رواية نكهة حب الفصل الثالث 3 بقلم كريمة حمادة
رواية نكهة حب الجزء الثالث
رواية نكهة حب البارت الثالث
رواية نكهة حب الحلقة الثالثة
شفق بصراخ:انت ايه اللى جابك هنا..انت. انت..
:كملى يا شفق سكتى ليه انا ايه
شفق بكره:انت أقذر ما يكون..انا بكرهك ظهرتوا فى حياتى تانى ليه ليييييه
احلام بحزن:اهدى يا شفق ارجوكى
شفق:انتى كنتى عارفة أنه جاى صح اكيد متفقة معاه يقابلنى هنا عشان كدا كنتى مصرة اشتغل هنا
احلام بصدمة:لا والله يا شفق ما عملت كدا انا اول مرة اشوفه زيك
:احلام ملهاش ذنب يا شفق ومتعرفش انى هاجى هنا اصلا
عمار:هو فى ايه انتو ايه علاقتكم ببعض..علاقتك بيها ايه يا سليم
سليم بحزن وهو باصص لشفق:شفق تبقى اختى بس من ام تانية
شفق بصراخ جامد:متقولش اختى ، انا مش اختك ولا اخت حد
سليم بترجى:شفق ارجوكى اسمعينى تعالى نقعد وهفهمك كل حاجة
شفق بقهر:تفهمنى ايه ولا ايه يا اخى انت عارف عملتوا فيا ايه ها افكرك ولا نسيت يا بشمهندس
احلام:عايز ايه منها يا سليم تانى
سليم:عايز ارجع اختى
شفق بسخرية:دا عندها..عند الست الوالدة بقى اللى دمرت حياتى ومشيت وخرجت برة المطعم كله واحلام بتجرى وراها وملحقتهاش ورجعت تانى ووقفت قصاد سليم وضر..بته بالقلم قصاد كل الموجودين
احلام بغضب وهى بصاله بس بتكلم عمار:لو سمحت يا عمار بيه ممكن تلحقها شفق لما بتغضب بتتهور وبتعمل كوارث هتودى نفسها فى داهية ارجوك
عمار مشى فعلا وراها وفضل يدور عليها بعربيته لغاية ما لقيها واقفة على صخرة كبيرة قصاد البحر
جرى عليها وهو بينادى باسمها وفجأة..
فى المطعم..
سليم بسخرية:كنتى مستنية كتير شكلك عشان تدينى القلم دا
احلام بكره:ولو اطول اقطع..ك بايدى والله
سليم:احلام خلينا ننسى اى خلاف بينى وبينك دلوقتى بس ساعدينى ارجوكى انى اقعد مع شفق فى حاجات كتير لازم تعرفها
:اه زى مثلا ايه علاقة اسم المطعم والشركة باسم شفق اكيد مش تشابه اسماء يعنى..خرجت الجملة دى من مازن بسخرية وبرود
سليم:فعلا فى علاقة وعلاقة كبيرة كمان
احلام:بقولك ايه يا سليم هى الست نازك السلحدار تعرف أن ابنها بيدور على أخته زى ما بتقول ولا لا أصله مش معقول يعنى سيدة المجتمع الراقى نجوان هانم هتسمح لابنها يدور على بنت ضرتها ولا ايه
سليم اتنهد بوجع وقرب من احلام ومسك أيدها بس هى بعدتها منه بعصبية:تمام تمام انا اسف على الحركة دى..بصو يا جماعة باختصار شفق تبقى اختى من ام تانية وبعد ما بابا اتوفى امى طردتها مستحملتش بنت ضرتها تكون معاها فى البيت بحكم أن جوزها اتجوز عليها..بس والله انا رفضت وفضلت ادور على شفق لغاية ما لقيتها وكنا ماشيين حياتنا تمام لغاية ما..بلع ريقه بصعوبة..لغاية ما حصل اللى حصل
نيرة:حصل ايه يا سليم
سليم وهو باصص لاحلام بندم وهى بصاله بكره وعتاب ومازن ملاحظ نظراتهم لبعض واضايق جدا
:كل اللى اقدر اقوله إن نصيبى فى الشركة والمطعم ميبقاش لوحدى يعنى كل أملاك بابا اتقسمت حسب الميراث عليا انا وشفق وحق والدتها كمان لسة محتفظ بيه لوحده بس امى لعبت فى الورثة وكتبت كل حاجة باسمى عدا طبعا حق والدتها وعشان كدا اخترت اسم الشركة بتاعتى يبقى باسمها بس حقها كله محفوظ
