رواية لعنة سلطان الحلقة الثامنة والأخيرة بقلم أحمد عبدالله
 |
| رواية لعنة سلطان الحلقة الثامنة والأخيرة بقلم أحمد عبدالله |
رواية لعنة سلطان الحلقة الثامنة والأخيرة بقلم أحمد عبدالله
#لعنة_سلطان ????……………..” نهاية الملحمة ”
حلقة ” 8 ” النهاية
بقلم : أحمد عبدالله
.
قراءة ممتعة ❤️
.
” سلطانة وقفت من علي الكرسي ”
” شافت لرويدة ”
سلطانة : اللعنة مكانها
” جت تجري ????????♀️ رويدة و في ايدها المزهرية ”
رويدة : اللعنة انتي????
” كسرت المزهرية فوق راس سلطانة ”
سلطانة : ????????
…
ياسين : انتي شن درتي يا رويدة ????????
…
” طاحت سلطانة علي الكرسي و راسها دم ”
” تلفتت رويدة تجري ”
“اضبطت ياسين ”
رويدة : اللعنة ماتت يا ياسين
اللعنة ماتت
ماتتتتتتتنتتتتت
ياسين : ????????????
” متضبطة ياسين و تبكي ”
” دفها ياسين ”
ياسين : انتي شن درتي
رويدة : درت يلي مفروض يندار من لما جينا اهني
ياسين : قتلتيها يا رويدة
رويدة : و هي قتلتنا كلنا ، لازم تموت ، لازم
ياسين : رويدة انتي درتي كارتة
رويدة : درت الصح و يلي لازم يندار ، المراة هادي قتلتنا كلنا و لو ما قتلتهاش كنت انا و ياك توا تحت التراب زي الباقي كلهم
ياسين : هادي جريمة يا رويدة ، لما تسمع الشرطة شن حدير
رويدة :و من قالك ان الشرطة حتعرف انها مقتولة
ياسين : امانا شني
رويدة : حنقولوا للشرطة انها انتحرت
.
ياسين : ???????? كيف
.
رويدة : حنمسح المزهرية بلكحول و نحمي كل الاتر و بعدها نحطوا يدين سلطانة علاها و تنحط المزهرية في ايد سلطانة و نكلموا الشرطة
قالوا كيف
قلنا ماتت انتحرت بعد ما ماتوا كل خوتها
مفهوم
ياسين : انتي تتكلمي بلحقة و لا تبصري ، حتنفضحي حيعرفوا ، حتطلعي اذكي من الشرطة
رويدة : و خيرها سلطانة طول المدة كانت اذكي من الشرطة
ياسين : ????????
رويدة : انت انزل ارتاح في الصالة و انا حندير كل شي و ننزل و نكلموا الشرطة و الاسعاف
ياسين : ????????????
“تلفت ياسين و هو مصدوم و طلع ”
” نزل و قعمز في الصالة و حط ايده علي راسه ”
.
” سكرت رويدة الباب و بدت تمسح المزهرية بلكحول و دفت راس سلطانة علي اليمين ، و حطت المزهرية في ايدها اليسار ”
” فتحت الباب ”
” و نزلت “
.
” شافت رويدة لياسين ”
رويدة : تقدر تكلم الشرطة تجي
” ناض ياسين و شاف لرويدة ”
ياسين : متاكدة
رويدة : متاكدة
.
” رفع التليفون و رن علي الاسعاف و الشرطة ”
……..
” وصلت حياة لحوش عمتها و نزلت تجري بشنطتها ”
” بدت تطق الباب بلقوة ”
” فتحت عمتها ”
عمتها : حياة ????????❤️
حياة : عمتي انتي كويسة
عمتها : اني كويسة يا حياة
حياة : امانا خيرك كلمتيني قلتيلي مريضة و تعاليلي بسرعة
عمتها : عندي ليك رسالة لازم تقريها
حياة : شني
عمتها : خشي و حنفهمك كل شي
حياة : ????????
” خشت حياة و هي مش فاهمة شي ”
………
” وصلت الشرطة و الاسعاف بدو يطقوا في الباب ”
” شاف ياسين لرويدة ”
رويدة : حنفتح اني
” ناضت رويدة و فتحت الباب “
” خشت الشرطة و الاسعاف و بدو يجروا في كل انحاء القصر ”
…
” ركبت الاسعاف لسلطانة و قاموها “
” و الشرطة شدت رويدة و ياسين و رفعتهم ”
…….
???? في قسم الشرطة
مدير القسم : كيف ماتت الحالة
رويدة : انتحرت
مدير القسم : و ليش
رويدة : بسبب موت خوتها سببلها إكتئاب و للاسف النهاية كانت انها تقتل روحها و سكرت علي روحها الباب و نفدت يلي في راسها
مدير القسم : ايه صح الباب كان مكسور
رويدة : انا يلي كسرته
مدير القسم : انت وين كنت يا ياسين
رويدة : كان مقعمز في الصالة
مدير القسم : نكلم فيه هو
ياسين : كنت مقعمز في الصالة و قبلها كنت برا الحوش
مدير القسم : وقت الجريمة وين كنت
ياسين : الجريمة حاصلة قبلي بس كان الباب مسكر و لما وصلت كسرته انا و رويدة
مدير القسم : ???????? اها ، علي العموم عمتكم توفت و ملف القضية حنخليه مفتوح لين نلقي شي منطقي يقنعني اكتر
” شاف ياسين لرويدة و هو خايف “
رويدة : تمام شكرا ليك
” تلفتت و طلعت و طلع ياسين “
….
” طلعوا من قسم الشرطة ”
رويدة : انت وين ماشي
ياسين : حنمشي ناخد اوراق وفاة سلطانة باش غدوا ندفنها
رويدة : تمام انا راجعة الحوش
ياسين : تمام
” خدت تاكسي و روحت رويدة ”
…..
” رجعت للحوش كانوا الشرطة قاعدين في الدار يدوروا ”
” قعمزت في الصالة “
” نزلوا الشرطة ناضت سكرت الباب ”
……
حياة : انتي شن تقولي يا عمتي
عمتها : زي ما قتلك اقري هذا حتعرفي كل شي
حياة : ???????? ????
……
” وصل ياسين للحوش “
” خش لقي رويدة مقعمزة في الصالة “
” قعمز في جنبها ”
ياسين : تتوقعي اللعنة انتهت خلاص
رويدة : علي ما اظن
ياسين : انا لازم نسافر في اقرب وقت
رويدة : حتي انا حنسافر يا ياسين ، بس نستني في المحامي باش ناخد الثروة تبعي و نسافر
ياسين : رويدة هو انتي ممكن تتزوجيني
رويدة : ????????
