رواية المؤامرة الحلقة الحادية عشر 11 بقلم منة محسن

فريده بلهجه صعيديه:ام كرم فينو العريس؟

سميره:زمانه جاى  ..اهو وصل..

هبه بصت فى اتجاه نظر سميره ابتسمت اول مشافته بس ملامحها اتغيرت لما شافت روسندا متشبسه فى دراعه وبيضحكوا مع بعض.

فريده بصت لسميره باستغراب وبلهجه صعيديه:مين البنت اللى مع كرم دى ؟؟!!

سميره:دى بنت عزام بيه اكبر رجل اعمال ف البلد هو بيحرسها عشان فى خطر على حياتها وأبوها طلب منه ياخدها معاه ..

كرم راح وقف معاهم هو وروسندا وسلم عليهم.

كرم بص لهبه بابتسامه ومدلها أيده:مبروك .

هبه بصتله بأبتسامه كسوف ومدت أيدها سلمت عليه .

روسندا بصت لايدهم وبصتلهم بغل وبتدوس على قبضه أيدها بغل 

كرم بص لروسندا اللى بترجع شعرها لورا وباين عليها الضيق.

جمال:كرم يا بنى تعالى اقعد مع الرجاله هناك ..

كرم:اا..طيب يا عمي..

ويبص لروسندا:انا هروح اقعد هناك … خديجه خلى روسندا معاكى..

روسندا بصتله وجات تتكلم هو غمزلها ومشى.

روسندا بعد مكانت متعصبه ابتسمت وبعدت وشها بأبتسامه .

خديجه : روسندا هانم تعالى اقعدى هنا.

روسندا راحت قعدت جنبها وسامعه فريده وهبه بيتكلموا عليها وعن سبب وجودها مع كرم .

حور بتبص حواليها ومسكت دراع خديجه وهمستلها:بقولك يا خوخه..رحيم مجاش ليه؟

خديجه بصتلها وكتمت ضحكتها:يا نهارى ده انا نسيت انشر البدله زى مقالى..

رحيم ماسك البدله بعصبيه: يا ابو سريع الكلب انت مااااشى انا هوريكى ..

ويخرج بدله تانيه لونها بينك وبداء يلبسها.

كرم قاعد مع الرجاله بيتكلموا وبيضحكوا مع بعض وروسندا مركذه معاه..عيونها جات ف عيونه وهى ابتسمت وبعدت نظرها عنه .

كرم أبتسم وقاطع شروده صوت جمال ..

رحيم جهز وراح يسلم على أهل العروسه:احم السلام عليكم.

حور ابتسمت لما شافته وهو سلم عليهم ومسك ودن خديجه بغل وهى بتضحك وبتتألم.

رحيم:حسابك معايا يا ابو سريع بس بعد كتب الكتاب

خديجه بتبعد أيده بضحك:اعمل ايه يعنى نسيت.

رحيم:يرضيكى كده يا ام هبه اقولها تنشورلى البدله البيضه عشان احضر بيها كتب الكتاب تسبهالى ف الميه وتمشى..

حور:على فكره شكل البادله دى احلى عليك..

رحيم بصلها وأبتسم وعدل البدله :احم..منا بقول كده بردو

سميره:رحيم روح سلم على عمك جمال والرجاله.

رحيم:امم..عن اذنكوا..

ويمشى..

حور بصاله وهو ماشى ومبتسمه ابتسامه لطيفه.

خديجه بعدت نظرها عن رحيم بأنزعاج:رخم…

بصت لحور بأنتباه لما شافت الابتسامه مرسومه على وشها بشكل خجولى ورومانسى.

خديجه زعقت بصوت عالى:نهار اسود فوق دماغكوا.

حور بصتلها وبرقت:فى ايه مالك!؟

خديجه:هو انا ابقى مخطوبه بقالى تلت سنين ومش عارفه اتجوز وانتوا عمالين تحبولى وكل واحده تتخطب وتتجوز وانا واقعه مع القرد اللى اسمه مؤمن ومش عارف يكون نفسه لحد دلوقت.

حور ضربتها على دراعها:انتى بتقولى ايه وبعدين مين اللى جاب سيره الحب دلوقت!!؟

خديجه:لا يا شيخه انا اللى جاهله ومش فاهمه …طب اسكتى اسكتى لحسن انا شويه وهقوم اصوت فى نص الشارع 

حور بتضحك:مجنونه وقسمآ بالله.

روسندا قاعده باصه لكرم ومركذه اوى فى طريقه كلامه وهو بيتكلم مع جمال .

خديجه بصتلها وبصت لكرم لاحظت تركيزها المبالغ فيه.

خديجه:اا.. روسندا هانم..

روسندا بصتلها بأنتباه.

خديجه بصتلها بأبتسامه:اسمك روسندا مش كده؟؟

روسندا هزت راسها بإيجاب.

خديجه:وانتى مش مخطوبه ولا مرطبته؟

روسندا بصتلهم وكان الكل مركذ معاها ومستنيين يعرفوا جوابها

روسندا:اا..لا..لا مخطوبه.

هبه أبتسمت بأرتياح .

روسندا:وهنفشكل.

هبه بصتلها وكشرت بضيق

سميره:وليه كده بس يا بنتى ؟

روسندا:زى ماتقولى كده يا طنط لقيت ال Hero اللى مجرد ماجت عيونى ف عينه بداء طريق طويل فى قصه حب انا مؤمنه أن هو كمان هيؤمن بيها .

سميره بصت لخديجه وهمستلها:ايه هيرو دى شتيمه ولا ايه؟

خديجه همستلها:لا يا سوسو دى معناها البطل يعنى ..بس لو انتى لقيتى البطل اللى حبتيه والموضوع اتقضى يعنى لمؤخذه انى بتدخل فى التفاصيل بس حابه اوى اعرف …ايه اللى خلاكى ارطبتى بخطيبك من الاول؟؟!

روسندا بصتلها:تحدى..بينى وبين كبريائى ..وكبريائى اللى فاز..

خديجه بصتلها وسميره همستلها :يا ستار دى شكلها من اللى بيتعالوا على خلق الله..تحدى بينها وبين نفسها يخليها تربط حياتها بواحد وتاخد الموضوع هزار !!؟..ده جواز مش لعبه.

روسندا مش بصالهم ومتأكده أنهم بيتكلموا عليها بس ساكته.

رحيم مسك المايك وبيتكلم:يا ريت كل اللى قاعدين يقومو ويهيصوا ده كتب كتاب ياخلق وقسمآ بالله كتب كتاب..يلا يا عروسه الهنا يلا يا جماعه قومو الله لا يسيئكوا.

ويشغل اغانى شعبى.

خديجه بضحك:بدل مارحيم هو اللى مسئول عن الديجيه يبقى هتشوفى العجب.

مؤمن راحلهم وبص لروسندا بأبتسامه:انتوا مبترقوصوش ليه..تيجى ترقصى معايا؟

روسندا بصتله وابتسمت جات تمسك أيده خديجه زعقت خلت روسندا نطرت أيدها وبصتلها بأستغراب:ايييه..ايه يا بابا يلا يا بابا من هنا روح ارقص مع الرجاله عشان مطلعش عن شعورى وانت عارفنى يلا يا حبيبى.

وتزأه بعيد عنهم وهو بيضحك :قاسيه اوى البت دى.

خديجه بصت لروسندا بأبتسامه غيظ:مالكيش دعوه بيه ده سافل ..خطيبى وانا عرفاه.

روسندا بعدت نظرها عنها ..بصت للمسئول عن البوفيه وبصت لسميره:انا هروح اشرب ميه وراجعه.

سميره:حبيبتى هما هيعدوا يدو كل واحد اللى يطلبو بدل ماتتعبى نفسك و…

روسندا ابتسمت بخفه وقاطعتها :مفيش تعب ولا حاجه..مش هأخر..

وتروح للبوفيه.

روسندا خدت كاس وخرجت ازازه الخمره من شنطتها ومخبياهه ف ضهر الشنطه..صبت ف الكاس وبتشرب .

بعد وقت ولما كانوا هيكتبوا كتب الكتاب وروسندا باصه لكرم من بعيد والغيره بتاكل فيها.

الاغانى شغاله وكرم لبس هبه الدبله والكل كان مبسوط بعيدا عن فرحه هبه اللى متنوصفش..

كرم عيونه جات ف عيونه روسندا بعد مالبس لهبه الدبله وهى بصاله بمكر وسانده على البوفيه وماسكه الكاس ف أيدها.

سميره:يلا يا روحى لبسى لعريسك الدبله.

هبه ابتسمت بكسوف وقربت مسكت ايد كرم ولبسته الدبله

كرم بصلها بأنتباه وأبتسم .

الكل صقف وقاموا الاغانى رجعت اشتغلت تانى وكرم وقف يرقص مع هبه اللى الكل بيدعوه يشيلها..

كرم:طيب طيب حااضر..

بص لهبه بأبتسامه وغموض:جاهزه؟

هبه بصتله بأبتسامه وجات تتكلم بنفى شالها واتدوخ بيها والكل صقفوا وكانوا بيضحكوا..معاده روسندا اللى عيونها شويه كانت هتخترق قلب كرم وتحرقه من النار اللى فيها.

روسندا باصه لكرم وهبه وهما بيرقصوا وكانت قربت تخلص الازازه اللى مقدرتش تتوقف عن شربها ..

كرم لاحظ أنها واقفه لوحدها وراحلها.

خديجه لاحظت أنه راحلها بس بصت لهبه وكملت رقص عشان متلاحظش..وماتعرفش أن عيون هبه مفارقتش كرم اصلا.

كرم وقف قدام روسندا اللى كانت خلصت الازازه ورمتها كمان.

كرم:واقفه لوحدك ليه؟!؟

روسندا بصتله وبصت لهبه:هى مش احلى منى ..انت ذوقك معفن.

كرم كتم ضحكته ورفع حواجبه وبصلها اوى وحب يغيظها:وليه بقى!..دى زى القمر.

روسندا بصتله بغيظ وبتدوس على قبضه أيدها بغل ..كرم لاحظ كده وده اللى خلاه يصلح كلامه ويبطل يغيظها:بس طبعآ مش اد روسندا هانم..

روسندا بصتله وهو ابتسم وهنا رحيم وقف الديجيه ومسك المايك وبداء يتكلم.

رحيم:بااااااس…النهارده كتب كتاب اخويا واللى ساكن ف قلوبنا كلنا..كتب كتاب البسمه اللى ف حياتنا ..وكل اللى موجودين هنا النهارده موجودين بسبب حبهم ليه …وده طبعآ بفضل ربنا..وبالمناسبة اللى مبتتكررش كتير انا وكروم هنغنيلكوا اغنيه شعبيه ..معانا ومعاكوا الموهبه اللى ماحصلتش ف التاريخ..ولا هتحصل..معانا ومعاكوا رحيم عمران الصياد .

روسندا بصت لكرم :انت بتغنى ؟ ..يعنى صوتك حلو؟

كرم بأبتسامه غامضه:هتشوفى وتحكمى بنفسك.

مدلها أيده وهى بصتله ومسكتها وراحوا لعند رحيم كل الموجودين هايصين والشباب طلعوا مع رحيم لعند مكان الديجيه وكرم وهبه وخديجه.. روسندا بصالهم ومبتسمه وبتصقف زى الكل ورحيم مدلها أيدها عشان تطلع معاهم.

روسندا بصتله بأبتسامه وتحمس ومسكت أيده(الخمره بدأت تعمل مفعولها ????)

الموسيقى اشتغلت والكل هايص وبيصقفوا ..

كرم بداء يغنى وهبه بصاله ومبتسمه :قلبى عايزك جانبى وانتى معايا بطمن..بعشقك مش ذنبى ده انا ف البعد هتجنن ..روحى لاغيه جروحى اوعى تروحى هتحول…كلوا مركذ تانى وانتى ف عينى انا الاول .

رحيم بيرقص قدام روسندا اللى اندمجت معاه بشكل كبير وحور متغاظه من اللى بيعمله وبتصقف بالعافيه.

رحيم :شوكولاته كتكات ولا اى بنات ده انا بعشق لون عينها..ماى لاف دى خوخه بشعور بالدوخه لما بقرب منها..

ويقرب هو وروسندا من وش بعض ويبعدوا تانى وهى بتضحك وكرم ملاحظ مع أنه بيرقص مع هبه زى ماحور هى كمان ملاحظه 

رحيم:شفايفها نوتيلا كيوت الشله عيونى مش حلينهااا..انا هربانه منى هيحضر جنى على اللى يكلمها .

روسندا كانت بترقص وجات قدام كرم وهى حطت أيدها على كتفه وبصتله وهو ابتسم وكمل غنا وماحطش ف باله ابدا حاله هبه اللى كانت هتتجنن وهو ماسك روسندا وباصصلها ف عيونها …واللى كان السبب الرئيسى فى تصرف كرم هو أنه كان شاكك أنها شاربه ..بس لما قرب منها شم ريحه الخمره فيها وده اللى اكدله اللى ف باله.

كرم :سيبى نفسك خمسه محتاج لمسه من ايدك..حولتنى الغمزه توهت من نظره عينييييك..يامو شعر حرير سايح بيطير على كتافك…قلبى فجاه انا طب سلم اول يوم شافك..

خديجه وقفت ترقص معاه هى وهبه وروسندا كملت رقص مع رحيم وهما الاتنين اتجننوا مع بعض وعيون كرم كانت على روسندا اللى مضايق من اندماجها اوى ف الرقص ولا صافى نار بترقص واللى ضايقه اكتر هو لمه الشباب اللى كانت حواليها ومؤمن كمان طلع يرقص معاها وخديجه مسكته من كرفته البدله وزأته على تحت.

