رواية ليل الفصل الحادي عشر 11 بقلم ياسمين خالد
 |
| رواية ليل الفصل الحادي عشر 11 بقلم ياسمين خالد |
رواية ليل الفصل الحادي عشر 11 بقلم ياسمين خالد
_يوم الخميس والكل بيحضر لكتب كتاب لؤي وحور..ويوسف وساره..
كلهم متجمعين لكن ليل كانت مُختفيه..والكل بيدور عليها..ليل والدموع متجمعه ف عيونها كانت نازله وقتها من شقتها والكل وقتها متجمع ف بيت العيله وظبطوا ديكور الشقه والعِرسان قاعدين علي الكراسي والكُل مستني المأذون.. ليل بَصت لـ مؤمن وعلامات الذهّول علي وشها..طلقني يامؤمن..
_”مؤمن وِقف مكانـهُ مصدوم من الكِلمه قرب عليها وفِضل يبص يمين وشِمال.. بص لـ سهيله نظرات شك خاف لتكون عملت حاجه تاني تهد إللي بينهم وتكون خدعتهم طول الفتـره إللي فاتت دي.. قرب عليها أكتر ليل ف إيه إنتي مش شايفه الكُل باصصلنا إزاي أنا عملت إيه يستدعي تقولي الكلمه دِ!
_”ليل الدمـوع إتحررت ..إتكلمت بعياط وقالـت طلقني وإتجوز إنت تستاهل يتقالك يابابا..
= “مؤمن بيضم إيدو وعروقه نَفرت من العصبيه وبيجز علي سنانه” إنتي شايفه ده وقته كلامك ده ياليل إيه إللي بتقوليه ده أصلاً أنا راضي ياستـي حتي لو مخلفناش خالص.. متبوظيش فرحتنا النهارده كتب كتاب أخوكي وأختك وكمان أخويا شايفه فرحتهم إنتزعت من علي وشهم إزاي!! ”
“الكل كان واقف مصدوم.. قربت لميس عليها وقالتلها: ف إيه ياليل،هو مؤمن إشتكّالك!
” بتطلع حاجه من تحت الخِمار وبتوجهه كلامها لـ مؤمن إيه ده!!
“الكُل بـصدمه هـااا”!!
_ مش عارف، إختبار سَمع!
_ متجوز طَرشه!
= تِرمومتر طيب!” بيحُط إيدو علي جبهتها.. إنتي سخنه!
_ الترمومتر هيكون كل ده ليه شايفني جاموسه،هيقيسولها الحراره بكل ده!
= طب ميزان حساس ده!
_ ميزان حساس يامؤمن.. ياشيخ إنت ميح كده خالص!
“بيبص حواليه الكل بيضحك جامد.. وكلهم مبسوطين بتغمزلهم”
_ خدني ف حضنك الأول وأنا أقولك ده إيه!
= “بيبصلها بـِ شك” بت فيكي إيه!!
_ خلاص براحتك عادي..
= طب تعالي خلاص “بيحضنها.. الكل بيبتدي يسقف بصوت عالي.. الكل دمَع من فرحته.. كلهم فهموا لكن مؤمن لسه مفهمش”
“بتتكلم وهي ف حضنه.. كمان كام شهر هيجيلنا بنوته أو ولد يشاركوني حضنك ده بس أنا مش هستسلم وهتخانق معاهم وهحضنك بردو”
“مؤمن بيخرجها من حضنه..”
_ متنح ليه ياسطي..!
= ها!!!
_ هااا.. أاااه طب خلي بالك عشان فِ ذُباب ف الشقه وهيدخلوا بؤك يعملوا حفله جوا..
“مؤمن مكنش مدرك وفضل علامات الدهشه علي وشه”
“بتشاور بـِ إيديها يمين وشمال إتجاهه عينهُ” مؤمن.. لو سامعني بربش ب عينك طيب..
_ “بيبربش” “بتقرب عليه وتميل علي كتفه.. أنا تنحت نفس التتنيحه دي وأنا بعمل الإختبار.. فضلت أتنطط زي العيال الصغيره.. ده إختبار حمل والشَرطتين دول يعني حامل، والله حامل يامؤمن، بس لازم أخضك وأقولك طلقني أردلك مقلب من المقالب بتوعك ياأُستاذ”
“شدها لحضنه وإنهاروا ف البُكاء.. الكُل إتلموا حواليهم بيهدوهم..
أنا بحبك ياليل بحبك أوي
ليل عمر ماحَد سَكْن قلبها غيرك..
“خد تنهيده طويله جوا حضنها بمعني إن حِلمهُ إتحقق”
” بيحضنـوا أهاليـهـم.. الفـرحـه كـانـت بـايـنــه عليهم كلهم..
_سُهيله قَربت وبنظره حُب قالت: أنا فرحانه ليكي أوي ياليل..بقالي شهر بصلي قيام الليل وبدعي إن ربنا يرزقك بالذريه الصالحه..وإن ربنا يسامحني علي إللي عَملتهُ معاكي،شهر بتوسل لربنا شهر نومي مقلق..منتظره أسمع كلمه أنا حامل عشان ضميري يرتاح..الحمدلله
“بتحضنها”..
=أنا مبسوطه منـك أوي وبتغيرك ده،مبسوطه إنك جيتي النهارده،مبسوطه إنك العلاقه بينك وبين يوسف خلاص الشهر ده إتحسنت والوِدّ كان بينكم عشان الأولاد..مبسوطه إن ولادك إبتـدوا يحبوكي..مبسوطه إنك بقيتي بتشتغلي وبتساعدي ولدتك ووالدتك فرحانه إن أول قبض ف شغلك إديتهولها عشان تساعدي ف علاج أخوكي..عملتي إنجازات كتير ف وقت صغير،وطول ما إنتي قريبه من ربنا الخير هيزيد عندك
=”بنظره رضا” الحمدلله..الحمدلله علي كل حـال
“بيقاطعهم صوت المأذون”
_السلام عليكم
= إتفضل وعليكُم السلام
“طول كتب الكتاب كان مؤمن باصص لـ ليل والضحكه مفارقتش ملامحه وعمال يبص علي بطنها
“حَرك شفايفه وقال”: بحبك
ليل فهمتهُ حركت شفايفها”انا كمان بحبك”
“الشيخ وقتها كان بيدعي لـ حور ولؤي،ولساره ويوسف والجميع فرحان وبيأمن ورا الشيخ”..
قولوا ورايا
=الشيخ: بارك الله لكُما
_الجميع بيردد..”بارك الله لكما”
_الشيخ: وبارك عليكُما
=الجميع بيردد: وبارك عليكُما
– الشيخ:وجمع بينكما فِ خير
= الجميع بيردد: وجمع بينكُما فِ خير
“مؤمن بيخطف منديل يوسف وساره وبينكشهم..لأ مش هتاخدوا لأ لأ..
وليل بتخطف منديل لؤي وحور
_إتحايلوا عليا شويه!!
“بيضحكـوا، والفرحه كانت باينه علي الكل وكإن اليوم عيد بالنسبالهم”
مامه ليل بتاخدها علي جمب بعيد عن الدوشه: لازم تاكلي كويس وتنتظمي ف الاكل..ولا أقولك أنا عارفاكي لا هتهتمي بنفسك ولا نيله أنا هقول لمؤمن تقعدي عندي الشهور الاولىٰ دي
“مؤمن بيقاطعهم”
_ سامع إسم مؤمن..بتخططوا لـ إيه ها!
=”خالتهُ بمُشاكسـه ” هاخد ليل تقعد عندي الشهور الاولىٰ دي إيه رأيك!
_ ليـه ياخالتي!
= عشان يابني لازم يكون فِ غذاء كويس ولازم تصلب طولها وأول حَمل بيكون صعب وكمان مُقرف وإنتَ هتكون مشغول فِ شُغلـك،وأمك تعبانه يابني مش هتقدر تشيل ليل كتر خيرها بردو
_ أنا هعمل كل حاجه متشيليش هم..ليل مش هتسيب بيتها يوم واحد،أنا لا هخلي أمي تخدمها ولا إخواتي ولا حتـي إخواتها أنا مش عاجز عن إني أخدمها ياخالتي ليل ف عيني متقلقيش
_ليل بمشاكسه: يعني هتعرف تغسل المواعين!
= هتعلم
_ هتعرف تعمل الأكل!
= هتعلم
_ هتعرف تكنس!
= هتعلم عشانك
_ لأ ياماما خديني معاكي ده مش عارف أي حاجة
_”أمها بتضربها علي كتفها ضربه خفيفه” يعني سيبتي كل كلامه الحلو ده وإنه هيتعلم عشان وبتحبطيه ياساتر عليكي بت
_ هي كده علي طول ياخالتي ساده نفسي
= أنا يا بسبوسه قلبي
_ ها..! “بضعف” أحم لأ طبعا
=خالتهُ: بتضعف من كلمه ياخايب
_ بتعرف تدخُلي من ثُغراتي والله.
_ ماشي ياأبو ثُغرات ياحليوه إنت.. أنا عايزه البت أو الواد يجو شبهك ياواد يامؤمن.. رموشه أو رموشها التقيله زيك.. مناخيرك الصغننه دي طبع الحُسن إللي عندك.. عيونك العسلي
_ “ليل بترفع حاجبها”.. طب وبنتك يعني.. ده أنا حتي أجنبيه شعري بني وعيوني زرقا حواجبي ورموشي بني مناخيري أصغر من مؤمن علي فكره.. صح يامؤمن
_ صح ياحبيبتي
= الطبله شغاله الله اكبر يعني، أنا ربنا نصرني.. أنا إختارت صح.
_أم ليل:الواد لو طلع حلو شبهك كده البنات هيقولوا عليه طري فهمتي احنا عاوزين واد ناشف كده ولو بت تبقي ياستي مخلطه بينكم
” بيضحكوا “.. حاضر يا ماما هنجيبوا ميكس ليل ومؤمن
_ شاطرين، يلا بقي إحتفلوا مع بعضكم وأنا هدخل المطبخ هجهز الحاجات مع خالتِك..
_ ماشي ياماما
______________
” مؤمن بيحُط إيدو علي كتف ليل..بقي ياأوزعه إنتي هتبقي ماما..هتبقي شبه كورتي البُعبع بالظبط!
_ “بتضحك” أه والله شوفت،هبقي مقعبره ف بعضي كده..مؤمن انا حاسه إني فـ حلم..حلم جميل أوي
= شوفتي صدمه واحد نايم نزل عليه دش مايه ساقعه ف عز التلج!..عارفه شعوروا وقـتـها! أول م قولتي إنك حامل وأنا واقف وببص علي الكل بيضحك وانا مش مصدق..شعور إنك بني أدم تافهه وهتبقي أب كمان ٨ شهور وهتشيل مسؤليه وعياط وزَن..تكون مسؤل يعني إيه بابا..أكون قدوه حَسنه ليـه دي هتبقي مُجازفه كبيره مني
_ بالعكس مش مُجازفه ولا حاجه..إنت شخص بتحب الهزار والضحك لكن وقت الجد أكتر واحد عاقل ممكن أشوفه بتصلي وعارف ربنا حتي لو مشغول وراجع من الشُغل ضهرك متكّسر بتجري تاخد دش وتصلي..أنا واثقه إنك هتبقي قدوة أفتخر بيها..أنا إختارت أب ليا ولعيالي واثقه إن الناس هتبص لعيالي ويقولوا “كان أبوهما صالحًا”..
_ بحب ثقتك فيـا دي أوي ياليل..بحب إنك شايفاني حاجة كبيرة دايمًا..
_ إنتَ أجمل إنتصـاراتي،مش كل الرجاله بيقدروا يستحملوا مراتتهم من غير خلفه ويصبروا مابيصدقوا وبيبقي عندهم مبرر..لكن انا عمري ماشوفت ف عينك نظره إني قليله أو ناقصني حاجه عن باقي السِتات دايماً ثقتي ف نفسي بتبقي نابعه منك إنت إنت إللي بتديهاني وكنت بتخليني أصبر علي قضاء ربنا أكتر..حلمنا أتحقق النهارده سوا
“” بيبوس راسها””بيبصوا هما الإتنين علي الكُل وهما فرحانين وبيضحكوا..
ف الخلفيه
“بسم الله الرحمن الرحيم”
“ورفعنا لك ذكرك فإنَّ مع العُسرِ يسرًا إنَّ مَع العُسرِ يُسرًا فإذا فرغت فأنصب وإلىٰ ربك فأرغب.
صدق الله العظيم
__________________
_ها ياستـي تحبي نعمل فرح ولا نسافر
= لأ نسافر يالؤي.. الفرح تكلفه علي الفاضي ويوم وهيخلص وأهو النهارده فرِحنا وهيصـنـا نسافر ونقضي وقت حلو سوا
_ حاضر ياست حور طب تحبي نروح فين!
= أممم،إنتَ عاوز تروح فيـن!
_ اي مكان معاكي حلو،تيجي نقترح علي يوسف وساره يمكن يوافقوا ونقضي شهر العسل سوا!
=”بفرحّه”..إشطا جدًا قولهم
“بيقاطعهم صوت ساره ويوسف وليل ومؤمن”..ها ياعرسان سايبنا برا وبتتكلموا فِ إيه فـِ البلكونـه!
_ حور مش عاوزه نعمل فرح..رأيها نسافر أحسن
=يوسف: والله يابني تفكير البنات واحد لسه ساره كانت بتقولي كده
_ لؤي: خلاص إتفقنا يبقي نحجز فندق سوا ونقضي إسبوعين ف شرم
=مؤمن: أه ياولاد اللاذينه شرم وبنات شرم! بقولك إيه ياليل خالتي كانت عاوزاكي عندها ف الشهور الاولىٰ ماتروحي!
=” بتضربه علي كتفه بمُشاكسه”بنـات ياجزمه ماشي ماشي بتتخلىٰ عني بالسهوله دي!
_ لا مقدرش ياباشا
= أيوه كده إتعدل، روحوا وإنبسطوا ياولاد ربنا يسعدكم وخلي بالكم من نفسكم..وتخلي بالك من ساره يااستاذ يوسف ها،وانت كمان يالؤي حط حور ف عينك
“يوسف ولؤي ف نفس واحد”حاضر ياماما ليل
“بيضحكوا”
_____________
سهيله بتيجي تستأذن ساره إنها تتكلم مع يوسف دقيقه..
_ لو مش هضايقك ياساره ممكن أتكلم مع يوسف!
