رواية لعبة الحياه الفصل السادس 6 بقلم حنين الماضي

رواية لعبة الحياه الجزء السادس

رواية لعبة الحياه البارت السادس

رواية لعبة الحياه الحلقة السادسة

شهد راحت عند جدتها مامت مامتها وهناك قدرت شهد تقرب من خالتها وكانت بتحبها جداا لأنها كانت واقفة فى صفها وبتساعدها على اى طموح شهد عاوزة توصلة .
خالتو صباح : هو بجد انا رضعت منك وانا صغيرة
صباح : اة يا حبيبتى يعنى أنا أمك التانية
شهد : لا انتى امى الوحيدة
جدتها : وبعدين فى كلامك دة ،انتى ربنا هيعاقبك عشان مقاطعة امك
صباح : سيبيها يا أمى متضغطيش عليها
شهد : لا مش عاوزة اكلمها ولا اعرفها ابدا عشان هى بتحب نفسها اكتر منى واختارت تعيش حياتها وتتبسط على حساب حياتى انا واخويا ، عارفة يا خالتو لما كنت قاعدة عند بابا ، اوقات بطنى كانت بتوجعنى من الجوع واخاف اقوم اكل لو مرات بابا مقالتليش قومى وكنت انام وانا جعانة .
صباح : معلش يا شهد انا لو عليا وينفع كنت خادتك تعيشى معايا بس انتى مش هتستريحى وكمان عشان أنا عندى اولاد ومينفعش وربنا قال كدة
شهد : ايوة يا خالتو انا فاهمة ومش زعلانة واهو هنا احسن الوحش زى ما بيقولوا
صباح : انتى مضايقة من قاعدتك هنا ؟
شهد : بردوا البيت كلة عليا ترويق وتنضيف جنب مشوار الكلية والمذاكرة والشغل عشان اجيب مصاريفى الشخصية
صباح : حقك عليا يا شهد انا بساعدك على قد ظروفى
شهد : لا مقدرش ازعل منك يا خالتو بس خلى نينا متقعدش تشتمنى كل شوية وتهددنى انها هتطردنى عشان مقاطعة ماما
صباح : لو قالتلك حاجة تانى قوليلى
شهد : حاضر يا احلى خالتو فالعالم كلة
صباح : وانا كمان بحبك اوى يا شهد
شهد : عارفة يا خالتو ، انا عارفة أن ماما مش بتحبك وغيرانة منك على طول ،علشان انتى احلى منها وعشان حياتك مستقرة عنها بس انا بقى بحبك انتى اكتر منها .
صباح : ياااااة يا شهد دة انتى طلعتى ناصحة وفاهمة كل حاجة اهو هههه
شهد : انا شوفت فى حياتى حاجات كتير تخلينى افهم كل حاجة غصب عنى
صباح : المهم انتى مبسوطة فى كليتك والدنيا ماشية
شهد : اة الحمد لله ورئيسة اتحاد الطلاب بقت صاحبتى وخلتنى ادخل معاها اتحاد الطلاب وانا بحبها جدا وبقيت اشارك فى مساعدات كتير ومسابقات واشتغل معاهم وقدرت اكون شلة صغيرة من بنات اصحابى جدا وبحبهم جدا
صباح : شاطرة يا شهد ايوة كدة عاوزاكى نشيطة وتبنى مستقبلك
شهد : انا فى دماغى حاجات كتير اوى يا خالتو
صباح : انا واثقة انك هتحققى كل اللى بتتمنية واكتر
شهد: بابا ما صدق لقى شغل فى اسكندرية ونقل على هناك وبقى معاة فلوس مش زى الاول وبردوا خد مراتة الحرباية معاة وبنتها وبيصرف عليهم 🙂 وانا لو عوزت حاجة لازم اكتب ورقة تفصيلية بالمصاريف ويبعت منها جزء وميزودش جنية زيادة ولا حتى يقولى خدى الفلوس دى مصروف ليكى اشترى اللى نفسك فية
صباح : 🙂🙂
شهد : انا عارفة أن لبسى وسط زمايلى فالكلية وحش ،بس هعمل أية هو مش بيدينى اى فلوس زيادة وانا عاوزة اكون حاجة وقولت عيديتى اللى خدتها فالعيد بدل ما اشترى لبس ،لا هصبر شوية معلش واروح اخد كورس رسم فى الأكاديمية عشان أطور من نفسى
صباح بانبهار: انا فرحانة بيكى اوى يا شهد وحقك عليا أنا يا بنتى وهحاول اشوفلك طقمين تغيرى فيهم
