رواية وردة في المزبلة الفصل الخامس 5 بقلم منة محمد

رواية وردة في المزبلة البارت الخامس

رواية وردة في المزبلة الجزء الخامس

رواية وردة في المزبلة الحلقة الخامسة

صحي الصبح متنكد وافتكر معاد المدرسه زاد نكده بس حاول يطنش التفكير في الموضوع وجهز نفسه طلع من جناحه شاف ميري نادها بهدوء : ميري
راحتلو ميري وهي تبلع ريقها : نعم يا فندم
ناولها مفتاح غرفة ريم : ده مفتاح اوضه ريم يا ويلك اذا طلعت ريم من باب الاوضه فاهمه …هزت راسها
مشي عنها شوي وافتكر حاجه نادها : ميري ماتبعتيش ريم عالمدرسه النهارده سامعه
هزت راسها بالموافقة
نزل من السلم وكانت ساميه في الصاله الكبيره فؤجت بيه انه صحي لوحده صبح عليها من غير نفس ومشي لناحيه الباب
بس وقفه صوتها : مش عايز تفطر ؟
بدون مايلف عليها : ماليش نفس وخرج وهو سامعها بتبرطم وراه .
فات عالمستشفى وقعد في مكتبه كمل بعض ملفات للمرضي استغرق عده ساعات وبعدها استاذن وحط فونه ع وضع الصامت وراح للمدرسه
دخل المدرسة ومشي بكل ثقة وهو ماشي سامع البنات الصغيرين بيتكلموا اكيد ده ابو ريم الي سرقت لكن لفت نظره بنت صغيرة كانت بتبحلق فيه بتمعن طنشها ودخل وهو سامع البنات بيقولوا اكيد ابوها ضربها عشان كدا غابت عن المدرسة …..
دخل الادارة بعد ما اذنولو بالدخول قعد على الكرسي وكانت المديرة قاعده على مكتبها وبالناحيه المقابلة مدرستين قاعدين
نادر اتكلم بدون نفس : ممكن افهم الموضوع ؟!
اتكلمت احدى المعلمات : الموضوع انه في بنت بفصل ريم فقدت اغراض ليها ولما فتشنا الشنط لقانها في شنطه ريم .
نادر ببرود : وبناء على ايه حكمتي ان بنتي الي سرقت ؟
اتكلمت المعلمة بنرفزة : بقولك لقينا حاجة البنت في شنطه ريم !!!
نادر ببرود : ده مش دليل عشان تتهمي بنتي فيه حد شافها وهي بتسرقهم؟
المعلمه : لاء
نادر بعصبية : وعلى اي اساس تتهمي بنتي يمكن في بنات حطوها في شنطتها لمجرد ينتقموا منها وبعدين هي ايه ناقصها بنتي علشان تسرق من البنات ؟
ردت المعلمه التانيه : ناقصها مصروف من اول ما جات للمدرسة ولا مرة اشترت بمصروفها اكيد سرقت علشان تصرف زيها زي باقي البنات
المديرة بحزم :اسكتي يا وداد
في اللحظه دي دق باب الادارة وكانت طالبه صغيرة نفسها الي كانت بتبحلق في نادر
المديرة : نعم عايزه حاجه ؟
الطالبه بصت للجميع وبتردد : ابله في حاجة مهمه عايزاه اقولها
المديرة بحزم : انا مشغوله دلوقت تعالي في وقت تاني
الطالبة : بس الموضوع يخص ريم
المديرة : تعالي اقعدي ايه هو الموضوع ؟
الطالبة بتردد :أأأأأ مبارح في الفسحة نسيت مصروفي بالشنطه ورجعت ع الفصل عشان اخد مصروفي وسكتت
المديرة : كملي
الطالبة : كانت رغده ومعها مي فتحوا شنطه ريم وحطوا الحاجات فيها وهددوني اذا اتكلمت هيقولوا اني سرقت ويشهدوا عليا اتنين من البنات
المديرة بخوف : وخفتي منهم وسكتي
هزت الطالبة راسها بالموافقة
المديرة ببرود : احنا بنعتذر منك استاذ نادر حصل سوء فهم بالموضوع وانا بنفسي هاحقق بالموضوع
قاطعها نادر ووقف بعصبية وبعد ما حس انه ظلم ريم ودي ببرود اعصاب بتعتذر بالسهوله : قسم بالله لتندمي انتي والي قاعدين معاكي (وبأمر )هاتي ملف ريم بسرعة
المديرة بخوف : يا استاذ صل عالنبي ماتكبرش الموضوع وكل شيء شي ينحل بالتفاهم
نادر بعصبية ضرب ع سطح المكتب: انا مش هعيد كلامي هاتي ملف ريم واحلمي تبقي على الكرسي ده وبالاخص دي وشاور على وداد
قامت وداد بقهر وحضرتلو ملف ريم وبسخريه : اعلى ما في خيلك اركبه
شد نادر الملف : على رقبتي اذا فضلتي بمكانك وبص لها نظرة تكبر وغرور وخرج …..
قعدت المديرة بتعب على الكرسي وهي تردد :منك لله يا وداد خربتي بيتي
قصص منه محمد ع القهوه
بعد ما راحت سلمى ولينا ع المدرسه قعدت تتابع بعض البرامج على Tvكانت وقتها الساعه تقريبا 9.30 نطت من مكانها علي صوت الصرخه الي هزت جدران البيت
راحت لمصدر الصوت كان في الدور التاني كانت عايزه تطلع تشوف فيه ايه بس اتفاجئت بشكل ميري مرعوبة وتصرخ بصوت عالي طلعت السلم بسرعة وهي حاسه ان دقات قلبها كانها طبول حرب من الخوف
وصلت عندها ومسكتها من ايدها : فيه اييييه؟
انهارت ميري عالارض مش قادرة تستوعب المنظر الي شافته اتلكمت بكلام متقطع : ررر ييي ممم ماااااتتتتت وبدءت دموعها تنزل
انصدمت من كلامها ازاي ماتت طلعت تجري زي المجنونه علي اوضه ريم وهي رجليها مش قادرين يشلوها كان الباب مفتوح دخلت وبصت في ارجاء الاوضه وبعدها بصت عالارض كانت ريم مرميه عالارض ووشها ازرق ومنفوخ بشكل مخيف
خافت من المنظر ورجعت ع وري من الصدمه
وبدءت دموعها تنزل احتارت تعمل ايه مسكت الفون الي كان في ايدها واتصلت بنادر بس ما كانش بيرد اتصلت فوق 10 مرات بس مفيش رد
احتارت اكتر من التوتر والخوف العمل ايه اااه اتصلت بعمها سليمان رن وبالرنه التالته رد اتكلمت من بين شهقاتها: عمي تعال بسرعه
سليمان بخوف من صوتها :فيه ايه خوفتيني؟
سمع شهقاتها وما بقاتش ترد
قفل الخط وطلع ركب عربيته بسرعة لبيت ابنه نادر
دخل بيت نادر بسرعة وهو على اعصابه ما كانش فيه حد بالصاله ناداه بصوت عالي :ساميه يا ساميه
قربت من ناحيه السلم شاف ميري قاعده ع الارض تبكي ومصدومه سالها فيه ايه بس ولا ردت شاورت بس ع ناحيه اليمين راح ناحيه اليمين ولقي ساميه قاعده قدام اوضه ريم تبكي قرب منها وسالها بخوف:فيه ايييه؟؟
كانت خايفه ومصدومه وشاورت له علي الاوضه واتكلمت بشهقات : مممماتتتت
دخل بسرعة علشان يشوف مين مات
بص في الاوضه لعده ثواني وانصدم من المشهد ..قرب الجد من ريم وقعد ع الارض وهزها لكن منغير فايده كانت جثه هامده
قصص منه محمد ع القهوه
في الوقت ده رجع نادرعلى البيت
استغرب الهدوء وشكل الخدم سالهم : فين ساميه ؟
جاوبت واحده من الخدم بخوف:فوق
حس انه في امر وطلع الدور التاني ولقي ميري كانت قاعده نفس قاعدتها وشكلها مش يبشر بخير فات من جنبها وناداه:ساميه ساميه
رجع تاني عند ميري شافها قاعده تعيط ومصدومه سالها فيه ايه بس مفيش منها اي رد شاورت له ع اوضه ريم راح ناحيه اليمين مكان اوضه ريم ولقي ساميه قاعده تعيط بنهيار قدام اوضه ريم قرب منها وسالها:في ايه؟
كانت خايفه ومصدومه وشاورتلو ع جوه الاوضه واتكلمت من بين شهقاتها: مممماتتتت
قوه نفسه بسرعة ودخل بسرعة علشان يشوف مين مات
بص في الاوضه لعده ثواني وانصدم من المشهد …..
