رواية هو مين دا الفصل الثاني عشر 12 بقلم أسماء الطبلاوي

رواية هو مين دا الجزء الثاني عشر

رواية هو مين دا البارت الثاني عشر

رواية هو مين دا الحلقة الثانية عشر

(فى شقة سنيه مرات شعبان كانت
قاعده بتجهز الغداء للاولاد لما الباب خبط وبسرعه قبل ما هي تقوم كانت بنتها الكبيره فتحت الباب ودخل شعبان وهو غضبان جدا.
شعبان: بصي انا لا جاي اقولك ساعديني ولا جاي اقعد جنبك ولا اطبطب عليكى حد انا جاي اوصلك رساله بما انك القديمه بلغي التانيين بقى يا حلوه ان الحزب اللي انتم عاملينه عليا ده اخره وحش ومش هيعجبكم لو ما ساعدتونيش ووقفتوا جنبي او على الاقل سبتونى ارتاح واقعد في شقه من شققى هطلقكم انتم الثلاثه وهرميكم بره.
سنيه: حابس حابس مش تكح وانت داخل ايه فتحت الصدر اللي انت داخل بيها دي يا معلم شعبان هو مش بردة يا حبيبي كل واحده فينا البيت اللي هي ساكنه فيه مكتوب باسمها ولا تكونش فقدت الذاكره.
(ضحك شعبان وقعد على الكنبه وهو بيحط رجل على رجل.
شعبان: ده انتى غلبانه انتى وهما قوي هو انتم فاكرين ان انا كتبت لكم البيوت باساميكم صحيح لا يا حبيبتي منك ليها انا عشان عارف انكم جهله وما بتعرفوش تقراوا وتكتبوا وريتكوا ورق وقلتلكم اني كاتب البيوت باساميكم لكن البيوت باسمي لسه زي ما هي انا ما بأمنش الا لنفسي وبس.
( اتخضت سنيه والفزع اتملك منها
سنيه: تقصد ايه يا معلم يعني انت مش كاتب لكل واحده فينا بيت كنت بتنصب علينا كل الفتره اللي فاتت دي
شعبان: انا ما نصبتش على حد انتم اللي طلعتوا قليلات الاصل كل ما اروح لواحده فيكوا واقولها اسنديني ترفض كل ما اجي ابات عند واحده فيكو الاقيها مقفله على نفسها ومش عاوزه تفتحلي خليتوا اللي يسوى واللي ما يسواش يتكلم عنى ويقول اني مش مسيطر وان الدنيا بايظه في بيتي انتى الوحيده يا سنيه اللي فكرتك هتوقفى جنبي بجد لكن طلعتى زيهم.
(حست سنيه انها ممكن تخسر شعبان وبيتها وجوزها للابد خصوصا انها مالهاش حد ولو شعبان طرادها من البيت مش هتلاقي حته تروحها تاني.
سنيه بدلع: بس على فكره يا معلم انا قلتلك اني ما اقدرش اساعدك بالفلوس بس انما انت ما جيتليش علشان تبات وانا منعتك ده بيتك وانا ما اقدرش امنعك منه.
شعبان: دلوقتي بقى بيتي بعد ما اتطردت.
سنيه: اتطردت من عند مين.. تقدر تقول ان انا اللي طردتك تبقى كذاب..
(فكر شعبان شويه وقال.
شعبان: الصراحه لا مش انتى اللي طردتيني انا رحت لنجات عشان انام لقيتها بتقول انها غيرت الكالون واني ما ادخلش البيت الا لما ابقى قادر اصرف على عيالي فانا فكرت ان انتى ورباب هتعملوا زي ما هي عملت علشان كده ما جيتلكيش.
سنيه: شفت اديك ظالمني اهو انت غلطان يا حاج لو كنت جيتلي عمري ما كنت هردك ثاني ده بيتك ومطرحك وانا مراتك بس قولي انت نمت فين امبارح يا حبيبي لما انت ما نمتش عند واحده فينا.
( حس شعبان انه مخنوق ومش قادر يقولها هو نام فين وكان مكسوف انه يقولها نمت في القهوه.
شعبان: مش مهم انا نمت فين المهم اني تعبان وعايز افرد جتتى اخش انام يا سنيه ولا امشي.
سنيه: لا طبعا يا حبيبي تخش تنام ده بيتك اخص عليك يا حاج
(قام شعبان ودخل اوضته عشان ينام قعد على السرير ومدد.
شعبان: والله ما ينفع معاكوا غير العين الحمراء يا كلاب وبعد كده مش هتشوفوا غيرها
( هناك عند هيام وهادي كانت هيام نايمه على الكرسي وهادي ممدد على الكنبه دخل الباديجارد وصحى هادي.
راجل: يا هادي باشا بقينا الصبح حضرتك مش هتقوم ولا ايه.
( فتح هادي عينيه وهو بيبص قدامه بتعب.
هادي: لا خلاص انا صحيت اهو هو احنا الساعه كام دلوقتي.
الراجل: الساعه دلوقتي 11:00 الصبح هي البلوه دي مش هتمشي بقى ولا هتكمل بقيه حياتها هنا.
( بص هادي مطرح ما بيشاور الراجل لقى هيام لسه نايمه على الكرسي.
هادي: معلش لازم نتحملها لما ناخد فلوسنا يا اما توافق على الجواز انا مش عارف اصلا انا نمت ازاي وهي قاعده ولا هي نامت امتى بالها طويل وخنقتني عمال اقنع فيها عشان ما يحصلش حاجه ارجع ازعل عليها لكن ما فيش فايده الظاهر كده.
(صحت هيام على صوتهم وهما بتكلموا فردت دراعتها عشان تتمطع..
هيام’ صباح الخير اكيد كنتم بتتكلموا عني وبتقولوا نامت ازاي دي على الكرسي وهتمشي امتى وليه ما اقتنعتش بالكلام اللي انا قلتهولها مش كده بردو.
( استغرب هادي انها عرفت اللي كانوا بيتكلموا فيه مع انها كانت نايمه.
هادي: هو انتى كنتى عامله نفسك نايمه وبتشتغلينا ولا ايه.
هيام: لا انا فعلا كنت نايمه بس انا عارفه انتوا بتتكلموا في ايه عموما كل حاجه هتخلص النهارده لو حابب بس هيبقى في تغييرات بسيطه.
هادي: والتغييرات دي بقى من انهي نوع ان شاء الله.
هيام: بص يا سيدي انا ما اعرفش انت عاوز تتجوزني عشان الفلوس بس ولا عشان ايه بس انا مش عايزه اتجوز خالص ولا بفكر علشان كده هقولك حاجه انت هتيجي معايا البنك ايا كان ايه الفلوس اللي موجوده في الحساب هنقسمها النص عشان حق ربنا وكمان الاربع شركات بتوع منصور هاخد اثنين واسيبلك اثنين دي الحاجه الوحيده اللى اعرف اعملهالك اكثر من كده تبقى بتستهبل لان انا كمان دخلت حياة منصور علشان اخذ حق ابويا اللي هو اكله وموته بحسرته فلو انا اتنازلت عن الفلوس دي بالساهل يبقى كأني ما عملتش حاجه موافق على كلامي ولا لا.
( اتصدم هادي من كلامها لانه كان معشم نفسه انها هتوافق على الجواز عشان كان معجب بيها من ايام ما كان بيشوفها مع منصور في اجتماعاتهم لما كان ابوه بيحضر معاهم.
هادي: وانا مش هبقى مفتري وهقبل عرضك برغم اني كنت مفكر انك هتوافقى على الجواز…
هيام: قلتلك اني ما بفكرش اتجوز عموما خلي رجالتك يرجعوني من مطرح ما جابوني وبكره قابلني في البنك ونطلع مع بعض من هناك على الشهر العقاري عشان نخلص كل حاجه.
ضحك هادي: هههههه انتى عاوزاني اسيبك تمشي علشان فجأه ما الاقيكيش في مصر اصلا وافضل انا الف حوالين نفسي لا ناصحه بس مش عليا انتى هتباتي هنا النهارده وبكره ننزل سوا ونخلص كل حاجه..
( هادي ما كانش شاكك في هيام لكن كان عاوزها تبات في البيت معاه يمكن يقدر يقنعها بالجواز بدل التقسيم لانه معجب بيها لكن هي صممت على كلامها.
هيام: وانا موافقه يا سيدي فضيلي اوضه علشان اقدر اخذ راحتي وان شاء الله بكره من بدري تنزل معايا نشوف الموضوع ده.
هادي: تمام زي ما تحبي.
(وهناك عند نسمه وراكان كانت طول الليل نايمه في حضنه من الخوف وهو ما رضاش يسيبها علشان يطمن انها كويسه فتحت عينيها بنوم..
