رواية حكايتي مع جاري الفصل الرابع 4 بقلم فاطمة عبد السلام
رواية حكايتي مع جاري الجزء الرابع
رواية حكايتي مع جاري البارت الرابع
رواية حكايتي مع جاري الحلقة الرابعة
مراد: الحمدلله احسن دلوقتى لو حد ضايقك تقولي لكريم علطول دا زاي اخوكي الكبير يا سلمي
_طبعا يادكتور مراد في حاجة تاني
مراد: لا روحي انتي دلوقتى واستني يا مريم انا عايزك
_طب اطير انا بقي وابقي حصليني يامريم
مريم بصوت واطي: سلمي استني سلمي
انا كنت مشيت وسبتها عند العميد ،نرجع لهم تاني
مريم بخوف:في حاجة يادكتور انا عملت حاجة 😂
مراد بضحك علي شكلها: لا مافيش بس انا عايزك لكريم ابني عارف إن الوقت والمكان مش مناسب بس انا عايز اعرف رأيك؟ قولتي اي
مريم بكسوف: مش فاهمه عايزني لدكتور كريم ازاي
مراد: قال يعني مش عارفه أنه معجب بيكي هههههه، عايزك تبقي مرات يا ستي قولتي اي انا بس عايز اعرف رأيك عشان إذا كنتي موافقه نيجي انا وهو نطلب إيدك رسمي من والدك
مريم بكسوف وفرحة من جواها: دكتور كريم محترم وجميل قصدي في الشكل والأخلاق والف واحده تتمناه بس انا….
مراد: بس انتي اي لو قصدك علي المستوي وكدا فأنا اكتر واحد عارف ظروفك وانا راضي وابني راضي محدش ليه عندنا حاجة المهم انتي تكوني راضيه
مريم: راضيه يا دكتور مراد
مراد بفرحة: يبقي علي بركة الله يا حبايب قلبي كلمي والدك وخديلنا منه معاد عشان نيجي نطلبك رسمي وانتي معاكي رقم كريم ابقي ابعتيله واتس وعرفيه المعاد وبعدين اسمي عمو مراد دكتور دي بقي تقوليها قدام الطلاب بس فاهمه
مريم: تمام يااا عمو مراد حلو كدا وحاضر هكلم بابا اول لاما اروح
مراد: تمام يا حبيبتي ربنا يسعدكم
مريم وكريم مع بعض: يارب ❤️.
خلصنا يومنا في الكلية زاي كل يوم وروحنا ومريم حكتلي كل حاجة بصراحه فرحتلها جدا لاني عارفه انها بتحب بس كانت خايفه تقوله كدا.
***************************
عند مريم في البيت،
مريم: بابا مساء الخير بصراحه في موضوع عايزه اتكلم معاك في لوحدنا واخد رأيك فيه ضروري
الاب(محمد): مساء النور خير ياحبيبت ابوكي قولي انا سمعك
مريم: بصراحه في دكتور عندنا في الكلية معجب بيا وهو قالي كدا كذا مرة بس انا رفضت أنه يكلمني مع اني كمان معجبة بيه لانه محترم جدا يابابا وملتزم كمان بس في حاجة…..
محمد: في اي قولي الحب مش عيب طالما في الحلال يابنتي وانتوا مكلمتوش بعض من ورانا صح
مريم: طبعا يا بابا معملناش كدا لانه حرام بس المشكلة أنه….
محمد:قولي بقي خوفتيني
مريم: المشكلة أنه يبقي ابن العميد بتاع الكلية عندنا وهم ناس اغني مننا يا بابا بس هو عايزني والعميد بتاعتنا كلمني النهاردة وطلبني لابنه وقالي اكلم حضرتك اخد ليهم معاد عشان يجوا يطلبوني رسمي وكدا قولت اي حضرتك
محمد: المهم انتي مرتاحه له يابنتي ولا لاء وصح هو اسمه اي واسم والده اي عشان لاما يجوا
مريم: اه يا بابا مرتاحه جدا واسمه كريم و والده دكتور مراد فاكر الدكتور اللي قولتلك عليه ساعدني انا وسلمي اول امبارح في الكلية واداني رقمه
محمد: خلاص علي بركة الله قولي له يجي…بكرة علي الساعة 8 باليل لو مناسب ليهم ، واه فاكره هو دا
مريم: تمام ياحبيبي هبعتله واقوله دلوقتى، واه هو ياحبيبي
محمد:تمام ياحبيبتي ربنا يسعدكم يارب ياقلب ابوكي، اخيرا هفرح بيكي يا دكتوره مريم
مريم: حبيبي يا بابا يارب، واه اخيرا هتخلص مني وانت الصادق ياقلب الدكتوره وقعدوا يضحكوا.
مريم دخلت اوضتها ،
بعتت رساله علي الواتس لكريم لقته قافل بس كان فاتح من خمس دقايق
مريم: اكيد لسه صاحي هرن مرة وافصل رد رد مردش خلاص أما يفتح هيشوف الرساله
مريم رنت وكريم رد بس ماكنش يعرف انها هي لأن مكانش معاه رقمها،
كريم: الو سلامو عليكم مين
مريم بكسوف فهي اول مره تكلم شاب في الفون وكمان اللي بتحبه:الو سلامو عليكم انا مريم يا دكتور كريم
كريم بفرحة: اهلا اهلا عامله اي كلمتي والدك ولا لاء
مريم: اه كلمته وقالي اقولك تيجي انت و والدك بكرة الساعة 8 باليل لو مناسب ليكم وكدا
كريم بسرعة: طبعا طبعا مناسب وانا هعرف بابا الصبح لانه نايم دلوقتى وبعدين بلاش كلمة دكتور دي قولي لي كريم بس اتفقنا
مريم: اتفقنا يادك قصدي يا كريم واتكسفت تاني 😂
كريم: ايوا كدا خلي كلمة دكتور دي في المحاضرة قدام الطلبة كدا يعني بس اشطا مريومه
مريم بكسوف: اشطا ياكيمو هههه
وضحكوا وبعدها قالوا لبعض تصبح علي خير وبعدها مريم رنت عليا
مريم بلهفة: سلمي سلمي ياحبيبت قلبي
_ بضحك مالك يابت في اي شكلك كدا كلمتي ابوكي و وافق صح
مريم: ايوا ايوا، وحكتلي كل اللي حصل من ساعة ما قعدت مع والدها لحد ما قفلت مع كريم
_ وانا كمان عندي خبر حلو ليكي ياقلبي
مريم: اكيد ليه علاقه ب مصطفى صح اي عملتي اي قولي بسرعة
_ ولا حاجة يا ستي اقنعته أنه يصلي ووعدني أنه يرجع مصطفى بتاع زمان اللي حبيته وانا كمان وعدته لو نفذ وعده هنفذ وعدي وارجع له و اوافق عليه لاما يتقدم لي
مريم: يافرحت قلبي يارب يرجع لك يارب ياقلبي ويتمملي علي خير انا كمان، بقولك
صح
_ يارب ياقلبي يارب أنا وانتي ، اي قولي ياقلبي
مريم: ماليش دعوه انتي لازم تكوني معايا بكرة انا ماليش غيرك لازم تيجي ياسلمي انتي وخالتو وأسما والنبي ولو جبتي أيه معاكوا بالمرة يبقي عملتي فيا خير
_بضحك ناقص تقوليلي هاتي مروان بالمرة
مريم: ايوا صح لازم يجي عشان يوصلكم وياخد باله منكم الله
_بضحك والله هبله هقول لماما واجيلك ياقلبي انا عندي صاحبه غيرك افرح لها يعني يالا بقي تصبحي علي خير ياحب❤️
مريم: قلبي والله مش بحبك من فراغ وانتي من اهل الخير ياقلب الحب 😍.
*****************************
عندي في البيت،
قفلت مع مريم وطلعت جري علي ماما قبل ما تنام ،
_ ماما يا ماما ياحته سكره
ماما: عايزه اي يا بت طالما قولتي كدا يبقي عاوزه حاجة قولي يالا عايزه اي
_ دايما فقساني كدا 😂 بوصي يا ست الكل
ماما: بصيت يا ست البنات قولي
_ مريم هيطلبوا أيدها بكرة لدكتور كريم اللي قولت لك عليه وهيروحوا عند أهل مريم الساعة 8 باليل ومريم عايزاني اروح لها انتي عارفه مالهاش حد غيري وكدا ينفع اروح
ماما: اولا الف الف مبروك وربنا يتمم على خير ثانيا انتي لازم تروحي لو مروحتيش ليها هتروحي لمين يعني وانا وأخواتك هروح معاكي كمان اي رأيك
مروان دخل فجأة زاي كل مرة:هتروحوا فين إن شاء الله
_مريم هيطلبوا أيدها بكرة لدكتور كريم ابن العميد بتاع الكلية عندنا وهيا عايزاني اروح لها وكدا فسألت ماما ينفع اروح لها ولا لاء قالتلي ينفع وكمان هتيجيوا معايا تعالي انت كمان يا مروان وهات أيه عشان خاطري
مروان: خلاص ياحبيبتي هاجي انا كمان معاكوا وهجيب أيه معايا تصبحوا علي خير
انا وماما: وانت من أهله ياحبيبي
ماما:خلاص ارتاحي بقي روحي نامي بقي
_حضنتها جامد وقولت لها تسلميلي يا احسن ام في الدنيا بحبك خلاص هكلم مريم الصبح واقولها تصبحي علي خير يا ست الكل
ماما: قلب ست الكل ماشي وانتي من اهل الخير يا ست البنات……. استوب هنام انا كمان بقي واشوفكم البارت اللي جاي تصبحوا علي خير 😂
وتتوقوا اي اللي هيحصل البارت الجاي واي اللي هيحصل مع مريم وكريم 😉
يتبع…
لقراءة الفصل التالي : اضغط هنا
الرواية كاملة اضغط على : (رواية حكايتي مع جاري)
تعليق واحد