ودخل اوضه ريم لقي ابوه قاعد ع الارض جنب ريم وبيقول كلمه واحده:انا لله وانا إليه راجعون
من الصدمه حس وكانه انخرس مش قادر يستوعب الموقف بعد ثواني
قرب وقعد وحط ايده ع كتف ابوه وبخوف: ايه الي حصل؟
بصلو ابوه بلوم : مممماتت ونزل راسه
ما صدقش معقول ريم تموت مستحيل قرب منها ومسك ايدها يشوف النبض اكيد ابوه بيهزر معاه
لكنه اتجنن لانه ماكانش فيه نبض هزها حط راسه ع قلبها يمكن يسمع نبض
صغير بس ما فيش فايده كان جسمها بارد وخالي من الحياه
بارد يعني ماتت خلاص مش قادر يستوعب مش قادر يصدق
صرخ بصوت عاااااااالي :لااااااااااا ريييييييييييم
فجأة صحي لف حواليه كان في المستشفي وقاعد في مكتبه وقدامه ملف فرك عيونه واتعوذ من الشيطان حلم معقول حلم
يعني ريم مش ماتت اتنهد براحه بس لسه خايف اتصل بساميه علشان يتاكد بعداربع رنات ردت : الو
نادر بخوف وتوتر : انتي فينك ؟
ساميه باستغراب : ليه بتسال ؟!!
نادر بعصبية وتوتر : جاوبي بسرعة مش وقت تحقيقك ؟
ساميه بغل : يعني اذا بنتك رفضت تاخد منك الصبح مصروف تطلع عصبيتك فيا وبعدين ايوه انا في البيت كنت عايز حاجة قبل ما اقفل ؟
نادر وكانه ارتاح شوي : لحظة ريم رجعت من المدرسة ؟
ساميه : ايوه رجعت من المدرسة من زمان الظاهر انك مش عارف الساعة كام دلوقت انا اقول لك الساعة دلوقت 4 من الساعة 2 وانا برن عليك البنات ماتوا من الجوع وحضرتك ما جيتش وارن عليك مش بترد انا اللي عايزه اسالك انت فين ؟
نادرسرح لما قالت له ان بناتك ماتوا من الجوع قلبه وجعه وخف الخوف بعد كلامها لما عرف انه كان حلم وانه الظاهر بعد ما اتصلت بيه مديرة ريم نام بدون ما يحس اتنهد براحه يعني لسه ما حققتش مع ريم بحكايه السرقه يا رب ما يتحقق الحلم واقدر امسك اعصابي يارب
اتخض من صوت ساميه: انت فيييين ؟ انا قاعده باكلمك وانت مطنش ؟
نادره بنرفزه لانها قطعت حبل افكاره : انتي ليه دلوقت بتعلي صوتك سامعك سامعك انا مش اطرش انا فالمستشفى ودلوقت جايلكم اتغديتم؟
ساميه من غيرنفس : لا متغدناش مستنينك يلا سلام
نادر بسرحان :سلام
قفل الخط ونزل على الارض يسجد لله سجود شكر
انه كان كابوس مزعج اتنهد براحة وقام يجهز نفسه
علشان يرجع البيت..
قصص منه محمد ع القهوه
كانت قاعده في اوضتها ومستغربه لان لحد دلوقت الوحش نادر موصلش اكيد النهارده هيطلعها من بيته بجنازه عسكريه وكله بسب رغده الكلبه وكانت تتحلف وتتوعد لرغده لاتخليها تندم وعضت ع شفايفها وبصت للساعه كانت
4.24 استغربت ان لسه نادر مادخلش اوضتها وضربها كالعاده وهي لسه في حاله استغربها فجأة انفتح الباب خافت ريم وحطت ايدها على قلبها الي كان يدق بسرعة بس اتنفست براحه لما شافت ميري
ميري : انزلي البيه عايزك وطلعت ميري من الاوضه
رجعت دقات قلب ريم تنبض بسرعة هي واثقة من نفسها لكنها متأكده انه نادر مش هيصدقها
طلعت من اوضتها بهدوء ونبضات قلبها تدق اكتر وكل ما تقرب من اوضه الاكل يزيد خوفها لكن سلمت امرها لله ودخلت
كان نادر وساميه وبناته قاعدين ع الطربيزه نطت لما سمعت صوت نادر : ريم ياللا تعالي
استغربت من لهجته معها عادية بس كانت متأكده ان المساعدة اتصلت بولي امرها وابتسمت بفرحه اكيد كانت بتضحك عليها لمجرد انها تخوفها واقنعت
نفسها ب الكلام ده لان لو نادر كان عرف كانت دلوقت الله يرحمها في عداد الموتى
كانت ماشيه بهدوء وشارده الذهن وبنفس الوقت خايفة ،ضحك نادر جواه لما نداها ونطت من الخوف اتنهد براحه لما شافها واقفه قدامه وما فيهاش مكروه يا الله تشبه البنت دي كتير بعنادها وكانها نسخه منه مصغره نفس صفاته العناد الغرور قوة الشخصيه
والذكاء معقول اخدت صفة الذكاء منه بس الظاهر
انها ذكيه حتى ملامحها كثير تشبهه وخاصة نظرتها
الحاده بص لها كانت تاكل بهدوء ابتسم على البنت دي وتابع وجبه الغداء براحه
ريم كملت غداها وقامت وراحت بسرعه ع اوضتها وهي تنتهد
براحه لان نادر مش عارف عن السرقه وعزمت على انها هتروح تتفاهم مع الحيوانه رغده بطريقتها الخاصة وتحل المشكله بنفسها.