شهد : مش مهم يا خالتو انا مش زعلانة واوعدك هفضل اجتهد لحد ما ابقى حاجة كبيرة تكونى فخورة بيا ان شاء الله
صباح : ان شاء الله يا حبيبتى
جدتها : ينفع اللى البت دى عملتة لما امها جت هنا اخر مرة
صباح : عملتى أية شهد
شهد : معملتش حاجة ،هى جت قال يعنى تشوفنا ،اتاريها جاية لنينا تعرفها انها كانت أطلقت وناوية تتجوز
صباح : 🙂🙂
شهد : يعنى اتجوزت مرتين واتطلقت وبدل ما تقول اجى اقعد مع ولادى بقى وتعرفنا على اخونا اللى هى خلفتة، لا اتمسكت باللى خلفتة حتى لما جوزها طلقها وباعتنا احنا
جدتها : انتى مالك يا بت دة كلام كبار
شهد : وانا مش صغيرة ، انا كبيرة من وانا طفلة يا نينا وبعدين انا ومحمد قولنا لماما تختارى جوازك ولا احنا ، زعقت وقالت جوازها ومشيت وسابتنا من غير حتى ما تدينا جنية واحد أو تجيبلنا لبس أو تعملنا اى حاجة وبسهولة مشيت من قدامنا 🙂
صباح : معلش يا شهد محدش بيختار اهلة ، المهم انا هقوم امشى دلوقتى والمرة الجاية لما اجى عاوزاكى تقوليلى خبر حلو عن طموحك ومستقبلك
شهد : حاضر يا خالتو ،مع السلامة .
__________
فى كلية التربية الفنية
——————–
ملك : شهد شهد
شهد : أية دة !!ملك اية اللى جابك هنا
ملك : مخنوقة اوى يا شهد ومن ساعة ما مشيتى من المنطقة وانا مخنوقة وكنت عمالة ادور عليكى عاوزة احكيلك همى
شهد : هو انتى عندك هموم يا ملك اومال انا اعمل ايه
ملك : كبرت وبقى عندى هموم ومش عارفة اتصرف
شهد.: طيب تعالى نقعد قوليلى مالك
ملك : انا فالاول اتعرفت على واحد اسمة تاامر و ……………..
شهد : من الفيس يا ملك من الفيس ، ازاى تعملى كدة وافرض ضحك عليكى مثلا
ملك : لا تامر دة ارجل شخص قابلتة فى حياتى
شهد : طيب لية قريبتة دى تقول علية كدة
ملك : دة اللى كان هيجننى ،المشكلة مقدرتش اقولة ولا ماما كمان واتفقنا نقفل عالموضوع خالص وانا اللى بدأت ابعد عنة، بعد ما كان بيقولى نفسى اتجوز واستقر وهخليكى اسعد واحدة فالدنيا
شهد : والله مش عارفة اقولك ايه بس دة اتهام صعب ومنقدرش نكدب الست دى لأنها عارفاهم وانتى نفسك قولتى أن تامر متربى فى بيت عمة وقعد سنين عندهم وهو نفسة قالك أنة قرر مرة واحدة يعيش مع نفسة ،يبقى ممكن بسبب حاجة زى كدة فعلا
ملك : بس وهو معايا مكنتش بحس خالص بأى حاجة غريبة فية
شهد : خلاص معلش انسية بقى مدام انفصلتوا بقالكم مدة وربنا هيرزقك بصاحب النصيب اللى من قسمتك
ملك : طيب وانتى مبسوطة عند جدتك
شهد : مفرقش كتير عن مرات بابا
ملك : معقولة ازاى
شهد : بردوا انا شايلة البيت كلة تنضيف وترويق واكل وشرب وكل حاجة وجنب دة كلة باخد شتيمة ومعايرة بابويا وكل شوية تهددنى انها هتطردنى فالشارع لو مكلمتش ماما
ملك : طيب وانتى ناوية على اية
شهد : غصب عنى هستحمل لحد ما احقق حلمى وابقى رسامة الناس تعرفها وابقى مشهورة ويكون ليا اسم وسط المشاهير
ملك : يارب توصلى للى عاوزاة
شهد : خلاص انا كدة عرفت مكانك هبقى اجيلك ،سلام
شهد : مع السلامة .
_______________________
دينا صاحبة شهد واللى كانت رئيس اتحاد الطلاب اتخرجت وجابت امتياز واتعينت معيدة فالكلية وطبعا شهد كانت فرحانة ليها جدا .
