اسكريبت حوريتي الفصل العاشر 10 بقلم آمنة آدم
 |
| اسكريبت حوريتي الفصل العاشر 10 بقلم آمنة آدم |
اسكريبت حوريتي الفصل العاشر 10 بقلم آمنة آدم
*بعد مرور شهرين على جوازهم وابتدو يقربو من بعض اكتر واكتر ويونس بقا ينزل الشغل وحور بتنزل الكليه*
*الصبح*
المنبه بيرن الساعه 8ويونس قام وطفاه وهو مش قادر ولقا حور صاحيه ونايمه على الكنبه وماسكه موبايلها بتتفرج على كرتون: انتي مروحتيش الكليه؟وصاحيه من امتى؟
حور وهي بصتله: بص انا صحيت بدري، بس امتى بقا بالتحديد ف انا مش فاكره،بس مروحتش الكليه عشان انت نايم وحاولت اصحيك مرارا وتكرارا وانت ف ماية المخلل
يونس قعد جمبها وريح دماغه لورا: ااه مش قادر انزل
حور بقلق وقربت عليه: ليه مالك؟ تعبان؟
يونس بغيظ: مانتي اللي خليتيني اسهر معاكي نتفرج على كرتون كورة البعبع ده ولا معرفش بتاع ايه
حور: اسمه كورتي البعبع، والكرتون اسمه شركة المرعبين المحدوده
يونس: ياستي هو انا هعمل ماجستير ف الاسم، بقولك رأيم انزل ولا اخليني مريح انهارده؟
حور بفرحه: بص تعالى ننام وبعدين نصحى وبعدين نعمل اكل سوا وناكل ونقعد نتفرج على كرتون او نلعب
يونس بتعب وهو قايم للسرير: لا يا حور حقيقي مش قادر لكل ده
حور بحزن: ليه! مانا قولتلك هننام شويه وبعدين هنصحى، واكيد انت هتصحى فايق
يونس وهو فارد على السرير: بصي تعالي نامي ولما نصحى يبقا يحلها الف حلال
حور راحت نامت وصحيو بعدها بساعتين
يونس قام مفرهد برضو ومش واخد كفايته من النوم وحور قامت فايقه اكتر من الاول
حور بفرحه: يلا نعمل الاكل سوا
يونس بتعب وعصبيه: بس بقا انتي تافهه ليه كده،انا تعبان بسببك دلوقتي،خليتينا نسهر ومنتمتش كويس وانهارده كان عندي اجتماع
حور خافت ومشت وسابته وراحت قعدت ف اوضة الاطفال وضمت نفسها وعيطت لانها بتخاف من الزعيق
يونس حس انها زعلت ف قام ليها عشان يصالحها وراح خبط علي باب الاوضه
يونس: حور؟
حور بتعيط ومبترودش
يونس: حور انا عارف انك سمعاني بس انا اسف والله انا بس غصب عني زعقتلك علشان اتأخرت على الاجتماع وكان اجتماع مهم “ودخل” يا بنتي كل ده عشان زعقت كده؟ ليه طيب
حور بشهقات: انا ب..بخاف من الزعيق م..مبحبش حد يعلي صوته عليا
يونس ابتسم: خلاص يا ستي مش هزعقلك تاني ابدا
حور ببرائه: ابدا ابدا؟
يونس بضحكه خفيفه: ابدا ابدا
حور ابتسمت ومسحت دموعها:ماشي،تيجي نشوف كرتون بقا
يونس ضحك: تعالي ياستي
حور بفرحه نطت من على السرير: يبقا طلاما انت فاضي تعالى الاول نعمل فشار وتسالي وبعدين نقعد نتفرج براحتنا وبعدين نقوم نعمل الغدا وبعدين..
يونس بمقاطعه بيقعدها: اهدااااااييي،خدي نفسك يلا شهيق زفير شهيق زفير
حور: يا عم شهير زفير ايه قوم نعمل الغدا
يونس: شهير ده يبقا ابوكي،اقعدي يا بت
حور قعدت: ادينا قعدنا اهو اعمل ايه بقا
يونس بيستفزها: ايه يا حور انتي قاعده ليه مش هتقومي نعمل الفشار والتسالي؟،شكلك هتعطلينا بقا ولا ايه
حور بغضب: اععععععع مستتفففززززز”ومشيت من قدامه للمطبخ وهو واقف يضحك”
“دخلو وحضرو الغدا الاول وبعدين خرجو يتغدو”
حور بتوتر: بقولك يا يونس
يونس وهو بياكل: قولي
حور بتوتر: هو ممكن يعني يعني لو ممكن
يونس: ما تخلصي يا بنتي
حور: عاوزه اروح لأهلي انهارده بقالي شهرين مشفتهمش
يونس ساب الاكل وبصلها: عارفه يا حور؟
حور:ايه
يونس: انا مستغربك جدا
حور: ليه يعني
يونس: عشان رغم ان باباكي غصبك على حاجه مينفعش الغصب فيها لكن انتي لسه بتبريهم وبتزوريهم وملهمش ذرة كره ف قلبك
حور: ما هو انا عرفت ان الكره بتاعي ليهم مش هيغيره اي حاجه،ولا هيخليني ارجع اعيش حياتي زي بقيت البنات واحب و…
يونس بغضب: نعممم يا عمممرررر،تحبي ميين يختييي هو انا ارييللل مش مالييي عييييينككك
حور بخوف وقربت تعيط: في ايه يا يونس انا بفضفض بس
يونس هدا نفسه بس اتكلم بغضب بسيط: يعني يا حور انتي عاوزه تحبي يعني!
حور:انا مقولتش كدههه وبعدين انت متضايق ليه يعني ها؟
يونس بتوتر وبيخفيه: انا ولا متضايق ولا حاجه،قومي نلبس عشان نروح لأهلك بقا
حور ضحكت ضحكه خفيفه لانها لاحظت توتره: حاضر
يونس فنفسه: يا ترى يا حور انا حبيتك ولا ايه بس
يتبع….
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي
