رواية إذا ناداك الحب الفصل العاشر 10 بقلم سلمى سعيد
رواية إذا ناداك الحب الجزء العاشر
رواية إذا ناداك الحب البارت العاشر
رواية إذا ناداك الحب الحلقة العاشرة
دخل امير الشقة وهو مستعجل جدا..خد اللابتوب بتاعه بسرعة وبدا يدور على الفيس بوك بتاع يمني…وبعد شويه كان لقاه..وعرف الاكونت بتاع جوزها ودخل عليه
امير: مرشد سياحي..
بدأ يدور في الصور لحد ما لقي صورة واحدة بس ل شهاب ويمني على البحر وكانت يمني بتضحك و شهاب حاضنها
امير حس بضيق شديد بعد ما شاف الصورة..كان تاريخ الصورة من خمس سنين في شهر العسل
عرف امير،يوصل لرقم شهاب اللي على الفيس بوك ودخل بعتله ماسچ متهكرة….ودي حاجة امير اتعلمها من اواحد صحبه كان مجنون تكنولوجيا
سند امير ضهره على الكنبة وكلم نفسه بسرحان: دلوقتي نعرف يا شهاب بيه…انت بتعمل ايه..وايه المميز فيك عشان ربنا يبعتلك ملاك زي يمني كده
***********************
زيدان كان مولع…مين ده و بيعمل ايه مع اسيا..
طلعت اسيا السلالم بكل هيبة تليق بسيدة اعمال…واسلام كان طالع جنبها
وقفت اسيا قدام زيدان وهي بتباسم بنصر للمرة التانية..كده وبكل هدوء واقل حاجة تتقال ان كيدهن عظيم
هي عارفة..بل واثقة ان زيدان لسه زي ما هو..مبيحبش حاجة بتاعته تبقي مع حد غيره بيكرها او بيحبها المهم متبقاش لحد تاني وهي دلوقتي بستفز النقطة دي فيه
زيدان جز على اسنانه واتكلم مع اسيا بنظرات هي عارفة معناها كويس..في حريقة هتحصل
زيدان: مين ده
اسيا ببرود: ازيك يا زيدان بيه
زيدان: مين ده بقولك
اسيا: هي دي المقابلة اللي بتستقبل بيها ضيوفك يا زيدان بيه
زيدان: لمعلوماتي انك انتي ضفتي يا اسيا…مين بقي الاستاذ
اسلام كان مراقب الموقف باستغراب من اسلوب زيدان مع اسيا لانه كان فيه مسافة ما بنهم وكمان زيدان كان بيتكلم بصوت واطي..
وجه زيدان كلامه ل اسلام
زيدان: اهلا وسهلا…اتعرف بحضرتك
مد اسلام ايده يسلم على زيدان: اسلام السيوفي..دكتور في علم النفس
زيدان: اهلا بيك في سرايا زيدان الورداني يا دكتور
اسلام بص لزيدان بصمت وزهول..لف وبص ل اسيا اللي كانت عنيها على زيدان
اخيرا شافه.. زيدان الورداني..لا …وجه لحد السرايا بتاعته برجليه
زيدان: معلش يا دكتور بس اسيا هانم مقالتش ان في ضيف جاي معاها
اسيا: اسلام مرضاش يخليني اسافر لوحدي..انا عارفة طبعا ان انتو عاملين حسابكم انكم هتسضفوني انا لوحدي…عشان كده انا اسلام هننزل في اوتيل
نعم يا روح امك!!
قالها زيدان في سره وهو بيضغط على ايده اكتر واكتر…شكل اسيا مش هتجبها لبر
زيدان ببرود: لا وعلى ايه..انتي في سرايا الورداني يا اسيا هانم يعني تكفي اهل الصعيد كلهم مش ضيف زيادة
اسيا: كويس…يارب بقي ضيفاتكم تعجبنا
زيدان: احنا صعايدى يا هانم يعني ضيفتنا بيتكلم عليها الناس..و عارفين اصول الضيافة كويس
اسيا: مش لازم عشان صعيدي تكون بتعرف تضايف يا زيدان بيه..ما انت صعيدي اهو ومعندكش من اخلاق الصعايدة حاجة..
زيدان: لسانك ده ااا
اسيا: بلا لساني بلا لسانك…انا وانت هنتعامل ميري..يعني بألقاب ومقامات وبس
كانو بيبصو لبعض بتحدي
واسلام واقف بيراقب حركتهم في صمت..
***********************
كان ياسين و جميلة قاعدين في التراس و جميلة قعدة في حضن ياسين اللي سايب كل حاجة و قاعد يحكلها حواديت
جميلة: كفايه كده انا زهقت
ياسين: اخيرا…مش انتي اللي كنتي عايزة حدوته وخلتيني احكيلك
جميلة: انت بتقول وحش خالص..دادة زينب بتقولي حدوتة احلا من دي وكمان بتقول توتا توتا خلصت الحدوتة
ياسين: يعني بعد كل ده يا جميلة وطلعت بقول حواديت وحشه..ماشي يا جميلة انا مش هكلمك تاني
وبص الناحيه التانيه…ضمت جميلة شفايفها..بعدين مسكت راس ياسين عشان يبصلها وبصت في عيونه وهي بتقول بكل طفولة
جميلة: انت زعلت يا ياسو
ياسين: ايوا ومش هكلمك تاني وكمان همشي واسيبك
جميلة اول لما سمعت كلمه هسيبك خافت جدا وفجاة بدات تعيط وهى ماسكة في هدوم ياسين جامد
ياسين بقلق: جميلة مالك يا روحي..انا بهزر معاكي
جميلة ببكاء: انت هتسبني..انت هتسبني
ياسين: لا يا روحي والله مش هسيبك…انا اسفه كنت بهزر معاكي…انا مقدرش اسيبك ابدا يا جميلة
جميلة وهي بمسح دموعها بضهر ايدها : بجد يعني مش هتسبني عشان انت مش بتعرف تحكي حدوتة حلوة
ياسين بهزار: المهم انتي متسبنيش عشان انا مش بعرف احكي حدوتة
جميلة وهي بتحضنه جامد: لا جميلة مش هتسيب ياسين ابدا
ياسين حضنها جامد وهو حاسس انه خلاص مبقاش عنده اي سيطرة على قلبه اللي بيتعلق بيها يوم بعد يوم
ياسين: يلا بقي يا جميلة عشان عندنا معاد مع الدكتورة نوال
جميلة: طيب يلا عشان اخد الشاور بتاعي
ياسين: بس مفيش حد هنا يا جميلة عشان يساعدك في الشاور
جميلة: اومال هاخد الشاور ازاي
ياسين: جميلة حلوة وهتعتمد على نفسها وتاخد الشاور لوحدها
جميلة: بس انا مش بعرف
ياسين: معلش يا جميلة حاولي لحد ما اجيب واحدة تساعدك
جميلة: انا عايزة دادة زينب
ياسين: حاضر هجبهالك بس دلوقتي اعتمدي على نفسك لو سمحتي
جميلة: طب اعمل ايه يعني
ياسين: بصي انا هحضرلك الحمام وانتي ادخلي علطول خدي الشاور وهبقي مجهزلك هدومك في الحمام
جميلة باستسلام: اوكي
دخل ياسين يحضر الحمام وجميلة وراه
ياسين: انا خلصت اهو البانيو فيه مايه دافيه والبورنس اهو وكل حاجة جاهزة
جميلة: طب اطلع برا بقي
ياسين بمراوغة: ليه
جميلة: عشان اقلع..يعني هاخد شاور بهدومي يعني يا ياسو
ياسين: تحبي اساعدك طيب
جميلة: لا..عيب.. عيب تشوف جميلة وهي من غير لبس
ياسين: ده انا ياسين حبيبك
جميلة: لا عيب..دادة زينب بتقول عيب يا جميلة حد يشوفك من غير هدوم…حرام
ياسين: ماشي يا جميلة..حاضر انا هخرج ولو عوزتي اي حاجة نادي عليا
جميلة زقت ياسين برا قفلت الباب وسندت عليه..كانت محتاسه مع نفسها اوى..مش عارفة المفروض تعمل ايه..عقلها مشوش جدا..بدأت تتحرك براحه..وبدات تاخد الشاور بتاعها
