رواية كنت لي نصيبا الفصل الثاني 2 بقلم مريم فهمي
رواية كنت لي نصيبا الجزء الثاني
رواية كنت لي نصيبا البارت الثاني
رواية كنت لي نصيبا الحلقة الثانية
جه يوم الرحله ومامت جوري وافقت انها تروح وده لانها عرفت اني سيف طالع ووصت سيف علي جوري وانه يراقبها من بعيد ويحكيلها علطول بتعمل اي ؟!!
– يلا يا ماما هتاخر كده
– قوليلي انتِ رايحه فين طيب دلوقتي
– يا ماما ياسمين مستنياني في مكان التجمع
– انتِ هتنزلي بدري كده مينفعش
– ماما عشان خاطري هتاخر يا ماما
طلعت جوري برا لقت سيف كان بيسلم علي مامته ونازل
مامت جوري : صباح الخير يا سيف
سيف بابتسامه : صباح الخير ،اي ده جوري انتِ رايحه لمكان التجمع طب يلا تعالي اوصلك في سكتي عشان مينفعش تمشي لوحدك دلوقتي
جوري : مش عاوزة اتعبك معايا يا سيف
سيف : لاء لاء انا كده كده رايح يلا تعالي بعد اذنك طبعا يا طنط
مامت جوري : كويس يا سيف يا حبيبي تسلملي
سيف : يلا يا جوري
جوري : مع السلامه يا ماما
نزلت جوري مع سيف ومن جواها شعور غريب من ناحية سيف يمكن كانت مجروحه من بعده شويه بس لسه ما زال جواها حاجه جميله كل ما اسمه بيتذكر..
ركبت جوري مع سيف العربيه
سيف : اخبارك اي؟
جوري : بخير يا سيف
سيف : اخبار كتباتك اي ؟!
جوري : اكيد عارف اني مش هبطل كتابه
سيف : عارفك لما بتعوزي تتطلعي الي جواكي بتكتبي وبتوصلي كل الي في قلبك عن طريق التاليف
جوري انذهلت لما سمعت انه لسه فاكر تفاصيلها
جوري : ياااه انت لسه فاكر
سيف : لسه فاكر كل كلمه قولتيها
جوري : شكرا يا سيف
وصلوا مكان التجمع وسيف فضل يبص لجوري وكانه بيقلها هتكوني ليا قريب نزلت جوري وراحت لياسمين ، بس اتفاجئت اني هايدي بنت خالة سيف موجوده وجوري بتكرها جدا لانها بتقرب من سيف
– شوفتي يا ياسمين جت ازاي !!
– جوري اهدي وكده كده انتِ جيه معاه يا جوري
– طب يلا بينا نمشي من هنا
“””””””””
هايدي : سيف اذيك ؟
سيف: اذيك يا هايدي عامله اي وخالتو عامله اي؟
هايدي : كويسه يا سيف ، اي انت جاي مع جوري؟!!
سيف : هايدي ارجوكي بلاش تدخل وعن اذنك بقي عشان نلحق الاتوبيس
مشي سيف من قدام هايدي لانه حااسس اني جوري ممكن تضايق منه بسبب الوقفه دي
هايدي في نفسها : والله يا جوري لاخليكي تندمي..
طلعوا الاتوبيس ووصلوا اسكندريه بهواها البديع وبحرها الجذاب الساحر
وصلوا مكان الاوتيل وسيف كان واخد باله من جوري كويس جدا ولا حظ اني في واحد عينه علي جوري فبدا يبعدها عنه بكل الطرق
سيف : جوري اتفضلي انا حجزتلك في الاوضه الي جنب اوضتي
جوري : اشمعنا يا سيف !
سيف : عشان بس ابقي مطمن عليكي اققصد عشان محدش يضايقك
جوري : ماشي يا سيف اتفضل وانا هطلع مع ياسمين..
سيف : طيب يا جوري
طلعت جوري مع ياسمين
ياسمين : مش واخده بالك انه بقي مهتم بيكِ شويه..
جوري : مش عارفه يا ياسمين سيف غريب ومش مفهوم مرة يظهرلي حبه والمرة التانيه يبعد بدون مقدمات انا عارفه اني ممكن اكون باذيه بكلامي احيانا بس والله عشان مش عاوزة حاجه في الحرام نفسي بجد يفهم اني مبحبش بعده ومبحبش انه يتعامل معايا باسلوب وحش لاني بضايق جدا ، وانا عملت حاجات كتير علشانه وكفايه اني بدعي بيه في كل ركعه بركعها
ياسمين : مكنتش اتخيل انك بتحبيه اووي كده !!!
جوري : يلا ننام..
ياسمين : انتِ بتهربي صح ؟!
جوري : يلا ننام عشان هننزل بليل يلا
*”””””””””””””””””*
سيف في نفسه : عارف اني بقسي عليكِ احيانا بس بجد مقدرش اعيش مز غيرك وصدقيني هيبجي اليوم الي هتتكتبي فيه علي اسمي….
*””””””'”””*
ناموا كلهم وصحيت جوري وحاولت تصحي ياسمين بس قالتلها انها تعبانه ومش هتقدر تنزل
ونزلت جوري لوحدها تتمشي علي البحر..
قعدت علي شط البحر وفتحت الجروب بتاعها ونزلت ” اليس هذا الوقت المناسب كي يتلاقي القلبين معا”
وقفلت وبدات تفتكر كل حاجه كانت بتحصل بينهم
وسرحت في شكل القمر وانعاكس ضوئه علي المياه ، قد اي المنظر حلو..♥️
فاقت جوري من سرحانها علي اشعار من صراحه ومكتوب فيها ” قد استجاب ربك لدعائك ، وها انا هنا كي يتلاقي قلبي مع قلبك فأنا لم انساكِ يوما ،ولن انسي حبك في يوم من الايام..♥️
جوري قلبها بدأ يدق بطريقه مش طبيعيه وحست انه الرساله دي من سيف ، قفلت الفون ومشيت للاوتيل وهي داخله خبطت فيه
سيف : انا اسف
جوري : لاء ولا يهمك عادي
سيف : جوري انا عاوز اقلك حاجه
جوري : خير يا سيف ؟!
سيف : انا بحبك يا جوري ….
جوري : ………
يتبع…
لقراءة الفصل التالي : اضغط هنا
الرواية كاملة اضغط على : (رواية كنت لي نصيبا)
2 تعليقات