رواية البر التاني الفصل الخامس والثلاثون 35 بقلم لولو محمد

رواية البر التاني الجزء الخامس والثلاثون

رواية البر التاني البارت الخامس والثلاثون

رواية البر التاني الحلقة الخامسة والثلاثون

سماح / عمرى ما كلمته يا سماح و لا لسانى جه على لسانه يا سماح
مريم / والله ما حصل
سماح / امال يعني جاى يطلبك بمناسبه ايه ؟
مريم / و انا مالى هو انا اللى روحت طلبته
سماح / يعنى انتى مش موافقه ؟
مريم / قولت هصلى استخاره
سماح / و ماله … قال يعني البت ما فطتش من مكانها لما عرفت انه جاى يطلب ايدها
مريم / ما تبطلى بقي يا سماح الله
سماح / بيني و بينك ليكي حق تترددى برده
مريم تبصلها
سماح / هو صحيح عبد الله شكله حلو و بكره و لا بعده هيبقي دكتور بس برده طلع لا و نزل كحيان دا شغال عندنا
مريم / انا ما بيفرقش معايا الحاجات دى و انتى عارفه
سماح / طبعا دا انتى رافضه مغاورى الجارحى بعزه
مريم / خدوهم فقرا يغنيهم الله
سماح / بفلوسك يا عنيا هيغنيه بفلوسك و ساعتها ياخد فلوسك يتجوز بيها
مريم / يا سلام و هو لو كان غنى من الاول مفيش احتمال يعني يتجوز عليا ؟
سماح / كل شئ وارد .. حد عارف ؟
مريم / و بعدين التعدد شرع ربنا لو مكتوب عليا اللهم لا اعتراض اكيد ربنا هيعوضنى بحاجه احسن
سماح / بس مش من فلوسك
مريم / على فكره مش معنى انى بسايرك فى الكلام انى مقتنعه بكلامك
سماح / ياختى اهو كلو كلام هو انتى يعني كنتى وافقتي
مريم تبص لسماح
سماح / الا لو وافقتي هيجبلك شبكه شكلها ايه ؟
مريم / الشبكه هديه العريس لعروسته و انا مش ناقصنى دهب
سماح / معاكى حق … اقولك روحى الصاغه و غيرى دهبك ساعتها اللى هيشوفك لبساه هيفتكره شبكتك و ما يتنقوروش لا عليكي و لا عليه
مريم / تعرفى تسكتى
سماح / يا بت بتكلم معاكى عادى اهو اعتبرينا بنفكر بصوت عالى تفتكرى هيجوزوكوا هما فى الاوضه و لا هيدوكى اوضه من الكبار اللى فوق بحمامها بيتهيالي لازم تبقي بحمامها امال يشوفوكوا كل شويه و انتوا رايحين تستحموا ههههههههههههههههه
مريم / انتى قليله الادب
سماح / ههههههههههههههههههههه يا بت !!!
مريم / و بعدين هو هيتجوزنى هنا ليه ما هو عنده شقه
سماح / حقه يا بت تتجوزوا فى مصر و يشتغل هناك بس ساعتها القرشين بتوع الايجار اللى عايشين منهم هيروحوا عليه
مريم / و نتجوز فى مصر ليه لينا مين هناك انا بتكلم على الشقه اللى هنا
سماح / هتتجوزى مع امه !!!
مريم / و ماله يعني امال نسيبها لوحدها هى و ياسمينا
سماح / يعني مش بس هياخدك بلوشي دا هياخدك خدامه لامه و داده لاخته كمان
مريم / بقي دا كلام بنات الاصول برده يا سماح
سماح / انا بتكلم عشانك … انا مش مستفيده حاجه هو يعني لو رفضتيه هيتقدملى يعني !!
مريم / انا ما قولتش كدا بس برده
سماح / اقولك صلى استخاره و اللى قلبك يرتاحله اعمليه يلا اسيبك بقي و اروح انام
مريم تبصلها سماح تمشي و تقفل الباب وراها مريم تروح تلبس الطرحه و تفتح الشباك و تقف تتفرج على القمر باب الاوضه يخبط مريم تروح تفتح
مريم / نسيتي الموبايل و لا ايه
مريم تلاقى مختار على الباب واقف مبتسم تبتسم
مريم / ازيك يا عمى
مختار / هى سماح كانت هنا و لا ايه
مريم / اه لسه ماشيه حالا تعال داخل
مختار يدخل يشوف الشباك مفتوح يروح يقف يبص على السما
مختار / الجو حلو اوى النهرده و السما صافيه
مريم / ايوه فعلا
مختار / انتى طبعا عارفه انا جاى اتكلم معاكى فى ايه صح
مريم / هو تقريبا مفيش موضوع غيره الكل يكلمنى فيه اصلا
مختار / ههههههههههههه بس انا لا جاى اقنعك و لا اضغط عليكي انا بس متاكد انك هتسمعى كلام وحش كتير الفتره الجايه دا ان ما كنتيش سمعتيها اصلا بما ان سماح كانت هنا
مريم / بس انا ربنا خلقلى عقل يا عمى
مختار / مهو ده اللى مطمنى … انتى عارفه ان عبد الله معجب بيكي من فتره بس كان خايف يتكلم عشان هو مش جاهز
مريم / و ايه اللى غير رايه و شجعه
مختار / خاف تضيعي منه لقاكوا بيجيلكوا عرسان و فهم ان هنا غير مصر … و انا شجعته
مريم تبتسم و تبص فى الارض
مختار / انا اعرف عبد الله من سنين و عارف اخلاقه كويس عبد الله واد جد ما لوش فى اللوع و انا متاكد انه هيصونك
مريم / و دى اهم حاجه
مختار / انا عارف ان الكل لما يكلموكى هيعترضوا على الماديات بس انا عاوز افكرك ان سيدنا محمد لما اتجوز ستنا خديجه كان بيشتغل فى فلوسها
مريم / عليه الصلاه و السلام
مختار / فكرى و صلى استخاره و لو حبيتي تتكلمى انتى عارفه انا عمرى ما اتاخر عنك
مريم / يخليك ليا
مختار / انا هنزل اتمرن تحت شويه مش جايلى نوم تيجي معايا
مريم / لا شكرا انا ضهرى واجعنى خلقه
مختار / بقيتي خرعه
مريم / خرعه خرعه بس اعيش
مختار / هههههههههههههههه ماشي يلا تصبحى على خير
مريم / و انت من اهله
مختار يمشي و مريم تقفل الباب وراه و ترجع تقعد على الشباك و هى مبتسمه و تبص للقمر
…………………….
