Uncategorized

رواية مهمة عاشق الفصل الحادي عشر 11 بقلم خلود وائل

 رواية مهمة عاشق الفصل الحادي عشر 11 بقلم خلود وائل
رواية مهمة عاشق الفصل الحادي عشر 11 بقلم خلود وائل

رواية مهمة عاشق الفصل الحادي عشر 11 بقلم خلود وائل

عماد:انا ال هوريك التمن الغالي هتدفعه ازاي
انت مفصول من شغلك يادكتور مع تقرير محترم في ملفك يخليك متشتغلش في اي مستشفي في مصر ولا برة مصر
دكتور حسن:وحضرتك مين عشان تعمل كدة
عماد:انا عماد محمود الناهي وفعلي هيخليك تحفظ اسمي طول عمرك
مدير المستسفي:اهدي ياعماد بيه وانت يادكتور حسن امشي الوقتي
الحاج محمود:ال عماد قاله يادكتور يتنفذ بالحرف فاهم
مدير المستشفي:فاهم يافندم طلبك أمر
خرج الدكتور حسن من الاوضه وهو يتوعد لليلي انه هيدفعها تمن ال عملته غالي ووراه كل الدكاترة الموجودين ومدير المستشفي ووراهم ليلي
نهي:دكتورة ليلي استني
اميرة:انتي عوزاها في ايه
نهي:انتي مالك
ليلي بهدوء:ايوة يانهي عاوزة حاجه
نهي:ايوة انتي نسيتي تلفونك هنا امبارح
ليلي:هنا ….انا بدور عليه مش لاقياه
نهي:ثواني …راحت نهي لعلي اخدت منه التليفون وعطته لليلي
نهي: اتفضلي
ليلي:ميرسي يانهي بعد اذنك
نهي:ايه ياليلي مش هتقعدي معانا ولا ايه
ليلي بعصبيه مكتومه:لا مش هقعد بعد اذنك انا مروحه
اميرة:ايه يادكتورة انتي هتطلعي عفاريتك عليها ليه كل دة عشان عوزاكي تقعدي يلا بالسلامه من هنا
ليلي:اه فعلا مهو انا بالسلامه وياريت تشوفو دكتور تاني يكون مسئول عن علي بيه عشان انا خلاص تعبت وكفايه عليا كدة
اميرة:هو انتي عملتي ايه عشان تتعبي ماانتي قابضه حق شغلك انتي هتستعبطي
ليلي بأنفعال:عملت ايه؟!عملت كتير بقالي اسبوع سايبه بيتي واهلي وكل حالاتي وقاعدة علي قد حضرة الظابط بطبق باليومين ورا بعض عشانه بخرج من بيتي في انصاص الليالي علي غير معادي واجيله عشان تعبان مع ان في دكاترة غيري ،سبت فرح اخويا وجيت سهرت معاه طول الليل واخرتها النهاردة عشان موضوع ممكن يخلص في دقيقه من غير كلامي اسيب اخويا وعروسته وانزل اجري من عندهم ذي الهبله واسمع كلام يحرق الدم من اهلي واصغر في نظرهم وفي الاخر تقوليلي عملت ايه
قالت ليلي الكلام بأنفعال وسابتهم وخرجت برة الجناح علي طول وكل ال قاعدين مستغربين من انفعال ليلي وكلامها
الحاجه منال:ايه ال قلتيه دة يااميرة دي متبهدله معانا يابنتي من ساعه ماعلي جه هنا
نهي:انتي مين قالك تكلميها بالطريقه دي دة بدل مانشكرها
الحاج محمود:ليه كدة يااميرة يابنتي احنا فعلا تعبناها كتير ومحتكرينها علي قد علي وراحته
علي بغضب مكتوم:روحي حالا اعتذري منها
اميرة:افندم
بصلها علي ببرود:مبقلش كلمتي مرتين
اميرة :بس ياعلي..
قاطعها علي بنظرات تحذيريه خوفتها منه
خرجت اميرة من الجناح تدور عليها لحد مالقتها ماشيه في الكوريدور
اميرة:دكتورة ليلي
ليلي:اممم افندم
اميرة بسخريه:كنت عاوزة اققلك برافو ال عملتيه انتي فعلا لازم تسيبي حاله علي لدكتور تاني غيرك انتي كفايه عليكي لحد كدة ياحرام متبهدله
ليلي ببرود:وانتي بقي ياقطه ال هتقوليلي اعمل ايه ومعملش ايه
اميرة:انا بقلك علي ال فيه مصلحتك
ليلي:بصفتك مين
اميرة:بصفتي خطيبه علي واحسنلك تبعدي عنه
ليلي باستهزاء:خليكي واثقه في نفسك شويه وووااااا ابقي البسي دبلته في ايدك لتاخدي برد
اميرة دمها غلي جامد من ليلي ومعرفتش ترد عليها وسابتها ومشيت علشان ترجع جناح علي وهي ماشيه اتخبطت في واحد
اميرة :مش تحاسب
مجهول:متفتحي انتي ياانسه
اميرة بأبتسامه شر:هو انت انا عوزاك في موضوع يهمك ضروري…
عند علي:::,,,
الحاجه منال:ليلي شكلها زعلانه مننا اوي
نهي:فعلا ياماما هي تعبت معانا كتر خيرها بس هي ال بتعرف تعالج علي هنعمل ايه
الحاج محمود:هي كتر خيرها محدش بيعمل ال هي عملته واحدة تانيه كانت سابت اي حد من زمايلها وجت في مواعيدها عادي
سارة: انتو مكبرين الموضوع اووي ياعمي ليه كدة
الحاج محمود:يابنتي بتقول اهلها زعلانين وضايقوها بالكلام وعندها حق بصراحه دي تقريبا مبتفرقناش
عماد:متزعلش يابابا انا هعتذرلها وهخلي اي دكتور تاني يتابع علي وربنا يسهل ويخرج بقي
الحاجه منال:لا دكتور تاني لا انا عاوزة ليلي
نهي:اه يابابا ولا ايه ياعلي
علي اتنهد:انا زهقت من المستشفي هروح امتي
هنا دخلت اميرة وقطعت كلامهم:اعتذرتلها ياعمي بس اوووف دي متكبرة ومغرورة اوووي
سارة :انا قلت كدة والله
الحاجه منال:انتو لسه متعرفوهاش دي طيبه اوووي وانا حبيتها من ساعه ماشفتها……
ليلي راحت لصاحبتها وعشرة عمرها ال بترتاح معاها وحكتلها علي ال حصل
الاء: أما انتي حمارة بشكل
ليلي:لسانك طول علي فكرة
الاء:هو انتي ليه مصممه تجننيني
ليلي:يابنتي انتي اصلا مجنونه بس انا مخبيه عليكي وبعاملك عادي شفقه مني يعني????
الاء:انتي ياغباء ليه مش بتبصي لنص الكوبايه المليان ها غاويه نكد والسلام
ليلي:اعمل ايه يعني
الاء:علي من يوم ماجه وانتي بقيتي معروفه في المستشفي وعملتي اول عمليه لوحدك وبعدها كل العمليات الكبيرة بقيتي بتشاركي فيها بسببه وكمان خلصك من دكتور حسن ال كان منكد عليكي حياتك والله اعلم لسه في ايه تاني حلو جاي من وراه وغمزت لليلي????
ليلي:مش فاهمه تقصدي ايه
الاء:انتي بتقاوحي ولا بتستعبطي ولا بتتغابي ولا ايه نظامك مش فاهمه
ليلي بصوت عالي :منا مش فاهمه الاة
الاء:قصدي انه يكون من نصيبك ياغبيه
ليلي:انا….. انا وعلي بيه اسم الله عليه انتي جرالك حاجه ياالاء
الاء:والنبي انتي ال عبيطه البت اميرة دي شكلها مش سهله وبترسم علي علي بيه اسم الله عليه
ليلي:لا داانتي اتجننتي رسمي ياالاء…. حبيبتي انتي كويسه دي بتقلك خطيبته تقوليلي بترسم عليه وبعدين مين قالك اني بفكر فيه اصلا
الاء:امال خدتي بالك اذاي انها مش لابسه دبلته ؟!
ليلي :هاه ااه عادي صدفه
الاء:وبتمري عليه كتير ليه في غير مواعيدك
ليلي:عادي عليه توصيه جامدة
الاء:اممممم طب وصورته ال علي تلفونك ال بتسرحي فيها بالساعات وغيرتك عليه من الممرضات وانتي بتغيريله علي الجرح ولا فرح حسام ال سبتيه وجيتي جري عشانه وسهرك جمبه طول الليل ها تحبي اققلك كمان ياليلي
ليلي:باااس باااس ارحميني ايوة بحبه وحبيته من اول لحظه شفته فيها واتمنيته يكون ليا ومن نصيبي بس مينفعش ياالاء مينفعش
الاء: ليه ياحبيبتي مينفعش ليه هو هيلاقي ذيك فين
ليلي: مينفعش عشان حجات كتير اووي
الاء:منهم????
ليلي:منهم اهله ومستواة الاجتماعي دة واحد مليونير وانا واهلي ناس عاديين اه مستورين الحمد لله بس مش في مستواهم منهم اني دكتورة بعالجه واول مايبقي كويس مش هيفتكرني اصلا
الاء:ليه مش هيفتكرك ليه مجايز هو كمان بيحبك
ليلي:بيحبني في اسبوع؟!!
الاء:ماانتي حبتيه من اول نظرة
ليلي:انا ماشيه عشان اتاخرت علي حسام وهو مسافر يلا سلام
الاء:بتهربي من الكلام بس انتي حرة سلام
عدي كام يوم وليلي بتتابع علي من بعيد وبتخلي الاء تطمن عليه ونفسها تدخل تشوفه قبل مايمشي
الاء:ليلي مش ناويه تروحيله علي فكرة احتمال يخرج بكرة ولا بعدة بالكتير متضيعهوش من ايدك شكله بيحبك وسألني عليكي كذا مرة ومامته واخته بردو شكلهم بيحبوكي
ليلي:انتي قولتيله ايه
الاء:اممممم نسيت ابقي اعرفي منه سلام
ليلي: باردة … بقلك انا هبقي ادخله انا اخر النهار ماشي
الاء:اممممم ماااشي
ليلي:امممهاتك كترت اووي كلمي يوسف يجي يخطبك خليكي تحلي عني بقي
الاء:تصدقي فكرتيني يوسف هيجي يكلم بابا اخر الاسبوع
ليلي:اها وكنتي مستنياه يجي وبعدين تقوليلي ولا ايه
الاء: ومين يلمع اوكر ياقلبي????????
ليلي:ماشي ياجذمه كله سلف ودين امشي قدامي
عدي اليوم واخيرا ليلي قررت تروح تشوف علي وخافت تكون المرة الاخيرة ذي ماالاء قالت راحت وخبطت علي باب الاوضه
الحاجه منال: مين ع الباب
ليلي:انا الغراب النوح النوح ال بطير فوق السطوح
الحاجه منال بفرحه:ليلي حبيبتي تعالي كدة تسبيني كل كدة ومتساليش عني
ليلي:والله غصب عني ياطنط كان عندي شغل كتير اووي و في اول فرصه جتلك اهوة
الحاجه منال:علي سأل عليكي كتير اووي
ليلي بأحراج:امال هو فين
الحاجه منال:هو في الحمام تعالي هيخرج الوقتي
شويه وخرج علي من الحمام ولابس بنطلون بيجامه وفوقه فانله قطونيل بحمالات وعضلاته باينه منها بشكل لافت للنظر وحاطط الفوطه حوالين رقبته وبينشف شعره المبلول ال نازل علي وشه وعنيه بشكل جذاب اول ماشاف ليلي فرح جداا بس مبينش دة
علي:اهلا دكتورة ليلي
ليلي متنحه من شكل علي واول مرة تشوفه واقف:هااا اه اذيك ياعلي بيه
علي: بخير فينك بقالك اسبوع بحاله مجتيش تطمني عليا
ليلي بنفس نظرة الاعجاب:معلش الخير والبركه في دكتورة الاء هي ذيي بالظبط
علي بنظرة معناها انتي مفيش ذيك حد :طيب انا هخرج امتي
ليلي:ايه زهقت مننا بسرعه كدة
علي وهو بيلبس جاكيت البيجامه:لا انا اققدر
ليلي راحت لتقرير علي ال علي السرير وشافت ملاحظات الاء:احنا بقينا تمام اووي اهوة ممكن اكتبلك علي خروج من بكرة لو تحب
علي :تمام بكرة كويس
ليلي بحزن:حمد لله علي سلامتك ياكابتن
علي بمرح:انا ظابط مش لعيب كورة
ليلي:خلاص ياحضرة الرائد
علي بنظرة حب :علي علي بس اسمي علي اسهل واخف ولا ايه
ليلي:المقامات محفوظه ياعلي بيه ولسه هتقول اسم الله عليه افتكرت الحاجه منال وسكتت
علي ضحك بكل صوته:كنتي هتقولي حاجه
ليلي:لا سلامتك تصبح علي خير
الحاجه منال: متقعدي معايا شويه ياليلي يابنتي ده اللقي نصيب
ليلي:اسيبكو ترتاحو ياطنط لو احتاجتيني انا بايته هنا النهاردة بعد اذنك
خرجت ليلي من الاوضه وقلبها بيدق بعنف ومخنوقه ودموعها بتلمع في عنيها وراحت علي اوضتها وطلعت تلفونها وقعدت تبص علي صورة علي ال كانت مصورهاله من غير ماياخد باله …….
عند علي:…
علي: بقلك ياست الكل انا بقيت كويس وهنروح بكرة انشاء الله
الحاجه منال:عاوز ايه يا حبيبي
علي:عاوزك تروحي ترتاحي وانا هجيلك بكرة انشاء الله
الحاجه منال:اروح اروح اذاي ياعلي بقي دانا مسبتكش من اول يوم هاجي للوقتي واروح؟؟!
علي:لازم تروحي ياماما
يتبع ……
لقراءة الفصل الثانى عشر : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى