رواية ميت لم يمت بعد الفصل الثالث 3 بقلم دعاء زينة

رواية ميت لم يمت بعد البارت الثالث

رواية ميت لم يمت بعد الجزء الثالث

رواية ميت لم يمت بعد الحلقة الثالثة

_انتي مجنونة يامنة ده ميت بتحبي واحد ميت
منة بالامبالاة لكلامها: مش ميت متقوليش كده
_حبيبتى مش أنا اللي بقول ده الكل عارف الموضوع أدهم ميت بقاله أكتر من 3سنين
منة بدموع: عارفة عارفة يانور بس أعمل ايه يعني حبيته
_حبيتي فيه ايه أنتي واعيه لكلامك أنتي عمرك ماتكلمت معاه حتي نص كلمة
منة بعصبية:نور أمشي عاوزة أنام
سبتها ورميت نفسي عالسرير وكلفت نفسي بالبطانية، وأول ما سمعت الباب انقفل اتنهدت براحة وتعب بجد من مجادلتها ليا
أنا منة منة الله اتنقلنا هنا أنا وأمي من حوالي سنة او سنة ونص اتعرفت فيهم علي نور وبقت صاحبتى ونظرا لأني نادر لما بصاحب حد بس صاحبتها صاحبتها لدرجة بقت عندي أكتر من أختي ولدرجة اني أمنت ليها وحكيت ليها موضوعي بس مش راضية تصدق وانا مش عارفه أعمل ايه او ذنبي ايه
أنني أني حبيت واحد مش موجود
رجعت بتفكيري كام يوم لوراه
منة: ن نوور صاحية
نور: اه صاحية فيه حوار ولا ايه👀
منة: عاملة اكتب كلام وامسحه
نور: ايه ياما هو أنا خطيبك ساعة تايبنج ومفيش حاجه اتبعت ماتنجزي
منة بتوتر كتبت: نور أنا بحب
نور سجلت ريكورد: لولووويوي يألف نهار ابيض يألف نهار مبروك ودي حاجه تستاهل التوتر اللي أنتي فيه ده كله هااا ياستي وياتري مين سعيد الحظ😉
منة: أدهم
نور باستغراب: أدهم أدهم ايه أدهم حاف أدهم نقط وأنا اللي هكمل أدهم علي المحارة وانا اللي هشطب.🙄
منة: ايه مبتفصليش
نور: طب أنجزي مين أدهم أعرفه
منة: اما نتقابل أحكيلك
نور: لا الفضول هياكلني
منة: يلا يكش ياكلك ونخلص منك يابنتى أنتي كمان سنتين وهتعملي مشاكل فى مخزون الأكل الإقتصادي للبلد أرحمي نفسك بقي
نور: حيث كده چود نايت عشان الصبح مش هرحمك ياحلوة الملامح يأم شعر سايح أنتي انكشحي……..
منة ضحكت وكملت نوم والصبح قبلت نور
نور: من غير أزيك ولا سلامات مين فورًا أدهم ده اسمه اسم أمه اسم ابن عمة خالة أمه بسرعة
منة بضحك: ايه انتي علطول مسروعة كده
نور خدت نفسها: هااا ياستي هديت مين بقي جميل الملامح😉
منة بتوتر: أدهم ابن عمك أشرف
بصتلي بصة مش مفهومه مقدرتش احدد معناها الصراحه بس فهمت من اللي قالته
نور: احم اوعي يكون عمك أشرف اللي فى بالي
هزيت رأسي ليها بأه
قالت بصوت عالي: لا أنتي كده اكيد اتجننتي
أنا: صوتك يانور الناس بتبص علينا
اتعدلت فى قعدتها:أدهم الله يرحمه أنتي مستوعبة اللي بتقوليه
أنا: معرفش يانور حقيقي معرفش بس انا حاسة أنه موجود بشوفه ف كل حتة حواليا
نور بعصبية خبطت علي الترابيزة: يابنتي قولي كلام يتعقل أنتي عمرك ماقبلتيه ممكن تكوني حبيتي طريقة كلام أهله عنه صعب عليكي حالة عم أشرف فتوهمتي أنك بتحبي ابنه لكن ده مش حقيقي وبعدين بعدين يعني بتشوفيه فين هااااا وازاي ده هو فى عالم واحنا فى عالم تاني خالص……
بااااك
وبس من ساعتها وهي مش راضية تتقنع وبتتعامل معايا علي أني مجنونة وعاوزاني اروح لدكتور بس لازم اثبتلها أني لا سليمة وبكامل عقلي بس إزاي، تليفوني رن
أنا: الو
_……..
أنا: مخها صرمة قديمة ومش راضية تصدق ولا تقتنع
_………….
أنا بفرحة: بجد يعني ينفع
_………..
أنا بحماس غريب: اوكيه اتفقنا
قفلت الفون ورنيت علي نور: ايه يانونو
نور باستغراب: نونو اممم خير
أنا: ايه الاستغراب ده هو أنا مرة ادلعك
نور: لا بس أول مرة تكلميني بروقان من ساعة ال
قاطعتها قبل ماتكمل: عاوزاكي معايا فى مشوار فاضية تيجي
نور فهمت أني بقفل الحوار: طبعاً ياكبير ولو مش فاضية أفاضلك
أنا:تمام الساعة عشرة هحود عليكى
نور باستغراب: عشررة بالليل……