رواية معذبي الفصل الثالث عشر 13 بقلم مروان فرج
رواية معذبي البارت الثالث عشر
رواية معذبي الجزء الثالث عشر
رواية معذبي الحلقة الثالثة عشر
وسكر الخط واني مزال في حضنه وهوا قاعد يشوفلي ويمرر في يديه علي شعري واني نبكي ونفسي بصعوبة يطلع مني🔥
احمد: اوووووس معاش تبكي الليله هادي نبيك اتكوني اسعد انسانه …..🔥
وقرب مني اكثر وقعد يتامل في ملامح وجهي وعيوني وكان علي وشك ان يبوسني بس فجاة باعد وامشي للمربوعة وسكر عليه الباب وخلاني في حيره من امري
ليش مقدرش ياتري شن خططه الجاية شن بيدير مزال ومخليتش الاسئله هادي تقعد بلا جواب وامشيت فتحت عليه الباب والقيته امقعمز حاير ومولع سبسي وحاط رجل علي رجل ويفكر
محمد…شافني واستغرب فيا ليش وافقه
محمد.. تقوي اطلعي خيرلك
انا: مش حنطلع لحتي نعرف ليش تراجعت ومادرت شي 🙂🔥 محمد اني مش لعبة بين يديك جاوبني
محمد… قتلك اطلعي خير مانرتكب فيك جريمة توا …اطلعي برا خلاص
انا… قعمزت وحطيت رجل علي رجل وقتله جاوبني نطلع….انا متاكده ان هادي خطة جديدة منك متاكده …محمد. ريحني ودير فيا يلي تبيه معاش نقدر نتحمل تهديدك ليا كل يوم نحلم انك بتقول لبابا وبتعطيه الصور .
انا…مليت يا محمد ريحني خلاص دير فيا يلي تبيه بس بابا متقرباش منبيشي ينزل ولا دمعة مني فهمتني🥺💔
محمد… حاولت بس مقدرتش كل مانقرب منك ايجيني احساس ويقولي لا يامحمد مديرهاش …كل مانشوف ملامح وجهك البريئ وعيونك الحزينة الذابلة مني نتردد ونتراجع …عرفتي ليش توا عرفتي السبب
انا..كلامك هذا ميهمنيش اهم شي بابا عندي متاديشي بشي
محمد…تقوي…معاش نقدر نتحمل وجودك جنبي اطلعي برا ولا نتصل ب بوك توا …اطلعي وكانو عيونه فيهم غضب وكان راقيله بكككللللل🔥
انا …خفت وطلعت نجري لداري ومشاعري متلخبطة بين الفرح والخوف ان يخبر بابا …
مشي الوقت وعند الساعة 2في الليل نضت عطشانة نبي نشرب امية واول ماجيت بنفتح الدار سمعت صوت كانه حد يهلوس وقلت الصوت هدا مش غريب عليا طلعت والقيت محمد راقد ويهلوس مع احلامه …
قعدت نقرب بشوي وكان قلبي يدق وخايفه منه هلباا حسيت بشي غريب وقربت منا ااكتر لقيته كل عرق وجسمه يرعش خفت ومديت يدي علي جبهته لقيتها نار من الحرارة ……🥺🔥
قعدت انفكر وانقول شن اندير ياربي هذا كيف بنوض توا …مشيت للمطبخ وجبت ليم ومية زهر رشيتهم علي وجهة وبالشوي قعد محمد ينوض ويوعي علي روحه
محمد…تقوي ..شن في خيرك هنا😳
انا…محمد …اني كنت في داري سمعت هلوستك جيت لقيتك ترعش وحرارتك مرتفعة شكلك مرضت
محمد …. اها شوية وتنخفض مدوريهاش وامشي كملي نومك ماعليك مني
اناا… شني نمشي وانخليك مريض مستحيل انديرها …شوية وجاياتك ومشيت من حنبه
محمد….يشوفيلي ومستغرب من كلامي
مشيت شفت في درجه الثلاجه يلي تحت لقيت مسكن ومقياس للحرارة خديتهم وجيت لعنده
انا… محمد افتح فمك شوي
محمد… قتلك امشي نبي نرقد
اناا.. ياربي انت عندك حمه شني ترقد هادي
محمد…متعود عليها سيبيني خلاص
انا مسمعتش كلمته وقربت منه وفتحت فمه بالسيف عشان انقيس حرارته وقستها لقيتها 40😳🔥كان يغلي من الحراره وجسمه ساخن بكل
انا..محمد لازم تمشي للمستشفي يضربولك ابره حرارتك اربعين راهو
محمد.. معاش اتقولي الكلمة هادي مره تانية
انا…لا بنقولها حرارتك مرتفعة ولازم تمشي للدكتور فهمت
محمد….تقوي اقلبي وجهك من بحداي ماليكش علاقه بيا إنشاء الله نموت انتي مش شورك بيااا فاهمه اطلعي من بحداي
انا….لا مش رح تطلع لين تنوض وتمشي للمستشفي
محمد…وكان معصب بكل وفجاه ناض وضربني كف وقالي علاش تعاودي فيها علاش تعدبي فيا اكتر من هكي انتي متعرفيش كلمة حرارة شن دارتلي وشن خدت
مني …متعرفيش قداش عانيت من الكلمة هادي قداش تمنيت الموت منها ….كلمة حرارة خدت مني حب حياتي واغلي انسان علي قلبي 💔اختي مرح💔كانت كل شي بالنسبة ليا 🔥
كانت بيت اسراري كانت صباحي ومسائي كانت توام روحي كانت هيا الوحيدة يلي تفهم هيا لما انكون مضايق لما انكون خايف من شي كانت دليلي لو رحت في الطريق كانت تنبهني لما نغلط مع انها عمرها كان بس 5سنين بس كانت بمثابه امي عندي ….كابوس الحرارة والمستشفي
كان في ليلة من الليالي
وكانت الساعة زي توا كانت مرح راقده واني كعادتي كل ليلة قبل مانرقد انشوفها ونبوس راسها في الليلة هادي مروحتش بدري كنت مشغول شوية في تحضير مجموعة عطور جديدة للشركة
وروحت الساعة 3الفجر اول ماخشيت للحوش جاني شعور غريب في قلبي
حسيت بشي غريب وطول خطرت علي بالي مرح ومشيت نجري لدارها لقيتها غارقة في العرق واتهلوس باسمي محمد وينك محمد تعال بسرعة
خشيت واني مصدوم من منظرها 😳🔥والعرق يلي اتعوم فيه جيت جنبها ومسيت جبهتها ولقيتها حرارتها بتطربق مشيت نجري جبت امية وكمادات وحطيتهم علي راسها بس مفيش فايدة كانت حرارتها كل شوي اتزيد واني معاش قدرت نتحمل رفعتها في حضني
وطلعت بيها واتلاقيت مع امي كانت شادة طاست امية طاحت منها ورعشت هلبا ومشت نوضت بوي وخوتي وامشينا رفعناها للمستشفي بس قبل مانوصلو ناضت وشدت يدي لانها هي كانت في حضني وبوي يلي يسوق ناضت وقالتلي ليش تاخرت ليش ماجيتش كنت راسمة ليك رسمة حلوة اني واياك نبيك تشوفها …💔
كانت اتقول في الكلام هذا وهيا يادوب تتنفس كانت الكلمة بالسيف اطلع فيها …
المهم رديت عليها وقلتلها لما نرجعو توا انشوفها باهي …قتلي لا توا شوفها احني وين ماشيين توا. ..رديت عليها وقلت بنمشو للمستشفي شوية ونرجعو. ..قالتي لا منبيش نمشي لا توا ايديرولي يبرة نقعد نبكي منها لا لا. ..وقعدت انهدي فيها لعند ماوصلنا للمستشفي وخشينا نجرو بيها ودخلوها ودخل ليها الدكتور واحني قعدنا انراجو برا ….
بعد نص ساعة طلع الدكتور وقاللنا. ..اني اسف ضربتلها جرعة اكبر من عمرها والطفلة اعطتكم عمرها 💔💔💔
انا…انصدمت من كلام الدكتور وقعدت ساعة مصدوم ونرعش وانفكر في كلامها وانقول مستحيل لا مستحيل مرح اتموت وبلحظة جنونية خشيت عليها وقعدت انشوفلها وهما بيرفعوها للثلاجة ضربتهم كلهم وحولت الغطاء عليها وقعدت انوض فيها بس مفيش اجابة. .