صحيت ريم الصبح بنشاط وهي عازمه تنتقم من رغده
نزلت وراحت لغرفه الاكل وقعدت بكل هدوء حتى السلام ولا كلفت نفسها تقوله.
وبعدها دخلت سلمى ورمت السلام وباست امها وابوها
وقعدت وكالعادة ابتسامتها مش مفارقه وشها
انهت ريم فطورها وراحت للمدرسة وفي بالها افكار لازم تنفذها النهارده
#############قصص منه#########
دخلت المدرسة بثقة وبعد الطابور دخلت الفصل وراحت لرغده من غير ماتحس وسحبت شنطتها ووقفت على التربيزه تحت انظار المعلمة الي كانت عايزاه تتكلم لكن شاورت لها ريم بنظرت تحدي : اذا سمحتي يا ابله بس دقيقة
بصتلها رغده باندهاش : هاتي شنطتي يا حيوانه
طنشت ريم وفتحت الشنطه وطلعت الاقلام : الاقلام الي سرقتيهم من البنات وده الدفتر الي سرقتيه مني وسكتلك وده كارت سوزان الي سرقيته منها
شهقت سوزان وبصت لرغده باحتقار
ومسكت ريم الاغراض الي رغده اتهمتها انها سرقتهم
ومسكت سلسله رغده الغاليه وقالت بصوت عالي :وقسم بالله يا رغده اذا ما تكلمتي وقلتي الحقيقه لا اقطعها فرفوته فرفوته وزعقت اانطقي انا سرقت منك حاجة؟؟
رغده خافت ان ريم تقطع السلسلة قررت تعترف بالحقيقة : انا حطيت الحاجات في شنطتك علشان انتقم منك لاني بكرهك
فقدت ريم اعصابها ومسكت السلسلة وقطعتها ومسكت حاجات رغده وقطعتهم حتى كتبها كلهم قطعتهم ورمت كل الحاجات على الارض و بسرعه مسكت رغده من شعرها وشدته منه بقوه وضربتها قلم ونزلت فيها ضرب لكن في ايد سحبتها وكانت المساعده الي كانت فايته بالصدفه ودخلت ع اخر الشجار واتكلمت بحزم:ريم عيب كدا سبيها
ريم بعصبية : تفوووووووه عليكي يا كلبه عشان مرة تانيه تتهميني كذب
المساعدة بعصبية: خلاص وشاورت لرغده وريم عالادارة
دخلت المساعدة متعصبه ومعها اغراض رغده : الحمد لله يا استاذ انك موجود علشان تشوف بلاوي ريم شوف الهانم ريم عملت ايه في حاجات البنت
دخلت ريم واتفاجئت بوجود نادر اضيقت من حضوره
اكيد دلوقتي يهينها قدامهم وخاصة رغده اتنهدت بغيظ ووشها احمر من العصبية
المديرة بستفهام : ايه الي حصل ؟
كانت المساعده عيزاه تتكلم بس قاطعتها ريم : انتي ماتدخليش فاهمه وبقوة عاوزها يعني تتهمني بالسرقه واسكت لها ده عند ام تتح الي بتيبع وتردح
نادر كان قاعد يتابع بصمت وكانت ريم وشها احمر من العصبية ورغده حالتها حاله شعرها منكوش ووشها احمر مكان ضرب ريم وهدومها مبهدله اتنهد
يا سبحان من خلقها نفس طبعه مستحيل يسكت عن حقه وريم زيه مستحيل تسكت عن حقها فكرته بنفسه لما كان بالمدرسه وتحصله مشكله بالمدرسه وحد من الطلاب يحطه فيه مصيبه وهو مظلوم وقتها فاكر يمسح بيه الارض
قطع تفكيره المساعده : عاجبك يا استاذ كلام بنتك ؟
نادر ببرود وبغرور : اولا انا مش استاذ اذا سمحتي انا دكتور تاني شئ البنت تظلميها وتشوه سمعتها وتسكت لك وبعدين ع اي اساس اتهمتي ريم ها ردي جاوبيني؟
كانت المساعده هتتكلم قاطعتها ريم : انتي مش بتفهي بقولك رغده اعترفت انها هي الي حطت المسروقات في شنطتي علشان تنتقم مني …..
المديرة بحزم : صحيح يا رغده ؟
رغده وهي تمسح دموعها هزت راسها بالموافقة
المديرة بحزم : هتتعاقبي يا رغده على عملتك
ولفت علي نادر : انا بعتذرلك حصل سوء تفاهم
نادر ببرود : عطلتو اشغالي وبالاخر سوء تفاهم
وبعصبية ناوليني ملف ريم بسرعه وانا هقدم شكوى على المخروبه دي
ارتاحت ريم انه عايز ينقلها من المخروبه دي ع حد تعبيره لانها بتكرها وتكره البنات الي فيها اتنهدت براحه واخيرا هتتنقل من هنا
المديرة بهدوء : خلينا نتفاهم
قاطعها نادر بعصبية : كلمتي مش بتنيها يا مدام هاتي الملف
قامت المديرة بنفسها وبعد دقايق رجعت ومعها ملف ريم : اتمنى ماتعملناش مشاكل
سحب نادر الملف بقوة وبحزم : ياللا يا ريم
قعدت في العربيه وهو ع اخره من المدرسه المتخلفه وبعدها بدقايق دخلت ريم وكان معها شنطتها
فتح الباب وركبت وري وبعدها اتحرك كانت هادية باصه من الشباك وبعدها ترجع تبصله!!
وكانها عايزه تسال عن شئ بس متردده سابها نادر علي راحتها لكن ريم اتشجعت
وسالت : فين هتقدم لي قصدي في اي مدرسه ؟
نادر ببرود :مافيش مدرسة بعد النهارده اقعدي في البيت لاني مش متفرغ لوجع الدماغ .
بصتلو بصدمه مش قادرة تستوعب انه خلاص ما فيش مدرسة صحيح هي ماكانتش بتحب المدرسة بس كان عندها هدف وراسمه مستقبل ليها علشان ما تحتاج حاجه من حد كانت هتعترض لكن قاطعها نادر بضحكه عاليه
بص لها من المرايه علشان يشوف رد فعلها بس مقدرش يمسك نفسه
الضحك على شكلها كانت تعبير وشها مضحكه وبريئه بعد ضحكته العاليه بصت له
مستغربه وكانها بتساله ليه بتضحك مسك نفسه من الضحك واتنحنح واتكلم بهدوء : اطمني هقدملك بمدرسة تانيه لكن اذا عملتي مشاكل اعتبري نفسك مفصوله وتقعدي فالبيت وما حدش يقدر يمنعني وبحزم اوكي ؟
بصت له بتكبر وهزت رأسها بالموافقة ولفت وشها ناحيه الشباك
بصراحه يا ناس البنت دي دبحت نادر بغرورها ومش عارف ولا فاهم هي علي ايه شايفه نفسها يعني لو كانت بنت تانيه بمكانها كانت اعتذرت ووعدت ما تكررها اما ريم حتى ما كلفت نفسها تتكلم
هزت رأسها وبس اتنهد ورن موبيله رفعه وكان عزام
اتنهد وافتكر موضوعه رد عليه :الو
عزام : يا اهلا بالصوت فينك من زمان ما شفتكش ؟!
نادر بهدوء : ما انت عارف مشاغل المستشفى وترتيبات السفر خلال اليومين
عزام : يعني خلاص قررت تسافر ؟ انا اتصلت اتاكد لانك اخر مرة كنت متردد !!
نادر : خلاص قررت حتى اكسب خبره من الخارج اكتر من هنا وبعدها ارجع بتعرفني مش بحب الغربه
عزام بمحبه : ربنا يوفقك ان شاء الله
نادر بتردد : ءءء عزام بالنسبة للموضوع
عزام حط ايده على قلبه : ايه الي حصل عليه ؟
نادر بحرج: انت عارف معزتك عندي ولو كان الامر بايدي كنت عطتهالك من غير مهر بس عارف انه شرطي انه يوافق ابويا بس ابويا رفض
عزام اتنفس براحه : ولا تهتم كل شيءٍ قسمه ونصيب
نادر : صدقني بابا دايما بيمدح فيك بس بيقول العمر بينهم كبير
قاطعه عزام وكان بقمه سعادته : يا راجل ولا تهتم قلت لك قسمه ونصيب وده ولا ياثر على صداقتنا صح ؟
اتنهد براحة نادر انه صديقه ما زعلش : اكيد طبعا انت اكتر من اخ عزيز عليا ياللا تامرني بحاجه ؟
عزام : سلامتك
نادرقفل الخط وافتكر لما قال لسليمان ابوه بموضوع عزام ازاي قوم الدنيا وقعدها وحلف يمين انه هو الي عرضها عليه لان عزام عاقل وفاهم و مستحيل يفكر كدا وزعل منه وقتها لولا تدخل اخوه الاكبر منه سلطان وطلب منه يكنسل ع الموضوع كله برمته
(سلطان اخو نادر وفخري كمان غير هند طبعا ودول لسه دورهم جاي ودور اولادهم ايهاب وعمر ورامي وبدر فاكرنهم وشباب غيرهم )
مسح وشه و رن موبيله وكان مدير المستشفى طلب منه يروح للمستشفى ضروري
غير مساره وراح علي للمستشفى…..وصل المستشفى
وقف العربيه بالموقف وبص وراه كانت متكورة على نفسها ونايمه
نزل من العربيه وفتح بابها وهزها على الخفيف رفعت راسها وعيونها مش قادرة تفتحها من النوم امرها بهدوء : انا عندي كم شغله ضروريه بالمستشفى ومش هتاخر اوكيه
هزت راسها وهو متأكد انها ولا فهمت حرف من الي قاله لانها نايمه
قفل العربيه بالمسوجر ودخل للمستشفى …
انهى نادر بعض الامور الضرورية من اجل السفر
وكان ماشي وماسك موبيله رفع عيونه وهنا حس ان بركان انفجر جواه واتجدد الحقد من جديد
كانت لابسه فستان قصير وضيق
وواقفه وتضحك ومبسوطة ومعها جوزها وشكلهم ومبسوطين
عالاخير ……..
اتجدد الحقد جواه الي قتلته بالحيا هو مات وهي عايشه ومبسوطة زاد الحقد والكراهية في قلبه
اتمني يروح ويقتلها
بركااان جواه انفجر طلع يجري بره المستشفى
والحقد والكره كل يوم بعد يوم بيزيد ليها
وصل العربيه وقفل الباب بقوة من قوته نطت ريم من الخوف
وكانت سواقته بجنون اهم شيء مايبقاش في نفس
المكان اللي موجوده فيه الكلبه الحقيرة
في اللحظه دي رن الموبيل ورد بعصبية :نعم
ساميه بهدوء : فينك اتأخرت نسيت انه النهارده غداء امك وابوك عندنا
نادر من غير نفس : ما نسيتش دلوقت جاي وقفل السكه من غير سلام
كانت قاعده وتراقب سواقته المجنونه بهدوء ….
ماتعرفش كم اخد الوقت لحد ما وصلت لباب البيت
نزلت ريم وهو صرخ فيها: انزلي ربنا ياخدك انتي وامك الكلبه وخالتك الكلبه
ومسكها وسحب ايدها بقوة ونزلها
بصت له بتحدي : امي متجبش سيرتها على لسانك ووصرخت فاهم
مسكها من ايدها وسحبها لحد باب البيت سحب وهويتوعد لها ازاي تعلي صوتها وتصرخ في وشي مره تانيه
عضته في ايده ومن قوه العضه سابها وزقها ريم بغضب :رجعني عند امي بسرعة
قرب منها نادر وبغرور : اصلا احمدي ربك اني حطيتك في بيتي …انتي امثالك مكانهم دار الايتام
حست بقهر وجرح جواها : وديني على دار الايتام احسن من العيشه عندك
نادر هو بيحاول يظبط اعصابه: ريم بلاش تخليني افقد اعصابي وارميكي بدار ايتام اختصري
ريم بقهر من الذل الي حاسه بيه : اصلا انت مش راجل لو انت فعلا راجل وديني يلا
قاطعها نادر كان نفسها تقوله لو انت راجل وديني
عند امي لكن نادر قطع عليها وظن قصدها اذا انه راجل يوديها لدار الايتام: انا هوريكي اني راجل وغصب عنك وزقها جوه العربيه
وانطلق باقصى سرعة تحت اندهاش الجد والجدة وساميه اللي مش فاهمين حاجة
بعد ساعة رجع نادر للبيت كان ابوه وامه وساميه
مكانهم وما كانتش ريم معاه
ابوه بعصبية : ممكن تفهمني ايه الي حصل
رد نادر ببرود والتعب ظاهر على ملامحه : ما فيش حاجة
سليمان بعصبية اكبر : ازاي مافيش امال روحت بريم فين ؟
نادر قعد على الارض بتعب : وديت وبص لابوه نظره انكسار وديتها لدار الايتام
سليمان بصراخ : مجنون انت ؟!!
قاطعه نادر بقهر : متخافش يابابا ما سجلتهاش باسم العيله متخافش ع سمعتك
عصمت ظهرت ملامح الفرح على وشها
ساميه : دي بنتك ايه الي حصل وقلبك على البنت بزياده؟!
نزل نادر راسه للارض وبقهر : شفتها النهارده بالمستشفى
كان على راسهم علامة استفهام مين دي اللي شافها ؟؟؟!!
كمل نادر قبل ما يسالوه : شفتها ورفع راسه وعيونه
مدمعه كانت مع جوزهاا مبسوطة وتضحك وهو مات بحسرته وقهره نفسي اقتلها واخلص منها وكان يوزع نظره بينهم ويتكلم بحزن قتلت اخويا الحقيرة
محدش يلومني بكرهها الحقيرة غادة هي الي قتلت اخويا ومسح دموعه
ساميه بحزن : انسى الماضي ريم مش ليها ذنب بالماضي مش ليها دخل بغاده حتي سارة مش ليها دخل حرام عليك اعتق البنت لوجه الله
قربت عصمت ومعها كوبايه مايه لنادر بحنان:اشرب ياحبيبي ولا تهتم ربنا يحرق قلوبهم زي ماحرقوا قلوبنا ع اخوك عماد حسبي الله ونعم الوكيل ومسحت دمعه من عيونها لذكرى ابنها عماد
اخد نادر الكوبايه وشرب المايه ع دفعه واحده واتنهد وكانه فاق دلوقت علي تصرفه الطايش ووقف بسرعه وراح ناحيه الباب
وطلع يركب عربيته وقفه صوت ابوه : رايح فين؟
نادر بهدوء : هروح اجيب ريم
سليمان بحزم : ارجع مكانك
نادر : بس يابابا
سليمان : خليها هناك وبما انك ما سجلتهاش باسم العيله ما عنديش مشكله وما تنسىاش خلال اليومين دول انت وساميه وبناتك مسافرين ما فكرتش حتسبها فين؟
عصمت بحزم : اياك حتي تفكر ولا في الاحلام تقعد عندي
سليمان : خليها هناك لحد ماترجع بالسلامه
نادر بحزم : مستحيل اخلي ريم تنام هناك
سليمان بحده : ليه توديها من البدايه
نادر بندم : عصبتني وفقدت اعصابي بسبب الكلبه غاده ومشي علشان يجيبها
وقفه صرخة من ابوه :اقف اسمعني عليا الطلاق من امك ما تجيبها فاهم اذا عاوز امك تتطلق روح جيبها
ولف سليمان بجسمه ودخل البيت ولحقته عصمت
وقفت ساميه بقهر: عجبك كله بسبب تهورك ياللا ادخل دلوقت وبعدين تتفهوا
مسح وشه بقهر وندم على تسرعه
قعد على الكنبه بتعب بسبب نادر الولد ده فعلا هيموته في الاخر
اتنهد بغضب اوعوا يالي بتقروا الروايا اني جد قاسي صحيح اني بكرهه ريم لانها بتفكرني باهل امها بس في نفس الوقت تبقي حفيدتي من لحمي ودمي ومستحيل افرط فيها وكلامي ليهم اني مش عاوز ابعتها على دار الايتام عشان اسمي وسمعتي مجرد حجه فقط لا غير وريم حفيدتي ومستحيل افرط فيها لكن عاوز اعلم ابني درس عشان تاني مرة مش يفرط فيها يعني يرضيكم يالي بتقروا الروايا من يومين جاي يفرط فيها ويجوزها لواحد من عمره والنهارده يوديها لدار الايتام لانها عصبته بكره لما تكبر ويتعصب منها اكيد هيبعها بقي عشان كدا لازم يتعلم درس وما يفرط فيها مره تانيه ويمسك اعصابه مش يقوم يعمل تصرفات طايشه
قاطع افكاره عصمت : يا سليمان ماتتعبش نفسك
قاطعها قبل ما تكمل بإشاره من ايده بمعنى اسكتي
