Uncategorized

رواية شيزوفرنيا الفصل الخامس 5 بقلم الشيماء عبيد

 رواية شيزوفرنيا الفصل الخامس 5 بقلم الشيماء عبيد

رواية شيزوفرنيا الفصل الخامس 5 بقلم الشيماء عبيد

رواية شيزوفرنيا الفصل الخامس 5 بقلم الشيماء عبيد

ولكني ياسيدي معتاد علي العتمة هذا النور يثير دهشتي!
*في مكتب غرام*
حسين(والد غرام):ايه اللي سمعته ده ياغرام 
غرام:سمعت ايه يابابا 
حسين:انتي علي علاقة بفرد أمن سابق بالشركة 
غرام بصدمة:انت بتتكلم جد مين وصلك الكلام ده 
حسين بزعيق:انتي هتحققي معايا اللي وصلي وصلي وانتي تقولي ده صح ولا غلط 
غرام بضيق:طبعا هو فيه غيره الاستاذ شريف اللي بيحلل كل حاجة علي مزاجه بس طبعا مش دي الحقيقة الحقيقة ان الاستاذ المحترم رفد واحد مغلطش في اي حاجة والمفروض انه لوحتي غلط ننذره مش نرفده احنا مش مشغلين عندنا آلالات احنا مشغلين بني آدمين 
حسين:غرام ملكيش دعوة بالموضوع ده 
غرام بتصميم:لا طبعا ليا دعوة انا ليا أكتر من شريف في الشركة دي وانا هرجع يونس الشغل بس مش كفرد أمن أبدا 
___________
*في الكافيه عند يونس*
غرام لجرسون:لوسمحت ممكن اقابل يونس 
الجرسون:يونس مين حضرتك 
غرام:يونس واحد كان بيشتغل هنا طويل كده وعيونه زرقاء تعرفه 
الجرسون بأسف:لا يونس ساب الشغل 
غرام:ايه ساب الشغل ليه 
الجرسون:معرفش اتضايق من حاجة تقريبا وكان هيتخانق مع زبون ومشي وساب الشغل 
غرام:تمام متشكرة 
__________
*في بيت يونس*
تك تك تك 
فوزية بصوت عالي:مين انا جايه اهو 
فوزية بأستغراب:أهلا ياغرام 
غرام بابتسامة:أهلا ياطنط 
فوزية:اتفضلي يابنتي ادخلي 
غرام:فين يونس ياطنط 
فوزية:هو نايم جوه فيه حاجة يابنتي 
غرام:لا أبدا كنت محتاجة أتكلم معاه بس عادي 
فوزية:طيب هروح اصحيه 
فوزية:يونس اصحي يايونس 
يونس بنوم:ايه يا ماما فيه حاجة 
فوزية:اه غرام بره 
يونس:غرام مين 
فوزية:غرام زميلتك اللي جبتها هنا قبل كده 
يونس قام بسرعة:ايه يخربيتها ايه جابها دي 
فوزية:معرفش والله يابني قالت انها عاوزه تتكلم معاك قوم كده صحصح واغسل وشك واطلعلها 
يونس:طيب حاضر شوفيها تشرب ايه 
فوزية:حاضر 
فوزية:تشربي ايه ياغرام 
غرام:شكرا ياطنط انا هخرج انا ويونس نتكلم في اي كافيه اصلا 
يونس:اهلا يا غرام ازيك 
غرام:الحمد لله يايونس ممكن نتكلم شوية ولاايه 
يونس:اه طبعا اتفضلي 
غرام:ممكن تحت في أي كافيه 
يونس:اه ممكن يلا بينا 
يونس: فين عربيتك ركنتيها بعيد ولا ايه 
غرام:لا سبتها عند الشركة وجيت بتاكسي 
يونس:اشمعنا 
غرام:تعال نتمشي 
يونس:يلا 
غرام:كنت بتتخانق مع مين في الكافيه 
يونس بأستغراب:متخانقتش مع حد 
غرام:سبت الكافيه ليه 
يونس برفعة حاجب:وانتي مالك 
غرام بسخرية:هو انت مابتعملش حاجة في حياتك غير انك ترفع حاجبك وتقول وانتي مالك 
يونس:سبته عادي فيه ناس بتيجي فيه ديما وانا بضايق من وجودهم في سبته 
غرام:ناس مين 
يونس بتنهيدة:واحدة كنت بحبها بتيجي هي وخطيبها 
غرام:ولما انت بتحبها مخطبتهاش ليه 
يونس:أبوها رفض 
غرام:ليه 
يونس بسخرية:انتي شايفه ايه 
غرام:شايفه واحد شكله حلو اسمه يونس ولطيف وشيك ها ايه تاني 
يونس بضحك:بتعاكسيني يعني ولاايه 
غرام:لا بقول الحقيقة 
يونس:متطلبات الجواز حاليا مكنتش اقدر عليها واحد لسه متخرج وبيشتغل اي حاجة فطبيعي يرفض 
غرام:ما اصرتش ليه انك تتجوزها 
يونس:اصريت بس كان نفس الرد لان السبب متغيرش 
غرام:وهي اتخطبت بسرعة ليه 
يونس:معرفش بس أكيد أبوها أصر عليها 
غرام:أو هي لقت نفسها مش هتقدر تنتظرك 
يونس بحزن:هدي كانت بتحبني من وأحنا عيال 
غرام:مين قالك انها كانت بتحبك 
يونس:اعترافها الاحساس كلامنا خوفنا علي بعض رفضت عرسان كتير علشاني بس النصيب غالب 
غرام:كل ده مش شرط بس مرفضتش العريس ده كمان ليه 
يونس:من ضغط أبوها قولتلك 
