رواية احباء يجمعهم القدر الفصل العشرون 20 بقلم لولا
رواية احباء يجمعهم القدر الجزء العشرون
رواية احباء يجمعهم القدر البارت العشرون
رواية احباء يجمعهم القدر الحلقة العشرون
الراجل فتح الكاميرا وصورهم وليلي في حضن فهد وبيبوس راسها
وبعتها
لميس مسكت الفون وشافت الصوره بس كانت جايبه ضهر البنت مش وشها وباين اوي ان معتز فرحان بيها وبيبصلها بحب وهو بيبوس جبينها
فاتصلت بلراجل بغيظ
لميس بحده انت يازفت مش مبين وشها اعرف منين انا كددده ميين دي
الراجل بتوتر منا لما جيت صورها معتز بيه حضنها معرفتش اجيب وشها اعمل ايه طيب
لميس بخبث ترجع حالا خلاص وابعتلي اللوكيشن علشان هعوزه قدام
الراجل امرك يا لميس هانم
وقفل معاها ومشي
في البلكونه
ليلي بضحك وبعدين
فهد وهو حاضنها اكمل بحب ايه مالك
ليلي بضحك ولما حد من الجيران يشوفنا وانت حضني كده شكلنا ايه ها
فهد شالها بين ايديه فشهقت ودخل بيها للصالون ونزلها وحضنها واكمل بضحك مرضيه كده
ليلي بضحك يابني اتربي وابعد كده ميصحش
فهد بحب لا انا عاجبني كده
ليلي اوعي طيب اوريك الفستان والطرح اللي جبتها والاساور كمان
فهد بضحك اذا كان كده ماشي
ودخلوا الاوضه
ليلي بص الفستان اهو
فهد باعجاب جميل جدااا واللون ده بيبقي قمر عليكي علشان قريب لعيونك
ليلي بحب الجنزاري لوني المفضل اصلا
فهد بخبث اشمعنا
ليلي بحزن فهد كان بيحبه
فهد اه قولتيلي وكان بيحبه ليه
ليلي ابتسمت بحب واكملت قالي زيك قالي علشان عيني بس مش بلصيغه دي لا قالي بحبه علشان قريب من لون عنيكي يا ليلي
فهد بتمثيل حده احمم احمم طب ايه هنفضل كتير في الموضوع ده
ليلي بحزن انت عارف هو عندي ايه كويس فسيبك من فهد خالص يا معتز ومسكت الاساور لبسته واحده ولبست هي التانيه
فهد بضحك جربيها كده
ليلي بمرح اهو يس يس اشتغلت
فهد بحب حلوه تعيشي وتجيبي يا لولا
ليلي دي فلوسك انت اصلا
فهد بحب وانا وانتي اييه محنا واحد بس انتي اللي اختارتيها واكمل بضحك بغض النظر عن ال3 الاف جنيه
ليلي بضحك يووه مش هتسناهم انت كتير انا عارفه فهتنام تحلم بيهم
فهد باس ايديها واكمل مفيش حاجه كتير عليكي يا ليلي
ليلي ابتسمت وسكتت
فهد يلا بقي لحسن انا هموت وانام
ليلي بتعب وانا جداا وقلعت الاسدال وراحت نامت في حضن فهد اللي ضمها ليه اكتر وباس جبينها وناموا بهدوء
————————————
تاني يوم الصبح في اليخت
فارس صحي لقي شروق نايمه فشال شعرها من علي وشها وباسها بحب بعدين قام خد شاور ولبس قميص اسود وبنطلون ابيض وسرح شعره وطلع حضر الفطار ونزل حطه علي السرير
وقرب منها واكمل وهو بيهزها شروق حبيبتي قومي يلا
شروق بنوم ايه يا حبيبي
فارس يلا قومي افطري
شروق بنعس شويه شويه مش قادره خاالص
فارس بضحك يابت قومي وبطلي كسل بقي
شروق قامت اتعدلت وفتحت عنيها بتثاقل واكملت اممم اديني صحيت صباح الخير
فارس باسها واكمل بحب صباحيه مباركه علي احلي عروسه في الدنيا
شروق ابتسمت بخجل واكلمت الله يبارك فيك يارب
فارس بضحك طب خلاص متتكسفيش يلا نفطر عاملك الفطار بنفسي اهو
شروق بحب حقيقي تعبتك اوي يا حبيبي
فارس بحب ياخرابي ده ياريت اتعب علشانك علطول
شروق بضحك ايوه كل بعقلي حلاوه
فارس وهو بيأكلها اكمل انتي تعرفي عن حبيبك كده
شروق بضحك وهي بتاكل اكملت لا هتقولي بس كل انت ملكش دعوه بيا انا هاكل ياروحي
فارس بحب عادي انا وانتي واحد اهم حاجه كلي بس علشان خلاص امتحانك بكره
شروق بتفكرررني ليه خليني ناااسيه
فارس بضحك علشان ادلعتي شويه فخلاص هننسي ان عندنا امتحانات ولا ايه
شروق بضحك منتا كتر خيرك بتعمل الواجب وتفكرني ورفعت ايديها تدعي واكملت روح يا فارس
فارس بانتباه ايوه ادعي كده
شروق بحب روح يافارس يخليك ليا عيب عليك
فارس بضحك ويخليكي ليا ايوه كده اتعدلي
وفضلوا ياكلوا سوا بعدين فارس قام شال الصنيه علي التربيزه
شروق بنعس اكملت وهي بتتاوب تصدق كلت نعست اكتر
