رواية عشقت معاق الفصل الثالث عشر 13 بقلم نادين محمد

=ازاي تتجوز وهي متجوزه ياشيخنا..؟!!

ماسه بصت للباب…لقت ادم واقف وحاطط ايده فجيوبه…بدون مقدمات ابتسمت

سليم:ادم…يا اهلا يا اهلا… متجوزه مين بقا يا استاذ

ادم ببرود: متجوزه عمر..

ماسه اول ما.سمعت اسمه…ابتسامتها اختفت بالتدريج..يعني من واحد بتكرهه لواحد مش بتطيقه مشالله

ادم:اي مش مصدق…اهي ووراه قسيمه الجواز..

من غير ما سليم يتكلم ادم راح ناحيه ماسه ومسك أيدها وشدها لبره

سليم بزعيق: رايح فين…اكيد قسيمه الجواز دي مزوره

ادم ببرود:لا…شوف كده يا استاذ ووراها للشيخ…والمصيبه انها طلعت مش مزوره يعني هي متجوزاه بجد 

ادم مسك ايد ماسه ببرود وراح ركب العربيه بيها ومشي

ماسه بزعيق:انتو اتجننتو اتجوز الانسان اللي مش بطيقه ده اي الهبل ده

ادم بهدوء:اسكتي دلوقتي

ماسه: لا مش هسكت

ادم بزعيق: ماسه اسكتي خالص دلوقتي…لو مكنتيش اتجوزتيه قوليلي كنتي هتتنقذي ازاي ها…احمدي ربنا انه وافق

ماسه: نينينينيينينني.. ده علي اساس اني هموت عليه اوي يعني

روحو القصر وماسه نزلت وهي متعصبه دخلت القصر

علياء:ماسه..

ماسه:انتو ازاي وبدون علمي تجوزوني لانسان لانا بطيقه ولا هو بيطقني

عمر:المفروض تحمدي ربنا اني وافقت…ده عشان ادم عايز يحميكي مش انا

ماسه:ايوه وانا هفضل متجوزه البني ادم ده

ادم بهدوء:ماسه انتي لازم تفضلي متجوزاه عشان نضمن ان سليم ميجيش جمبك ولا يقربلك

ماسه بتنهد:ماشي..اما نشوف وسابتهم وطلعت فوق

طلعت فوق قلعت الفستان وغسلت وشها ولبست بيجامه ونامت 

عمر طلع فوق لقاها نايمه عالسرير وباين كده انها راحت فالنوم…راح قرب منها وبص عليها لقي وشها مخرشم خالص وكدمات وبتاع

عمر بزعيق:ماسه قومي..

ماسه بخضه:في اي…انت اي اللي دخلك عليا

مردش عليها ومسك وشها كدمات ماليه وشها

عمر بهدوء:مين اللي عمل فيكي كده

ماسه بتوتر:س…سليم

عمر بعصبيه:الكلب ده يعمل فيكي كده

هزت راسها بمعني اه

عمر بيحاول يهدي:وفين كمان

ماسه:ب…بطني

عمر: وريني

ماسه:طبعا لا انت اتجننت

عمر بزعيق:انا جوزك قدام ربنا…وبعدين يوم ما ابص لبنت مش هبص لواحده زيك..وريني

ماسه دموعها كانت مغرقه عينيها بتحاول متبينش بس باين عليها…رفعت البيجامه بطنها مليانه كدمات برضو ومزرقه وحالتها نيله

عمر اتنهد من العصبيه وراح جاب شنطه اسعافات من الدولاب

عمر:وريني وشك

ماسه:انت نسيت اني دكتوره…انا هعمل لنفسي

عمر:ماتعدنيش معايا انتي مش قدي ياماسه

ماسه:انا هعمل لنفسي مش عايزه حد يعملي حاجه 

مردش عليها ومسك وشها وحطلها تلج عليها

ماسه بعياط: بتحرق اوي

عمر ببرود: متبقيش طفله 

شدت من ايده التلج وبعدت عنه وقالتله:مش مغصوب عليك تعملي حاجه 

مردش عليها برضو وقرب منها اكتر ومسك وشها جامد المره دي وحطلها التلج وبعدين المرهم ونفخ فيهم براحه 

عمر:بطنك..

ماسه: لا لا لا الا دي فالمشمش… اطلع بره

عمر:يخريبت كده..انتي طفله اوي 

ماسه:اذا كان عاجبك والله

عمر:لا مش عاجبني

ماسه: اطلع بره وهاتلي علياء او نادين

عمر ببرود: ماشي 

طلع بره ونده علياء ونادين جم

نادين:نهارسود علي وشك يانييي

ماسه:تعالي انتي وهي واقفلو الباب

علياء:في اي

ماسه:البيه اخوكي.. عايز يدهنلي بطني

علياء:طب وماله ده جوزك

ماسه:جوزي فعينك ياشيخه…اسكتي انتي خالص 

علياء:طب وريني بطنك

ماسه:اهي 

علياء دهنتلها بطنها وطلعو هما الاتنين وبعدين ماسه نامت وهما نزلو تحت

(عند سليم)

سليم:بقا عمر ده يتجوز ماسه..

سها:هو انت مش بتحبني 

سليم:بحبك ياسها ايوه بحبك… بس جوازي منها كان هيفيديني فحجات كتير اوي..عرفت هنتقم ازاي.. 

(عند عمر وماسه)

عمر رجع من الشركه لقا ماسه نايمه…راح غير هدومه وراح نام جمبها وضهره ليها(مش بيطيقو بعض????)

“الفجر”

ماسه فتحت عيونها لقت عمر نايم جمبها بس بيكح جامد

ماسه:في اي 

عمر بيكح برضو ومغمض عينه

حطت ايدها علي راسه لقته سخن

ماسه:انت لحقت تتعب…عمر…عمر..

مش بيرد

ماسه قامت من جمبه وراحت جابت قماشه وطبق مايه(كمدات) وقعدت جمبه عشان. تعمله كمادات

ماسه:حتي وانت نايم مش بتطيقني… مديني ضهرك حتي وانت نايم..بس لا يهم…مشاعرنا متبادله يا استاذ عمر الجارحي..عارف..كان نفسي اتجوز واحد بحبه..اه والله زي ما بقولك كده…ونعيش حياه حلوه زي الروايات كده فاهم…بس قدري المنيل وقعني بيك… جتك القرف فحلاوتك دي يخربيتك..جابت الكمادات وعملتله براحه

وهو نايم مش حاسس…

بعد ما خلصت..

ماسه بهمس:عمر…عمر… قوم..يالهوي مش بيقوم انت موتت ولا اي اهي اهي…ولا اقولك تريحنا من خلقتك دي…ياعم اصحي خد الدوا…خلاص مش مهم ابقي خده الصبح بقا ونامت

“تاني يوم الصبح”

عمر صحي من النوم لقا ماسه نايمه وجمبها طبق ميه وفيه قماشه..افتكر امبارح لما كان سخن وتعبان وحاسس بيها وهي بتعمله كمادات…

ماسه بنعاس:اممم…عمر انت صحيت 

قامت قعدت علطول

عمر:في اي اهدي

حطت ايدها علي راسه لقت الحراره نزلت..

ماسه:كويس الحراره نزلت…استني كده

جت تقوم عمر مسك ايدها

عمر:انا كويس مفيش حاجه

ماسه:لا مينفعش برضو…خليك. هنا 

عمر: يابنتي انا كويس

ماسه:لا مش كويس…مش معني ان الحراره نزلت يا استاذ عمر ان انت كده كويس….انا دكتوره وفاهمه

عمر: يابنتي كويس بقا اقعدي

ماسه:وانا قولت لا مش قاعده ماشي

قامت نزلت تحت وبعد شويه طلعت بصينيه اكل 

عمر ببرود:حد طلب منك تحطيلي اكل

ماسه:لا

عمر:خلاص جايبالي اكل ليه..

ماسه: عشان العلاج

عمر:وانا مش عايز علاج 

قعدت جمبه من غير ما ترد عليه 

ماسه:بص…انت تعبان والأحسن برضو انك متروحش الشركه انهارده بلييز وحطت ايدها علي راسه تاني

ماسه:حرارتك نزلت بس مش اوي لسه يعني شويه…

عمر:انا كويس مش محتاج حاجه 

ماسه:لا ياعمر عشان خاطري اقعد انت مش كويس…ده دور برد عارف جالك انت لوحدك لييه.. عشان انت بارد هيههيهيهيهيهي

عمر:اه فعلا باين ان انا اللي بارد

ماسه: بهزر بهزر بلاش تبقي قفوش كده…يلا كل

عمر:مش جعان

ماسه:لأ كل مليش دعوه

عمر بزعيق:قولتلك مش جعان

ماسه بدموع:متزعقليش كده انا بخاف وعيطت 

عمر:انتي بتعيطي لي طيب دلوقتي

ماسه بطفوله وعياط:عشان بخاف من الصوت العالي…

عمر سند ضهره عالسرير وخدها فحضنه وقعد يلمس علي شعرها

(انتو فاكرين انه كده حبها…لا لسه محبهاش ومش هيحبها دلوقتي خالص انا شريره ومش هخليه يحبها دلوقتي 

هيههيهيهيههيهي)

عمر بهدوء: خلاص اهدي اهدي خلاص

ماسه رفعت وشها وقالت بطفوله: بس انا لسه زعلانه

عمر بتنهد:عايزه اي

ماسه:تاكل..

