رواية زوجوني مسلم الفصل الأول 1 بقلم انجي محمود
رواية زوجوني مسلم الجزء الأول
رواية زوجوني مسلم البارت الأول
رواية زوجوني مسلم الحلقة الأولي
_ بارك الله لكما وبارك عليكما الجمله دي فوقتني من سرحاني انا خلاص بقيت مراتوا مش قادرة اسامحك يا ماما ازى تجوزيني واحد مسلم
فوقني من سرحاني وهو بيقولي
-يلا نروح بيتنا وهو باصص في الأرض
شكلوا يخوف اوي مبحبش الناس الملتحيه بخاف منهم ثانيه ده بيقولي بيتنا ااههه ازى وفقتك يا ماما اول ما دخلنا البيت لقيتوا حلو جدا الفرش كلو بالأبيض والأزرق لوني المفضل فوقني صوتوا وهو بيقولي لازم نتكلم قعدت علي أقرب كرسي وبصتلوا
_ قالي انا عارف ان ده مكنش باختيارك انتي هتعيشي معايا عشان احميكي من اهل ابوكي لحد متتمي السن القانوني وبعد كده هنطلق انا بحب زميلتي في الشغل بس هأجل جوازى منها لحد ما اطمن عليكي
– هزيت راسي بمعني ماشي وجملتوا الاخيره بترن في ودني شورلي علي اوضه
_وقالي دي اوضتك ودي اوضتي لو احتاجتي حاجه قوليلي
– قولتلوا تمام ودخلت اوضتي لسه مش قادره استوعب اللي حصل نمت علي السرير بهدومي وانا بفتكر حياتي كانت عامله ازى قبل ما كل ده يحصل
flashback ~~~~~~~~~~~~~~~~~~~~~
صحيت علي صوت علي اخويا وهو راجع من صلاة ديما بيعمل صوت وهو راجع من الجامع قومت ورحت اشوفوا عمل الدوشه دي ليه دخلت اوضتوا لقيتوا بيجهز شنطة سفر قولتلوا انت هتمشي امتي قالي دلوقتي قولتلوا ترجع بالسلامة الرب يحفظك حضرتلوا شنطة السافر ووقفت اودعوا وهو ماشي باس راسي وقالي خالي بالك من نفسك ومن ماما حضنتوا وانا قلبي مقبوض مش عايزه يروح المره دي بصتلوا قولتلوا مش كنت تستني ماما تصحي قالي مش عايز اقلقها معايا انتي عارفه هتقعد تعيط هزيت راسي بمعني ماشي وسلمت عليه ودخلت اوضتي وانا ماسكه السلسله الصليب في أيدي عشان اخد منها القوه دي اخر حاجة من ريحت بابا قبل ميموت جبها وقالي اول ما شفتها اتخيلتها عليكي وقالي البسيها ومتقعليهاش ابدا الصليب هيحميكي رغم اني كنت صغيره وعندي ست سنين بس فكره شكلوا وفكره الموقف ده اوي ولما بيوحشني بفتكر الموقف ده كانوا معايا من وقتها وانا كل ما بحس بالخوف بامسكها بحس بأمان كانوا جمبي قعدت شويه وبعد كده نمت وانا معرفش أن دي اخر مره هشوفوا
____________________________________________
اكيد مستغربين ازى انا مسيحيه واخويا مسلم مع اننا من أب واحد
الأول هعرفكوا عن نفسي انا اسمي ميراي معناه العجب والمعجزه بابا سماني كده لانهم خلفوني بعد تعب بابا كان بيقولي بعد مكانوا فقدوا الأمل جيت زى المعجزه بعد ما اتجوز علي ماما عشان يجيب اخويا علي اللي اكبر مني بتلاتة عشر سنه بابا اسمو إدورد من أب وأم مسيحيين وماما اسمها جانيت هيا كمان من عيله مسيحيه اتجوزوا بعض عن حب وهما لسه بيدرسوا في الجامعه بس ربنا مرزقهمش بطفل قعدوا اربع سنين يلفوا علي الدكاتره والدكاتره كلها قالت مفيش امل يخلفوا وبابا كان نفسوا يخلف وماما كمان والدين المسيحي محرم تعدد الزوجات و بابا كان بيحب ماما ومستحيل يطلقها فدخل الدين الإسلامي عشان يتجوز ويخلف وماما وفقتوا وقتها لان مكنش عندها حل تاني هيا بتحب بابا ومتقدرش تبعد عنوا وكمان مش عايزه تحرموا من حقوا في الخلفه فاتجوز بابا ماما فاطمه وطبعا اهل بابا وماما اتبروا منهم واعتبروهم كفروا بالدين المسيحي واخوات بابا طردوا بابا وخدوا محلاتوا بابا كان عندوا سلسلة مطاعم في الإسكندرية وهو كان عايش هناك بس لما اهلوا اتبروا منوا مشي وسبلهم كل حاجه وجه القاهرة هووماما جانيت وماما فاطمه واشتغل هنا في القاهره لحد ما فتح سلسلة مطاعم ومحلات ملابس بس شغلوا هنا في القاهره بقي احسن واكبر من شغلوا في الإسكندرية وبعد شهرين من جواز بابا وماما فاطمه حملت ب علي اخويا
وبعد سبع عشر سنه ماما حملت بيا وجيت زي المعجزه
ماما فاطمه وماما جانت كانو عايشين مع بعض عادي واخويا علي كان عندو ثلاثة عشر سنه بس ماما أصرت اني اتعلم المسيحيه وماما فاطمه أصرت تعلم علي الإسلام
ماما فاطمه كانت في مره مسافره هيا وبابا تزور أهلها في اسكندرية ووهيا رجعه هيا وبابا العربيه اتقلبت بيهم وماتوا كان علي وقتها عندو ١٩ سنه وانا ست سنين ومن وقتها وعلي بقي هو ابويا واخويا وسندي انا وماما وطبعا لان مكتوب في شهادة ميلادي مسلمه اضطريت ادرس الدين الإسلامي وكمان حفظت المصحف كلوا وده بمساعدة علي بس ماسلمتش رغم ان علي حاول اكتر من مره يقنعني بس ماما مكنتش بترضي وبتقولوا بابا كان بيقول مش مهم بتبع مين المهم بعبد الله وماما كانت بتصر احضر القداس كل يوم حد وأفضل منتميه للمسيحيه وماسلمش
وبعد اتناشر سنه بقي علي بقي عندوا واحد وتلاتين سنه وكان مهندس مدني وكان مسافر في شغل زى مقالتلقوا فوق
____________________________________________
صحيت من النوم على صوت صويت……….
يتبع…
لقراءة الفصل التالي : اضغط هنا
الرواية كاملة اضغط على : (رواية زوجوني مسلم)
تعليق واحد