رواية ذات الوجهين الفصل الخامس 5 بقلم منة محمد

رواية ذات الوجهين البارت الخامس

رواية ذات الوجهين الجزء الخامس

رواية ذات الوجهين الحلقة الخامسة

في اذاعه الراديو للشرق الاوسط واقفه وسط زميلتها الي هيدربوها لـ اول اتصال عشان تكون مذيعه مميزه بأدائها ونبره صوتها حتي لو هتبقي من خلف الشاشه دخل ومعاه بوكيه ورد رقيق ولوحه متغلفه
نور ببتسامه جميله: مساء الخير للجميع
ضحي شاورتله من بعيد: نور هاي
نور ابتسم وشاورلها: هاي
ياسمين سابتهم وراحت عليه بفرحه وقربت عليه: اهلا يانور
نور قدملها البوكيه: مبارك ع الشغل في اول يوم
ياسمين بخجل من كلامه : شكرا والله يبارك فيك
نور فتح اللفه من ع لوحه برسمتها: دي لوحه رسمتها عشانك
ياسمين شهقت بفرحه وفضلت تتنطط من السعاده: الله جميله اوي اوي يانور
نور: علقيها في اوضتك يا حضره المذيعه
ياسمين متوتره: اسكت شويه وهطلع وامسك ميكرفون الاذاعه ومرعوبه لمعرفش اجمع كلمتين
نور ضحك اوي وضغط على ايدها بتشجيع: لاء انا واثق فيك وبعدين اتعاملي عادي وواحده واحده بأذن الله هتبقي ولا اسامه منير
ياسمين بتكشيره: اسامه منير طب قول زي مروه عزام كدا
نور ابتسم: هتبقي اشهر منهم وهيبقالك مكانة مميزة فى قلوب وأذهان مستمعىين الراديو.
ياسمين: طيب تعال اقعد عبال ما اخلص
نور: لاء انا عندي شغل متراكم لكن هسمعك في الراديو وبالليل نتقابل في الجنينه كلنا ونحتفل بأول الو
ياسمين ابتسمت ع كلامه وهو استأذن ومشي واخد ضحي يوصلها في طريقه
وياسمين رجعت تحضر نفسها لـ اول مكالمه الي هتثبت فيها نفسها عن طريق صوتها وردودها الي هتفضل في أذهان مستمعىن الراديو وبالفعل طلعت قعدت وجنبها مذيعه موجهه هتحاول تساعدها كأول يوم وجالها اول اتصل
ياسمين: الو
المتصله: السلام عليكم
ياسمين: وعليكم السلام اهلا وسهلا
المتصله بقهر: انا تعبانه اوي اواي
ياسمين: وحدي الله واهدي مالك بس يا حبيبتي
المتصله: انا عايزه اقولك حكايتي عشان الناس كلها تسمعها وتدعي عليهم يبتليهم بالمرض
ياسمين: هما مين دول ,,بس قبل ما تحكي ممكن تهدي عشان نسمعك اتفضلي انتي معانا ع الهواء
المتصله: جوزي خاني واقام علاقه لسنين وانا ياغفلين ليكم الله
حنان زميلتها ردت: وامتي اكتشفتي الخيانه
المتصله: من يومين تلاته
حنان نغزت ياسمين تسألها فسألتها ياسمين: وازاي عرفتي
المتصله: شوفتهم بعيوني فتحت الباب لقتها الواطيه نايمه معاه ع سريري نايمه في حضن جوزي
ياسمين: وانتي كنتي تعرفيها ولا اول مره تشوفيها
المتصله :ايوه والي وجعني اكتر انها صحبتي اه كان نفسي اقتلهم الاتنين
ياسمين اتأثرت: ممكن تهدي الاول من فضلك