رحيم:دقه قلبى انا جاحده تملى روحى بتهرب منى ..كل مكلم واحده بقول اسمك غصبآ عنى..نفسى فى يوم انساكى محدش غيرك ليه شاغلنى..ليل ونهار وياكى تعبت نفوخى مجننى..

كرم بداء يغنى وعيونه بتروح وتيجى على روسندا اللى بصاله ومبتسمه بثمل وبترقص وملامحها بتتغير كل مايبص لهبه ويبتسملها أو يلامس خدها بأيده :لما ابص فى عينك الايام بتضحكلى..كلمه بينى وبينك انتى خدتى خلاص عقلى…لو قلولى اختار شريك العمر هختارك ..قلبى بحر كبير هيفضل بير لاسرارك..

رحيم بيرقص قصاد روسندا اللى بترقص وبتضحك:انا هشرب ابسليوت واللهى بموت انا مش عادى…فى البعد بكون مكبوت برتاح دايمآ وانتى قصادى..خليكى مليش بعديكى خلاص نسينى انا الماضى ..انا عشقك دايب فيكى بحس فى حضنك بتراضى..

كرم مسك وش هبه رفعه خلاهه تبصله وهى مبتسمه وبتهز جسمها هزات لطيفه بتدل على قله خبرتها فى الرقص :انتى كل الدنيا من عنيا مين قدك ..لما ببعد ثانيه بلقى القلب موشتقلك …واحده مالكيش تانيه عمرى مشفت يوم زيك..ملكه ماليه عنيا اجمل لحظه وانا جانبك..

رحيم:يا عيون قتاله بتجبلى الحاله خليتنى نسيت أسمى..حضنك حسيتو عرفك دقيته بقى ثابت على جسمى..منبع احساس يا فروت اناناس يا فانيليا بيكم بودر..بتجيبى البوسه من هنا بتخلى نفوخى بيتخضر .

هنا روسندا جات تبوس رحيم كرم شدها ونزلوا من عند الديجيه وهبه بصتله وهو ماشى وبصت لخديجه:هو…كرم راح فين مع البنت دى؟

خديجه بصتلها وبصت لكرم اللى دخل بيتهم ومعاه روسندا:اا..هو …اكيد بيوصلها للبيت عشان ترتاح..سيبك انتى المهم انك زى القمر النهارده.

هبه ابتسمت وبصت لبيت كرم وقلبها مش مرتاح.

روسندا بتضحك بثمل وكرم بيشدها معاه الحمام.

روسندا:كرووم انت..رايح فين!

كرم دخل بيها الحمام وهى بتهز راسها بنفى :لااا مش عايزه استحمى ..

كرم شغل الدوش وموقفها تحتيه وهى شدته معاها ومسكت فيه جامد.

كرم:مش معقول انتى جبتى الخمره معاكى من القاهره لهنا؟؟..وعزام بيه فاهم انك مبطلاها..

كرم بيمسحلها وشها بالميه وهى فتحت عيونها وبصتله مسكت ايده وهو بصلها.

روسندا حطت أيدها على وشه وبصت لشفايفه ويتقرب منه

كرم ساند ايده على الحيطه جانبها وشبه محاوطها باصصلها وبص لشفايفها وهى غمضت عيونها وباسته.

كرم غمض عيونه وعاجز عن إصدار اى رده فعل..حس بكهربا ف قلبه عقله طار مكنش عارف هو بيعمل ايه..أو بمعنى اصح داق سم روسندا اللى بيجرى ف الدم كله .

روسندا فتحت عيونها وبعدت وشها شويه عنه..وهو بصلها ..

ورسندا غمضت عيونها و باسته حطت ايدها على رقبته وبتبوسو وهو حط أيده على وسطها ومغمض عيونه كان مستسلملها وعقله واقف عن التفكير ..نسى مبادئه وتربيته وكل حاجه فى اللحظه دى..

كرم بادلها وهى اتشعلقت فيه وهى مغمضه عيونها وبتبوسو

خديجه دخلت البيت وبتبص حواليها وبتنادى:ابيه كرم..ابيه كرم..

بس للاسف مكنش حد سامعها من صوت الدوش .

كرم بعد عن روسندا واتنهد بعمق وبأنفاس مقطوعه وهى بصتله مسكت قميصه وجات تبوسو تانى بعد وكان مضايق من اللى عمله وضميره بيأنبه حس أنه خان ثقه عزام فيه..ده غير أنه اعتبر اللى عمله خيانه لهبه اللى المفروض زوجته حاليا.

روسندا مسكت دراعه جامد وهزت راسها بنفى:ل..لا..انت رايح فين هتسيبنى وتروحلها لا انا مش هسمحلك كرم خليك معايا انا ..خليك مع روسى..

كرم بصلها وبعد أيدها عنه جى يتكلم سمع صوت خديجه وده اللى خلاه برق:يانهار ازرق..

بص لروسندا وبيحاول يقنعها تفضل :اا..بصى خليكى هنا وانا هروح اجيبلك هدوم وراجع امم..اياك تخرجى.

روسندا مسكت ف قميصه وهزت راسها بنفى:لا لا خليك معايا .

كرم :انا هرجعلك تانى بس خليكى هنا ثوانى..

ويسيبها ويخرج برا الحمام..

روسندا حطت أيدها على شفايفها وابتسمت بسعاده :هو..بيحبنى انا ..مبيحبهاش ..هو بيحب روسندا انا متأكدة.

خديجه بصت لكرم بأستغراب من هدومه وشعره المبلولين:ابيه كرم ايه اللى بل هدومك وشعرك كده!

كرم بيرفع شعره بأرتباك:اا..هو انا كنت بغسل وشى ف..الحنفيه ضربت وعشان كده ..اتغرقت..

خديجه بصاله:امم..امال فين روسندا!؟؟

كرم بيتجال يبصلها وده بسبب ارتباكه:اا..هى..مش معايا..هى فى الحفله.

خديجه بصاله بعدت نظرها عنه وف بالها بتقسم أن فى حاجه مش مظبوطه..

كرم  بص لخديجه بأبتسامه بتخفى توتره :اا..انا هغير هدومى وأخرج اسبقينى انتى ..

خديجه بصتله وهزت راسها بإيجاب:امم..

وتخرج برا اوضته.

كرم اتنهد براحه ودخل للحمام شاف روسندا نايمه وهى قاعده وسانده راسها على البانيو.

كرم بصلها قرب حط أيده على شعرها واول مالمسها افتكر ..

Flash back

روسندا حطت أيدها على رقبته وبتبوسو 

Back

كرم بعد أيده عنها وشالها..خرج برا الحمام وحطها على السرير .

كرم بيحاول يفوقها: روسندا… روسندا فوقى 

اتنهد بعمق وحيره وهو مش عارف يتصرف ازاى ..لو خديجه رجعت هتعرف أنه كذب عليها..

كرم بص للهدوم وبصلها بتفكير

للكاتبه/منه محسن [Milly]

امينه قاعده فى الديسكوا بتشرب ..

كارم:امال عملالى فيها التعبانه ليه !…مانتى زى القرده وحالتك ماشاء الله تكسر الحديد.

امينه بصتله وبعدت نظرها عنه بهدوء:بطل رغى دماغى وجعانى.

كارم:طيب يا طيبه هسكت.

…….عيونه عليها وبيشرب رفع الكاس وغمزلها بأبتسامه وهى بصتله وبصت لكارم:مين إللى هناك ده؟..حاسه انى شوفته قبل كده.

كارم بصله وبصلها:ايوه انتى اكيد شوفتيه قبل كده ده رجل اعمال مشهور اسمه فريد منتصر…ده سكته كلها شمااال …بس اقولك البنت اللى يطلبها بيبقى حظها ابن لزينه الواحده تدخل معاه ف علاقه تطلع بقصر وملايين حاجه كده اخر رخص..تقدمى كرامتك وشرفك مقابل الفلوس…والله بيكسبو..وهو ايه اللى الناس محتجاه ف البلد دى اكتر من الفلوس!…ده حتى الكرامه مبقتش تأكل عيش.

امينه بصاله وبصت لفريد اللى غمزلها ووقف شاورلها بعيونه على الاوضه وراح لهناك.

امينه بصاله وهو ماشى بتردد وبصت لكارم:اا..انا..ثوانى ..وراجعه.

وقفت وكارم كان بيشرب ومش منتبه هى رايحه فين.

امينه راحت للئوضه دخلت وبتبص حواليها وهو حضنها من ضهرها:تعرفى انى بقالى اكتر من شهر عيونى عليكى ومش عارف اطولك.

امينه بعدت وبصتله ابتسمت ومسكت كرفته قميصه بدلع:واشمعنى انا بقى؟!

فريد بأبتسامه لئيمه:كنت بشوفك دايمآ مع كريم مصطفى..وكنت فاكرك بتاعته..بس النهارده اتأكدت انك للكل.

امينه بصتله واتكلمت بأستغراب:واتأكدت ازاى بقى!

فريد ضحك:ايه اللى اتأكدت ازاى…انتى موجوده هنا ومع واحد تانى ومن غير كريم..انسى المهم اللى جايبك عشانه..بصى انا هدفعلك اللى تطلبيه..بس بشرط..تمتعينى اسبوع ..اسبوع كامل وبعدها ..

امينه بصتله وكملت كلامه:وبعدها كل واحد يروح لحاله..

