
خيري : ليك وحشة يا سلطانة
سلطانة : اه يا خيري اه
” باس علي راسها “
” تلفت “
خيري : تعالا يا ياسين قرب سلم علي عمتك
” قرب ياسين “
سلطانة : ما شاء الله ما شاء الله ❤️
” سلم عليها “
سلطانة : تفضلوا تفضلوا
” ركبوا للدروج و خشوا “
” وقفوا فاضل و محمود يستقبلوا في خوهم خيري “
( خش و بدي فيها الاحضان و الدموع و التسليم )
” خش ياسين “
” رويدة حاطة وجهها علي التليفون “
” سلم علي الكل “
” وصل لعند رويدة “
محمود : و هذه بنت عمك رويدة يا ياسين
” قامت عينها “
رويدة : اهلين ????
ياسين : كافي بريك صار ????
رويدة : احم احم ????
………………….
???? وصلت السيارة الرابعة
سعاد : تعالا يا اسلام ساعدني في لنزول
اسلام : هي
” سند أمه و نزلت من السيارة “
اسلام : هذا حوش بوك يا أمي و لا خرفتي
سعاد : يا قليل التربية ، شن بننسا حوش بوك
اسلام : متاكدة
” فتح الباب اسماعيل “
اسماعيل : السيارة الرابعة وصلت
” طلعت سلطانة تجري “
سعاد : اختي سلطانة اختي سلطانة
” نزلت و الدموع في عيونها “
سلطانة : سعاد حبيبتي
” اضبتطها و سعاد تبكي “
سعاد : يا سلطانة قداش فقدتك يا سلطانة
” اضبتطها و باساتها “
سلطانة : من الغزال هذا ولدك
سعاد : اسلام ولدي
سلطانة : ما شاء الله
” سلمت عليه و دخلتهم “
…..
” ناضوا فاضل و محمود و خيري و يضبطوا في سعاد و يبكوا “
” خش اسلام و سلم علي الكل “
……..
فاضل : و بهذا تجمعت العيلة كلها
سلطانة : مزال نهى
………..
☁️ حياة في السيارة
“وصل للمكان “
السواق : هي شنى يا اختي وين نمشي
حياة : ???? اها هو وصلنا
السواق : هذه المنطقة يلي قلتيلي عليها ، توا وين نمشي
حياة : استنا نسالوا اي حد هنى
السواق : تمام ادفعيلي حقي و أنزلي دوري بروحك
حياة : ????
” دفعت و نزلت و في ايدي شنطتي “
………
محمود : انتي بعتي رسالة لنهى
سلطانة : ايه بعتلها
فاضل : هي وين مسافرة
سلطانة : سمعت انها في الزهرة
خيري : تأكدتي ان وصلتها
سلطانة : مش عارفة مش عارفة
…….
” طق الباب “
” فتح اسماعيل “
حياة : السلام عليكم هذا حوش سلطان الكبير
” تلفت “
اسماعيل : السيارة الخامسة وصلت
الكل : ????
سلطانة : ???? نهى وصلت
” مشت للباب “
حياة : اهلا انا حياة
سلطانة : بنت نهى صح
حياة : صح
سلطانة : ???? اهلا يا بنتي
” طلعت سلطانة راسها يمين يسار “
سلطانة : هي وين نهى
حياة : ????????
سلطانة : وين يا بنتي
حياة : أمى تعيشي أنتي
سلطانة : ???? نهىىىىىىىىىىىىى ????
” ناضوا يجروا “
سلطانة : نهى ماتت نهى ماتتت ????
الكل : لا اله الا الله
لا اله الا الله
” طاحت سلطانة “
” قاموها و شربوها أمية و سكر “
…
فاضل : تفضلي يا بنتي
سعاد : تفضلي تفضلي
حياة : شكرا
” خش و هي مصدومة “
فاضل : انا خالك فاضل
حياة : اهلا
محمود : و انا خالك محمود
حياة : ☺️
خيري : و انا خالك خيري
حياة : اهلا
سعاد : و انا خالتك سعاد
حياة : اهلا
…
أيوب و سلمي : اهلا أحني ولاد خالك فاضل
حياة : اهلا
اسلام : و انا ولد خالتك سعاد
حياة : تشرفت
ياسين : اهلا و انا ياسين ولد خالك خيري
حياة : اهلا
.
رويدة : هاى
حياة : و انتي منى
رويدة : بنت يلي فاضل فيهم محمود
حياة : اهلا ????
.
” ركب أسماعيل سلطانة لدارها بعد الدوخة “
أسماعيل : كلهم يسالوا عليك يبو يركبوا
سلطانة : لا يا أسماعيل انا كويسة شوية و حننزل ، حط العشي
اسماعيل : حاضر يا هانم
” طلع أسماعيل “
.