حنان ردت للان لقت ياسمين مش عارفه ترد الرد المطلوب للمشكله فقالت: طيب لما مسكتيهم متلبسين كدا عملتي ايه
المتصله بغل: ضربتها وضربته المايل الي ربنا ينتقمله منه من غير رحمه
ياسمين كتمت ضحكتها : لاء ضرب ايه بس الامور دي مينفعش فيها العنف لان ده مش هيحل المشكله ووممكن يدخلك انتي في ورطه كبيره
المتصله بنفعال: كنت اعمل ايه الغضب عماني والله لو كان في ايدي مسدس كنت ضربتهم بالنار ومش مهم ابقي مجرمه المهم اشفي غليلي واخد حقي
ياسمين بصت لحنان: اقولها ايه
حنان بهمس: هديها
ياسمين: اهدي حبيتي الامور دي بيبقي فيها المنطق اكتر لازم تحضري عقلك عشان تحليها لصالحك
المتصله: اي منطق واي عقل بيحضر في اللحظه دي اي ست تشوف جوزها في حضن واحده تانيه تتكلم بالمنطق -عيطت بحرقه_ ازاي يعملوا فيا كدا
حنان : اهدي حبيبتي احنا حاسين بيكي اعذائي المشاهدين هنخرج فاصل وبعد الفاصل هنرجع نتكلم تاني وهنرجع نتكلم مع المتصله وتقدري تسيبي رقمك في الكنترول
ياسمين مسكت خدودها: بس ايه رايك يا حنان عرفت ارد عليها ولا اتعاملت مع المشكله ببرود
حنان ببتسامه بسيطه: مفيش مشكله مع المشاكل والردود هتعرفي تردي رد منطقي اكتر يله تعالي نروح لزميلنا
ياسمين راحت معاها وقعدت ع تربيزه وسطيهم: اه اول يوم يتعرض عليا مشكله صعبه اوي بجد
حنان: بس كنتي حلوه ورديتي عليها
ياسمين :انتي كمان موجهه هايله
هبه زميله اخري: بس بزمتك يا ياسمين لو حصل معايا كدا بعيد الشر وجوزي اتسرق ممكن ابقي هاديه مع الست الوضيعه واطبق نفس رايك
ياسمين رد بعدم خبره: اكيد العقل مطلوب
هبه :انا معترضه ع رايك دي صديقتها وهي اتجرات تسرق راجل من مراته لازم تنول عقابها وتاخد الي تستحقوه
هبه :اي عقاب غير انها تقتلهم
حنان :لاء مقلولتش تبقي مجرمه وتدخل السجن بس انا بفكر معاكم بصوت عالي ولو انا مكانها صدقيني هرحب اكون ارمله المغفور ع عينه بس ممكن ائجر فتوه يضربهم لما يطحن عضمهم
ياسمين ضحكت اوي: ضرب مبرح لحد ما يقعوا في الارض بس ايه الفايده الراجل الخاين صدقيني ميتبكيش عليه ومهما تعملي هيفضل ع وضعه وهيقابل عشقته في السر
حنان بنفعال : في الحاله دي مش هضرب لاء انا هكسر صف سنانها واقطعلها شعرها عشان جوزي يقرف يبصلها ويسيبها
ياسمين ضحكت :انتي دمك زي العسل ومعتقدش جوزك يعرف واحده غيرك
هبه بعقل : بصراحه يا بنات الموضوع صعب جدا الخيانه شئ وحش اوي
حنان حطت ايدها على كتافها وبجديه: ايوه وعشان كدا يا سمين ردك ع المشكله مستحيل ينجح ابدا
ياسمين :حتي لو منجحش يبقي كل واحد فيهم يروح لطريقه وهو في سكه وهي في سكه لان الراجل الخاين ملوش قيمه عشان تتمسكي بيه
…………ذات قصص منه محمد ……….
ذات دخلت وخلت الشغاله تدخل الاكياس الكتير لانها خرجت من الصبح تعمل شوبنج بطريقه اوفر
محمد شاف الكياس والاوضه الزحمه اتصدم وسألها: انا عايز افهم انتي جايه هنا تكملي تعليم ودراسه ولا تتسوقي وتعملي شوبنج
ذات: انا مش بحب المذاكره عشان اتعلم عشان كدا انا شاطره في الي بفهم فيه الشوبنج
محمد بسخريه:انتي حتي مكسله تحاولي وعماله تفشلي كنتي زمانك متخرجه حتي عشان تقفي جانبي وتساعديني
ذات بتهكم :ليه هو انا كنت بتجوزك عشان اساعدك
محمد :المفروض ده كان يحصل من غير ما اطلبه منك ,,ابويا طلب مني افضل هنا فتره اتعلم الشغل واتوسع لانه بقي راجل مريض ولازم اجتهد عشان اقدر اتولي ادراره الشركه مكانه ولازم انجح واكبر
ذات نفجت بضجر :انا زهقت مليت ومش عايزه اتعلم ولا اكمل انا سبت الكليه خلاص فرتاح بقي وبطل تجبرني ع حاجه انا مش حباها
محمد :ازاي ليك عين تبجحي فيا كدا
ذات :محمد ممكن منتخانقش وتعال نخرج نتعشا برا وبعد العشا نروح ديسكو نرقص وبعده
محمد قاطعها ببرود وبلهجة حازمة:احنا هنتعشي في البيت ومفيش خروج تاني ولا سهر بالليل
ذات وقفت بعصبيه: انتي بتعارضني مش كدا
محمد بتحذير:ولو عملتي شغل الجنان الي عملتيه المره الي فاتت انا برضو مش هنفذلك رايك لان انا اتحملت منك بما فيه الكفايه وكفايه اوي المجوهرات الي اشترتيها من محل شريكي في القاهره ووقفي اسراف وتبذير انا فلوسي مش لقياها في الشارع ومن هنا ورايح مصروفك هينزل النص عشان تتحكمي في ايدك
ذ ات صرخت في وشه :انت مجنون النص واعيش بيه ازاي
محمد :بطلي شوبنج وخروج وبعزقه ووقتها هيكفيكي ويفيض
ذات ضربت الارض برجولها بغيظ وزعقتله: اياك تهددني ومش هكمل حتي لو حوشت عني فلوس الدنيا عمري ما هسمع غير لنفسي
محمد بصلها من فوق لتحت وخرج وشه مكفهر
ذات خطفت الموبيل واتصلت : بابا مش هقدر اكمل العيشه هنا انا راجعه مصر ع اول طياره
مهدي :بتقولي ايه انت لسه عروسه مكملتيش سنه ولا فيه مشاكل مع جوزك
ذات بغرور وهي بتكلمه : بابا ابعتلي ثمن التكت وبسرعه ومعاهم مليون جنيه
مهدي: وبتطلبي كمان مليون هتعملي بيهم ايه
ذات : تكاليف العيشه هنا غاليه ومكلفه جدا ولا انت مش عارف
مهدي :ومحمد مقصر
ذات بصوت عالي مستفز: ايوه وبخيل جلده ومجوعني وبيهددني هيقطع مصروفي كمان بسرعه ابعتلي الفلوس ومعاهم التكت للرجوع لمصر لاني طهقت من جوزي المتنمر البخيل
محمد هنا متحملش قله ادبها انفعل من اسلوبها وحركتها وشد منها الموبيل: عمي مهدي بنتك بتتهمني بالزور والموضوع مش نفس ما حكتهولك
ذات شدت منه الموبيل بهمجيه: لاء انت كداب
محمد من غيظه رماه الموبيل في قلب التربيزه اتحطم وزقها وقالها بخشونه:ذتي في قله ادبك
ذات بكل غضبها وغيظها هجمت عليه تضربه مسك ايدها
محمد شاور ع الموبيل الغالي جدا: اشتريه لنفسك ( واتك ع معصمها بتحذير مرعب )واياك تمدي ايدك عليا مره تانيه اياك
زقها وخرج وذات مسكت كل الكياس وفضلت ترمي فيهم وتصرخ بهستريا
……..قصص منه محمد كاتب……..
جيهان: مالها ذات يا مهدي
مهدي قعد بهموم: معرفش فضلت تصرخ وتزعق
جيهان: طيب انت اتكلمت معاها وعرفت فيه ايه
مهدي بحسره: بنتك بتتهم جوزها بالتنمر والبخل وطالبه مني مليون جنيه
جيهان: طيب تعال نتصل بيها ونشوف مالها
مهدي مسك دماغه بقهر: كنت مفكر قلقي انتهي لكن شكله هيبقي اكبر واسوء
جيهان: وهتعمل ايه في الفلوس
مهدي بضيق: اجبلها منين مانتي عارفه الي فيها شركتي بتقع وكل يوم في النازل بسبب مصاريف بنتك وطلباتها الي بملايين وكله عشان ارضيها ومحرمهاش من حاجه
جيهان: خلاص قولها وعرفها الحقيقه وخليها ترجع
مهدي: احنا الي بوظناها يا جيهان بالدلع والدلال
جيهام بهجوم: فين الدلال ده الي بوظها ،،بنتي احسن بنت في الدنيا والكل بيحبها وهتتخرج وتاخد شهادتها ويبقي مفيش حد احسن منها( وقامت وسابته طلعت تنام)
مهدي بصلها بغيظ وزهق وقام عشان يطلع وراها مره واحده مسكه قلبه وسند ع الجدار وكمل بصعوبه وبطلوع الروح لكن التعب والقهر كانوا اقوي منه ووقع ع اول سلمه ومات وهو مفتح عيونه الي نازله منها دموع قهر الرجال

في الجنينه قاعدين بيحتفلوا في جو حميمي كله ضحك وسعاده
نور بيحدف قشر الترمس ع ياسمين الي بتضربه علي ايده: نور بطل تغظني الله
زبيده بحنان مسحت على شعر بنتها : ع فكره يا ياسمين ردك ع الست مكنش في محله
ياسمين ابتسمت: يا ماما يا حبيبتي دي اول مره يتعرض عليا مشكله ومن النوع ده وبصراحه اتلبكت بس حاولت ارد بالمنطق
ضحي حطت ايدها تحت خدها : يعني لو مثلا كنتي في مكان ياسمين يا ماما كنتي هتردي علي صاحبه المشكله بأيه
زبيده بصت لزوجها: كنت هقولها شرحيه بطاطس محمره وخاليه فضحته بجلاجل
الكل ضحك ع طريقتها وع اسلوبها حتي ابو ياسمين ضحك جامد
زبيده: والله صعبت عليا يا ولاد الخيانه دي زيها زي الحرامي الي بيسرق من ابوه عشان يأكل صحابه الحراميه فلا الحراميه بيكافئه ولا ابوه بيسامحه
ابو ياسمين بكل جديه : بس انا متفق مع راي ياسمين لازم تحافظ ع الهدوء مش تصرخ وتنهار
نوربهدوء: انا كمان متفق مع عمي جدا وممكن تغفرله اي نعم مش في لحظتها لحد ما فعلا تحس بندمه فتسامحه ومتجرحش مشاعره
ياسمين: انا معاك جدا لان ممكن يكون خانها لكن غصب عنه يعني ممكن تقصير منها
زبيده: المهم الراجل لازم يبقي محترم عشان ينفع تختاره الست شريك حياتها ولازم يبقي عنده ثلاث مؤهلات
ابو ياسمين : ايه هما يا منبع المفهوميه
زبيده: يكون الحمايه الاشهار الطاعه
ضحي بمزح: عروستي
زبيده: الحمايه انه يحميكي من الدنيا لو في يوم جات عليكي
ياسمين: وانتي لقيت الصفه دي في بابا يا ماما
زبيده بتكشيره: لاء انا الي طول عمري بحميه
الكل ضحك لما ابوهم شخط فيها وضحي ضمته وباسته في خده
ضحي مسكت ايده: ده بابا ده لطيف جدا
ياسمين: كملي يا ماما الثلث مؤهلات
زبيده: الاشهار لما يعلن ليكي وللدنيا كلها انه بيحبك
ضحي بنظره خبث: وبابا اعلن يا ماما
زبيده ضحكت اوي: اعترف متأخر لما بقي جوزي
ضحي: اخر واحده الطاعه
زبيده هزت دماغها: ايوه انه يظهرلك انه مستعد يقدملك الدنيا
ضحي: بابا عطاكي ايه
زبيده بهزار: عطاني ع قفايا حتي الورده كنت انا الي بشتريها لنفسي واقول لـ امي هو الي جبهالي
ابو ياسمين بصلها بغيظ وبعدين ابتسم : بقي انا معطتكيش حاجه يا ام البنات
زبيده بنظره كلها حب: انتي عطتني احلي بنتين في الدنيا يا ابو بناتي ياغالي(بصتلهم) ياولاد انا بهزر انا لو لفيت الدنيا مستحيل القي راجل زي ابوكم تاني
ضحي وياسمين: يا زيدي يازيدي
نور: في النهايه الاحترام والتفاهم بين اي اتنين هو اساس الحب واستقرار اي بيت سعيد صح كدا يا طنط زبيده
زبيده ببتسامه وبتف قشر الترمس: صح يا نن عين طنطك زبيده
اثناء كلامهم رن تلفون ابو ياسمين برقم غريب فرد وقال: لاحول ولا قوه الا بالله
زبيده بخضه:في ايه يا بو البنات
ابو ياسمين بنبره كلها حزن: مهدي الدمنهوري مات
نور اتنهد: الله يرحمه
ابو ياسمين: يله كلنا نروح نعمل الواجب مدام جيهان زمانها لوحدها
زبيده: حاضر يا خويا ياسمين بسرعه ناوليني العبايه السوده
الكل راح يتحضر بالاسود حتي نور رجع ع بيته يلبس بدله سوده ويقف يعمل الواجب مع ابو ياسمين!!!!!!!
…………..
يوم العزاء بعد الجنازه
زبيده بتمسد ع كتفها: شدي حيلك خليكي قويه عشان ذات
جيهان بدموع: مهدي راح واخد القوه معاه
ياسمين بعطف وشفقه: ذات جايه امتي يا طنط
جيهان مسحت دموعها: جايه من لندن ع المغرب
جيهان انهارت في العياط: يوم ما اتوفي كانت بتكلمه وطلبت منه انها عايزه ترجع لانها مكنتش مبسوطه هناك حاسه بالغربه والوحده نفسها تبقي وسطينا وخصوصا معاكي يا ياسمين
نور مسك ايدها: فعلا الي يبقي مع ياسمين حالته تتحسن
جيهان: ربنا يسعدها طيبه وبنت حلال
زبيده طبطبت ع رجليها: ده من ذوقك يا جيهان
ذات في الحظه دي دخلت وشافت ايد نور ماسكه ايد ياسمين وحست بالحقد والغيره وحاولت تداري نور لف وشافها ورفع ايده الي لسه ماسكه ايد ياسمين وبصلها بمعني انتي حب انتهي وعدي وراح
جيهان الي شافتها قامت بلهفه وضمتها: ذات
ذات حضنتها وبكت: ماما بابا مات وسابنا خلاص
ياسمين قامت تجري عليها واخدتها جوه صدرها وبحنان: شدي حيلك
ذات خرجت من حضنها: الشده ع الله
محمد همس في ودنها: هخرج استقبل الناس
ذات هزت له دماغها: تمام
نور همس لياسمين: هروح اشوف لو فيه حاجه ناقصه الصوان
ياسمين: متغبش عليا
نور طبطب ع كتفها ورفع عيونه وبص لذات الي بصاله من طرف عينها وضربها بنظرات من نار!!
ياسمين شدت ذات جنبها وبحنان: امسحي دموعك وادعيله الحزن مش هيرجع الغالي الي راح
ذات بجمود:اتصدمت معرفش انه هيموت ويسبنا قريب اوي كدا ومتشكره طبعا لانك كنتي جنب امي
ياسمين مسحت ع شعرها برفق:متقوليش كدا لما كانوا اهلي في مشكله انتي وقفتي جنبي وساعدتيني
ذات :طمنيني عليكي انتي عامله ايه يعني انتي ونور بقيتوا سوي وكمان ماسك ايدك انتم ارتبطوا
ياسمين هزت لها دماغها بـ ايوه
……..قصص منه محمد كاتب……….
بعد الجنازه نور اخد ياسمين يوصلها ونزلت مضايقه
نور وقفها وركز عيونها عليها: استني يا ياسمين متدخليش محتاج اتكلم معاكي الاول شوفتك بتتتوشوشي انتي وذات وبعدها فضلتي ساكته ومكشره ومقولتيش حرف معايا ايه الي قلتهولك خلاك ساكته كدا!!؟؟
ياسمين: سكوتي مش سببه ذات
نور بستفهام: امال سببه ايه
ياسمين بنظرات زايغه: خايفه يكون ارتباطك بيه عشان يعني
نور قاطعها لما حط ايده قدام شفايفها عن بعد: ياسمين انتي شوفتني في اسوء حالتي وانتي ساعدتيني ووقفتي جانبي لحد ما فوقت وصحصحت لنفسي وع فكره انا برا قابلت بنات كتير( مسك ايدها وباسها بكل رقه ولطف ) بس انتي الاولي صدقيني والانسانه الي حابب وراغب اكمل حياتي معاها
ياسمين: شوفتك واقف مع محمد قالك حاجه
نور اتنهد تنهيده من أعماق قلبه وبص للسما وقال: سألني انت ارتبطت مع انسه ياسمين قولتله ايوه والراجل عبر انه مبسوط عشانا وباركلي ان عندي حبيبه لطيفه ورقيقه زي الانسه ياسمينا فحيث كدا تقبلي يا ياسمينه حياتي تتجوزي من العبد لله
ياسمين بصتله ووشها احمر جدا وبسرعه كسرت عيونها عنه وابتسمت بخجل
نور بمزح: ارجوكي اتجوزيني
ياسمين: انت متأكد
نورمسك ايدها وحطها ع قلبه: عمري ما اتأكدت من حاجه زي منا متأكد دلوقت ها موافقه تتجوزيني (ابتسم بشقاوه ونكش شعرها) انبي يا ياسمين وافقي وارضي بيا
ياسمين ابتسمت له ببراءة : لو متأكد بجد فأنا موافقه
نور بفرحه حقيقيه: بجد وافقتي مش هتغيري رايك
ياسمين بتهديد مصطنع: لاء شكلي هرجع في كلامي تاني
نور ضحك بسعاده واحتواها بين دراعته وفضل يلف بيها بفرحه: انا فرحان اوي اوي
ياسمين ابتسمت وخرجت من حضنه :نور يا مجنون هدوخ
نور بسعاده لا توصف: وعشان مجنون هروح اقتحم بيت ابويا وافرح ماما نورهان
ياسمين ركزت عينها في عينه ونور شد شفايفها لقدام بمزح وراح وفضل يضرب كلاكسات وبصوت عالي: اصحي يا منطقه لحد ما خرج كل سكان المنطقه لدرجه ابوه طلعله بالفانلا الحملات ونورهان ببجامه النوم
رفعت بيقفل جاكت البيجامه وبنص عين: فيه ايه يا مهبوش
نورهان: فيه ايه يانور
نوربيتنفس بسرعة من الجري: اصحوا معايا عشان تسمعوني كلكم من بكره جهزوا نفسكم واستعدوا عشان رايحين لبيت حبيبتي وروحي نخطبها
رفعت: حبيبتك مين
نور :ياسمينا وافقت تتجوزني يا بابا
نورهان زغرتت وعيونها دمعت :بجد فرحت اوي يانور ربنا يسعدك يا ضنايا .. والله كان نفسي أشوفك واقف مع عروستك قبل ما اموت
رفعت بستياء: انا الي هموت خرمتي طبله ودني هرقص ازاي ع الغزاله رايقه
نورهان : انا فرحانه قوي يا حبيبي.. ربنا يبشرك بالجنة يا ه ه انا اسعد واحدة في الكون..
نور ضمها: بعيد الشر عليكم انتم الاتنين
نورهان: انت ارقص وانا هروح اوضب الجنينه واغسل الاطباق وكل المواعين
نور ضحك بسعاده لفرحتهم وقال:مطبخ ايه يا ماما ايه العلاقه
نورهان بحماس: لاء ده انا بعد قرايا الفاتحه هنصب في الجنينه ليله وهفرش اكبر تربيزه امال ايه انا عندي كام نور وياسمين ( ومشت ع المطبخ باستعجال )
نوربفرحه كبيره: بابا حبيبي
رفعت: نعم يا حبيب ابوك
نور مبتسم: لازم تكلم عمي نخطب ياسمين
رفعت انبسط هز رأسه بموافقة :ده يوم المني يا حبيبي
نورباس دماغه: انت الي حبيبي وقلبي كمان
رفعت: بس قبل ما نكلمه فيه حاجه مهمه لازم نعملها
نور بعلامه استفهام: ايه هي؟؟!!
رفعت صفر وضحك اوي: لازم نحتفل ع الغزاله رايقه
نور ضحك بصوته كله: تموت في الهيصه يله نرقص ع الغزاله رايقه