لانه مش هيقهره غير هي وابنها الغبي
استغفر ربه بصوت عالي ووقف : ياللا يا عصمت
دخلت ساميه: ع فين يا عمي والغداء ؟؟
سليمان من غير نفس : ليكم بالعافيه
ساميه بحزم : والله ما تطلعوا غير لما تتغدوا ودلوقت انادي علي البنات
وراحت ساميه لغرف البنات علشان تناديهم
دخل نادر بكل هموم الدنيا فوق راسه ومتعب : ياللا يا بابا الغداء جاهز
ما عارضش سليمان وراحو لاوضه الاكل وقعدوابهدوء والصمت خيم عليهم دخلت ساميه وبعدها بناتها ردوا السلام بادب وقعدوا بهدوء
كان نادر بياكل اللقمه ومش قادر يبلعها مالوش نفس بس عشان ابوه اضطر ياكل وبص للمكان اللي كانت بتقعد فيه ريم حس بالندم والوجع وحس بقمة غباءه
كان سليمان يبص لنادر وحاسس بندمه بس نوى يخلي الدرس قاسي عليه علشان يتعلم مرة تانيه يمسك اعصابه
كملوا غداهم وقعدوا بالصاله التانيه يشربوا الشاي
والبنات حسب اوامر ساميه طلعوا فوق ع اوضهم
كان نادر متردد يتكلم لكنه تشجع : ءءء بابا ربنا يخليك خليني اجيب ريم انت ما تعرفش في بعض دار ايتام مش امينه وانا خايف عليها مش هقدر انام وهي نايمه هناك ومكان مش أأمن
سليمان بحزم : طلاما عارف ليه توديها هناك ؟؟؟؟
نادر بندم :يابابا قلت لك لحظة غضب وما كنتش ناوي اخليها بس كام ساعة وارجعها علشان اعلمها درس اني اقدر اعمل الي انا عاوزه
سليمان بلا مبالاة : اتحمل اخطاءك وماتنساش انا حلفت بالطلاق وانت حر بالاختيار
حس نادر بالقهر وكانه ابوه مسكه من ايده الي توجعه
عض شفته من الندم وحس انه ممكن يتجن ازاي هيسيب ريم تنام هناك طيب وطلاق امه كان في حيره من امره مسح وشه بندم وتعب
ساميه ادخلت : يا عمي مينفعش كدا دي مهما كان بنتكم من لحمكم ودمكم
قاطعتها عصمت : شيفاكي يعني بتدفعي عن بنت ساره ولاكانها بنت ضرتك
ساميه : صحيح انها بنت ضرتي واول ما جابها نادر اشترطت اني ما ليش علاقه بيها لكن يا حماتي عاشت ريم عندنا تقريبا خمس سنين ولا مرة اساءت الادب معايا او مع واحده من بناتي
عصمت بنغزه: طلاما ملاك ليه تمنعي بناتك يلعبوا مع اختهم ؟
ساميه : صحيح انا منعت بناتي يلعبوا معها لان ريم الفاظها سيئة واخاف علي بناتي يتعلموا منها يعني مش بتحترم نادر و تغلط فيه فاكيد بناتي هيقلدوها ومش هيحترموا ابوهم عشان كدا هي في حالها وانا وبناتي في حالنا
خاف نادر يشتد النقاش بين ساميه وامه فقرر ينهي
الموضوع لاحسن تدهور العلاقه بين ساميه وامه : والعمل دلوقت يابابا ايه اخر كلامك ؟
سليمان بحزم : ريم خلاص هتعيش بدار الايتام ولف علي عصمت يللا قومي وقام
ولحقته عصمت وهي توصي ابنها ما يهتم ولا يضايق نفسه
كانت ساميه عايزه تتكلم لكن قاطعها نادر برجاء : ارحميني مش ناقص كلام زياده_ وحط ايده الاتنين على راسه _ سبيني في حالي
وطلع لجناحه يفكر لعله يلاقي حل للمشكله الي هو كان السبب فيها