عمر:ماسه قولتلك مش جعان خالص دلوقتي

ماسه:لا لازم تاكل عشان تاخد العلاج عشان تخف 

عمر بصلها: بس انا مش تعبان.. 

ماسه بسرحان:ها..

عمر:ها اي بقولك مش تعبان

ماسه:لا تعبان انت سخن 

عمر بتنهد:ماسه متخلنيش اتعصب عليكي انا بحاول اهدي من الصبح…مش تعبان وقولتلك مش جعان

ماسه: بقا كده ياعمر…لو مكالتش همشي من البيت ومش هتعرفلي اثر ها

عمر ببرود:يكون احسن

ماسه عيطت تاني 

عمر:قومي امشي

ماسه بسرعه:لا خلاص مش هعيط تاني

عمر بخبث:اممم..وانتي ليه لما قولتلك قومي امشي مقومتيش

ماسه:ها…..ااا…لا ولا حاجه…ااه ضهري

عمر: ماله ضهرك

ماسه بتمثيل:واجعني

عمر بخبث:وريني

ماسه:لا خلاص مش تعبانه انا قايمه اصلا وقامت جري من جمبه 

ضحك عليها وقام قعد ياكل

دخلت الحمام ولبست وطلعت بره لقته بياكل

استخبت ورا الحيطه وبصت عليه وابتسمت

عمر: هتفضلي تراقبيني كده كتير

ماسه:يالهوي اتقفشت

عمر:تعالي كلي

ماسه:لا مش جعانه

عمر بيقلدها:لو مكالتش همشي من البيت خالص ومش هتلاقيلي اثر

ماسه بغضب طفولي:اي الرخامه دي بقاا

عمر:تعالي كلي

ماسه:مش جعانه فعلا

عمر:خلاص براحتك

ماسه:اي الرخامه دي… اي رايك اني هقعد اكل بقا هه

عمر:لا متقعديش

ماسه:لا هقعد وقعدت جمبه تاكل 

ضحك عليها فسره وقام لبس 

ماسه:رايح فين

عمر: الشركه

ماسه:مش انا قولت بلاش تروح الشركه

عمر: عندي شغل كتير مقدرش أجله…انا اجلته امبارح عشانك..دلوقتي مقدرش أجل حاجه

بدون مقدمات ابتسمت 

عمر:انا هروح الشركه

ماسه:ماشي خلي بالك من نفسك

عمر ببرود:معايا حراس..مش محتاجه وسابها وخرج

ماسه:انسان بااارد بااارد…عنده تقلبات مزاج يعني تقرف الواحد فعيشته..

اتنهدت ونزلت تحت لقيتهم كلهم قاعدين

ماسه:صباح الخيير

ادم:صباح النور ياعروسه

ماسه:والنبي متقولش عروسه…عروسه القرف صح

ادم بضحك: في اي

ماسه:البني ادم ده.. عنده تقلبات مزاج…مقرفه

ادم: ماسه احنا…احنا عايزين نعمل عمليه لعمر

ماسه:نعم!!!

ادم: ايوه احنا عايزينه يمشي من جديد 

ماسه:وانتو سايبينه العمر ده.كله ليه؟!!

ادم: نفسيته كانت وحشه… مكانش يقدر يعمل العميله

.. الدكتور قال مستحيل… بس بعد كام سنه روحنا لدكتور فاوروبا…وقال ان في امل ٨٠ فالميه… بس عمر بعدها مرضاش يعملها..مش عارف لي..

ماسه:ايوه وانت هتعمله العمليه دي ازاي وهو مش موافق

ادم:ايوه مهو ده اللي انا عايزه منك…تحاولي تقنعيه 

ماسه:احاول اقنعه..اكيد مش هيقتنع بكلامي يعني اكيد

ادم:حاولي لو سمحتي

ماسه:طيب..هحاول..

نادين:اييه ايه حيلك انت وهي انا هنا

ماسه:في اي ياماما منا عارفه

علياء:احم

ماسه:احم… ماشي انا هطلع اقعد فوق لوحدي شويه 

علياء:انتي لحقتي يابنتي

ماسه:معلش هطلع اقعد لوحدي شويه..عن اذنكم وطلعت تقعد فوق

“بعد شويه”

عمر رجع من الشركه وماسه نزلت تحت تشوفه

ماسه:عمر انت جيت

عمر:ايوه جيت في اي

ماسه:لا مفيش حاجه

قاطع ماسه مسدج جت عالموبايل…وكانت بتقول

المسدج:******

ماسه قراتها وبصت لعمر بصدمه…ومكملتش وفقدت الوعي…

يتبع….