رواية أنت مرادي الفصل الحادي عشر 11 بقلم علا عبدالعظيم
 |
| رواية أنت مرادي الفصل الحادي عشر 11 بقلم علا عبدالعظيم |
رواية أنت مرادي الفصل الحادي عشر 11 بقلم علا عبدالعظيم
وفي بيت ملك تليفونها بيرن من بدري وهي مش راضيه ترد .. وأخيراً ردت …..
مراد : مش بتردي ليه ؟
ملك : و ارد ليه !
مراد بغيظ : بيقولوا اني خطيبك .
ملك ببرود : ومبقيتش .
مراد : قصدك اي يا ملك ؟
ملك : بابا كان عاوزني اتجوز عشان كان خايف أن لقدر الله يحصله حاجه هو وماما وابقا لوحدي لكن دلوقتي مريم موجوده .
مراد في نفسه:( ياريتني ما عملت فيها واد شهم ورجعتها )
ملك : ساكت ليه .
مراد : هقولك اي ، فاضل على فرحنا اسبوع و حضرتك بتستظرفي… و على كدا ابوكي عارف الكلام دا ؟
ملك : لا بس هعرفه.
مراد بحزم : بصي بقا تعرفيه متعرفهوش دي حاجه ترجعلك بس الفرح في معاده ، انا مش ناقص دلع بنات .
ملك متكلمتش وقفلت في وشه وقالت في نفسها: دلوقتي بقا هتأكد لو فعلا لسه بتحب داليدا وعاوز تنساها بيا ولا بتحبيني انا .
مراد : والله يا بنت محمود ل اوريكي بس في كل الحالات هتجوزك يعني هتجوزك .
و في يوم جديد :
ملك صحيت وجهزت نفسها للكلية و صحت مريم عشان يفطروا مع بعض .
و على الفطار .
مريم : انا هنزل اسكندريه النهارده .
محمود : ليه ؟
مريم : على فكره انا عندي امتحانات الفتره دي .
عبير : طب يا حبيبتي حولي ورقك هنا .
مريم : حاضر .
ملك : بس مفيش تحويل فترة الامتحانات …
مريم : انا هحاول ولو نفع خير وبركة ولو منفعش هروح واجي لحد ما الامتحانات تخلص أو ….
محمود : أو اي يا مريم .
مريم بتردد : أو او اقعد عند بابا عبد الرحمن لحد ما اخلص امتحانات .
محمود بغضب: اي اللي انتي بتقوليه دا ؟
مريم : يا بابـ….
محمود بمقاطعة : مفيش كلام عاوزه تحضري امتحاناتك روحي وتعالي كل يوم انما مفيش الكلام اللي انتي بتقوليه دا .
مريم بأستسلام : حاضر .
ملك طبطبت عليها : انا هنزل دلوقتي وهرجعلك تاني .
مريم بصتلها بحزن : طيب خلي بالك من نفسك.
ملك : وانتي كمان .
و عند روز …
صحيت روز من نومها وقامت جهزت نفسها للكلية و فجأة تليفونها رن .
روز بإبتسامه : صباح الخير
مصطفى بحب : صباح النور يا حبيبتي ، عرفتي اهلك اني جاي اتقدم اخر يوم في الامتحانات ؟
روز : لسه ، هما كانوا مشغولين الفتره اللي فاتت بس أن شاء الله بليل هكلمهم .
مصطفى : تمام ، ذاكرتي ؟
روز : مش اوي ، ما تديني الامتحان مش انت المُعيد وهتبقا خطيبي ؟ ولا فالح بس تطردني !
مصطفى بضحك : ولو لمحتك بتبصي جمبك هعملك محضر غش .
روز بطفوله : والله انت غلس بقا وهقفل ..
مصطفى بضحك اكتر : استني استني …..
بس روز قفلت في وشه وقال بإبتسامه : بحب طفله يا ربي .
مريم سافرت اسكندريه و راحت كليتها وبعد ما خلصت امتحانها وخرجت .
هاجر : مريم مريم عوزاكي .
مريم : مالك يا هاجر .
هاجر :تعالي معايا دقيقه ..
مريم : طيب بس احنا طالعين من الكليه ليه ؟
هاجر : هوريكي حاجه .
وصلوا لمكان فاضي ..
مريم : احنا هنا ليه ، انا كدا هتأخر.
و فجأة سمعت صوت بيقول : انتي مش هتروحي اصلا يا حلوه .
مريم بصت بصدمة وقالت : إيهااااب ؟؟؟؟؟
و عند روز و اول ما خرجت من الامتحان تليفونها رن .
روز :, انا حليت كويس الحمدلله .
مصطفى :, طيب انتي فين ؟
روز : في الكافتيريا بتاعت الجامعة
مصطفى : طيب انا جاي اراجع معاكي
روز بفرحه : طيب انا مستنياك …
وفجأة وصلت لـ روز رساله .. فتحتها ، وقالت بصدمه : اي داااا ؟؟؟؟
