رواية إسراء الفصل الثاني 2 بقلم إسراء بكار

رواية إسراء البارت الثاني

رواية إسراء الجزء الثاني

رواية إسراء الحلقة الثانية

الدكتور بيقول ف سره هي بتسمع الأفكار دي ولا اي
إسراء سمعت فعلا افكار الدكتور للمره الثانيه
إسراء : انا سمعت حضرتك يادكتور بتقول علاج مستورد
الدكتور بقلق شديد : اه بقول الحمد الله العلاج المستورد جاب نتيجه
إسراء : مهو لازم يجيب نتيجه طبعا يادكتور عشان مستورد وعشان حضرتك طبعا دكتور شاطر
الدكتور ف سره الله يخربيتك بحسبك بتسمعي الأفكار وقفتي قلبي يابنت الكـ لب
إسراء بغضب لم تظهره : يلا يامحمد نمشي عشان الحق اشوف المصنع بتاعك
______________________________________
ف مكان اخر
ف كافيه ف وسط البلد
اسماء صحبت إسراء : اي ياخالد ياحبيبي
خالد : اي ياسومه ياحبيبت قلبي
اسماء : مش هنعمل المشروع بقا عده 7 شهور اهو وهي لسه زي ماهي
خالد : يابنتي انا مش عارف ازاي دي عاشت لو كانت ماتت كان هيبقا احسن
اسماء : مانت اللي كونت حنين اوي وانت بتخبطها بالعربيه شكلها كانت صعبانه عليك
خالد : وطي صوتك هتفضحينا
أسماء : وطينا صوتنا اهو وبص بقا يابن الناس لو مش هتعمل المشروع اللي قولت عليه واكون شريكتك ف المشروع دا يبقا تديني نص الفلوس اللي خدتها منها ويادار مادخلك شر
خالد : يعني اي الكلام دا ياحلوه
اسماء : يعني زي ماسمعت انا مش كل لما ابقا عاوزاك تتهرب مني وبالعافية لما بشوف خلقتك
خالد : وانا اعملك اي يعني مانا مشغول ف موضوع المشروع دا
اسماء : بلا كلام خايب ياحبيبي انا بقا مش عاوزه المشروع دا وعاوزه فلوسي بدل وربنا اقول ل محمد اخو إسراء وانت عارف بقا اللي هيحصل
خالد : لا لا خلاص وع اي يعني كل دا حتى داانا بقول حبيتك وانتي احسن م…….
اسماء : بس بس انتي فكرني هتثبت ولا اي لا ياحبيبي فكك من الدور دا عشان انا دلوقتي فهمتك صح وصح الصح كمان
خالد : تمام تمام اوي من عنيا ياسومه فلوسك هتكون عندك ف خلال شهر
اسماء بصوت عالي : شهر مين يابو شهر دانا افضحك هنا اخرك اسبوع
خالد : حاضر حاضر خلاص اسبوع
______________________________________
( عند إسراء و محمد )
محمد واسراء نزلو من عند الدكتور ومشيو بالعربيه
وف الطريق محمد بيسأل إسراء
محمد : مالك يااسراء تصرفاتك كانت غريبه فوق عند الدكتور
إسراء : لا مافيش حاجه يامحمد تعبانه شويه
محمد : الف سلامه عليكي يا روحي طب نروح عشان ترتاحي
إسراء بحماس : لا لا انا بقيت احسن
محمد ف سره اقطع دراعي انك ف حاجه ومش عاوزه تقوليها اختي وانا حافظها
إسراء بضحكة صوتها عالي : ههههههه هههههه ههههههه وتقطع دراعك ليه ياقلب اختك
محمد داس ع الفرامل مره واحده من الصدمه لدرجة ان إسراء اترعبت من زحف عجل العربيه ع الطريق
إسراء بخضه : اي ياعم انت مابتعرفش تسوق بتسوق ليه
محمد : انتي انتي انتي
إسراء : انتي اييييه بقا انا عملتها ع نفسي ياعم
محمد : انتي سمعتيني ازاي وانا بكلم نفسي من غير صوت
إسراء بصوت واطي : مانا عشان كده ياحبيبي نزلت بسرعه من عند الحرامي اللي اسمه عماد
محمد : انا مش فاهم حاجة
إسراء : انا افهمك اتكلم ف سرك وانا افهمك
محمد : طيب حاضر اهو…. اوعي يكون اللي ف بالي بجد
إسراء : هههههههه اه بجد
محمد بخوف : اي دا ازاي
إسراء وهي منشكحه : زي الناس
محمد : طب ماعرفتيش الدكتور ليه
إسراء : دكتور اي دا حرامي ومتجوز السكرتيرا عرفي
محمد بصدمه : يخربيتك عرفتي كل دا ازاي
إسراء : اقولك انا…
_________________
محمد واسراء اتفقوا ان القوه الخارقه دي تكون سر ومحدش يعرف
وكمل محمد طريقه للمصنع ولما وصل المصنع
إسراء انبهرت بحجم المصنع وشكله
إسراء بنبهار و هزار : هو دا المصنع الصغير يامحماااااااا
محمد بضحك : يابنتي انتي بتقلبي فلاحه ليه
إسراء : اصل بصراحة انا مكنتش متخيله ان عندنا كل دا احنا اغنياء يامحماااااااا
محمد وهو بيحاول يكتم ضحكته : وقال ف سره بطلي حسد ياقلبي اتعدلي كده عشان العمال مايعرفوش حاجه عن اللي حصلك سمعاني ولا الخاصيه اتلغت
إسراء بضحك : سمعاك حاضر
وسط مصنع كبير وعمال كتير
دخل محمد واسراء و صعدو الدور الرابع دخلو المكتب إسراء بعد مادخلو ومحدش موجود غيرهم
إسراء : يالهوي يامحماااااااا يالهوي اوع تطلع زي ناصر الدسوقي وشغال ف السلاح والآثار
محمد ف دهشه اخته بدأت تسترجع حاجات من الذاكره
محمد : واي كمان كملي
إسراء بغباء : ونبي انا شكه فيك لاني انا من جوايا بقول اني كنت فقيرا
محمد بضحك ع اختو الغبيه : يابت بقا يعني لو انا خاطفك مثلا هقولك اخوكي ليه مانا هقولك جوزك
إسراء : تصدق صح حبيبي يااامين هههههههه
محمد : سيبك بقا من دور المسلسل الاسطورة دا وركزي معايا عشان افهمك الشغل هنا اي وازاي وتحاولي تفتكرى حاجه من اللي هقولها
إسراء : حاضر
محمد فضل يحكي لاسراء عن حياتها وتفاصيل يومها قبل الحادثه وعن اسماء صحبتها ولسه هيفكرها بأنها كانت مخطوبه قبل الحادثه قطع الكلام صوت تخبيط ع الباب
محمد : ادخل
منه السكرتيرة : بعد اذنك يااستاذ محمد الاستاذ
ياسر عاوز يدخل لحضرتك
محمد : تمام خليه يدخل
ياسر صديق محمد وف نفس الوقت شغال محاسب ف الشركه
ياسر : صباح الخير يامدير جاي متأخر النهارده يعني
محمد بضحك : ف اي يابني هو مين اللي يحاسب مين ولا عشان انت المحاسب هتحسبني ع تأخيري
ياسر : لا طبعا هو انا اقدر.. صباح الخير يا انسه إسراء
إسراء تاهت ف ملامح ياسر وقد اي هو جميل ووسيم محمد لاحظ نظرات إسراء ل ياسر من عنيها اللي فضحتها وبوقها اللي اتفتح ومتنحه
محمد بصوت هادي : إسراء
إسراء ولا هنا فضلت متنحه ل ياسر وتاهت اكتر ف نظرة عينيه
ياسر بخجل من نظرات إسراء : صباح الخير
محمد : صباح الزفت ياعم عاوز اي ع الصبح جاي ليه
ياسر : كنت جاي اقولك ان ف طلبية خامات هتيجي من الصين كمان يومين بس محتاجين حضرتك تكون موجود وقتها معانا عشان تمضي ع الشيكات والاستلام
( كلام شغل ملناش في😂 )
محمد عمال يبص ع إسراء ولاحظ جدا أن شخصية إسراء النهارده فيها حاجه غلط
