رواية البر التاني الفصل السادس والأربعون 46 بقلم لولو محمد
رواية البر التاني الجزء السادس والأربعون
رواية البر التاني البارت السادس والأربعون
رواية البر التاني الحلقة السادسة والأربعون
مختار / انا بحبك يا هند بحبك اكتر من اى حاجه و مش قادر اشوفك بتاذى روحك عشانى لو بتحبيني يا هند خدى العلاج
هند / مختار
مختار / بالله عليكي يا شيخه بصي انا هفضل جنبك لحد ما تقومى بالسلامه مش هتنقل من هنا هفضل ماسك ايدك لحد ما تقومى بالسلامه
هند / مختار
مختار / نخليه بعد الغدى انتى ما فطرتيش كويس تستني تاكلى الاول و بعدين تاخديه
هند / انا
مختار / طول ما انتى بخير يا هند انا بخير بالله عليكي يا شيخه ما تاذى روحك بالله عليكي تاخدى العلاج
هند / مش هتسيبني ؟
مختار / اروح فين بس خدى العلاج يا هند خدى الحبايه حطيها تحت لسانك زى الدكتور ما قال لحد ما تروح بالله عليكي يا هند
هند تهز راسها و تاخد منه الشريط و ايدها بترتعش مختار يقرب منها اكتر و يبوس راسها هند تطلع الحبايه و تحطها فى بقها و الدموع بتنزل من عنيها مختار ياخدها فى حضنه و هى بتعيط
مختار / ربنا هيعوضنا ربنا كاتبلنا حاجه احسن بكتير
هند تعيط
……………
فى سرايا الجوارحه
كوثر / يعني ايه يا كبير
شاهين / انا و ابن عمى على الغريب
مغاورى/ بس الراجل ما عملش حاجه يا كبير
شاهين / كان فى حريم فى العربيه و لا لا يا مغاورى
مغاورى / كام فى و الراجل نزل و اعتزر
شاهين / انت ايه اللى جرالك انت اللى بتقول كدا
مغاورى / قولت ايه لا حد اتعور و لا حد قرب لا من الرجاله و لا من الحريم و حتى لو رجاله فيرا دخلوا البلد و مشيو فيها ما دام ما حدش غلط يبقوا ضيوفنا ما دام بادلهم يبقوا على روسنا مش دا كلامك يا كبير اللى طول الوقت بتقوله ايه اللى جد
شاهين / مفيش حاجه جدت
ام مغاورى / اهدوا يا جماعه الموضوع ما يخصناش و الزنايته اولى بحريمهم مننا
خديجه / يعني ايه لو احنا مكانهم يقولوا الجوارحه اولى بحريمهم
كوثر / لسه بتدافع عنهم
خديجه / إحنا صعايده و اخلاقنا معروفه لا بنقرب من حرمه و لا راجل عجوز و لا عيل صغير و لا حتى راجل اعزل اى كان ما علمتوناش ان العيب ما يبقاش عيب لو كان المتصاب زيني ربتونا ان الجوارحه و الزنايته ايد واحده
مغاورى / بس التانين مغلطوش هم كمان يا خديجه و مفيش خدش واحد لا فى العربيه و لا اللى فيها و الراجل نزل و اعتزر بالادب نهيج احنا ليه
راجل / و بعدين الناس دول بقي في بينا و بينهم تجاره و مصلحه يعني ما ينفعش نبدا احنا بالغدر
شاهين / انا شبعت
شاهين يسيب الاكل و يقوم
كوثر / كلمتيه فى موضوع عباس
ام مغاورى / و دا وقته
ام مغاورى تقوم
كوثر / امال امتى بس وقته يعني دا ايه الهم دا بس يا ربي عاجبك اللى بيحصل ده يا ست ماجده
ماجده / و انا مالى انا كلمت ابويا و قولتله مكانى مع جوزى قالى امشي و عباس قال اقعدى فى ايدي ايه تاني
ماجده تسيب المكان و تمشي
كوثر / دى ما بقتش عيشه دى
كوثر تقوم و خديجه تكمل اكل و الكل بيبص لبعضه
…………………..
فى اوضه مختار
باب الاوضه يخبط مختار يروح يفتح الباب يلاقي مريم شايله صينيه عليها طبق سمك و طبق رز كبير و طبق سلطه مختار ياخدها منها
مريم / اخدت الدوا
مختار / اه و نامت
مريم / طب ما تيجي تاكل معانا
مختار / ما ينفعش كلوا انتوا
مريم تهز راسها و تيجي تمشي
مختار / مريم
مريم تبصله
مختار / هاتيلى رقم الدكتوره و المستشفى من عباده و فاتن
مريم / حاضر هبعتهملك واتس
مختار / تمام
مريم تمشي و مختار يقفل الباب و يروح يحط الصينيه على الترابيزه و يوارب الشيش و يقف يبص على السما تليفونه يرن يروح يجرى يجيبه هند تصحى يبصلها و يبتسم
مختار / دا عبد الله … السلام عليكم
عبد الله / احنا جايين فى الطريق
مختار / تنور يا ابنى انتوا محتاجين اذن يعني تنوروا
عبد الله / تمام .. هند عامله ايه
مختار / كويسه الحمد لله اخدت العلاج و ادينا مستنيين الفرج
عبد الله / مش كان اولى تقعد فى المستشفي
مختار / مش عارف لسه والله قايل لمريم تجيب رقمها اكلمها عشان مش مرتاح
عبد الله / لما نيجي نشوف هنعمل ايه
مختار / فى انتظاركوا يلا لا اله الا الله
مختار يقفل و يقعد جنب هند
مختار / سمك مقلى كل و برقلى تاكلى ؟
هند / مش جعانه
مختار / ما ينفعش
توصل لمختار رساله يمسك الموبايل و يشوفها
مختار / ثوانى هكلم الدكتوره و اجى اكلك بنفسي
مختار يروح يطلب الدكتوره و يقف جنب الشباك
مختار / السلام عليكم دكتوره منال معاكى مختار الزيني
الدكتوره / اهلا و سهلا
مختار / اهلا بحضرتك اسف لو كنت بتصل بوقت مش مناسب بس هند بدات فى العلاج و كنت عاوز اعرف يعني مش انسب انها تيجي المستشفي و لا ايه
الدكتوره / وجودها فى المستشفي من دلوقت مش هيفرق ما دام الرحم ما اتفتحش انا مش هقدر اعملها اى حاجه
مختار يبص على هند و يبتسم
مختار / انا بتكلم عشان نبقي فى الامان يعني
الدكتوره / انا مش عاوزه حضرتك تقلق خالص فى اى وقت الرحم اتفتح حضرتك هتكلمنى و ان شاء الله توصل الوحده تلاقيني فى انتظاركوا
مختار / تمام .. اسف تانى على الازعاج
مختار يقفل و يبص لهند و ياخد صينيه الاكل و يروح يقعد جنبها
هند / انت بتعمل ايه هتبهدل السرير
مختار / هتيجي هناك يعني
هند / ماشي روح يلا
مختار يرجع الصينيه و هند تقوم معاه تقعد
………………….
فى الكباريه
عباس نايم فى حضن البنت و هى عماله تلعبله فى شعره
عباس / ساعات بفكر اطلقها و اخلص بس بلاقيني لما ببعد عنها كام يوم بتوحشني … بس هي ما بتحبنيش … ما بتفرحش لما بتشوفني … كل ما اجى اقرب منها
عباس يقوم يقعد و يلبس هدومه البنت تحضنه من ضهره
البنت / سليشكوم رانو ( لسه بدرى )
عباس يزق ايدها و يقوم و هو بيطوح يعدل نفسه البنت تقوم تسند بضهرها على الباب
عباس / اوعى تفتكرى انى مبسوط انا بشرب عشان انسي عشان اتول عشان ما شوفش عنيها اللى بتكرهنى
عباس يطوح البنت تسنده ترجعه السرير
عباس / قالتلى اجيلك اجيب العيال و اجيلك
البنت تبوس عباس من خده
عباس / انا عاوز اروح … عاوز ارتاح … عاوز انام
عباس ياخد البنت فى حضنه و ينام
………………..
فى الصاله بره
الشاب ابو عنين زرقه يدخل و يقف ثوانى المدير يدخل و يسلم عليه بحراره
المدير / اهلا اهلا بباشا البشوات احلى ترابيزه
الشاب / لا ترابيزه ايه انا مش ناوى اطول خلينا نخش فى الموضوع علاطول
المدير / عيني اتفضل يا باشا اتقضل نفس النظام و لا التغير مطلوب
الشاب / كل اللى يجي منك حلو
المدير / حبيبي
الشاب يضحك المدير يفتحله الباب الشاب ينزل تحت و المدير وراه يفتحله باب اوضه تاني
المدير / خد راحتك يا باشا خدمه فى ار بى
الشاب يديله فلوس
الشاب / حبيبي
المدير يقفل الباب و يمشي
…………………..
فى اوضه ماجده
ماجده نايمه عباس يدخل بيطوح يخبط فى كرسي يقلبه و يتكعبل يقع على وشه ماجده تقوم مفزوعه تبص تلاقي عباس فى الارض تقوم تسنده
ماجده / يا مصيبتي انت بتعمل ايه هنا … اوووف يا اخى اتقى الله انت جاى سكران كمان
عباس / وحشتيني
ماجده / حد شافك و انت جاى شافوك و انت سكران كدا
عباس / بقولك وحشتيني يا وليه خلى عندك دم
ماجده / انا اللى اخلى عندى دم قوم قوم معايا قوم خش الحمام قوم اتشطف و فوق قبل ما حد يشوفك و لا يحس بيك
ماجده تسند عباس و تدخل بيه الحمام و تفتح الدوش المايه تنزل عليهم هم الاتنين و عباس بيبص لماجده و مبتسم
عباس / بحبك يا بت الفقرى
ماجده / لما تفوق نبقي نتكلم فوق
مغاورى يدخل و يسنده عنها
مغاورى / عنك يا ماجده عنك
ماجده تتلجلج فى الكلام و مغاورى بيشد عباس بره الاوضه و هو مبلول
عباس / انا كنت ماشي هشوفها و ماشي
ماجده / طب سيبه يغير هدومه بس
مغاورى يوصل لباب الاوضه
مغاورى / خليكي هنا الرجاله واقفه بره
عباس / روحى اعمليلى لقمه اكلها انا جعان
مغاورى / هتاكل لما تشبع دلوقت تعال
مغاورى يزق عباس بره الاوضه ماجده تشده من ايده
ماجده / انتوا هتعملوا فيه ايه
مغاورى / ابوكى عاوزه تحت … غيرى هدومك بدل ما تبردى
ماجده تبصله و عنيها تتلمى دموع مغاورى يمشي و يقفل الباب وراه
……………….
فى اوضه هند
شيري واقفه فى الركن بتعمل قهوه على البوتجاز العين و تصبها و تروح تديها لمختار
مختار / تسلم ايدك تعبتى نفسك على الاخر
عبد الله قاعد قدام السرير فى الارض بيقلب فى التليفزيون
عبد الله / ما فيش حاجه فى التليفزيون خالص كدا
مختار / بكره الدراسه تبدا و يجيبوا افلام جديده
عبد الله يقوم يقعد على السرير جنب هند
عبد الله / عامله ايه دلوقت
هند / زى ما انا يا عبد الله اهدى بقي
عبد الله يبصلها ضاربه بوز يروح يقعد على الارض مكانه
هند / هى ياسمينا فين
عبد الله / نايمه فى اوضه مريم
هند / طب و انتوا مش ناويين تناموا مش ناويين ترتاحوا يعني
عبد الله / هو احنا بننطرد و لا ايه
هند / لا طبعا يا عبد الله بس النهار قرب يطلع و امك ما فردتش ضهرها و انت مش كنت واقف فى شغلك طول النهار و عندك شغل الصبح هترتاح امتى انت
شيري/ اما نطمن عليكي هنرتاح
مختار / انا والله مش عاوز اتكلم من الصبح لتفهمونى غلط بس هند معاها حق حضرتك واضح عليكي الارهاق جدا و عندكوا شغل الصبح و بعدين ما انا جنبها اهو يعني ما تقلقوش
شيري / طب انا هخليني جنبها و انت و عبد الله ارتاحوا و بعدين نبدل سوا
هند / انا كويسه يا ماما
مختار / ماشي يا امى بس هنبدا بيا و الصبح هروح الشغل و اسيبك مع هند تكونى فايقه و قادره
عبد الله / تمام شوفلنا السكه يا مختار
مختار / هنزله و ارجعلك تمام
هند تهو راسها
شيري / انا هفرد ضهرى بس مش هنام لو حسيتي باى حاجه
هند / نامى يا ماما ما تقلقيش عليا
شيري تهز راسها و تمشي وراهم و تقفل الباب وراها
……………………
فى سرايا الجوارحه
الرجاله بتربط عباس فى شجره
كوثر / حلفتك بالله يا خويا اخر مره لو عملها تانى ابقي اعمل فيه اللى انت عاوزه
شاهين / لو كنت عملت كدا من اول مره ما كانش عملها تانى لكن ادى اخره الدلع
شاهين يروح يجيب كرباج
كوثر / حلفتك بالله يا خويا حلفتك بالله عشان خاطرى
شاهين / حد يمسكها
الستات تشد كوثر جوه و شاهين يضرب عباس بالكرباج و عباس يصرخ ماجده تجرى على جوه خديجه تجرى وراها ماجده تجرى على اوضه العيال تفتح الباب تلاقيهم نايمين تقفل الباب و تقعد على الارض قدام الاوضه تعيط خديجه تقعد جنبها
خديجه / خليهم يربوه يمكن يتصلح حاله
ماجده تبصلها و تبص فى الارض و تمسح دموعها
خديجه / صعب عليكي
ماجده تبصلها
خديجه / ما كانش يصح يدخل السرايا بالمنظر ده ما فيش احترام لحد
ماجده / يعني بيضربوه عشان كسر كلامهم و لا عشان سكر و لا عشان جه يشوفنى
خديجه / ما جالك قبل كدا حد كلمه و لا وقف قصاده
ماجده / معاكى حق
خديجه / جوزك برده
ماجده / خليكي جنب العيال لو صحيوا ما تخليهمش ينزلوا تحت ما تخليهمش يشوفوا ابوهم بالمنظر ده
خديجه تهز راسها ماجده تقوم تنزل تحت و خديجه متبعاها
…………………….
فى اوضه هند
هند نايمه و مختار ممدد جنبها بيبص فى الموبايل يبص عليها و يفضل باصص يمد ايده و يايد النور و يبص عليها يلاقيها زرقه يتنفض و يدور على حاجه و يلف حوالين نفسه يمين و شمال
مختار / فين التيلفون فين الزفت الموبايل
مختار يشوف التليفون فى ايده يبصله و يبص لهند و يتصل بالدكتوره
مختار / ايوه يا دكتوره انا اسف على الازعاج انا مختار الزيني هند زرقه خالص
الدكتوره / الرحم اتفتح
مختار / يتفتح و لا عنه ما اتفتح بقولك البت زرقه
الدكتوره / مش هقدر اعملها حاجه غير لما
مختار / انا هجيبها و اجى اوصل المستشفي الاقيكي انتى فاهمه
الدكتوره / تمام هاتها و انا هقابلك هناك
مختار يروح يبص على هند تانى و يروح يجيب اسدال و يلبسهولها تفتح
مختار / هنروح المستشفي
هند تهز راسها و مختار يساعدها تلبس
مختار / هتقدرى تمشي و لا اشيلك
هند تبصله يشيلها و يفتح الباب و ينزل بيها يروح للعربيه يلف حواليها
مختار / المفتاح … المفتاح … خليفه … خليفه
خليفه يجرى عليه عبد الله يفتح باب المضيفه و يطلع
عبد الله / مالها فيها ايه
مختار / نسيت المفتاح خدها على ماجى
عبد الله يشيل هند خليفه يجرى يجيب كرسي مختار يجرى على جوه
عبد الله / هند … هى مالها
مختار ما يردش و يجرى على جوه و يطلع يجرى يجيب المفتاح و ينزل ناصر يفتح باب الاوضه
ناصر / فى ايه يا مختار
مختار ما يردش و ينزل يجرى
انتصار / فى ايه يا ناصر
ناصر يلبس الجلبيه و العبايه
ناصر / ما اعرفش بس شكل فى حاجه حصلت
انتصار / جيب العواقب سليمه يا رب
انتصار تجرى تلبس
………………
فى اوضه ماجده
عباس نايم على بطنه و ماجده بتطهر الجروح بقطنه
عباس / والله ما هسكت البلد دى فيها قانون
ماجده تدوس بالقطنه على جرح يصرخ
عباس / بالراحه يا جاموسه
ماجده ترمى القطن و تدخل الحمام و ترزع الباب وراها
عباس / يا ماجده … ماجده
ماجده تفتح باب الحمام و تروح تقعد جنبه
عباس / انتى هتسبيني كدا
ماجده تروح تحط قطن على الجروح و تربط بشاش
عباس / الواحد بيصعب عليه نفسه لما ميلاقيش ليه فى الدنيا غير امه تدافع عنه
ماجده / ما حدش بيقطع علاقته بكل الناس و يرجع يزعل انه وحدانى
عباس / ما انتى لو
ماجده / انا ايه انا ايه انا اللى خليتك تشرب و لا خليتك تيجي البيت سكران بالمنظر ده انا ايه هو كل حاجه تقولى ما انتى ما انتى
عباس / كلمى جوزك عدل يا بت
ماجده / جوزى اه جوزى … انا خلصت
عباس / غورى اطلعى بره و اطفى النور
ماجده تبصله بقرف و تروح تطفى النور و تفتح الباب و تقفله و هى واقفه بتبص على عباس
عباس / ماجده … ماجده … ماجده
ماجده / نعم
عباس / تعالى … خليكي جنبى هنا
ماجده تروح تقعد جنبه
عباس / شوفيلى مسكن و لا اى حاجه
ماجده تفتح الدرج و تطلع مسكن و تديله و تناوله مايه يشرب
ماجده / ما تعملش كدا تانى المره الجايه
عباس / انا حر انا اعمل اللى انا عاوزه و اللى ابوكى عمله ده هدفعه تمنه غالى
ماجده / لما تخف … لما تشد حيلك و تخف … تطلقنى
عباس يبصلها ماجده تبص الناحيه التانيه
ماجده / طلقنى و كلو بعض بعيد عنى … عاوز ايه … عاوز تموت بتعند مع مين انت دا شاهين الجارحى اللى انت بتتكلم عنه
عباس / و انا عباس الجارحى عرفتى ليه ببص بره عرفتي ليه بعرف غيرك عشان انتى ما بتشوفنيش راجل انتى ما مش بتحسسيني بقيمتي
ماجده / فبتروح تحسها وسط السكريه و بنات الليل مش كدا دول بيحسسوك انك راجل بتحس بقيمتك وسطيهم … بتحس بقيمتك لما بتقل قيمتى و تخونى لما بتيجي عليا … قصرت معاك فى ايه
عباس / اسطوانه كل يوم بقي ما احنا مش هنخلص ايه مش شيفانى تعبان
ماجده / شيفاك و هسيبك ترتاح
ماجده تروح تفتح الباب و تطلع بره و تقفل الباب و تقف وراه تعيط
عباس / ماجده … ماجده … ماجده
ماجده تبص تلاقي مغاورى باصص عليها من بعيد تدخل و تقفل الباب وراها بالمفتاح
عباس / انتى هتسبيني و انا تعبان
ماجده / ارحمونى بقي
ماجده تدخل الحمام و تغسل وشها و تبص لنفسها فى المرايه
………………
فى الكباريه
الشاب ابو عنين زرقه نايم فى حضن البنت تليفونه يرن يمد ايده يجيبه
الشاب / الباشا
صوت راجل / هنحول الكميه التانيه بكره
الشاب / علاطول كدا .. و ماله عيني
الراجل / انا حولتلك نص فلوس الدفعه الجديده كالعاده و بكره لما استلم هبعتلك الباقي
الشاب / حبيبي
الشاب يقفل و يحط الموبايل جنبه و هو بيضحك البنت تبصله و تبتسم
البنت / تشزليفي زفانوج ( مكالمه سعيده )
الشاب / تشزليفي على الاخر … اصل محسوبك فنان حاوى تعرفى يعني ايه حاوى
البنت / يانى بونيما ( مش فاهمه )
الشاب يضحك
الشاب / الحاوى يعني ساحر يعنى نولاجيني شار
البنت تبتسم
الشاب / انا نولاجيني شار باشاره اخفى الحاجه و باشاره اظهرها و اقف اتفرج من بعييييد على البوليس و هو بيلف حوالين نفسه بيدور عليها
البنت / بوليتسيا ( بوليس )
الشاب / عليكي نوووور ما انتى فهمتى اهو
البنت / يو فاس ياستى بروبلايما اس بوليتسي ( عندك مشاكل مع البوليس )
الشاب / دول حبايبي بقولك قال بروبلايما قال
البنت / يا فاس نى بونيما ( مش فهماك )
الشاب يقوم يقعد البنت تقوم تقعد
الشاب / ما قولت حاوى تديني البضاعه اخفيها اعديها من تحت مناخير البوليس من غير ما يشوفها و لا يحس بيها و زى ما خفيتها اظهرها فهمتى و لا هتتعبيني معاكى
البنت تشاورله بايدها و تقوم تصب كاسين
الشاب / اريح برده بلا هم انتى اساسا فصلتيني و انا عندى بكره شغل مهم
توصل للشاب رساله على الموبايل يبص
الشاب / الناس دى عبيطه و لا ايه هيغيروا خط السير ليه
الشاب يتصل بالتليفون بحد
الشاب / باشا البشوات
الراجل / وصلك اللوكايشن
الشاب / وصلنى امال انا بكلمك ليه بص يا زميلى اللى اعرفه ان اقصر طريق بين نقطتين الخط المستقيم يبقي ليه نلف و ندور احنا فى السليم لا مخبيين سلاح و لا بنعمل حاجه غلط و لا مؤاخذه
الراجل / على مسؤليتك
الشاب / عيب يا باشا و بعدين احنا تجار لعب اطفال محترمين شرفاء يعني نعدى من اى كمين فى السليم
الراجل / اعمل اللى انت شايفه
الشاب / حبيبي يا باشا
الشاب يقفل البنت تديله الكاس و تقعد جنبه و تبتسم
الشاب / انا محاط بشله متخلفه على راى المعلم اسكار
الشاب يشرب الكاسه على بق واحد
الشاب / تعرفى سكار اخو موفاسا
البنت / ليون كينج
الشاب / ما انتى حلوه اهو و بتتفرجى على كارتون … صبى صبى خلى الواحد يفك بلا قرف
الشاب يديها الكاس تقوم تملاها و ترجعله
الشاب / حبيبي
………………….
فى المستشفى
العيله كلها متجمعه فى كوريدور و مختار مقرفص فى الارض جنب باب اوضه و باين عليه التوتر عباده يروح يقعد جنبه
عباده / هتبقي
مختار يشاورله بايده عباده يهز راسه حاضر و يسكت و يقوم باب الاوضه يتفتح و الدكتوره تطلع مختار يقف و الكل يتجمع
مختار / هى عامله ايه
الدكتوره / كويسه الحمد لله بس زى ما فهمت حضرتك انى مش هقدر اعمل اى حاجه الا لما الرحم يفتح
مختار / المعم بقت كويسه بقت احسن اقدر اشوفها
الدكتوره / ما تقلقش حضرتك هى مش لوحدها انا طلبت من الممرضه انها تفضل معاها و تتابعها و اى جديد هتبلغنى علاطول
مختار / طب انا عاوز ابقي معاها
الدكتوره / الزحمه مش هتبقي كويسه
مختار / انا بس
مختار يبص لشيري و عبد الله شيرى تهز راسها اه مختار يبص للدكتوره
الدكتوره / تمام
الدكتوره تفتحله الباب يدخل و تبص للباقين
الدكتوره / انا مقدره غلاوتها عندكوا بس صدقونى وجودكوا هنا مش هيفرق فى حاجه عن اذنكوا
الدكتوره تمشي و الكل يبص لبعضه
انتصار / تقول اللى هى عوزاه انا مش هتحرك من هنا
فاطمه / بس الدكتوره معاها حق لازم كل واحد يشوف اللى وراه احنا زاحمين المستشفي
ناصر / معاكى حق كل واحد هيروح يشوف اللى وراه و خلو عبد الله و ام فاتن و ام عبد الله و لو فى جديد يبقوا يبلغونا
عباده / بس يا كبير
ناصر / شوف شغلك بهداوه
عباده / تمام يا كبير
ناصر يمشى و الكل يمشي وراه
عبد الله/ هم مش هيخلونا احنا كمان ندخل نطمن عليها
شيري تقعد على اقرب كرسي
شيري / تبقي كويسه يقولولى بس انها كويسه و انا مش عاوزه حاجه تانى
انتصار تروح تقعد جنبها و تمسك ايدها
انتصار / كويسه و باذن الله هتقوم بالسلامه و تبات فى بيتها الليلادى بس انتى قولى يارب
شيري / يارب يا ام فاتن يارب
عبد الله / هروح اجيبلكوا حاجه تكلوها و لا تشربوها ثوانى و راجع
عبد الله يمشي ناحيه الريسبشن يلاقي عباده واقف مع راجل بيتكلموا عباده يشوفه يروحله و الراجل يمشي
عباده / سبتهم ليه
عبد الله / هجيبلهم حاجه يكلوها ما تنساش ان كلنا على لحم بطننا
عباده / تمام خليك معاهم وانا هبعتلك اللى انت عاوزه كله
عبد الله يبص يمين و شمال فى رجاله فى كل حته
عبد الله / هو فى حاجه و لا ايه
عباده / حاجه ايه
عبد الله / الرجاله دى كلها
عباده / و هى هند شويه دى عندنا اهم من المحافظ
عبد الله يبتسم
عباده / دول عشان اهل البلد ما يتلموش حواليكوا انت عارف مختار و غلاوته عند الناس و الناس هنا غلابه وولاد بلد هيبقوا عاوزين يطمنوا و يوجبوا و انت عارف بقي
عبد الله / تقوم بس بالسلامه و
عباده / هتقوم ما تقلقش ان شاء الله هتقوم و تبقي زى الفل بس انت فكها كدا و خليك جنب الجماعه انت راجلهم دلوقت و ما لهمش غيرك يتسندوا عليه
عبد الله يبص الناحيه التانيه عباده يمسكه من دماغه و يجبره يبصله
عباده / هتبقي كويسه انا بقولك
عبد الله يهز راسه و يمشي و عباده متابعه
……………………
فى سرايا فيرا
مدير الكباريه واقف و فيرا و صاحبها قاعدين على كنبه قدامه
المدير / انا بلغتك و عملت اللى عليا
فيرا / بلغتنى اه بس عملت اللى عليك دى تقولها لما تجبلى الكونتينارات دى لحد هنا باللى فيها
المدير / بقولك ايه يا ست هانم بناتك عندى متشالين على الراس و ما حدش لا بيدوسلهم على طرف و لا بيرفع عينه فيهم و الواد بتاعى حتى جتته ما ادوتهالناش و الرجاله دى مش بلاقيها فى كيس قلبظ و لا مؤاخذه
فيرا / ههههههههههههه حلوه لا بجد عجبتنى اجرى نفذ اللى قولتك عليه بدل ما تحصل راجلك العبيط اللى انت جاى تعيطلى عليه و اه المره الجايه ابقي نقى واحد انضف من كدا شويه دا منظر ظابط ده
المدير يبص الناحيه التانيه
فيرا / بتقولوا ايه عندكوا هنا الاهم من الشغل تظبيط الشغل يعني ما ينفعش تجيب واحد محشش تلبسه ظابط و توقفه فى كمين الظابط لازم يكون ليه هيبه مش عيل برياله لا و كمان جاى تعيطلى عليه
المدير / تمام يا ست الكل
فيرا تشاورله يمشي و تروح تقعد جنب الشاب
الشاب / انى بروبليمز ( فى مشاكل )
فيرا تهز راسها لا و تشرب
…………….
فى اوضه هند
هند متركبلها محلول تفتح عينها و تبص حواليها تلاقي مختار قاعد على كرسي و ساند بايديه مربعهم على السرير و نايم براسه عليهم و ماسك ايدها تبتسم و تسحب ايدها بالراحه يصحى
هند / الكنبه دى بتتفتح سرير ما نمتش ليه
مختار / احسن دلوقت ؟
هند / الحمد لله .. نزل ؟
مختار يهز راسه هند تبص للسقف
مختار / الحمد لله احنا كنا فين دا انا كنت هموت من رعبتى عليكي
هند تبصله و تبتسم
مختار / لما تقومى بالسلامه هاخدك و نعمل عمره نشكر ربنا على سلامتك
هند / انا نفسي فيها اوى
مختار / قومى انتى بس و انا هاخدك و نعمل الباسبور و نسافر هقعدك فى فندق قدام الحرم عدل
هند تبتسم
مختار / بس انتى قومى بالسلامه
هند / ماما فين ؟
مختار / روحت بالعافيه غصبناها تروح ترتاح ما كانتش قادره تقعد
هند / انا كمان عاوزه اروح
مختار / اكيد يا حبيبتى نطمن بس عليكي و نروح علاطول
هند / انا مش عاوزه اقعد هنا مخنوقه خليني اروح و انتوا اكيد هتاخدوا بالكوا منى فى السرايا
مختار / هناخد بس انا ما اعرفش هيحصل مضاعفات و لا لا هنا احسن
هند / عشان خاطرى كلم انت بس الدكتوره و هى هتسمحلى انا مش قادره اقعد هنا … مخنوقه
هند تعيط مختار يقوم يقف و يوطى عليها و يمسح دموعها
مختار / حاضر اهدى بس اهدى حاضر
……………………..
فى اوضه ماجده
عباس نايم و ماجده ممدده على السرير جنبه و سرحانه باب الاوضه يخبط تقوم و تلبس الاسدال و تفتح الباب تلاقى مغاورى
مغاورى / كنتى نايمه ؟
ماجده / لا صاحيه بس عباس نايم المسكن و المضاد الحيوى همدوه
مغاورى يهز راسه
ماجده / خلصت على كدا ؟
مغاورى / اساليه هو مش انا … لما يفوق ناديلى ابوكى عاوز يتكلم معاه ضرورى
ماجده / ما كانش ينفع يتكلم و بعدين يعمل فيه كدا
مغاورى / ما ياما اتكلم ايه اللى جد
ماجده / زعلان اوى
مغاورى يعوج راسه و يبصلها باستهزاء
ماجده / بيقول مش هيسكت و ان فى قانون
مغاورى يضحك و يبص الناحيه التانيه
ماجده / انا و العيال اللى فى النص بينكوا
مغاورى / لما يفوق خليه يكلم ابوكى و ساعتها هنشوف هيعمل ايه
ماجده / اللى تشوفه
مغاورى / فوتك بعافيه
ماجده / الله يعافيك
ماجده تقفل الباب و تبص على عباس نايم على بطنه و بيشخر تتنهد و تروح تمدد جنبه و تديله ضهرها
…………………………..
على نفس الطريق
تريلا معديه كامين يوقفها السواق ينزل يورى الظابط الورق و يروح يفتح العربيه من ورا و العساكر يطلعوا ينزلوا كل حاجه و يفتشوا العربيه من تحت لفوق و يبصوا للظابط و السواق و التباع يعبوا الحاجه تانى و العربيه تمشى
……………………….
فى شقه فى منطقه سكنيه
الشاب ابو عنين زرقه يفتح الباب و هو بيغنى و يترقص
الشاب / سلامتها ام حسن من العين ومن الحسد. وسلامتك ياحسن من الرمش اللي حسد. سلامتها سلامتها
الشاب يقفل الباب و يلف يلاقى فيرا قاعده على الكنبه و حاطه رجل على رجل
الشاب / حلاوتها ام حسن
فيرا تبتسم
الشاب / اوعى تكونى مستنيانى من بدرى ازعل اوى
فيرا / تؤ مش كتير
الشاب / اخص عليا طب والله اخص عليا بقى انا اسيب القمر ده يستنى طب والله اخص عليا
فيرا / ههههههههههههه
الشاب / طب كنتى قولتى كنت جبت اتنين كيلو كباب و لا اى حاجه نازاز فيها اصل بعيد عنك انا عازب و وحدانى
الشاب يروح يقعد جنبها على الكنبه و يميل عليها و هى بتضحك
الشاب / و الوحده صعبه
فيرا / اوى
الشاب / شوفتى … مين القمر
فيرا / اسمى فيرا
الشاب / اوبا لا اوبا بقى و انا رشيد
فيرا / اشهر من نار على علم
رشيد / هتغر وربنا
فيرا / هههههههههههههه حقك تتغر بصراحه انا لما سالت عليك ما صدقتش نص اللى وصلنى عنك دا انت ساحر بجد
رشيد / مبحبش اتكلم عن نفسى كتير و لا مؤاخذه يعنى انتى عارفه الحاجات دى بتتنظر
فيرا / بس الحاجات دى بتجيب فلوس
رشيد / قوليها تانى
فيرا / فلوس
رشيد / الله الله الله تانى تانى بس برقه كدا
فيرا / هههههههههههههههههه فلوس
رشيد / حبيتك تصدقى حبيتك الواحد لو يرجع كل يوم بيته يلاقى حته طريه كدا تقوله فلوس
فيرا / هههههههههههههههههه فلوس
رشيد / كفايا بضعف و بنهاااار
فيرا / لا اوعى
رشيد / هزرنا كتير ندخل فى المفيد ما دام جينا للفلوس نفوقلك
فيرا / عين العقل
رشيد / انا باخد فى النقله مليون اخضر
فيرا / ماشى
رشيد / مقدم
فيرا / ماشى
رشيد / و بوصل من نقطه لنقطه قبل كدا و بعد كدا مش شغلى
فيرا / ماشى
رشيد / نوع البضاعه مش مهم و كميتها برده مش مهم المهم انها تعدى كلها من نفس الطريق و فى نفس اليوم
فيرا / لا انا حاجتى صغيره خالص هى عربيه واحده كفايا اوى
رشيد / مصلحه الخفافى حلو
فيرا / و الرجاله ؟
رشيد / عليكي ما انا قولتلك انا وحدانى
فيرا تعدى ايدها من على خده بحنيه
فيرا / يا حراااام
رشيد / ما قولنا بضعف و بنهار يرضيكي انهار
فيرا / تؤ
رشيد / امال بقى و انتى جامده كدا
فيرا / شكلى هحبك
رشيد / استغفر الله احنا بتوع الكلام ده برده
فيرا / عندك حق مفيش احسن من الطيارى مش كدا
رشيد / نفع و استنفع انما حب و الكلام الفاضى ده ليه
فيرا / على رايك .. المهم بخصوص معاد التسليم
رشيد / معاد التسليم و الطريق ما يخصنيش انا باجى يوم التسليم اظبطلك الليله و امشى
فيرا ترفع حاجبها
رشيد / شكلك ما سالتيش كويس
فيرا / سالت يا رشيد و قالولى انك مهرب درجه اولى و اهم حاجه عندك الجنيه
رشيد / شوفتى ولاد الحرام على فكره انا مش كدا خالص
فيرا / اوعى
رشيد / فى عندى حاجات اهم من الجنيه
فيرا / و هى ؟
رشيد / الدولار و اليورو يا ست الكل ما تصحى معانا كدا هو الجنيه بقى يجيب حاجه فى الزمن ده
فيرا / هههههههههههههههههههههههههههه والله حبيتك
رشيد / تانى !! تانى … معلش معزوره برده … ما انا برده اتحب
رشيد يعدل هدومه فيرا تبص الناحيه التانيه و تضحك
………………………
فى سرايا الزنايته
هند تدخل عبد الله و مختار مسندينها
مختار / لو مش قادره تمشى
هند / انا كويسه
انتصار / خلوها تقعد ترتاح هنا شويه
هند / لا هرتاح فوق معلش عشان افرد ضهرى
فاطمه تطلع من المطبخ
فاطمه / حمد الله على السلامه الف مليون حمد الله على السلامه انا سلقتلك فرختين بلدى عشان ترمى عضمك
هند تبصلها و تبتسم و تطلع فوق و مختار و عبد الله بيسندوها
شيرى / تسلم ايدك تعبتى نفسك
فاطمه / بقت احسن مش كدا
انتصار / الحمد لله احنا كنا فين
ناصر / خليكوا جنبها و خدوا بالكوا منها و احنا قاعدتنا هنا ما لهاش عازه هنروح نشوف اشغالنا
انتصار / ماشى يا خويا و لو فى اى حاجه هنبقى نكلمكوا
ناصر يهز راسه و يشاور الرجاله و الشباب يمشوا
انتصار / اطلعى خليكي جنبها و لما الاكل يجهز هنبعتهولك
عبد الله ينزل من فوق
عبد الله / هتنام و مختار هيقعد جنبها و انا هطلع على الشونه
مريم / هتيجي تانى ؟
عبد الله / ايوه ان شاء الله اخلص الشغل و اجى علاطول اجبلك حاجه معايا و انت جاى
مريم / سلامتك
عبد الله / حد عاوز حاجه و انا جاى
انتصار / تروح و تيجي بالسلامه
عبد الله يبتسم و يمشى
فاطمه / سلامتك
مريم تبص لفاطمه و تمشى
انتصار / بومه يلاهوى عليكي بومه
فاطمه / ياختى بهزر معاها هروح ابص على الاكل
شيرى / انا هاجى اساعدك
………………………..
فى مكتب شاهين
الباب يتفتح و عباس يدخل و هو مضايق
شاهين / اقعد عاوزك
عباس/ قعدنا
عباس يقعد شاهين يقوم يقعد فى الكرسى اللى قدامه
شاهين / هو الخاين بنعمل فيه ايه
عباس / يادى الموضوع اللى مش هنخلص منه بقى
شاهين / اتكلم مع الكبير عدل ما تخلينيش اعلقك على باب السرايا بالمقلوب
عباس / علقنى اقولك طلع مسدسك و طخنى يمكن ترتاحوا كلكوا
شاهين / الخاين بنعمل فيه ايه
عباس / هى اول مره اشمعن المرادى اللى عليها الفيلم ده كله الله
شاهين / انا مش بتكلم عن ماجده انا بتكلم عن اللى يخون العيله و يطلع سرها بره
عباس / انا اخر واحد يعمل كدا و انت عارف كويس
شاهين / اسمها حضرتك
عباس / انا اللى ماسكلكوا الشغل القانونى كله انا اللى برتبلكوا ورقكوا و بنضف وراكوا انا عارف عنكوا اللى ما حدش فى العيله يعرفه
شاهين / و بتروح تسكر و تبع بيه
عباس / انا مش عيل صغير
شاهين / الماخور اللى بتسهر فيه ده هو اس البلاء المخزن اللى اتحرق
عباس / الزنايته اللى حرقوه
شاهين / الزنايته مكانوش يعرفوا نوع السلاح اللى فى المخزن اللى كان يعرف انت
عباس / انا مش خاين
شاهين / انت فاكر نفسك بتسهر فى المكتبه تزاكر الناس اللى هناك بيستدرجوك عشان يعرفوا منك معلومات عننا عشان يضربونا فى مقتل
عباس / انا مش عيل صغير و عارف انا بقول ايه قدام مين و مش اول مره اشرب انا دماغى مش خفيفه و عارف انا بشرب قد ايه
شاهين / مش مصدقنى يعنى
عباس / انت … حضرتك اللى مش مصدقنى
شاهين / تمام يا عباس تمام انا هثبتلك انى صح بس ساعتها عشان اسامحك و عشان ما حدش من العيله يعرف حاجه عن اللى عملته
عباس / انا ما عملتش حاجه و ان كان فى حد فينا له حق عند التانى يبقى انا مش انت .. مش حضرتك
شاهين يبتسم
شاهين / انا اللى مربيك انا اللى ربيت كل اللى فى السرايا بس دلعتك بزياده من ساعه ما ابوك مات
عباس / شوف ضهرى و انت تشوف الدلع
شاهين / من عمايلك السوده
عباس / صح
شاهين / لما قالولى عباس الخاين
عباس / انا مش خاين
شاهين / عرفنا عرفنا انه مش بكيفك
عباس / تانى هتقول بسكر و ببع بالكلام
شاهين / انا هثبتلك
عباس / انا مش صغير قولت … انا تعبان يا خالى نتكلم وقت تانى بعد اذنك
شاهين / انا هثبتلك
عباس / تعبان
شاهين يبصله و يبص الناحيه التانيه
شاهين / اطلع ارتاح
عباس يقوم و يفتح الباب و يمشى مغاورى يدخل
مغاورى / قولتلك هيعمل كدا
شاهين / سيبه ما حدش فاهمه قدى سيبه
مغاورى / و ماجده
شاهين يبص لمغاورى
مغاورى / ماجده عاوزه تطلق قالت هتستنى يقف على رجله و بعد كدا تطلق مش قادره تكمل
شاهين / هبقى اتكلم معاها
مغاورى / ما تجيش عليها اكتر من كدا دى حالها بقى يصعب على الكافر
شاهين / ما حدش يعرف مصلحه بنتى اكتر منى
مغاورى / ماشى يا كبيرنا اللى تشوفه عن اذنك اشوف شغلى
شاهين / ربنا معاك
مغاورى يمشى و شاهين يبص فى الارض
……………………………
فى اوضه هند
هند نايمه و مختار نايم جنبها و ماسك ايدها الباب يخبط مختار يفتح و يروح يفتح يلاقى عباده واقف بعيد مختار يبص يلاقى هند نايمه يقفل الباب و يروح يقف معاه
عباده / صحيتك ؟
مختار / كنت صاحى بنام تخاطيف كدا مش عارف اروح فى النوم
عباده / ليه هى مش الدكتوره طمنتك
مختار / ما تشغلش بالك يا عباده قول خير
عباده / فى حاجات كتير حصلت و ما عرفتش ابلغك بيها عشان ظروفك و كدا
مختار يبص على باب الاوضه
عباده / انا مش عاوز اعمل حاجه من غير رايك و الكبير مش مدينى وش فى الموضوع و بيقول انتوا بقيتوا كبار كفايا انكوا تخططوا و تنفذوا ما تدخلونيش فى قرفكوا انت عارف ان الحوار ده مش على هواه من الاول
مختار / عارف عارف قول ايه اللى جد
عباده يبص يمين و شمال و يبص لمختار
…………………………
فى الكباريه
عباس عمال يشرب و يشرب و جنبه بنت
البنت / تى فيجلديش زلوى ( شكلك غضبان )
عباس يشاورلها تسكت
عباس / مش ناقص هرى امك انت راخره انا فيا اللى مكفينى كل حاجه انا السبب انا السبب كل حاجه يلبسوها فيا انا بقالى سنين وسطيهم عمرى شوفى عمرى ما عملت حاجه واحده تضرهم بس تقولى ايه بقى
البنت / يانى بونيما ( مش فاهمه )
عباس يشرب
عباس / طول السنين دى و انا بنضف وراهم طول السنين دى و انا بجرى زى النحله عمال اللف حوالين نفسى عشان اظبطلهم ورقهم قدام الحكومه غسيهم الوسخ كله انا اللى بنضفه و فى الاخر انا اللى وحش انا اللى كخه انما هم ملايكه
عباس يشرب البنت تطبطب عليه يزق ايدها
عباس / من غيرى يضيعوا من غيرى يدخلوا كلهم السجن انا اقدر احبسهم انا معايا ورق يوديهم ورا الشمس
البنت تصب لعباس
عباس / كل ورقهم معايا شايله فى خزنه المكتب بتاعى انا اقدر انسفهم كلهم
البنت تطبطب على عباس
عباس / و بعد دا كله عباس اللى خاين عباس اللى وحش يعملوا كدا فيا انا فى اخوهم و ابنهم امال لو كنت غريب كانوا عملوا فيا ايه
عباس يزق اللى على الترابيزه يوقعه فى الارض واحد يحاول يدخل البنت تشاورله يرجع و تطبطب على عباس و تقوم تشده على الاوضه يزقها و يمشى و الكل بيبص عليه و هو خارج يطوح
……………………………
فى الملعب
الرجاله ملمومه و فى اتنين بيتصارعوا جوه و الكل بيشجع صاحب فيرا يدخل و معاه اتنين رجاله مغاورى يشوفه يروح يوقفه
مغاورى / على فين يا خواجه المكان ده ميمبرشيب اونلى و لامؤاخذه
الشاب / ايام سورى اى واز انفايتد بى وان اوف يور فريندز ( انا اسف واحد من صحابكوا عزمنى )
مغاورى / كلمنى عربى اللهى لا يسيئك عشان افهمك
واحد من اهل البلد / بيقولك فى حد من صحابك عزمه
مغاورى / قولتلى بقى … اسمه ايه الجدع ده معلش
اللى من اهل البلد / هو ايز هى وات ايز هيز نايم ( هو مين اسمه ايه ؟)
الشاب / اووووه اى ديدنت اسك فور هيز نايم هى واز تول وايد بلاك هاير دريفنج ابلاك كار سومثينج ليك ذات ( ما سالتش عن اسمه كان طويل و عريض و شعره اسود و سايق عربيه سودا )
اللى من اهل البلد / بيقولك طويل و عريض و شعره اسود و عربيته سوده
مغاورى / على كدا اهل البلد كلها عزموه على العموم احنا ما بنطردش ضيوفنا خلينا نشوف … اهلا و سهلا يا خواجه ويلكم يعنى
الشاب يبتسم و يحيه براسه
مغاورى / بلاى يعنى هتبلاى و لا انت جاى هتواتش و خلاص
الشاب / ههههههههههههههه نو اى ويل واتش بت ماى فريند هير ويل بلاى ( لا انا هتفرج بس صاحبى ده هيلعب )
اللى من اهل البلد / الجدع التانى اللى جاى يلعب هم جايين يشجعوا
مغاورى / و ماله حتى يلاقى حد يشيله
الكل يضحك و الشاب بيبص عليهم و عامل عبيط
مغاورى/ مين فيكوا يا رجاله هيوجب مع ضيفنا الغالى ابو الغوالى
الكل يضحك واحد من اهل البلد ضخم جدا يدخل فى النص مغاورى يبص و يبتسم و يرجع يبص للشاب
مغاورى / ويلكم اند انجوى ( اهلا و استمتع ) احنا برده بنعرف نتكلم انجليزى يعنى
الكل يضحك و الشاب يخبط على ضهر واحد من الاتنين اللى معاه و يشاورله يدخل و يلعب قدام الراجل الضخم و الكل بيشجع و الشاب واقف فى هدوء و ابتسامه
……………………………
فى مكتب عباس
المكتب ضلمه و فى حد بيحاول يفتح الباب يفتح فعلا و يدخل تلت رجاله ملثمين و يدوروا على الخزنه و يلاقوها واحد منهم يحاول يفتحها تفتح معاه يبصوا يلاقوا جواها قنبله عنيهم توسع القنبله تنفجر فيهم
……………………..
فى اوضه هند
هند تصحى تلاقى مختار واقف بيبص من الشباك
هند / مختار
مختار يبصلها و يجرى عليها
مختار / عامله ايه احسن
هند / انا الحمد لله كويسه فى حاجه و لا ايه ؟
مختار يهز راسه لا و يبتسم
مختار / كنت قلقان عليكي بس مش اكتر
هند / انا كويسه
مختار / الحمد لله .. انا عاوز اتكلم معاكى فى موضوع بس بصراحه محرج منك
هند / خير … موضوع ايه ده ؟
مختار / يعنى اللى حصل الفتره اللى فاتت ضغطنى يعنى انتى فاهمه
هند تبصله
مختار / بفكر اخرج افك عن نفسى شويه مع الشباب
هند / ااااه طب ما تخرج يا مختار هو انت بتاخد الاذن منى يعنى
مختار / هو انا ما كنتش هقول عنها كدا انا بس عارف اولوياتى و انتى تعبانه و انا ما اقدرش اسيبك لوحدك انا وعدتك انى مش هسيبك يعنى
هند تبتسم
مختار / انا هخلينى جنبك لحد ما تبقى كويسه و كمان عشان اطمن عليكي
هند / انا كويسه ما تقلقش و كمان انا هنا مش لوحدى
مختار / يعنى مش هتضايقى لو روحت مع الشباب الملعب يعنى و كدا
هند / ما دام ما حدش بيحط عليك غيرى هضايق ليه هههههههههههههههههه
مختار / مسيرى هرد هيبتى دى
هند / ههههههههههههههههه انا بهزر معاك
مختار يتنهد
مختار / انتى عمرك ما هتفهمى انا قد ايه كنت هموت عشانك الفتره اللى فاتت
هند / بعد الشر عنك يا قلبى … قولى بقى هتروح امتى
……………………..
فى الملعب
اللى مع الشاب يخسر و زميله يسنده يطلعه بره الملعب و الشاب واقف مبتسم
الشاب / تف بلاى رايت
اللى من اهل البلد / بيقولك بتلعبوا جامد
مغاورى / اقل حاجه عندنا ما تيجي
اللى من اهل البلد / وى هاف مور كم اند تراى
الشاب / انذر تايم
مغاورى / احنا هنا كل يوم و بصراحه مصلحه اهو بدل ما بنضرب فى بعضينا نضرب فيكوا .. اوعى تترجم ياله
اللى من اهل البلد يبصله
مغاورى / انى تايم يا حبيبى انى تايم
الشاب يبتسم و يمشى
اللى من اهل البلد / انت ما كلمتوش انجليزى ليه يا مغاورى
مغاورى / تفتكر ما يعرفش عربى بجد و لا بيشتغلنا
الرجاله تبص لبعض و مغاورى مبتسم
………………………..