فارس بضحك شروق قومي يا حبيبتي وفوقي كلها كام ساعه وهنرجع هتقضيها نوم
شروق بنعس تعبت امبارح اوي يا فارس بجد فنعسانه
فارس بضحك ايه اللي تاعبك كل ده يا حبيبتي
شروق باحراج ضربته بلمخده واكملت بضحك تصدق انك قليل الادب هو مش امبارح ده روحت لمدحت وفيلا يوسف بعدين المستشفي وختمت بي اليخت فتعبت
فارس ضحك وغمز واكمل بس ايه رايك في الختمه احلي ختمه لليوم المعفن ده
شروق خبت نفسها في حضنه واكلمت بضحك فارس بجد بطل تحرجني
فارس بضحك خلاص خلاص حاضر يلا قومي خدي شاور علشان نقعد قدام البحر شويه
شروق بحماس هوا وهكون جاهزه ولفت الملايه علي نفسها
فارس بضحك الله انتي بتاخدي معاكي الملايه ليه مش بتاعتنا دي انتي هتطمعي فيها
شروق بضحك فاارس بجد بطل وسبني
فارس سابها وفضل يضحك عليها ودخلت هي خادت شاور ولبست البورنص وطلعت
شروق يلا ياروحي اطلع انت وانا هلبس وجيالك
فارس بضحك بت هو انتي عندك خال اهبل
شروق بضحك قطعه وقطعت سيرته عندي واهبل فعلا بس معرفش عنه حاجه
فارس بضحك منا بقول بردو ايه اطلع وانا هلبس واجيلك دي
شروق لا منتا كده كده هتطلع ياروحي يلا ومسكته بتزقه لبرا
فارس بضحك استني بس عايزك في موضوع مهم
شروق بضحك اااه عارفاها انا مواضيعك المهمه واللي للاسف مفيش وقت ليها يلا ياروحي بااي وقفلت الباب
فارس بضحك مجنونه والله وطلع الجزء العلوي من اليخت
وشروق لبست فستان حماله احمر وقصير لحد الركبه بلظبط وفردت شعرها وحطت ميكاب هادي وطلعت
فارس بتصفير اعجاب ده انا يبختي بلقمر ده بقي
شروق قعدت في حضنه واكملت بحب ده انا اللي يبختي بيك
فارس عارفه اني بحب البحر اوي ياشروق
شروق بحب امممم عارفه من زمان وانا زيك بجد
فارس بحب انا بحبه لان كل ما اشوفه يفكرني بلون عنيكي اللي بغرق في حبها كل ما ابص فيها كأن اول مره
شروق ضمته اكتر واكملت بحب نفس السبب بجد يا فارس بشوف في عنيك شكل البحر وكنت لما بتخنق اجي اقعد قدامه واحكيله واتمني اليوم اللي نقعد انا وانت فيه سوا قدام البحر بهدوء وراحه نفسيه وحصل
فارس باس ايديها واكمل بحب ولسه كل حاجه اتمنيناها هتحصل يا نورعين فارس من جوه
شروق بحب اللهم امين ياارب
———————————–
في فيلا يوسف
روح صحيت وكانت عايزه تشرب بس الكوبايه بعيده عليها شويه فضلت تتحرك واحده واحده وبتزق رجلها بلعافيه علشان توصل
روح بضيق اوووف يلا بقي وهي بتشب علشان تجيبها وقعت علي الارض
روح بوجع ااااه
يوسف قام بخضه واكمل روح في ايييه مالك يا حبيبتي ايه وقعك كده بس وشالها بين ايديه وقعد علي السرير وحطها علي رجله وخدها في حضنه واكمل بس بس متعيطيش حقك عليا انا ايه وقعك كده
روح بدموع كنت عطشانه فكنت عايزه اجيب الكوبايه مطولتهاش ووقعت
يوسف بحنان اهدي بس ومسح دموعها واكمل يا حبيبتي طب منا جمبك صحيني ياروح اعملك اللي انتي عايزاه
روح بوجع متعودتش يا يوسف وللحظه قومت بعشم علشان اشرب مقدرتش ولما حاولت اجي علي نفسي علشان اجبر بخاطر نفسي وقعت
يوسف باس جبينها واكمل بحزن احنا قولنا هنقول ايه الحمدلله علي كل حال نحمد ربنا انها جات علي قد كده ومحصلش ليكي انتي او البيبي حاجه ودي اهم حاجه انما رجلك دي يا عمري هتتعالج هي مسأله وقت وانا معاكي
روح بدموع انت فاضيلي يا يوسف هتفضل تدخلني الحمام وتاكلني وتلبسني وتسرحلي كل ده ليه يعني الحياه دي صعبه اوي بجد
يوسف يا حبيبي هو انا اشتكتلك انا لو مش فاضي افضي نفسي هو في اغلي منك وبعدين انا خدمتك دي علي قلبي زي العسل وهو لو انا مكانك مكنتيش هتخدميني كده
روح حضنته واكملت بدموع بعيد الشر عنك ربنا يحميك ليا من كل اذي
يوسف باس خدها واكمل بحب العيون القمر دي مش لايق عليها الدموع وانتي عارفه مبحبش اشوف دموعك
روح بحب حاضر
يوسف باسها بحب واكمل ياخواتي عليكي وانتي بتقولي حاضر سكررر يحضرلك الخير يا نورعيني
يلا بقي نحضر فطار للاميره علشان الجالسه
روح بتعب دلوقتي ?