فى اوضه هند
هند تصحى ما تلاقيش مختار جنبها تنفخ و تقوم تلبس الاسدال و تنزل تروح المكتب تفتح الباب المكتب فاضي عباده يكلمها من ضهرها
عباده / بتدورى على مختار
هند تتفزع
هند / خضيتني
عباده / حقك عليا
هند تهز راسها
عباده / مختار تحت فى الجيم
هند / هو فى هنا جيم
عباده / فى هنا حاجات كتير ما تعرفيش عنها حاجه بس واحده واحده هتعرفى على العموم هو تحت السلم اللى هناك فى باب افتحيه و انزلى السلم هتلاقيه
هند / معاه حد و لا لوحده
عباده / لوحده انا كنت لسه تحت هو لوحده
هند / شكرا
هند تيجي تمشي ناحيه الجيم
عباده / هو انا ممكن اسالك فى حاجه لو مش هيضايقك يعني
هند / اكيد اتفضل
عباده / اعتبريه فضول مش اكتر اتعلمتى تفكى و تركبى السلاح و روحتى تتعلمى الرمايه خير ان شاء الله غيرتى رايك اخيرا
هند / كان نفسي اقولك اللى انت عاوز تسمعه بس الحقيقه لا ممكن تقول انى بقيت ببص للموضوع من نظره تانيه بس انا لسه عند مبدئي
عباده / مش فاهم
هند / يعني انا اعتراضي عن تجاره السلاح و التهريب مش على ان مختار يشيل سلاح و انتوا كمان كلكوا المفروض تبطلوا القرف ده
عباده / على مهلك يا بنت عمى انتى ليكي فى اللى يخصك انما احنا كبار كفايه اننا نعرف الصح من الغلط نرجع لموضوعنا .. ايه اللى جد
هند / نوعا ما فهمت طبيعه حياتكوا و المخاطر اللى بتقابلكوا
عباده / بتتعلمى عشان تحمى نفسك يعني
هند / عشان احمى جوزى و جوازى
عباده / فهمت
هند / انا عارفه ان مختار هيحميني بس وقت الجد لو فى حاجه بتهدد حياه جوزى عاوزه زى ما هيحميني انا كمان احميه
عباده / يعني عمرك ما هتسمحيله يرجع لتجاره السلاح
هند / مش بايدى اسمحله او امنعه الموضوع كله بايد مختار
عباده / بس هو اداكى كلمه
هند / و ده اللى مطمنى بس مش هكدب على نفسي الموضوع صعب قوى على مختار
عباده / و انتى قدها تقدرى تنسيه الدنيا بحالها مش تجاره السلاح بس
هند / بتتكلم بثقه قوى
عباده / لما ربنا يقول ان كيدهن عظيم هاجى انا و اعترض
هند تبتسم و تبص فى الارض
هند / مقبوله منك
عباده / هسيبك انتى تروحيله
هند تبتسم و تهز راسها عباده يطلع فوق و هى تقف تفكر ثوانى و تطلع وراه تدخل اوضتها و تقفل الباب وراها
…………………….
فى الجيم
صاله كبيره فيها اجهزه رياضيه و حديد و فى بوكس باج متعلق و مختار لابس الجلوفزات و بيتمرن هند تدخل تقفل الباب وراها
هند / واو دا فى هنا دنيا تانيه انا ما كنتش اعرف عنها حاجه
مختار / ايه اللى صحاكى ؟
هند / المكان هنا تحفه دا و لا الجيم اللى فى مصر
هند بتتفرج على المكان تشوف حمام فى جنب و فيه دوش
هند / دا فى دوش هنا كمان
مختار / فى كل حاجه عباده هو اللى مجهز المكان هنا لما نزلى مصر مره زياره و جه معايا الجيم رجع ظبط الدنيا هنا
هند / عشان ما يبقاش حد احسن من حد يعني
مختار / فهمتى الليله اهو
هند / بس الله ينور المكان حلو جدا هو المكان ده كان ايه زمان
مختار / مخزن للكراكيب و السلاح
هند / لا كدا احسن بكتير انت بتتمرن ايه ؟؟ بوكس !! انا عمرى ما لعبت بوكس … ممكن اجرب ؟
مختار / اكيد تعالى
مختار يقلع الجلوفزات
هند / هو انا ممكن اقلع الاسدال و اخد راحتى و لا المكان هنا ملغم و لا ايه ؟
مختار / ثوانى
مختار يروح يقفل الباب بالمفتاح و يروح يلف عصايه حديد تقفل شبابيك فوق
مختار / الدار امان خدى راحتك
هند تقلع الاسدال لابسه بنطلون شارلستون اسود هاى واست و بدى استوماك اسود حمالات و عامله شعرها ديل حصان من فوق تمدله ايدها يلبسها الجلوفزات مختار يشوفها يتنح
هند / ايه ؟
مختار / انتى خدتى راحتك على الاخر
هند / هههههههههههههه طب مش هتلبسني و لا ايه
مختار / و اتبتر على النعمه طب دا حتى ربنا يحاسبنى
هند / هههههههههههههههه يا عم انا بتكلم على الجلوفزات مش هتلبسهانى عشان اللعب البوكس
مختار / اه شوفى و الواحد
هند / ههههههههههههههههههه
مختار يلبسها الجلوفزات و يمسكلها البوكس و هى تضرب جامد
مختار / عاش
هند / لا دا احنا جامدين قوى فين ايامك يا دينا
مختار / دينا كانت بتعلمك بوكس ؟
هند / لا يا بنى قولتلك عمرى ما لعبت بوكس كانت بتعلمنى ادافع عن نفسى بس حتى ما علمتنيش اهاجم لازم ابقى ريفلكس بس
مختار / طب ما احنا فيها اعلمك انا
هند / لا بالراحه عليا انا مش قدك و عبد الله بصراحه مسوء سمعتك قوى فى الحوار ده
مختار / ههههههههههههههههه لا ما تقلقيش هبقى حنين عليكي
هند / اه بالله عليك لحسن اتكسر فى ايدك
مختار / طريقتك فى الضرب ما تقولش كدا خالص
هند / انت شايف كدا
مختار / ادينا بنلعب
هند / نلعب
هند و مختار يروحوا مساحه فاضيه و مختار يقلعها الجلوفزات و يرميهم بعيد
مختار / نبدا منين يا دودو نبدا منين تمام ايدك بوكس كدا و تاخدى وضع الدفاع
هند تعمل ايديها بوكس و ترفعهم قدام وشها مختار يعمل الحركه قدامه
مختار / زى ما كنتى بتعملى مع الكيس بوكس يمين و بوكس شمال و رجل
هند / اجرب
مختار / اه جربى
هند تضرب بوكس يمين و بوكس شمال و ترفع رجلها مختار يمسك رجلها هند تفضل واقفه على رجل واحده
مختار / قدامى اكتر من حل الاول ارفع رجلك لفوق تقعى على ضهرك و التانى انى اشدك ناحيتى ياما رجلك تتفتح و تقعى برده او تنطى على رجل واحده لحد ما توصليلى و امسكك من رقبتك و اوقعك فى الارض
هند / او ممكن
هند تنط و تحاول تضربه بالرجل التانيه فى وشه يفاديها تلف و تنزل تسند بايديها على الارض
مختار / اوعى لا دا دينا عامله شغل
هند / هههههههههههههههههههه ياما فى الجراب يا حاوى
هند تقوم
مختار / لا كدا نصعبها عليكي شويه
هند / برينج ايت اون بايبى
هند تشاورله بايدها تعال و هى مبتسمه و واخده وضعيه الدفاع مختار يقلد عادل امام و هند مانعه نفسها من الضحك
مختار / لا و واثقه من نفسيها
هند / ما تضحكنيش انا بعانى انى اكون جد قدامك على فكره
مختار / تمام
مختار ياخد وضعيه الهجوم قدامها و يبقى جد
مختار / مش بتقولوا لايدز فيرست اتفضلى يا ست الكل
هند تضرب اول بوكس مختار يمسك ايدها و يفتح رجله و يقرب منها و رجله التانيه فى مكانها و بالكوع يحاول يضربها و يقف قبل راسها بالظبط
مختار / ايه ؟ انتى هتقفى كدا و تاخدى الضربه فى وشك عادى !!
هند / انت فاجئتنى انا قولت هتكرر نفس الخطوات يعنى بما انك ما شرحتش جديد
مختار يعمل بيزرغط
مختار / لولولولولى و هو اللى بيضربك هيستنى يشرحلك
هند / ما تالسش انا مش فى المعركه دلوقت انا لسه بتمرن وقتها الادرنالين بيبقى عالى و يعنى انت عارف
مختار / فى المعركه !! ماشى من الاول اهجمى و ياريت تعتبرينا فى المعركه
هند تبصله باستهزاء و تحاول تدى مختار بوكس يمسك ايدها و يقرب بنفس الطريق هند تضربه بوكس تانى فى فم معدته يقع فى الارض
هند / سورى سورى سورى
مختار / مش فى المعركه قوى كدا
هند / هههههههههههههههه انت اللى قولت انا مش عارفه
مختار / تمام الحمد لله انها جت على قد كدا
مختار يقوم يقف
مختار / غلطتى على فكره انا اللى مش مديكي حقك
هند / نحاول تانى
مختار / اكيد يعنى امال هروح مضروب شكلى بقى وحش قوى
هند / هههههههههههههههه ما تقولش على نفسك كدا انت جميل
مختار / هههههههههههههههههه يا بت هتغابى عليكي
هند / مش ههون عليك
مختار / جد
هند/ جد
مختار / اهجمى
هند تضرب بوكس يمين و بوكس شمال و ترفع رجلها عشان تضربه يضرب رجلها برجله و يرفع رجله التانيه و يوقفها قبل ما تضرب هند فى صدرها
مختار / فهمتى حاجه
هند / حلوه الحركه دى تمام
مختار / تحبى تطبقى
هند / ماشى يلا
مختار يبصلها بطرف عينه
مختار / مش هنبقى فى المعركه قوى تمام ؟
هند / ما تخرجنيش من المود بقى
مختار / ربنا يستر
هند بتعانى انها تمنع نفسها من الضحك
مختار يحاول يضرب هند بالرجل و يوقف قبل ما يضربها
مختار / ايه !!!
هند / انا كنت فكراك هتضرب بوكس يمين بوكس شمال الاول انت فاجئتنى
مختار / يا لاهوى
هند / بقولك ايه ما تتعصبش عليا تانى المرادى هركز
مختار / اتمنى
مختار يرجع خطوه لورا و يحاول يضربها بالرجل تضرب رجله برجلها و تديله بالرجل التانيه فى صدره توقعه فى الارض تجرى عليه
هند / سورى سورى سورى جت جامده سورى سورى
مختار / حلو قوى الدرس لحد كدا النهرده نكمل مره تانيه ان شاء الله فى المشمش
هند تضربه فى كتفه ينام فى الارض و هو بيضحك يشدها فى حضنه
مختار / هو عشان بسكتلك
هند / لا عشان بتحبنى و اوعى بقى خلينا نكمل
مختار / لا نكمل ايه مش انا توبت
هند / بطل بقى يا مختار بجد بقى
مختار / اخر حركه
هند / اخر حركه
مختار يقوم هو و هند الباب يخبط
مختار / اللبسي الاسدال
هند / تمام
هند تروح تلبس الاسدال مختار يروح ناحيه الباب و يبص عليها لبست يفتح الباب يلاقى مريم
مريم / انت قافل عليك الباب ليه … ما جاليش نوم قولت انزل
مريم تشوف هند
مريم / طب انا ممكن احاول مع النوم تانى عادى
هند / تعالى انا كدا كدا كنت طالعه
مريم / شكلى وحش قوى صح
هند / صدقينى هيدعيلك
مختار يبصلها و يفتح بقه هند تضحك
هند / يلا تصبحى على خير
هند تطلع
مختار / ادى اللى بناخده لما بنعاملكوا بالراحه اهى دى لو كنت شديت عليها جوه كانت عيطت فى ايدى
مريم / و انا مالى
مختار / ما انا مش قادر على الحمار بقى اعمل ايه
مريم / ههههههههههههههههههههه
مختار / يلا تصبحى على خير
مختار يسيب مريم و يطلع و هى واقفه بتضحك تبص عليهم
مريم / و انا جايه اتمرن لوحدى يعنى
مريم تطلع وراهم
………………….
فى شقه شيري
شيري تقلق تقوم تدخل الحمام تلاقي باب البلكونه مفتوح و عبد الله واقف تروحله
شيري / طب ابقي اقفل الباب وراك بدا ما الناموس اكلنا جوه
عبد الله / اسف والله واربته
شيري / ايه اللى مصحيك؟ … و لا انا بسال فى ايه ما انا عارفه
عبد الله يبتسم و يبص فى الارض
شيري / ما حدش بياخد نصيب حد لو ليك فيها نصيب هتاخدها
عبد الله / عارف بس اهو
شيري / كبرت يا وله و بخطبلك انا خايفه انام و اصحى الاقى حد بيتكلم على ياسمينا
عبد الله / ههههههههههههههههههههه
شيري / قلبى بيقولى هتوافق
عبد الله / مش موضوع توافق او ترفض انا فارق معايا ايه اللى هيحصل لو وافقت اديكي شوفتى شبكه مختار لهند و عباده لخديجه انا هجيبلها ايه
شيري / كل واحد بيجيب على قده و انت ما خبيتش عنهم ظروفك و بعدين انا عندى جوه حتتين دهب خدهم بعهم و هاتلها بتمنهم و بعدين انت مش لميت قرشين حلوين من نقطه نجاحك
عبد الله / ايوه و كان معايا القرشين اللى كنت محوشهم فى مصر … بس الدهب غالى و كل يوم بيغلا
شيري / بكره ربنا يكرمك و تجبلها الخير كله و تعوضها و دول ولاد اصول و شارينك
عبد الله يهز راسه اه
شيري / دا حافز ليك تزاكر و تتجدعن عشان تتخرج بسرعه مع انى لو كنت سالتنى زمان كنت اقول هتعطلوا بعض بس دا كان زمان ايام ما ماكنتش شيفاك صح
عبد الله يبتسم
شيري / كبرت قبل اوانك و بقيت راجل ملو هدومك و رفعت راسي و شرفتنى
عبد الله يوطى على ايد شيري يبوسها تسحبها
شيري / خش نام و ما تفكرش عندك شغل الصبح
عبد الله يبتسم شيري تدخل و هو يدخل وراها و يقفل باب البلكونه
…………………………..