احلام:بس ازاى انتو شركا مع بعض والاسم موحد باسم الشفق
مازن:عشان ببساطة الاسم عجبنا فخليناه بالاسم دا ومحدش اعترض
والد عمار:حاول ترجع اختك يابنى باين عليها اتمرمطت اوى
سليم بحزن:هحاول يا عمى لازم ترجع اصلا لازم كل حاجة تتصلح
احلام بعصبية:والله اتمنى يعنى ترجعلها حقها وبعدين تختفى خالص من وشنا
مازن:هو انتو ليكم علاقة ببعض ؟
سليم بضحكة موجعة:كان لينا علاقة ببعض بس اتمنى ترجع
احلام:وانا متمناش الصراحة، كانت ماشية بس رجعت تانى ووقفت قصاده
:بقولك ايه يا سليم فى حاجة كدا عايزة ادهالك وكان نفسى اقابلك واهو حصل نصيب وشوفتك
سليم بحذر:حاجة ايه غير القلم
:اتفووووو…اتمنى مترجعش تانى عشان مش متقبلاك فى حياتى..ومشيت
سليم مسح وشه بهدوء وهو بيضحك بسخرية وكأنه كان متوقع منها دا، وافتكر زمان لما حصل نفس الموقف بس العكس من والدته
كل الموجودين اتصدموا من حركتها ما عدا مازن فرح فيه واتبسط من رد فعلها
المطعم فضى ومبقاش فيه غيرهم لأنهم كانوا قاعدين فى الدور التانى المخصص للعائلة..نزلوا كلهم قعدوا تحت ومستنيين عمار يجى ومعاه شفق. وخايفين أنه مش يلقاها..
____________&
:انتى هتعملى ايه؟انتى هتنت.حرى هو دا الحل يعنى
_انت.حر ايه يعم انت انت عايز تمو.تنى وخلاص
عمار:اومال واقفة كدا ليه
شفق باستفزاز: بشم هوا فى مانع
:حتى وانتى كئيبة لسانك طويل
شفق وهى بتنزل من الصخرة:كئيبة؟مين قالك انى كئيبة بقى
:منظرك دا يدل انك زعلانة..الصراحة بعد الشو والزعيق دا كله انا قولت البت هترمى نفسها ونخلص منها
شفق بسخرية:خايف عليا اوى يولا..هو انت جاى ورايا ليه اصلا عايز ايه يعنى من الاخر
عمار بللامبلاة واستفزاز:جاى اشمت فيكى
شفق هزت راسها بدون فايدة وهى بتضحك وبعدين بصت للبحر واتنهدت
عمار بصصلها بتركيز وعمق وقال:عيونك حلوة خسارة فيها الزعل
لفتله شفق بصدمة ومردتش
:متخليش حاجة تأثر فيكى..كملى حياتك عادى زى ما كنتى بس اقوى من الاول
شفق بتوتر:احم هو…احم
عمار:متقوليش حاجة خلينا نرجع كلهم قلقانين عليكى
هزت شفق راسها بنعم ومشيت معاه
___________&
احلام كانت واقفة برة وباصة للسما بحزن
_انا اسف
احلام بسخرية بدون ما تبصله:اسف..هه اسف فعلا اصل اسف دى هترجع كرامتى اللى اتجرحت ولا قلبى اللى اتكسر
سليم بندم:احلام والله عملت كدا غصب عنى صدقينى بس..
احلام بصراخ هيستيرى:بس اسكت بس مش عايزة اسمع صوتك..انت ايه يا اخى ايييييه ليه مصر انك تاذينى لييييييييه
سليم بحزن:محدش اتاذى غيرى يا احلام..اتأذيت ببعد اختى عنى وببعدك عنى اتأذيت من امى ومن الدنيا كلها لو انتى اتاذيتى منى قيراط فربنا جبلك حقك منى ٢٤ قيراط..رغم كل السنين دى إلا انى لسة بحبك يا احلام
رفعت عينها ليه بصدمة وكمل هو:أيوة بحبك زى ما كنت بدور على شفق كنت بدور عليكى انتى
احلام غمضت عينها لثوانى وقالت/
_______________&
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية نكهة حب)
3 تعليقات