يوسف اه من اولها كده مفيش حماس
روح بتنهيده حاضر يا يوسف هخلي فيه حماس
يوسف بحب دي فتره وهتعدي اجمدي كده اومال ده انا حبيبتي قويه ولا ايه
روح حضنته واكملت بحب حبيبتك بتقوي بيك يا يوسف
يوسف حاوطها بايديه واكمل بحب وانا متسحيل اسيبها مهما حصل
والباب خبط فاروح اتفزعت
يوسف بضحك مالك يابنت الهبله متعودتيش لسه ولا ايه عادي اثبتي زي منتي كده واكمل ادخل
سعاد دخلت وحطت الفطار واكملت بحب صباح الخير يا حبايبي
يوسف بحب صباح الخير يا حبيبتي
روح بحب صباح النور يا ماما
سعاد بحب ها ياقلب ماما اخبارك ايه دلوقتي
روح الحمدلله علي كل حال احسن من الاول
سعاد بحب ربنا يكمل معاكي يا حبيبتي يلا جبتلكم فطاركم هنزل انا
روح استني يا ماما هتفطري تحت لوحدك ?
سعاد اه ياحبيبتي انا متعوده بعمل كده
روح لالا اقعدي معانا هتعدي لوحدك تعملي ايه محنا اهو اقعدي بس
سعاد بدموع مصممه تحسسيني اني وحشه قدام ادبك ياروح
روح بحب ماما اللي فات مات خلاص وبعدين انتي امي انا بردو ولا ايه
سعاد بحب طبعا بنتي واكتر
روح بحب وانا مجتش اخد ابنك منك انا جيت اشاركه حياته بس انتي امه وتعبتي فيه وحقك تقعدي معاه زيي واكتر
سعاد بفرح زين ماختارت يا يوسف يابني بجد كنت هعيش عمري كله ندمانه لو كنت فضلت رافضاكي
يوسف باس جبينها واكمل بحب ربنا مايحرمني منك ياست البنات بجد اصيله ومتربيه ياروح ومسك الاكل واكمل يلا بقي علشان دواكي
روح كلت منه واكملت حاضر اهو
وفضلوا التلاته بياكلوا سوا وبيحكوا
————————————
في بيت فهد وليلي
فهد صحي قبل ليلي ونزلها من حضنه براحه وقام يعملها فطار وفعلا عملوا ودخل علشان يصحيها
فهد بحب ليلي بت يا لولا قومي بقي كفياكي نوم
ليلي فتحت عنيها واكملت ايه يا معتز
فهد قومي عملتلك فطار هتاكلي ايديكي وراه مش صوابعك بس
ليلي بضحك ايه الدلع ده كله
فهد شالها بين ايديه واكمل بحب انتي بتتعبي كل يوم ونمتي امبارح مهدوده قولت اتعب لاميرتي مره غلطت
ليلي بحب لا مغلطش تسلملي يارب
فهد بضحك ايه ده انتي ساكته ومش بتزعقي وتشتمي وبتقوليلي تسلملي حاسس اني بحلم
ليلي بضحك انت ليك الدبش بس يا معتز يلا نزلني
فهد نزلها علي االكنبه واكمل بحب اهو يا اميرتي ايه رايك بقي
ليلي انت عملت كل ده
فهد بضحك لا جبت الفلبنيه عملته ومشيت
ليلي بضحك باييخ صحيح بس بجد تسلم ايديك من قبل ما ادوق
فهد قعد وخدها علي رجله فشهقت واكملت بتوتر نزلني حالا
فهد بضحك مراتي وانا حر اعمل اللي يعجبني
ليلي بضحك لا ياباشا مفيش الكلام ده
فهد وهو بيأكلها اكمل كلي واسكتي حسسيني مره اني بكلم بنت مش السواق
ليلي بقي انا السواق يا معتز
فهد بضحك لا طبعا السواق ارحم
ليلي بضحك يا غلس يا بارد وضربته في صدره
فهد بضحك ااه ااه يا غبيه انتي يابت اتربي ولمي ايديكي تقيله اوي يخربيتك
ليلي بضحك احسن
فهد اكلها واكمل بتمثيل ربنا يسامحك يا ست ليلي
ليلي بحنان معتزز من امتي الادب ده شكلك هتصعب عليا
فهد بتمثيل اه انا مش هرد عليكي انتي عايزه تزعليني كلعاده زعليني مش عايزه عادي
ليلي بحزن لالا اكيد مش عايزاك تزعل انت معملتليش حاجه
فهد بخبث خلاص اقولك تصالحيني ازاي
ليلي باهتمام اه ازاي
فهد كتم ضحكه بلعافيه وشاور علي خده
