رواية مشاكل عائلية الفصل التاسع 9 بقلم سلسبيل أحمد

رواية مشاكل عائلية الجزء التاسع

رواية مشاكل عائلية البارت التاسع

رواية مشاكل عائلية الحلقة التاسعة

احمد: انتوا جيتوا اوضتي تعملوا اية اخرجوا يلا
زين قرب منه: انت كويس!!
سيليا بقلق: زين احمد كان بره مكنش نايم اصلا!
زين بصله بشك ومسك وشه جامد: انت شارب اية؟؟؟
سيليا برقت واحمد وقع
قومه بسرعه وقعد يفوق فيه وخده الحمام نزل راسه تحت الدش وسيليا كانت بتعيط في صمت عشان خايفه ابوها و امها يصحوا يشوفوا كدا
“في اوضه زين”
– اشرب القهوه دي
= دي مره!
زين مسكه: اخلص فوقلي كده وقولي حصل اية ؟؟؟
سيليا بدموع: زين اهدي!
احمد: والله مكنتش اعرف
زين: مكنتش تعرف اية ياض ، اية عبيط بتشرب اي حاجه
احمد: انا مشربتش حاجه! انا كنت مع صحابي و في واحد جديد نعرفه قولتله اني مصدع اداني برشام غريب وقالي هيضيع الصداع فى الاول الصداع خف وبعد كدا مش فاكر حصل اية ، زين صدقني انا مشربتش حاجه
زين بص لسيليا: روحي نامي
سيليا: انا عايزه اطمن عليه!
زين بنفاذ صبر: قولتلك روحي اهو كويس وانا معاه
احمد: متخافيش يا سيلا انا بقيت تمام روحي نامي
خرجت وزين قعد جمبه واتكلم بهدوء مر*عب: هتخدني توديني عند صاحبك ده دلوقتي
احمد برق وبص للساعه: احنا الفجر!
زين شده معاه: ابقي قول لنفسك يالي جاي البيت الساعه 1
اتحركوا للباب فعلا ولكن اتفاجئوا بمحمود: انتوا رايحين فين فالوقت ده
احمد سكت و زين اتكلم: هنجيب اندومي اوعي تعرف ماما بقي عشان متسبش البيت وتمشي
محمود: خد يابني هنا مفيش نزول دلوقتي انتوا اية مسهركم اصلا وانت يا استاذ احمد جيت امته؟؟
احمد: أءء
زين: جه الساعه 12 كدا كان عنده امتحان فالدرس فا اتأخر
احمد: اها
محمود: طيب ادخلوا ناموا مفيش نزول دلوقتي
فعلا دخلوا احمد اتنفس بأرتياح اما زين كان هيت*جنن فا احمد راح اوضته يشوفه: زين
زين: انا على اخري اطلع بره
احمد: والله مكنتش اعرف
زين: مكنتش اي؟؟ هو انت عيل انت راجل انا بقولك ودي اختك و جيب اختك عشان انت راجل يعني اية يضحك عليك
احمد: بقاله فتره بيقرب من شلتنا وعمال يجبلنا فحاجات ويعزمنا مره معرفش عمل كل ده ليه بس وثقت فيه
زين بعصبيه: بيجيب رجلكم ده انا هطلع م******
احمد: طب اهدي بس! مش انت عايزه هنروحله بكره هكلمه يجي وانت معايا ممكن تهدي بقي ومتزعلش مني
زين ضربه بغل: يلا انا خايف عليك ومغلول منه
احمد ابتسم: ايدك تقيلة ياعم ، وبعدين متخفش مش هقع انا
زين: لا ونبي ؟ ده ازاي وانت جاي بتتطوح
احمد: اقصد اني مش هقع لاني اوردي فالقاع
زين ضحك بأستفزاز وحدفه بمخده: قوم اتخمد يلا قوم
احمد ضحك و قام وبعدين بصوا لبعض وتلقائي كل واحد اتجه ناحيه التاني وحضنوا بعض و احمد بدء كلام: انا بحبك
زين: شغل السهوكه ده للاسف بياكل معانا
احمد قعد يضحك وبعدين سابو وناموا..
____________تاني يوم الصبح___________
اسر صحي على مكالمه من زين
اسر: اهلا يا اخو مراتي سيليا عامله اية
زين: يا دمك طب اسالني انا الاول عامل اية
اسر: الأولوية للزوجه ، عامل اية بقي
زين: عامل خناقه من بتوع ثانوي جاي
اسر: عشر دقايق وابقي لا عشره اية انا هاجيلك بالبيجامه
زين قفل: ونعمه الصحاب بموت في اختياراتي
__________________
– سيلاااااا قوميييي
قامت بخضه = في ايييه!!
احمد باس خدها بسرعه: وحشتيني يلا عشان نفطر
= يخر*بيتك ، خد هنا استني
– ها
= عامل اية! وفين زين
– انا كويس والله ، زين نزل يقابل حبيبك
سيليا وشها احمر: حبيبي! مين!
احمد ضحك: اسألي وشك
سيليا: ههه بايخ يلا نفطر احسن
_____________________
– اسر ! رايح فين كده ومستعجل رايح تقابل صحبتشي
= لا رايح اقابل صاحبي اخوه صحبتشك
ملك ضحكت: اممم بتجيب رجله عشان تاخد اخته اخص
اسر: يا بت بطلي لماضه روحي على درسك يلا
ملك: ماما لسه بتلبس ياعم
اسر: عم هو انا سواق ميكروباص اشطا هروق عليكي لما اجي
ملك وهي بتبعد: والله بقول للسواق ياعموو
اسر ضحك ونزل واتقابل هو و زين فمكانهم:
( توضيح مكانهم ده عباره عن حاجه شبه الصحرا لكن مش مهجورة مكان يشبه للمقطم كده وفيه جبال وهادي بيقعدوا على اعلي حته فيه )
اسر: فين العاركه؟؟
زين: اقعد
زين حكاله كل الى حصل وراقب تعبيرات وشه وكانت كلها غضب لانه يعتبر احمد زي اخوه ويمكن اكتر
اسر: انت ازاي مكلمتنيش نجيب امه بليل فساعتها
زين: حظه ابنال… ابويا صحي وقعدنا انا و احمد
اسر: ودلوقتي؟؟
زين: مستني احمد ينزل فمعاد درسه عادي عشان ابويا ميشكش فينا ولو عرف الموضوع ده هيأثر عليه واكيد ماما مستحيل اعرفها
اسر: عندك حق طب وسيليا اية
زين: مال سيليا دلوقتي ياعم متركز معايا
اسر: ياغبي اقصد سيليا عارفه!
زين: اها وقعدت تأوء وبعدين فهمتها متقلهمش
اسر: سبت مراتي تأوء وتنام ف عينيها حزن؟
زين ضحك غصب عنه من طريقه اسر: يبن الرايقه مش وقتو هتحول عليك
اسر: خلاص ياعم هنستني يروح اهو طب كلم سيليا شوفها كده عامله اي؟
زين: يا الله ، يخرابي ليلي بترن
اسر: بيقولك مره في واحد هيتنكد عليه من خطيبته.
زين: منك لله
زين: الو
ليلي: انت ازاي متكلمنيش كل ده يا استاذ؟؟
زين: والله كان فش مشكله بس اصل أ
ليلي: يلا نفسخ الخطوبة اصل الاهتمام مبيطلبش
زين: طب ينفع اصالحك؟؟
ليلي: مش هقبل اعذار تؤ
زين بحنيه: عشان خاطري هصالحك والله
ليلي: بلاش النبره الكيوت الهاديه دي بس
زين: اسمعني مني هيبقي فيها حاجات حلوة
ليلي: مستنيا يلا باي عشان عندي جامعه
زين ضحك: خدي بالك من نفسك طيب
ليلي: حاضر سلام
اسر من وراه: يا حنين!
زين: بس بلاش انت كل شوية سيليا سيليا
اسر: مراتي عايز اية
زين: لما تبقي تتجوزها بقي
قعدوا سوا وملك و سيليا اتقابلوا عشان الدرس وبعدين وكانوا مروحين سوا واحمد بيوصلهم:
– شوفتي البنت الجديده؟
= مين المسهوكه ام بنطلون مقطع دي
احمد: هي البنات كلها بتغل من بعض
ملك: ششششش
أحمد: استني يا اما يعني اية شششش دي ، شوفي صحبتك يا سيليا
سيليا: صحبتشي ؟ براحتها
احمد: طب تمام احنا يعني جربانين
ملك ضحكت: عايزه عصير قصب
سيليا: اها يلا نجيب
احمد بنرفزة: انا هنا والله ولا انا شفاف
ملك: هاتيله يابنتي معانا نكسب ثواب
احمد مسك سيليا: انا هجيب اتنيلوا
ملك ضحكت: انا مش قولتلك تبقي سترونج وومن؟؟
سيليا بسخريه: ياختي اهو عندك لو عرفتي تشتري حاجه ومقلش هجيب انا هديكي 100 جنيه
ملك: حلو اوي
ملك راحت سوبر ماركت تشتري شوكلاتة وهوا بيجيب العصير ورجعت قبله
ملك: هاتي 100 جنيه
احمد من وراها: بتوع ايه هوا اي نصب
سيليا: احمم مش بتوع حاجه
احمد بص في ايدها: انتي جبتي البتاعه دي منين
ملك: من السوبر ماركت ده
احمد: اها ماش ايييه؟؟
سيليا ضحكت: اوبس
احمد: هو انا مش قولت لو عاوزين حاجه قولولي
ملك: عادي
احمد بحرقه دم: طب اتحركوا
كان ماشي قدامهم بشوية وملك بتوشوش سيليا: اخوكي ده عيل قماص
سيليا: اممم
ملك: هو ماله اصلا
سيليا: اممم
ملك: قال نقوله قال ليه مش هنعرف نشتري
سيليا: اممم
ملك: سيبي العصير ده وركزي معايا!!
سيليا: وصلنا
ملك طلعت البيت واحمد كان مدايق ومبصش ناحيتها وبعدين وصل سيليا كانت فالشارع الى جمبها و قابل زين و اسر