رواية وردة في المزبلة الفصل الحادي عشر11 بقلم منة محمد
رواية وردة في المزبلة البارت الحادي عشر
رواية وردة في المزبلة الجزء الحادي عشر
رواية وردة في المزبلة الحلقة الحادية عشر
نشرته بدري عشان يبقي فيه مسافه بين النشر ده لو التقدير مرضي هنشر بارت اخر ومعاه لينك الواتباد القرار ليكم حبيباتي
الجد بهدوء : يالا توكلنا على الله
نادر بعد ما قفل السماعه اتنهد وهو بيفكر في كلام ابوه عن ريم وعن مرضها
محتار بمشاعره المتضاربة ناحيتها لكن مشاعر الكره والحقد غالبه مشاعر الحب
رمى راسه على الكنبه وغمض عيونه وهو يتمنى يكون جنب ابوه واخواته ويعيد معاهم!!!!!
^^^^^^^قصص منه محمد^^^^^
المكان يعج بالناس اللي جايين يعيدو على الجد ويتحمدوا بالسلامه لخالد وعمل الجد عزومه مفتخره بمناسبه زيارة خالد ليهم واول انتهت العزومه وروحوا المعازيم إلا الساعه عدت 12 بالليل ومن التعب الجد حط راسه ونام ونسي ريم انها في المستشفى ……
اما صقر بعد ما انتهت العزومه راح بسرعه مع الشباب للسينما ونسي ريم لانه اصلا مش متعود على وجودها
…..قصص منه محمد……
بالليل صحيت فتحت عيونها وغمضتهم ورجعت فتحتهم حركت راسها يمين وشمال وهي تتامل الغرفه بوحشه ومش عارفه هي فين وخاصة اول مرة تدخل مستشفى
كانت خايفة وهي شايفه ابره السيروم مغروزه في دراعها فضلت دموعها تنزل
دخلت الممرضة عندها شافت دموعها بتنزل لوت بوزها الممرضة وبدون نفس : ليه بتعيطي ولا انتي بنت عز متعوده عالدلال
دخلت على جملتها ممرضه تانيه اتكلمت وهي تتوجه لريم : حرام عليكي يا نور البنت مريضه
ريم بتعب نقلت عيونها بين الممرضتين : انا فين؟؟
الممرضه١ : يمامي انتي بفندق خمس نجوم
الممرضه التانيه وهي تظبط السيروم: انتي فالمستشفى تعبتي والضهر جابوكي اهلك هنا
الممرضة الاولي : حطوكي وولارجعوا بيفكرونا خدامين عندهم بيتكلموا معنا من روس مناخيرهم
وطلعت بره الاوضه عدلت الممرضه التانيه المغذي وبرقه : اذا احتجتي حاجه اضغطي على الزرار ده واحنا هنكون عندك اوكي
ريم بتعب وصوت مبحوح عالاخر : الساعة كام ؟؟
الممرضة وهي بتبص في الساعه :واحده بالليل نامي يا حلوه وبكره ان شاء الله تكوني بخير
وطلعت وقفلت الباب وراها بهدوء وما زالت كلمه الممرضة تتردد في ودنها حطوكي ولا رجعوا كانت فاكره وهي تردد الكلمه معقول رموها هنا ومش عاوزنها ولو المستشفى طردوها تروح فين على دار الايتام بس نفضت الفكرة بسرعه لان دار الايتام عاوزين فلوس وهي مش معها جنيه وفضلت تفكر فين تروح افتكرت جنى بس جالها احباط هي ما تعرفش بيتهم وما فيش مدرسة حاليا حتى تقدر تشوفها عضت على شفتها ودموعها ملت وشها لدرجه فضلت تشهق بالخفيف وتدعي بصوت خفيف يا رب اموت وارتاح من الدنيا يا رب اموت يا رب
قطعها صوت دخل الغرفة وما انتبهت لدخوله وهي سرحانه بفكرها : بعيد الشر عنك ليه تقولي كدا وقعد على السرير ومسح على شعرها بحنان
اتفاجئت ريم ب الشخص وفضلت تمسح دموعها بايدها التانيه الي ما فيهاش كانيولا رغم ضعفها مش حابه حد يشوف دموعها
صقر بهدوء : ليه تدعي على نفسك ؟؟
ريم بصت لصقر وافتكرت نادر لانها كتير كانت تشوفه معاه كرهته لانه في نظرها صديق نادر ردت بقرف : مالكش دعوه وبشراسه فاهم
استغرب صقر معاملتها معاه وردت فعلها فتح الكيس الي في ايده وناولها بكيت بسكويت كبير وبحنيه : جبت لك هديه ومد ايده علشان تاخده ريم منه
ريم حست انه بيبصلها بشفقه لان اهلها ما حدش بيسال عنها لا امها ولا ابوها حتى سلطان الحنون ولا افتكرها في العيد نزلت دموعها غصب عنها
صقر بحنيه : يالا خدي هديتي
قاطعته ريم وضربت ايده بعنف ووقع البسكويت على الارض وعطته نظرة كره : انا مش عاوزه منك حاجه يارب تفهم
اضايق صقر من تصرفها لكنه ما ظهره ابتسم لها : اكيد ماعجبكيش البسكويت وفتح الكيس وطلع منه شوكولاته اكيد دي هتعجبك ومد ايده يالا بلاش تكسفيني
ريم بهدوء : مش محتاجه شفقة منك حتى لو امي وابويا رموني وما سألوا عني مش معناه انك تيجي وتجيب هداياك وتشفق عليا ولفت جسمها وراسها الناحيه التانية
صقر نزل ايده ورجع الشوكولاته للكيس وهو مستغرب من عنادها
مره واحده بدأت ريم تكح وكانت كحتها قويه قرب منها صقر وقعدهاعلى السرير : اناديلك الممرضه ؟؟
ريم من بين كحتها شاورت له بمعنى لا بعد ما هديت شوي ريم بصوت مبحوح ومعالم صوتها رايح : تعرف تفك دي وشاورت على الكانيولا؟؟