ليلي بخجل اه يا قليل الادب يا حيوان انسي الكلام ده
فهد بضحك كده طيب ده انتي علي رجلي ارميكي طيب علي الارض علي الشتايم دي
ليلي بضحك مش هتقدر
فهد ليه بقي مش هقدر
ليلي مش عارفه بس انت مش هتقدر تأذيني يا معتز
فهد باس خدها واكمل بحب ده حقيقي يا قلب معتز ومهما ازعل واتعصب منك مش هقدر اذيكي يا ليلي
ليلي ابتسمت وسكتت
فهد يعني بردو مش هتجيبي البوسه
ليلي بخجل بجددد اتلم بقي بدل ماقوم واسيبك
فهد بتمثيل زعل خلاص براحتك يا ليلي مش هجبرك
ليلي بحزن ممكن متزعلش
فهد بتمثيل خلاص بقي كبري دماغك
ليلي لا خلاص وقربت منه بتوتر وباست خده واكلت اهو يا سيدي متزعلش بقي
فهد مصدقش نفسه وانها عملت كده فاكمل بفرح وحياه ربنا ده انا لو امي كانت عايشه كنت قولت دي دعواتها ايه يا خواتي ده الجبل اتحرك طب ماتكملي جميلك بقي و
ليلي اتللللم وكمل اكلك يا معتز
فهد بضحك فصيله اوامرك يا فندم واكمل هو انا لو سألتك ايه اكتر حاجه عجبتك في شكلي هترد تقولي ايه يا ليلي
ليلي بصتله بحب واكملت بضحك اقول الحقيقه
فهد بحب اكيد
ليلي بحب بص هو اولا مش بلشكل خالص يعني انا لما حبيت حد شوفته احلي حد في الدنيا علشان بحبه وانت يعني بسم الله مشاء الله حلو بس لو هختار حاجه فهي عنيك يا معتز
فهد بضحك اشمعنا عيني
ليلي بصت فيهم واكملت بحب بشوف فيهم حد تاني غيرك شخصيه غير اللي ظاهره للكل دي شخصيه بتحس وعندها قلب ومشاعر صادقه كمان بحس ان عنيك بحر غويط اوي وتبان من برا جميله بس جواها في اسرار كتيره وكمان لان لون عنيك هو المفضل عندي
فهد بحب انتي فعلا بتفهمي يا ليلي وقريب اوي هتعرفي كل الاسرار دي بس غريبه ان عينك خضرا وبتحبي الرمادي
ليلي بحب في نظري الرمادي احسن وكمان لاننا بنحب كل حاجه في حبايبنا اكتر من نفسنا وهي بتفكرني باغلي حد في حياتي وتنهدت بحزن
فهد فهم قصدها وابتسم واكمل بحب ده حقيقي
وفونه رن
ليلي ميين
فهد بضيق اووف دي خرا
ليلي علي الاسبيكر
فهد رد وعلي الاسبيكر واكمل خير
لميس بضحك براحه علينا كده هي دي صباح الخير بتاعتك
فهد بحده اخلصي يا لميس عايزه ايه
لميس بضحك هكون عاوزاك في ايه يا روحي شغل طبعا بنت جديده انما ايه حتت صاروخ جهزتها وطلعتهالك ناقص بس انت تيجي تنهي الامور
فهد بحده انا تعبان يا لميس فكك مني انهارده
لميس بخبث انت لو مجتش وانهارده انا هتصل بجمال الدمنهوري وخاف علي نفسك وعلي حبايبك يا معتز
فهد بحده قصدك ايه
لميس بضحك اهو زي ماتيجي تيجي اخوك بقي اختك واكملت بخبث حد غيرهم مش هتفرق كتير المهم انك عاقل هتجيلي وحالا سلام يا حياتي وقفلت
فهد نفخ بضيق واكمل بحزن ووجع تعبت يارب حقيقي تعبت
ليلي قامت وقفت واكملت بدموع تقدر تقولي هتعمل ايه
فهد قام وقف واكمل بدموع طلما وصلت بلميس لكده وانها بتهددني بي القريبين مني يا ليلي يبقي ربنا يستر متعرفش بيكي تبقي مصيبه لان هي كده قلبت عليا خلاص
ليلي بدموع وهتسمع كلامها
فهد بحده لا طبعا انا وعدتك وهنفذ طبعا مش هلمس اي بنت تاني وده مفيهوش نقاش حقيقي انا اتغيرت بس هضطر اخاطر بدماغي تاني المره دي
ليلي بحده انت اتجننت مش معني ربنا ستر مره يبقي تستعبط
فهد بضيق طب اعمل ايه طيب
ليلي متشغلش الكاميرا وقولها اهربي علطول
فهد ولما لميس تطلع اقولها اي يا اذكي اخواتك