فى نفس الوقت ظهر هشام فى حياة ملك وكان زميلها فالجامعة
هشام : ملك ممكن اتكلم معاكى
ملك : اة ماشى
هشام : انا معجب بيكى من زمان جدا والاعجاب دة اتطور جوايا لحب وكنت قلقان اجى اصارحك
ملك : انا اول مرة اعرف كدة
هشام : عندك مانع نقعد فى مكان ونتكلم عشان عاوز اجى اخطبك رسمى .
ملك : خلاص ماشى
_______
ملك مكنش عندها مشاعر ناحية هشام لكن قالت ارتبط بقى واتجوز وخلاص وبدأت تخرج مع هشام وفى يوم اتصورت صورة معاة وخلت الصورة دى معاها وحطتها فى درج مكتبها وسط الكتب والورق ،ولان ملك عارفة أن محدش بيفتش حاجتها فكانت بتحطها فالدرج عادى من غير ما تقفل عليه.
ملك وهشام خرجوا مع بعض فترة وجة ابو ملك قال كلة يجهز نفسة عشان طالعين مصيف كلنا مع بعض.
طبعا اخوات ملك كلهم فرحوا وجهزوا نفسهم للمصيف وفعلا سافروا وكان مصيف حلو ،لكن بعد يومين ،اخو ملك ومراتة اللى مبتحبش ملك قالوا إنهم مضطرين يرجعوا القاهرة ضرورى عشان الشغل وفعلا حضروا شنطهم …
اخو ملك: سلام يا جماعة ومصيف سعيد
مرات اخوها : بقولك يا ماما ما تجيبى مفتاح الشقة ابقى اخلص شقتى فوق وانزل اظبطلك الشقة واجهزلكوا اكل يوم ما ترجعوا بالسلامة .
أم ملك: ماشى يا بنتى خدى المفتاح اهو
🙂🙂🙂🙂🙂🙂🙂🙂
ملك كانت مستنية المصيف يخلص وترجع تكمل كلامها مع هشام ويحددوا ميعاد يجى يتقدم فية.
اخو ملك : حمد لله عالسلامة يا ماما انتى وبابا
ابو ملك: الله يسلمك
أم ملك : مالك وشك قالب كدة لية
اخو ملك : عشان لما اقولكوا أن دلعكوا فيها علمها قلة الأدب تبقوا تصدقونى
ملك : يوووووة انت كل ما مراتك تسخنك بكلمتين تيجى تطلعهم عليا
اخو ملك: اخرررسى بدل ما اجى اقطعلك لسانك يا قليلة الادب
ابو ملك: بسسسسس فى أية مالك نازل بغضبك علينا كدة لية
اخو ملك : اتفضل شوف ،شوووف الهانم متصورة ازاى ومع مين 😡
ملك : 🥺 أية دة انت جبت الصورة دى ازاى
مراتة : والله عيب اللى بتعملية دة يا ملك
أم ملك: اخرسى متتكلميش معاها كدة ولا نسيتى نفسك
اخو ملك: هى بردوا اللى تخرس وبنتك المحترمة تكمل عادى
أم ملك: شكلكوا نسيتوا نفسكوا ، نسيت لما كانت بتجيلك وتقعد معاك على السلم وكنتوا بتتقابلوا وكلام تليفونات وخروجات وهى أهلها ميعرفوش حاجة لو ناسى افكرك، وانتى يا مرات ابنى ناسية كنتى بتبقى قاعدة متلزقة فية ازاى وكان لسة لا خطيبك ولا جوزك وكنتى لاجئة عندنا ولا جاية دلوقتى تعملى نفسك محترمة ومتربية على حساب بنتى وتسخنى اخوها عليها .
ابو ملك: مين دة يا ملك
ملك : دة واحد يا بابا بيحبنى وعاوز يتقدملى وكان مستنى نرجع من المصيف ويجى يتقدم
اخو ملك : ابقى قابلينى
ملك : مراتك ازاى اصلا تدخل اوضتى وتفتش فيها زى الحرامية
اخو ملك: شكلك عاوزة تتربى
ابو ملك: خد مراتك واطلع شقتك لما ابقى اموت ابقى على صوتك عليها اتفضل 😡
ملك : 😭 انا عارفة هى مبتحبنيش ونفسها تعمل اى مشكلة ليا
ابو ملك: كلمية خلية يجى يتقدم
ملك : حاضر يا بابا وهيجى صدقنى
🙂🙂🙂🙂🙂🙂🙂
لمتابعة رواية لعبة الحياة لااايك وكومنت عشان نعرف هشام عمل أية لما ملك كلمتة وآية كان موقفها !!!؟؟؟
وشهد لية سابت بيت جدتها ومشيت 🙂