صقر بشبح ابتسامه : ليه عاوزه تفكيها
ريم بتعب رمت نفسها على السرير بهدوء قرب صقر منها ومسك ايدها وفكه برفق غمضت عيونها شوي لانها حاست بالالم وبعدها فتحت عيونها وقامت من السرير ببطئ ودخلت للحمام تحت اانظار صقر المراقبه ليها
دخلت الممرضة الغرفه وشافت صقر لوحده بالغرفه : فين المريضة
صقر من غير ما يلتفت لها : دخلت الحمام
بعدها بدقايق طلعت ريم من الحمام وشافت الممرضه واقفه تستنى لوت بوزها ومشت بحركة بطيئة للسرير مد صقر ايده علشان يساعدها بس ريم ضمت ايدها لصدرها دلاله على الرفض قعدت بهدوء وهي بتنهج من التعب قربت الممرضة منها ومسكت ايدها بتلقائيه سحبت ريم ايدها وضمتها لصدرها
الممرضه : يا حلوه هاتي ايدك ارجع السيروم بسرعه
ريم هزت راسها بالرفض
صقر بهدوء : ريم مدلها ايدك علشان تحط السيروم وتخفي بسرعة بإذن الله
قصص منه محمد
ريم بعند ضمت ايدها لصدرها بقوه
قام صقر وقرب لريم ومسك ايدها بعنف فضلت ريم تبكي وترفس وتضربه
الممرضة : لالا مش هينفع كدا
صقر بعصبية : وبعدين معاكي يا ريم
ريم ببكاء : البتاعه دي بتوجعني مش عاوزها يا رب اموت وارتاح منكم كلكم كلكم
وبعدها ارتخى جسم ريم وفضلت تبلع شهقاتها
صقر وجعه قلبه عليها وفضل يمسح على راسها حس انها نفسها تنام وشاور للممرضه تطلع وفضل يقرأ عليها قران بصوت شبه مسموع وبعد 10 دقايق دخلت ريم بسبات النوم وكانت وهي نايمه تشهق شهقات خفيفه
بعد ما اتأكد صقر من نومها مسك ايدها برفق وركب المغذي وبصلها بعد ماركبه لقي ملامحها مكرمشه لانها لسه ما ارتخت ملامحها بالكامل
حط ايده على جبهتها كانت درجة حرارتها شبه طبيعيه
باس راسها والقى عليها نظره اخيره وطلع لانه طيارته الساعة 5 الفجر
…….قصص منه حمد………
قاعد يشرب قهوه مع الجده وخالد معاهم
عصمت براحه : الله يسهل طريقه صقر ويرجع معاه الشهاده اللي ترفع الراس
خالد : ان شاء الله
عصمت :ربنا يوفقه فين مايروح وبعدها بصت لخالد انا عاوزه افهم ليه ابنك الكبير مقاطعنا ولا بيجي النواحادي ولا لحست عقله اليهوديه
خالد بابتسامة : الله يسامحك يا امي انتي عارفه انه ما يقدرش يسيب ولاده هناك مع مراته وخاصة انها رافضه تيجي هنا
عصمت بحده : ليه تبليه بواحده كافره هاه قولي ؟؟
خالد مَل من السيره دايما امه تفتحها ونفس الاسئله وبنفس الاجوبه يرد عليها : ياامي لما سافرت معاه علشان الدراسه خفت الولد ينحرف من البنات فقررت اجوزه علشان ابعده عن الحرام بس الي ما حسبت حسابه انه مراته تحمل من اول شهرين
الجده بشوق : ياه انا مشتاقه اشوف ولاده
الجد : ربنا يوفقه صحيح وسكت وكأنه افتكر وضرب جبهته بخفه
خالد رفع حاجب : في ايه يا بابا ؟؟؟
الجد وقف : نسيت ريم بالمستشفى
حزني عليكي ياريم قريبة منسية بعيده منسية…غريبة من يومك فى وحدتك دي
من يومك مظلومة من يومك محرومة…من كل حنية…..منسية منسية قصص منه محمد
عصمت بلامبالاه : وانا على بالي افتكرت امر مهم
خالد من غير نفس : اقعد يا حج هيحصلها ايه يعني خليها هناك يهتموا بيها ولما تتحسن اكيد هيتصلوا بينا وقتها نروح نجيبها
دخل فخري بعد ما استأذن قبل ما يدخل وسلم على الموجودين وقعد وهو يبص ل ابوه : بابا اقعد في كلام لازم ابلغك بيه بالنسبه للفرع اللي قررنا نفتحه بالخارج
قعد الجد باهتمام ونسي موضوع ريم ابتسم خالد لعصمت بارتياح انه الجد نسي الموضوع …..
انشغل الجد مع فخري وهما بيتناقشوا لوقت اذان الظهر وبعدها طلعوا للمكتب وهما مشغولين بالمشروع الجديد
قصص منه محمد
وهما بالمكتب بعد العصر رن موبيل الجد رد وهو مشغول : الو
هند : عامل ايه يا بابا ؟؟
الجد وهو مشغول بالاوراق : الحمد لله بخير
هند بهدوء : كنت عاوزه اسالك عن ريم هي عاامله ايه دلوقت ؟؟
الجد تذكر ريم : بخير يابنتي وانشاء الله تتحسن عاوزه حاجه لاني مشغول حاليا وقفل الخط واتنهد وفتح سجل المكالمات وشاف عنده عده مكالمات لم يرد عليها ومن ضمنها رقم المستشفى
فخري باهتمام : مين كان ع الفون يا حج ؟؟
الجد رتب الاوراق قدامه بعد ما حط الموبيل بالجيب وبعدها وقف : هند كانت بتسأل عن ريم
فخري : هي لسه في المستشفى ؟؟
الجد بلوم : الله يسامحك كله بسببك كنت الصبح ناوي اروح المستشفى بس انت شغلتني بالمشروع ودلوقت كمل الباقي انت وانا طالع للمستشفى
واتوجه خارج المكتب بدون ما ينتظر رد من ابنه فخري
………….