ليلي بدموع مش عارفه بس متخاطرش بحياتك يا معتز
فهد بحزن انا اللي بدات في اللعبه دي وانا اللي استاهل نتيجه عواقبها وفتح الباب
ليلي بخوف معتز معتز ارجوك فكر في حل تاني
فهد باس جبينها واكمل متخافيش عرفت اتصرف هتصرف وخرج وقفل الباب عليها بلمفتاح
ونزل ركب عربيته واتصل بعمر
عمر اوامرك يا معتز بيه
فهد ارجع لشغلك في الشركه مع فارس يا عمر وانا لو احتاجتك هقولك بس علشان معطلكش
عمر تحت امرك يا حبيبي في اي وقت ومعاك
فهد ماتحرمش منك يارب
وقفل معاه ورمي الفون جمبه واكمل بوجع هي قربت خلاص معتش ليه لزوم حد يعرف انك كنت تبعي واجبلك الاذي يا عمر انا مشوفتش منك غير كل خير
———————————–
علي الشط وقف اليخت ونزل منه فارس وشروق
شروق بحب حقيقي احلي مفاجاه حصلتلي في حياتي ربنا يديمك ليا ويخليني افرحك زي مافرحتني
فارس بحب انتي وجودك في حياتي فرحه اساسا يا ست البنات خدي بالك هروحك وهنزل الشركه بقالي شويه سايبها خالص
شروق بمرح والنبي خدني معاك والنبي يا فارس
فارس وهما بيركبوا العربيه اكمل بضحك اخدك معايا فين ده شغلي هي رحله يا شروق
شروق بمرح والنبي نفسي اتفرج عليك وانت بتشتغل وااافق بقي بلييييز
فارس بضحك هي وصلت لبليز بعدين انتي لو جيتي معايا انا مش هركز في الشغل
شروق بحده ليه انشاء الله عيله بعمل وش
فارس بضحك لا طبعا بس هفضل ابص للقمر ده وهكسل اشتغل
شروق بضحك طب اتلم بس ومتاكلش بعقلي حلاوه وبينا علي الشركه
فارس اخر كلام يعني
شروق بفرح اه يلا بس
وفعلا وصلوا الشركه وركن فارس العربيه ونزل هو وشروق ومسك ايديها ودخل الشركه
شروق حبيبي معلش هدخل الحمام
فارس ماشي ياروحي مكتبي اخر الطرقه
شروق ماشي ودخلت الحمام
وفارس راح ناحيه مكتبه
غاده حمدلله علي السلامه يا فندم نورت
فارس الله يسلمك ودخل
شروق خرجت من الحمام وفي اتجاها لمكتب فارس سمعت غاده بتضحك في التليفون مع صاحبتها وبتتكلم
-غااده بضحك اه يابنتي جيه دلوقتي يخربيت ام جماله كان واحشني اوي الاجازه دي
-لالا انا صحيح بعمل كده فيه اه علشان الفلوس بس منكرش ان فارس اي بنت تتمناه
– اه منا قولتلك حاولت معاه لا قفل خالص مالوش في السكه دي اه ما البيه قالي لو عرفت اوقعه حلال عليا فارس وحلال عليه السوق بس يا خساره
– سيبك انتي انا هفضل وراه لحد ما اخده ده مهما كان راجل هيجي مره يضعف يعني وسيبي دي عليااا انا
شروق بحده احممم احممممم
غاده لفت واكملت بخضه سلام انتي يا مي دلوقتي واكملت نعم مين حضرتك
شروق اتكلمت بصوت عالي سمعه كل اللي في الشركه واكملت بحده وبغيره انتي بكل ادب واحترام تنزلي تشتغلي في اي حته في الشركه هنا غير سكرتيره مكتب فاارس وده كده اكراما مني كمان اني مش هطردك
العمال كانوا مستغربين اوي جرائتها في الكلام فاكملت غاده بعصبيه تطردي مين ليه فاكره نفسك مين انتي علشان تطرديني وتنقليني من شغلي بصفتك مين
شروق بعصبيه بصفتي مداام شروق فارس نبيل العامري يعني مرات المالك الرسمي للشركه دي واعمل اللي علي كيفي يا سكر
فارس طلع واكمل بستغراب ايه في ايه يا حبيبتي مال صوتك عالي ليه
غاده بصدمه هي دي مرات حضرتك يا فارس بيه
فارس بحده اسمها الهاانم هو ايه اللي دي انتي اتجننتي