= “ساره رغم غيرتها إللي كتمتها جواها وافقت عشان يوسف ميزعلش”..أه اتفضلي،روح يايوسف وأنا هستنـاك
_حاضر،إتفضلي يا سهيله
“بيمشوا ف البلكونه الجمب التاني..”
_ ساره بتفرك ف ايديها..لا انا غيرانه ياجماعه
=ليل: إهدي ياساره..سهيله إتغيرت أكيد بتعتذرله علي اي حاجه فاتت وبعدين انتي شايفه تغيرها،وشايفه فرحتها لو واحده متغاظه مكنتش هتيجي كتب الكتـاب أصلا مش كدة!
= ماشي،بس غيرانه غصب عني أعمل إيه
_حور: بصي إهدي وبيني إنك عادي وخليكي متأكده إن يوسف بيحبك وإن علاقته مع سهيله هتفضل مستمره عشان أنس ورودينا مش عشان حاجه تانيه لو كل مره كلمها فيها إنتي شكيتي أو غيرتي وزعلتي هو هيتخنق لإنه إختارك إنتي ولو كان عاوزها كان رجعلها مش كده ولا إيه!
لؤي: لا إله إلا الله..فين حور المجنونه ياجماعه..إنتي عِقلتي إمتىٰ!
= أنا عاقله ف أي مشكله مش بتاعتي ياحبيبي
_ اه والله مكدبتيش فِ دي
______________
“علي الجانب الاخر”
“سهيله ويوسف”
_ مبروك يايوسف.
= الله يبارك فيكي ياام أنس
_ هستأذنك هاخد الأولاد الفتره دي،عشان أسيبلك حريتك
= الاولاد مش هيتعبوني ف حاجه وكمان هما متعلقين بـ ليل بس لو إنتي عاوزه تاخديهم أنا معنديش مانع..دول عيـالك وف اي وقت تاخديهم
_ شكراً بجد يايوسف،أديك شايف إني حاولت أصلح علاقتي بيهم وماصدقت إنهم بَقوا كويسين معايا أنا عارفه إن من حقي أخد العيال ويعيشوا معايا علي طول بس انا بردو مش حابه أقيد حُريتهم هما حابين ليل او حابين ساره وعاوزين يعيشوا وأنا إللي أفـضـل موجوده وقت مايحبـوا يشوفوني معنديش مشكله والـلـه
_ ده بيتك وف اي وقت تيجي،ومتخافيش من ساره مش هتزعل هي مقدره إن الموده بينا هتفضل دايمه
_ إن شاء الله مفيش شر تاني هنشوفه..وكل اللي جاي خير.
= إن شاء الله.
________________
أنس بيحضن بطن ليل..
عمتو هتجيبي نونو صغنون!
= أه..وهقوله أنس اخوك الكبير
_”بنبره زعل” هتحبيه اكتر مني صح!
= لأ مش صح..إنت إبني الأول ومش هحب حد قدك
_ بتضحكي عليا ياعمتو..هتجيبيلوا هو اللعب وأنا لا..وهتنيميه ف حضنك وانا لا..وهتحكيله القصص صح!
= مفيش الكلام ده..ومش عاوزه دموعك تنزل تاني ليل بتحب أنس أكتر واحد ف الدنيا هو ورودينا..والنونو إللي هتيجي هتبقي أختكم أو أخوكم الصغير اتفقنا!
= وهنذاكرله انا ورودينا!
_ أه
= وأعلموا يولع الصواريخ فيكي انا وعمو مؤمن صح “بيضحك”
_”بمشاكسه” ماشي ياأنس ماشي هتبقوا عصابه!
= عصابه وهنخضك هااااااع
_ يامامي
=”انس بتلقائيه” خاف ياعيد
“بيضحكـّوا”
“سهيله ويوسف بيقربوا “
_يوسف: ها بتضحكوا علي إيه!
= ليل: استاذ أنس بينكش فيا زي العاده
_يوسف: ممممـ ماشي ياأنـس إنت ورودينا ماما عاوزه تاخدكم تقعدوا عندها يومين إيه رأيكم
_انس ببراءه: ماما ساره ولا ماما سهيله
_ لا ياحبيبي ماما سهيله
= طب هتوديني الملاهي انا ورودينا ياماما!
_ أه ياقلب ماما هاخدكم ف كل حته بتحبوها
= هيييييه،خلاص هنروح معاكي..صح يارودينا!
_ صح ياأنس
سهيله بفرحه: طب يلا عشان نمشي ياولاد
= حاضر ياماما
“بتمشي”
“ساره بترفع حاجبها”
_ أيوه إيه نظره الشر دي بقي! كان عاوزه الاولاد يروحوا معاها عشان نكون علي راحتنا
= بس!
_ أه بس يامجنونه
= ماشي ياأستاذ يايوسف
_ النهارده كتب كتابنا يانكدو ها..”بيقرصها من خدها قرصه خفيفه..بحبك إنتي ها “
_ “بتبتسم” وأنا كمـان بحبك
_________________
بـعد مرور ٣ ايام
لؤي وحور ويوسف وساره قرروا إنهم هيعملوا زفه بسيطه وهيروحوا علي شرم من برا برا..هيكون فيها الأشخاص المُقربين وهيكون إحتفال بسيط عن طريق زفّه العربيـات
______________
حوار بين لؤي وحور..
_ شكلك قمر بالفستان والميكاب السيمبل ده
= بجد يالؤي..!
_ أه والله،بحبك أوي ماتجيبي سُكر
= إحترم نفسك ها
_” بنبره تهديد” ولو محترمتش!
= لؤي عيب الناس باصه علينا كلها من العربيات
_ مراتي علي فكره ها.
= بردو إتلم
_ حاضر ياستي
“بيبوسها من راسها”..سُكر شَريف خَالي مِن الفِتن إيه رأيك!
=”بتضحك” بكاش أوي،بس بحبك
_ وأنا كمـان أوي..متجوز سُكـر ياناس.
“بيكمل مُغازله فيها”
________________
حوار بين يوسف وساره
_ إيه رأيك ف اللوك بتاعي!
= قمر أقسم بالله
_ وإنت كمان حلو اوي ماشاء الله..والبدله كمان لايقه عليـك
=” بيعدل البدله بغرور” يابت مش هجولك إني جامد والحبه دول بس صدجيني هتموتي ياسوسو “بصوت محمد هنيدي”
_ “بتضحك لحد م عيونها دمعت” يخربيت فقرك إنت بتقلدوا بالظبط
= “بيغمزلها” ياولا عيب عليكي..
“إفتحي صفحه ١٢ باب الجُصيريين”
_ يوسف خلاص إتلم أنا لما بضحك من قلبي بدموع والميكاب هيسيح..
_ م يسيح..كده كده عارف خلقتك
= شكراً يامحترم
_ العفو ياحبيبتي تعالي كل يوم.
“ندي بتتصل”
_ أيوه بقي ياعروسه ياقمر،يوسف زقني مرضيش يخليني أركب جمب السواق
= “بتضحك” معلش هو مجنون النهارده حبتين
_ أنا سكتاله عشان بقي جوزك بس..لكن والله لو فاكر إنه هياخد صاحبتي مني أبداااا نيڤر..إيڤر..ليڤر
_ إيه اللي بتقوليه ده..هو أي حاجه علي نفس القافيه وخلاص!
= بالظبط كده،سمعيه بقي إنكو أول ماتيجوا من الشهر العسل أوضه الأطفال أنا هبقي محشوره فيها لحد م يجي أطفال أوكاي..أوكاي إن شاء الله
_إيه ياندي..يابخت من زار وخفف يااما..أنا متجوزه يوسف عن حب عارفه لو صالونات كنت نيمتك جمبنا ف النص
_ واطيه ياصاحبتي..عمتا متتأخروش عشان خلاص إسلام هيجي يتقدم كمان
إسبوع يتفق مع بابا
= طب وقرايه الفاتحه!
_ اكيد هخليها لحد ماترجعي ياأستاذه
_ اصيله ياأم رحاب
“يوسف” م تخلصي يارويتر إنتي عاوز أتكلم مع مراتي لحد مانوصـل
_ حاسه إني عازول بينكم سيكا صح ياساره!
= حاسه بس
_ يا علي الكسفه إللي إنت فيها ياحازم
= طب بالسلامه إنت ياحازم ياأخويا
_”بتضحك..”خلي بالك من نفسك
=حاضر،وإنتي كمان،باي
_ اخيراا
= معلش بقي البيست فريند
_ امال لو كانت بيست تفاح كنتي هتتكلموا قد ايه
= مسمحلكش
_ “بيرفع حاجبه” ونبي.
_ “ب إستسلام “لأ خد راحتك عادي
= بحبك لما بترجعي ف كلامك ف ثانيه كده..
_ عشان بحبك بس،عارف رغم شخصيتي العنيده بس معاك انت بضعف قصاد كلمه واحده منك بس.
_”بيبربش بعينه” كنت عارف علي فكره
_ ماشي ياعم الواثق إنت..بص الطريق طويل وأنا بفرهد من المواصلات هنام علي كتفك لحد م نوصل
= من اولها هتنامي..ماشي نامي ياحبيبتي نامي
_ عاوزني أقعد معاك!
= لأ نامي قدام بتتعبي
“بتميل علي كتفه وتروح ف النوم كإنها هربت من دوشه العالم ليه هو”
______________
علي الجانب الأخر..
_بس كانوا حلوين أوي صح يامؤمن
= “كان وقتها بيقلع چاكيت البدله” وإنتي كنتي أحلاهم
_ يابكاش
= لأ والله بجد..كنتي جميله اوي النهارده
_ وانت كمان ياحبيبي، شوفت أنس وهو لابس البدله كان قمر إزاي
= أه شوفته كان سكر اوي
“فلاش باك”
_ إيه رأيك ياعمتو ف البدله!
= تحفه عليك والله ياروح عمتو
_ طب وانا ياعمتو إيه رأيك ف الفستان!
= جميل يارودي اوي مين اختارلكم الحاجات الحلوه دي!
_ ماما ياعمتو
= شكلي انا احلي بالبدله ولا بابا ياعمتو!
– أقولك بس يكون سر بينا!
= أه قولي
_ إنت أحلي واحد النهارده بالبدله
= وأحلي من عمو مؤمن!
– أه واحلي من مؤمن كمان
= طب استني.
“بيجيب ورده من الجنينه”
خديها وتعالي نتجوز.
_ياروح قلبي إنت..”بتبوسه” بس مينفعش ام تتجوز إبنها
= يعني حتي لو بيحبها!.
_اه يعني انت بتحبني عشان انا عمتو وزي ماما بس مينفعش نتجوز عشان الابن مينفعش يتجوز أمه
_ امال يتجوز مين؟
= بص لما بيكبر ويروح الجامعه او الشغل ويلاقي واحده كويسه ويحبها بيروح ويتجوزها فهمت!
= يعني مينفعش اتجوز أسيل اللي معايا ف الفصل!
_ هاااا..انت بتحب واحده اسمها أسيل!
=أه ياعمتو بحبها ومخبيلها ورده ف جيبي وجيبتلها ف البريك شيبسي بالكباب إللي هي بتحبه..
_ كمان..! طب افرض قالت للميس عليك والميس ضربتك!
= لأ عشان هي كمان جابتلي كانز..لو قالت للميس عليا هقول للميس عليها
_ ياااه علي الحب ياانس والنقاء ياااااه
_____________
“вacĸ”
مؤمن بيضحك..فكرني بينا زمان لما كنت بحس انك مسؤله مني ولازم اجيبلك حاجات حلوه وافرحك،شقي زي عمه الواد ده
_ لأ ياحبيبي متقدرش تبقي شقي لحد دلوقتي ده أنا كنت نفختك
=إنتي ماليه القلب قبل العين.
_بتثبتني أوي
= طب يلا ياستي أقعدي هنا م عقبال ماأجهز العشا
_ لأ ماليش نفس
= يعني إيه ماليش نفس دي هو لعب عيال
_ بتزعقلي يامؤمن!
= لأ ياقلب مؤمن،بس أنا خايف عليكي إنتي ملزومه مني ومامتك سابتك معايا أمانه فهمتي
_هتعرف تحضر العشا!
= هحاول..
_ طب تعالي نحضر سوا!
= لأ عشان متتعبيش أقعدي وهاتي فيلم حلو لحد م أجي
_ حاضر لو عوزت حاجه إستعين بيا
= شيف بطاطس روحي أقعدي
_ ماشي ياشيف مؤمن
______________
“بيدخل المطبخ،ويفتح التلاجه”
_ اممم فِ فينو وف جِبن كتير ممكن أشكلها أنواع جبن وأقطعلها خيار وطماطم
ولا أعملها مكرونه بالصلصه وبطاطس..!
بس هي بتقول ملهاش نِفس أكيد هتكون عاوزه حاجه خفيفه..انا خلاص قررت
“ليل من الصاله”
_بتكلم نفسك ليه ياحبيبي إتجننت من اولها
_ اتلمي بدل م اجيلك خلاص كنت ف حيره وربنا ألهمني الجواب
= بارك الله فيك يابني
______________
“بعد مرور ربع ساعه..خارج بصينيه الأكل “
_ إتفضلي ياستي
= أوعي..طب والله منظم الأكل ولا الفنادق..
_ إيه رايك
= تعالي أقعد جمبي كده،لأ والله شاطور برافو عليك..وكمان سخنت اللبن كل الدلع ده عشان النونو مش عشان ليا أنا عارفه
_ صحتك اهم من اي حاجه عندي وإنتي عارفه كده كويس
= “بتترمي عليه وتحضنه” إنت أحن بابا ف العالم
_ طب يلا ياستي كلي حاجه عشان نتفرج..إيه ده شركه المرعبين المحدوده الله
_”ليل وقتها فرحت إن مؤمن مهتم بيها وإتعلق ب الكرتون زيها ..وكِبر ف نظرها إن مرضاش يخليها تروح عند مامتها..وإن حتي لو المسؤليه عليه كبيره فـ هو بيعمل ده بحُب وحنيه من غير مايحسسها إنها حِمل عليه..كانت وقتها سرحانه ف عيونه وهو بياكل الساندوتش ومركز مع الكارتون من غير ملل ومركز فِ”
“قاطع شرودها “
معجبكيش البييض بالبسطرمه..طب خلاص خدي الجبنه الرومي دي..ولا أقولك كلي جبنه براميلي..اجيبلك لانشون طيب
_ “ابتسمت” لأ ياحبيبي..طعمه حلو أوي..طول م نَفسك ف الاكل ف هيبقي أحلي أكل ف الدنيا..”بتميل علي كتفه وتكمل اكلها..”بيمشي إيدو علي شعرها براحه لحد م راحت ف النوم..وقتها قفل التلفزيون وشالها ودخلها علي السرير..قرب منها وإبتدا يلملها شعرها براحه بالتوكه وبيحط إيديه تحت راسها وينيمها ف حضنه..بيحط إيدو علي بطنها ويتكلم بصوت خافت ” عارفه..نفسي تكوني بنت عشان طول عمري عارف إن البنات حنينه..حنيتك هتزيد عشان عندك أحن وأطيب ماما فِ العالم..عارفه هفضل أساعد مامي لحد م تنوري الدنيا..هفضل كل يوم أتكلم معاكي لما مامي تنام واقولك كل يوم سِر عنها بس إوعي تفتني عليا وتقولي لمامي ماشي..أول سر هقولهولك..إني كنت بحب مامتك من يوم ماوعيت علي الدنيا مكنتش عارف اني بحبها لحد م ف يوم امي قالتلي ليل بنت خالتك مش هتلاقي احسن منها ساعتها ضحكت وافتكرت ذكرياتي معاها..ليل بنتي مربيها علي إيدي إزاي تكون مراتي وخدت الموضوع بهزار لحد ما أمي كملت كلامها وقالت عمتا أنا قولت أقولك قبل م تضيع منك ليل كل يوم والتاني بيتقدملها عريس وهي بترفض..وممكن علي سهوه توافق..ساعتها دخلت أوضتي ويوسف اخويا كان بياخد دش وسايب علبه سجايروا برا شربت سجاره ف التانيه وفضلت أكح جامد لإني ماليش فيها أصلاً الغيره جوايا لمجرد بس عرفت إن ف عرسان بيتقدمولها م بالك لو شوفتها ف حضن حد غيري وقتها كنت بصارع مع نفسي اروح اتقدملها ولا هترفضني زيهم ووقتها هكون خسرتها للأبد وف كل مكان هتبصلي ف إني شوفتها بصوره تانيه شوفتها مراتي مش أختي وممكن تخاف مني..ولا أفضل واقف وعاجز مكاني وتضيع منـي!..بس ساعتها أنا إللي هضيع حد غيري إزاي يكون معاها..انا مجرد بس التخيل دمي فار وبحرق ف سجاير إزاي هقدر أستحمل تكون علي ذمه راجل تاني غيري ويقفلوا عليهم باب واحد!!! خرجت وقتها بعد تفكير طويل وقولت لأمي أنا هتقدملها وإللي يحصل يحصل،وطبعا بعد مشاكسه بيني وبينها وحسستها إني تقيل وإن امي هي اللي اتحايلت عليا وهي كمان تقولي كده وإن قد إيه إحنا الإتنين عاصرين علي نفسنـا لمون عشان نتجوز وافقنا..وحته مني بتتكون جواها..أنا بحب أمك أوي مفيش واحده ست عرفت تلفت إنتباهي..دايمًا ف كل مكان كنت بشوفها وف كل ست تقف قصادي عشان شغل أشوف ليل قدامي ولو واحده تجاوزت ف الكلام كنت بمشي وبسيبها ومبيهمنيش أخسر شغلي عادي..المهم هي عندي هي ٱمنتني علي أغلي ماتملك..أمنتلي علي قلبهـا..وده جوهره لازم أحافظ عليه
_______________
ف الخلفيه قصيده الجخ..
طب لو عندك حته ماس هتخليها مداس للناس..ولا هتقفلي عليها أوضه بـ ١٠٠ ترباس يمكن حتي تأچري ليها چوزين حُراس..أيوه بغير.????
“بيميل علي بطنها ويبوسها” تصبحي علي خير ياحبيبة بابا..????
___________________
سهيله إستمرت ف انها تحبب الأولاد فيها وليل ومؤمن كانوا بيطمنوا عليهم بالموبايل كانت كل يوم بعد شغلها توديهم مكان شكل ونبره انس ورودينا كانوا فرحانين..كانت بتحاول توفق مابين أولادها وشغلها وإنها تزور أخوها ف المصحّه الكل كان مبسوط بتغيرها..
________________
“بعد أسبوعين”
لؤي وحور وساره ويوسف بيرجعوا..
______________
“بيتجمعوا ف بيت العيله”
_ ليل: إنبسطوا ياولاد
_ساره بفرحه: أوي بجد،أينعم إتخانقت معاه كتير بسبب عينه الزايغه دي بس كان بيضحك عليا بكلمه وبضعف
_يوسف: طب والله ظلماني..اختك مفتريه ياليل
_ أوي أنا عارفه وظلماك ها “بتغمزله”
= فاهماني إنتي أوي..”بيغمزلها”
– بتوجهه كلامها لحور ولؤي وانتو عملتوا ايه!
= حور: مكناش بنعمل حاجه غير اننا نحوش مابينهم يابنتي توم وچيري بالظبط
لؤي: عاقلين جدا بصراحه
_يوسف: الحفله علينا ولا ايه..
“بيقاطعهم صوت انس ورودينا”..بابا بابا وحشتني
_ وانتو كمان ياحبايب بابا
سهيله بتسلم عليهم..: حمدلله ع سلامتكم..
_ الله يسلمك إتفضلي
“ندي بتتصل بساره”
_ لو كنت بربي كلب كان زمانه طمرت فيه العشره..كل ده مبترديش ياساره
= كل ده عشان مردتش عليكي من نص ساعه بس،والله يابنتي جينا من السفر ع بيت العيله ولسه حتي مطلعتش شقتي
_ طب ترتاحي كده وتجهزي نفسك،عشان يوم الجمعه قرايه فاتحتي
= بجد،الف الف مبروك ياحبيبتي
_ الله يبارك فيكي يارب
= هروح اعمل شعري بقي واجيب سواريه مفتوح
_يوسف برفعه حاجب: وبالمره تجيبي واحد يظبط الأريال بتاعتي عشان الأشاره تكون واضحه
“بيضحكوا”
_ ويوسف هيسكتلك
= لأ طبعا..انا بنكشوا بس والله
_ ماشي إجهزي ها..وهاتي الاولاد واعزمي العيله وتعالوا..هقفل عشان هكلم ماما
= ماشي ياحبيببتي،باي
“بيقفلوا”
عزماكم ياجماعه كلكم علي قرايه الفاتحه بتاعتها يوم الجمعه
_م شاء الله الف مبروك..
“سهيله”: طب هستأذن انا عشان سايبه ماما لوحدها..يلا ياولاد،انا جيبتهم بس عشان يسلموا عليكم
يوسف: لا خليهم،وإنتي ف اي وقت تعالي شوفيهم
= إيه رأيكم ياولاد!
_ هنقعد مع بابا ياماما
= ماشي،بس متغلبوش طنط ساره اتفقنا!
_ إتفقنا.
__________________
“بيروحوا كل واحد علي شقتـه”
يوسف بينيم الاولاد ف اوضه الاطفال ويروح ل ساره..
_ وجود الاولاد هيضايقك!
= انت اتجننت يايوسف لا طبعا انت عارف اني بحبهم جدا
_ يعني لو ربنا رزقنا ب أطفال مش هتفرقي بينهم!
= انت شايفني كده يعني يايوسف!
= لا،بس الام مهما قالت انها بتحب حد زي عيالها بيكون ضناها إللي حته منها أغلي حبتين..ف انا مش عاوز الاولاد يحسوا بفرق أبدا..لو انتي شايفه كده انا ممكن اخليهم يعيشوا مع والدتهم وهي مستعده بس هي مش عاوزه تزعلنا
_ لا طبعا يايوسف،انا عمري م هحسسهم بحته النقص دي ولا إني عشان مش مامتهم اميز إبني عنهم بالعكس أنا هاجي علي ولادي عشانهم..وهزرع فيهم إنكم كلكم إخوات وحب ورحمه بينهم.
_ ربنا يخليكي ليا ياحبيبتي
= ويخليك ليا ياحبيبي،يلا ع ننام
_ متزعليش
= لأ مش زعلانه بالعكس،انك تكون حاسس بحاجه هتزعلك مني وتحب توضحهالي وتصارحني بيها وتسمعني ده أحسن بكتير م تبقي شايل جواك
_ كويس انك فاهماني
= فاهماك ياحبيبي.
______________
“يوم الجمعه قرايه فاتحه ندي “
_ مفيش رقص ياساره انتي فاهمه
= ههز كتافي بس
_ إيه!
= إلعب باليه
_ ايه!
= ساب واي
= قلبظ بجنيه
= علي الانتريه
_ هو إيه
= البانيه
_ طب مش كفايه طيب!
= نينيني انت عشان خسرت ف عاوز تخلع صح!
= متوهيش،مفيش رقص سمعتي
_ سمعت حاضر..هو انا اتجوزت ياربي عشان اتخنق ويتحكم فيا التحكم ده!
= متبرطميش طيب
_ حاضر..
= “بيغمزلها”ارقصيلي انا بس
_”بتضحك” ماشي يابكاش
______________________
بيروحوا قرايه الفاتحه وفعلاً ساره مبترقصش إحتراماً لكلمه يوسف..ساره عيونها بتلمع من فرحتها لـ ندي..اطمنت عليها إنها قدرت تتجاوز إعجابها الشديد ب لؤي..
اليوم بيعدي بـ لُطف..
________________
بعد مرور ٥ شهور..
_مؤمن عاوزه أروح أزور تيتا فاطمه
= بس انتي تعبانه ياحبيبتي واكيد هي مقدره ده.
_ بس هي وحشتني أوي
= كلميها ف الفون بس طيب
_ لأ عاوزه أروح واشوفها..
= طب خلاص أدخلي الحمام وخدي دش وإجهزي وأنا هجهز ونروحلها
_ “بتبوسه من خدوا” أشطر كتكوت بيسمع الكلام
_ براحه طيب عشان النونو لو جرالها حاجه هزعلك
= والله بكره تنور وأنا وهي إللي هنزعلك
_ متقدرش بنتي حبيبتي
_ ماشي،ماشي
______________
مؤمن بقاله ٥ شهور بيرجع من شغله بيجهز مع ليل الاكل..وبيغسل المواعين وبينضف الشقه..إتعلم أكل كتير عشانها..بقي يشوف وصفات من علي اليوتيوب وينفذ الوجبه وليل بتاكلها وبتنبسط لدرجه انها قالتله انا مش عاوزه اولد عشان يفضل نَفسك الحلو ف الاكل ده علي طول..كان بيهتم ب أكلها وبالدوا والتعليمات إللي الدكتوره قالتله عليها
______________
مش ناويه واحنا راجعين من عند تيتا فاطمه نطمن عليكي وبالمره نعرف نوع الجنين!
= بص هو انا الفضول هيموتني،بس نفسي تكون مفاجاه كده يوم الولاده فاهم
– ياحبيبتي مينفعش لازم نعرف عشان نبتدي ننزل ونجيب الهدوم بتاعت البيبي سواء بنت او ولد
_ خلاص ياحبيبي اللي تشوفه
______________
“بينزلوا عند تيتا فاطمه”
_ اهلا اهلا بالاوزعه بتاعتنا
= حتي انتي ياتيتا!
“بتميل عليها وتحضنها”
شكلك حلو وانتي كوره كده
_ بجد!
_ اه والله،عامل ايه يامؤمن..سمعت من ليل انك بقيت راجل بيت شاطر وبتعرف تعمل كل حاجه
= بتسيحيلي ياست ليل
_ دي حاجه يابني متتكسفش منها الراجل اللي ف قلبه موده وحنيه إتجاه مراته ويفهم إن الجواز مشاركه ف كل حاجه وان مراته لما تتعب يشيلها وهي تشيلوا ده مش عيب امال هو اسمه شريك حياه ليه..معظم البنات بتخاف من فكره الجواز لمجرد ان اللي حواليها حاطينها انها هتكون ف مستنقع كل حاجه هتبقي فوق دماغها وانها لازم تغسل وتنشر وتربي العيال وتشتغل وتعمل اكل وتروق الشقه وكل ده من غير مساعده جوزها ف بتحس برهبه ف الموضوع..لو كل راجل ساعد مراته والفكره الايجابيه للجواز انتشرت بين الشباب الكل هيحب الحلال ومش هينفُر مِنه أبدا يابني..الزوج والزوجه هما اللي يقدورا يخلوا حياتهم يانعيم ياجحيم وميسمعوش للناس اللي بتقول بلا قرف جواز ايه ومسؤليه ايه! بيبعدوا الناس عن حاجه ربنا محللها عشان منلجأش للذنوب والمعاصي ونجتنب أي حاجه تغضب ربنا
_ والله عندك حق ياتيتا،انا كنت بهزر لكن عادي انا العيله كلها عارفه اني بساعد مراتي وفخور بده يكفي نظره الحب اللي بشوفها ف عيونها اخر الليل وانها مقدره اني بعمل ده حب فيها.
_ ربنا يباركلكم ف بعض يابني
= “ف نفس واحد” يارب ياتيتا
“بياخدوا قعدتهم ويبتدوا يمشوا يروحوا للدكتوره”
_ انا مش عارفه ليه متوتره يامؤمن
= دي حاجه طبيعيه ياحبيبتي،عشان عاوزه تعرفي إيه نوع الحاجه اللي مجنناكي وكل يوم تشلت ف بطنك عاوزه تعرفي ايه نوع الحاجه اللي كل يوم بتقفي قصاد المرايه وتشوفيها بتكبر قصاد عينك
لازم تتوتري
“بيقاطعهم صوت الممرضه”..
مدام ليل تتفضل
_”بيقوموا”
عامله ايه بقي ياستي النهارده.
= الحمدلله يادكتور
_ طب بتترعشي ليه طيب!
= مش عارفه متوتره اوي
_لا متخافيش خير ان شاء الله اتفضلي اطلعي علي السرير..
“بتطلع علي السرير..وبتحط الماده اللزجه علي بطنها وبتبص ف الشاشه الابيض واسود..
_سامعه ضربات قلبها
=بفرحه تصاحبها دموع” قلبها..هي بنت يادكتور
_ أه بنت وضربات قلبها منتظمه ماشاء الله
= “مؤمن دموعه بتنزل”كان قلبي حاسس انها بنت..مبروك ياحبيبتي
بيمسك إيديها”
_الله يبارك فيك ياحبيبي
= اتفضلي قومي،هكتبلك علي شويه مقويات وڤيتامينات تاخديهم اتفقنا مع طبعا الالتزام بالألبان والاكل الصحي
_ قوليلها يادكتور عشان بتغلبني ف الاكل
= لا لازم تاكلي عشان تقوميلنا كده بالسلامه
_ حاضر..