ياسين : خيرك
” ناضت و شافتله ”
رويدة : انت تكذب صح
ياسين : انا نتكلم جد يا رويدة
رويدة : ياسين ترا عينك في عيني
ياسين : لو مش موافقة عادي
رويدة : لا طبعآ موافقة ، بس انت مش قبل هكي قتلي ما نحبكش شن يلي غير
“ناض و حط ايده علي خدودها “
ياسين : انتي يلي فاضلتلي في العيلة هادي يا رويدة ، حنرجع و انا ما عندي حد و حتي انتي معش عندك حد ، و الحقيقة كبرتي في عيني هلبا لما شفتك اليوم شن درتي
” أبتسمت “
رويدة : الله يا ياسين قداش ليا نستنا فيك تحس بلي انا حاساته
جي اليوم يلي تعرف انا قداش نحبك فيه
ياسين : عارف يا رويدة ، ردي عليا تقبلي تتزوجيني
رويدة : نقبل طبعآ
ياسين : في اقرب وقت و قبل حتي السفر
رويدة : ❤️ نحبك يا ياسين
ياسين : انا اكتر يا رويدة ، بري ارقدي تصبحي علي خير
رويدة : تبيني غدوا الصبح نمشي معاك و انت تدفن
ياسين : قتلتي الميت و حتمشي في جنازته
رويدة : تمام ادفنها انت ، تصبح علي خير
ياسين : و انتي بألف خير
” تلفتت رويدة و ركبت ”
ياسين : ????????????
……
حياة : انا لازم نرجع
عمتها : لا يا رويدة
حياة : كيف لا ، الكلام هذا خطير
عمتها : لازم تصبري لين يجي الرد و بعدين بري
حياة :مش حنقدر مش حنقدر
……
???? صباح جديد
” ناض ياسين نزل من الدار لقي رويدة مقعمزة ”
ياسين : صباح الخير
رويدة : صباح الخير حبيبي
” تلفت “
ياسين : رويدة شن رايك نتزوجوا اليوم
رويدة : ???????? اليوم
ياسين : ليش لا
رويدة : و من بيجوزنا
ياسين : المحامي ، بعدين حيجي يقسم الثروة نطلبوا منه انه يزوجنا
” مشت تجري لياسين ”
رويدة : لدرجة هادي تحبني يا ياسين
ياسين : و اكتر يا رويدة
اكتر ????
” تلفت و طلع باش يدفن سلطانة ”
…..
” سكرت رويدة الباب ”
” و فتحت التليفون ”
” و دارت مكالمة “
…….
حياة : انا لازم نرجع لطرابلس في اقرب وقت
عمتها : لا يا رويدة مش مكتوب هكي في الرسالة
حياة : لا يا عمتي حرام حرام لازم نكون موجودة
هذه كارتة كارتة ????
” خدت حاجاتها و طلعت تجري ”
عمتها : استني يا حياة
استني
استني
” طلعت مشت للمحطة تجري باش تاخد سيارة لطرابلس ”
………
” دفن ياسين سلطانة و كمل الاوراق ”
” و ولع السيارة و مشي للمركز تبع الشرطة ”
” خش للمركز و مكتب رئيس القسم ”
مدير القسم : تفضل
ياسين : نبي المساعدة منك
مدير القسم : في شني
ياسين : ????
……….
” وصل المحامي للقصر ”
” طق الباب ”
” جت رويدة فتحت الباب ”
رويدة : اهلا بيك
المحامي : اااااه ااااه علي الوجع يلي في قلبي من لما سمعت الخبر و انا تعبان
و اللهي تعبان
يا خسارة علي الدنيا كيف تاخد العظماء
الله يرحمها سلطانة الغالية
رويدة : الله يرحمها
المحامي : كيف ماتت ، قولولي
رويدة : تفضل خش و نحكيلك
” خش المحامي “،
.
” طلع ياسين من قسم الشرطة و وصل للحوش ”
” فتح الباب لقي رويدة مع المحامي مقعمزين فوق الطاولة ”
.
رويدة : و هذه كيف ماتت
المحامي : يا سبحان الله سلطانة هانم تموت منتحرة
رويدة : الله يرحمها توا خلاص.
ياسين : السلام عليكم
” تلفتت المحامي ”
” و ناض بدي يدير في روحه متأتر ”
المحامي : الله يرحمها كانت غالية علي الكل يا استاد ياسين
ياسين : الله يرحمها
” قعمز ياسين علي الطاولة يلي فيها رويدة و المحامي ”
….
ياسين : خش في الموضوع طول يا سيادة المحامي
المحامي : ايه ايه حاضر
الموضوع هو اني و بكل اسف و حزن سأسلم اخر دفعة من ثروة سلطان ليكم ال3 الفاضلين
رويدة : تمام ابداء
” فتح المحامي شنطته و طلع الاوراق و مد لرويدة و ياسين ”
” وقعت رويدة و وقع ياسين ”
المحامي : هي وين حياة بنت نهى
رويدة : للاسف سافرت
ياسين : خلي الفلوس عندك لين تجيك و تاخذهم
رويدة : لو حابب تخليهم عندنا عادي
المحامي : لالا خلاص حنسمع كلام استاذ ياسين
” هو كيف بينوض ”
ياسين : اها حقا نبيك في موضوع
المحامي : تفضل
ياسين : قررت انا و بنت عمي رويدة نتزوجوا
رويدة : ????❤️
محامي : شني ???? امانا مني القطوسة يلي ماتت قبل شوية
ياسين : انت ما خصكش
محامي : شن المطلوب مني
ياسين : انا حابب نتزوجها زواج رسمي ، محتاج شهود و شيخ يكتب كتابنا انت عارف اننا في ليبيا ما عندنا حد
محامي : باهي خلاص كلمني و انا ننضم كل شي
ياسين : ???? الليلة ????
رويدة : ????
المحامي : الليلة ????
ياسين : ايه انا غدوا بنسافر
المحامي : باهي سافروا و تزوجوا غادي
ياسين : بتجيب يلي قتلك عليه و لا لا
المحامي : خلاص حاضر الليلة نجيب كل يلي قلت عليه
” تلفت و مشي ”
” بصوت واطي ” الله يرحمك يا سلطانة ميتة ليك ساعات و دخلتهم الليلة
عيلة نجسة اقسم بالله
” طلع و سكر الباب ”
….
” ناضت رويدة من الكرسي و قربت من ياسين ”
رويدة : ما كنتش نتوقع انك تحبني كل الحب هذا
ياسين : و اكتر يا رويدة
رويدة : الله ، باهي ليش كذبت عليا طول الفترة رغم اني اعترفتلك
” شد ايدها ”
ياسين : مش كل شي ينقال في وقته يا رويدة
رويدة : ❤️
………..
” طلعت حياة تجري و في ايدها الرسالة “
” وصلت لمحطة السيارات ”
” لقت شخص واقف ”
حياة : يا خوي يا خوي
” الشخص تلفت “
الشخص : تفضلي
حياة : سيارة خط طرابلس وين
الشخص : مزال تبي ساعتين باش توصل
حياة : ????
………..
” رويدة مقعمزة في دارها ”
” و تسكر في الشناطي ”
” جي ياسين ”
ياسين : رويدة
” تلفتت ”
ياسين : انا طالع بنجيب حاجات
” ابتسمت ”
رويدة : اوكي خود راحتك
” تلفت و طلع ”
” طلعت قفطان ابيض من الشنطة و سكرتها ”
………
” فاتت 4 ساعات “
” حياة قاعدة واقفة في المحطة و للان ما جتش السيارة ”
حياة : يارب جيب السيارة يارب
” فجاء جت السيارة ”
” مشت تجري ????????♀️ ليها و ركبت “
حياة : هي اطلع يا اسطي
صاحب الحافلة : مزال لين تتعبي الحافلة
حياة : ????????????
