رواية يوميات عين امه الفصل الأول 1 بقلم آية عبيد
رواية يوميات عين امه الجزء الأول
رواية يوميات عين امه البارت الأول
رواية يوميات عين امه الحلقة الأولى
:- انت بتعمل اي يا احمد بالتليفون
:- بكلم جيجي صاحبتي يا ماما
:- بتكلم جيجي صاحبتك !! .. و دي عرفتها منين يا شملول
:- ماما ..قولتلك ميت مره متقوليش الكلمه دي تاني
:- يا صبار يارب .. طيب يا حبيبي عرفت جيجي دي ولا هي اسمها اي دي كمان
:- اسمها جوان بس انا بحب اقولها جيجي زي ما كان جدو بيدلع تيته
:- طب جدك كان بيدلع ستك عشان بيحبها ..دي بدلعها ب حجه اي يا عين امك
:- عشان بحبها بردو يا ماما
:- بتحبها !! ..دا اللي هو ازاي يا عين امك
:- عادي يا ماما زي ما كل الناس بتحب ..هو انت فاكره كل الناس زيك نكديه
:- نعم يا خويا .. انا نكديه ..طب و الله لكون قايلة ل ابوك
:- عادي ميهمنيش إذا كان هو قال كده ..يا شيخه قرفتينا في عيشتنا
:- اه يا يانا ياما ..والله العظيم ماحد فقعلي المراره غيرك انت و ابوك …
:- اي يا حبيبتي هو انت كل ما تتخانقي مع زياد هتجيبي في سيرتي
:- اهلا ب البيه اللي سايبني بشد في شعري مع ابنه و رايح يقول اني نكديه
:- انا !! ..انا قولت عليك كده
:- اه يا خويا انت ..حتى اسأل ابنك الشملول اللي بيحبلي و هو لسه في ابتدائي
:- والله و تمرط فيك التربيه يا واد جدع يالا ..و مظبطلك كام واحده بقا
:- انت هتستعبط انت كمان ..بدل ما تزعقله و تفهمه إن كده غلط رايح حضرتك تشجعه ..ربنا ياخدني عشان ارتاح منك انت و ابنك
:- اخيرا مشيت
:- بقولك اي يا بابا
:- اي يا اللي مشرف ابوك
:- ما تطلق الست دي و تجبلينا واحده تدلعنا انا و انت
:- كان على عيني يا حبيبي ..بس انا ادبست في امك النكديه دي
:- طب و اللي يخلصك منها
:- اعمله اللي هو عايزه يا عم احمد
:- طب استني
:- ماما
:- نعم يا عين امك
:- مش انا قولتلك إن بابا كان بيقول عليك نكديه
:- اه يا مغلبني
:- هو كان بيقول كده و بيتكلم مع واحده ست صوتها حلو اوي يا ماما و شكلها حلو
:- نعم يا روح امك
:- و ليه الغلط حتى روحي اساليه ..بس خدي السكينه معاك
:- دا انا مش هاخد السكينه دا انا هاخد اكياس سودا معاها
:- يكون احسن بردو
:- زياد
:- نعم يا حبيبتي
:- مين دي يا خويا اللي بتكلمها و بتقولها اني نكديه ..دا انت يومك مش معدي انهارده يابن مديحه الابي.حه
:- اه يا ابن الكل.ب دا انت مش ناوي على طلاقي دا انت ناوي على موتي
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية يوميات عين امه)