فى اوضه عباده
عباده نايم على السرير بيتكلم فى التليفون
عباده / لما بفكر انى عملت كدا بضايق اوى من نفسي
خديجه / مع انى فرحت
عباده / مش طبعى بس كنت محتاج حد اتكلم معاه
خديجه / يبقي ليا حق افرح بقي و لا لا مع انك لحد دلوقت ما قولتش ايه اللى شاغلك و مضايقك كدا
عباده / انا طول عمرى ما ليش غير حلم واحد بس يا خديجه ما اعرفليش حلم تانى
خديجه / انك تبقي الكبير ؟
عباده / ايوه
خديجه / هو عمى شاكر ما كانش بيحلم يبقى الكبير
عباده / قالى ان مصلحه الكل فوق مصلحه الفرد و ان دوره فى العيله و البلد ما يفرقش ان كان الكبير او لا
خديجه / حقيقه … و الكل بيشهدله بده
عباده / بس انا عايز ابقي الكبير و دا مضايقني
خديجه / يمكن بقول يمكن بكره تلاقي حلم تانى اهم
عباده / زى ايه يعني
خديجه / ما اعرفش هو مختار كان عمره يجى فى باله انه يرمى كل ده ورا ضهره عشان هند
صمت
خديجه / اسعى و اعمل اللى تقدر عليه بس ما توقفش حياتك عليها جت اهلا و سهلا ما جاتش يبقي ما كانتش مكتوبالك
عباده / بس انا اولى بيها من الكل
خديجه / يعنى لو ما لكش نصيب فيها هتعمل ايه هتكره مختار؟ هتغدر بيه ؟
عباده / دا اخويا يا خديجه
خديجه / امال بقي
عباده / بس هزعل
خديجه / حقك بس هفكرك بحاجه صغيره انت عباده الزيني سواء كنت الكبير او لا
صمت
عباده / انا ما كنتش ناسي بس يمكن كنت محتاج اسمعها من حد
خديجه / افتكر الجمايل بقي
عباده / ههههههههههههههههههه هو انتى مش عوزانى ابقي الكبير يا خديجه
خديجه / مش عارفه ساعات اه و ساعات لا
عباده / ازاى يعني
خديجه / انت قدها بس انا … تقدر تقول انى … هو انا لازم اجاوب
عباده / ياريت بس لو مش عاوزه مش هضغط عليكي
خديجه / كلنا بنضطر نضحى بحاجه بنحبها عشان حاجه تانيه بنحبها اكتر او يمكن الظروف جبرتنا
عباده / معاكى حق
خديجه / كان نفسي ابقي اهم حاجه فى حياه راجلى
عباده / دى غير دى
خديجه / انت قولتها يا عباده لو خيروك بينا هتختار تبقي الكبير
عباده / على راى مختار قالى لو كنت سالتنى قبل كدا كنت هختار ابقي الكبير
خديجه / ما تعشمنيش بحاجه ممكن ما تحصلش
عباده / اشمعن انتى بتقوليلى اسعى و احاول ابقي الكبير و ان جت جت ما جاتش يبقي ما فيش نصيب
صمت
عباده / الا هو انا اهم حاجه فى حياتك ؟
خديجه / مين عارف
عباده / حلوه الاجابه دى انا هعتبرها اه او على اسوء تقدير بكره تبقي
خديجه / عقلك بيعجبنى يا عباده
عباده / و انتى كمان عاجبنى عقلك و حاجات تانيه كتير مش هنكر يعني
خديجه / ما تقولش … هتقول كلام حب و غزل ؟
عباده / عيب و لا ايه
خديجه / لا مش عيب بس … ما اعرفش .. يمكن انا اللى ما كنتش مستنياها منك
عباده / على العموم هو ما كانش غزل قد ما كان حقيقه انتى تعجبى الباشا يا ست خديجه
خديجه / المهم اعجبك انت
عباده / ما انا الباشا
خديجه / ههههههههههههههههه ممكن اسالك سؤال بس … ما تفهمنيش غلط
عباده / اسالي
خديجه / انت بتشوفنى وشى مكشوف … من كلامى معاك يعني
عباده / ايه !! هو انا اول مره اعرفك و لا ايه ؟ و بعدين انا مش اى حد انا خطيبك و بكره ابقي جوزك يعني … ليه بتقولى كدا
خديجه / بطمن بس
عباده / لا اطمنى انا ما روحتش جبت واحده من الشارع انا عارف انا بتكلم مع مين
خديجه / مغاورى كان طول الوقت بيتخانق مع ابويا عشان ما اكملش تعليم و لحد دلوقت شايف ان التعليم و الجامعه و الاختلاط بيفتحوا عين البنات
عباده / هو خايف عليكي مش اكتر الدنيا بقت وحشه و الناس بقوا ديابه بس انا مش زيه انا ما بشوفش كدا هو اه حكايه الاختلاط يعني .. ممكن تقولى … بس البت الجدعه ترميها وسط مليون دكر تعلم عليهم كلهم و تطلع سليمه و احنا بناتنا مش اى بنات دا انتوا ارجل من دكوره كتير فى البلد
خديجه / انا مبسوطه اوى بكلامك
عباده / هو انا عشان ما اتعلمتش هقعد اختى من التعليم انى ابطل علام دا كان قرارى و مش هكابر و اقول انه كان صح
خديجه / ايه !!
عباده / كنت صغير و نظرتى للدنيا كانت مختلفه و للاسف ما كنتش عارف ارجع فى القرار ده لما كبرت … مهو مش بعد ما شاب ودوه الكتاب
خديجه / مش عيب على فكره و انت ما كبرتش اوى يعني عشان تقول كدا
عباده / يمكن لسه عقلى ما كبرش كفايه انى افهم الكلام ده بس انا برده ما سكتش انا بقرا كتير انا اوضتى كلها كتب اللى ما علمتهونيش المدارس علمته لروحى و يمكن اضعاف اضعافه كمان
خديجه / جدع بس على فكره فى جامعات مفتوحه تقدر تدرس من البيت
عباده / ما تلعبيش فى دماغى يا بنت الناس
خديجه / ممكن تدرس تجاره او حقوق و بيتهيالي فى زراعه فى المنيا لو حابب
عباده / ما ينفعش الناس تقول عليا ايه
خديجه / المهم انت عاوز ايه و لعلمك انت تقريبا مش بتروح غير عشان الامتحانات
عباده / انتى عوانى اقعد فى اللجنه وسط العيال
خديجه / بلاها اتعلم اونلاين انا قريت مره عن الموضوع ده و لو عاوزنى اسالك فيه اسالك بتزاكر و تمتحن على النت بتروح بس تدفع المصاريف و ترجع تروح تستلم الشهاده
عباده / و دا ينفع؟ … و حتى لو هتفرق فى ايه ما كدا كدا الموضوع هيبقي فى السر
خديجه / انا ما يفرقش معايا انت بس قولت انك ندمت و مش عارف ترجع فى قرارك انا بس بحاول اساعدك
عباده / مش عارف يا خديجه مش مرتاح
خديجه / فكر فيها و صلى استخاره و اهو نفعت كان بها ما نفعتش اهو هيبقي سر بينا احنا الاتنين
عباده / مش عارف
خديجه / هتخسر ايه فى الاول و الاخر ليك
عباده / هفكر بس بيني و بينك كدا لو عملت كدا هيفرق معاكى
خديجه / هيفرق طبعا انت ما فيش حاجه تعيبك يا عباده اللهم بارك بس لو حاولت تعلى من نفسك دا يضيفلك انما لو ما حاولتش ما يضركش فاهمنى
عباده / هفكر
خديجه / بجد يا عباده … تعرف ساعتها انا و انت هنبقي نزاكر سوا اصلي بصراحه نفسي اوى اكمل تعليمي و اعمل دراسات و كدا
عباده / قولتيلى قبل كدا
اذان الفجر
عباده / دا الاذان !!! نهارك ابيض اقفلى اقفلى يادوب اللحق
خديجه / لا اله الا الله
عباده / محمد رسول الله سلام