…….
” بدت تظلم الدنيا ???? ”
” وصل ياسين للحوش و خش معاه المحامي و جايب معاه مأذون و شهود ”
” خشوا و قعمزوا ”
.
المحامي : خلاص قررت اليوم يا ياسين ، كنت استنيت حتي يومين زيادة ، بوك ليه يومين
ياسين : لا اليوم
الشيخ : خلي الراجل يتزوج ، اي حاجة حلال انا معاها . أمانا وين لعروسة
ياسين : رويدة يا رويدة
رويدة
….
” نزلت رويدة ”
” لابسة قفطان ابيض ”
” ناض ياسين و يشوفلها ”
رويدة : اهلا
الشيخ : يا ماشاء الله يا ما شاء الله ، قعمزي يا بنتي
” قعمزت رويدة ”
” و الفرحة مش مصدقة روحها ”
….
الشيخ : ولد عمك يبي يتزوجك يا رويدة
رويدة : انا موافقة
الشيخ : خلاص ، انا و اللهي من لما سمعت ان ما عندكم حد زعلت
ياسين : ابدا يا شيخ في كتب الكتاب
الشيخ : خيرك مستعجل مش هاربة
رويدة : ❤️????
الشيخ : تفضل يا ياسين وقعلي اهني
” وقع ياسين ”
الشيخ : تفضلي يا بنتي وقعي اهني
” وقعت رويدة ”
” مد الشيخ الملف للشهود ”
” وقعوا ”
الشيخ : بهذا انتم زوجين رسميين ، اساس الزواج التشهير ، و الشهود هاذم يكفوا ، بلرفاه و البنين ان شاء الله
المحامي : مبروك يا استاذ ياسين
مبروك يا رويدة هانم
رويدة : الله يبارك فيك
” ناض الشيخ و و وراه المحامي و الشهود ”
” طلع المحامي و بعدين رجع ”
المحامي : لو حابين انوصلكم للمطار انا جاهز
ياسين : لالا شكرا كفيت و وفيت
المحامي :مبروك مرة تانية
ياسين : الله يبارك فيك
” مشي و سكر الباب “
” تلفت ياسين لرويدة ”
رويدة : مبروك يا ياسين
ياسين : الله يبارك فيك يا عيون ياسين
رويدة : تحبني يا ياسين
ياسين ؛ قداش مرة بنجاوب
رويدة : الله عمري ما تخيلت انك تحبني لدرجة هادي
ياسين : و اكتر
رويدة : باهي ليش كنت حتاخد حياة
ياسين : لاني كنت نشوفها فيها الافضل بينكم لكن بعد ما طلعت و خلتنا و شفت قوتك عرفت اني كنت غلطان و كنت لازم نحبك زي ما تحبيني بزبط
” قربت وجها من وجهه ”
” و غمضت عينها ”
” حط ايده علي فمها و بعد وجهها ”
رويدة : ????
ياسين : لازم تشوفي المفاجاء يلي محضرهالك قبل
رويدة : تمام ❤️
” مشي للكوجينة ”
” مشت تجري ركبت لدار النوم تبعها ”
…..
” فتح العصير وصب كبايتين ”
” فتح الكيس و صبه في كباية رويدة ???? ”
” و حطهم في سفرة و طلع ”
.
ياسين : رويدة رويدة
رويدة : انا فوق اركب
” ركب و في ايده الطيس ”
…
” وصل للدار ”
” لقاها مقعمزة علي المرايا ”
رويدة : خش يا ياسين خش
” خش و في ايده العصير ”
” حط العصير علي الرف و عطاها طاسة ”
” خدي طاسة “
رويدة : قعمز ارتاح علي السرير
ياسين : ذوقي العصير جبته علي خاطرك
” ناضت و شافتله ”
” و قربت عليه ”
ياسين : رويدة اشربي العصير
رويدة : مش وقت عصير وقتك انت هذا
ياسين : رويدة علي خاطري اشربي العصير
رويدة : ييي علينا عصير عصير
ياسين : علي خاطري
رويدة : انت تأمر يا عيون رويدة
” ناضت و مشت بدت تشرب في العصير ”
ياسين : اشربيه كله يا رويدة ????????????
……
” طلعت السيارة بعد ما تعبوا الركاب ”
حياة : وين احني توا
السواق : مزال علي طرابلس
حياة : ايه يعني مزال قداش
السواق : ساعة ، ساعة ونص هكي
حياة : بالله عليك سرع شوي ????
……..
” شربت العصير و ناضت ”
رويدة : درت يلي تبي و شربت العصير ، توا وقتك تدير يلي انا نبي
” قربت عليه و نحت دجاكتها
” و قربت ”
ياسين : رويدة هو انتي يلي قتلتي كل العيلة ????
رويدة : ياسين خلينا في موضوعنا
ياسين : رويدة هو انتي اللعنة
رويدة : ياسين بالله عليك اللحظة هادي نتمني فيها ليا هلبا
ياسين : رويدة انا نكلم فيك هو انتي ليش قتلتي العيلة كلها
” دف رويدة ”
رويدة : ???????? اها الواضح انك هبلت
” ناضت خدت دجاكتها “
” و بتطلع ”
رويدة : انت عمرك ما حبيتني يا ياسين عمرك
” كيف بتفتح الباب ”
” حست بوجع في بطنها ”
رويدة : اااااااااه
ااااااااااااااه
ااااااااااااه
” تلفتت ”
رويدة : انت شن درتلي في العصير
ياسين : سم ????
رويدة : ???????? سمعتني يا ياسين ،سسمتني يا كلب
اااااااااااه بطني اااااااااه
” ناض و شافلها ”
ياسين : تكلمي و قوليلي شن درتي
رويدة : لا مش حنقول شي
اااااااااااااااااااه
” شدها و دفها علي السرير ”
رويدة : ااااااااااااه بطني اااااااه
” قرب عليها ”
ياسين : تكلمي يا رويدة
رويدة : ليش يا ياسين انا نحبك ، ليش ليش
ياسين : تكلمي قولي شن درتي و كيف درتي كل هذا
رويدة : انا ما درت شي
ياسين : لا يا رويدة درتي
رويدة : ما درت شي
” شدها من ايدها بلقوة ”
ياسين : السلاح التركي يلي مات بيه عمي فاضل منين
جتة بوك وين
رويدة : انت شن تحكي
ياسين : جتة بوك بوك
رويدة : نحرقت ااااااااااااه
ياسين : نحرقت في السيارة و حوائجه كلها اختفت من الحوش
رويدة : ما نعرف شي اني اااااااااه
ياسين : و بعدين فيه سيارة تتفجر و يقعد التليفون سليم
رويدة : ????????بطني ااااااااااااااه
ياسين : تكلمي ????
