رواية عودة بعد غياب الفصل الثاني عشر 12 بقلم حنين الماضي
رواية عودة بعد غياب الجزء الثاني عشر
رواية عودة بعد غياب البارت الثاني عشر
رواية عودة بعد غياب الحلقة الثانية عشر
استمرت سفريات الشغل لمراد وكانت مى وقت سفرة تقعد عند اكرم ولما مراد يرجع من السفر كانت ترجع بيت مامتها والعلاقة بينهم بقت قوية جدا جدا ،كل الخروجات وأوقات الفراغ كانوا بيقضوها مع بعض ،لحد فى يوم ما عم مراد جالة زيارة البيت واصلا أهل باباة عمرهم ما كانوا على صلة قوية بيهم
العم : ازيك يا مى عاملة أية
مى : الحمدلله يا عمو
العم : اومال فين مراد
مى : هو على وصول اكيد
العم : يجى بالسلامة ،وانتى عاملة أية فى دراستك واخبار اخواتك كلهم اية
مى : كلنا بخير الحمد لله
مراد : سلام عليكم اهلا يا عمى جمد لله عالسلامة
العم : اهلا يا سيادة الباشا بتاعنا
مراد : العفو يا عمى متقولش كدة
العم : طبعا انت مستغرب انا جاى لية مش كدة
مراد : تنور فالوقت اللى يعجبك
العم : تسلم يا غالى يا ابن الغاليين ،عندى ليك مفاجأة
مراد : خير ان شاء الله
العم : عندى عروسة ليك تبقى بنت الجيران اللى قصادنا ،حلوة ومتعلمة ومعاها شهادة حلوة ومن بيت ناسة طيبين وولاد اصول
مراد : عروسة !؟
العم : مش آن الأوان تتجوز ولا هتفضل قاعد كدة
مى : ياريت يا عمو والله
العم : اهى حتى اختك العاقلة موافقة
مراد : واسيب مى فين بعد كدة
العم : بيتك انت وأخوها مفتوح
مى : مالكش دعوة بيا المهم اشوفك عريس احنا بقالنا سنين مفرحناش ولا عارفين نفرح من بعد ماما ولو شوفتك جنب عروستك هبقى مبسوطة
العم : العروسة بنت حلال وخايف تضييع مننا
مراد : طب ادينى فرصة افكر
مى : لا احنا على رأى عمو نشوفها مدام حاجة كويسة ويارب اشوفك عريس
مراد : ههههه انت عارف يا عمى الحياة العسكرية مبتديش فرصة لحد يشوف الصنف دة غير اختة
العم : ههههه عارف ومتقلقش على ضمانتى
مراد : خلاص وانا مش هكسفك ،حدد ميعاد على إجازتى الجاية واجى اشوفها وربنا يكتب الخير ان شاء الله
________
مراد : انتى زهقتى منى ولا أية يا مى
مى : لية بتقول كدة
مراد : يعنى لقيتك مشجعة عمى على حوار الجواز دة
مى : عشان انت لازم تتجوز وتستقر زى منى واكرم وانا هيجى يوم عليا واستقر
مراد : مش عارف ازاى الواحد هيفرح وماما مبقتش معانا
مى : ماما خلاص مرتاحة فى مكانها واكيد هتكون فرحانة لما تشوفك فى بيتك مع عروستك
مراد : خلاص توعدينى إذا حصل نصيب تيجى تعيشى معانا
مى : ربنا يسهل انا هدلع عليكوا كلكوا ههههه
______________
يوم مقابلة العروسة ( حياة )
العم : احنا يا استاذ عادل جايين ويزيدنا شرف نتعرف على اسرتك وعروستنا حياة اللى بعتبرها بنتى بالضبط وابن اخويا الله يرحمة مراد وبعتبرة ابنى فعلا وان شاء الله اذا حصل القبول نتوكل على الله مش محتاجين نماطل فالوقت
عادل : ان شاء الله وحياة بنتك وانا سايبلك الموضوع وطبعا مراد يشرف اى حد
مراد : الف شكر وشرف ليا اكيد
عادل : اهى العروسة جت اهى
العم : اهلا يا بنتى ،من غير كسوف ولا احراج عشان دة جواز يا بنتى ،اقعدى مع مراد وكل واحد يقرر هل فى قبول ولا لاة .. اتفضلوا
مراد : تمام احنا بعد اذنكم هنقعد هنا
الكل : اتفضل اتفضل
______________
مراد : عاملة أية
حياة : الحمدلله
مراد : انا مش عارف تعرفى عنى أية بالضبط بس كل اللى حابب انك تعرفية انى حابب يكون ليا أسرة واولاد كتير يكونوا عزوة وسند
حياة : انا كمان حابة تكون حياتى فيها استقرار ويكون عندى اولاد
مراد : انا حاسس بارتياح ومتفائل خير وطبعا مش هضغط عليكى خدى وقتك وفكرى براحتك ومافيش مشكلة لو رفضتى الموضوع دة حقك تكونى مرتاحة فى حياتك