شروق بضحك هو انتي من الصدمه مش مصدقه ولا ايه اه ياروحي انا حبيبت عمره ومراته عارفه الصدمه صعبه عليكي شويه بس معلش وهتتعودي
فارس فهميني في ايه يا حبيبتي
شروق بعد اذنك يا فارس باختصار البنت دي تنزل اي شغل تاني غير سكرتيره مكتبك وحور لما تيجي المقابله خدها بدالها هي هتعرف تدير مكتبك اكتر من الحسابات كمان لان ده كده اسهل
فارس حاضر هريحك بس فهميني وبعدين حور فاكره انها هتيجي حسابات ممكن متوافقش
شروق لالا دي انا اضمنهالك دي هتفرح اكتر وبعدين دي الوحيده اللي أمنها عليك وعلي شغلك وبصت لغاده واكملت بابتسامه انتصار ولا انت شايف ايه ياحبيبي
فارس حبيبتي دي شركتك زيك زيي وطلما قررتي يبقي خلاص انزلي الحسابات زي ماكنتي الاول يا غاده
غاده بصدمه بس فارس بيه انا
فارس خلاص مش هرغي كتير اللي قالته مدام شروق يتنفذ واكمل لشروق معلش يا حبيبي اعمليلي انتي القهوه من ايديكي مصدع جداا
شروق وهي قاصده تغيظها اكملت بحب ده بعيوني وقلبي مش بايدي بس يا حبيبي عنيا حاضر هتكون عندك
فارس باس جبينها ودخل المكتب
شروق بابتسامه انتصار تؤ تؤ تؤ شكلك بقي وحش اوي
غاده بحقد ماشي اما وريتك مين غاده مبقاش انا
شروق بضحك لالا عيب كده انتي تحمدي ربك اني كنت سو كيوت معاكي ومطردتكيش طرده الكلاب انا بس رجعتك نقطه الصفر تاني علشان بعد كده تتعلمي ترفعي عينك لفوق اوي كده يا حلوه يابت انا اللي تبص لجوزي بعين اقلعهلها من مكانها ده انتي كده لسه مشوفتيش شروق انا مش من الزمالك يا عسل فبعرف اجيب حقي كويس اوي مش بفضل اعيط واخاف باختصار انا مش بنت اكابر ورقيقه لا انا بعمل زي القطه لما يجي حد يقرب لعيالها فخلي بالك مني
غاده بغل تمام ورايحه تمشي وقفتها شروق واكملت بضحك صحيح يا سكره
غاده وقفت واكملت بضيق نعم
شروق تؤ تؤ اسمها نعم يا مدام شروق
غاده ب كره نعم يا مدام شروق
شروق بضحك ايوه كده شاطره كنت بقولك صحيح مش جوزي انا اللي يتحاول معاه وهيضعف لانه راجل همست واكملت انتي لو لبستي اللي مبيتلبسش قدامه ولوحدكم هيتف في وشك وهيمشي وضحكت واكملت اه والله مش بهزر اصل انا وبكل ثقه ماليه قلبه قبل عنيه ومش هيفكر مجرد التفكير يبص لحد اصله لو جوزي كان كده كان عملها من زمان ده بيحبني من وانا بضافير ولما بعدت ورجعت لقيتني ثابته جواه فشوفي حد تاني اسهل ليكي يا سكر ومشيت وهي بتضحك
غاده بحقد تماااام اما وريتك مين انا مبقاس غاده
وفعلا غاده نزلت الحسابات وشروق راحت عملت القهوه وخبطت علي مكتب فارس
فارس ادخل
شروق بحب حياتي يا ناس اتاخرت عليك
فارس بحب لا يا حبيبتي عادي ولا يهمك ومسك القهوه من ايديها واكمل تسلملي ايديكي يارب
شروق بحب الف هنا علي قلبك يا غالي
فارس حبيبتي ها بقي انا نفذتلك امرك بس ايه السبب
شروق بدموع فارس البنت دي حاولت تقربلك قبل كده
فارس وانا من غير ما اجاوب انتي عارفه عن جوزك انه
شروق بمقاطعه من غير ماتكمل انا عارفه انك عمرك ماعملت ولا تعمل كده انا بس بسالك
فارس اه يا شروق وكنت هكسر ايديها اللي اتحطت علي كتفي كمان ومن ساعتها وهي بعدت عني وسكتت بس عرفتي منين
شروق بغيره بت الكلب سمعاها بتحكي لصاحبتها انك رجعت وقال ايه كنت واحشها انت وجمالك وانها هتحاول معاك تاني وانت بقي تضعف اصلك راجل وهي هتعرف توقعك وكلام كله حرقه دم كده
فارس بضحك هي كانت بتقول كده
شروق بغيره فارس انت بتضحك علي ايه
فارس بضحك عليها عبيطه وغلبانه اوي بجد صعبان عليا تفكيرها اللي بيهيألها انتي ممكن ابصلها بس سيبك انتي عملتي الصح
شروق بغيره ده كده كده اصلا انا مش بناقشك في قراري
فارس بضحك مالك ياشروق خلاص يا حبيبتي في ايه هتاكليني ليه كده
شروق بحده اصل انت عمال تضحك وانا دمي اتحرق
فارس قام قعد قدامها ومسك ايديها باسها واكمل بحب معاش ولا كان اللي يحرق دمك انا بضحك علشان ده كلام عبيط اخري اسمعه اضحك عليه مش اعمله اهتمام وبعيدا عن انك قمر وانتي غيرانه بس خلي ثقتك بنفسك تغلب كنتي عجباني وانتي بتتكلمي معاها
شروق حضنته واكملت ثقتي في حبك اللي خلتني اقول كده بكل شجاعه يا فارس
فارس بحب يبقي هتفضلي دايما شجاعه يا نوررعين فارس
والباب خبط
فارس ادخل
حور بحب صباح الخير
شروق قامت حضنتها واكملت حبيبتي عامله ايه
حور بحب زي الفل وانتي يا نورعيني
شروق بحب اقعدي اقعدي واكملت بحب بخير يا حبيبتي
فارس ها مدحت كلمك في حاجه
حور بضحك اه بس لما قولتله فارس بيه طلبني وافق علطول
فارس بضحك عيب عليكي
شروق المهم دلوقتي مش هنزلك الحسابات
حور بقلق ليه هو انا لحقت اتغير
شروق بضحك يابت متخافيش كده يا هبله انا هحطك في مكان اعلي كمركز في الشركه وكمان ماديا
حور تمام هشتغل ايه بقي
شروق سكرتيره فارس الخاصه والمسئوله عن كل اوراقه ومكتبه وهتحضري معاه الاجتماعات
حور بفرح موافقه جداااا ده انا يشرفني طبعاا
شروق بحب مش قولتلك هتوافق اصل فارس خاف تزعلي
حور بحب لا طبعا ازعل ايه ده كده انا شغاله مع المدير علطول مني ليك كده احسن من وش الحسابات ده انا هيحسدوني الناس اللي برا دي ان من قاعده واحده بقيت بشتغل معاك
فارس بضحك والله انتي سكر ده انا اللي يشرفني انك تكوني انتي معايا بجد
شروق بصي كانت فيه بنت بس بنت بنت كلاب عينها علي فارس ومش كويسه وانا سمعتها بتحكي انها عايزاه وكده وبهدلتلها ونزلتها مكانك وجبتك مكانها مقدرش أمن علي فارس وشغله غير معاكي يا حور انا طبعا بثق فيه لو قدامه مين مش هيتهز بس علشان مش مطمنالها ممكن تسرب حاجه تخص الشغل
حور ياشروق ده جوز اختي واخويا والله وشغله ونجاحه واي سر يخص الشغل بقي من مسئوليتي من دلوقتي وبوعدك هكون قد الثقه بس سوري في الكلمه عايزاه ازاي هو مش متجوزك ياختي
شروق بضحك بت انتي هبله عايزاااه واضحه
فارس بضحك صوتك عالي يا شروق اييه يا حبيبتي في مواظفين
حور بصدمه انتي قصدك
شروق بضحك اه ياختي اللي فهمتيه
حور بصدمه يالهوي علي دي بنات استغفرالله العظيم اللهم استرنا واستر ولايانا ايه يختي القرف ده اللهم ماحفظنا منهم العقارب دول
فارس بضحك ده انتي نكته يخربيتك
شروق بضحك لا ولسه مشوفتش حاجه
الباب خبط
فارس ادخل
عمر بحب صباح الخير فهد قالي ارجع الحسابات لانه مش هيحتاجني الفتره دي فكده انا هروح مكتبي عادي
فارس صباح النور تمام يا حبيبي روح شوف شغلك
عمر تمام يا غالي وخرج
حور كانت متبعاه بعنيها لحد ما خرج
شروق بضحك ايييه يامااا روحتي فين
حور بضحك شايفه ياختي الحسابااات عندكم حلوه ازاي انا بقول بردو ماله مجالي الاصلي انما فارس بيه مره واحده والتكبر علي خلق الله دي حاجه مش حلوه للاخره علي فكره
شروق بضحك يابنت الجزمه الحسابات احلوت دلوقتي مش كانت وش
فارس بضحك الحسابات بردو
حور بضحك اومال انتوا فاكريين ايه عيب عليكم
شروق بضحك صحيح يا فارس متسألنا فهد الحسابات مرتبطه ولا سنجل
فارس بضحك لا انا عارف من غير ما اسأله سنجل
حور باحراج انتوا فايقين ورايقين وبتهزروا الله هو انا عملت حاجه
فارس بضحك لا امي اللي عملت انتي ده انتي ملاك
شروق بضحك يلا يابت علي مكتبك قال حسابات قال
حور بضحك رايحه ياختي
فارس لما اعوز حاجه هقولك علطول
حور عيوني يا ابو نسب
وخرجت
فارس بضحك كنتي صح لما اختارتي حور سكر بجد
شروق بحب حور دي اختي من ساعه ماسبت الصعيد وهي معاايا وواقفه جمبي حتي كانت بتسلفني جيه دوري اردلها ولو جزء بسيط اوي هي بت جدعه وتستاهل تفرح بجد يافارس
فارس ده حقيقي بجد وكده هكون مرتاح نفسيا لشغلي اكتر
———————————-
في البار وتحديدا المكتب
لميس بخبث يلا ياروحي البنت مستنياك فوق
فهد بتنهيده تمام وخرج من المكتب وطلع الاوضه
في الاوضه
فهد اسمك ايه
البنت بتوتر صافي
فهد بهمس بصي انا مش هأذيكي بس هنزل اخرجك من هنا بسرعه وهقولهم اني طلعت ملقتش حد تمام
صافي بتوتر تمام مش عارف اقولك لحضرتك ايه يا استاذ بجد ربنا يخليك يارب
فهد متقوليش اي حاجه ده الصح اصلا انا مستحيل اذيكي واخليكي تشوفي المر اللي بيشوفوا غيرك تحت هربت بنت زيك قبل كده وخليتها ضربتني بلفازه
صافي يالهوووي مخفتش علي نفسك
فهد لالا انا استاهل كل اللي يجرالي دي غلطتي بس المهم عندي ان محدش يتأذي تاني يلا انجزي لو حد عرف اني هربتك هتبقي مصيبه مش عايزين حد يشوفنا
صافي وهي ماشيه بتتسحب معاه اكملت بخوف بجد شكراا يا استاذ مش هنسالك المعروف ده ابداا
فهد فتحلها الباب واكمل يلا بسرعه متشكرنيش انا معملتش غير الصح وقفل وراها
وراح لي لميس المكتب
لميس ها ايه نزلك بسرعه كده
فهد لميس مفيش حد فوق اصلا
لميس بخوف نعم ازاي انا قفلت عليها بنفسي
فهد بحده في ملايه مرميه من الشباك اكيد البنت هربت ده غلط منك ازاي متقفليش اي مصدر للمساعده
لميس بخوف يانهار اسود دي تالت واحده تهرب منك يا معتز انت كده بتسعبط
فهد بحده اعملك ايه انا وكلهم بتبقي غلطات من حضرتك
لميس بتوتر اوووف خلاص اطلع وسبني في حالي
فهد طلع ورزع البااب وابتسم بانتصار ودخل مكتبه ياخد حاجته علشان يمشي
في مكتب لميس
فونها رن
لميس بخبث الو
صافي بضحك سجلتلك كل حاجه عيب عليكي نهايه معتز في ايديكي يا هانم خلاص
لميس بضحك اصيله وطمرت فيكي العشره يابت يعني هو اللي هربك مش كده
صافي بضحك ايوه وحتي الفازه اللي اضرب بيها كانت لعبه وهرب بيها بنت تانيه
لميس بخبث ابعتيلي الفويس اللي سجلتيه
صافي بضحك اومرك وبعتتهولها
لميس قفلت معاها وسمعته وكاانت واقفه ساره جمب باب مكتبها وسمعت معاها الفويس واكملت بخوف يانهار اسود بقي بنت الكلب يهربها تتطلع متفقه مع لميس لالا لازم انبه معتز ان لميس كشفته كده هتنوي علي موته خلااص
لميس بحده وغضب انا هوريك يا معتز معني انك تعمل كل ده شكلك علشان كبرتك وعملتك الكل في الكل نسيت نفسك خلاااص بس لا علي مين ومسكت فونها
لميس بخبث ازيك يا جمال بيه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
