رواية حالة ملك الفصل الثالث 3 بقلم شيماء هاني شحاتة

رواية حالة ملك البارت الثالث

رواية حالة ملك الجزء الثالث

رواية حالة ملك الحلقة الثالثة

محمد : مافيش يا أمي بس ميار مش هتقعد في البيت وهتروح عند أهلها وكمان هطلقها
مريم “بصدمة” : أنتَ بتقول ايه
محمد : زي ما سمعتي يا أمي أنا ابني عنده السكر بسببها وبسبب أهلها
مريم : وأنتَ عرفت منين
محمد : كل حاجه بتقول كده.. هو تعب هناك عندهم.. وكمان احنا مش بنجيب الحلويات وهما عندهم عادي يبقى هو أكل فين غير عندهم..
“وفجأة محمد مسك ايد ميار وخرجها من الشقة بل من البيت كله..
ميار كانت زي الغريق مش عارفة تعمل ايه.. بس خلاص قررت تروح بيت أهلها أصل مافيش حل تاني”
♡♡♡♡♡♡♡♡♡♡♡
الأم : مالك يا ملك فيكي إيه
ملك : تعبانة يا ماما حاسه إني بمـ ـوت بالبطيء
الأم : في إيه يا ملك
ملك : مافيش حاجة يا أمي
الأم : لأ في.. هو أنا مش عارفة لما يكون فيكي حاجة
ملك “بدموع وهي بتحضن أمها” : مفيش.. مفيش حاجة الأم : قولي يا ملك في إيه.. قولي عملتي ايه قبل ما جوزك يجي وتمشي ومعرفش في ايه.. قولي وبلاش تتعبي قلبي معاكي
ملك “وهي منـ ـهاره” : أنا السبب.. أنا السبب فـ اللي حصل أنا استاهل أي حاجة تحصل فيا سامحوني
الأم : ملك وضحي كلامك مش فاهمة.. أنتِ السبب في ايه ملك : أنا اللي كُنت بأكل مالك الحلويات بس والله مكنتش أعرف إن كل ده هيحصل
الام “بدموع” : طب وأنتِ عملتي كده ليه
” وقبل ما ملك ترد كانت دخلت عليهم ميار اللي كانت واقفه وراء الباب وسمعت كل حاجة ”
ميار “بصدمة ودموع” : يعني أنتِ السبب.. منك لله اقول عليكي إيه.. أنتِ معاكي عيال بردو اشوف فيكي يوم يا ملك يا بنت أمي وأبويا.. أعمل فيكي ايه دلوقتي ده أنتِ عارفة إن احنا مش بنجيب الحاجات دي في البيت عشان خاطر مالك.. والتعب أنتِ عارفة إن مالك ده كل حاجة ليا جوزي أخد الولد مني وقالي إن أهلك السبب وفعلاً كلامه صح لأ وكمان هطلق ومش هشوف ابني تاني منك لله حسبي الله ونعم الوكيل فيكي.. ده طفل تعملي فيه كده كان قلبك فين وأنتِ كُنتِ بتأكليه..ها ردي عليا عملتي كده ليه
أنا ابني عنده السكر بسببك.. أنتِ السبب.. أنتِ ازاي تعملي كده ده طفل.. ازاي يجيلك قلب تعملي كده فيه.. أنا منعت عنه كل الحلويات.. أي حاجة فيها سكريات ممنوعه عشان خايفة عليه.. وأنتِ عارفة كده كويس.. منك لله
ملك : افهميني بس والله مكنش قصدي.. والله هو
ميار : هو إيه.. وإيه اللي مش قصدك.. أنتِ عارفة إن كل العيلة عندهم السكر بالوراثه.. وده ابني الوحيد.. أنا بجد مش عايزة اشوفك تاني وانسي أن ليكي أخت من النهارده.