نسمه: راكان انت لسه نايم اصحى بقى
( بصلها راكان وهو بيضحك.
راكان:ههههه يا بنتي انتى عبيطه ولا عاوزه تجننيني هو في جن بينام ده احنا بنقولها كده بس عشان ما تخافوش مننا انما احنا ما بننامش انا صاحي جنبك طول الليل بتفرج عليكى وبملي عينيا منك علشان وحشتيني ومنتظر انك تفتحي عينيكى وتصحي علشان وحشوني وانتى نايمه.
( حست نسمه انها فرحانه قوي ورغم انها كانت خايفه جدا من اللي حصل معاها لكن ضحكت تلقائيا على كلامه.
نسمه’ يعني جن وامير وكمان شاعر ده اوبشن 3 × 1.
(ضحك راكان على كلامها وبصلها بحب.
راكان: انا نفسي اعرف بتجيبى الكلام ده منين يا بنتي اتكلمي زي البنات عادي ولا انتى خلاص اتعودتي على كده.
نسمه: والله انا اتربيت في محل خرده مع رجاله الحاره وكل اللي كنت بتكلم معاهم كانوا رجاله بس حتى لما مسكت الدكان كان كل شغلى مع الرجاله بس عاوزني بقى اتكلم ازاي ان شاء الله.
راكان: عاوزك ما تنسيش نفسك وما تحبسيش روحك في عبايه الراجل اللي انتى لبستيها وكمان عاوزك تردي عليا وتقوليلي حبيتيني ولا لسه.
(ارتبكت نسمه وهي مش عارفه ترد عليه برغم انها كانت مستنياه امبارح علشان تقوله انها بتحبه لكن الكلام وقف فجاه على لسانها دلوقتي لما الباب خبط بعنف ونسمه اتخضت..
نسمه: ايه ده مين اللي بيخبط بالطريقه دي والله انا بقيت بخاف لما الباب يخبط عليا.
) طمنها راكان وهو بياخد ايدها يوقفها من على السرير.
راكان: ما تقلقيش يا حبيبتي ده ام فاروق طالعه تطمن عليكى عشان خبطت عليكى وانت ما ردتيش.
نسمه: طيب الحمد لله انت هتفضل قاعد ولا هتمشي
راكان: لا هفضل قاعد عشان عاوز اعرف هي عاوزاكي في ايه.
نسمه: ده انت حشري بقى.. عموما خليك قاعد واسمع.
(راحت نسمه فتحت الباب لام فاروق واللي اخذتها في حضنها على طول.
ام فاروق: صباح الخير يا حبيبتي كل ده نوم ده انا ايديا دابت من الخبط عليكى والله فكرت حصلك حاجه وقلقت عليكى.
نسمه: اتفضلي يا خالتي انا كويسه الحمد لله بس كنت تعبانه قوي وكنت عاوزه انام وما دريتش بنفسي.
ام فاروق: الف سلامه عليكي يا نن عيني انا كنت جايه عايزه اتكلم معاكي في موضوع بس والنبي يا نسمه بلاش مد ايد وعصبيه احسن انا اخذت عليكى خلاص وانتى هاديه كده.
نسمه: خشي في الموضوع على طول يا ام فاروق علشان المقدمات دي هي اللي بتخليني اتعصب واعمل اللي انا بعمله قولي بقى كنت جايه عاوزه ايه..
ام فاروق بتوتر: ممكن افهم انتى رفضتي تتجوزي سمير ليه برغم انك كنتي بتحبيه قبل ما يسافر وكمان هو ابن عمك واولى بيكي من الغريب رفضتيه ليه يا نسمه.
(نسمه كانت عارفه ان ام فاروق طالعه تكلمها في الموضوع ده لكن ما حبتش ان هي تفتحه الاول وسابتها تتكلم براحتها.
نسمه: بصي يا ام فاروق حوار اتجوز مين او ما اتجوزش مين ده ما تزعليش مني يا حبيبتي ما يخصكيش في حاجه انما موضوع انك تكوني بتسالي بالحب يعني فانا هجاوبك انا ما كنتش بحب سمير انا كنت متعلقه بيه بس علشان هو الوحيد اللي كان بيعاملني كويس من اهل ابويا بس كده وعمري ما شفت ان هو يبقى زوج ليا وكمان عشان انا مش مرتاحه لرجوعه المفاجئ ده.