.ومر الوقت وفي يوم دفينتها مشيت للدكتور وضربته لحتي قريب مات بعدها لحقني بابا وجاب معاه الشرطة وشدوه ولتوا قاعد محبوس ونستني فيه! امتي يطلع عشان نقتله. …هادي قصتي مع الحرارة وقصه اهلي وليش اهلي ماجووش للمستشفي لما انجرحتي من غير مايشوفوك وبوي اول ماحطنا قدامها روح ع طول ..🔥
انا…انصدمت من كلام محمد😳 ماكنتش متخيلة ان الوجة القاسي والقلب يلي بلا رحمة عنده جرح وقصة وماساة زي هادي. …انصدمت لدرجة معرفتش شن انقوله انعزيه ولا انواسيه ولا انخفف عليه ولا انسيبة ونمشي وانخليه مريض معرفتش كيف موقفي بيكون ….
بعدها محمد قعد يبكي واني مصدومة 😳🔥وخلاص اول مره انشوفه ضعيف ومنهار ومنكسر. ….بعدها قربت منه لان قلبي خلاص حتي هوا بدا يبكي من منظره. ..
قربت منه وحضنته وبديت نبكي امعاه وقتله: كل انسان عنده جرح يا محمد مستحيل ينساه ولا ينسي المه وعذاب قلبه منه بس الانسان المؤمن يلي واثق بربه ومتاكد ان كل شي من عند ربي مستحيل يضعف ولا يستسلم مهما كان الالم كبير…….محمد قول ان لله وانا اليه راجعون وامشي صلي ركعتين وادعي فيهم لاختك وسلم حزنك وماساتك لربي صدقني ترتاح. ..
صح! مستحيل اختك تنساها بس حتتعود علي رحيلها وتقعد تدعي انك تشوفها وتتلاقو في الجنة. …….يلا محمد نوض صدقني ترتاح والله …وامسحتله دموعه وشديت يده ونوضته وامشي توضا وصله وقعد يقرا في قران لعند الفجر. ..لو تسمعو صوته كان كله حنين وشوق كان صوت يطلع من الصميم يطلع من قلب مخنوق موجووع …❤️
اما اني مشيت للمطبخ ودرتله ليم ونعناع و حبة بركة طحنتها مع كشيك عسل وزيت زيتون لان كان عنده حتي كحة. ..واول ماكمل خشيت واعطتهاله وخداهم مني وشربهم واني قعمزت احداه وقستله حرارته ولقيتها نازله 38يعني الحمدلله بدت تنزل وجيت بناخد السفرة مسكلي يدي وقالي: شكرا. ..لانك وقفتي امعاي رغم كل شي درتهالك رغم العذاب يلي سببتهالك رغم اللعبة يلي لعبتهالك رغم كل شي جرحك مني شكرا لان قلبك كان مفتوح ليا وسمعني وسمع كل اوجاعي وحاول ان
يواسيني ….صدقيني كل عذاب سببته ليك ندمت عليه. ..صدقيني لو كانت مرح عايشة مكنتش هكي حياتي مكنتش لعبت بيك ولا قربتك اصلا …نعرف ان كلامي توا مش حيجيب نتيجة بس حبيت انقولك اني نادم علي كل شي🔥
انا… خلاص انسي يلي صار. …مفيش حد يعرف حياته كيف بعيشها ولا شن بشوف فيها. ..مثلا اني مكنتش نتوقع اني نتزوجك اصلا ولا حتي نفكر فيك بكل. ..وانت مكنتش تتوقع ان اختك تتوفي بالعمر هذا وتتركك. ..هذا القدر مش معروف شي منه بس لازم انصدقوه ونتحملوه حتي لو مكانش في مخيلتنا❤️
محمد…نسالك سوال انتي مرتاحه توا
انا.. باستغراب اكيد لا من يوم ماخشيت لحياتي واني انسيت حروف الراحة
محمد… عندك فرصة ليا انصلح اغلاطي
انا: اسفه السؤال هذا منقدرش انجاوب عليه
وطلعت وسيبته حاير في جواب سؤاله وامشيت لداري انفكر هل نقدر انسامحة نقدر نعطيه فرصة نقدر نعطيه عذر علي الشي يلي داره…وعلي هذه الاسئلة رقدت ومعاش نندري علي شي
____________________________
#عند عامر
عامر…وصل لشقته هوا وخوت مرته مهي الثلاته عماد وخالد ورياض وكان الخوف مسيطر عليه بكل مش قادر حتي يتكلم او يتحرك ماكانش متوقع انا رح يجي يوم ويجو خوته ويتلاقا معا
قعد…مش عارف كيف يتصرف بكل وفي نفس الوقت مش قادر يهرب او يتخلص منهم فتح باب الشقه وقال لعماد خش
عماد….خش وكان حاط يديه ع قلبه ف امل انا يشوف اخته مهي هيا وبنتها تقوي واول ماخش تلاقا معا عبير قدامه وكانت لابسه رووب وواضح عليها كاينه راقده
عماد…وخوته مستغربين من يلي شايفني وعبير انصدمت تحسابهم اصدقاء عامر بس🔥
عماد…قعد يشوف لعامر وقاله منو هادي ي عامر 🔥😳
عامر….هادي مرتي تزوجت لانا مهي توفت الل غالب
خالد…قعد واقف وكان مش مصدق يلي داره عامر بكل معقوله هكي
عمادد..باهي ليش من شنو توفت مهي احكيلي ووين تقوي بنتها
عامر….ااااء تقوي راحت مني وضاعت دورت عليها معاش لقيتها بكل وكان الخوف مسيطر ع عامر ويتكلم وهوا يرعش
خالد….صار قوتلي هكي ووخر سكر باب الحوش بالمفتاح واشر لخوه رياض وقاله امشي دخل عبير ف الدار وخليك معاها غادي
رياض….شد عبير وحطها ف الدار وكانت خايفه وتبكي وترعش
عماد…قرب من عامر وعلي طول ضربه براسه ع خشمه وقاله تبي تعرف شن درت في تقوي ومهي ولالا🔥
عامر…. والله قولتك بس انتا مش مصدقني
خالددد..دف خوه عماد وشد عامر وبدا يضرب فيه في مكاني لين عامر قال رح نتكلم حطوه ع الصالون وقاله احكي
عامر….وكان فمه دم ومش قادر يتكلم تقوي انا حطيتها ف مكان بعيد من هنا ومن وقتها معاش نعلم بشي عشان كانت رغبه مرتي هادي ماتبيش حد يقعد معاها ف الحوش
عماد وخالد وهما يشوفلو لبعض ومستغربين كممل كمل ي كلب ومهي كيف ماتتت
عامر….وكان يتوجع مهي كانت مريضه بس انا مرفعتهاش للمستشفي بكل ولا عاينتها وهدا ليش مااتت من المرض
عمادد….ي كلب وضرب عامر ع فمه لين بدا دم وقعد يقوله ف الكلام وشي كبير وشي صغير
خالد….توا شن نديرو فيك ي كلب الكلاب ياعن######🔥
عماد…واضحه هادي نقتلوه عشان كلب زي هدا ماينفعش فيه الخير
خالد…لا عندي شي احلي من الموت وخليه ومشي للمطبخ فك طوبو الغاز وجابه وقعد يشوف لعماد وبدا يضرب في عامر بكل قوته ع رجليه بالطوبو والعصا لين انكسرو وعلي ظهره وعلي العمود الفقري وعلي رأسه بكل قوته لين خلاه عامر مش.قادر يتحرك حتي شوي
ومشي خش ع عبير ولقي رياض خوه قاعد معاها
خالدد….قولي شن نديرو فيك ي كلبه نغصبوك توا والل نقتلوك والل شنو كيف تبي بالزبط
عبير…. ارجوك لا انا والله مادرت ولا حاجه عامر هوا يلي دار مش قصدي بشي بكل يلي تبيه خوده نعطيكم كل سي🔥
عماد…طلعي كل فلوسك ودهبك هيااا خير مايصيرش شي مش حلو
عبير… حاضر ومشت فتحت القرج وعطلت دهبها وفلوسها لخالد وعماد وكل يلي عنده ف الحوش
خالدد…خلاص ي عماد ساده هدا تربه هياا نطلعو
عمادد….وكان يشوفيلي لعبير لانها كانت مغريه بس انا عندي فيا في الكلبه هادي…..🔥🤤
خالد….دير رايك فيها بس مطولش وطلع رياض وخالد وخلو عماد معا عبير
عماد لوح عبير ع السرير وقربه منها وشد فمه باسها بالقويه وكان يبي يغتصبها بس ناض وسيبها وطلع
عبير…طلعت ولقت عامر غارق في دمه ومش قادر يتحرك رفعته للمستشفي ودخلوه وكانت حالته صعبه شوي
قعدت عبير معاه وبعد شوي طلع الدكتور وقاله للاسف المريض صارله…..🔥
عبير….لا مستحيل
تسريع الأحداث
بعد مرور شهر علي زواجي من محمد. …..الاسابيع يلي محكيتلكمش عليها كانو عادية جدا بالنسبة لمحمد كان امعاي عادي وبدا يحترم فيا كان يمشي للشركة الصبح معاش يرجع للعصر مرات يتغدي مرات لا كان اكثر انشغاله بشغله وبشركته. ..
اما انا كنت امكسده حياتي نفس الشي كل يوم نوض الصبح انضم وانحوس ونتغدي ونتعشي مع عمتي او في حوشي وطبعا علاقتي بالعيله كانت عادية كانت عمتي تحكم شوية وعندها علي السيطره يعني كنت اني ديمه نغسل الكويجينة وانحوس في الصاله ونور اتساعد فيا وكنت احيانا اني يلب اندير في العشي اما علاقتي مع خواته كونت معاهم صحبة وانسجمت امعاهم مع انهن اكبر مني بس جوهن كان حلو كنا ديما نمشو للسوق والبحر وناخدو في جو. ..يعني حياتي بدت تستقر في بعد محمد عني
وجي احلي يوم في حياتي يلي هوا يوم ميلادي يلي فيه سكرت 20وامشيت في 21
في صبح هذا اليوم نضت فرحانة لان كان بابا ايجييني🥰❤️ وينوضني ويعطيني هديتي بس هادي اول سنة ميصيرش امعاي هكي فقط لانني اصبحت زوجة هههه
المهم نضت ولبست سروال ابيض وتيشرت ورفعت شعري فوق يعني تسريحة ومشيت نجري نفتح باب الدار كان محمد واقف ومن سرعتي واهبالي خبطت فيه هههههه
انا ومحمد مع بعض: اااا اسف
انا:ههههه اني نتاسف مش انت
محمد: لا اني كنت واقف هنا
انا ان شاء الله الخبطة بسيطة لان راسي يابس هلبا هههههه
محمد….هههه لللا عادي … المهم بوك يتصل بيك من الصبح ردي عليه 🔥
انا اها. .بابا
وخديت التلفون واتصلت ب بابا واول مافتح الخط كان يغنيلي سنوة حلوة يا تقوي واني من الفرحة انطير في الهواء زي الاولاد الصغار
بابا: صباح احلي يوم في حياتي
انا.. صباحك بابا
بابا: كل عام وانتي بخير ياعمري🥰
انا:كل عام وانت جنبي يابابا. ..وقعدت نحكي معا بابا وكلمتك ماما اطمنتهم عليهم وهدرزونا شوي وكملنا المكالمه
ومشيت لمحمد بنعطيه التلفون
انا…تفضل
محمد: اوكي. .. تقوي ممكن نطلب منك طلب
انا: تفضل
محمد: لو اليوم فاضية العشية نبي ناخدك مشوار
اني بصدمة😳: اااا اي عادي تمام
محمد: اوكي معناها بعد العصر نلقاك واتيه
انا…تمام
محمد…تمام ومشي خدي تلفونه وجاكيت وطلع وخلاني
في حيرة ليش يبيني معقولة يعرف ان اليوم عيد ميلادي لا مستحيل. .اووووف منحبش المفاجات انا
قعدت وافقه في مكاني ونفكر شن يبي مني محمد…..🔥
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية معذبي)
تعليق واحد