” نزل اسماعيل “
خيري : كيف حالها سلطانة
اسماعيل : سلطانة هانم كويسة شوية و نازلة
الكل : الحمد الله
سعاد : كانت حابة تلمنا كلنا لكن ساعة نهى كانت قبلنا
الكل : الله يرحمها
فاضل : انتي يا بنتي عايشة مع بوك
حياة : لا انا بوي توفي قبلها
محمود : و توا وين عايشة
حياة : مع عمتي
سعاد : تشتغلي يا بنتي
حياة : انا دكتورة
سعاد : ما شاء الله
فاضل : نهى من يومها تحب العلم
محمود : ربي يحفظك يا بنتي
خيري : حتي ياسين دكتور
حياة : دكتور شني
ياسين : انا دكتور عظام و انتي
حياة : دكتورة عيون
فاضل : ربي يحفظكم و يحميكم هذا الجيل يلي يشرف و انت يا محمود بنتك شن تخدم
محمود : اه
رويدة : انا تخصصي مترجمة 3 لغات تركية و انجليزية و اسبانية و انت شن تخصص ولادك
سلمى : انا تخصصي علم نفس
ايوب : و انا منسق شركات
خيري : كلكم يرتفع فيكم الراس و الله و انت يا أسلام
سعاد : ????????
اسلام : اني
خيري : ايه انت
اسلام : الحق ما كملتش القرايا و وقفت في التانوية
رويدة : ????
خيري : ليش يا ولدي
اسلام : ضروف ضروف
……
” نزلت سلطانة “
سلطانة : انستوا حوش بوكم من جديد
الكل : الله يأنسك
سلطانة : سفرة العشي واتية تفضلوا
” ناضوا الكل و قعمزوا “
ياسين : حياة
حياة : نعم
ياسين : ممكن نقعمز جنبك
حياة : تفضل
ياسين : شكرا
…
سلطانة : السفرة كانت فيها 8 كراسي احني 6 و بوي و أمي 2 توا ولينا 12 ماشاء الله
فاضل : الله يخليك يا سلطانة انك لميتينا تاني
سلطانة : انا طول عمري نحاول اني نلمكم و ندور عليكم . الخطاء مش منى يا فاضل الخطاء منكم
الخوت : ????
سلطانة : ما علينا يلي فات مات تفضلوا مدو أيديكم
” بدو ياكلوا “
” و سلطانة تتفرج عليهم ???? “
..
” كملوا العشى “
” قعمزوا في جردينة الحوش كلهم “
” و يشربوا في القهوة و يهدرزوا “
سلطانة : اني ماشية شوي و جاية
محمود : خودي راحتك يا غالية
” ناضت سلطانة “
( ركبت لدارها )
.
” و كلهم يهدرزوا “
” رويدة تشوف لياسين “
سلمي : قوليلي يا رويدة يعني لو نقولك علميني اسباني تعلميني
رويدة : لا طبعآ حبيبتي
سلمي : ????
رويدة : انتي عارفة اننا جايين زيارة و التعليم هذا يبي وقت
سلمي : اها صح صح
” تلفتت دعمتها سعاد “
سلمي : خيرها بنت عمي محمود هكي
سعاد : ????????♀️
……
أيوب : انا من الحق نشجع في الريال
اسلام : اخر فترة بدو ينزلوا الحق
ايوب : من اي ناحية قصدك
……
فاروق : شركات الاستراد عندي فيهم هلبا محاولات فاشلة
محمود : اختيار الشركة السليمة حيخليك تتخطي مخاوف الخساير
خيري : طبعا و تكون أضمن
……
حياة : الحق اني كنت نحب المجال يلي خشيته
ياسين : حتي انا زيك بزبط
حياة : محلاه الحوش يجنن
ياسين : هذا قصر ، سرايا ، اي شي غير الحوش
حياة : ايه
ياسين : هي عمتي وين مشت
حياة : الله اعلم ، شوية و ترجع تنزل
………
???? سلطانة في الدار
” فتحت الدولاب و طلعت ورقة ???? سلطان “
” أيدها ترعش و خايفة “
( فتحت الباب و نزلت )
” وصلت ليهم و هما يهدرزوا “
سلطانة : لو سمحتوا نبيكم في موضوع مهم في الصالة
الكل : ????????
” ناضوا كلهم و مشو لصالة و كل واحد قعمز في كرسي “
..
فاضل : شن فيه يا شهيرة
محمود : قولي يا أختي
خيري : فضفضي
سعاد : قولي يا سلطانة
.
سلطانة : انا اليوم أسعد يوم في حياتي و هو أن العيلة كلها تجمعت بعد 25 سنة ، تجمعنا و احنا رجل في الدنيا و رجل في القبر ، تجمعنا و احنا ما عندناش اي مشاعر ناحية بعض ، 25 سنة و انا ندور عليهم ، الحقيقة كنت كارهتكم كنت دائما لايما عليكم ، و نقول ان السبب هو منكم ، لكن سبب اني 25 سنة ندور عليهم كانت ثروة سلطان
الكل : ???? اي ثروة
سلطانة : ثروة سلطان بوكم
فاضل : ثروة بوي نصرفت و خدينا حقنا
” تلفتت و طلعت الورقة “
( و حطتها فرق الطاولة )
سلطانة : هذه ثروة بوكم و ثروة كبيرة هلبا ، الثروة هادي عرفتها بعد ما كل واحد فيكم قرر مصيره للهجرة و دار يلي في راسه
يوم وفاة بوي عرفت هذه الثروة و وصاني اني نعطيكم كلكم حقكم ،
????