ام فاروق: والله يا بنتي انا كمان استغربت انه وصل كده زي القضا المستعجل بس ما رضيتش اقول الكلام قدامه وقلت يمكن ان هو قايلك لكن لما سالته قال انه نزل فجاه وانه معهوش ارقام ليكى اصلا…
نسمه: سيبك منه يا ام فاروق يدب دماغه في الحيطه هو ده بس اللي انتى كنتى طالعه عشانه
( ارتبكت ام فاروق وهي قاعده وقلقت هل تكلم نسمه في موضوع فاروق ولا تسكت وتنزل وتنفذ بعمرها لكن قررت انها تكلمها وتشوف رايها ايه.
ام فاروق: الصراحه يا بنتي مش هو ده بس الموضوع اللي انا جايه لك فيه.
نسمه: خير يا ام فاروق اتكلمي.
ام فاروق: انا كنت عاوزه اخذ رايك في فاروق ابني.
نسمه: مش فاهمه ليه يعني انا مالى ومال فاروق
ام فاروق: بصي يا بنتي من الاخر فاروق عاوز يتجوزك وقالي اكثر من مره وانا كنت بخاف افتحك في الموضوع بس من كتر الزن خلاني اسال بس صدقيني قرارك ايا يكن هو ايه انا مش هزعل منه..
( اتعصبت نسمه وقامت وقفت وهي بتخبط على الترابيزه بايديها
نسمه: هو في ايه يا ام فاروق انتى ليه يا حبيبتي مصره تخليني اخلص منك وادخل فيك السجن ما تمشيش ورا كلام حد يا اختي عشان ما تروحيش في داهيه قال فاروق قال هو انا اتجننت عشان اتجوز ابنك ده انا طايقاه في البيت بالعافيه ولولا وجودك كنت رميته في الشارع ده عيل رخم..
ام فاروق: بس يا اختي ما تعمليش في روحك كده انا من الاول ما كنتش موافقه بس قلت اخذ رايك يعني عشان هو ينزل عن وداني ويسكت.
نسمه: والله يسكت ما يسكتش دي حاجه راجعالك انتى اللي خلفتيه.. عايزاه يبقى ازاى اتحملي بقى نتيجه غلطك وقوليله ما يخلينيش اشوفه في حته تاني علشان لو شفته هفلقهولك نصين
ام فاروق: حاضريا اختي هقول له حاضر.
( نزلت ام فاروق على طول وهي خايفه لا نسمه تعمل حاجه زي ايام زمان نزلت وهي بتبرطم..
ام فاروق: انا مالي الجواز وزفت ما اللي عاوز يعمل حاجه يعملها لنفسه الهي اشوف فيك يوم يا فاروق يا ابني.
.( عند نسمه فوق كانت زهقانه من قعدتها خرجت البلكونه وندهت على شفشق…
نسمه: يا شفشق واد يا شفشق.
( جه جري شفشق عشان يشوفها ويطمن عليها.
شفشق: نعم يا ست الناس قلقتيني عليكى من الصبح ما شفتكيش مش ناويه تنزلي ولا ايه
نسمه: انا كويسه يا واد ما تخافش مريحه شويه بس وحبه وهنزل المهم روح هاتلي فطار وشويه عصير وطلعهملي الاول.
شفشق: تؤمريني امر يا ست الناس حالا يبقى عندك.
(خرج المعلم جابر من قهوته لما سمع صوت نسمه.
جابر: صباح الفل يا ست نسمه’ الف لا باس عليك سامعك بتقولي للواد شفشق انك عيانه.
نسمه: خليك في حالك يا جابر وما ترميش ودنك معانا تاني يا اخويا
( اتكسف جابر ودخل قهوته وسكت ودخلت نسمه مسك تليفونها وطلبت رقم هيام..
نسمه: يعني ما ردتش طلبتها اكثر من مره وما ردتش هتكون راحت فين البنت دي بس بتصل عليها من امبارح ما بتردش احسن يكون حصل لها حاجه لما يجي راكان هخليه يطمني عليها امال لازمه الصحاب ايه
( وهناك تحت الارض كان راكان واقف قدام الملك غضبان جدا.
راكان: انا عملتلك حساب كذا مره وما اخذتش اي خطوه ولا عملت اي تصرف ممكن يديني لكن دلوقتي انا مش هعمل حساب لاي مخلوق انا الغلطه الاخيره عندي بتبقى اول غلطه وعشانك اتخطيت كل قواعدي اللي انا كنت عاملها لنفسي لكن خلاص جه وقت الحساب…