حياة : لا انا كمان حاسة بارتياح وموافقة
مراد بابتسامة : مش حابة تفكرى تانى
حياة بخجل : لا انا موافقة
مراد : عاوز اقولك انك تعتبرى اول واحدة دخلت فى حياتى واخر واحدة ان شاء الله بس طبعا كلة بشطارتك ،انتى عارفة حياتى العسكرية وقدام هفهمك واعرفك ظروف شغلى لان انا بسافر كتير
حياة : اة طبعا انا مستوعبة دة
مراد : احنا الفرق بينا فالسن مش كبير اعتقد اربع سنين ودة مش هيسبب مشكلة الحمدلله
حياة : ان شاء الله
العم : أية الاخبار
مراد : تمام الحمدلله انا بالنسبالي معنديش مشكلة وهخرج برة لو حابين تسألوها عشان متتحرجش منى
عادل : ها يا بنتى أية رأيك
حياة : الحمدلله يا بابا انا موافقة
العم : الحمدلله بكرة والله يا بنتى هتشكرينى لان مراد دة راااجل من ضهر راجل
عادل : واحنا زادنا شرف وحياة بنتك زى ما قولتلك واى اتفاق انت قوم بية وانا عارف انك مش هتظلمها ولا تيجى عليها وان شاء الله ربنا يتمملهم على خير
_______________
مراد وحياة اتخطبوا لمدة ٦ شهور ، فالفترة دى مراد كان منبهر بحياة جدا ومافيش حد فى حياتة غير خطيبتة وبدأ يحلم باليوم اللى يتجوزها ويتقفل عليهم باب واحد ..
مراد : خلاص كلها عشر ايام ويتقفل الباب علينا
حياة : اممم متهيألى دى اسرع خطوبة
مراد : انتى حاسة انك استعجلتى
حياة : لا بالعكس
مراد : أن شاء الله احاول اسعدك على قد ما اقدر
_______________________
بعد يوم الفرح
————-
مراد : حياة حياة مش هتصحى انا نازل
حياة : طيب طيب
مراد : طيب انا مسافر وهغيب اسبوع
حياة : طيب
مراد : طيب قومى حتى بصيلى وسلمى عليا
حياة : يوووة يا مراد النوم هيروح من عينى ،اطفى النور بقى
مراد : 🙂🙂 سلام كملى نوم
___________________
طبعا مراد سافر وهو مخنوق جدا ومش عارف هى لية حياة بتعمل كدة وهل هى كدة فعلا وهو مكنش واخد بالة وكان مستعجل عالجواز ومخدش وقت كفاية يتعرف عليها ولا هى تتعرف علية ..
للأسف استمرت معاملة حياة فى تجاهل مراد اكتر من ٥ شهور من يوم من ساعة ما اتجوزوا وهو مش فاهم فين التقصير اللى من ناحيتة اللى يوصل حياة انها متهتمش بية وهو عامل واجبة كزوج معاها وكل المسئوليات هو قايم بيها وحتى مهما زعل من معاملة وتجاهل هو بيسامح ويعدى عشان ميعملش مشاكل ودايما بيبرر ليها سبب عدم الاهتمام بأى حاجة عشان يرضى نفسة ..
مراد : حياة وحشتينى
حياة : ماشى وانت
مراد : طيب بقولك وحشتينى
حياة : فى أية يا مراد مالك
مراد : مالى أية ! هو انتى مش واخدة بالك انك مراتى وانا بكون مسافر وليا حقوق عليكى
حياة : هو فى أية
مراد : فى انى عاوز حقى اومال انا متجوز لية
حياة : انت متجوزنى عشان كدة وخلاص وبعدين انا حامل وكنت مستنياك ترجع عشان اقولك
مراد : حامل
حياة: اة
مراد : طب مبروك خدى بالك من نفسك بعد كدة ومافيش حركة كتير واتغذى كويس
حياة : ماشى
مراد : فى اية يا حياة مالك متغيرة لية كدة هو انتى زعلانة منى فى حاجة
حياة : مراد انت عاوزنى على طول ادلعك واهتم ماهو انا تعبانة
مراد : ماهو مش معقول على طول تعبانة ولا مش بتفتكرى التعب الا لما اكون عاوزك
حياة : انا حامل وماليش نفس لأى حاجة من دى
مراد بتنهيدة: ماشى وانا مش هضغط عليكى عشان الحمل بس على الاقل تهتمى وانا مسافر ،بصيلى حتى قومى شوفينى ولما انزل ابقى كملى نوم
حياة : هو اى قلق وخلاص
مراد : انا تعبت وهقوم انزل شوية
حياة : انا هنام
مراد : براحتك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عودة بعد غياب)
2 تعليقات