غرام:تعرف الحب اللي مفروض علينا ده بحس انه مش حب الشخص اللي من صغرك بتبادله الحب عشان بيحبك اللي ديما قدامك الحب مش كده لهفة وسعادة وجنون انك تبقي حاجة بعيدة وبتعافر عشان تاخدها بتبعد فتشتقالها شخص مش بتقدر تعدي يومك من غيره مش بتمل منه وايمان ايمانك بأن ده الشخص الافضل اني اكمل معاه حياتي وانه الشخص الافضل في العالم كله اصلا بس انت اتفرض عليك حب هدي بدليل انك مكمل حياتك اهو عادي انت بس مجرد مفتقد وجودها مش أكتر 
يونس:الافتقاد ايه غير حب 
غرام:الافتقاد مش حب طبعا الوحشة هي اللي حب الافتقاد احتياج ومش شرط في الحب اني اكون محتاجك بس لو غيرك عوض مكانك في خلاص 
يونس:عمر غيرها مايعوض مكانه 
غرام:انت اديت فرصة لغيرها عشان تقول كده 
يونس:لا عشان مش هعرف 
غرام:أو عشان مش هتثق في الشخص ده هتفضل ديما مستني الوقت اللي هيسيبك فيه زيها واللي بيحب مش بيخاف الخوف تردد والحب ثقة لو بتخاف في اي علاقة اهرب منها لانها عمرها ماهتنجح 
يونس:خلاص ياغرام كل واحد راح لحاله بس انتي كنتي جايه عشان كده 
غرام:لا طبعا كنت جايه اقولك انك ترجع الشركة
يونس:انا أسف يا غرام بس مش هينفع 
غرام:طب لو قولتلك انك هترجع بس مش كفرد أمن 
يونس:مش فاهم 
غرام:هتستلم شغلك كمحاسب في الشركة 
يونس:ايه ازاي الشركة في اي تعيين جديد بتطلب سنوات خبرة لانها شركة كبيرة 
غرام:وماله اعتبره استثناء 
يونس:من مين بقي 
غرام:هو ايه اللي من مين من صاحب الشركة 
يونس:ايه مستر حسين ده اساسا ميعرفنيش 
غرام:عرفته بيك متقلقش وهتتعرف بيه انت كمان 
يونس:انا حقيقي مش فاهم حاجة 
غرام:انا غرام حسين العدلي مش فاهم ايه بقي 
يونس بسخرية:ودي شفقة بقي ولا ايه يا غرام 
غرام:وليه متقولش انه اجتهادك وليه متقولش انها فرصة بص يايونس الفرص بتيجي مرة واحدة لو مخدنهاش ممكن متجيش تاني لو قعدنا نشوف ليه وازاي هنلاقي مبرارات فاضية مش هتنجحنا هتخلينا ثابتين مكان ها هتيجي بكره الشغل ولا اسيبك تفكر 
يونس:تمام يا غرام بكره هكون موجود 
______________
*في فيلا منير الصفتي*
آسر بزعيق:بابا بابا حصلك ايه يارعد يارعد 
رعد(الحارس الشخصي):نعم ياآسر بيه 
آسر:تعال شيل بابا معايا نوديه المستشفي بسرعة 
*رعد وآسر شالوا منير الصفتي لتحت بالعافية وركبوا العربية ووراهم عربية الحراسة  عشان يروح المستشفي وهما في الطريق فجاة لقوا ضرب نار بيهاجم العربية وكل العربيات اللي جمبهم بتعدي بسرعة يونس كان مروح بتاكسي عدا من جمب عربيتهم بسرعة فرعد وقف التاكسي*
رعد ليونس:لو سمحت ممكن تاخده توديه اي مستشفي قريبة من هنا بسرعة وهو معاه تليفون ابقي كلمنا وعرفنا العنوان بسرعة قبل ماينصاب 
يونس :تمام ركبه 
*في المستشفي*
الدكتور:حصله ايه 
يونس:معرفش أكيد انت اللي المفروض تقول مش أنا 
الدكتور:هو الضغط مكنش متضبط عنده بس عالعموم احنا هنضبطه ونديله أدوية يمشي عليها 
يونس:تمام عالعموم عيلته زمنهم علي وصول حضرتك تفهم منهم أكتر 
رعد(حارس منير الصفتي):أنا بشكرك جدا علي وقوفك جمبنا 
يونس:لا مفيش حاجة انا اتصدمت انا وسواق التاكسي من ضرب النار واستنتجنا انكم بحاجة لمساعدة 
رعد:منير بيه له أعداء كتير للاسف 
يونس:حصل خير اكيد مش محتاجين حاجة تانية مني 
رعد:لا شكرا جدا علي مساعدتك 
يونس:عفوا عن أذنك 
__________
*في الشركة*
يونس:غرام 
غرام:انا بدور عليك كنت مفكرة انك مش هتيجي 
يونس:لا حصلت حادثة علي الطريق بس مش اكتر 
غرام بخضة:وجرالك حاجة 
يونس:لا الحمد لله مش يلا بينا عالشغل ولاايه 
غرام:اه يلا افهمك نظام الشغل 
___________
*في بيت يونس*
فوزية:اشمعنا قالت نجيب يونس معانا 
عبد الله بحيرة:مش عارف والله يافوزية بس اكيد عاوزه تشوفه 
فوزية بقلق:تفتكر هيفتكرها 
عبد الله :معتقدش هيفتكرها 
دخل يونس عليهم الاوضة:هو مين ده يبابا ومش هيفتكر ايه؟!
يتبع …..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية عروسة جدي للكاتبة بنت الجنوب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى