رواية هذه ليلتي الفصل السابع والثلاثون 37 بقلم نجمة براقة
رواية هذه ليلتي الجزء السابع والثلاثون
رواية هذه ليلتي البارت السابع والثلاثون
رواية هذه ليلتي الحلقة السابعة والثلاثون
ادم بيتصل ببسمه عشان يسلم عليها قبل ما يرجعو البلد وبيطلب منها تقابله وبالفعل بتنزل وتقابله في كافية
ادم _ محبتش اسافر قبل ما اسلم عليكي
بسمه _ هتسافرو بردو
ادم _ ايوه لازم
بسمه _ توصلو بسلامه
ادم_ الله يسلمك
بسمه بتردد_ انت قولتلي انك هتقولي حآجه قبل ما تمشي
ادم _ اه صح، انا كنت عامل تخطيط في دماغي، بس طالما شامي طلب ناردين، ف احنا كده كده هنتواصل، واكيد هتعرفي
بسمه_ تخطيط ايه ده
ادم _ بعد سنه لو كنتى لسه موجودة هقولك
بسمه_ لو كنت موجوده ازاي، عايشه يعني
ادم _ لو متجوزتيش
بسمه _ وايه دخل التخطيط بجوازي
ادم يبص لتحت ويحك حاجبه بإبتسامه _ هقولك بعد سنه
بسمه بإبتسامة _ تمام لغيت ما اعرف ايه التخطيط ده انا هقعد من غير جواز
ادم بإبتسامة _ اما نشوف.. تشربي ايه بقا
بسمه _ قهووه ساده وجمبها شيكولاته وكباية ميه سقعه
ادم بضحك _ بتقلديني، بس ماشي
بسمه _ انت كنت ذاللني وانت بتقولهالي في المكتب وكل شويه تخصملي
ادم بإبتسامة _ وانتي كمان مش سهلة ولا ناسيه مقالبك
بسمه _ ههههه مش ناسيه، بس انا معذوره فاكر ازاي شخطت فيه اول مره نتقابل ولا لما ورطتني في مليون جنيه علشان مسيبش الشغل
ادم _ انا عملت كده علشان عارف انك لو عرفتي ان الشغل من طرفي هتسيبيه
بسمه _ انا فعلا اول ما عرفت اضايقت مكنتش عايزة اكمل
ادم _ وبعد كده حبيتي الشغل صح؟
بسمه بإبتسامة _ اه بعد ما جت ناردين حبيته
ادم _ ناردين بس
بسمه _ واستاذ احمد
ادم _ مفيش حد كده ولا كده تاني
بسمه _ لا كلهم يسدو النفس
ادم بإبتسامة _ كلهم باستثناء ناردين واحمد؟
بسمه بإبتسامة _ ايوه
ادم _ امال ناردين قالتلي انك قولتي عليه كلام حلو ليه
بسمه _ مقولتش
ادم _ خساره كده هطر الغي التخطيط لانك مش حباني وبتكرهيني
بسمه بإبتسامة _ انت اخ عزيز واكن لك كل الاحترام
ادم _ اااخ منك… جرسون الحساب
بسمه بضحك _ على فكرة انت مطلبتش حآجه تدفعلها حساب
ادم _ شوفتي كلامك لخبطني وخلاني مركزش ازاي
بسمه بضحك _ وانا اتكلمت
ادم _ لأ، انا مجنون
بسمه _ انت ادرا بنفسك ههههههه
ادم ينظر لها بإبتسامة
بسمه بخجل _ بتبصلي كده ليه
ادم بإبتسامة _ اصلك في العادي مبتضحكيش غير لما تكوني عامله مصيبة او بتلوني في الكلام
بسمه _ لا خالص انا بضحك كتير بسبب ومن غير سبب
ادم _ مجنونه يعني
بسمه _ ايوه علشان كده جيت اقابلك
ادم _ بسمه، هو انتي هتفضلي كده لبعد السنه تهزقيني عادي
بسمه بضحك _ ايوه وايه هيغيرني
ادم _ المفروض تتغيري عشان التخطيط اللي مخططله انا مش هستحمل كتير
بسمه _ يعني ايه مش هتستحمل، من قبل ما تخطط وبتقولي مش هستحمل… الغي التخطيط يا استاذ ادم انا مروحه
ادم بضحك _ مالك انتي بتتحولي
بسمه بغيظ _ مانت كلامك يخرج الواحد عن شعوره
ادم بضحك_ انا اسف..
بسمه بغيظ_ متتأسفش
ادم بإبتسامة _ اطيب اقولك حآجه
بسمه _ قول
ادم _ رغم بلاويكي وخبثك وتلونك، الا ان الحاجات دي هي اللي خلتني افكر في التخطيط ده
بسمه بإبتسامة _ انا خبيثه وبتلون
ادم _ ايوووه خبيثه وبتتلوني وبتعرفي تمثلي فاكره لما بقيتي تبكي عشان قولتلك ظروف امك المرضيه، بقيتي تبكي وتزعقي وتقولي المرض بأيد ربنا وطلعتيني بفتري عليك
بسمه بضحك _ ماهو انت كنت بتعاملني بتكبر وبتقولي لو زعلان منك هطردك متديش لنفسك اكبر من قيميتها
ادم بإبتسامة _ خلاص خلصين واحده بواحده
بسمه _ مااشي
ادم _ طيب نشرب القهوة عشان نمشي
بسمه _ هو انت هتسافر امتي
ادم _ بكره
بسمه بحزن _ بكره بكره
ادم _ ايوه
بسمه _ وهتكمل سنة كاملة متجيش هنا
ادم _ اكيد هاجي بس مش كتير، انا لازم ادور علي شغل لغيت ما نقوم من تاني
بسمه _ ما تدور هنا
ادم _ قولتلك مليش بيت هنا ومش هقدر اجيب بيت او ادفع اجار قبل ما اشتغل
بسمه _ انت معاك كتير ليه تسيب ده كله وتتعب نفسك
ادم _ بعيد عن التفاصيل، بس انا ولا امي وناردين عاوزين الفلوس دي،
بسمه _ اه
ادم _ بس انا هاجي هنا وشامي هيجي يزورنا ابقي تعالي معاه
بسمه بدموع _ ربنا معاكم
ادم بإبتسامة _ بتبكي ليه
بسمه بدموع _ انا عارفه اني مزوداها ومش من حقي ادخل في حياتك.. بس انا مش عاوزاكم تسافرو
ادم بإبتسامة _، الأيام بتجري يدوب هنغمض عينينا ونفتحها نلاقي نفسنا دخلنا سنه جديده
بسمه _ يعني أغمض دلوقتي
ادم بإبتسامة _ نغمض مع بعض
بسمة _ قبل ما أغمض، انا عاوزة أقولك اني هفضل موجودة لغيت ما تعدي السنه واعرف مخطط لأيه
ادم بإبتسامة _ ياريت
بسمه تنظر له ودموعها تنزل على خدها وبعدها تغلق عينيها…..
مرت سنه
( غمضو عنيكم يا شباب عشان ايامكم الطين تعدي قوام قوام)
بيت منصور
ليلى بصراخ _ ااااه ياااامن الحقني
يامن بقلق_ ايه ياليلي انتي هتولدي ولاايه
ليلي بوجع_ اااه ااااه ايوه هولد، وديني المستشفى
يامن بلخبطه_ طيب اشيلك ولا تمشي
ليلى بصراخ_ اي حاااجه،،
يامن _ اشيلك؟
ليلي بصراخ_ ياااامن اعمل اي حآجه بس الحقني ااااه
يامن يشيلها ويمشي لغيت الباب ف يخبطها في رأسها هو ومعدي
ليلي بصراخ _ اااااه هتموتني، نزلني.. نزلني
علاء _ ايه ده… مالها
يامن _ بتولد، مش عارف اتصرف يا علاء
علاء بلخبطه _ طيب نعمل ايه
يامن _ بتقول وديني المستشفي
علاء _ مستشفى ليه ما نجبلها الدكتور هنا
يامن _ المستشفى احسن
علاء _ البيت احسن افرض ولدت في السكه
يامن_ انا هسوق بسرعه
علاء _ خلاص لو لازم مستشفى نتصل بالاسعاف احسن
يامن _ لا العربية احسن
علاء _ الاسعاف مجهز بكل حاجه اسمع مني
يامن_ هياخدو وقت يكون وصلو اااااه بتعضي ليه
ليلى بصراخ _ بمووووت يا يهو.وود
علاء _ شوف مراتك بتغلط ازاي
يامن _ معلش اصلها تعبانه
علاء _ ولو مينفعش تغلط فينا
يامن يروح يحضنه ويقبله علي جبينه _ حبيبي متزعلش امسحها فيه
علاء بحب_ مش غلطتك علشان امسحها فيك… خلاص انا مسامحها…. يااااه هتبقا اب يا يامن وهتجبلنا عيل يملا علينا البيت
يامن بدموع _ انا مش متخيل ان هيكون ليه ابن
ليلي بصراخ_ ياااااكفـ.ره
يامن _ لحظه حبيبتي …. مش مصدق يا علاء ان هخلف ولد يشيل اسمي،، انت عارف انا ناوي اسميه ايه
علاء بإبتسامة _ هتسميه ايه
يامن _ هسميه علاء علي اسمك ياغالي
علاء يحضنه ودموعه تنزل_ ربنا يخلينا لبعض
ليلى بصراخ _ ربناااا يخدكم، عمي منصوووور الحقني
منصور _ انتي بتولدي
ليلي بصراخ _ ايوووه الحقني الله يخليك
منصور باستغراب _ مالكم يا عيال بتبكو ليه
علاء بدموع _ يامن هيسمي ابنه علي اسمي
منصور _ وليه ميسمهوش علي اسمي
يامن بضحك _ خلاص متزعلش انا هسميه منصور في الشهاده ونندهو علاء
منصور بعصبيه_ طيب ايه رايكم هنندهو منصور
علاء _ خلاص يا يامن سميه علي اسم بابا
يامن بإبتسامة _ انا بحبكم انتو الاتنين، خلاص المره دي منصور واللي بعدها علاء …
ليلي تسند علي الحيطان وتمشي وهي تصرخ
ليلي بصراخ _ اااااه الحقوووني
يامن بصدمه_ ليلي نسيناها
علاء _ طيب شيلها بسرعه
ليلى بصراخ _ الحمدلله ياااارب خدو بالهم مني
في مكان اخر
ادم بفرحه _ شايفين اليفطه.. الباشمهندس ادم المنياوي،
ناهد _ مبروك ياحبيبي تستاهلها،
ادم _ انتي عارفه ن المجمع اللي صممته بقا من اهم المباني اللي اتعملت في اخر عشر سنين
ناردين _ يااالفشخره،.. لولا تدخل يامن وابوه مكنش حد عرف انك مهندس اصلا
ادم _ بس يا فاشله، هو يامن كان صمم معايا، هو يدوب عرفني علي العملا
ناردين بإبتسامة _ ماشي ياسيدي اعترف انك مهندس شاطر.. بس اليفطه دي هتعلقها فوق دماغي، مش. كنت استنيت تشتري المكتب
ادم _ اهي هي دي المفاجأة اللي قولتلكم عليها
ناهد _ اللي هي ايه
ادم _ انا اشتريت مكتب في القاهرة
ناهد _ ليه مش هنا
ادم _ القاهرة الشغل فيها احسن من هنا، هناك هتعرف اكتر ويكونلي اسم
ناهد _ يعني انت هتتمشور من هنا لهناك
ادم _ احنا هنروح نسكن هناك
ناردين بفرحه _ بجد
ادم _ ايوه
ناهد _ وهنقعد فين يابني
ادم _ انا اقدر دلوقتي ادفع اجار شقة، احنا لازم نروح هناك علشان ناردين، مينفعش يكون بينا محافظات
ناهد _ هيبقا تقيل عليك الايجار كل شهر
ادم _ متشليش هم، انا لو كملت شغل بشكل ده هقدر اصمم لينا بيت جديد
ناهد _ طيب اقولك فكرة
ادم _ قولي
ناهد _ الخمس فدادين اللي احنا بنأجرهم بالشهر دول لو اتباعو هنقدر نشتري شقه كامله من بابها بتمنهم
ادم _ مش عاوز ابيع الورث
ناهد _ مش بدل ماهما مرمين كده، خلينا نبيعهم بس ونستفاد بتمنهم وانت تقدر تجوز كمان
ادم بحيره _ هينفع يعني
ناردين _ ومينفعش ليه احنا واخدين منهم ايه يعني انت مش هتزرع ولا هنروح المنيا علشانهم، بيعهم بس انت
ادم _ طيب اللي تشفوه
ناردين _ هنسافر امتي بقا
ادم _ طالما هنبيع خلينا شويه كمان
ناردين _ قد ايه يعنى
ادم _ اشوف مشتري الأول ونشوف هياخد قد ايه علشان يدفع
ناردين _ طيب شهل
ادم _ متقلقيش فرحك في معاده
ناردين _ مش كده
ادم _ كده ونص
ناهد _ خلاص يا ناردين مجتش على الاسبوع اللي هنكمله هنا
في بيت فهد
نور _ فهد قوم
فهد بدوخه _ عاوزة ايه يانور
نور _ تعبانه قووم
فهد يقوم فجأه _ ايه هتولدي
نور _ اولد في الخامس؟
فهد _ امال ايه تاعبك
نور ببكاء _ تعبانه نفسيآ
فهد _ ليه ياحبيبتي
نور تبصله بغيظ ومتردش.
فهد _ مالك
نور _ مفيش
فهد _ ياااحبيبتي مالك بس
نور بعصبيه _ مفيش انا مجنونه
فهد _ انا اللي مجنون ياروحي، بس قولي مالك … طيب بتتوحمي علي حآجه اجبهالك
نور بعصبيه _ ما انت لو مهتم بيه وبابنك كنت عرفت ان شهور الوحم خلصت
فهد _ معلش ياروحي اصلي محملتش قبل كده
نور ببكاء _ انت المفروض كنت اتعلمت من تجاربك السابقة ان الست ليها اهواء ومتطلبات واحتيجيات خاصة
فهد _ مهما مقلوليش علي السر ده الحقيقه يعني محددوش السبب اللي يخليهم يصحو جوزاتهم الساعه اتنين بليل علشان يزعلو
نور _ الساعه واحده و55 دقيقه مش اتنين
فهد _ ياسبحان الله فرق خمس دقايق، دول يتولد فيهم مليون طفل ويموت فيهم اتنين مليون بسبب الحروب وينجلط فيهم 10 الاف و واحد
نور _ مين ال 10 الاف و واحد دول..
فهد _ انا ومشجعين الزمالك
نور بغيظ _ متغيرش الموضوع يافهد
فهد _ هو كان في موضوع وانا غيرته
نور بغيظ _ ايوه ولو ناسي افكرك
فهد _ ايوووه فكريني
نور بغيظ _ فاااكر لما دخلت عندك ولقيتك بتبوس البنت اياها
فهد _ قولتلك قبل كده ان هي اللي باستني
نور _ مش موضوعنا دلوقتي
فهد _ امال ايه الموضوع
نور بعصبيه _ وقتهااا كنت جيبالك طبق كشري عملاه بأيدي واتكسر قدامك وانت مفكرتش حتى تشكرني اني تعبت وجبتلك كشري لحد بيييتك
فهد بذهول _ انتي مصحياني من احلي نومه بعد يوم شقا عشان تعاتبيني على حآجه انا محضرتهاش اصلا، نااااامي يا نور
نور ببكاء _ انت مبقتش تحبني، طلقني انا مقدرش اعيش مع واحد خلقه في منخيره زيك
فهد بنفاذ صبر _ ربنا يصبرك عليه قد ايه انتي بتعاني بسببي
نور ببكاء _ شوفت بقا
فهد _ انا اسف حبيبتي انا بس من كتر خوفي اني اخسرك وقتها مركزتش في الكشري
نور بإبتسامة _ بجد يافهد
فهد _ طبعااا اسكوتي دا انا احيانا بحلم انك بعدتي عني ف اصحا مفزوع وادعي ربنا يكون اضغاس أحلام وميتحققش
نور بإبتسامة _ لدرجة دي بتحبني
فهد _ واكترررر. وبعشق اني اضمممك لحضني وانا نايم، بحس انى حاضن بنتي
نور بإبتسامة _ طيب يلا ننام
فهد _ حبيبتي، يلا ياروحي … ع فكره الشعرايه المرفوعه في اول الحاجب بتاعك تحففففه،
نور بإبتسامة _ انا عملاها بمسكرة الحواجب
فهد _ تجنننن. تعالي حبيبتي في حضني عشان ننام
نور تنام علي دراعه وتنعس
فهد محدث نفسه _ اووووف كان مالي انا ومال الجواز.. يابختك ياعز البنت ماتت.. تلاقيه متحسر وبيحسدني دلوقتى
تاني يوم في المستشفي
يامن وهو يلعب البيبي_ نغنغنغنغن كوت كوت كوت.. بذمتك ما شبهي
ليلي بإبتسامة_ اه شبهك اوي فعلاً
يامن بإبتسامة_ شكله حلو اووي، شوفي بيفتح بوقه ازاي، شكله جعان
ليلي _ لسه مرضعاه
يامن بإبتسامة_ بالهنا ياكوتي كوتي كوتي،،
ليلي بإبتسامة_ هنسميه ايه
يامن _ انا نفسي ف اسم يوسف
ليلى _ وبنسبه لاهلك اللي عشمتهم بانك هتسمي عليهم
يامن _ هو انا عشمتهم بجد
ليلي _ ايوه لما سبتني اصرخ وقعدت تطلع مشاعرك اللي مخبيها بقالك قرن
