رواية أسيري الفصل الأول 1 بقلم نورين هاني

رواية أسيري الجزء الأول

رواية أسيري البارت الأول

رواية أسيري الحلقة الأولى

جوري:- مامي اي رأيك فِ فستاني
والدة جوري:- قمر بحبيبتي بس انتِ هتفضل واقفه بيه كدا متقعدي
جوري:- لا يمامي انا هفضل كدا لحد ما ريان يجي عشان يقولي رأيه
والدة جوري:- ماشي يقلب ماما خليكِ مستنياه
جوري:- نا هطلع استناه برا يمامي لحد ما يجي
__________في الخارج
جوري:- هيهه ريان اخيرًا جيت، اي رأيك فِ فستاني
ريان بحب:- زي القمر يا جويريتي، مفيش اجمل منك اصلًا
جوري:- بجد يا ريان يعني انا حلوة
ريان:- انتِ مش حلوة بس انتِ زي القمر ومتأكد انك هتكوني زي القمر كدا بردوا في فرحنا
جوري:- بجد يا ريان يعني احنا هنعمل فرح
ريان:- ايوا طبعًا وهيكون احلى فرح لاحلى جوري بس لما نكبر
جوري:- يعني احنا لما نكبر هنتجوز يا ريان وهكون عروسة حلوة
ريان:- هتكوني عروسة زي القمر يقمري
جوري:- وهتفضل تحبني علطول حتي لحد منكبر
ريان:- وهفضل احبك لاخر عمري
جوري:- وعد
ريان:-وعد
_________ فوقت من سرحاني علي دخول لين صحبتي..
لين:- لسه يا جوري قاعدة مغيرتيش عشان نخرج
جوري:- مليش نفس اخرج فِ مكان يا لين سيبيها ليوم تاني
لين:- ثواني بس جوري انتِ كنتِ بتعيطي واي اللِ مسكاه دا.. دي النوت بتاعك لسه بردوا مش قادرة تنسي ريان
جوري:- لسه يا لين وعمري مهقدر انساه ريان دا كان كل حاجه ليا عمري مكنت اتخيل انه يسيبني ويمشي كان نفسي انه يكون معايا اوي في الوقت دا
لين:- حبيبتي عارفه انك كنتِ بتحبي ريان اكتر من اي شخص تاني وانه معاكِ من وانتِ صغيرة بس مش عايزاكي تعملي فِ نفسك كدا هو اكيد بخير ولسه بيحبك زي ما انتِ بتحبيه
جوري:- اتمني بجد يا لين يكون بخير ويكون لسه فاكرني زي منا فكراه فات على فراقنا 10 سنين ولسه مش قادره انساه وبحس بيه في كل مكان حوليا وكأنه معايا
لين:- ربنا يرجعه بالسلامة عن قريب عشان يخلصنا منك بقا
جوري بضحك:- يخلصكوا مني انا ليه يبت دَ انا حتي قمر، وبعدين انتِ اي اللِ جابك اصلًا قومي امشي
لين:- اه يخلصنا منك دَ انا كل ما اجي هنا القيكي بتعيطي وبتفتكري زكرياتكم، واه ملكيش دعوة انا اجي هنا براحتي بحب طنط وباجي علشانها
جوري:- طنط بردوا ولا ابن طنط
لين:- الله يفضحك يشيخه فضحتيني، قومي يبت خلينا نخلص
جوري:- خلاص ماشي قايمه اهوه اطلعي برا بقا عشان اغير وملكيش دعوة باخويا فاهمه
لين بغيظ:- بالله يا جوري لو ما اتلميتي لأجي اضربك وهتزعلي
جوري بضحك:- اسفين يا حاج خلاص خدي راحتك
“اعرفكم علي نفسي انا جويرية وبيقولولي يا جوري عندي 19 سنه فِ اولي طب عيوني عسلي وبشرتي بيضة ومحجبه”
