رواية حكاية نسب الفصل الثامن 8 بقلم بسنت حسين

رواية حكاية نسب الجزء الثامن

رواية حكاية نسب البارت الثامن

رواية حكاية نسب الحلقة الثامنة

انتي بتقولي ايه فصيلة ايه اللي مش مناسبة
انا ابنه ازاي متتوافقش معاه!!!!!!
الممرضة: معرفش يا استاذ بس انا قولت لحضرتك الوضع
جسور طلع تليفونه اتصل علي اخته
جسور: سحر صحيلي ماما واديهالي بسرعة
سحر: خير يا جسور في ايه حصله حاجة ولا ايه
جسور: يا سحر مش وقته اديني ماما بسرعة
راحت سحر تصحي امها وفوقتها بالعافية
مرجانة: ايه ايه في ايه، سحر بنتي انتي رجعتي يا حبيبتي تعالي في حضني
سحر: معلش يا ماما بس ثانية جسور عايزك ضروري علي التليفون
مرجانة: خير يارب، هاتيه طيب، في ايه يا جسور
جسور: امي هو انتي فصيلة دمك ايه
جسور: فصيلة دمي O يا حبيبي
جسور: متأكدة يا امي!
مرجانة: ايوا متأكدة يابني في ايه بس
جسور: طيب يا امي البسي وتعالي عشان تتبرعي لجوزك بالدم فصيلتك تقدر تدي اي فصيلة تاني
مرجانة: مش هتبرع لحد اقفل السكة دلوقت
جسور: يا امي بس….
قفلت مرجانة السكه في وشه وكملت نوم
جسور فضل متماسك لحد ما يقول للمرضة تتصل ببنك الدم ويجيبوا دم من هناك عشان هو مقدرش يتصرف، وفصيلة دم سحر هو عارف انها مش متوافقة برضو.
قعد جسور علي جنب وتاه في تفكيره وانه ازاي لا امه ولا ابوه نفس فصيلة دمه، ازاي جسور مش ابنهم يعني!!!!! طيب هو يتصرف ازاي دلوقت
جه ممدوح وجسور حكاله علي كل حاجة
ممدوح: طيب اهدي متتع صبش احنا نعرف المستشفي اللي اتولدت فيها ونشوف كام طفل اتولد اليوم ده ومين ما ت ومين عايش واهاليهم مين وهنعرف انت اتبدلت من اهلك ولا ايه اللي حصل
جسور: يعني انا افرح دلوقت ولا ازعل، افرح اني ماليش صلة بالراجل ده ولا ازعل اني عشت السنين دي كلها في قه ر وكسرة خاطر عشان الصلة المز يفة اللي بينا!!!!! لله الامر من قبل ومن بعد
ممدوح: خليك قوي يا جسور يمكن ربنا حب يبدلك اهل خير من اهلك او اي سبب تاني بس اكيد ربنا ليه حكمة في الموضوع
هز جسور راسه وسكت
……
عند مرجانة
سحر: بس يا ماما ده كل اللي حصل
مرجانة: الله يكسبها ويريحها داليدا بنت ثريا، والراجل اللي اسمه مرعي ده ربنا ما يوريه راحة طول ماهو عايش
سحر: للدرجة دي يا امي مش طايقاه، طيب اعملي حساب العشرة
مرجانة: كان هو عملها حساب يا بنتي ولا عطي قيمة لحد فينا، الحمد لله ان ربنا مش محكمه علي امر حد، اوعي يا بنتي كده خليني احضر الفطار بدل الكلام اللي لا هيودي ولا هيجيب حسبي الله ونعم الوكيل
…..
في قصر حاتم
داليدا: جواااااااد اصحي ياض بقي ايه النوم ده كله الساعة سبعة، يانهار مش فايت ده انت طلعت متخرشم اكتر من صورة الجرايد
جواد: صباح الخير يا ديدا وحشتيني قوي بجد
داليدا: وانت كمان يا قلب اختك وحشتني، هتروح الكلية ولا ايه
جواد: لا قاعدلك اجباري مانتي ارفعي الغطا هتلاقي رجلي مجبسة
داليدا: ده انت متروق ترويقة ظباط ياض مش ترويقة حرامية ابدا
جواد: حصل ياختي، ده انا اتضر بت انا والحر امي
داليدا: الموضوع فيه ممدوح انا قولت
جواد: اللي حصل حصل بقي كله لاجل الحب
داليدا: اسكت مش رجعتلك حبيبتك امبارح؟
جواد: رجعتيها منين! هي كانت فين!
داليدا: اه منت مركون علي جنب مش هتعرف حاجة بص يا سيدي حصل كذا…….
جواد: كا بوسي اتحقق كان قلبي حاسس وشوفت ده كله في منامي
داليدا: بركاتك يا ست خديجة يامغربية 😂
جواد: داليدا اختي حبيبتي
داليدا: انجز عايز ايه متلفش وتدور
جواد: عايز اشوف سحر
داليدا: مينفعش اصل نسيت اقولك مش طلعتوا اخوات
جواد: نعمممممممممم!
……..
ممدوح ساب حراسة علي المستشفى وراح مع جسور علي المستشفي اللي اتولد فيها وحاولوا يجيبوا اي معلومة يقدروا يوصلولها، كانوا واقفين في الاستقبال قدام جهاز الكمبيوتر
موظف الاستقبال: يافندم اليوم ده كان في حالة ولادة واحدة بس وكانت لبنت مش لولد
جسور: يعني ايه الكلام ده اومال انا جيت منين واتولدت فين هو كل اللي اعرفه هيطلع كد ب!!!!!
ممدوح: احنا كده محتاجين نتكلم مع ست مرجانة
…..
الست مرجانة كانت بترص الفطار علي السفرة في القصر لحد ما نزلتلها داليدا وسحر كمان جات
داليدا: سحر انا جبتلك الدليل اهو، بصي الورقة دي اختبار dna اتعمل واخويا صغير عشان المستشفي كان حصل فيها عملية خطف لاطفال وتبديل كتير وكانوا بياخدوا الطفل للحضانة قبل الاهل ما يشوفوه فكان لازم يتعمل الاختبار عشان يتعرف مين ابن مين
مرجانة: اصلا يابنتي من غير الدليل برضو، جواد مستحيل يبقي اخوكي
سحر: ليه يا ماما اشمعني
مرجانة: عشان.. عشان انتي مش بنت مرعي اصلا
دخل في الوقت ده جسور من باب القصر وقال
وانا ابقي ابن مين يا ست مرجانة