دخلت البيت وهي بتتنفس بصعوبه شافت في الصاله خالد وسها مراته وعصمت قاعدين ومبسوطين ع الاخر
عصمت متفاجئة : ريم انتي جيتي مين جابك ؟؟
بصت ريم لجدتها من فوق لتحت وصوتها مبحوح وعلامات التعب واضحة على وشها وبأمر: ابعتي حد يحاسب التاكسي واقف ملطوع عند البوابه
شهقت عصمت وحطت ايدها على صدرها : جايه مع التاكسي لوحدك ؟؟
قصص منه محمد
ريم بقرف وهي تشاور علي جدتها : لو كنتي فاكره يا عجوزه النار ترميني بالمستشفى علشان تتخلصوا مني تبقوا بتحلموا وانا هنا قاعده ع قلوبكم وشوكه قويه واقفه في زوركم وشاورت ع زورها بطريقه مضحكه وبسرعة التاكسي مستني بره ووراحت للسلم طلعت اول درجتين بس في ايد مسكتها بعنف ولفتها ناحيتها
…..: شايف لسانك اطول منك يا بنت ساره ورفع ايده يضربها بس وقفه الصوت اللي هز البيت : خالددددددد
قرب الجد وسحب ريم من ايد خالد وبتهديد لخالد : واقسم بالله لو شفت ايدك تمدها على ريم اقطعهالك وبصريخ فاهم
وبأمر : روح حاسب التاكسي بسرعه
وبص لريم ومسك ايدها برفق : يالا يا بنتي تعالي ارتاحي في اوضتك
بصت ريم لجدها وهي بتحاول ما تبين ضعفها هزت راسها وومشت بهدوء مع الجد لغرفتها …..
خالد ضرب كف بكف و بقهر طلع خارج البيت
عصمت بقله حيله : حسبي الله فيكي وعليك يا بنت سارة ورجعت قعدت مكانها بالصاله زوجه خالد تعبي راسها ..
……..
في غرفه ريم
قعدها الجد على السرير وبعدها ناولها كوبايه المايه بعد ما شربت ريم اخد منها الكوبايه ورجعها مكانها وبحنيه : حمد لله على سلامتك ماتشوفي شر يارب
ريم بصوت مبحوح : الله يسلمك وبعدها نزلت راسها
قعد الجد جانبها ورفع راسها بايده وبحنيه : مين قال لك ان احنا رميناكي بالمستشفى علشان نخلص منك ؟؟؟
ريم وهي باصه لجدها وببراءه : سمعت الممرضه قالت رموها هنا وما حدش طل عليها
اتنهد الجد وبص لعيونها المليانه دموع : امبارح جالنا ضيوف وما قدرتش اجي واليوم من الصبح انشغلت بالمشروع وبعدين انا حطيت لك ممرضتين يهتموا بيكي وكنت طالع للمستشفى بس اتفاجئت بوجودك واسألي عمك فخري اذا مش مصدقاني
مسحت ريم دمعه عن خدها نزلت غصب عنها :صدقتك ما لوش داعي اسأل
الجد باس راسها : طيب دلوقت المستشفى خرجوكي ؟؟
ريم ببراءة : لا انا هربت وجيت مع تاكسي قلت له وصلني بيت سليمان الحلبي ههههه
الجد استغرب الاسم وريم كملت :بهزر معاك يا سليمان ابو شديد وغمزته
ضحك الجد : حافظه اسمي كامل وبعدها اتغيرت ملامحه للجديه اسمعيني كويس بقي الموقف ده مش عاوزه يتكرر تاني يعني ينفع تطلعي مع تاكسي وياما اطفال سرقوهم اصحاب التاكسي فانتبهي مرة تانية وبعدين ده بيتك وافكارك الغريبه دي شيليها من راسك مفهوم
ريم : مفهوم
وقف الجد : ودلوقت يلا نامي وارتاحي علشان لما تصحي تتعشي
خرج الجد وهو يتوعد للمستشفى بإهمالهم
ايها الريم كوني جبلاً ولا ترهبك قوة الضربات، فقد ثبت في تاريخ الأبطال أن النصر في الحياة يحصل عليه من يتحمل الضربات لا من يضربه.
**********قصص منه ع القهوه******
على تربيزه العشاء سأل الجد ميرفت : طلعتي اكل لريم في اوضتها
ميرفت : نعم يا بيه
الجده بغيظ : انا نفسي اعرف ليه مهتم بيها كدا
الجد بجديه : كلي يا عصمت من غير فلسفه وبعدها بص لخالد امتى نويت ان شاء الله على السفر
خالد الي لسه زعلان من صريخ ابوه عليه وكأنه طفل : بكره الفجر الساعه 5.30 ان شاءالله
الجد : الله يسهلك طريقك انت والعيال وبعدها بص لرامي وانت عاوز تسافر ولا ناوي تفضل هنا
رامي براحه : لا هنا يا جدي
خالد بمحاوله اقناع : تعال يا بني وادرس هناك افضل لك من هنا
نسرين عمرها تقريبا 13 سنه : يا اهبل تعال معنا علشان يخطب لك بابتي هناك
رامي بتفكير : اذا فيها جواز خلاص اروح معاكم
خالد بنفي : لا لا بتحلم من بعد اخوك امير مستحيل اجوزك من هناك وبعدها تحمل مراتك وتجيب توام زي عيال امير لا لا توبه
رامي بلامبالاه : شايفين انتم بنفسكم مش عاوزين اروح معاهم
الجد بجديه : كمل عشاك بلاها كتر كلام
لوى رامي بوزه لانه جدهم لازم يكسفهم : حاااضر
نسرين رفعت حواجبها لرامي : تم قصف الجبهة بنجاح
انقهر رامي وقام عن الاكل : الحمد لله شبعت
*******
بعد عده ايام
سافر خالد ومراته واولاده وسلطان رجع هو وندي بعد ما اطمنوا عليها وبطريقهم جابوا الاولاد اللي ناموا عند اهل ندي
ريم اتحسنت حالتها مع الايام وكان الجد يوميا يزورها بالغرفه ويطمن عليها وده اكتر شيء قاهر عصمت
وقضت ريم العطله الصيفيه نفس البرنامج متابعة افلام الكرتون وتلعب بلايستيشن وبعد العصر كوره مع الاولاد …….