محمد : خلاص يا ياسر ماشي قبلها فكرني… ف حاجه تاني؟
ياسر ف سره هموت واعرف انتي بتبصيلي كده ليه هو انتي مابقتيش تحبي خالد ولا اي
إسراء سمعتو واستغربت جدا لكلامه بس مظاهرتش حاجه وفاقت من نظرتها ل ياسر واتعاملت طبيعي جداً
محمد بصوت عالي : يابني ف ام حاجه تاني
ياسر بخضه : لا لا تمام
محمد : اتفضل انت شوف شغلك
ياسر خرج من المكتب وقفل الباب ومحمد بص لاسراء وقالها انتي ف اي مالك النهارده ف سره
إسراء بصوت : مافيش حاجه يامحمد وماتنساش اني بسمع أفكارك
محمد ببتسامه : أفكاري انا بس؟
إسراء : لا اه لا اه اه ولا اقولك لا انا بسمع افكار كل الناس عادي يعني
محمد بضحك شديد : مانا عارف وياتره سمعتي اي من شويه اوعي يكون ياسر بيشتمني ف سره
إسراء بضحك : لا متخافش كان بيشكر فيك
محمد : ماشي ياستي رغم اني شاكك بس متأكد
إسراء بدلع : بس هو فين خالد
محمد بصدمه : خالد؟
إسراء : اه خالد
محمد : انتي فاكره
إسراء : انت مخبي عليا ليه الشخص اللي بحبه وهو فين يامحمد
محمد بهدوء : إسراء افهمي بس خالد دا اه انتي كنتي بتحبي لكن هو طلع مايستهلش حبك دا لأن من تاني شهر ليكي بعد الحادثه فشكل الخطوبه وقالي انا مش هستحمل اكتر من كده
إسراء بحزن : هو انا بقالي قد اي كده
محمد : بقالك 7 شهور بس الحمد الله ف تحسن كبير الفتره دي
إسراء بدموع : ومين تاني باعني يامحمد مين تاني
محمد قام من مكانه وراح مسك ايد إسراء ووقفها ومسح دموعها وقالها
هل يكفيكي من العالم حبي ليكي فأنتي ملكه ولا ينبغي ع الملكه ان تحزن لأجل مكسب لها
فكل من باع من احبه لا يسلم من عذاب ربه ويابخت من بات مظلوم ولا باتش ظالم
إسراء بابتسامه : ربنا يديمك ليا ومايحرمنيش منك بس انت بقيت امتا شاعر يامحماااا
محمد بضحك : انتي هتموتيني اقسم باالله
إسراء : طب انا هروح اصيع ف المصنع شويه وماتخافش مش هلعب ف حاجه ولا هبوظ حاجه
محمد بابتسامة : ماشي يا حبيبتي ثوانى اخلي السكرتيرة تروح معاكي
_____________________________________
ف مكان غامض
خالد : فهمت هتعمل ايه
مستأجر : تمام ياخالد بيه
خالد : مش محتاج اقولك ان البنت دي لو مماتتش انت اللي هتموت
المستأجر بضحك : قول الله يرحمها ياخالد بيه
خالد : يلا انزل من العربيه شوف انت رايح فين
نزل المستأجر من عربية خالد بعد ما خد منه 10 الف جنيه عربون قتل اسماء
مشي خالد بعربيته وهو بيقول ف نفسه انا اي حد هيقف ف طريقي يستاهل قتله وفضل يضحك ضحك غرور
اتصل ع واحد صحبه اسمه عزمي
( عزمي صديق خالد وكان ديما ع خلاف مع خالد لافعاله )
خالد : اي ياصاحبي عامل ايه
عزمي : الحمد الله ياخالد انت عامل ايه
خالد : انا تمام وتمام اوي كمان
عزمي : ف اي ياخالد
خالد : مافيش ياصاحبي بس عاوز اقولك حاجه
عزمي : خير ياخالد
خالد : انت مش كنت ديما بتقولي يابني اسمع مني انا عاوزك تكون انسان كويس وتبقا حاجه كبيره
عزمي : اه ياخالد عشان انا ماكنش عجبني حالك وافعالك وغير تصرفاتك مع مامتك
خالد بخبث : خلاص خلاص انا دلوقتي عاوز اقولك اني بقيت انسان كويس وبقيت حاجه كبيره بس محتاجك جمبي
عزمي : انا مش فاهم حاجة اي الحكايه ياخالد
خالد : نتقابل بكره واقولك كل حاجه
______________________________________
ف بيت اسماء
اسماء عايشه مع ابوها وامها واختها
ابوها اسمه إبراهيم 55 سنه شغال سواق قطر
وامها اسمها ناديه 49 سنه وشغاله ف مدرسه
واختها اسمها ايمان عندها 16 سنه لسه ف المدرسه
اسماء ف اوضتها بتكلم اختها ايمان
اسماء : يعني انتي نفسك تطلعي مصيف اسبوع وكمان ف شرم الشيخ
ايمان : اه والله نفسي يا اسماء دانا هخربها
اسماء : خلاص ياستي اقنعي امك وابوكي انتي وانا اطلعكم الاسبوع الجاي وف شرم الشيخ كمان
ايمان بسخرية : انتي اقنعي امك وابوكي وانا اطلعكم ومعرفش اي
اسماء بجديه : بتكلم بجد ع فكره
ايمان بتفاجئ : بجد اللي هو ازاي يعني.. تقدري تقوليلي انتي هتجيبي فلوس منين؟
اسماء بكدب : ماتشليش هم الفلوس ياستي وبعدين اصلا الكليه اللي عامله المصيف دا لطلاب المتفوقين واسرتهم يعني مش هندفع جنيه وكمان الاكل عليهم طول الاسبوع
ايمان بفرحه كبيره : بجد طب انا هروح اعرف بابا وماما واخليهم يوافقو
اسماء بخضه من أن ابوها يسأل ف الكليه ويكتشف ان بنته معاها فلوس
اسماء : لا لا ياهبله سبيها قبل مانطلع بيوم عشان ابوكي مايلحقش يغير كلامه ويقول ماشي دلوقتي ويجي قبلها يقول لا مانتي عارفه ابوكي
ايمان بفرحه : حاضر مش هقوله دلوقتي
ناديه امهم فتحت الباب عليهم وقالتلهم يلا ياولاد الاكل جاهز وخرجو كلهم ياكلو ….
(ونسيبهم بقا عشان انا كمان جوعت وهقوم اكل😂)
______________________________________
عند إسراء ف الشركه
إسراء خرجت من المكتب لقت السكرتيرة مستنياها قدام مكتب محمد
إسراء سألتها المكاتب دي بتاعت مين يامنه
فضلت منه تقولها دا مكتب كذا وشغال كذا ومكتب كذا وشغال كذا لحد ماقالت دا مكتب استاذ ياسر وشغال محاسب وهو أقرب شخص للأستاذ محمد اخو حضرتك وقالت ف نفسها هو ف اي هي بتسأل كأني اول مره تيجي المصنع ليه واستاذ محمد يقولي خليكي معاها وماتسبهاش ليه
إسراء سمعتها وحاولت انها تخلي منه ماتشكش ف حاجه
إسراء : تمام يامنه كملي شغلك انتي وانا هلف كده ف المصنع اتفرج ع الشغل
منه : بس استاذ محمد قالي اكون مع حضرتك
إسراء بمزح : يامنه هو قصده اني محدش من العمال يعكسني لما يشوفك معايا عشان عارف انك بميت راجل ولا اي
منه بضحك : اه طبعا (وكملت ف نفسها مهو ياختي لو يشيل فكرت اني بميت راجل دي كان زمانه شاف اني بحبه )
إسراء سمعتها وفهمت ان منه بتحب اخوها لكن اخوها مش واخد باله
إسراء : شكرآ يامنه يلا روحي انتي بقا ولو محمد سألك عليا قولي اني هربت منك هههههههه
مشيت منه ودخلت مكتبها واسراء اتسحبت وراحت عند مكتب ياسر وفضلت واقفه بره الباب مترددة تخش تتكلم معاه ولا لا بس قالت ف نفسها انا كده كده بنسا وخطبت ع باب مكتب ياسر……