فريد أبتسم بلؤم وحط أيده على شعرها:بالظبط..

امينه بصاله بتفكير :و..هتدينى ف حدود كام كده؟؟!

فريد بصلها وبص لجسمها وكأنه بيقيم سلعه قدامه:امم ..انتى عايزه كام؟

امينه:قصر..قصر بأسمى…وشيك ب٢مليون دولار .

فريد بصلها اوى وضحك:قصر بأسمك…وشيك ب٢مليون دولار؟؟!!..هو حد قالك انى هشترى تمثال من دهب؟؟؟؟…انا أخرى معاكى قصر  نصه بأسمك لو لقيتك حلوه معايا ممكن اكتبهولك كله..غير كده انسى..

جى يمشى مسكت ايده :استنى بس..طيب انا موافقه.

فريد بصلها بأبتسامه خبيثه.

امينه:بس فى حاجه كمان…انا..حامل …ومش عايزه أجهض الطفل.

فريد بصلها بتفكير وبص لبطنها:اووووو… حامل!..امم…كده هنخفض المبلغ..فله وبأسمك..وبس..

امينه بصاله وهزت راسها بإيجاب:موافقه..

فريد أبتسم وحط أيده على شعرها:فى المده اللى هتقديها معايا صدقينى هتكون احسن مده ف حياتك ..هتلبسى حرير وتنامى على حرير وهتكونى ملكه معايا ..وفى النهايه هتطلعى بفله غيرك قعد يبنى نفسه سنين عشان يوصلها..يعنى خطوتك دى عمرك ماهتندمى عليها ابدا.

امينه بصتله وابتسمت وهزت راسها بإيجاب وتفهم.

كارم واقف برا الديسكوا وبيكلم محمود.

محمود بأستغراب:انت بتقول انها كانت معاك وكانت بتشرب؟؟؟

كارم:ايوه يا حوده مالك مكبر الموضوع ايه ماهى دايمآ بتشرب ..بس الغريبه واللى حصل المره دى هى أنها سئلت على فريد منتصر شكلها بتنمر عليه يله يا حوده..

محمود بأنزعاج وضيق:هى فين دلوقت؟

كارم:واللهى منا عارف قالتلى ثوانى وراجعه ومشيت ماعرفش راحت فين.

محمود:طيب سلام دلوقت.

قفل الخط واتصل بيها بس هى مبتردش.

محمود فضل يتصل وبردو مردتش عليه ..

محمود بص للتليفون بأستغراب وتفكير:يا ترى راحت فين!…هى بقالها يومين مابتردش على اتصالاتى ولما بروحلها البيت مابتفتحش..هى اكيد اضايقت من كلامى اللى قولتهولها بس أنا شايف أن هو ده الصح.

كارم رجع الديسكوا راح وقف عند البار:كاس يا بنى.

نظره فضل متعلق بشاهيناز اللى شافها واقفه مع شمس.

كارم باصصلها وحط ايده على وشه كأنه افتكر القلم اللى خاده منها وكأنه لسه واخده دلوقت..ابتسم بلؤم وراح وقف معاهم:احم…ازيك.

شاهيناز وشمس بصولو وملامح شاهيناز اتغيرت لملامح غضب:انت!

كارم بأبتسامه:امم..ماظنش انكوا ماشيين دلوقت يعنى لو مفيش مانع نشرب كاسين بمناسبه الصدفه الجميله دى.

شاهينازمسكت دراع شمس وبصتله بغل:صدفه نحس وحياتك.

خادتها ومشيت وكارم ضحك وباصصلها وهى ماشيه:مش سهله بس مزه.

للكاتبه/منه محسن [Milly]

رحيم دخل البيت وبيبص حواليه:كروووم…كرووم..

كرم بص لباب الاوضه وخرج بسرعه وقفل الباب.

رحيم بصله:سايب الناس برا وجاى هنا ليه!…وبعدين انت ايه اللى بالل هدومك كده؟!

كرم:فى مصيبه بص انت عارف ان روسندا بتشرب هاا..هى شربت النهارده وانا كنت بحاول افوقها ..المهم انها اتغرقت ودلوقت هى نامت وانا مش عارف اعمل ايه ..

رحيم بصله:اوووو…طب متحاول تصحيها..

كرم:حاولت كتير بس مفيش فايده..ولو نامت كده لحد بكره هتعيا..

رحيم بصله بتفكير وحيره:مفيش غير حل واحد.

كرم بصله :اللى هو؟

رحيم:نقول لخديجه تغيرلها هدومها.

كرم:مش هينفع لانى قولت لخديجه انها مش معايا وبعدين انت عارف اختك هتفضل تسأل عن أدق التفاصيل..ايه اللى غرق هدومى ازاى بتشرب كنت موجود هنا معاها لوحدنا ليه كل ده ..