فى الجنينه
مختار بيتمشى مع عباده
عباده / انا فرحت اوى انها اتحسنت
مختار / مش قدى
عباده / و ناوى على ايه
مختار / هو مش جه يدور عليا
عباده / انت شايف ان ده وقته
مختار / عيب يا عباده انت اتربيت على كدا
عباده / هههههههههههه صحيح ما يصحش صحيح عرفت اللى حصل مع عباس
مختار يبص لعباده
عباده / الجوارحه قافلين على عباس حالف ليفجر الكباريه باللى فيه بعد ما عرف الحقيقه
مختار / ادى اخره النجاسه
عباده / و هو رشيد مش نجس يا مختار
مختار يبص لعباده
عباده / المهم انى كنت صح و ان دخلتى المكان ما طلعتش على ما فيش زى ما كنتوا فاكرين
مختار / لا و انت لعيب لقطت الليله من عنين البت يا لئيم يا نمس انت
عباده / عشان يبقوا يالسوا عليا لما كنت باخد كورسات لغه الجسد و التنميه البشريه
مختار / طول عمرك يتخاف منك يا عباده
عباده / كفايا لحسن اتغر هههههههههههههه المهم ناوى على ايه
مختار يبص لعباده و يبتسم
…………………………..
فى مخزن كبير بعد كام يوم
رشيد واقف مع فيرا قدامه عربيه فور باى فور و تلت صناديق كبار و رشيد واقف بيفكر
فيرا / ايه ؟ صعبه عليك
رشيد / لا دا حوار ساهل بس لامؤاخذه محتاج شويه عدد كدا فى السريع
فيرا / انت بس تؤمر
رشيد / يلاهوى عليكي و انتى عسل كدا
فيرا / مش وقته .. مش لما تخلص شغلك الاول
رشيد / صح .. انتى صح … بصي انا هكتبلك كدا شويه طلبات ابعتى حد يجيبها فى السريع و بالمره يجيب لقمه لحسن حبيبك واقع الصراحه
فيرا / يا قلبي دا انت تؤمر
رشيد / شويه جمبرى كدا على فسفور اصل الشغلانه دى محتاجه مزاج
فيرا / الشغلانه برضه
رشيد / الشغلانه و صاحبه الشغلانه انا كلى ليك يا قمر
فيرا / ههههههههههههههههههههه حبيبي اكتب الطلبات
رشيد يهز راسه حاضر و يروح يكتب الطلبات
……………………
فى سرايا الزنايته
عبد الله و مختار بيتكلموا فى الجنينه
عبد الله / اجى معاكوا
مختار / هو احنا رايحين رحله يا عبد الله خليك جنب اختك
عبد الله / هو ايه اللى خليني جنب اختى ما هى قامت و بقت زى الفل اهى و بعدين ما انا جيت معاكوا اخر مره و كسبت مغاورى ليه المرادى مش عاوزى اجي
مختار / يا حبيبي هو انا المره اللى فاتت اخدتك معايا أصلا
عبد الله / تصدق معاك حق انا عارف العنوان انا هروح لوحدى
مختار / عبد الله
عبد الله / ايه ؟
مختار / بلاش المرادى
عبد الله / اشمعن يعني ؟
مختار / انت اصلا شبطان ليه اوى كدا ؟
عباده يدخل
عباده / ميا مسا على الناس الكويسه
عبد الله / ما تشوفلك حل فى ابن عمك ده يا اخى
عباده / يا عم انتوا الداخل بينكوا خارج بس من باب الفضول يعني فى ايه مالكوا ؟ انا اصلت كنت حاسس من و انا جاى انكوا شادين يعني
عبد الله / مختار مش عاوزنى اجى معاكوا
عباده / سيبك منه
مختار / عباده
عباده / انت اللى مالك فيك ايه ؟ مش شايفه راجل قدامك ؟ ما ملاش عينك باللى عمله المره اللى فاتت ؟
مختار / ما تهزرش يا عباده مش وقتك
عباده / انا ما بهزرش و بعدين يا سيدى فى رقبتى ما لكش دعوه بيه
مختار / هو ايه اللى ما لكش دعوه بيه ؟
عباده / اركب يا عبد الله اركب اركب
عبد الله يفتح الباب مختار يقفله
مختار / مش المرادى
عباده و مختار يقفوا قدام بعض عبد الله يبصلهم الاتنين
عبد الله / ماشي يا مختار كلامك يمشي
الاتنين يبصوا لعبد الله عبد الله يمشي
عباده / ليه كدا ؟
مختار / ما اقدرش اجازف بيه ما ينفعش يتاذى
عباده / بقي راجل
مختار / عارف و سيد الرجاله كمان بس فى رقبته حريم
عباده / والله و انت فى رقبتك ايه ؟ دلايه ؟
مختار / عمرك ما هتفهم .. اركب اركب
عباده / ركبنا اما نشوف اخرتها معاك
عباده يلف الناحيه التانيه و يركب و مختار يسوق
………………………
فى المخزن
رشيد قاعد فى الارض بيشد جلد على كنبه العربيه و ينجده و يدبسه و يقوم يركب الكنبه و يشيل كرسي السواق و يفك جلد التنجيد و الحشو و يحط اكياس الحبوب على الارضيه و يحط فوقيها السفنج و الحشو و يشد عليه الجلد تانى و فيرا قاعده متابعه واحد يدخل يوشوش فيرا
فيرا / و انت بتقولى الكلام ده ليه ما تروح تقوله
الراجل يمشي
رشيد / فى حاجه و لا ايه ؟
فيرا / ابدا … عاجبنى شغلك على فكره
رشيد / لا دى حاجه بسيطه اصل انتى حوارك ساهل اساسا ما كانش محتاجنى اصلا بس و ماله لجل عيونك يا جميل تعرفى انتى بالطريقه دى تقدرى تعدى الحاجات دى من الجمرك لو تحبى و مهما فتشوا فى العربيه مش هيلاقوا حاجه
فيرا / الا اذا حد بلغ عنك
رشيد / اعوذ بالله من الخونه و الخاينين
فيرا / كتير اوى يا رشيد كتير اوى بجد
رشيد / يا ساتر معلش يا ست الكل هى كدا الشجره المثمره الناس بيزقلوها بالطوب اعداء نجاح بعيد عنك
فيرا / انت عارف انا بقالى قد ايه بحاول اعدى الحبوب دى الحدود … المصريين دول انانيين اوى يا رشيد عاوزين الخير ليهم و بس مش مهم باقي العالم يتالم المهم هم يخفوا و بس
رشيد / شوفى ولاد الحرام اتارى ربنا مش مبارك بس الحبوب دى حلوه يعني
فيرا / جرب
رشيد / على الناشف كدا على العموم اديني عرفت العنوان لا قدر الله يوم ما احتاج هبقي اديكي رنه
فيرا / و انا مش هتاخر عنك
رشيد / لو ما فيهاش يعني اساءه ادب كنت بقول اخد حبايتين احتياطى يعني
فيرا تقوم تجيب كيس صغير و تحدفهوله يشقطه
فيرا / ما يغلاش عليك
رشيد / يلاهوى عليكي و انتى قمر كدا
…………………….
فى مخزن سلاح
امين و سليمان و رجاله عمالين يعمروا سلاحهم و يجهزوا نفسهم
امين / يعني هو مختار ما كانش قادر ينقى يوم تانى غير ده
سليمان / ما حدش بياخد كل حاجه
امين يحط المسدس فى جيبه
امين / انا جاهز هروح اتمم على الرجاله
سليمان / بسرعه مش عاوزين نتاخر
امين يهز راسه و يمشي شاب يدخل
الشاب / العربيات جاهزه
سليمان / و الجى بى اس
الشاب / اكدت عليه بنفسي و كلو تمام
سليمان / قول للكبير اننا هنتحرك
الشاب / تمام
الشاب يمشي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية البر التاني)
2 تعليقات