رواية تغيرت لأجلها الفصل التاسع والعشرون 29 بقلم زينب العشري
رواية تغيرت لأجلها الجزء التاسع والعشرون
رواية تغيرت لأجلها البارت التاسع والعشرون
رواية تغيرت لأجلها الحلقة التاسعة والعشرون
عدا 5 أيام وأسد إتحسن ورجع القصر من تاني وفريال عاشت معاهم
في القصر وزين وحور اتخطبو “الحمدلله 😂♥”
بليل أسد كان نايم في السرير ومستني تمارا تخرج من الحمام وبعد مدة خرجت وراحت بدأت تسرح شعرها أسد قام وأخد منها الفرشة وبدأ يسرحلها بحب وبعد ما خلص حضنها من ضهرها وباسها من رقبتها تمارا ابتسمت ولفتله: بحبك
أسد بحب:وانا بعشقك
شهقت بخضة لما شالها: أنت بتعمل ايه
أسد بحب: هوريكي حاجة
دخل بيها البلكونة واتصدمت لما لقت انه مظبط قعدة على الأرض جميله جدا
نزلها وخدها وقعدو
تمارا وهي باصة للقمر: الله بص القمر حلو ازاي
بصت على أسد لقته باصصلها
تمارا: في إيه
أسد بحب: الله هو مش انتي قولتي بص علي القمر؟
تمارا بضحك وهي بتشاور علي السما: قصدي القمر ده
أسد بحب: وليه ابص على القمر اللي في السما وفي قمر جنبي؟
تمارا ابتسمت وقعدو هما الإتنين باصين على السما
ـــــــــــــــــــــــــــــــــــــــــــــــــــــــــــــــ
تاني يوم عند حور صحيت من النوم على صوت خبط على شباكها
قامت وفتحت الستارة لقت زين في وشها ومبتسم وأول ما زين شافها ضحك على شعرها المنعكش قفلت الستارة بسرعة ودخلت الحمام
غيرت هدومها وسرحت شعرها وفتحت الستارة تاني لقت زين واقف ساند على السور ومستنيها فتحت الباب: نعم
زين بإبتسامة: صباح الخير
حور: صباح النور.. نعم
زين: في ايه يا ست مالك بس
حور قعدت على السور: هو انا ببقا كدا لما بصحى انجز
زين بضحك: إهدي على نفسك شوية
انا هكلمهم في ان كتب الكتاب يبقي بعد شهر
حور: وهو احنا لحقنا
زين : الشقة جاهزة وانا جاهز وانتي جاهزة يبقا ايه بس اللي يأخرنا
حور: شوف اللي يعجبك واعمله انا نازلة
زين: اشطا ياعسل وودخل اوضته وهي خرجت من اوضتها ونزلت تحت
ــــــــــــــــــــــــــــــــــــــــــ
تمارا صحيت من النوم لقت أسد مش جنبها قامت دخلت الحمام خدت دش وخرجت سمعت صوت في البلكونة دخلت لقت أسد قاعد بيشرب قهوة وباصص للسماء
ابتسمت: احم احم سرحان في إيه؟
اسد خد باله منها وابتسم: فيكي
ابتسمت وراحت قعدت جنبه: دا انت واقع بقا
أسد حط ايده على كتفها وضمها: من زماااان دي امة لا إله إلا الله كلها عارفة اني واقع
ضحكت تمارا: وانا برضو واقعة من زمان مش هكدب
ابتسم وقال: كدا انتي واقعة وانا واقع يبقا زي الفل
ابتسمت وبصت للسماء
أسد: مالك ياقلبي؟
تمارا بدموع: ماما وحشتني اوي
أسد لفها ليه ومد إيده مسح دموعها وقال: طيب لو قولتلك ان مامتك عايشة؟
تمارا بصدمة: انت بتهزر صح؟
أسد بإبتسامة: لا مش بهزر مامتك عايشة مامتتش وقاعدة مع جوزها في إسكندرية
تمارا بصدمة ودموع فرحة: وانت عارف من امتا؟؟؟؟
أسد: عرفت انهاردة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية تغيرت لأجلها)
تعليق واحد