رواية البنات بتحب مين الحلقة العاشرة 10 كاملة
 |
| رواية البنات بتحب مين الحلقة العاشرة 10 كاملة |
رواية البنات بتحب مين الحلقة العاشرة 10 كاملة
بعد ما منى روحت وحاتم كمان روح….
وهو لسه هينام على الساعه واحده باليل … لقى منى بتتصل بيه
حاتم قال ف سره :
ايه فرغلي طلب يجوزك دلوقت ولا ايه مش فاهم؟!!
رد عليها
= الو
= الو …ازيك ياتومه
= الحمد لله اخبارك ايه يامنى…
= الحمد لله كويسه….
حاتم فضل ساكت مستنيها تكمل كلامها وتتكلم لانها اول مره تتصل بيه ف وقت زي دا !!!
لكن ساد الصمت بينهم لبرهه من الزمن…
= انا اسفه اتصلت بيك ف وقت متاخر انا هسيبك تكمل نوم تصبح على خير
حاتم بيقول ف سره
= وبعدين باه ف هبل البنات دا ؟!!!
حاتم بيرد عليها
= كنت متصله يامنى فيه حاجه ؟!
= مش عارفه…انا حسيت نفسي عاوزه اكلمك…ف اتصلت بيك
انا اسفه ازعجتك سلام
= يابنتي انتي قافشه على طول كدا؟!…
هو انا اشتكتلك ولا قولتلك انك ازعجتيني ولا حاجه وبعدين ما انا كمان……
= انت كمان ايه ياحاتم ؟!
وف سرها
= انطق ياحاتم اتلحلح
= انا كمااااان….
= ايوه ؟!
وف سرها
= هتيجي اهي قولها يلا
= كنت عاوز اكلمك…
=عاوز تكلمني ليه ياحاتم
= عشااااااان….
= ايوه؟!
حاتم ف سره
= طب ايه اعترفلها واسلم نفسي بعد كدا !!!
لا لا لا دا كمين وهتقولك ف الاخر خلينا اخوات
طب ايه اقولها كنت عاوز اكلمها عشان ايه ؟!!!
قطع حبل افكار حاتم صوت منى وهيا بتقوله برومانسيه
= تومه انت لسه هنا ؟!
= ايوه معلش كنت بشرب ميه
= ها ياتومه كنت عاوز تكلمني ليه بقى ؟!
صوتها الرقيق الجذاب خلى حاتم يضعف ولكنه رد عليها وقالها
= كنت عاوز اكلمك عشاااان…اطمن عليكي!!!
ردت عليه منى وصوتها فيه بعض الانكسار
= تطمن عليا بس ؟!!!
= اه اطمن عليكي انك روحتي بالسلامه
سكتت منى شويه وبعد كدا ردت عليه
= طب عاوز تطمن عليا اني روحت ليه ؟!!!
رد حاتم ف سره
= وبعدين باه ف ام المفتش كرمبو الي عاوز يعرف كل حاجه دا !!!
رد عليها حاتم
= اطمن عليك عشان انتي قولتلي من الاول اننا اخوات…وانا لازم اطمن على اختي
= اخوات ؟!. انا بالنسبالك اختك ياحاتم بس ؟!
= طب انا بالنسبالك ايه ؟!
= جاوب على سؤالي ياحاتم بعد اذنك ؟!
= طب جاوبي انتي الاول معلش وانا كمان هجاوب
= لا انا مش هجاوب انا حره
= ماتتعصبيش عليا
= لا اتعصب عليك براحتي عشان انتي عيل مستفز
= بقولك ايه ماتخلنيش اتعصب عليكي واجي احضنك
ردت عليه منى بصوت يدل انها كانت مستنيه منه كلمه زي كدا او اشاره
= تحضني ؟!!!
= قصدي اضربك
= عموما انا اسفه اني اتصلت بيك
= وانا اسف اني رديت عليكي
= ماشي هتوحشني سلام
= وانتي اكتر تصبحي على خير
= وانت معايا …. سلام
= سلام
بتقفل منى معاها وبتحس نفسها مبسوطه انها سمعت صوته…بتحس برغم انها لسه قافله معاه
لكن…صوت حاتم وحشها…هزاره وضحكه وكل حاجه…
حاتم بيقفل معاها وبيحضن الموبيل وبيقول
الكورنيش دا بيعمل شغال عالي اوي….كل ماتزنق اخرج للكورنيش…
بتمر الايام وحاتم ومنى بيتكلمو مع بعض اكتر وبيقربو من بعض اكتر وحاتم ف الوقت الي قرب فيه من منى بيهمل أصحابه احمد وابراهيم لانه معظم وقته مع منى….
احمد بيروح لحاتم محل الورشه بتاع النجاره…
حاتم لما بيشوفه
= اهلا ازيك يا احمد وحشتني والله…معلش مشغول عنك اليومين دول
احمد بيرد عليه بوش خشب ومكشر ناحيته
= اه صح …. الله يعينك هو انت فاضلنا يعني
= ف ايه يا احمد
= لا مافيش حاجه غير اني امبارح كلمتك ساعتين لكن موبيلك مشغول طول الساعتين دول
= اصل اناااااااا
= انا قولت اطمن عليك والحمد لله انك بخير…
= احمد انا عارف اني مقصر ف حقكم بس غصب عني
= صح غصب عنك…انك تلاقي ساعتين تكلم الي تكلمه لكن مش فاضي 5 دقايق تكلم اصحابك…
= يا احمد افهمني بس…
= انا قولت اعدي اطمن انك بخير عشان ابقى عملت الي عليا….عن اذنك…
= استنى بس يا احمد عشان خاطري…يا احمد….يا احمد
حاتم طلع يجري عشان يحلق احمد الي خرج بره الورشه ولسه هيروح وراها لقى صاحبه ابراهيم
حاتم بصله وقاله
= شوفت يا ابراهيم احمد عمل ايه
لكن ابراهيم قابله بنفس الوش الخشب وقاله …
= بركه انك لسه عايش ….
= انتو جاين تعملو فيا برنامج الصدمه انتو الاتنين ؟!!!!
= ولا صدمه ولا حاجه ياسيدي….شوف كدا كلمتك كام مره على موبيلك وكام رساله على ماسنجر والواتس
= يا ابراهيم افهمني ابوس ايدك…منى اخيرااااا
قاطعه ابرهيم
= منى؟!!… اه صح منى اهم مننا احنا الاتنين….
= يا ابراهيم انتو حاجه وهيا حاجه
= منى الي لسه عارفها من كام يوم دي؟!!! اهم من صحابك الي عارفينك سنين
= يابني ف ايه مالكم النهارده
= عارف ياحاتم…انا كنت مستعد اخد طلقه رصاصه بدالك ولا اني اشوفك بتتوجع ف يوم
رد عليه حاتم بنبره حزينه
= ابراهيم…عشان خطري….
ابراهيم لانه حساس شويه فعينيه بتبدا تدمع وهو بيقوله
= ياخساره ، خد بالك من نفسك…….
عاوزين تعرفو حصل ايه مع حاتم واحمد وابراهيم
طب منى كملت مع فرغلي ولا حست بحاتم
طب هيحصل ايه بعد كدا ان شاء الله تعالى
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى
