رواية حب خاطئ الفصل الحادي عشر 11 بقلم شهد سيد
رواية حب خاطئ الجزء الحادي عشر
رواية حب خاطئ البارت الحادي عشر
رواية حب خاطئ الحلقة الحادية عشر
ياا شهدددد
_وكأن الوقت وقف بيا اول م سمعت صوتو مبحوح وقلبي نبض جامد محستش بنفسي غير وانا بنزل بسرعة واجري عليه عشان احضنو
احضنو حتي لو لاخر مرة
اسلام بضعف:متسبينيش اول م شوفتك طالعة حسيت روحي بتتسحب
شهد بدموع:قلبي معاك علي طول يا اسلام انا بحبك
ضحك اسلام وقال:هكتب عليكي دلوقتي ونتجوز يا حبيبي
_هتتجوز وحدة متجوزة؟ازاي يعني!
بصتلو شهد بطرف عين وقالت: يلا يا اسلام متردش عليه
مسك ايدها محمد وحطلها القسيمة ف وشها
شهد باستغراب:دي اكيد مزورة انا ممضتش علي الورقة دي ولا قعدت قدام مأذون
محمد:مش مزورة وتقدري تتأكدي هي دي مش امضتك ولا ايه
مسكو اسلام من رقبتو وقالو:انا راجل خلقي ضيق اخرتها هخليك تحصل ابوك
زقو محمد ومسك ايد شهد ورجعها وراه وقال ببرود:وريني اخرك ومتقدرش تاخدها بقولك هي مراتي ف نظر القانون مراتي وهسافر بيها دلوقتي
شهد بصت ل اسلام بدموع:صدقني انا ممضتش علي حاجة،اكيد مكنتش ف وعيي
نده محمد الامن يمسكو اسلام وخد شهد وطلعو الطيارة
ف المساء في فيلا اسمهان مامت محمد بالتحديد…..
اسمهان:جهزتي السفرة يا جميلة
جميلة:ايوا يا ماما،ومحمد بعتلي انهم قدام البوابة خلاص
اسمهان:طب يلا عشان نستقبلهم
قامت اسمهان واتجهت ل باب الفيلا ووقفت هي وجميلة ل استقبال اختها
وصلت العربية ونزلت شهد وكانت تعبانة ولقت ست جميلة شبه مامتها جدا ومبتسمة
شهد:انتي اكيد خالتو
اسمهان باحتضان:يقلب خالتو اتفضلي
جميلة:وانا جميلة بنت خالتك يبت
شهد:اي دا انتي شبهي اوي
جميلة بتحمس:هنبقا توينز عااا
جات سمر (مامت شهد) بتضحك وجريت علي اسمهان حضنتها جامد وسلمت علي جميلة ودخلو عشان ياكلو
محمد للحارس:اغسل العربية واركنها
الحارس: حاضر يباشا،يباشا في وحدة نايمة ف العربية
محمد بصدمة:ياسمين لسة نايمة انا افتكرتها دخلت معاهم!،
انتي يبت يبت فوقي انتي اي ف غي*بوبة
ياسمين بنعاس:م براحة مش كفاية ماخدني عافية
محمد:يعني ماخدك لسواد عيونك
ياسمين:هات ايدك سندني طيب
محمد صدمة:يخربيت الجرأة دنا كنت به*ددك بالق*تل من اسبوع يبت
ياسمين:واديني عايشة
دخلت ياسمين مع محمد وسلمت عليها اسمهان وجميلة انما شهد كانت متجنباها نهائي
ف حست كدا ياسمين واتحج*رت الدموع ف عيونها
كانو قاعدين ف الجنينة كلهم مجتمعين بيشربو عصير وشهد قاعدة سرحانة وكل م تفتكر ذكرياتها هي واسلام دمعة تنزل لحد م استأذنت ودخلت اوضتها وكانت هتغير هدومها
لكن دخل عليها محمد وقفل الباب
شهد بصوت عالي:انت مجنون اطلع برا
محمد: واطلع ليه انتي مراتي
شهد:هطلق اوعا تفتكر ان الوضع دا هيفضل انا لا يمكن اخلي حد يلم*سني غير اسلام
محمد بزعيق:طول م انتي علي اسمي متنطقيش اسم راجل علي لسانك غيري
شهد باستهزاء:ليه بتغير
محمد:اغير اي انتي مفكرة اني دايب فيكي انا بعمل كل دا عشان خالتي وبس اللي هي امك وبعتبرها امي برضو
شهد:وبتسمع كلام ماما ليه بقا
محمد:عشان مامتك عندها حق وانتي ظلماها
شهد:القت*ل ملوش مبرر
قرب محمد منها وقال بصوت هادي:انا ممكن افهمك كل حاجة واحلفلك ع المصحف ان كل كلمة بقولها صدق
حست شهد ف كلامو الصدق وقامت جابتلو المصحف وادتهولو
مسك محمد المصحف واقسم ان كل كلمة هيقولها حقيقة وبدأ يتكلم
“من 27 سنة تقريباً ماما اتعرضت للاغت*صاب ومكناش عارفين مين اللي عمل كدا وهي من اللي حصل جاتلها صدمة وقعدت سنتين مبتتكلمش ولما قرب منها ايمن ابو المجد اللي هو ابويا اللي هو برضو صاحب باباكي حبها جدا وطلب يتجوزها وفعلا اتجوزها وبعد سنة جيت انا ع الدنيا
بعد سنتين تاني باباكي اتجوز مامتك بس اللي اعرفو انو مكنش عن حب بعد سنة انتي شرفتي ع الدنيا وكان نطق ماما بدأ يتحسن بس مجابتش سيرة ان اللي عمل كدا باباكي
بعدها عرفنا ان باباكي كان بيحبها حب امتلاك ولما هي رفضتو اتجوز مامتك عشان بيشوفها ف مامتك بحكم انهم توئم وكدا
وف ليلة باباكي مكنش موجود ومامتك كانت بتحط هدوم ف دولابو وبالصدفة وقعت اسطوانة
ف فضول مامتك خلاها تشوف فيها اي
ولقت فيديو مسجل للحظة اغت*صاب باباكي ل امي
مامتك خدت الاسطوانة وواجهت ابوكي وباباكي قال ان معاه نسخ كتير وانو هيفض*حها
ف مامتك لما قالت ل امي وابويا
ابويا راح قت*لو ومامتك كانت داعمة ابويا انو يعمل كدا عشان دا حق حق امي،
ابوكي عمل حاجات كتير وحش*ة،
ابويا برضو مش ملاك م هو اخد اللي كانت مرات اسلام كأنو هي*كسر عينو ف الشغل،انا كنت اعرف حاجات كتير عن اسلام وان هو راجل قوي،وبقولك من دلوقتي اسلام فعلا لو بيحبك هيجيلك ويحاول ياخدك وانا مش هطلقك غير لما مامتك تكون راضية تمام؟”
كانت شهد هترد لكن حطت ايدها علي بوقها وجريت ع الحمام
راح وراها محمد واستناها تخلص واول م طلعت قال:
انتي ماخدة دور برد ف معدتك ولا ايه اجبلك الدكتور؟
شهد:لا لا انا هاخد مسكن بس وهبقا كويسة
محمد بشك:هو اسلام لمس*ك؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية حب خاطئ)