رويدة : ” شافتله بقوة ” مش حنقول يا ياسين ، مش انت سممتني ، حنموت و مش حنخليك تعرف اي شي
” قام راسها ”
ياسين :رويدة انا نحبك يا رويدة تكلمي
رويدة : انت كذاب اااااااااااه ااااااااااه
ياسين : رويدة اتكلمي و حنعطيك الحبة هادي حتخليك ترجعي كل السم ، تكلمي يا رويدة
رويدة : اعطيني الحبة به ااااااااااااه
ياسين : تكلمي نعطيك يا رويدة
تكلمي
رويدة : لا لا مش حنتكلم اااااااااااااااااه
ياسين : تكلمي يارويلي بسرعة
ليش درتي كل هذا
رويدة : علي خاطر الثروة تبع سلطان ااااااااااااااااااه
ياسين :و كيف درتي كل هذا
رويدة : ااااااااااااااه بطني اااااااااه
ياسين : تكلمي يا رويدة حنعطيك الحبة
.
رويدة : حنحكيلك كل شي
???? بدت القصة ????
” بدت القصة من لما وصلت فيها لليبيا ”
” كان بوي يحكيلي في الطيارة علي اخته سلطانة و علي المرض يلي تعاني منه و ان الموضوع هذا ما يعرفه حد الا هو و اخته نهي ام حياة ”
.
محمود : اختي سلطانة عندها مرض الانفصام النص عقلاني ، و بدت الاعراض تبان عليها من سن 17 بس رد بالك الموضوع هذا محدش يعرفه الا انا و اختي نهى حتشوفيها لما نوصلوا
رويدة :ربي يشفيها المهم مش مأدية
محمود : لالا هي بس تجيها تخيلات بسيطة مرة مرة
رويدة : اها
.
“وصلت المطار و طول الطريق و انا نفكر في كلام بوي و عندي فضول نشوف سلطانة ”
“و صلت للحوش و قابلك سلطانة ”
.
محمود : ليك وحشة يا أختي
” باساته ”
” جت رويدة ”
رويدة : هاي
سلطانة : من الغزالة هادي
محمود: رويدة بنتي
سلطانة : يا ما شاء الله ، يا ما شاء الله
” شدت وريدة و بدت تبوس فيها ”
سلطانة : تفضلوا تفضلوا
.
” شفت سلطانة و الحقيقة للان الاعراض يلي حكاها بوي مش موجودة ”
” خشيت و تعرفت عليكم كلكم ، طبعا انت شفتك في المطار بس الباقي لا ”
” جي وقت العشي تعشينا و جت سلطانة و قالت علي موضوع الثروة بس بعد كلامها قالت ”
.
سلطانة : الفلوس يلي حتاخدوها هذه ملعونة ????
.
” طبعآ الكل استغرب من كلام سلطانة الا انا و بوي لان كنا عارفين ان سلطانة مريضة و كلامها كله تخيلت ”
” لكن لما حكت القصة تفاجئت ”
.
سلطانة : الحكاية بدت بعد موت بوي سلطان بيوم و يوم ما استلمت أوراق الثروة في أيدي ، كان الوضع عادي و تزوجت و بعد فترة قرر زوجي ان يطلع الثروة من البنك و من اهني بدت الكارتة
اول يوم تكون الفلوس في حوشي كان أخر يوم لزوجي ، زوجي نحرق و مقدرتش نطفيه ابدا ، نحرق من غير اي سبب ، و مش بس هكي ، انا يوم ما خديت الفلوس و دسيتها مرضت و مشيت للمستشفي و قالولي ان عندي ورم في الرحم و حلمي في الامومة أختفى ، مش بس هكي لما قررت اني مش حنصرف الفلوس عليا و حنعطي للشغالات مرتبهم في الفلوس ، و للاسف كل ما نعطي لشغالة من الفلوس معش ترجع تاني ، يا تموت يا معش نلقاها ، قررت في أخر المطاف اني نسلم في الثروة لحد و بلفعل عطيتها لشخص اسمه خالد و تبرعتله بيهم لاني مليت منهم و للاسف بعد 3 ايام كان واقف جنب الباب و معاه الفلوس بعد ما ماتت كل عيلته اول ما دخل الفلوس لحوشه ، و من لما جوني الفلوس و انا ندور عليكم و كل ما نلقى حد يختفي التاني و ها انا اليوم قدرت نجمعكم بعد 25سنة باش نقوللكم ان عندى ثروة و مش عارفة كيف نتصرف فيها و نبي حل منكم
.
رويدة : كلامها كان غريب ، حرق راجلها و الشغلات يلي يختفوا فا قلت اكيد فيه حد تحت كل هذا و خلا سلطانة طول السنين هادي تتأكد ان الفلوس فيها لعنة
” بعد ما ناضت سلطانة من القعدة ، حاولت اني نقنعكم بأن اللعنة كلام مش موجود من الاساس لضمان انكم تأخذوا الثروة ”
.
رويدة : عمتي ليها 25 سنة عايشة بروحها و الوحدة كانت اساس في حياتها فا اكيد عقلها يقوللها و هي تصدق
خيري : و شن دخل الوحدة في الكلام هذا
ياسين : كلام رويدة صح ، الوحدة و انها تكون عايشة طول عمرها بروحها فا لما صارتلها الحاجات هادي موت زوجها و انها معش تجيب علي طول ربطت الاحدات بلفلوس
سلمي : انا اتوقع حتي السن
فاضل : ممكن
.
” قدرت اني نقنعكم و تأخذوا التروة و مع الليل كل حد ركب لداره قعدت انا و بوي بروحنا في الجردينة و اتفقنا ”
.
محمود : شن قصدك
رويدة : قصدي ان الكلام يلي قالاته اختك هذا كله تخيلات ، و مش حقيقة و الفلوس ما فيها شي ، و في حد حاطط الفكرة في دماغها باش ينصب علاها و انا شاكة في حد
محمود : مني
رويدة : الشغال
محمود : اسماعيل
رويدة : اكيد هو ، ما هو عايش معاها ليه 25 سنوات فا اكيد حيطمع في فلوسها
محمود : باهي انتي توا شن بديري
رويدة : انا نبي الثروة هذه كلها ليا
محمود : كيف اذا من شوي كنتي تقنعي في خوتي ياخدوا حصتهم
رويدة : قنعتهم باش لما يموتوا ترجع الثروة لينا مش لسلطانة
محمود : يموتوا ????
رويدة : ايه يموتوا
محمود : و من بيقتلهم
رويدة : اللعنة
محمود : مش قلتي تخيلات سلطانة
رويدة : انا و ياك بس نعرفوا انها تخيلات سلطانة ، اما الباقي يعرفوا انها لعنة ????
محمود : انتي شن تفكري
رويدة : انا نبي منك السكوت بس و شوف انا شن حندير و نضمنلك ان ثروة سلطان كلها لمحمود و بنته
محمود : ????
رويدة : تصبح علي خير
.
” كملت كلامي مع بوي و ركبت للدار و لما عرفت اني مع حياة و سلمي قررت اني لازم نغير الدار لاني معاهم مش حنقدر ندير شي ”
” و بلفعل درت عركة مع سلمي و طلعت من الدار ”
.
رويدة : احترمي نفسك و نقصي صوتك
سلمى : انا نحترم فيك لانك بنت عمي بس
سلطانة : خيركم خيركم
رويدة : الدار يلي انا فيها ضيقة و الزوز يلي معاي بضاعتهم هلبا و انا بضعتي اكتر منهم
سلطانة : أسماعيل شوف غرفة لرويدة
أسماعيل : ما فيش مدام
سعاد : تعالي يا بنتي عندي سرير في الدار تفضلي
سلطانة : خلاص اهي نحلت بري مع عمتك سعاد
رويدة : ????
.
” و لما جيت مع عمتي سعاد في نفس الغرفة قررت انها تكون الضحية الاولي ”
” خططت اني نعرض علي عمتي سلطانة اننا نتعشوا برا لاني حكيت مع عمتي سعاد و عرفت انها ما تحبش الطلوع ”
” و بلفعل سلطانة وافقت ”
” و قبل ما نطلعوا ”
رويدة : مش طالعة انتي صح
سعاد : لا يا بنتي
رويدة : تمام ، افضل ليك خشي ديري حمام و ارتاحي في فراشك
سعاد : هذا يلي بنديره
” خشيت الحمام و صبيت في سخان لمية حبوب كربون ، عشان لما تفتح الشيشمة يطلع البخار و تنخنق ”
” بس و انا نحط في الحبة شافني اسماعيل ”
” قدرت اني ندير روحي ما ندير في شي لكن حسيته انه عرف ”
…..
” طلعنا و خشت سعاد و انخنقت في الحمام بس و هي تنخنق خش اسماعيل و شم ريحة الكربون و عرف اني انا يلي درتها “
…..
” و لما كنا في المطعم و نتعشوا ، كنت طول الوقت نفكر من الضحية الجاية من يلي علي السفرة ”
” فجاء ناض اسلام ولد سعاد للحمام و تأخر هلبا ، لحقه ايوب “
” نضت بصدفة باش نغسل ايدي و فجاء سمعتهم ”
.
ايوب : ???????????? شن هذا
” بودرة علي الرخام و اسلام يشم ”
ايوب : نكلم فيك شن هذا
اسلام : ???? ا ا
ايوب : حرام عليك يا راجل صحتك
اسلام : ايوب بالله عليك رد بالك حد يعرف
ايوب : امك تعرف
اسلام : لا بالله عليك يا ايوب
ايوب : انت لازم تبطل
اسلام : باهي حاضر غير اسكت توا و نهدرزوا فيه الموضوع بروحنا
رويدة : ????
….
” عرفت ان اسلام يشم في بودرة و من اهني اخترته ان يكون الضحية الجاية ”
” رجعنا للحوش و تفأجوا الكل يموت سعاد ، الا بوي كان حاسس ”
.
محمود : انتي يلي قتلتي سعاد
رويدة : ايه اني ???? و مزال الكل في الطريق
محمود : ليش ليش
رويدة : بوي اسكت و تفرج بس
محمود : ????
.
” كنت طول الوقت نقنع فيكم انها ماتت قضاء و قدر باش نبعد الشبهات عليكم و ما نخليكمش تفكروا انها لعنة او حتي فعل فاعل “
.
رويدة : يا جماعة عمتي
.
” رجعت و طول الوقت نفكر كيف نقتل اسلام ”
” استغليت لما نزل يتغدي ركبت للدار متعه و بديت ندور علي اكياس
” طول الوقت كان اسماعيل يشوفلي و حسيت انه عرف و قررت اني لازم نكلمه قبل ما يقول لسلطانة ”
.
” كنت طول الوقت نقنع فيكم انها ماتت قضاء و قدر باش نبعد الشبهات عليكم و ما نخليكمش تفكروا انها لعنة او حتي فعل فاعل “
.
رويدة : يا جماعة عمتي كبيرة في السن و اكيد بخار الحمام خنقها يعني اكيد مش لعنة
فاضل : صح يا بنتي كلامك
.
” رجعت و طول الوقت نفكر كيف نقتل اسلام ”
” استغليت لما نزل يتغدي ركبت للدار متعه و بديت ندور علي اكياس البودرة و لقيت كيس واحد و ضفت عليه مادة سيترك باك يلي حتسبب لتسمم المخدرات كلها “
” و طلعت انا و ياك ”
” و لما رجعنا لقينا الكل متفأجي بموته و طبعا الا بوي و لكن الغريب كان ان حتي اسماعيل كان شاك فيا ”
” طول الوقت كان اسماعيل يشوفلي و حسيت انه عرف و قررت اني لازم نكلمه قبل ما يقول لسلطانة ”
.
رويدة : انا عارفة انك عارف
اسماعيل : ????????
رويدة : و عارفة انك شفتني لما حطيت الكربون في السخان و غيرت كيس المخدرات
اسماعيل : ????????
رويدة : لكن نبيك تعرف ، انك لو تكلمت كلمة وحدة انا حنفضحك ، و نقول كل شي نعرفه عليك
اسماعيل : شن بتقولي
رويدة : بنقول علي طمعك في سلطانة و استغلال انها وحيدة طول الفترة هادي و خنبة نص الثروة تبعها ، هذا خير انك سبب موت راجلها و طبعا سبب اختفاء الشغالات بعد ما ياخدوا لفلوس ، مش بسبب اللعنة ، بسبب انك كنت تغتصب فيهم و تدفنهم
اسماعيل : انتي شن تقولي
رويدة : كل شي موجود في مخزن القصر و شفت كل شي ، فا احسلك تكون ساكت و كانك ما شفت شي ، زي ما استغليت مرض سلطانة و خنبت فلوس و عشت حياتك ، جي وقتي نستغل مرض سلطانة و نخنب الفلوس ، فاهم
اسماعيل : ????????
رويدة : رد عليا فاهم
اسماعيل : فاهم
رويدة : ايوه
…….
” بعد ما ضمنت ان اسماعيل مش حيقول شي ، بديت نخطط لقتل الباقي و شجعت فكرة سلطانة تبع الرحلة لحوش سلطان القديم و قررت ان لازم نقتل سلمى بنت فاضل ، لانها اكتر وحدة حاطة عينها فيا و تقصقص عليا و ممكن تكون سبب في كشف كل شي ، و بلفعل جتني فكرة اني نقطع فرامل السيارة يلي حتركب فيها سلمي ”
” تفاجئت لما حنمشوا الرحلة ان سلمى راكبة في نفس السيارة يلي انا راكبة فيها و ما كانش قدامي الا اني ندير عركة مع سلمي ممكن تغير رايها و تنزل ”
.
رويدة : اني سكتلك هلبا و الجو. اهوا و التلقيح معش اديريه
سلمى : مني يلي تلقح ، انتي يلي مش متربية و تبي الاغاني ، انتي حتي لبسة سودة مش لابسة عليه
رويدة : ساد انتي لابسة عليه يا بومة
سلمى : حييييييي اني بومة يا ناقصة يا طويلة اللسان
رويدة : مش حابة ننزل لمستواك و نرد عليك
سلمى : اي مستوي يا بيئة انتي
رويدة : عقل يوك اداب يوك
سلمى. اهي قلبت تركي الكذابة
رويدة : لالا هكي هلبا
…
” قرر ياسين ان ينزلنا و نركبوا مع اسماعيل ”
” لكن انا خططت لفكرة تانية ”
” وصلنا للمكان و بدو الكل يتدهوروا ”
” شديت بوي علي جنب “
.
رويدة : نبيك تقول لسلطانة انك تبيها في موضوع مهم و تخليها تنزل من سيارة ايوب و تركب معاك
محمود : انتي شن يلي في راسك
رويدة : دير يلي قتلك عليه
..
” بلفعل قدر بوي يقنع سلطانة انها تركب معاه و مع خوتها و تركب سلمي هي و خوها ”
” و قطعت الفرامل تبع سيارة ايوب ”
” ركبت سلمي و ايوب مع بعض و انا مع سلطانة ”
” و سرع ايوب السرعة فقد التحكم في السيارة و طاحوا من فوق الجبل علي البحر و ماتوا ”
…
” رجعنا و حسيت انكم بديتوا تشكوا في موضوع اللعنة فا اقنعتكم ان ايوب ما يعرفش يسوق و يجري ”
” و من اهني حالة عمي فاضل بدت للاسوء بعد موت ولاده ”
” و قررت انا و بوي انه يطلع سلاحه يلي مش مرخص و يحطه في دار خوه فاضل ”
” لان حالة فاضل كانت مأهلة للانتحار ”
” بلفعل دخل بوي و حط السلاح و لكن غبائه كان كبير و طاحت السلسلة من ايده تحت الدولاب ”
…
” بعد ما الكل سمع صوت الطلقة و شفنا فاضل ميت و الكل طلع يسعف في فاضل سلطانة ركزت في سلسلة بوي تحت الدولاب ”
” و هذا كان اول شك من سلطانة لينا ”
” و كنت لازم نتصرف ، الشبهات بدت تقرب منا ، و خفت ننفضح ”
” و اهني جي دور بوك في قائمة الضحايا ”
.
رويدة : انت غبي لدرجة هادي يوم ما تحط السلاح تطيح سلسلة ايدك في الدار
محمود : و اللهي ما نندري
رويدة : كيف كيف احني توا سلطانة شاكة فينا
محمود : ???? باهي شن الحل
رويدة : لازم تموت
محمود : ااااه شني
رويدة : تموت بس في عينهم فقط
محمود : كيف
رويدة : انت تلم حاجتك كلها و تقول لخوك خيري نبيك تطلع معاي مشوار و تركبه ، فجاء في طريق 8 علي ايدك اليمين تدرس و تنزل و تنزل كل الحاجات معاك و تقول لخوك استناني اهني و السيارة حتكون تسرب في بنزين و انا حنبعت حد ياخد تليفونك منك باش يكلمنا و انت تمشي طول من المكان يلي السيارة فيه ، هو الشخص هذا حيسكر السيارة علي خيري و يحدف الكبريت ، و حتنحرق السيارة فاهم
محمود : فاهم
رويدة : ما تنساش تخلي ساعتك في السيارة و تطلع طول علي المطار حتقلي الطيارة شوية و حتطلع علي اسطنبول طول
محمود : باهي و كان جت المطافي بسرعة
رويدة : ما تخافش حنخلي الشخص هذا يقول للناس انه كلم المطافي عشان محدش يكلمها و يقعد لين يحس ان هيكل السيارة بان عنده
محمود : حاضر
……
” بلفعل دار بوي كل يلي قتله عليه و كلمنا الشخص و احني في المطعم و قال ان السيارة نحرقت ”
رويدة : بوي ماتتتتتتتتتت
لاااااااااااااالاااااااالااااااا
.
رويدة : الو شن وصلت
محمود : وصلت طمنيني كل شي صار تمام
رويدة : كله تمام نقتل حياة و ياسين و سلطانة و نلحقك و معاي الثروة كاملة
محمود : ربي معاك يا بنتي
..
” لكن للاسف اسماعيل اعترف سلطانة ”
سلطانة : انت وين كنت
اسماعيل : ????????
سلطانة : تكلم وين كنت
اسماعيل : سلطانة هانم انا عندي موضوع مهم لازم تعرفيه
” و قال اسماعيل كل شي لسلطانة ”
سلطانة : بس انا متاكدة ان فيه لعنة
اسماعيل : اللعنة هذه كذبة انا اخترتها طول السنين عليك
سلطانة : يا كلب يا كلب
اسماعيل : انا قتلك لاني خايف عليك ان رويدة تقتلك
سلطانة : انا اصلا كنت عارفة انها رويدة
نقولك شي يا اسماعيل ، كانك ما قتلي شي و كاني ما سمعت شي ، خليهم يموتوا و سيور الثروة ترجع ليا ، و لما تفضل رويدة بروحها نقولك اقتلها
اسماعيل : ????????
.
” بعد ما مات بوك و بلعاني بوي “
” خفت انك تعرف لما تمشي تطلع اوراق وفاته “
” فا طلعت و قعمزت في السيارة و استنيتك لين تطلع و نزلت و قتلك اني كملت كل اجراءات بوي ”
” بديت نخطط لقتلك انت و حياة و مكنتش نفكر ابدا اني نقتل سلطانة او اسماعيل ”
” لكن بعد ما سمعته يقولك انه يبيك في شي مهم خفت يقولك و كنت لازم نتصرف ”
.
” طلع اسماعيل ”
اسماعيل : يا استاد ياسين ما تنساش الموضوع يلي حنكلمك فيه
” خشت رويدة ???????? ”
ياسين : حاضر يا اسماعيل
.
” خشت و بدت نفكر في قتله ”
” و من غير مقدمات قلت لازم نقتله قبل ما تجي و يقولك ”
” نضت من بحدا حياة “
رويدة : اني حنمشي ندير قهوة
حياة : خليك نديرلك
رويدة : لالا نحب نديرها بروحي
” مشت لقيته واقف و متلفت جهة الحيط ”
” خشيت و فتحت الغاز و خليته يسرب و مسكت الحبل يلي فوق الطاولة و خنقته بيه و بسبب عمره و مرصع طول نخنق ”
” بديت نعيط و جت حياة و سلطانة ”
.
” سلطانة كانت عارفة و مشت لدارها تجري و هي تشوفلي “
” وصلت انت و جت الاسعاف و خدت اسماعيل و طلعت انت معاها ”
” فجاء حياة ركبت لدارها ”
.
حياة : الو عمتي
عمتي : انا مريضة يا حياة تعالي بسرعة
حياة : انا جاية حالا حالا
.
” فجاء سمعت حياة تلم في دبشها و طالعة و حاولت اني نقنعها انها تقعد لان لازم نطلع و الكل ميت لكن كانت مصرة انها تطلع ”
.
رويدة : كلبة مشت ، حنرجعلك يا حياة خلي نقتل هذام و ماشيتلك لحوش عمتك حنقتلك غادي ????
.
” فجاء سمعت سلطانة نازلة “
” تلفتت ”
رويدة : ???????? كيف حالك توا عمتي
سلطانة : كيف حالك اللعنة معاك
رويدة :????