كان ياسين بيحضر لبسها في غرفة اللبس…ابتسم باستغراب و هو شايف هدوم جميلة متعلقه في غرفة اللبس بتاعته رغم انه هو اللي معلقها بنفسه امبارح…خلاص اتجوز..واتجوز بنت حبها من اسبوع بس..ايه الجنان ده
ده اللي قاله عقله..بس قلبه لغي كل ده وهو بيفتكر اجمل صدفة في حياتة…جميلة
واه من جميلة واللي بتعمله في قلب ياسين ببراءتها و جمالها وروحها الحلوة
سمع ياسين صوت صريخ جاي من الحمام..ساب كل حاجة وجري يشوف جميلة..دخل بسرعة كانت جميلة في البانيو اللي بقي كله رغوة ملهاش نهايه وجميلة قعدة فيه مش باين منها غير راسها..وشعرها نازل على عنيها
ياسين: في ايه يا جميلة
جميلة :الحقني يا ياسين البانيو بيفور
ياسين: بيفور ايه استني
رفع شعرها من على عنيها
ياسين: انتي حطيتي الشاور كله في البانيو
جميلة: اومال احطه فين
ياسين مردش عليها…خد نفس عميق و شغل الدوش و ادها ضهره
ياسين: اقفي تحت المايه دي…و البسي البورنس وانا مستنيكي برا
خرج ياسين ، وعملت جميله اللي هو قاله وخرجت وراه
جميلة: انا اهو
ياسين: هدومك..هنا اهو..وانا هلبس في الاوضة التانيه…وخدي وقتك يا جميلة..براحتك خالص
***********************
شكريه..واه من شكرية
شخصين غريبة عجيبة..لدرجة انها بعد ما تموت هيحطو صورتها في المتحف مع اهل الكهف
هي اه مش شبهم بس نفس العقلية البدائية..اللي عايشة عشان تصطاد
تصطاد نقط ضعف الناس وتستغلها و تكسب من وراهم حتى لو خيرهم عليها
كانت قاعدة ودمغها بتودي وتجيب
ياسين اتجوز…اختفي اسبوع ورجع متجوز واحد اخوها جه القصر وقعد يزعق ويقول عايز اختي..و فاقدة للأهلية
يعني مجنونة..وياسين شكله خاطفها..وهي البنت دي اصلا مين
شكرية: صح كده..يبقي ياسين اتجنن واتجوز واحدة مجنونة..متنسبش اسم العيلة دي..هي بس تنزل واشوفها وليها معايا خطط تانيه
ابتسمت بشر…وهي حسه ان اخيرا لقت حاجة تقف بيها قدام امنه وياسين
قامت من مكنها وراحت قعدت جنب امنة اللي كانت بتقراء في المصحف
شكرية: انا بجد مستغربه انتي هديه كده ازاي يا امنة
قفلت امنه المصحف وبصت ل شكرية ببرود
امنة: عايزة ايه يا شكرية دلوقتي
شكرية: هو ياسين ومراته مش هينزلو ولا ايه
امنة: وانتي مالك
شكرية: انا بسأل بس عشان عايزة اتعرف على العروسه مش اكتر….هههههه عشنا وشوفنا..ياسين يرجعلنا بواحدة وبيقول مراته..لا وكمان مجنونة
ضربت امنه شكرية في كتبها بعنف رغم انها فضلت ثابته
شكرية: اه…ايه يا امنه في ايه
امنة: اسمعي يا شكرية..انا بسكوتلك على كل حاجة بتقوليها وتعمليها عشان خاطر جوزك الغلبان..اللي مبيعرفش ياخد معاكي حق ولا باطل…وكمان عشان امير واسيا اللي خاطرهم عندي من خاطر ياسين…انما قله ادب و رمي كلام ملهوش لازمة..لا انا مش هسكتلك ولو انا اتكلمت يا شكرية اعرفي انك مش هتقعدي في البيت ده يوم واحد كمان
شكرية سكتت..عشان عارفة امنة وكلمتها اللي مش بتتعاد في البيت..
رجعت قعدت مكانها وهي بتفكر في البنت اللي فوق دي
في الوقت ده كان ياسين نازل مع جميلة..اللي كانت لابسه سلوبته زرقه قماش..وشعرها مفرود ومسكه في ايد ياسين اللي كان لابس بدلة كلها سودا
سمعت شكرية صوتهم وكانت قديمه عشان تشوف مرات ياسين بس قبل ما تقوم من مكانها… بصت امنه ليها بصه تخوف خلتها ترجع مكانها من غير ولا كلمه
وخرج ياسين وجميلة عشان معاد الدكتورة وفضلت شكرية الفضول قاتلها
***********************
دخلت يمني غيرت هدومها وهي قلبها مكسورمن اللي قالته حامتها…لبست فستان اسود طويل من الشيفون كان مخليها جميلة اكتر…رغم عيونها اللي كالعادة ورمة من العياط
طلعت الاكل اللي سهرت طول الليل تعمله لجوزها عند حماتها
سعاد: متشكرين يا اختي..يلا على شقتك
يمني: طب خليني معاكي يا طنط عشان اشوف شهاب
سعاد: يا عين امك…لا يا حبيبتي انزلي على شقتك ولما ابني بيبقي فاضي هخليه ينزلك
يمني: لما يبقي فاضي!!
سعاد: ايوا يا روحي..لا تكوني فكرة انه هيسيب امه اللي ربته عشان يقعد معاكي يا سنيورة
يمني متكلمتش ونزلت على شقتها في صمت …ولا نفس ولا كلمة..عاملة زي الضيفة الثقيلة.. مش حاسه ان البيت ده بيتها ولا الحياة دي تخصها
اترمت على السرير بتعب…ومن كتر التفكير والتعب نامت مكانها
بعد شويه..دخل شهاب الشقة ومعاه شنطة سفره.
بص حواليه لقى الشقة هاديه وملقاش يمني مستنياه…اضايق جدا من ده…بس هدا نفسه وخرج العلبة القطيفة اللي في جيبه..جاب لها هديه عشان يعتذر عن اخر موقف بينهم وأنه ضربها
دخل الاوضة لاقاها نايمة ولبسه اسود!!
اضايق اكتر..ساب الشنطة ودخل المطبخ ملقاش اكل او اي حاجة خالص
شهاب: ايه ده…ما مكنتش جيت احسن…امي عندها حق يمني دي زوجة مستهترا ومتجيش الا بالضرب زي الحيوانات
دخل شهاب اوضه النوم وضرب التسريحة جامد…صحيت يمني مفزوعة
يمني: شهاب..انت جيت امتى حمدالله على السلامة يا حبيبي
وكانت هتحضنه بس هو زقها جامد..فوقعت على السرير
يمني: في ايه يا شهاب
شهاب بزعيق : في ايه…في ان انا راجع من السفر تعبان لقيت حضرتك نايمه ومفيش اكل ولا اي حاجة..وكمان لابسه اسود
يمني بشرح: والله ابدا…انا كنت مجهزة اكل بس طنط قالتلي اطلعه فوق وكمان قالتلي غيري الهدوم اللي انتي لبساها انا كنت لابسه حاجة تانيه…واا
شهاب: بس بقي هو كل حاجة تقولي امي امي…انتي ست مهمله في بيتك وجوزك..انا طالع عند ماما وهبات عندها…صحيح انا كل يوم بندم على اني مسمعتش كلام امي لما قالت دي بنت ملجاء و متعرفش يعني ايه اصول
وخرج شهاب..وساب يمني اللي معندهاش اي فرصه تنسي انها يتيمة ولوحدها..لوحدها لدرجة انها خايفة تخرج من السجن بتاعه لانها ملهاش حد يساعدها في اي حاجة في حياتها…الفكرة مش فكرة فلوس…بل فكرة نفوس ضعيفة وخايفة !
**”********************
كان اكرم قاعد مع المحامي بتاعه…خلاص هيرفع قضيه على ياسين ل هو ل ياسين…واختخ لازم ترجع دي امانه امه وابوه
كان قاعد بيتكلم مع المحامي..فونه رن..وكان شريف..رد
شريف : الحقني يا اكرم
اكرم: في ايه
شريف: البنت اللي في الغيبوبة
اكرم: مالها
شريف: في حد مقنع دخل عليها وكان هيقتلها.
اكرم: ازاي ده حصل
شريف: كانت الممرضه دخله تديها الحقنه لقت واحد مقنع جوا وكان هيديها حقنه هوا..بس ملحقش
اكرم: زود حراسه يا شريف..وانا جاي حالا..علي عينك في وصت راسك على ما اجيلك
بعد ربع ساعة…وصل اكرم المستشفي
اكرم: البنت عاملة ايه يا شريف
شريف: كويسة ملحقش يعمله حاجة الحمد الله
اكرم: ليه هو كان المفروض يعملها…والعساكر دول ايه زينه..
شريف: في ايه يا اكرم..بتزعق ليه
اكرم: بزعق عشان قضيه مهمة كانت هتبوظ لو البنت كان حصلها حاجة
ساب اكرم شريف ودخل العنايه المركزة…ودخل اوضه البنت..كانت جروح وشها خفت شويه..و وشها بقي اوضح
كانت البنت بتتكلم بهلوسه
: لا ونبي…سبوني انا عايزة اروح لابويا وامي ونبي…نش هقول حاجة
اكرم كان واقف جنبها…فتحت البنت عيونها..بصت حوليها لحد ما عنيها جدت على اكرم اللي واقف مربع ايده و بيبصلها بتركيز
البنت: انت مين
اكرم: علي حسب انتي تبع مين..هقولك انا مين!!
***********************
سعاد: يا حبيبي انا مش عارفة انت مدايق نفسك كده ليه
شهاب: والله يا امي كنت عايز اصالحها بسبب اللي حصل يوم سفري..بس اعمل ايه عكننت عليا
سعاد: لا عاش ولا كان اللي يعكنن عليك يا حبيبي
شهاب: اعمل ايه يا امي علطول بحس اني ظالمها معايا وفكرت اطلقها بس اعمل ايه بحبها
سعاد: وليه يا حبيبي ظالمها ما انت سايبها تشتغل وتطلع وتنزل براحتها اهو
شهاب: انا بعمل كده عشان متفكرش في موضوع الخلفة ده كتير…انتي عارفة انا مبخلفش والحمد الله ان يمني مطلبتش الطلاق لحد دلوقتي بسبب كده
سعاد: ليه يا حبيبي…هو ده كرم أخلاق منها يعني..انت ماشاء الله مال واصل وتربية…ومعيشها ملكه…ده غير ان هي اصلا ملهاش تطلق منك..كل ده عشان مش بتخلف..طب وماله
شهاب: ساعات بقعد افكر مع نفسي كده…لو يمني هي اللي مبتخلفش كنت هسبها ولا كنت هكمل معاها
سعاد: كنت هتسبها طبعا..وبعدين يا حبيبي انت راجل و الراجل ميعبوش الا جيبه…إنما هي تحط الجزمة فى بقها وتسكت وتحمد ربنا على العيشه اللي عايشاها
دول اتنين معاقين في عقلهم ومشوهين نفسيا ً نسبهم لوحدهم ليعدونا
***********************
رجع ياسين ومعاه جميلة من عند الدكتورة…وقبل ما يدخلو
وقف ياسين جميلة
ياسين: جميلة حبيبتي..دلوقتي ميعاد العشاء واحنا لازم نحضره..هعرفك فيه على عمي ومرات عمي…وماما انتي شوفتيها…زي ما الدكتورة قالت اقعدي معاهم عشان يحبوكي
جميلة: حاضر يا ياسو..بس بلاش مامتك تقولك يا حبيبي عشان بزعل اوي
ياسين: حاضر يلا بينا بقي
كانت امنه وشكرية وخالد قاعدين على السفرة و شكريه قاعدة على نار عايزة تشوف جميلة
دخل ياسين وجميلة معاه اوضة السفرة
ياسين: مساء الخير يا جماعة…اقدملكم مراتي جميلة صالح
شكرية وخالد بصوت لجميلة بذهول..وقف خالد بصدمة و معاه شكرية…جميلة وقفة قدمهم …جميلة بنت صالح واماني… !!
شكريه بهمس: بنت اماني…هي دي مرات ياسين!!
ياترا ايه علاقة جميلة..ب شكريه وخالد
وأمير هيعمل ايه بعد ما يهكر فون شهاب
واسيا هترجع من الصعيد بقوتها ولا زيدان هيروضها
مستنيه ارائكم
***********************
عايزة بس اقول ان شخصية يمني شخصية حقيقية..وموجودة في بيوت كتير وكمان جوزها وحماتها
يتبع…
لقراءة الفصل التالي : اضغط هنا
الرواية كاملة اضغط على : (رواية إذا ناداك الحب)
تعليق واحد