انتهت ااجازه الصيف وبكره اول يوم في المدارس
نزلت ريم وهي كالعاده تتزحلق على الدرابزين لما قربت توصل لاخر السلم نطت وبعدها وقفت وغمزة لجدها وجدتها : قولوا رايكم في الحركه
الجد مثل العصبيه : نفسي اكسر رجليك على الحركه دي كم مرة نبهتك سيبك من حركات القرود
ريم للجد بنص عين : اممم يعني انا دلوقت قرده وبعدها كملت مش تيجي منك ياشايب
الجد وقف : دلوقت هوريكي مين الشايب جريت ريم لجهة الباب وشافت رامي داخل جريت ناحيته واتخبت وراه وهي بتضحك
رامي بقرف : ابعدي عني يافتانه
وقف الجد وبامر : رامي جيب لي المجنونه دي و خليني اوريها مين الشايب
رامي وكأنه مستني الفرصه : ماطلبتش شيء يا غالي ومسك ريم اللي متخبيه وراه ويجرها وريم تضحك وتصرخ علشان يفلتها
مسكها الجد من ودنها : مين الشايب ؟؟
ريم وهي بتضحك : خلاص توبه توبه مش هعيدها
الجد بابتسامة : يا كدابه دايما تقولي توبه وترجعي وتعيديها بس يالا المره دي سماح وساب ودنها بسرعة يا ريم جهزي نفسك علشان نروح عالمكتبة
ريم رفعت حاجب : ليه عالمكتبه ؟
عصمت بكره : علشان تشتري لزوم المدرسه يا فالحه
ريم بصت لجدها : دقيقه واكون عندك وطلعت تجري علي السلم اسرع من البرق
بص الجد للجده وبضحكه : حفيدتك دي عقلها فاصل
عصمت بنغزه : ماتقولش بس حفيدتي وكشرت وشها
رامي كان مستغرب معامله جده لريم تختلف عن معاملته ليهم صحيح انه بيحبهم بس ما وصل للدرجه التدليل لوى وشه وطلع بره البيت مضايق
الجد باستغراب: ماله حفيدك ده التاني ؟؟؟
عصمت من غير نفس : وانا ايش عرفني
قاطعتهم ريم وهي نازله تتزحلق ع الدرابزين : يالا انا جيت
نظر لها الجد بقله حيله : عمرك ما هتوبي الا اذا اتكسرتي من ورى الزفت ده
نطت عالارض ووقفت عند الجد وضربت على صدرها : ما تخافش انا طرزان
وقفت الجده بتكاسل : مالت عليكي وعلى طرزان
ريم بجديه بصت لجدها : نصيحه وخدها مني انت تتجوز عليها شوفها بقت عجوزه ويادوب تقدر تمشي
بص الجد للجده وووقف عيونه وهو يبصلها: رايك كدا يا ريم ؟
راحت عصمت لريم وبسرعة ومسكتها من شعرها: وقسم بالله شعرك ده لاقطعهولك
ريم بضحكه : بهزر معاكي بهزر بهزر بقي سبيني شعري
شال الجد ايد عصمت عن شعر ريم : بس البنت بتهزر معاكي اصلا انتي ملكه الحريم ومسك ايدها واتوجهوا خارج البيت وريم تظبط شعرها من الوجع
************قصص منه محمد******
في صباح يوم جديد صحيت ريم على صوت الخدامه : ياللا المدرسه
انزعجت ريم من صوتها وكرمشت ملامحها بإنزعاج وبعدها فتحت عيونها وافتكرت المدرسة والوازم اللي اشترتها امبارح للمدرسه وقفت على حيلها بسرعه وهي متحمسه للمدرسه وجريت دخلت للحمام
كانت الخدامه بصلها وعلامه الاستغراب على وشها
كان الجد قاعد وجنبه عاليمين الجده وبالجهة الشمال رامي
عصمت باستفسار وهي بتشرب القهوة : خلاص عزمت ومش ناوي تغير قرارك
فتح رامي ودانه ع الاخير علشان يعرف ايه هو القرار
الجدم بإصرار : تعرفي يا عصمت انا من زمان بخطط للمشروع وعاوزو افتحه بالخارج ودلوقت جاتني الفرصه ومش ناوي اضيعها
الجده بصت للجد بتحقيق : ومين يشرف عليه هناك ؟؟!!
الجد بص للجده بلوم : وانا مش معبي عينك ؟؟
الجده اعترضت بضيق : عاوز تروح هناك وتسبني هنا ؟؟
الجد بابتسامة : ايه رايك ترافقيني ؟؟
الجده باعتراض : انا من بيتي والله ما اطلع وبعدين نسيت العله اللي فوق نروح بيها فين ؟؟ .
الجد باستسلام : على راحتك وبعدين ريم تروح معنا سكت لثواني وبعدها كمل انا هشرف عليه وارجع هنا واذا احتاجوني هناك اسافر وبعدين سلطان و فخري هنا مش هينقصك حاجه بس لو تشيلي العناد ده من راسك وترضي تسافري معايا
كانت عصمت عاوزه ترد بس قاطعها دخول ريم دخلت ريم وسحبت كرسي وقعدت مقابل رامي بعد ما قالت السلام بصوت واطي
عصمت بهجوم شرس وهي تبرق لريم : انت امتى تتعلمي الاداب وتسلمي زي الخلق
الجد بص لعصمت : سيبك منها وبعدها بص لريم يالا بسرعه افطري علشان ما تتأخريش عن المدرسه
ريم بهمس : ان شاء الله
استغرب الجد الهدوء الي نزل على ريم بس طنش والتفت على رامي : امتى رايح تعمل اجراءات الجامعه ؟؟
رامي وهو يشرب الشاي : مستني ايهاب اتفقنا نطلع من هنا على الساعه 8.00
الجد بارتياح : ربنا يوفقكم وبعدها بص لريم : يالا يا ريم عجلي وكملي اللبن بسرعة
ريم لوت بوزها : بس انا مش عاوزه اشرب لبن هشرب شاي
الجد بحزم : اشربي لبن افيدلك
ريم شاورت علي رامي بغيظ : ليه ده يشرب شاي وانا لا وبدلع غير مقصود يالا خليه يشرب حليب
رمي رامي نظره احتقار لريم : بقولك ايه طيري ما بقاش غيرك يعلمني اشرب ايه لا دي عيلت اوي
الجد بحكمه : ريم انتي كمان صغيره لازم تشربي حليب علشان تكبري بسرعه اما رامي كبير لما تبقي كبيره زيه انا بنفسي احط لك شاي اتفقنا
ريم بدون نفس : اتفقنا وبعدها وقفت
الجد باهتمام : تعالي عندي هنا
قامت ريم وقربت من جدها مسك ايدها وفتح كفها : خدي ده مصروفك ودلوقت استعجلي عالمدرسه
ريم اترددت تاخد فالبدايه بس بعدها افتكرت انهم اهلها وغصب عنهم لازم يصرفوا عليها ردت على جدها : حاضر
وطلعت للمدرسه
بعد ما طلعت ريم الجده تلعب براس الجد : شفت قليله الحيا حتى كلمه شكر ما قالتها ولا سلمت زي احفادنا اذا كان سامي اصغر منها بس تلاقيه اول ما يشوفك يسلم عليك ويبوس راسك مش زي العله دي
الجد بهدوء : يا عصمت البنت محتاجه تربيه من اول وجديد وانا قاعد اعلمها الصح من الغلط بالتدريج من غير ما تحس بس محتاجه وقت وإن شاء الله خير
عصمت لوت بوزها ومش عاجبها
اما رامي الي قاعد مستمع لكل الحوار ومبسوط انه اتحصل ع خبر يسوى مليون علشان يبلغ لشلته
*****************قصص منه محمد*********
كانت ريم بالفصل واتعرفت على بنات صفها كونها انتقلت للصف الرابع ومش فضلت مع صديقاتها بالصف الثالث
بالبداية شعرت بالرهبه والخوف لانها جديده بالصف بس اتأقلمت بسرعة بس كانت منزعجه لانها دورت على جنى بس للاسف بلغتها واحده صحبتها ان جنى سافرت مع اهلها
……….
بعد الغداء طلعت ريم لغرفتها بعد ما تناولت الغداء لوحدها لان جدها بالشركة وجدتها عند عمها فخري
فتحت tv وقعدت على الرسوم المتحركه وهي تفتكر صديقاتها بالمدرسة وخاصه الجوري اللي عوضتها عن فقدان جنى …
صحيت ريم ولقت نفسها نايمه عالارض قدام tv عرفت انها نامت وهي قاعده ، قامت وهي تتاوب وراحت دخلت للبلكونه شافت انه الوقت بعد العصر افتكرت اللعب وبسرعه طلعت من غرفتها شافت ميرفت نادتها وهي متحمسه
ميرفت : نعم
ريم قربت منها : تعرفي رقم بيت عمي سلطان
ميرفت : روحي هناك في اسماء دليل
قربت للتلفون الارضي بسرعة وهي تتلفت حواليها رفعت السماعه بعدها رجعتها وقعدت تدور عن اسم عمها سلطان
بعد جهد لقته مسجل باسم سلطان ابو بدر طقطقت تضرب الارقام ببطئ لانها مش متعودة عليه
بعد ما خلصت حطت السماعه على ودنها
سامي : نعم
ريم بصوت منخفض : نادي لي عبود بسرعة
قاعد عبود بالصاله عند امه وقرفان من حاله من المدرسه والواجبات
ندي : مين امرك تطلع من اوضتك ارجع كمل مذاكره بسرعة انت دلوقت في سنه رابعه ولازم تشد حيلك وتجيب درجات ترفع الراس
عبود بقهر مكبوت : يا امي ارحميني كله دراسة دراسه دراسة اليوم اول يوم فالمدرسه ولا اخدنا حاجه
ندي بدون اهتمام : حتى لو ما ااخدته حاجه حضر للدروس الجايه لعب السنين الي فاتت واجازه الصيف انساه فاهم وعطته نظرة حازمه
وقفت ندي: اذا رجعت وانت لسه هنا انا هتصل بابوك وهو يتفاهم معاك وسحبت نفسها وراحت للمطبخ
عبود ودموعه على وشك النزول من القهر دخل سامي الصاله وهو زهقان رن التلفون الارضي جري سامي ورد بغرور يقلد ريان : نعم ……….عبود موجود ……..بس مين انتي ؟؟
عبود لما سمع سامي بسرعه راح له وسحب السماعه وباستغراب : الو ………مين انتي ……. فيه ايه …….امي مش راضيه اطلع ……….ازاي يعني اتصرف ……..خلاص دقايق واكون عندك ……..طيب هجيب سامي وحماده ………لا لا ميدو مش هنا راح مع عمتي هيفاء ………سلام
سامي بتحقيق : مين البت دي؟؟
عبود : ما يخصكش فاهم
سامي بخبث : ماشي انا هروح دلوقت اقول لامي في بنت بتتكلم مع عبود علي الموبيل
ومشى سامي خطوتين مسكه عبود بسرعه من قميصه من ضهره ولف وشه لجهته وبهمس : يا غبي دي ريم عاوزنا نلعب معها ومن غير نفس يالا وراي
سامي بتردد : وامك ؟؟
عبود بلامبالاه : طنشها وسيبك منها بس تعال هي مش هتعرف
وبسرعة هربوا من البيت باتجاه بيت جدهم
******قصص منه محمد*******
نزلت السلم كالعاده تتزحلق على الدرابزين لحسن حظها جدها ما كانش موجود وبسرعة وهي مبسوطة طلعت للجنينه الخلفيه
وبعد دقايق حضر عبود وسامي وحماده وقسموا حالهم فريقين
………
قاعدين في الجنينه بمكانهم المعتاد وعيونهم على الاولاد وخاصة ريم
رامي بابتسامه خبيثه : صحيح اشباب قرب الانتقام
بدر بغباء : اي انتقام ؟؟
رامي شاور على ريم
ايهاب بقله حيله :ازاي ننتقم منها يا فالح وجدي قاعد محامي دفاع عنها يا فهيم !!!