عباده يقفل و يقوم يجرى يفتح الدولاب و ياخد غيار
………………………
فى المطبخ
هند بتقطع خضره
انتصار / قايمه من النوم و طعم العجه فى بقي هموت عليها
فاطمه / لتكونى بتتوحمى
انتصار / و ماله حد يكره
فاطمه / حقه دى تبقي حكايه البت و امها حوامل دا و لا فيلم ليله عسل
انتصار / اول مره تحصل فى العيله و لا ايه
فاطمه / و كانت اخرتها ايه يا اختى قال على راي المثل ابن الشيبه يتيم
انتصار / شيبه فى عينك دا انا اللى يشوفنى يقول اصغر منك
فاطمه / و ماله … هو الكلام بفلوس ههههههههههههه
هند / هو مش عموا شاكر جاب عباده و هو كبير برده
فاطمه / جيل زمان غير جيل دلوقت
تليفون هند يرن
هند / عن اذنكوا دا مختار
هند تطلع بره
انتصار / جيل زمان غير جيل دلوقت مش كدا
فاطمه / و انتى ياختى من جيل دلوقت عشان تاخدى الكلمه على صدرك
انتصار / و انتى حد يقدر عليكي
فاطمه / ربنا يديمها نعمه
انتصار / ههههههههههههههههههههههه
فاطمه / تفتكرى مختار عاوز هند فى ايه
انتصار / و احنا مالنا
فاطمه / لتكون متفقه معاه يرنلها عشان تزوغ و تخلع من شغل المطبخ
انتصار / اعمل ايه فى دماغك اللى بتفكر فى حاجات ما تخطرش على الابالسه حتى
فاطمه / انتى اللى طيبه زياده عن اللزوم انتى اصلك ما تعرفيش بنات مصر بتمسكنوا لحد ما يتمكنوا
انتصار / شوفتى ايه من البت عشان تحطيها فوق راسك كدا
فاطمه / مش مرتاحالها و خصوصا بعد ما وقفت قدام الكل و علت حسها و كمان الكل طاطى و مشت كلامها عليهم
انتصار / اخص عليكي يا فاطمه بقى دا كلام يتقال
فاطمه / و هى دى كانت حاجه متعودين عليها يا ام فاتن
انتصار / ليها ظروفها بس البت مش وحشه دى غلبانه
فاطمه / دا احنا اللى غلابه تقدرى انتى تقفى قدام الكبير و تلويله دراعه قدام الكل كدا و ترفعى حسك عليه وسط اهله
انتصار / ليها ظروفها يا فاطمه
فاطمه / كانت وسط اهلها بطه بلدى بيبعوا و يشتروا فيها جت علينا عملت سبع رجاله فى بعض
انتصار / اتقى الله فى البت يا فاطمه انتى ما شوفتيش اللى هى شافته
فاطمه / شوفتيها انتى و هى بعد ما وقفت قدام الكل و قالت يا انا يا السلاح و هى سهرانه طول الليل مع مختار بيفكروا و يركبوا السلاح شوفتيها و هى بتخليه ياخدها منطقه الرمايه و يعلمها و لا و هى سهرانه معاه طول الليل فى الجيم اللى تحت البت دى مايه من تحت تبن و بتتسرسب على الهادى
انتصار / خلصى خلصى الرجاله هتاكلنا لو ما لقتش اكل
فاطمه / لا و جايبه اخوها كمان تجوزه بنتك عشان تتبت اكتر
انتصار / انا خلصت هودى الاطباق دى لما تخلصى حصلينى
انتصار تاخد طبقين كبار و تطلع بره و فاطمه واقفه متبعاها
فاطمه / طبعا ما جاش على هواكى
……………………….
فى الهول
انتصار تعدى شايله الطبقين تلاقى الكل ملموم حوالين مختار و هند
ناصر / انا مش كنت واعدك باللى تطلبه يوم ما تتخرج و ادينى قدام الكل بقولك شاور يا مختار
انتصار / هو فى ايه ؟؟ انتوا بتتكلموا جد
هند / نجحنا يا ام فاتن انا و مختار نجحنا
انتصار / امسكى يا بت
انتصار تدى الاطباق لمريم و سماح و تزرغط
انتصار / لولولولولولولولولولولى دا الليله عيد طب والله لادبح و اكل الناس دا انا ندراها
مختار / فى ايه ما ندرتيش عليه تدبحيله يا ام فاتن
انتصار / و ادى ندر كمان لادبح عشر عجول و افرقهم يوم ما ربنا يخلف عليك بعيل يشيل اسمك
ناصر / عشره مره واحده
انتصار / والله مستشوياهم عقبال عوضك يا عباده
عباده / ايدى على كتفك
انتصار / انت اللى بتتلكع … الا صحيح مش تشوف يا ابنى لتكون نتيجتها بانت هى كمان
عباده / هكلمها و اشوف
انتصار / بعد الفطار .. انا جعانه … يلا يا بنات دخلوا الحاجات دى و خشوا شوفوا اللى ناقص فى المطبخ بسرعه
مريم و سماح يمشوا
انتصار / بقولك ايه يا مختار عوزاك فى كلمتين على جنب
مختار يهز راسه و يروح يقف مع انتصار لوحدهم
انتصار / اولا الف مبروك
مختار / الله يبارك فيكي بس خشى فى الموضوع يا ام فاتن عشان انا عارف الجنب بتاعك ده و مواضيعه
انتصار / اخص عليك … على العموم يا مختار انت عارف غلاوتك عندى
مختار / الا عارف دا انتى اللى مربيانى دا انتى فى مقام امى
انتصار / و هى امك مش من حقها تشيل عيالك و تفرح بيهم
مختار / هو احنا لحقنا فى ايه يا ام فاتن الكلام ده ما يتقالش دلوقت خالص هو فى ايه
انتصار / يا ابنى انا بتكلم على انك تاخد بالك الجيم و التنطيط و الحاجات دى ما تنفعش
مختار / لا اله الا الله ما تقلقيش يا ام فاتن و سبيها على الله
انتصار / يا ابنى بوعيك
مختار / يا ست الكل اقسم بالله انا عاوز العيل ده النهرده قبل بكره بس لما ربنا ياذن هيكون
انتصار / يا حبيبى افهم انا بتكلم عشان انا زمان كنت صغيره و ما حدش وعانى و انت عارف اللى جرالى
مختار / ما تقلقيش يا ست الكل و سبيها على الله بقولك ايه هو العجه دى ريحه بس و لا هندوق ؟
انتصار / اتفضل يا سى مختار اما نشوف اخرتها
مختار / اخرتها خير ان شاء الله … بقولك ايه يا ام فاتن ياريت يعنى ما حدش يتكلم مع هند فى حوار الخلفه الفتره دى
انتصار / ليه ؟
مختار / عشان انا عاوز كدا ممكن و لا لا
انتصار / ان قدرت على لسانى مش هقدر على لسان باقى اللى فى السرايا و ان كنت ناسى افكرك
فاطمه تطلع من المطبخ شايله صينيه
فاطمه / انتوا لسه واقفين الاكل هيبرد
مختار يبص على فاطمه و هى معديه
مختار / ربنا يستر
انتصار / ههههههههههههه هيستر ان شاء الله تعال افطر و الاكل سخن تعال
مختار و انتصار يدخلوا يقعدوا هند توطى على مختار
هند / هو فى حاجه و لا ايه ؟
مختار / العصافير قالولها اننا كنا بنتمرن
هند / هو ممنوع ؟
مختار / لا خايفه تكونى حامل و تسقطى
هند / و قولتلها ايه ؟
مختار / هقول ايه يعنى قولتلها ربنا يسهل هاخد بالى يلا افطرى افطرى لحسن العصفور الكبير مركز معانا
هند تبص تلاقى فاطمه مركزه معاهم يبتسموا لبعض
فاطمه / ناولينى طعميتين من قدامك يا هند
هند تناولها الطبق فاطمه تاخد منه
فاطمه / ما اتحرمش
هند تبص لمختار و يداروا ضحكتهم
………………….