“ولين دي صديقتي من اعدادي بحبها جدًا وانا وهيه اكتر من اخوات معايا في نفس الكلية وتقريبًا بردوا معايا فِ البيت وبتحب سليم اخويا بس مينفعش نروح نقول”
“واللِ كنت بتكلم عنه دا يبقي ريان صديق طفولتي وكان جاري وكنا بنحب بعض من واحنا صغيرين وكنا مع بعض عطول لحد ما جالي فِ يوم وعرفني انهم هينقلوا لمكان تاني وكان اخر كلام بينا انه هيفضل يحبني زي ما وعدني وانه هيرجعلي تاني عشان نتجوز وابقي احلى عروسة ولسه مرجعش بس انا على امل انه هيرجعلي قريب وانه لسه فاكرني”
______في الخارج
سليم:- ازيك يا لين عامله ايه
لين بتوهان:- هاا.. انا تمام الحمدلله انت عامل ايه
سليم بضحك:- انا بخير الحمدلله، انتِ وجوري خارجين ولا اي
لين:- ايوا هنخرج شويه نتفسح بمناسبة ان الامتحانات خلصت وكدا
سليم:- تمام تحبوا اوصلكم
هنا جت جوري….
جوري بغمزه ل لين:- تحبي يا لين سليم يوصلنا ولا نروح احنا
لين بغيظ:- لا يا سليم مش تتعب نفسك احنا هنروح
سليم:- لا ولا تعب ولا حاجه زي ما تحبوا
جوري:- تشكر ياحب احنا هنمشي احنا بقا
والدة جوري:- هتمشي من غير متتغدي يا جوري انتِ ولين
لين:- لا يطنط مش حابين ناكل دوقتي على عيني اسيب طبخك وامشي بس جعفر بنتك ممكن تبلعني لو قعدت شويه
الكل بضحك عندك حق
جوري:- طب يلا بدل ما اخلي جعفر يبلعك فعلًا او اسيحلك ايهما اقرب
لين:- سيد عيب مش تقول كدا احنا اهل يلا بينا بدل الفضايح اللِ ناويه تعمليها دي
________
لين:- ها يستي تحبي نروح فين
جوري:- مش عارفه اي مكان اختاري انتِ
لين:- تعالي نروح نجيب ايس كريم ونتمشي على البحر شويه وبعد كدا نروح الملاهي
جوري:- خلاص ماشي يلا بينا
___________ عند محل الايس كريم
لين:- انا هدخل اجيب واجيلك مش هتاخر
جوري:- تمام وانا هستناكِ هنا
“ظلت جوري تنتظر لين في الخارج إلى ان رأت طلفة تقف بعيدًا عنها بقليل فذهبت لترى لم تقف هذه الطفلة وحيده”
جوري:- ازيك يجميله اي اللِ وقفك لوحدك هنا كدا
الطفلة بطفولة:- انا مستنيه بابا هو قالي انه هيجبلي ايس كريم ويجي
جوري:- وانتِ مش دخلتي معاه لي
الطفلة:- هو انا دخلت معاه بس مش عارفه هو راح فين
جوري:-خلاص مش تقلقي يجميلتي هستناه معاكِ هنا، انتِ اسمك اي
الطفلة ببراءة:-اسمي سيليا، وانتِ
جوري:- اسمي جويرية بس بيقولولي يا جوري
سيليا:- الله اسمك جميل اوي
جوري:- حبيبتي انتِ اجمل، بصي اول ما بابا يجي شوريلي عليه ماشي
بعد فترة خرجت لين:- جوري كنتِ فين بقالي فترة بدور عليكِ ومين القمر دي
سيليا:- انا اسمي سيليا وجوري مستنيه معايا بابا عشان هو اتاخر وانتِ بقا اسمك اي؟
لين:- اسمي لين يقمر
جوري:- سيليا ي حبيبتي شوفي كدا حد من اللِ خارجين دول يبقي بباكي
سيليا بفرحة:- جوري جوري بابا اهوه بابي
جوري ولين بصدمة:- ريان
ريان بصدمه:- جويرية