رامي بفرحه : يا اهبل جدي ناوى يفتح مشروعه بالخارج وكمان هيشرف عليه بنفسه
عمر: طيب فين الموضوعـ,,,,, سكت وبعدها فهم على رامي والله انك داهيه وقام وباس رامي من راسه
بدر وهو يبص للشباب : يا جماعة فهموني قصدكم ايه
ايهاب : يا عم الغباء جدي حيكون مسافر يعني نقدر ننتقم من ريم وما فيش حد يدافع عنها وبعدها التفت للشباب احنا نختار الوقت اللي يكون عمي سلطان وابويا فالشركه ………
بدر استوعب وبعدها لف على رامي : يا داهيه دقي ههههه
منه محمد
سحقاً لكل مــن عذب وخان واستهان بمشاعر إنسان وكأنه لا يعلم أنه بهذا الكون كما تدين تــدان.
مرت ايام الاسبوع بسرعة خلال الاسبوع كانت ريم مبسوطه بالمدرسه ونفس الروتين حياتها نوم tv ولعب واضايقت ندي ونجوي من ريم لانها تلهي الولاد عن المذاكره لكن ريم تسمع من هنا وتطنش من هنا وكأنها ساحره للاولاد اتفقت معاهم وقت اللعب ترن على عبود وعبود بعدها يجمع الاولاد
اليوم الخميس سافر الجد امبارح بالليل وبما انه عطله قررت ريم تطلع من غرفتها
نزلت ودخلت للصاله ولقت عصمت قاعده لوحدها قربت لجدتها وقعدت جنبها بهدوء
عصمت من غير نفس : ليه طلعتي من اوضتك ولا جايه تغظيني؟
ريم ببراءة : انا
عصمت بكره : طلقه تجيلك وتريحني منك قومي من هنا الله لايبارك لك
دخلت اميره اخت ايهاب وهي بتجري وتضحك .
عصمت بابتسامة : اهلا يا اميره تعالي يا بنتي اقعدي هنا وشاورت مكان ريم
واتكلمت وهي باصه لريم بكره : قومي من هنا غوري في ستين جهنم
وقفت ريم وبلعت غصتها ليه تعاملها بالجفا وومشت خارج المكان بهدوء
استغربت الجده من ريم انها ما ردتش عليها هزت كتفها وبعدها قعدت تسأل اميره عن امها وابوها .
……
قعدت في الجنينه مضايقة وحاسه بالوحده اتنهدت واخدت نفس يمكن ترتاح لكنها اتخضت لما حست بحد مسك ايدها
بصت وراها شافت ايهاب يبتسم ابتسامه شريره : اتخضيتي متخافيش وسحبها من ايدها ووقفها وبعدها مسك ايديها وخلاهم ورى ظهرها وكتفها
وبعدها التفت للشباب : يالا نبدء
رامي : فالبداية هتتعقبي على المايه اللي رشتيها علينا
وبعدها شاور لعمر جاب عمر الحبل وربطوا ايديها من الخلف وقعدوها على الارض وبعدها قرب بدر بخطواته ومعاه سطل مايه كبير
شاور له رامي يمسك قصاده سطل المايه ويفرغه فوق راس ريم كانت المايه بارده جدا وفيها تلج
شهقت ريم اول ما حست بالمايه ضحكوا الشباب عليها
وبعدها قرب عمر بسطل مايه وفرغه فوق راسها شهقت للمره التانيه وفضلت وترتعش لان المايه بارده جدا
بعدها قرب ايهاب ومسك سطل وفرغه فوق راسها كانت ريم منزله راسها وشفايفها ازرقوا من البرد
وبعدها قرب رامي ومسك سطل وفرغه فوق راسها اختلطت دموعها بالمايه اللي غرقتها كانت حاسه بالضعف نقصها السند اللي يوقفهم عند حدهم افتكرت ابوها وزادت دموعها بالنزول ليه سابها هنا ليه مش اخدها حتى يوم العيد ما اتصل بيها ولا اطمن عليها ليييه سابها بمكان منبوذه فيه حتى ندي صرخت عليها الاسبوع الي فات وطلبت منها تبعد عن اولادها وعمها سلطان مابقاش يسال عنها وحتى جدها سافر ما فيش حد تشكيله ضعفها وحزنها
كانت غارقانه مش بالمايه لالالالالا غرقانه بانكسارها وهي سامعه الشباب يضحكوا عليها قطع افكارها صوت عبود وهي ينادي على الشباب وصل عندهم وهو بينهج بتعب من الجري : شباب ابويا وعمي فخري رجعوا
قرب منها رامي وقعد على الارض وفك الحبل وبتهديد : دي بس مجرد قرصة ودن ويا ويلك مرة تانيه تيجي ناحيتنا
وبعدها وقف يالا شباب وماتنسوش تمحوا اثار الجريمه هههه ويالا بسرعه عالملحق
عبود : وقف وقف انا مش بشتغل معاكم مجانا فين اجرتي ؟؟
وراح للشباب علي الملحق واتكلم ايهاب وهو ماشي بسرعه : تعال للملحق خد الفلوس علشان تشتري حلويات
حست ريم بشيء اتكسر جواها عبود باعها مقابل حلاوه كرهت عبود وكرهت اهلها كلهم غمضت عيونها بألم وبعدها فتحتهم مسحت دموعها ووقفت كان حالها يكسر الخاطر شعرها مبلول وهدومها كمان كانت مبلوله شفايفها ترجف من البرد مشت بنكسار داخل البيت قابلت عمها سلطان وعمها فخري عند الباب الرئيسي
بصت لعمها سلطان نظره عجز يفسر معناها هل هي نظره انكسار او لوم
وبعدها طلعت لغرفتها من غير ما تعبر جدتها اللي كانت تنادي عليها!!!!!
دخل سلطان وفخري
عصمت بقهر : قليله الادب اناديها ولا ردت عليا وبعدها بصت بتساؤل لسلطان : ليه كدا هدومها كلها مايه انا ناقصه تمرض وابتلي بيها من مستشفى لمستشفى
فخري يتكدر:امي لو هنقعد علي السيره دي خليني ارجع للبيت
عصمت بغيظ مكبوت : خلاص تعال نقعد هنا فالصاله ونشرب قهوه راسي قربت تنفجر
سلطان بخوف : سلامتك يا امي بعيد عنك الشر ومسك ايدها وراحوا للصاله
قصص منه محمد
كانت ريم واقفه اخر السلم ودموعها نازله ما فيش حد يهتم بيها ويواسيها او يسال عنها ضايقها كلام جدتها وحز بخاطرها بس حزنها ولا هيغير الواقع مسحت دموعها وراحت لغرفتها
……………… منه محمد
في مكان تاني
بابتسامه : كل شيء جاهز بس منتظرين اشاره منك
ضحك بخبث : ههههه ايام يا سليمان وسمعتك هتبقي على كل لسان هههههههههه
*************
قعد سلطان جنب امه وبهدوء اتكلم وهو باصص لامه : امي بطلبها منك بلاش تقسي على البنت الضعيفه كفايه انها محرومه تعيش جو اسري محرومه من امها محرومه من ابوها ما داقت طعم الحنان حياتها ضايعه ده يرميها هنا وده يرميها هناك
سكت لثواني وفي عيونه بريق دموع ومسك ايد امه وبرجاء امي كفايه ارجوكي حاولي تعوضيها عن الفقدان اللي شافته في حياتها
اتنهد سلطان بحزن وهو باصص لامه
عصمت بعدم اقتناع : يابني انت متعرفهاش دي لسانها اطول منها ولا بتحترم كبير ولا صغير
سلطان بيأس انه يلين قلب امه على ريم : ولا اقدر الومها طلاما نادر ابوها وانتي جدتها
الجده بنظره حازمه لسلطان : تقصد ايه بكلامك
دخل عبود الصاله وماسك في ايده غزل بنات وهو بينهج : فين ريم ؟؟؟
بص الموجودين له باستغراب
سلطان بتحقيق : ليه عاوز ريم ؟؟
عبود بحماس :عاوز اديها حلاوه واتكلم بسرعه وهو يحرك ايده يالا فينها ؟؟؟
سلطان بنظره شك :منين جبت الفلوس ؟؟
بص عبود لابوه وببراءه : ولاد عمي عطوني فلوس
عصمت : لا والله معلوماتي ان ولاد عمك مش كرمه يعني ايه بقي المقابل علشان يدوك ؟؟
عبود ببراءة : لانهم كان نفسهم ينتقموا من ريم قالولي اقعد عند البوابه اراقب لما تيجي انت وعمي فخري اروح اقولهم
ظهرت علامات العصبيه على ملامح سلطان : ينتقموا منها ليه ؟ عبود بسرعه قول هما عملوا فيها ايه؟؟
عبود لما شاف عصبيه ابوه ندم انه قال وبخوف : بهزر معاك يا بابا ما عملوش حاجة يالا سلااام
وشاور بايده للموجودين ولف ضهره متجه للباب بس وقفته صرخت ابوه : عبود تعال هنا وعيونه طاير منها الشرار
بلع عبود ريقه وشتم نفسه ميه مره لف نفسه وقرب عند سلطان اللي كان قاعد اول الصاله بس عبود ساب مسافة بينه وبين ابوه خاف انه يتأزم الموضوع علشان تكون فرصة للهروب
سلطان بحزم ل عبود : اتكلم بسرعه ومن غير لف ودوران وإلا قسم لتشوف عقاب ما يعجبك
عصمت : مابراحه علي الولد شوف وشه بقي اصفر ازاي من الخوف والله اعلم يمكن عملها على روحه
ضحك فخري بخفيف على كلام امه وبعدها بص لعبود اللي وشه كان اصفر من الخوف
سلطان بص لامه وباحترام : امي الله يرضى عليكي خليني اتفاهم معاه
وبعدها لف على عبود وهو يكتم عصبيته : اتكلم بسرعة
عبود بخوف : انا ماليش دعوه والله هما قالولي اراقبكم ولما جيتم روحت انبهم لقيتهم مربطين إيدين ريم بحبل ومقعدنها على الارض وكل واحد يفرغ جردل مايه عليها
سكت سلطان لثواني وافتكر شكل ريم لما دخلوا هو ظنها كانت بتعوم في البسين
وقف بعصبيه وهو بيغلي من جواه على الشباب
وقفه صوت فخري اللي كانت العصبيه ظاهره من عيونه : خليك انت ماتنساش يمين الطلاق وانا اتفاهم معاهم
طلع فخري من الصاله وهو يتوعد للشباب ……
………………..
سلطان دور بنظره على عبود عشان يعاقبه لكنه اختفى عض على شفايفه بقهر
عصمت : ياحبيبي ولا تضايق نفسك علشان قليله الحيا دي خليها تستاهل الي جالها ماحدش عارف قيمتها في البيت غير العيال دول خليهم يربوها
سلطان وهو يكتم غضبه احترام لامه : يا امي ربنا يخليكي بلاش تقهريني بكلامك ده والله حراااام دي طفله
اخد نفس وغمض عيونه لعله يرتاح وهو يفتكر نظرات ريم له قبل ما تدخل
اخخخخ وضرب الحيطه بايده وهو بيكلم نفسه ويردد قهروها وذلوها المسكينه …….
كانت الجده ساكته وهي تتفرج وماسكه نفسها انها تتكلم لا تقهر سلطان وتضايقه بكلامها …….
*******قصص منه محمد****
كانت قاعده على السريروtv شغال بس ما كانتش معاه كانت سرحانه وحاسه بالحزن ومضايقها جدا عبود ومش قادره تستوعب ازاي باعها علشان حلاوه
نزلت دمعه من عيونها مسحتها بسرعه لما شافت الباب انفتح
استغربت وجوده وليه جاي هنا
قرب منها وببراءه مد ايده اللي كان فيها حلاوه : ريم خدي اشتريت حلاوه ليكي
بصت ريم لعبود اللي كان يبتسم لها وبعدها هزت راسها للجهه التانيه انها زعلانه منه اتكلمت وهي صاده عنه : انا زعلانه منك ليه سبتهم يعملوا فيا كدا وما دافعتش عني !!
عبود بصدق : انا وافقت علشان اخد الفلوس واشتري لك حلاوه وبعدين انا عرفت بابا عنهم وعمي فخري راح علشان يضربهم ويمسح بيهم الارض
وبابتسامه ياللا خدي الحلاوه
اخدت ريم منه الحلاوه وفضلت تاكل ووهي لسه الدموع بعينيها وقعد قصادها عبود على الارض وربع وفضل يتكلم عن قصص و بطولاته الوهميه وريم متحمسه معاه وتضحك على بعض المواقف وكأن شيئا لم يكن ….
هكذا هم الاطفال دائما رغم الشجار الذي يحدث بينهم وقد يصل إلى الضرب لكنهم سرعان ما يعودون للعب مع بعضهم وكأن شيئا لم يحدث ……
واحيانا يوجد شخص يريد ان يسعدك ويقدم لك ما يسعدك لكنه احيانا يسلك طريقا خاطئا في اسعادك وهذا الطريق سبب لك ضررا لكن هو تصرف بحسن نيه لكنه دون ان يدرك العواقب …..فلندع فرصه للغير في تبرير مواقفهم ………..
كان فخري باصص علي عبود وريم من شق الباب المفتوح وشايف السعاده على وش ريم ارتاح بعد ما شاف ابتسامتها وابتسم على براءه عبود وريم وطفولتهم البريئه …..
كان حابب يدخل لكنه للحظه قبل ما يخبط علي الباب قرر يسبهم على راحتهم مبسوطين…..
وهو نازل السلم افتكر نادر وغيرته وقف ع السلم محتار شاف ميرفت طالعه السلم فقرر احترام لاخوه فخري طلب من الخدامه تنادي عبود بسرعه عالصاله بعدها نزل بهدوء متجهه للصاله
********قصص منه محمد********
ندي باصرار : ربنا يخليك قوم خليني اروح اشوف ريم
سلطان بهدوء : الساعه 11تطلعي فين دلوقت خليها بكره الصبح روحي عندها اما دلوقت لاء
ندي بقهر : انا نفسي افهم يعني هما اطفال علشان يحطوا عقلهم بطفله اااااااااااه يا بدر قسم بالله لو يموت ما لساني يخاطب لسانه شهر كامل .وبغل كدا يعمل ببنت عمه وفركت ايدها ببعض نفسي اخنقهم وقسم بالله يقهروا
سلطان : اهدي ومتخافيش اخدوا عقاب يعجبك من فخري وبص لدموعها وبابتسامه يخفف الجو : يا عيني عالمزاجيه ام دمعه وحساسه كتير
ندي تمسح دموعها : محدش فيكم يلومني البنت دي غلاوتها اكتر من ولادي والله ولا بطيق حد يزعقلها او يشخط فيها او يضربها
سلطان بنص عين : بس انتي الي من حقك؟؟
ندي وافتكرت قبل ايام لما اتكلمت معها بحزم وكم صرخه اتنهدت بندم : والله والله بعتبرها بنتي ومرضاش عليها انا عاوزها تكون من الاوائل وخاصه وضعها لازم تهتم بمستقبلها وعلمها هو سلاحها وبعدين شوف وشها اتحرق من الشمس ما تفرقها عن الصبيان
وبصت لسلطان مش عاوزها تلعب مع الصبيان وتاخد طباعهم هي بنت ولازم تلعب مع البنات …..فهمت يا سلطان ليه كلمتها كدا انا عاوزه مصلحتها وكنت معها حازمه علشان تعرف انه الامر جدي ومش بهزر معها
اتنهد سلطان : الله يعين وابنك المتخلف راح فين؟؟
ندي بابتسامة وما زالت عيونها تلمع من الدموع : نام من زمااان قبل ما تيجي
سلطان بهدوء: ربنا رحمه وإلله لو كنت مسكته الله اعلم كان هيكون ايه وضعه
ندي : الله يهديهم
سلطان : آ مييين
***************
في مكتب الجد سليمان عالتلفون
خيري العمري بخبث : قبل اي خطوه ابشرك ان بكره حقدم الطلب في المحكمه وانت عارف النتايج وانت راجل ليك سمعتك ودرجتك بالمجتمع اكيد مش هتقبل ينذكر اسمك على لسان الناس لما المحكمة تطلبك
الجد سليمان ببرود ظاهري : بس انت خسران القضيه !!!
خيري بخبث : عارف اني خسران القضيه بس ليه ما نجرب مين عارف يمكن اكسبها
الجد سليمان يحاول انهاء المكالمه : انت عارف انك خسران القضيه 100/100 فمالوش داعي الف والدوران من الاخر عاوزه ايه البديل المقابل
خيري العمري بابتسامة مكر : تعجبني تفهمها على طول انا هنسي موضوع المحكمه مقابل تتنازل عن مشروعك اللي بتشرف عليه حاليا
بهت الجد سليمان وسكت وهو بيفكر مشروعه الي سعى له سنين طويله مستحيل يتنازل عنه بالسرعه دي مستحيل مسح على دقنه بتفكير وبعدها اتكلم : اسمع اديني وقت افكر انت عارف انه مشروع كبير
قاطعه خيري : معاك مهله لبكره الساعه 8.00 الصبح واذا ما رديتي عليا نتقابل في المحكمه يالا تشاو
قفل الجد الخط وهو بيرسم بالخطه مستحيل يسمح لعدوه يخرب كل مخططاته عارف نقطة ضعفه السمعه لكنه مستحيل يسمح له يخسره مشروعه ساكت طول السنين الي فاتت وهو مستني اللحظه الحاسمه عشان يخربها عليه خبيث يا خيري يا عمري بس انا واقفلك بالمرصاد
############
طبعا مش فاكرين مين هو خيري العمري نروح لاول الروايا ده جد ساره ام ريم !!
طبعا والقضيه هي ضم ريم لحضانه ساره ومن هنا ابدء بظهور ساره ومعاناه ريم وتكبر ريم بقي ولا ايه …رايكم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
2 تعليقات