سلطانة :مش سادك تروة كل يلي ماتوا ، مزال تبي فلوس
رويدة : انتي شن تقولي
سلطانة : تحسابيني راقدة علي وداني او مهبولة ، انتي القاتلة ، انتي يلي قتلتي كل العيلة علي خاطر الفلوس ، انتي و خوي الكلب يلي اسمه محمود ، تحسابيني ما نشوفش فيك و انتي تاخدي في الاحصنة من فوق المزهرية بعد كل جريمة .
مزال ما شبعتيش يا بنت محمود الكلب
رويدة : مزال ، لازم ناخد الثروة كلها
سلطانة : انا اليوم حنفضحك
رويدة : انتي توا حتموتي
” مشت تجري رويدة للكوجينة ”
” تلفتت و طلعت تجري سلطانة لدارها و سكرت الباب ”
” جيت انت و لقيتني في الكوجينة ”
” و حاولت اني نقنعك ان اللعنة هي سلطانة و نقنعك ان نركبوا و توجعوها ”
” ركبنا و طقت الباب ”
” و لما حسيت ان سلطانة حتقول عليا ”
” بديت نعيط بصوت عالي باش ما تسمع شي ”
” و كسرت الباب و ضربتها علي راسها ”
” و ماتت سلطانة ???? ”
…………….( سكتتت رويدة ) ……………….
ياسين : كملي
رويدة : خلاص قلت كل شي ااااااااااه بطني
ياسين : و انا و حياة
رويدة : انت لاني نحبك ما قدرتش نقتلك و بدات بعد ما اعترفت بحبك ليا يلي انا زي الغبية صدقت ، قررت اني نتزوجك شهر و نقتلك و نرجع لتركيا اهو نكون قصيت معاك احلي شهر في حياتي . بس بعدين غيرت رائي و قلت مش حنقتلك لاني حبيتك يا ياسين
ياسين : و حياة
رويدة : حياة حتي بعد فترة نرجعلها ، و بعدين حياة لو ماتت كل تروتها حتمشي لعمها عكسكم انتم يلي حتمشي لينا
اااااااااااااه بطني اااااااااااه
هذه كل القصة
انقضني يا ياسين
انقضني بطني ااااااااااااه
اعطيني الحبة
.
ياسين : و قصة المزهرية و الاحصنة يلي تختفي
رويدة : هذه القصة قالي عليها اسماعيل
المزهرية هادي كانت عقدة لسلطانة و دائما تحلم بيها
و قررت اني نستغلها اني كل ما حد يموت ينقص حصان
.
خلاص عرفت كل شي انقضني انقضني
اااااااااااه بطني
اااااااااااااه
.
ياسين : تبيني ننقذ وحدة قتلت بوي و عيلتي
رويدة : سامحني سامحني
مش قلت لو قتلك تعطيني الحبة
.
ياسين : انا قلت لما حتتكلم ممكن نلقي في كلامها حاجة تخليني نتعاطف معاها ، بس لما تكلمتي و شفت الحقد و الشر يلي فيك انا نبي نقتلك بي ايدي
.
رويدة : لا يا ياسين ااااااااااااااه بطني اااااااااه
ياسين : حنخليك تموتي بشوي بشوي يا رويدة
” ناض ياسين و مشي للباب “
رويدة : لا يا ياسين
لا يا ياسين اااااااااااااااه
ااااااااااااااااااه
.
ياسين : بسلامة يا رويدة
” سكر الباب ”
” ومشي ”
” بدت رويدة تعيط بصوت عالي ”
رويدة : انقضني يا ياسين
ااااااااااااااااااااااااااااااااااااااه بنموت بنموت ????
….
” نزل لقي حياة كيف وصلت تجري ”
” طول انضبطت ياسين ”
حياة : انا من لما قريت الرسالة يلي بعتها لعمتي و انا خايفة عليك
ياسين : ما تخافش عليا
حياة : هي وين
ياسين : راقدة فوق في دارها
حياة : انا مش مصدقة انها دارت هكي
…
” نزلوا الشرطة قدام الحوش ”
الضابط : ها شن صار معاك يا ياسين
ياسين : هذا تسجيل و هي تحكي كل شي داراته
الضابط : هي وين
ياسين : راقدة في دارها
الضابط : راقدة ????
ياسين : عطيتها منوم و ملين بطن و قلتلها انه سم ، الواضح انها داخت من الخلعة
الضابط : تمام اركبوا شدوها
ياسين : شكرا انك صدقتني و جيت لما طلبت مساعدتك
الضابط : ” ابتسم لياسين ”
” مشي ياسين للمحامي ”
ياسين : شكرا حتي انت علي كل شي درته و شكرا لصاحبك يلي متلوا انهم شهود و صاحبك يلي متل انه شيخ
المحامي : تدلل يا استاذ ياسين
…
ياسين : و شكرا ليك انتي
حياة : علي شني
ياسين : علي انك قاعدة في حياتي و ما خداتكش اللعنة رويدة
حياة : بفضلك انت ، انت يلي نقدت حياتي من انها تقتلني بعد ما كلمت عمتي و بعتلها الرسالة و قلتلها متلي علي حياة باش تطلع من القصر ، و نعرف كل شي
” باس راس حياة ❤️ ”
ياسين : تتزوجيني يا حياة
حياة : طبعآ
الشيخ : للعلم انا ممكن نكتب كتابكم حالا
ياسين : ????
حياة : ????
…………………………..
” ناضت رويدة لقت روحها في دار مقعمزة ”
رويدة : شافت يمين يسار
” لقت روحها لابسة احمر ”
” خش ياسين ”
ياسين : صباح الخير يا رويدة
رويدة : ???? هو اني مش متت ، مش انت قتلتني
ياسين : تحسابي كل الناس قاتلة زيك ، كان شوية حبوب منوم علي شوية حبوب ملين بطن و قتلك سم
رويدة : باهي الحمد الله ، هو اني وين و ليش لابسة هكي
ياسين : انتي في المحكمة
رويدة : ???????? شني
ياسين : محكمتك بعد دقائق يا رويدة ، انا عن نفسي سامحتك لكن هل القضاء يسامحك الله اعلم
رويدة : انا ما درت شي ، انت كذاب كذاب
ياسين : حيبان يا رويدة حيبان
” خشوا الشرطة و شدوا رويدة من يمينها و يسارها و رفعوها ”
رويدة : انت كذاب
كذاببببببب
كذابببببببببببببب
……….
المحكمة ????
” خشت رويدة ووقفت في قفص المحكمة ”
” و حياة و ياسين مقعمزين ”
…
القاضي : قضية 22 المتهمة رويدة محمود سلطان ليتقدم المحامي لبيان القضية
.
المحامي : انا محامي العائلة ، من اكتر من 32 سنة ، و انا المحامي الماسك كل اوراق املاك عائلة سلطان ، و المدعوه رويدة بنت محمود احد ابناء سلطان اعترفت بقتل 8 من أفراد عائلة سلطان و الهدف من القتل جمع كل الثروة لصالحها يا سيادة القاضي
رويدة : كذب كل هذا كذب
كذابين كذابين
المحامي : تفضل هذا تسجيل صوتي كامل بأعتراف المتهمة بكل جرائمها و بتفصيل يا سيادة القاضي
” فتح التسجيل ”
.
رويدة : ????????????
.
القاضي : حكمت المحكمة حضوريآ و بالاجماع علي رويدة محمود سلطان المواطنة الليبية الحاصلة علي الجنسية التركية المهتمة بتقتل ” سعاد سلطان و أبنها اسلام علي التونسي ” و قتل ” فاضل سلطان و أبنائه سلمي سلطان و ايوب سلطان “و قتل ” خيري سلطان ” و ” اسماعيل شربجي ” و “سلطانة سلطانة ” بتحويل أوراقها الي فضيلة المفتي
رفعت الجلسة ????
…
رويدة : ????????????
لاااااااااااا
لااااااااااااااااااااا. انا ما درت شي كذب لااااااااااا
لاااااااااااا
” طاحت و تبكي في وسط المحكمة ”
” قرب عليها ياسين ”
ياسين : تبي تقولي شي اخير يا رويدة
رويدة : ليش تزوجتني يا ياسين
ياسين : انا ما تزوجتكش يا رويدة
رويدة : امانا شن العقد يلي وقعت عليه
ياسين : عقد ثروتك يا رويدة ،
رويدة : ????????????
ياسين : باش نورتك انا يا رويدة ، و يلي لميتيه انتي و بوك كله يرجع ليا
رويدة : كلب كلب ????
ياسين : بسلامة يا رويدة
” مشي ياسين و طلع هو و حياة ”
.
رويدة : يا كلاب يا كلاب
لاااااااااااا لاااااااااااااااااااااا????
.
” طلع ياسين و حياة من المحكمة ”
” فجاء رن تليفون رويدة و كان عند ياسين ”
” طلع التليفون لقاه عمه ” محمود ”
” فتح الخط ”
محمود : الو يا رويدة وينك ، هذا قتله وقت و بعدين الفلوس للان ما وصلوش
الو
الو
ياسين : الو يا عمي
محمود : ????????
ياسين : هو للاسف رويدة معش حتقدر تكلمك لانها حاليا تحضر في روحها للاعدام ، اما علي الفلوس فا للاسف كلها كتبتها المرحومة بنتك ليا ، الله يرحمك يا رويدة
” و سكر الخط ”
محمود : ???? بنتي بنتي
الو
الو
الو ????
.
حياة : مني
ياسين : عمي محمود
حياة : مش مات ????
ياسين : لا هذه قصة بعدين نحكيهالك
” شد ايدها و ركبوا السيارة ”
…………….
” حياة مقعمزة في جردينة الحوش و راجل عمتها بجنبها ”
” و ياسين يلعب مع ولاد عمتها الصغار ”
” حياة تقرا ”
راجل عمتها : الحق يا حياة يا بنتي الحوش كبير علينا هلبا
حياة : ما شاء الله ، بسدنا و بزيادة و بعدين انا و ياسين حنجيبوا صغار هلبا فا حيتعبا ما تخافش
راجل عمتها : باهي شن رايك نأجروا الدارين هادم لين تجيبوا صغار و بعدين ساهل ، تعرفي حيجيبوا ذهب
حياة : ???? عمي بالله عليك خلي الحوش فحاله
راجل عمتها : باهي شن رايك نبيعوا وحدة من سيارات عمامك الله يرحمهم
حياة : عمي خلي السيارات في حالهم ????
راجل عمتها : حاضر حاضر يا بنتي رد بالك تفهميني غلط انا قصدي شريف بس كنت حابب نخدم و نجيب شوية فلوس
راجل عمتها : اني الحق خفت نقولك لكن توا بنقولك
راجل عمتها : قولي يا بنتي ان شاء الله خير
حياة : الفلوس و السيارات و الحوش فيهم لعنة و اذا حاولت انك تبيعهم او تدير فيهم اي شي ممكن تموت زي ما صار في عمامي
راجل عمتها : اه اه لا لا لا خلاص خلاص ، حد الله بيني و بينهم ربي يجرنا يا رب
حياة : ما تمشيش الا بلخوف ????
.
عمتها : هي الغدي جاهز
حياة : هيا هيا
” ناضت بدت تنادي في ياسين ”
حياة : هيا يا ياسين تعالا تغدي
” جي و في ايده الصغار ”
” تلمينا كلنا في طاولة الغدي و كأنها عيلة وحدة ”
” درت ندر انا و ياسين انا لازم نجيبوا صغار و نرجعوا أمجاد عيلة سلطان من جديد بس الاهم اننا نربوا الخوت انهم لازم يحبوا بعض و عمرهم ما يفكروا يفارقوا بعض و تكون عيونهم و قلبوهم شبعانة و ما يفكروش في الفلوس ابدا ”
” العيلة لو مش من المحبة و الصدق بينهم عمرها ما حتكون عيلة في يوم من الايام و زي ما صار في عيلة سلطان طول عمرهم في فارق و يوم ما تجمعوا تفاقوا للابد ”
” هذه لعنة سلطان ???? مش بشرط تكون اللعنة شي خارق للطبيعة ممكن تكون في نفوسنا من داخل و تحرق كل شي ، طمع رويدة و بوها دمر كل شي “
” بس حنحاول انا و ياسين ان بعد كل هلرماد نزروعوا حب و نكونوا عيلة قائمة علي الحب و الصدق اهم شي ”
” هذا كان سر لعنة سلطان ”
” و هذه كانت النهاية ”
” لعنة سلطان خدتهم واحد واحد …… تم لم يبقي أحد ”
………………………………………………………..النهاية
” داخل غرفة الاعدام ”
الشيخ : قولي وراي يا بنتي
رويدة : ????
الشيخ : اشهد ان لا اله الا الله
رويدة : اشهد ان لا اله الا الله
الشيخ : و اشهد ان محمدآ عبده و رسوله
رويدة : و اشهد ان محمدآ عبده و رسوله
الشيخ : اللهم ارجوك ان تسامحني بما ضهر مني
رويدة : ” الدموع في عيونها ” اللهم ارجوك ان تسامحني بما ضهر مني
الشيخ : و اجروك ان تعذرني بجهلي
رويدة : و اجروك ان تعذرني بجهلي ????
الشيخ : و ارجوك ان تجعلي من اصحاب الجنة رغم أخطائي
رويدة : ???? و ارجوك ان تجعلي من اصحاب الجنة رغم أخطائي
الشيخ : انت غفور رحيم
رويدة : انت غفور رحيم ????
الشيخ : الله سامحك يا بنتي و يجعلك من اهل الجنة يارب
يا خسارة شبابك
” تلفت الشخص و طلع ”
.
رويدة : يارب ???? يارب ???? يارب ????
” الدموع في عيونها ”
” جي العشماوي و حط الحبل في راسها و غطاء راسها ”
رويدة : ???? يارب ???? ”
” طيح الكرسي ” …………………………..#لعنة_سلطان ????
بقلم #أحمد_عبدالله
تمت..
نتمنى لكم قراءة ممتعة..
لقراءة باقي حلقات الرواية : اضغط هنا