رحيم قاطعه وهو باصصله بغموض :إلا قولى  يا كروم…ايه اللى غرقك؟؟!…ولا هى تقع عليها الميه وانت تتبل!

كرم بصله واتوتر للحظات:تصدق انى غلطان عشان اكلم واحد زيك..يلا يله من هنا..وكان فى حاجه رقصك مع روسندا النهارده انا هحاسبك عليه وهقول لعزام بيه.

رحيم ضحك وبصله اوى :يا جدع اتقى الله ده انت واحد متجوز دلوقت ..عزام مين بس اللى تقولو ده فيها رقبتى …

كرم:تستاهل .

رحيم:خلاص يا عم هلاقيلك حل (فكر واتكلم فجأه)…باااااس لقيتها..

كرم بصله ورفع حواجبه بملل:ابهرنى..

رحيم:احنا نقول لمرات عمك تغيرلها هدومها …يعنى تحكيلها اللى حصل وانت عارف مرات عمك مابتكلمش امك وملهاش علاقه غير بيك وبردو علاقه صتحيه.

كرم باصصله بتفكير :مش هتتكلم مع امك بس هتقول للصعيد كلها.. على العموم ماباليد حيله هات مرات عمك .

رحيم مشى وكرم بص للئوضه الموجوده فيها روسندا بتفكير..بعد مارجعت وفهمها كل اللى حصل وايه سبب غرقان هدومها..عملت زى مقالولها ولما خرجت كان باين عليها الاندهاش او التعجب.

رحيم بصلها وحب يهزر ويكسر سكوتها:ايه ولد؟؟

كرم ضربه بعنف على رأسه:ماتحترم نفسك يله.

رحيم ضحك وهو حاطت أيده على رأسه بألم:بهزر واللهى.

ثناء بصت لكرم بتسأل:هى البنت دى مسلمه؟

كرم بصلها وبص لرحيم اللى باين على وشه الاستغراب رجع بصلها تانى وأتكلم بتأكيد :اا..ايوه طبعآ..

ثناء:اصلى لما كشفت ضهرها انا لقيت حاجه استغربتها اوى ..هى راسمه بالوشم صوره ماليه ضهرها كله صوره لواحده..وعلى دراعها وفى مناطق مختلفه من جسمها كلام كتير اول مره اشوف حد بيكتب كلام على جسمه وهو عارف أنه هيعمل فيه طول عمره..واللى خلانى مستغربه اكتر هى ازاى استحملت الوجع ده كله؟!…ده يابنى الواحد مننا لما بيتلسع من النار بيبقى حاسس ان روحو رايحه ..بس هى كوت نفسها واكتر من مره.. حاجه غريبه فعلا.

كرم باصصلها وسرحان فى كلامها :ماقدرتيش تحددى الكلام؟..يعنى زى ايه مثلا؟

ثناء:كلو بالإنجليزي مفيش كلمه عربى

رحيم:طيب متشكرين يا حجه ثناء

ثناء بصتله بضيق:تعرف يله انت انا اللى جابنى هنا عشان بس عرفت أن كرم هو اللى عايزنى لولا كده مكنتش بصيت فى وشك.

وتسيبه وتمشى.

رحيم ضحك:بتحبنا اوى حجه ثناء .. 

رحيم بص لكرم اللى سرحان وبزياده ..وحب يخرجه من الشرود اللى شويه وهيطيرله عقله من التفكير:اا..طب ماتيجى يا كرم نشوف ايه الكلام ده..

كرم بصله بضيق وغل جى يضربه رحيم ضحك وبعد:خلاص يا عم ده هزار.

خديجه راحتلهم :انتوا واقفين هنا ليه!..ابيه كرم ده كتب كتابك والكل بيسئل عنك رحيم انت المسئول عن الديجيه وماينفعش تسيبوا كل حاجه وتيجوا هنا الناس لاحظت.

كرم:اا..طيب يا رو(غمض عيونه بضيق من اسم روسندا اللى لحس عقله وصلح كلامه)..يا خديجه ..حاضر.

خديجه بصتله وبصت لرحيم ورحيم بص لكرم:لا فى ايه ركذ مش كده ده يومك ياجدع ..احنا هنصبقك وانت فضى نفسك وتعالى …يلا يا ابو سريع.

وياخد خديجه ويمشوا 

كرم دخل اوضته اللى روسندا نايمه فيها وبيفتكر كلام ثناء..كل ماده بيكتشفوا السلبيات اللى اثرت فى نفسيتها بسبب موت امها…وكأن روسندا بير كل اللى يقرب منه يعرف ويكتشف حاجات اكتر وكلها أمور اغرب من اللى قبلها..

