رواية رؤيه الفصل الثالث 3 بقلم شهد ياسر
رواية رؤيه الجزء الثالث
رواية رؤيه البارت الثالث
رواية رؤيه الحلقة الثالثة
برقت خالتي من صدمتها لكنها حاولت تنكر دا واتكلمت بعصبيه شديده ووقفت قدامي ومسكت دراعي بعنف شديد .
: أنتي أتجنيتي يا بنت أنتي ولا عقلك جراله حاجه بسبب حملك دا ؟ اختك ايه ! أنتي ملكيش اخت .
زقيت ايديها ورديت عليها بنفس العصبيه وانا بطلع من شنطتي الصوره وبوريهالها .
_ودا ايه دا ها؟ لو انا فهمت غلط ليه البواب سألني علي اختي؟ ولو الاتنين انا فسرتهم غلط ايه الي مكتوب ورا الصورة دا ؟
لفيت الصورة وبدأت اقرا بصوت عالي
_عائلتي العزيزة : زوجتي رحمه ، اطفالي التؤام رؤي ورهف .. احبكم . امضاء اخر فرد من الأسرة والذي يحبكم حب لم يحب أحد بحياته كهذا الحب خالد .
خلصت قرأه ودموعي خانتني قدام ناس لا في قلوبهم رحمه ولا شفقه علي حالي .
سقفت خالتي بسخريه وهي بتقرب مني ووقفت قدامي .
: لا يا روئ برافو مستواكي فالتمثيل هايل ، عايزة تعرفي الحقيقه هعرفهالك .. هعرفهالك يا رؤي .
الحقيقه ان انتي ليكي اخت فعلاً وتؤام بس انا مربتهاش لما مامتك وباباكي ماتوا كنا احنا علي قد حالنا بنغمس العيش بالمايه عشان نسد جوعنا اكيد مكناش هنقدر نربيكم كلكم واحنا فالحاله دي يعني اربع عيال وست وراجل ٦ أفراد محتاجين يكلوا كنا نعملها ازاي دي لو احنا انا وعمك سعيد جينا علي نفسنا مكناش هنعرف برضو ازاي كنا هنكبركوا ونعلمكوا ونوكلكوا وكل دا ؟ اختك احنا ودناها دار ايتام بس بعدين عرفنا أنها ماتت .
مشيت لاول كرسي يقابلني بعد ما حسيت أن رجلي مش شيلاني وقعدت عليه وانا مصدومه صدمتي كانت كبيرة لدرجه اني كنت حاسه اني هيغم عليا وقولت بهدوء غير متوقع.
_ ومودتنيش معاها ليه؟
صوتي بدأ يعلي تدريجي واطلع من هدوئي دا
_ليه مسبتونيش اموت معاها ليه؟
نهيت كلامي ومقدرتش امسك نفسي من اني اعيط.. دي كانت أول مرة اعيط كدا أنا حتي مش عارفه بعيط ليه ؟ بعيط علي اختي اللي ماتت و مشوفتهاش ولا بعيط علي روحي وعلي اللي أنا وصله ليه ولا علي قسوة قلب جوزي وخالتي!
وانا بعيط حسيت بحد بيقرب مني وبيربت علي كتفي ..
*__________________________*
بعد ما امي قالت كدا كنت باصصلها بشوف ايه ردة فعلها الكلام كان صعب اوي حسيتها داخت وكانت هتقع كانت ماشيه وكأنها من غير روح أو أكن طيف ماشي قعدت بسرعه علي أول كرسي شافته عيونها اتكلمت الاول بهدوء رهيب محدش كان يتوقعه بس بعدها اتحولت وكأنها كانت شخص من شويه ودلوقتي شخص تاني خالص فضلت تزعق و سألتها لي مسبتهاش معاها تموت!
انا قلبي وجعني اوي وقتها معقول كانت عايزة تموت و تسيبني؟ يا الله ازاي تقولي كدا بس ، طب حياتي من غيرك كانت هتبقا عاملة ازاي من غيرك ؟ مكنتش هتبقا حياة يا رؤتي .
لما بدأت عياط مكنتش حاسس بنفسي غير وانا بقرب منها و بطبطب عليها بصتلي حبه بعيونها الي اتحول لونها لل لون الاحمر الشديد من كتر العياط مقدرتش أتمالك نفسي اكتر وحضنتها فضلت تعيط حبه لحد ما هدت .
طلعتها من حضني ورفعت وشها وانا ببصلها
+دا قدر ربنا يا رؤتي انا معاكي ومش هسيبك يا حبيبتي.
معرفش قولت دا ازاي ازاي عملت دا بس انا حسيت في اللحظه دي وكأن كل الزعل الي بينا راح و خدت قرار كنت مستحيل هاخده في حياتي .
بصتلي البصه اللي بحبها بس كانت مستغربه وكان ليها حق انا بقالي كتير مقولتيلهاش كلمه حلوة حتي الدلع الي كنت بقولولها مقولتوش.
*________________________*
قرب مني سعد وهو الي كان بيطبطب عليا وفجاه لقيت نفسي فحضنه وبعيط بس الغريبه اني كنت حاسه بأمان اول مرة احسه معاه بدأت اهدا وهو وقتها طلعني من حضنه ورفع راسي وخلي وشي قدام وشه بالظبط وقال كلام كان كله حنيه وحسيت بكلامه بصدق .
ولما قالي ” رؤتي ” افتكرت كل حاجه حلوة حصلت بينا أه مكنوش كتير بس كانوا كفيل يبسطوني طلاما منه ، حسيت اني بدأت أضعف وألين له فقومت وانا بحاول اخلي رجلي تشيلني بعد الكلام الي قالته خالتي .
_انا ماشيه ومش هاجي هنا تاني و ياريت يا سعد تطلقني .
قولت كدا وانا مخنوقه جدا .
انا مش عايزة يطلقني بس هو لسه مش عايز ابنه دا حتي لسه غالط في شرفي!
*________________________*
انا مكنتش مصدق الي قالته معقول هي خلاص كدا مش عايزاني ؟
انا كنت حاسس بحزن كبير جداً وقولت ابلغها بقراري يمكن دا يغير رأيها حبه .
+رؤي انا عايز الطفل ومستعد اكون اب .
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رؤيه)
2 تعليقات