رواية وجع نور الفصل الأول 1 بقلم يوكا مصطفى
رواية وجع نور الجزء الأول
رواية وجع نور البارت الأول
رواية وجع نور الحلقة الأولى
_ بتضربني بالالم ..دا انا بابا عمره م ضربني
:واكسر راسك كمان
_يااااه للدرجه دي بتحبها بعد م باعتك عشان الفلوس
_قولتلك اسكتِ
:لا مش هسكت طب لسه بتحبها ضحكت عليا وقولتلي بحبك انت بتحب ك*لب*ه فلوس
امشِ اطلع برا مش عايزه اشوفك روح اتجوزها بس اللي بنا دلوقت ابننا امشِ اطلع برا
(أنا نور ودا صهيب جوزي ..متجوزين بقالنا 11سنه
ببمشي ٧ الصبح وبيرجع ٩ بليل يتعشا وينام ولا كان في حد عايش معاه فالبيت ..وعندنا ابن اسمه يحيى 10سنين دا الحاجه الحلوه في حياتي واللي بتعوضني عن غياب صهيب)
يحيى:ماما ماما انت فين ..بتعيطي ليه وحط ايده ع خدي وكشر مين ضربك
نور..مفيش حاجه ي حبيبي مش كنت نايم صحيت لي يلا نام عشان وراك مدرسه
يحيى:ماما ردي عليا مين ضربك بابا قالها بصدمه
نور..ل لل”انفجرت فالعياط وخدته في حضني دا سندي الوحيد بعد موت اهلي علاقته بصهيب صفر عارفه انه تعبان بسبب كدا صهيب مش بيقعد ولا معاه ولا معايا حتى يوم الاجازات مش بيقعد معانا ي بيخرج مع اصحابه ي نايم ودي حاجه مأثره عليا وخصوصاً يحيى ..افتكرت موقف”
#Flash_Back
صهيب كان راجع من الشغل متاخر بس يحيى اصر وفضل مستنيه عشان يقولوا ع حاجه يحيى جرى عليه
يحيى..بابا بكره المس فالمدرسه عامله حفله للشطار وهتديني شهاده وجايزه بكره وقالتلي بابا وماما يجوا عشان نتصور مع بعض
صهيب:معلش ي يحيى ورايا شغل بكره
يحيى بصدمه وحزن:بس بكره اجازه ي بابا وكل صحابي بابا بتاعهم هيجي
صهيب بغضب:يوووه ي يحيى قولتلك ورايا شغل اي مش بتفهم اوعا من قدامي
“مش قادره انسى دموع وملامح يحيى فالوقت ده واللي حصل بعدها”
يحيى بيبص ع زمايله اللي فرحانين وبيتصورا مع بابهم
نور..معلش ي يحيى تعال نتصور احنا
يحيى..لا مش عايز
نور..لي كده هزعل عايزني ازعل
يحيى بسرعه..لا ي ماما يلا نتصور اتصورنا ويحيى ضحك بس من جواه عايز يعيط
#Back
يحيى ..متعيطيش ي ماما ..يلا تعالي ننام
نور حاضر ي يحيى
“عادي اقول دلوقت ان انا ويحيى مفضلناش الا بعض ..اصل مليش اصحاب ولاحتى اخوات حتى زوجي اللي مفروض يكون اماني بعد موت اهلي ملقتوش يحيى هو سندي وعمري كله ربنا ديمك ليا ي حبيبي “
صحيت الصبح ع صوت صهيب العالي قومت انا ويحيى مخضوضين
نور..خليك هنا ي يحيى لحد اما اطلع اشوف في اي
يحيى..انا خايف ي ماما
نور باسته ..متخفش
صهيب..طبعا نايمه وانت ولا على بالك خالص
نور…في اي ي صهيب بتزعق ليه
صهيب..في اني اترفدت من شغلي
نور..طب ليه
صهيب بتوتر وغضب وكانت حالته مش طبيعيه..وانت مالك المهم انا محتاج فلوس دلوقت بسرعه
نور..ليه هتروح تشتري مخدرات برضو هو دا السبب اللي اترفدت عشانه ي اخي يعني لا زوج ولا اب..ليه فاكر ابنك هيتبسط وانت كدا ..ها رد مش خايف لتصحى في يوم متلقنيش جنبك
صهيب ضربها بالقلم ..فين الفلوس بقولك فين
نور بوجع..لو قتلتني مش هقولك
خلع الحزام وفضل يضربها نور كانت بتكتم صراختها بس مقدرتش
نور…آااااه كفايه
زقها ع الارض مشي يحيى طلع من الاوضه وجرى ع مامته
يحيى بعياط..ماما اصحي ردِ عليا
نور بتعب…م..مم.مايه
يحيى جاب ليها مايه
يحيى …تعالي ي ماما نمشي من هنا قبل اما يجي
نور ..هنروح فين
يحيى ..مش انت بتقولي ان عند خال فاسكندريه
نور..بس مشفتوش بقالي زمان
يحيى ..تعال نروح مش مشكله يلا
نور بتبص في عيون يحيى
نور بعياط ..انا آسفه ي يحيى
يحيى..متعيطيش يلا نقوم
نور لبست هي ويحيى وخدت الهدوم والذهب والفلوس ومشت وكانت بتحاول متبينش المها
وركبوا القطر وراحوا اسكندريه
نور وهي واخده يحيى فحضنها ..ي ترى مستخبيلك اي نور
يتبع…
لقراءة الفصل التالي : اضغط هنا
الرواية كاملة اضغط على : (رواية وجع نور)
تعليق واحد