________________
“بيخرجوا برا المستشفي”
“قطرات المطر بتنزل عليهم وهما بيتمشوا “
_”بتاخد تنهيده طويله وبتحضن بطنها”..كلها اربع شهور وتنوري دنيتي..مؤمن انا فرحانه اوي..انا نفسي اجري..نفسي أتنطط وأجري من فرحتي
= إهدي يامجنونه..غلط عليكي المجهود
_ كنت واثق انها بنت..لان كنت بدعي وانا علي يقين ان ربنا يرزقني بيها
= وتفضل تقولها الأسرار مش كده
_ “مؤمن بصدمه” عرفتي إزاي!
= عرفت من أول يوم الغيره نهشت قلبك لما عرفت ان ف حد بيتقدملي ووقتها ضحكت..اول م حطيتني ع السرير انا صحيت عشان نومي خفيف كنت فرحانه أوي وانا بسمع الكلام بس مرضتش أقولك إني عرفت عشان أفضل اسمع أسرارك ويوم بعد يوم بقيت بعمل نفسي نايمه عشان اسمعك وانت بتكلمها عني..وبتحكيلها كمان قصص دينيه..لما كانت بتفضل تلعب جوا بطني وتيجي انت تتكلم ألاقيها تبطل لعب كإنها بتقولي ناديلي بابا أنا مستنياه هو إتأخر ليه! وأول م تحط إيدي علي بطني وتبتدي انت تتكلم بلاقي الضربات اللي كانت بتضربهالي بتقل وبتهدا خالص كإنها إطمنت بصوتك وخلاص عرفتهُ..وف يوم كنت ف الشغل قولتلها انا كمان سر وانا واقفه قصاد المرايه وشايفاها بترفصّ ف بطني قولتلها انا كمان كنت بحب بابا وبرفض أي حد عشانه..ولما عرفت انه كان بيكلم بنات غيري كنت بدخل الاوضه واتعصب وأقطع أي حاجه قدامي..وهفضل أرفض أي حد لحد ماهو يجي ونتجوز أنا بحبه أوي..وكمان بحبك وقتها برضو بطلت لعب كإنها إتعودت تسمع حكايتنا كل يوم لحد م تنام
_ انا بحبها وبحبك أوي..أوي بجد، يلا نمشي عشان المطر بيشد وإنتي ممكن تبردي
= حاضر
______________
“بيطلعوا شقتهم”
_______________
_م تيجي نسهر ف البلكونه شويه يامؤمن!
= بس الجو ساقعه ياحبيبتي
_ ريحه النعناع حلوه اوي بعد م المطر رواها..تعالي نشرب شاي بنعناع سوا وندخل ننام..
= حاضر
“بيشربوا شاي بنعناع”
_ هنجيبلها كام سلوبيت
= مش عارف..ممكن نخلي خالتي وامي ينزلوا هما ويتصرفوا بمعرفتهم
_ ماتيجي نشتريهم انا وانت!
= الدكتوره طلبت منك إنك ترتاحي..فلازم تسمعي الكلام اتفقنا!،ولما ست عائشه تنور نبقى ننزل نختار سوا لبسها
_حاضر ياحبيبي،بس هنسميها عائشه!
= اه ايه رايك
_ جميل طبعاً
“الباب كان بيخبط”
_ طب تعالي نروح نفتح وبالمره ندخل عشان الجو إبتدي يسقع جامد
= يلا..
“بيفتحوا ويلاقوا انس”
_ عمتو وحشتيني
= وانت كمان ياقلب عمتو
_ “بيميل ع بطنها” هاي إذيك يانونو
= اسمها عائشه ياانس
_ أنا هتجوز عاائشه
= طب وأسيل!
= لا مش بحبها قالت للميس عليا
_هااا ياخبر!!!
= اه والله..وانا قولت للميس طب ماهي كمان بتجيبلي بيبسي وبتقولي بحبك ياانس..بس الميس مصدقتنيش وزعقتلي وانا خاصمتها..ف انا هتجوز عائشه
= خلاص إتفقنـا
_ “بنبره تحذير” بس اوعي انتي كمان تقولي للميس عليا!
“مؤمن وليل بيضحكوا”
___________________
“بعد مرور ٤ شهور اليوم إللي ليل هتولد فيه..نفس اليوم اللي حور وساره عرفوا انهم حملوا ب اختلاف الشهور ساره تسبق حور بشهرين..
ليل وقتها كانت تعبانه جدا والكل كان معاها ف المستشفي..الدكتوره طلبت منها انها تتمشي ف المستشفي فتره..كان وقتها مؤمن وشه مخطوف من كتر خوفه عليها كانت سانده عليه بكل حِملها وبتعيط..كان بيحاول يطمنها ويقولها هانت طب طلعي كل وجعك فيا..كانت وقتها ماسكه ف ايدو وبتعيط.
_ حاسه اني هموت يامؤمن مش قادره
= بعد الشر عنك ياحبيبتي،هتقومي وهتكوني زي الفل
_ نادي الدكتوره بسرعه حاسه اني هموت فعلا
= مؤمن ب انفعال: يادكتور كفايه دخليها غرفه العمليات بسرعه
_”بتنادي علي الممرضين وبتدخل غرفه العمليات..مؤمن كان بيفرك ف ايدو من التوتر ورايح جاي ف الطُرقه مَر ساعه من الوقت وليل لسه مخرجتش
_ام ليل: متقلقش يابني خير ادعيلها
= خايف اوي..خايف..مشوفتيش كانت تعبانه ازاي قبل م تدخل
_ هي الولاده كده يابني
“كلهم كانوا بيحاولوا يهدوا فيه”
“بيقاطعهم صوت الدكتوره وهي بتقلع الجاونتي مبروك..البنت زي القمر
“ابتدت الزغاريط ف المستشفي والكل كان فرحان”
= مؤمن بلهفه:طب وليل
_ كويسه متقلقش
“بيسجد لربنا سجده شُكر..الحمدلله كما ينبغي لجلال وجهك ولعظيم سلطانك
___________________
“بعد مرور ٣ ساعات”
________________
_ عائشه زي القمر ياحبيبي
=” كانت متبته ف إيدو وبتتكلم بتعب “
_ بجد ياحبيبي!
= أه والله ياحبيبتي
_ طب هي فين!
= نايمه جمبك ع السرير الصغنن ده..”بتبص جمبها مع ابتسامه” الحمدلله يارب..زي القمر فعلا..
“وقتها كانت رودينا وملك بنت ليلي وانس وكل العيله حواليها ومبسوطين لفرحتها هي ومؤمن”
________________
“بعد مرور إسبوع”
_ لااااا مش عارف انام ياليل تعبت اسبوع كامل منامش ساعه ع بعض..خرجت ف الصاله وبردو مش عارف انام من العياط
= بتزعقلي ليه..شوف بنتك يااستاذ
_ طب انا عندي خطه عشان تنام
= ايه هتديها منوم صح!
