رواية جميلتي القوية الفصل الأول 1 بقلم نشوة عادل
رواية جميلتي القوية البارت الأول
رواية جميلتي القوية الجزء الأول
رواية جميلتي القوية الحلقة الأولى
-خير يا فندم حضرتك طلبت تشوفنى ليه؟!
اللواء نعمان: اسمع يا فريد جاتلنا اخبارية متكررة حول خطف الاطفال من مول مشهور جدا الغريب ان الاطفال دى مش بيبان ليها اى اثر كأنهم فص ملح وداب وكل المحاولات فى الوصول ليهم بتكون فاشلة خصوصا ان الشخص اللى بيخطف مش بيبان فى الكاميرات وكأنه بطل خارق ولا من الجان
فريد: تمام يا فندم
نعمان: مهمتك انك تتولى القضية دى بس خلى بالك لازم يكون معاك عنصر نسائى فى المهمة دى
فريد: عنصر نسائى ايه اللى هيكون معايا انا اسف يا فندم هو انا رايح ازغط بط ولا احشى وبعدين انا مبعترفش بأى ظابطة انها تتولى مهمات زى دى حتى لو معايا
نعمان: اسمع يا حضرت الظابط ده قرار نزل واطبق خلاص بسبب منظمات حقوق المرأة والعيون علينا واحنا مش ناقصين اتفضل انزل للادارة النسائية واختار منهم واحدة تكون تحت اشرافك
فريد بتذمر : تحت امرك يا فندم عن اذنك
خرج فريد من مكتب اللواء متجها الى مكتبه الخاص وكان بانتظاره صديق اخر يدعى مينا
مينا: ايه يا ابنى مالك وشك عليه غضب ربنا كده ليه؟
فريد: اللواء نعمان كلفنى بقضية جديدة والمصيبة انه عاوزنى اضم ظابطة لفريقى
مينا بضحك: يا جماله دى هطرى ع الاخر حد يكره يا بومة
فريد بغضب: ما تحترم نفسك يا جدع انت والا قسما بالله اكلم انسة ماريان واخليها هى اللى تتعامل معاك
مينا: لا لا لا عيب ده انا حبيبك كده هتسلمنى تسليم اهالى
فريد بضحك: هى مربيالك الرعب يا ابنى ما تسترجل كده
مينا: ده عليها لوية بوز تقفل الابواب المفتوحة ربنا ما يوريك … سيبنا من مارى دلوقتى وقولى هتختار مين؟.
فريد: هجمع كل ملفات الظابطات واشوف الاكفأ فيهم اكيد واللى هختارها هختبرها فى كام مهمة لحد ما تأكد انها ع اتم الاستعداد
مينا: ربنا ما يحكمك على ولايا والله انا ماشى
فريد: ع فين ؟!
مينا: خلصت شغلى ووعدت مارى انى اخرجها النهاردة يالا سلام
خرج مينا من المكتب اما فريد فضرب الجرس ودخل له العسكرى همام: اوامرك يا باشا
فريد: عايزك تنزل الارشيف وتجمعلى كل ملفات ظابطات الادارة اللى برتبة ملازم اول القدام والمستجدين
همام: حاضر يا باشا
نزل همام وجمع الملفات واحضرهم لفريد اللى كان بيضرب كف ع كف مفيش ولا واحدة فيهم تصلح لحد ما وقع عينه ع ملف لظابطة مستجدة ولكن ملفها كان قوى خصوصا انها اشتركت فى عملية ضبط واحدة من اكبر شبكات الاداب فقرر انها تكون اختباره الاول نزل الى الادارة
فريد: صباح الخير
الظابطات: صباح النور يا فندم
فريد: فين الظابط ليلى ابو المجد ؟
ملازم وفاء: فى ملعب ضرب النار يا فندم
فريد : تمام
اتجه فريد لمكان ضرب النار ورأى فتاة تقف بثبات ممسكة بالسلاح وتصوب بمهارة شديدة ولم تخطئ التصويب
فريد: هايل جدا
نظرت له ليلى متفاجئة: مين حضرتك؟
فريد: انا المقدم فريد عزت
قدمت له التحية وقالت: تحت امرك يا باشا
فريد:البسى الزى بتاعك وهاتى سلاحك وحصلينى ع مكتبى
ليلى: حاضر
بمجرد ان غادر فريد اخذت ليلى تنط بفرح واخيرا جاءت لها الفرصة لتثبت كفاءتها ارتدت زيها واخذت سلاحها وطلعت الى مكتبه
ليلى: خير يا فندم
فريد اعطى لها ملف به اسماء وصور لبعض الاشخاص: دول من اكبر تجار العملة فى البلد بس محدش يقدر يوقعهم ابدا وفيه اخبارية جاتلنا انهم هيكونوا موجودين فى مطعم(….) النهاردة وهيتبادلوا العملة هناك مهمتك القبض عليهم
ليلى بتساؤل: ايوة بس حضرتك المفروض المهمة دى تكون تحت اشراف ظابط ع الاقل برتبة رائد
فريد: ما انا عارف انا اللى هكون معاكى بس انا معنديش خطة هسيبك انتى تاخدى فرصتك وتورينى هتعملى ايه ؟!
فهمت ليلى من كلامه انه بيختبرها فتكلمت بقوة: الميعاد امتى؟
فريد: النهاردة الساعة ٨
ليلى : تمام
فى المساء وصل فريد الى المطعم قبل ليلى فظل يراقب الترابيزة اللى عليها تجار العملة من بعيد الى ان وجد فتاة تجلس امامه وكانت ليلى ووووووو …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية جميلتي القوية)