سلطانة : الحقيقة بعد ما مات فكرت اني ما نعطيكمش اي مليم من الثروة بسبب يلي درتوه لكن بعدين غيرت رائي
فاضل : طول عمرك اصيلة
سعاد : و يلي فات مات يا سلطانة
محمود : و عمره الدم ما يولي أمية
سلطانة : غيرت رائي مش لاني سامحتكم غيرت رائي لان الفلوس ملعونة ????
فاضل : شن قصدك
رويدة : كيف ملعونة
سعاد : شن قصدك يا سلطانة
سلطانة : الحكاية بدت بعد موت بوي سلطان بيوم و يوم ما استلمت أوراق الثروة في أيدي ، كان الوضع عادي و تزوجت و بعد فترة قرر زوجي ان يطلع الثروة من البنك و من اهني بدت الكارتة
اول يوم تكون الفلوس في حوشي كان أخر يوم لزوجي ، زوجي نحرق و مقدرتش نطفيه ابدا ، نحرق من غير اي سبب ، و مش بس هكي ، انا يوم ما خديت الفلوس و دسيتها مرضت و مشيت للمستشفي و قالولي ان عندي ورم في الرحم و حلمي في الامومة أختفى ، مش بس هكي لما قررت اني مش حنصرف الفلوس عليا و حنعطي للشغالات مرتبهم في الفلوس ، و للاسف كل ما نعطي لشغالة من الفلوس معش ترجع تاني ، يا تموت يا معش نلقاها ، قررت في أخر المطاف اني نسلم في الثروة لحد و بلفعل عطيتها لشخص اسمه خالد و تبرعتله بيهم لاني مليت منهم و للاسف بعد 3 ايام كان واقف جنب الباب و معاه الفلوس بعد ما ماتت كل عيلته اول ما دخل الفلوس لحوشه ، و من لما جوني الفلوس و انا ندور عليكم و كل ما نلقى حد يختفي التاني و ها انا اليوم قدرت نجمعكم بعد 25سنة باش نقوللكم ان عندى ثروة و مش عارفة كيف نتصرف فيها و نبي حل منكم
” الكل يشوف لتاني “
فاضل : و اللهي ما عارف يا اختي بس هيا كم الثروة يعني
سلطانة : كل حد نصيبه من الثروة 15 مليون دينار كل حد حتي من ولادكم
الكل : ????
سعاد : لدرجة هادي كبيرة
سلطانة : اكبر من تخليك
محمود : باهي انتي حتقسمي عليا
سلطانة : لا طبعا هذه ملعونة لازم نحرقها كلنا او حنموتوا
رويدة : ????
سعاد : شني
فاضل : صلي علي النبي يا سلطانة
سلطانة : عليه افضل الصلاة و السلام
فاضل : يلي صار معاك يا سلطانة موت زوجك و مرضك و كل يلي صار هو قضاء و قدر فقط
محمود : و يلي تقولي فيه هذا كفر
رويدة : لازم تفكري يا عمتي و تنحي الوسواس من راسك
سعاد : هذا الصح يا سلطانة هذا وسواس
سلمي : الحاجات هذه مستحيل تكون من الفلوس يا عمتي
اسلام : هذا خيالك يا خالتي
.
سلطانة : يعني قررتوا انكم تاخدوا حتي بعد ما حذرتكم
الكل سكت
سلطانة : الواضح انكم مش مصدقين ، حتي انا كنت زيكم بس بعدين تأكدت
حياة : انا مصدقاتك و مش حناخد
الكل : ????????
رويدة : ????
سلطانة : قررتوا انكم حتاخدوا
الكل ساكت
سلطانة : الاجابة وصلت ???? العدد الاكبر حياخد ، انا مش حنعطي الا ما الكل يوافق فهذه الحالة حنعطيكم الثروة لكن ديما تذكروا اني حذرتكم من ???? لعنة سلطان ???? و حتقتلكم واحد واحد ☝???? اللهم بلغت اللهم فشهد
” تلفتت و مشت “
الكل : ????????????
……………………………..يتبع
احدات و كوارت و جرائم في الطريق و لغز يخفيه القصر كبير ، حنشوفوا كل شخصية و شن أبعادها ، و هل حياخدوا الثروة و شن أحدات الحلقة التانية ، و من أول ضحية ???? ؟
دائمآ الحلقة الاولي تكون غير مفهومة او مسرعة و هذا بسبب الدخول في القصة ،نتلاقوا غدوا في تاني حلقة من الرواية ❤️
لقراءة الحلقة الثانية : اضغط هنا
لقراءة باقي حلقات الرواية : اضغط هنا