يامن _ وبعدييين طيب انا عاوز اسمي يوسف
ليلى _ اقولك فكره حلوه
يامن _ قولي
ليلى _ قولهم ان مراتي حلمت حلم وشافت الشيخ معرفش مين بيقولها تسميه يوسف
يامن _ اجرب
بعد وقت
علاء _ الواد ده طالع حلو لمين ياض
يامن _ ذاك الشبل
منصور _ فين الاسد
يامن _ انا يا بابا
منصور _ انت الاسد
يامن _ ايوه يا بابا اقوم ازئر علشان تصدق
منصور _ والله يابني مافيكم حآجه من بعض غير الفرو
ليلي تداري ضحكتها وهو يشوفها
يامن _ في اييه يا بابا
منصور _ مفيش يابني، ها هتسميه ايه
يامن _ يوسف
علاء _ يااواطي مش قولت هتسميه علي اسمي
منصور _ واسمي انا كمان
يامن _ ايه ده هو ليلي مقالتش ليكم اللي حصل
منصور _ لأ
يامن _ اصل الحكاااايه ان
منصور _ ايوه
يامن _ ليلي مراااتي كان ليها زميل في الجامعة بنفس الاسم وعلشان يعز عليها وصتني اسميه على اسمه
ليلى بصدمه _ انت بتقول ايه يوسف مين
يامن يغمزلها ويعض علي شفته _ يووسف يا ليلي اللي كنتي دايما تذاكري معاه ويااااما ساعدك
منصور _ هتسميه على اسم واحد كان زميلها وبيساعدها كمان… يا خسارة الرجاله… يلا يا علاء ورانا شغل
علاء يبص ليامن بقرف_ يلا يا بابا
يامن بأستغراب _ هما مالهم
ليلي بعصبيه _ يامن انت مجنون
يامن بأستغراب _ هو اسم يوسف وحش، مالكم؟
ليلي بعصبيه _ مقولتش ليه علي موضوع الشيخ بدل العك ده
يامن _ ههههه ياحبيبتي هما هبل علشان يصدقو حآجه زي دي
ليلي بغيظ_ انت اللي اهبل، عاوز تسمي ابنك علي صاحب مراتك
يامن بغيظ _ انتي مصاحبة واحد من ورايا يا ليلي
بعد ايام
بيت شامي
بسمه _ رايح فين
شامي _ هقابل السمسار عشان الشقة بتاعت ادم
بسمه بإبتسامة _ هما خلاص هيرجعو؟
شامي _ ايوه
بسمه _ امتي
شامي _ يوم الخميس، .. مالك مهتمه كده
بسمه _ عشان فرحك
شامي _ احبيبتي عشان فرحي بردو
بسمه _ اه امال عشان ايه يعني
شامي _ ماشي، .. يلا انا رايح ونشوف الموضوع ده بعدين
بسمه محدثه نفسها _ وانا مالي بفرحك انا مستنيه التخطيط… عدت سنه يا دوومه وهترجع تاني علشان اضايقك في المكتب زى زمان
بعد ايام بيرجع ادم وناردين وناهد ويروح لبيتهم الجديد اللي بيتضمن خمس ادوار.. واول حآجه بيعملها انه بيكلم شامي ويعزمه هو واهله وكذالك يامن و ليلي.. وبيجي يوم العزومه وليلي معاها يوسف الصغير
ناهد بفرحه _ ياحبيبي، عسل زي امك يا واد
يامن _ دا شبهي انا، كله بيقول كده
ادم _ لا ياعم الواد حلو شبهك ازاي
يامن _ يعني انا وحش يا ناقص
ادم _ اهو شكل الناس تعرفك بيه وخلاص مدققش كلها خلقت ربنا
يامن بضحك _ ماشي ياعم ربنا يجيبلي حقي
ادم _ بهزر معاك انت وسيم ياصاحبي وياما بنات حبتك من ايام الثانوي الا قولي هي البنت الي قولتلي انك بتفكر تجوزها علي ليلي لسه موجوده
ليلي _ ناااعم تجوز مين يا يامن
يامن _ دا كداب، صلح ياعم متودناش في داهيه
ادم _ هو انت مقولتلهاش
يامن _ ادم هزعل منك دي بتصدق
ليلي _ انا رايحه اشوف يوسف وحسابي معاك في البيت
يامن _ دا كداب والله
ادم بهمس_ هات عشره جنيه وانا اعترف
بعد وقت بيوصل شامي واهله ويسلمو عليهم ويبتدو يجهزو الاكل وادم بيجهز معاهم
في المطبخ
ادم _ منوره يا ناردين
ناردين _ ما انا عارفه بتقولي ليه
ادم _ اصلك وحشتيني اوي
ناردين تبص لبسمه اللي بتغسل الاطباق وهي بتضحك _ اااه ياحبيبي وانت كمان وحشني والله
ادم _ امال مسلمتيش عليه ليه لما جيتي
ناردين بهمس _ بقينا بنعرف نرمي كلام من تحت لتحت اهو
ادم بهمس _ انتي فهمتي ايه
ناردين بهمس _ اللى فهمته.. استني انا هتوزع وانت استغل الفرصة وكلمها
ادم بإبتسامة _ ازاي ، واقولها ايه
ناردين _ قولها تجوزيني ولا انت عاوز تتسلي
ادم _ الاتنين، بصراحه، انا نفسي اعيش قصه الاول وبعدين اتجوز
ناردين _ طلعت مش سهل، بس اخطبها وعيش القصة رسمي احسن
ادم _ طيب يلا اتوزعي وظبطي الدنيا ها
ناردين _ بس متتأخرش انا هقول انها مع ليلي في الاوضه
ادم _ حبيبتي اختي
بتمشي ناردين وهو بيمسك طبق ويروح عندها ويغسله
ادم _ انتي عارفه يا انسه بسمه ان كل ما بتغسلي طبق، الطبق ده بيدعيلك
بسمه بإبتسامة _ اول مره اعرف
ادم _طيب بلاش دي … طيب انتي عارفه انك معليه الميه والمثل بيقول… ولا تسرف في الماء ولو كنت علي نهرآ جاري.. شكلك مكنتيش تعرفي
بسمه بضحك _ وهعرف منين
ادم _ متعرفيش كل حآجه كده
بسمه _ معرفش الحقيقة
ادم _ ولا تعرفي انك يعنى… وحشتيني
بسمه بخجل _ انا خلصت الاطباق عن اذنك
ادم بإبتسامة _ ومتعرفيش ان غلط تخبي اللي في قلبك ومتقووولييش وحشتني يااا ادم
بسمه _ لو وحشتني هقولك هخبي ليه
ادم _ يمكن مكسوفه
بسمه بإبتسامة _ ممكن اعدي طيب
ادم _ مش عايزة تعرفي التخطيط كان ايه
بسمه _ قول
ادم _ انا كنت فاكرك عارفه
بسمه _ وانا اعرف منين انت مقولتش
ادم بهمس _ طيب انا هقول لشامي على التخطيط ده
بسمه بإبتسامة _ ما تقولي انا
ادم _ لا انتي مخك تخين
بسمه _ ماشي ، هتقوله امتي طيب
ادم _ النهارده
بسمه بإبتسامة _ طيب
ادم _ شكلك مشوفتيش الشقه اللي هنفذ فيها التخطيط
بسمه _ مشوفتهاش
ادم _ كان نفسي اوريهالك
بسمه _ انت هتلبخ
ادم بضحك _ انا قولت ايه دلوقتي
بسمه _ معرفش بقا، و وسع
ادم بإبتسامة _ مش قبل ما اقولك اللي عندي
بسمه بخجل _ هو ايه
ادم يقترب منها وينظر لها برومانسيه
بسمه بلخبطه _ ابعد
ادم يمسك الطبق و يورهولها _ الاطباق فيهم صابونه اشطفي كويس
بسمه _ انت كنت مميل عشان تجيب الطبق
ادم _ امال انتي فهمتي ايه
بسمه بإبتسامة _ ولا حآجه عديني
ادم _ كنت لسه هوريكي بقيت الاطباق مستعجله ليه
ناردين _ اااحم.. كلم ياحبيبي يامن وشامي عاوزينك
ادم _ مش كل واحد قاعد مع اللى يخصوه مالهم بيه
ناردين _ يلا بره ياحبيبي خلينا نخلص الغدا
ادم _ نكمل كلام عن الصابون بعدين
بسمه بإبتسامة _ طيب
ناردين _ ما تخلص
