رواية ستظل ملكي الفصل الثالث والعشرون 23 بقلم رضوي يحيى
رواية ستظل ملكي الجزء الثالث والعشرون
رواية ستظل ملكي البارت الثالث والعشرون
رواية ستظل ملكي الحلقة الثالثة والعشرون
گلما اشتقت إليگ
اذهب لأرى ما گتبته لي سابقاً
هگذا اشعر بوجودگ معي !!
~~~~~~~~~~~~~~~~~~~~~~~~~~~~
سمع فهد الدوشه بالخارج و الصوت العالي حيث مي كانت واقفه امامه مكتبه بالظبط علي صوت المواظفين و هم ينظرون الي شهاب و ماسة بآشمئزاز نهض فهد من مكانه بعصبيه فهو يكره الصوت العالي و بالاخص في مكان العمل !!
فهد بعصبيخ : إيه الصوت دا
مي بحقد : يافندم كله من تحت راس شهاب و ماسة
شهاب بعصبيه : لولا انك واحده ست كنت دفنتك مكانك و بطلي الكلام الي بتقوليه دا
فهد بعدم فهم : هو في إيه
احد المواظفين : الانسه مي بتقول في شبه علاقة ما بين مستر شهاب و ماسة و بقيلهم كتير قاعدين مع بعض
شهاب بعصبيه : اخرس انت كمان
مي بشر : انت ليك عين تتكلم
فهد بزعيق : مش عاوز نفس
صمت الجميع و هبطت دموع ماسة من كم الاتهمات التي تعرضت لها علي يد مي !!
تقدمت ماسة من فهد و دموعها تهبط : فهد والله ما حصل دي كدابه و معرفش بتقول كدا ليه !!
نظر اليها فهد مطولاً ثم اردف بـ : مي الي قولتيه دا غلط و الحوار دا توقفيه و تعالي علي مكتبي !!
مي بغضب : انت هتسبها كدا ولا إيه
فهد بعصبيه : انت إيه انتي نسيتي نفسك ولا إيه لا فوقي و اعرفي انتي بتتكلمي مع مين !!
مي محاولاً الهدوء : انا اسفة يا فهد بيه
ثم اردفت بحقد : بس دي واحده زباله و ليها علاقة مع شهاب ازاي تخليهم في شركة محترمه زي دي و عامله نفسك بريئه وانتي طلعتي اوسخ ما يمكن و ق وقبل ان اتكمل حديثها صفعتها ماسة بشده علي وجنتيها لكي تتوقف عن الحديث الابله !!
ماسة بعصبيه بعد ان ضربتها علي وجنتيها : انتي الي قليلة الادب و متربتيش
مي بعصبيه : بتمدي ايدك عليه يا حيوانه
رفعت مي كفها لكي تضرب ماسة وقبل ان تنزل علي وجنتيها وجدت من يمسك كفها مانعها عن صفعها !!
نظر اليها فهد بعيون تحولت للون الاسود القاتم من كثره الغضب هو يكره الصوت العالي و ذاك المي رفعت صوتها في شركته التي لم يتجرا احد علي فعلها نفض يداها بقوه و هو يتوعد لها !!!
فهد بغضب : صوتك عليّ و دي هعرفك معناها و دلوقتي تتأسفي لماسة و شهاب علي الكلام الاهبل دا
ثم رفع صوته قليلاً : و الي هيتكلم في الموضوع دا يعتبر نفسه مرفود من الشركه !!
مي بحنق : يا فندم دي ضربتني بالقلم و اعتذرلها
فهد بهدوء : اه تعتذري علشان الي قولتيه غلط اصلاً.و اي حد رد فعله هيبقا كدا يلا اعتذري !!
نظرت اليهم مي بغضب شديد كانت تظن انها عندما تفعل ذلك سـ يصيح بهم فهد و لكن لم تعلم بان فهد يثق في شهاب كثيراً هو رفيقه و المدير التنفيذي لدي الرشيدي جروب !!!
مي و هي تتحدث من تحت اسنانها : انا اسفة يا مستر شهاب
تقدمت من ماسة : انا اسفة يا ماسة ثم همست في اذنها : وحياة امي ما هسيبك و خلي فهد ينفعك
عدلت من وضعيتها و هي تذهب خارج المكتب !!
فهد بضيق : كل واحد علي شغله يلا وانتي تعالي عايزك كان يحدث ماسة !!
ماسة بتوتر : حاضر
تابع فهد حديثه : الملفات فين يا شهاب
شهاب و هو يمسح وجهه : جاهزه بس حجات بسيطه تظبط
فهد بأيماء : تمام ظبتهم و هاتهم
اومأ له شهاب و غادر المكتب بينما نظر فهد الي ماسة و هو يدلف الي مكتبه مري اخري !!
فرقت ماسة يداها بتوتر : ياربي اعمل إيه منك لله يا مي اشوفك مشلوله يارب !!
فهد من الداخل بصوت عالي نسبياً : ادخلييي
ركضت ماسة الي مكتبه سريعاً : نعم إيه
فهد و هو يرجع الي الخلف : اقعدي
جلست ماسة علي المقعد امامه بتوتر !!
فهد بهدوء : حصل إيه
ماسة بتوتر : محصلش حاجه
فهد بضيق : نعم بتقولي إيه
ماسة محاولاً ان تهدي من توترها : كنت بشتغل علي الملف الي فيه الصفقه و كذا نقطه وقفت قدامي مكنتش فهماها روحت لشهاب حتي هو كمان كان بيشتغل فهمني الحجات دي إيه سمعنه دوشه برا طلعنا لقينا الكلام الي كانت بتقوله !!!
فهد بهدوء : تمام انا وقفتها عند حدها و خلاص ثم تابع بتوجس : هي كانت بتقولك إيه بصوت واطي !
ماسة بكذب : مقلتش حاجه
نهض فهد من مقعده و جلس علي المقعد امام ماسة رجعت ماسة الي اخر المقعد !!
ماسة بخوف : إيه
فهد بضحك : الله انا جيت عندك
ماسة بمرح : كفايه طولك و انت واقف كفيل يجبلي جزمه قلبيه
فهد بضحك : جزمه قلبيه انتي عبيطه
ماسة بالامبالاه : بيقوله كدا
فهد بضيق : اخصلي قالتلك إيه
ماسة بحزن : بتقولي وحياة امي ما هسيبك و خلي فهد ينفعك !!
فهد بآستغراب : يعني إيه فهد ينفعك
ماسة بنفي : معرفش
فهد و هو ينفخ بضيق : ملكيش دعوه بيها و خلي بالك من نفسك !!
ماسة بآيماء : اوكي محتاج حاجه تانيه
فهد بنفي : لا اتفضلي !!
خرجت ماسة من مكتبه و هي تفكر ماذا تعني بـ خلي فهد ينفعك لماذا تقول هكذا ظنت ماسة انها تتحدث هكذا عندما دافع عنها و عنها سمعتها امام الشركه !!
جلست ماسة علي مكتبها و هي تمسك الهاتف قليلاً ترتاح من عملها علي الملفات لفتره طويله !!
دلف شهاب وهو ممسك بيده عدة اوراق : فهد معاه حد يا ماسة
نهضت ماسة و هي تترك الهاتف : شهاب انا اسفة اقسم بالله لو كنت سببتلك مشاكل
شهاب بآبتسامه : مشاكل إيه بس مش وقت ما جيتي هنا و انا بقولك انتي اختي و هي اصلاً مريضه علشان بتقول كلام زي دا !!
ماسة بضحك : والله يا جدع انت الي فيهم
ابتسم شهاب ثم اردف : عارف
ماسة و هي تجلس : اشطا اه و فهد مش معاه حد جوا !!
اوما لها شهاب و طرق باب المكتب اذن له فهد بالدلوف فتح شهاب الباب و دلف !!
شهاب : الملفات يا فهد
فهد : اقعد يا شهاب
جلس شهاب رفع فهد نظره واخذ منه الملفات !!
شهاب : فهد كل الكلام الي قالته مي مش حقيقي
فهد : عارف يا شهاب انه كذب وانا واثق فيك انت و ماسة بس انا مش هعدهلها !!
ابتسم شهاب علي ثقة فهد بيه : تسلم يا صاحبي
فهد بآبستامه : حبيبي
نهض شهاب : بقولك إيه الاجتماع كمان اسبوع
فهد : ايوا ماهو بعد الخطوبه !!
شهاب : علي خير انشاء الله عقبالك يا فهد !!
فهد : تسلم
خرج شهاب وجد ماسة نائمه علي مكتبها ابتسم علي طفولتها و خرج ولكن اغلق الباب خلفه !!
بينما بالداخل نظر فهد في ساعة معصمة وجد ان وقت العمل علي وشك الانتهاء !!
لبس جاكت بدلته اخذ هاتفه و مفاتيح سياراته و خرج من مكتبه استغرب ان الباب مغلق هو لم يغلق ابداً لانه مكتب السكرتير المؤدي علي مكتب المدير ظن ان ماسة خرجت لشراء شيء خطي خطوتين و وجد حقيبتها علي المكتب نظر الي الخلف وجدها نائمه علي مكتبها مثل الاطفال و تتحدث و هي نائمه تقدم منها فهد بحذر شديد و هو مبتسم عما تفعله من غير قصد فهي نائمه لا تدرك شيء وضعه راسها علي المكتب و نائمه و شعرها مغطي ملامحها بالكامل مد يده بهدوء و حذر ايضاً شال شعرها من علي عينها و كانت كتلة في الجمال !!
فهد بخفوت : ماسة اصحي يا قمري
ماسة و تتحدث بكلام غير مفهوم !!
فهد هو هو يمسح علي شعرها : ماسة
فتحت ماسة جفونها نص فتحه وليس بالكامل !!
ماسة بنعاس : انا نعسانه عاوزه انام مش هروح الشغل
فهد بضحك : يا هبلة انتي في الشغل اصلاً
نهضت ماسة سريعاً : إيه في إيه
فهد : مفيش انتي كنتي نايمه
ماسة بنعاس : نعسانه اوي منمتش امبارح حلو و نفسي انام اوي اوي اوي
فهد بضحك : منمتيش امبارح ليه
ماسة وهي تتآوب : يابني ما انا كنت بكلمك امبارح
فهد بحنق : ابنك دا انا لو اتجوزت بدري كنت خلفت قدك
ماسة : خلاص يا شبح فك المهم انا نعسانه
فهد بضحك : شبح طب يلا
ماسة بأرهاق : فين
فهد بحنيه : يا قمري هروحك
ماسة بضحك : قمرك يا فهد انت سخن يا بابا !!
فهد بهدوء : لا يا بنوتي ويلا كفاية كدا
ماسة بآيماء : اوكي يلا
امسكت ماسة حقيبتها و اخذت هاتفها : يلا !!
امسك فهد يداها و ذهب و هي بجواره اتصدمت ماسة من فعلته هذا و خجلت كثيراً عندما رات كل ما بالشركة ينظر لهم و هم ممسكون بيد بعضهم !!
ماسة و هي تحاول تحرير يداها : سيب يا فهد الكل بيتفرج علينا
فهد بحنق : ملكيش دعوه بحد
باته خارج الشركة فتح فهد سياراته الكترونياً بالجهاز الموضوع بيده فتح لها الباب من عنده جلست ماسة بجواره امام مقعد القيادة و ذهب هو جلس لكي يقود السياره !!!
ماسة : تصرفاتك غريبة ليه يا فهد
فهد : انا تصروفاتي غريبة ازاي
ماسة : لا متخدش في بالك
ادار فهد مقود السياره و ذهب الي منزل ماسة لكي يوصلها بعد مرور نصف ساعة وصل تحت منزلها نظر اليها وجدها نائمه فكر بآن يحملها الي شقتهم ولكن غير ملائم لفعلته و بالاخص اخيها سيسبب لها مشاكل كثيره و هي في غني عنها !!!
ادار السيارة مري اخري وهو يفكر في شيء ما وصل الي منزله هبط من السياره وجد ولدته جالسه في الحديقة ترتشف قهوتها !!
وضعت فنجان القهوه علي الطاوله : اهلاً يا حبيبي عامل إيه
فهد : بخير يا ست الكل
فاطمه بآستغراب : مالك يا فهد
فهد و هو يضع يده خلف راسه : ماسة معايه في العربيه
نهضت فاطمه سريعاً : إيه ليه في حاجه
فهد : خلصت شغل قولتها يلا علشان اوصلك عقبال ما روحنا عند بيتها كانت نامت و مكنش ينفع اشلها واطلعها فوق !!
فاطمه : عندك حق فعلاً هاتها من العربيه ثم تابعت بتوجس : بس عقبال ما الداده تنظفلها اوضه هتروح فين و هي نايمه
فهد : مراد جيه
فاطمه بنفي : لا
فهد : تمام انا هنيمها في اوضتي و اريح شويه في اوضة مراد !!
فاطمه : ماشي يا حبيبي
رجع فهد الي سياراته فتح الباب من نحيتها وفك لها حزام الامان وبعد ذلك حملها و دلف بها الي المنزل وصعد الي غرفته وضعها علي الفراش و خلع لها جزمتها و دثرها جيداً !!!
بعد مرور 3 ساعات فتحت ماسة جفونها استغربت ماسة من الغرفة المتوجده بها نظرت حولها و شهقت بصدمه !!!
ماسة بصدمه : ………….
يتبع…
لقراءة الفصل التالي : اضغط هنا
الرواية كاملة اضغط على : (رواية ستظل ملكي)
♥♥
حلوه كتير الروايه 🍒
عجبتنى جدآ ❤
اتمنى ترسلو لى باقى الفصول 😻💋🥹
عاوزه باقي الروايه