= منوم ف عينك عاوزه تموتي البت
_ مؤمن انا دلوقتي شايفاك اربعه من قله النوم هالاتي اللي تحت عيني وصلت لأخر وشي..انا مش شايفه هموت وانام..قول الخطه بسرعه
_ هنحكيلها اي حدوته بصوتي او صوتك وهي اكيد هتبقي عارفه الصوت ده وهترتاح وتنام
= هي فكره حلوه،بس ماما بتقولي ممكن تكون مش عارفه تنام عشان عندها مغص
_ لا اسمعي مني بس.
= طب خد شيلها واحكي وانا هغفل ١٠ دقايق بس
_ بتدبسيني يعني ماشي ماشي،هاتي بس براحه عشان بخاف اشيل عيال صغيره..
_ بسم الله الرحمن الرحيم..ايوه كده شايلها صح هنام انا بقي..
“بتجري علي الاوضه وتقفل الباب”
_طب والله ليكي يوم ياليل ياكوره يااوزعه انتي
“بيبص لـ عائشه” هتكسفيني ولا ايه! لا نامي عشان خاطري..بابا وراه شغل وتعب ٩ شهور مع الجزمه اللي جريت وسابتك دخلت نامت..نامي شاطره حبيبتي..بصي انا من قله النوم مش حافظ حاجه ف انا هقرألك قران ونامي بالله ها
“بيبتدي يرتل القران” وفعلا ابتدت تروح ف النوم..مؤمن دخل براحه اوضه النوم..
“بينادي ليل بشويش”..ليل ليل..البنت نامت..
_ قامت بفزع بجد!!،طب سمي الله وحطها علي السرير بالراحه
“بيحطها وكل واحد نام ع المخده بسرعه عاوزين يلحقوا يناموا قبل م تصحي”
“بعدين ضحكوا ع نفسهم”
بقي الصغننه دي تعمل فينا كده يامؤمن
_ شوفتي..كان عندي واحده مجنناني..دلوقتي بقوا اتنين
= طب يلا ننام بسرعه..
= يلا
“بتنام ف حضنه ويروحوا فِ سابع نومه”
__________________________
بعد مرور خمس سنين ومؤمن كان بيشارك ليل ف تربيه عائشه..وحفظ القران
وف يوم مؤمن كان راجع من الشغل..لاقي النور مطفي ابتدا ينادي علي عائشه لحد م خضتهُ وفتحوا النور”كل سنه وانت طيب يابابي
_ ياخبرررر..ياروح بابي انتي..وانتي طيبه ياحبيبتي..مامي فين!
_ مامي هنا
= “بيبتسم” إوعي ايه القمر اللي قدامي ده!
_ متجوز بطل صح!
= صح جدا..حضرتي ده كله امتي ياسوسه إنتي
_ جهزت كل ده انا وعائشه وأنس ورودينا..
_ أحلي مفاجاه بجد..ربنا يخليكي ليا يارب
= ويخليك ياحبيبي..وتفضل منور حياتي بوجودك كده
_ يارب ياحبيبتي،بس ايه اللي مخبياه ورا ضهرك ده
= طب غمض عينك.
_ اهو
= فتح بقي
_ ايه ده تذاكر طيران وجوازات سفر هنروح فين
= مش انت قولتلي لو ربنا مكرمناش وخلفنا هنروح نحج..! ربنا كرمنا وخلفنا وهنروح نحج.
= “بفرحه” انتي اكيد بتهزري صح طب ازاي!
_ مش انت بتديني مصروف شخصي! دخلت بيه جمعيه وكنت بزود من مصروف البيت الاساسي وقبضتها الاسم الاخير وروحت حجزت واعتبرها دي هديه عيد ميلادك
_ “بيحضنها بفرحه” والله هديتي إنتي
_ “عائشه بغيره” طب وانا يابابي!
=” بيحضنها ” والله انتي كل حاجه حلوه..يكفي حنيتك عليا وانا راجع من الشغل وتطبطبي عليا..ولا لما اكون مخنوق وتساليني مالك وتروحي تصالحيني بالحاجه الحلوه اللي انا اساسا جايبهالك..بس وقتها بفرح اوي
_ انت حبيبي يابابي..عارف خدت ايه النهارده ف الحضانه..
_ ها خدتي ايه
= خدت..واحد هو ربي..اتنين بابا وماما ٣ هما اخواتي..عارف مين اخواتي انس ورودينا ومازن ابن طنط حور ومروان ابن طنط ساره بس كده اربعه ازاي بقي!
_ انس بيقاطعها ” لا م هو انا هتجوزك يبقي انا مش اخوكي
= نينينيني “بتقلد حركه ليل اللي بتقولها لمؤمن دايما” لا مش هتجوزك انت وحش اصلا.
_ لا هتجوزك اما تكبري غصب عنك
_ لا مش هتجوزك
_ مؤمن بيحط ايدو علي كتف ليل: المشاكسه اللي بين انس وعائشه مش بتفكرك بحاجه!
= لا بتفكرني طبعا..بينا..كإن السيناريو بيتعاد من تاني
“مؤمن بيبصلهم ويبتسم”
______________
“بيسافروا الحج”
وعائشه لابسه عبايه صغننه زي مامتها..
بابي صورني جمب الكعبه عشان اوريها لتيتا
_طب روحي ياليل اقفي جمبها واصوركم سوا..
” بيتصوروا ”
تعالي بقي نتصور كلنا سيلفي..
“بيتصوروا هما التلاته”
وقتها مؤمن وليل بصوا لبعض وكإنهم بيقولوا كل حاجه حلمنا بيها بتتحقق
______________
بعد مرور شهرين
_ بابي هو انت بتحب الكرتون زيي انا ومامي..
= انا بحب اي حاجه انتي ومامي بتحبيها..وكفايه اكل شوكلت وشيبسي عشان مفيش سوسه تيجي ف سنانك
_ “بترمي الحاجه ع الترابيزه بتلقائيه” هااا والسوسه تاكل سنان عائشه!
= اه بالظبط وعائشه ميكونش عندها سنان
_ يالهوي يابابي وهبقي زي تيتا فاطمه كده
“بيضحكوا” اه بالظبط كده
_ خلاص مش هاكل تاني
“بصتله بمكر..وجريت علي رجل ليل نامت عليها وب انتصار قالت..هييييه انا اللي نمت الاول علي رجل ماما وانت لا
_ بقي كده ياعائشه! طب مش هتنيمي بابي جمبك حبيبك
= لا رجل مامي صغننه مش هتقضينا احنا الاتنين
_”ليل وهي بتضحك”
_ لا ياعائشه بابي حبيبك إتاخريلوا شويه..
= حاضر،تعالي يابابي
” ليل إبتدت تداعب شعر مؤمن وعائشه..وهما بيتفرجوا علي الكرتون زي العاده..”
“ليل بحنيه بتبوس مؤمن علي خدو..بحبك اوي.
_”بيكلبش ايدو ف ايديها..انا كمان بحبك اوي”
= عائشه بمشاكسه ” علي فكره سمعتكم
_ ليل: انتي بكاشه انتي والله هاتي سكر..
“بتديها”
= قوليلي بحبك زي ماقولتي لبابي
_ حاضر،بموت فيكي قد البحر
“بتقوم تبوس مامتها وباباها وتترمي ف حضنهم وانا بحبكم قد البحر والسمك”????
يتبع..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