بعد كام يوم فى اوضه عباده
عباده واقف مع نجارين بينصبوا الاوض ناصر يدخل
ناصر / الله ينور يا رجاله
راجل / نورك يا كبير
ناصر / لا حاجه فخيمه صحيح شغل على مايه بيضه
عباده / و لسه لما تتفرش يا كبير
ناصر / الهمه عاوزين نفرح بيك قريب
عباده / و الله انا شخصيا مستعجل يا كبير و لو عليا هنصب الكهارب و ادخل بكره
ناصر / هههههههههههههه و ماله و احنا جاهزين شوف العطله منين و خلصنا
عباده / و انت مش عارف العرايس يا كبير
ناصر / يا خويا على ايامى الدنيا كانت غير كدا خالص و قال بيقولوا عليكوا انتوا عصر السرعه
عباده / سريع فى كل حاجه الا دى بيقلب بطه
ناصر / هههههههههههههههه كلو بيعدى و ما فيش اسرع من الايام
عباده / على قولك يا كبير .. الا صحيح هى مريم لسه ما قالتش كلمتها فى حوار عبد الله
ناصر / البت موافقه انا اللى بتقل شويه
عباده / حرام عليك يا كبير الواد على اخره و حالته بقت تصعب على الكافر دا ما بيشوفش حد فينا الا لما بيساله
ناصر / عارف مختار عمال يزن على ودانى انى اقوله بس انا بقول
عباده / لو تسمعلى يا كبير خير البر عاجله و الجدع دخل البيت من بابه و طالب الحلال يا كبير و البت راضى و كلنا راضيين يبقى العطله منين بقى يا كبير هاه العطله منين
ناصر / فاتن لما جت تتجوز كنت عارف انها هتتجوز معايا انما فراق الضنا غالى يا عباده
عباده / هههههههههههههههههه انت اللى بتقول كدا يا كبير
ناصر / و ما اقولش ليه هى مريم بالنسبالى شويه و لا ايه تفتكر اللقمه هتتبلع الصبح لو ما كانتش مريم قدامى على الفطار
عباده / سنه الحياه يا كبير على كدا الحج شاهين هو اللى بيماطل بقى مش حوار الشوار و الكوافيره و الحاجات اللى بيقولوها دى
ناصر / بكره ربنا يكرمك و تجرب
عباده / من بقك لباب السما بس واد لحسن لو فراق البنات بالشكل ده هتبقى صعبه عليا اوى و انت عارفنى يا كبير قلبى رهيف قد ايه
ناصر / ههههههههههههههههههه ربنا يحظك يا عباده مش عارف اخد نفسى يلا اسيبك بقى مع العمال و اروح اشوف اللى ورايا
عباده / نورت يا كبير
ناصر يمشى و عباده يقف يبص على العمال
عباده / الهمه يا رجاله دى حياله اوضه
الراجل / حالا يا سى عباده هانت اهى
……………………..
فى شقه عبد الله
شيري بتحط اطباق على صيني هند تطلع من المطبخ شايله سرفيس فيه فراخ محمره
هند / و ادى الفراخ
مختار / تسلم ايدك
عبد الله / يعنى هى موافقه و لا لا
هند / يا ابنى موافقه انا بقولك موافقه
عبد الله / امال ما حدش بيقولى حاجه ليه
مختار / لما تقول كلمتها هيقولوا
عبد الله / طب اصدق مين انا دلوقت
هند / هى ما قالتهاش صريحه خد بالك حركات البنات بينكسفوا و كدا و اللى تشوفه يا بابا و مشاورات و كدا يعنى بس مبدئيا كلو موافق
عبد الله يبص لمختار
مختار / طب اقولك ايه عشان تصدق لو كانوا هيرفضوا كانوا رفضوا من ساعتها
عبد الله / الواحد فى الحالتين حاطت ايده على قلبه ان رفضت و لا ان وافقت
هند / طب لو رفضت و فهمناها لكن حاطت ايدك على قلبك لو وافقت ليه بقى ان شاء الله
عبد الله / و انتى يعنى مش عارفه
مختار/ انا هاكل عشان الواد ده هيفضل يرغى لحد ما الاكل يبرد و انا جعان
شيري / الف هنا يا حبيبى
عبد الله / انت كنت متوتر كدا و انت مستنى هند توافق عليك
مختار / اكيد طبعا دا غير الحفله اللى كانت عليا اساسا فسكت بقى و كل
عبد الله / بس انت كنت مرتاح يعنى اى كان اللى بابا هيطلبه كان سهل عليك
مختار / لا اله الا الله يا ابنى .. يا حبيبى .. للمره المليون احنا الماديات دى ما بتوقفش عندنا جوازه لا نقاصنا ارض و لا دهب احنا بنشترى رجاااااله ابوس ايدك بقى اسكت و كل
شيرى / كل انت يا مختار احنا فى الهم ده من يوميها
شيرى تحط لمختار ربع فرخه زياده قدامه
مختار / ما قدامى اهو
شيرى / كل يا حبيبى كلو يا ولاد الاكل كتير
مختار و الكل ياكلوا
…………………………
على قهوه
مجموعه رجاله قاعدين بيشربوا شاى على ترابيزات يدخل اتنين رجاله يقعدوا واحد منهم يسقف
الاول / اتنين شاى يا ابنى
راجل من اهل البلد يبص عليهم
راجل 1/ الجماعه شكلهم مش من هنا
الثانى / ايوه احنا من اسكندريه
راجل 2/ اجدع ناس اتارى البلد نورت
الاول / منوره باهلها … بس بسم الله ما شاء الله من ساعه ما نزلنا البلد و كل اللى يشوفنا يقول مش من هنا مش من هنا انتوا حافظين كل اهل البلد و لا ايه
راجل 2/ البلد كلها اوضه و صاله … بس انتوا ايه اللى رماكوا علينا لو مش هيضايقكوا يعنى
الاول / اخويا جايله تكليف الطب هنا و قولنا ننزل نشوف البلد و نلف فيها نشوفله شقه يسكن فيها و كدا يعنى
راجل 3/ ينورنا احسن ناس ان ما شاليتوش الارض نشيله فوق روسنا
الاول / عشت يا غالى و الله الست الوالده الموضوع ده تاعبها اوى
راجل 2/ حقها طبعا فراق الضنا غالى و اسكندريه بعيده بس ما تقلقش البلد هنا هاديه و ما فيهاش مشاكل دا غير ان الدكاتره هنا رزقهم واسع اصل الكبير موصينا اى حد يتعب يروح للدكتور و ما حدش فينا بياخد دوا من الصيدليه عميانى
التانى / اخدت بالى روحت اجيب دوا من الصيدليه ما رضيش يديهونى من غير روجته حسسنى ان دوا الكحه بقى جدول
راجل 3/ هههههههههههههههههههه الله يحظك بس اصل بيقولوا مش عارفين كام واحد مات بسبب علاج غلط او تشخيص غلط و كمان كانوا مسكين واحد من كام سنه كان بيعمل دماغ بدوا الكحه
التانى / دا عبيط باين
راجل 1/ تقول ايه بقى فى ولاد الحرام
الاول / بلد جميله فعلا بس ما فيهاش صيدليات كتير
راجل 2/ فيها تلت صيدليات بس فيهم كل حاجه من الابره للصاروخ حتى فيها ادويه من بره مصر ما تلقيش حقنه ناقصه و البركه فى الكبير
الاول / حلو جدا كدا الواحد ممكن يفتح صيدليه رابعه و هو مطمن فى اسكندريه فى كل شارع صيدليه
راجل 3/ الارزاق على الله افتح و اتوكل على الله و روح للكبير لو عندك اى دوا ناقص هيجيبهولك من تحت الارض
الاول / كل ما اكلم حد يقولى روح للكبير روح للكبير شكله مهم اوى الكبير ده و ما فيش حاجه بتم الا باذنه
راجل 1/ و ما فيش حاجه بتحصل ما بيكونش عنده بيها خبر و بعدين ما تقلقش الكبير ده كبيرنا و قلبه علينا و اى حاجه فيها صالح للبلد بيوافق عليها طوالى
التانى / ربنا يكرمه
الاتنين رجاله يبصوا لبعض و القهوجى يجيب الشاى
……………………..
فى الصاغه بعد كام يوم
مريم بتنقى دبله و عبد الله و شيري و مختار و انتصار و هند حواليها مريم تلبس دبله كلاسيك رفيعه
مريم / حلوه دى ؟
عبد الله / انتى ايه رايك؟
هند / حلوه بتحبى الكلاسيك زيي
شيري / نشوف محبس
الراجل يطلع بالته محابس مريم تحتار مختار يشاور على واحد بسيط بفص كبير و فصوص صغيره على الجوانب
مختار / ده شبه دبل الاجانب
مريم تقيسه فوق الدبله و توريه لامها
انتصار / حلو
مريم تقلعهم و تديهم للراجل و هى مبتسمه
شيري / تشوفى سلسله و لا حاجه كمان ؟ ممكن تورينا سلاسل محجبات
مريم تبصلها و تبص لمختار الراجل يطلع بالته سلاسل عريضه و تقيله
مختار / ايه يا سيد الناس ما فهمتش زوق عروستنا و لا ايه خليك فى الحاجات الرقيقه البناتى دى
الراجل / حالا يا سي مختار
الراجل يشيل السلاسل و يجيب كوليهات ارق مريم مش عارفه تنقى عبد الله يختار واحد حلقات جوا بعض
عبد الله / توزن ده لو سمحت
الراجل يوزنه و يحسب على الاله الحاسبه
الراجل / خمسه و تلاتين الف
شيري / عاجبك
مريم / مش عارفه ممكن سلسله عاديه بدلايه و خلاص
عبد الله / لو عاجبك خديه انا معايا
مريم تبص لمختار يهز راسه اه مريم تبتسم
عبد الله / نشوف دبلتى انا بقي و لا ايه
الراجل يطلع بالته دبل فضه عبد الله ينقى واحده سمبل رفيعه و يقيسها
عبد الله / ايه رايك ؟
مريم / حلوه اوى
عبد الله / خلاص هاخدها تمام كدا شوفلنا حسابنا كام
عبد الله يقلع الدبله
انتصار / معلش يا خويا توريني الغوايش دى
شيري تبص لانتصار
انتصار / زى ما حطيتوا فى الشبكه هحط انا كمان انتوا مش عندكوا فى مصر ناس بتعمل كدا
شيري / مش كل الناس
انتصار / اوزنلى يا خويا الخمس فرد دول شوف يعملوا كام
الراجل / سته و تلاتين الف و ربعميه
انتصار / حلو اوى مظبوطين على الشعره كدا حتى ما حطيناش قدكوا
مختار / وريني معلش بالته الخواتم دى فيها واحد هيطلع من عيني
الراجل يناولها لمختار مختار يمسك اتنين فى ايده
مختار / الاتنين دول حلوين اوى .. ده و لا ده يا مريم
مريم / ده احلى
مختار / طب ده احلى و لا فى حاجه تانيه احلى
مريم / و فى بعد زوقك يا عمى
مختار / خلاص يا ست الكل ده هديه منى ليكي اوزنلى دول … التانى ليكي
مختار يبص لهند تبتسم
انتصار / و انا ماليش هديه و لا ايه يا سي مختار و لا اكونش بنت البطه السوده
مختار / ازاى بس يا ست الكل دا احنا نشيلك الصاغه كلها لحد البيت
مختار يبص فى الخواتم
مختار / شوفلى حاجه اتقل يا سيد الناس حاجه تليق بام فاتن
الراجل / عنيا لست الكل
انتصار / تسلم عنيك يا اخويا
الراجل يجيب بلته خواتم كبيره مختار ينقى اتقل اتنين و يدى واحد لانتصار و واحد لشيري
مختار / ده بتاعك يا ست الكل و ده بتاعك يا ست الكل
شيري / ايه ده يا مختار
مختار / فى حاجه تانيه عجباكى اكتر
مختار يزق البلته قدام شيري
شيري / لا يا ابني بس
انتصار / خديه يا ام عبد الله النبى قبل الهديه مختار يزعل
شيري / عليه الصلاه و السلام
مختار / ظبطلنا بقي الحساب و اكرمنا احنا زباينك و شوفلنا علبه حلوه نحط فيها الحاجات الحلوه دى
الراجل / حالا يا سى مختار احلا علبه لست الكل
مريم / انا هروح اقعد لحد ما تخلصوا
شيري / خد الجماعه يا عبد الله و اسقيهم ساقع على ما نحاسب
هند / اه والله ياريت لحسن ريقي ناشف اوى
عبد الله ياخد هند و مريم بره المحل
عبد الله / انا عارف انك ما عرفتيش تختارى
مريم / ليه بس ما احنا جبنا حاجات حلوه اوى اهو
عبد الله / بس اوعدك ان شاء الله لما ربنا يكرمنى هعوضك
مريم / العوض مش فى الدهب
عبد الله يبتسم و يروح يجيب ساقع و يديهم و يدى للناس فى المحل و كل شويه يبص لمريم و يبتسموا لبعض و مريم تبص فى الارض
…………………….
فى السرايا
فاطمه بتعمل اكل مع فاتن فى المطبخ و سماح و ستات
سماح / يعني لو كنا روحنا معاهم اتفرجنا كان ايه اللى هيحصل يعني من امتى بنشترى شبكه سكيتي كدا
فاتن / هتفرق فى ايه دلوقت يجيبوها و يفرجونا عليها
سماح / اهو الواحد كان خرج و غير جو
فاطمه / الساقع على العريس و انه يجيب لكل دول مصاريف زياده
فاتن / لا يا ام عباده انا سامعه امى بتقول لمريم هنروح لوحدنا عشان ما حدش ياثر عليكي و انتى بتختارى
فاطمه / ههههههههههههههههه هناثر فى ايه يا حسره دا لو كل واحده فينا نقتلها فتله بس هنعدى الاتفاق
سماح / هو الاتفاق كان على كام صحيح ما حدش يعرف
فاتن / ما كانش فى رقم قالوا هديه العريس للعروسه
فاطمه / ظلموا البت والله دا مريم كانت تتاقل بالدهب
عيل صغير يدخل
العيل / وصلوا وصلوا
الكل يطلع من المطبخ و يزرغطوا و ياخدوا مريم بالحضن امين يطلع مسدسه و يضرب نار فى الهوا
امين / جرا ايه يا رجاله مش تحيوا العرسان و لا ايه
الغفر يضربوا نار كلهم هند بتحاول ما تتخضش بس الموضوع صعب مختار يوطى عليها
مختار / مش مغطيه ودانك يعني
هند / ما تتريقش
مختار / اتريق ايه احنا كنا فين دا كدا حلو اوى
الكل يدخل جوه
انتصار / يا روايحكوا البهيه
فاطمه / ثوانى و الاكل يكون جاهز اصلكوا ما اتاخرتوش
انتصار / اه اصلنا ما لفيناش روحنا صد رد علاطول
فاطمه / طب ايه مش هتفرجونا و لا ايه
انتصار / يا وليه ناخد نفسنا من السكه و نقعد الشربات يا فاتن
فاتن / فى التلاجه حالا اصبه و اجى … تعالى يا سماح ساعديني
سماح و فاتن يروحوا المطبخ و الكل يقعد
فاطمه / كلم الكبير يا مختار خليه يجي
مختار / جاى فى الطريق كلمتهم و احنا جايين
فاطمه تبص لايد هند لابسه الخاتم الجديد
فاطمه / شكلها مش عروسه واحده اللى اتشبكت النهرده
هند تبص لايدها و تبتسم
انتصار / افتحى يا مريم و فرجى عمتك على ما ابوكى يجي عبد الله يلبسهالك
مريم تطلع علبه كبيره من كيس قماش و نفتحها فيها كل الحاجات اللى اشتروها و من ضمنها الخاتم بتاع شيري انتصار و مريم يبصوا لشيري و هم مستغربين شيري تبتسم و تهز راسها اه مريم تبتسم
فاطمه / حلوه
فاتن تدخل شايله صينيه شربات و سماح شايله صينيه تانيه يسقوا الكل ناصر و الرجاله يدخلوا
انتصار / كنت فين يا كبير كل ده فى الطريق
ناصر / جيت اهو … انتوا كنتوا هتلبسوا الشبكه من غيرى و لا ايه
عبد الله / و دى تيجي برده يا كبير دا انت الخير و البركه
ناصر يدخل يبص
ناصر / بسم الله اللهم بارك جبتوا حاجات حلوه اوى
عباده / طب يلا لبسها بقي يا ابنى ايدي بتحكنى اضرب عيارين
عبد الله يبتسم و مريم تمد ايدها عبد الله يلبسها الشبكه
و هى تلبسه دبلته و الستات بتزرغط شيري تعيط
هند / انتى بتعيطي ليه دلوقت
شيري / مفيش دا من فرحتى
ياسمينا / هو كدا عبد الله بقي كوز مريم
الكل يضحك عباده يشيلها
عباده / لسه شويه يا قمر انتى عقبالك
ياسمينا / انا لسه صغيره
انتصار / بكره تكبرى و تبقى احلى عروسه كمان طب ندر عليا
هند / ابوس ايدك كفايا سيبى بهيمه واحده فى الزريبه توحد ربنا
الكل يضحك
عباده / صحيح يا جماعه خديجه نجحت لو حد يحب يكلمها يباركلها
فاطمه / يكلمها ايه !!! دا لازملها زياره
انتصار / بكره ان شاء الله نروحلها نباركلها و ننقطها
ناصر / طب ايه يا جماعه مش هناكل و لا ايه
انتصار / حالا يا خويا
انتصار تشاور للبنات الكل يقوم و يروحوا المطبخ شيري تيجى تروح معاهم
انتصار / خليكي يا اختى مع العرسان دا حياله غرف مش حوار يعني
شيري تبتسم و تروح تقعد جنب مريم و تبوس راسها مريم تبتسم
……………………
فى سرايا الجوارحه
مغاورى واقف مع رجاله بتدبح عجول شاهين يدخل
شاهين / الله ينور يا رجاله عاوزين نخلص قبل المغرب
الجزار / ما تقلقش يا سيد الناس
شاهين / ربطت مع الناس بتوع الفراشه يا مغاورى
مغاورى / كلمتهم يا كبير من النجمه هيكونوا هنا ان شاء الله
شاهين / عفارم عليك
مغاورى / والله لاعملها ليله اكبر من ليله نجاح عبد الله و مختار و هند على بعض ليفتكروا ان الزنايته بس اللى بتاكل و تفرح
شاهين / مالك شكلك مش مبسوط فى ايه
مغاورى / مفيش و بعدين ايه اللى هيضايقنى يعنى
مغاورى بيبص الناحيه التانيه
شاهين / مريم صح
مغاورى / شبكوها لاخو العروسه الجديده رفضونى و قبلوا الكحيان ده
شاهين / ما لكش نصيب فيها اكبر
مغاورى / انا كبير بما فيه الكفايه انا كبير الجوارحه
شاهين / لما اموت ابقى سمى نفسك كبير الجوارحه
مغاورى يبص فى الارض
مغاورى / ربنا يطول فى عمرك يا ابويا
شاهين / لو هتعمل الليله دى عشان تفرح اختك و تاكل الغلابه فكتر خيرك انما لو هتعملها عشان تغيط الزنايته يبقى بلاها المصاريف و وفرها عشان لا الزنايته هيتغاظوا و لا حتى هتطول الثواب يبقى بلاها
مغاورى / شافوا فيه ايه يعنى زياده عنى
شاهين / النصيب طب ما اختك رفضت رجاله كبارات كتير فى البلد منهم استاذها فى الجامعه و وافقت على عباده
مغاورى / و هو عباده شويه يا ابويا انما عبد الله ده حيلته ايه دا عايش مع امه فى حق ايجار
شاهين / لا اله الا الله مش هنخلص بقى من السيره دى بقولك ايه شوفلك عروسه تانيه البت اتخطبت خلاص و ما عادش يصح يبقى عينك فيها بعد النهرده
مغاورى / ما عادتش تلزمنى من زمان و ان كانوا جم يحبوا على رجلى عشان اخدها ما كنتش قبلت بيها بس مش هى اللى قهرانى يا ابويا
شاهين / ما عاش و لا كان اللى يقهرك مش مغاورى الجارحى اللى يتقهر على حاجه تافهه زى دى ركز و احفظ مقامك هى اللى خسرتك مش انت اللى خسرتها و بعدين تاخد عبد الله و لا تاخد غيره مش هيفرق عشان اى كان اللى هتاخده هيكون اقل منك
مغاورى يبص الناحيه التانيه و هو مضايق تليفونه يرن رقم غريب
شاهين / انا هروح اشوف اللى ورايا و انت شوف مين عاوزك اشوفك بالليل
مغاورى / تيجي بالسلامه يا سيد الناس
شاهين يمشي و مغاورى يرد
مغاورى / السلام عليكم
فيرا / قالولى انك بتدور عليا