في بيت شامي
شامي بزعيق _ بسممممه
بسمه بارتباك _ نعم
شامي _ يااترا عرفتي ادم طلب مني ايه
بسمه بارتباك_ طلب منك ايه
شامي_ طلب ايدك قااال
بسمه بلخبطه_ بجد،، امتي
شامي_ لما كنا عندهم
بسمه_ وانت قولتله ايه
شامي_ رفضت طبعا، انا علي اخر الزمن اجوز اختي لحتت مهندس، وكمان نسيبي
بسمه_ رفضت
شامي_ اه طبعا ولا انتي ليكي رأي تاني
بسمه_ لأ اللى تشوفه
شامي_ ايوة كده حبيبة اخوها،…. اطلعي فوق بقا ظبطيلي الشقه بأديكي الحلوين دول عاوز ناردين تنبهر لما تشوفها
بسمه بقرف_ حاضر
شامي_ حبيبتي اختي، يلا ياغاليه ظبطيها كويس.. عشان افرح بيكي
بسمه_ مش مظبطه انا مش هتجوز فيها، خلي كريم
شامي_ بقاااا كده طيييب اتفضلي على المطبخ
بسمه بقرف_ طيب
بتمشي بسمه وهو بيتصل ب أدم
شامي _ سألتها وموافقه، احنا مش هنلاقي احسن منك
ادم _ انا متشكر اوي
شامي _ بس مش هنتكلم في تفاصيل غير بعد فرحي انا وناردين
ادم _ اه طبعا نفرح بيكم الاول وبعدين نشوف موضعنا احنا
شامي_ على خير
بيقفل معاه ويروح عند بسمه
شامي_ لويه بوزك ليه
بسمه_ مفيش
شامي_ انا عارف سبب زعلك
بسمه_ ايه
شامي_ انتي زعلانه علشان ادم طلب ايدك، انا قولت من الاول حتت مهندس يطلب اختي عجبت لك يازمن، ورفضته وبقسوه وقولتله لا يمكن اجوزهالك
بسمه _ كتر خيرك مقصرتش
شامي_ ياحبيبتي انتي اختي وانا اعرف مصلحتك، يلا بقا قومي وضبي الشقة الفرح مبقلهوش غير تلات ايام
بسمه_ طييب قايمه اهو،
شامي_ ابتسمي يا بسمه، دا انتي حته اسمك بسمه
بسمه بقرف_ حااضر هبتسم بعد ما اخلص الشقه
شامي_ يارب افرح بيكي قريب، يلا يا بابا
يوم الفرح
عند الفوتجراف
شامي _ انتي مين.. ايه حضرتك فين عروستي
ناردين _ انا هنا
شامي _ يافندم متهزروش فين عروستي
ناردين _ في ايه ياشامي
المصور _ دي عروستك
شامي _ عروستي ازاي مين دي
ناردين بغيظ _ شاااامي والله اقلع
شامي _ طيب لحظه اتفضل انت خمسه
المصور _ ماشي خدو راحتكم وبيمشي ويسيبهم وحدهم
شامي _ تقلعي فين انتي اتجننتي
ناردين بغيظ _ اقلع الفستان قصدي،
شامي _ ياريت دا حتي وحش قولتلك بلاش فساتين مكشوفه عاجبك منظرك كده، ولا المصور اللى محسسني انه متحول جنسيآ ازاي يصورك بمنظرك ده
ناردين _ عادي دي شغلته
شامي _ يعني ايه شغلته، مفقع عينيه مثلا ومش هيشوفك
ناردين _ مضايقك ف ايه منظري دي الموضه
شامي _ حبيبتي موضة ايه امال مخليالي ايه مفاجأة اشوفها جوه
ناردين بذهول _ شااامي
شامي _ ما انا مش فاهم ازاي لابسه العك ده، انا مقبلش حد يشوفك.كده
ناردين_ محسسني اني رجليه باينه، دا يدوب الكتاف باينين
شامي _ كتااااف بس، طيب ايه رأيك هتلبسي الجاكت بتاعي طول ما احنا بره البيت
ناردين_ بتهزر صح قول انك بتهزر
شامي_ مبهزرش
ناردين_ لااا بقا مش هينفع.. طيب نغيره هنا في فساتين تانيه ومقفله
شامي_ ده حل كويس، يلا خلينا نشوف غيره
في القاعة
بيدخلو ناردين وشامي وبسمه واقفه علي جمب وماده بوزها
ادم _ زعلانه ليه
بسمه _ مفيش
ادم _ لا فيه مالك
بسمه _ بقولك مفيش يا استاذ ادم
ادم _ استااذ… ايه استاذ دي بقا
بسمه _ اقولك ايه يعني
ادم _ ادم حاف من غير استاذ
بسمه _ المقامات هتفضل محفوظة
ادم _ ايه ده في ايه .. انتي زعلانه اننا هنتجوز
بسمه _نتجوز
ادم _ اه نتجوز ولا انتي مش موافقه
بسمه _ مش شامي بلغك الرفض
ادم _ رفض مين، دا قالي انكم موافقين، انتي مش عاوزة يعني
بسمه _ شامي قالك موافقين
ادم _ اه بس المهم رايك دلوقتي،
بسمه _ لا استنا ، دا قالي انه رفضك من اول ما كلمته
ادم _ ازاي ده. كلمني وقالي انك وافقتي
بسمه _ اااه يا جزمه ، استنا هنا
بتروح عند شامي
بسمه_ انت قولت ايه ل آدم لما اتقدملي ياشامي
شامي بضحك_ قولتله رايك
بسمه_ اللى هو ايه
شامي_ انك موافقه
بسمه بغيظ_ ليه التحوير ده مش كنت تقول اللي حصل من غير لعب
شامي_ خلاص زعلانه ليه نقوله رفضت،.. ااادم
بسمه_ لاا اقعد جمب عروستك انت وانا هقوله
شامي بتحذير _ قلت ادب، لمس صوابع، تسبيل،.. هد.بحك
بسمه _ متخافش اختك راجل،.. الف مبروك ياحبيبي وبتمشي
ناردين بغيظ_ يعني ايه مفيش تسبيل وقلت ادب انت نسيت عملت ايه فى اول يومين عرفتك فيهم
شامي بإبتسامة_ انا مقدرتش اقاوم وامنع نفسي، العيب عليكى انتي اللى جميله
ناردين_ يا سلام
شامي_ اه والله، عليكي عيون يسحرو، ولا الشفايف، كررريز ولا الكتاف ههههه قال كتافي بس قال
ناردين بإبتسامة_ انت قليل الأدب على فكرة
شامي بإبتسامة_ امال لما ندخل جوه هتقولي ايه
ناردين_ ما تتلم شويه الناس بتبص علينا
عند ادم
آدم بيبص ليلي ويامن وهما قاعدين مع بعض وشكلهم مبسوطين، وبعدين يطلع ورقه من جيبه ويبصلها شويه وبعدين يجي يقطعها ف بسمه تخطفها منه
بسمه_ امممم ايه دي بقا
ادم _ بتخطفيها ليه
بسمه _ بما اننا في حكم المخطوبين ف من حقي اعرف … رسمه جميله
ادم ياخدها منها تانى _ انتى لسه رافضه دلوقتي
بسمه _ مرفضتش دا شامي كان بيستهبل
ادم _ يعني انتي موافقه
بسمه بإبتسامة _ ايوه
ادم بإبتسامة _ وانتي كان ممكن ترفضي اصلا
بسمه _ اه عااادي
ادم _ وانتي هتلاقي زي فين، طول بعرض وعنين خضره
بسمه _ وغرور
ادم بضحك _ وغرور
بسمه _ طيب ممكن اعرف حكاية الرسمه دي
ادم بشرود_ ناردين رسمتها احنا وصغيرين
بسمه _ طيب وكنت هتقطعها ليه
ادم _ كفياها كده . وبيقطعها قدامها
بسمه _ ليه.. يعني احتفظت بيها من صغركم وجاي دلوقتى تقطعها
ادم _ خلاص بقا انا مستني رسمتك علشان احتفظ بيها بدالها
بسمه _ مبعرفش ارسم
ادم بإبتسامة _ مش مشكله
بسمه _ بس ممكن احاول ارسم طالما بتحب كده
ادم _ مفيش داعي اصلا الرسم ده ممكن يتقطع ويترسم غيره، ف بلاش خلينا كده احسن
بسمه _ عندك حق
ادم بإبتسامة _ يعني ااانتي موافقه
بسمه بإبتسامة _ اه
ادم _ ربنا يستر
لقراءة الرواية كاملة اضغط على : (رواية هذه ليلتي)