فى اليوم التالى ..

شاهيناز وشمس بصوا لبعض بصدمه:سافرت؟؟!!

عزام:من امبارح هى راحت مع كرم الصعيد عشان كتب كتابه..

شاهيناز بصت لشمس بصدمه اكبر:نهار اسود ..

عزام بصلها بأستغراب:فى ايه!!؟

شمس :انت متأكد يا عمى أن روسندا عرفت بموضوع جواز كرم؟

عزام بصلها بتأكيد:ايوه ..

شاهيناز:وكانت ايه رده فعلها؟..يعنى حضرتك كلمتها بعد ماعرفت؟

عزام:هى اتصلت بيا وقالتلى..ممكن افهم بقى ايه سبب الاسئله الكتيره دى؟؟؟!

شمس بصتله وبصت لشاهيناز بتردد.

شاهيناز رفعت أكتافها بقله حيله.

شمس بصت لعزام :بص يا عزام بيه احنا هاممنا مصلحه روسندا زى حضرتك تمام…وبينى وبينك احنا شاكين يعنى..مجرد شك ..أن روسندا قلبها بيميل لكرم ..ده سر اوعى تقولها 

عزام بصلها ببساطه وضحك على ارتباكهم وتوترهم الزايد أنه يعرف :طب منا عارف. 

شمس بصتله وبصت لشاهيناز اللى اتكلمت بصدمه:عارف؟!!

عزام:وهو انا سمحت لروسندا تروح معاه ليه؟

شمس:عشان فى خطر على حياتها هنا .

عزام:وكمان عشان تبقى معاه..

شمس:ومش خايف يسيبها بعد كده وحالتها تسوء اكتر؟!

عزام:لو كنت عارف ان كرم هيسيب روسندا فى النهايه انا مكنتش سمحت لروسندا تبقى معاه ..

شاهيناز بضحك وأنبهار:لاااا ده احنا نقعد تشرحلنا كل حاجه..الموضوع شكله كبير وشكلك انت اللى معاك التفاصيل كلها..

فى الصعيد فى محافظه المنيا بالتحديد فى بيت عيله الصياده..

روسندا فاقت من نومها العميق واللى حصلت فيه حاجات كتير اغرب من اللى قبلها وهى ولا هنا ..

روسندا قعدت على السرير وبصت حواليها:انا فين!؟

وقفت بسرعه وبتبص حواليها بخوف:اا…انا …فين؟!!

كرم حط الاكل على التربيزه والكل راح قعد وخديجه بصت حواليها:امال فين ضيفتنا!؟؟

كرم بصلها:هى تلاقيها لسه نايمه..

روسندا بتخبط على باب الاوضه بعنف وبصراخ:افتحوا الباب عزااااااام…افتحوا البااااب…

الكل بص للباب بصدمه وكرم جرى فتحه وهى اترمت فى حضنه وحضنته جامد بخوف والكل برق ورحيم كان فى أيده الشوكه وقعت من أيده وخديجه فضلت مكانها مبتعملش اى حاجه وسبتت على وضعها

كرم حط أيده على شعرها بهدوء وبدهشه:اا..انتى..كويسه؟

روسندا غمضت عيونها بعد مااتمدت بالطاقه اللى بتاخدها من البرفيوم بتاعه ..فتحت عيونها وبعدت بصتله وبصت حواليها بعدت عنه وحطت شعرها ورا ودنها بكسوف:ااا…انا..اسفه اوى..

كرم بصلها وبصلهم وهما بنفس وضعهم .

روسندا بصت لكرم وبصت فى الارض:انا بجد اسفه..دى ..حاله بتجيلى لما..بغير مكان نومى ..انا مكنش قصدى اسببلكوا مشاكل و..

سميره بتعاطف:حبيبتى مفيش اى حاجه احنا قلقنا عليكى انتى كويس انك صحيتى دلوقت كنا لسه هنقول لخديجه تصحيكى يلا تعالوا كلوا..

روسندا بصت لكرم بضيق من اللى عملته وهو ابتسم بخفه وحاول يثبتلها أنهم مش مضايقين:يلا ناكل.

روسندا ابتسمت بلطف لما شافت ابتسامته وراحوا قعدوا .

خديجه قعدت وعيونها منزلتش من على روسندا.

سميره بصت لروسندا بأبتسامه بتدل على طيبه قلبها :معلش بقى يا بنتى حاجه مش قد المقام..مدى ايدك يلا ده فطير مشلتت ودى جبنه قديمه ودى جبنه قريش وده زيتون وفى كمان عيش مرحرح اللى يعجبك يا عيونى كليه..

روسندا بصتلها وبصت لكرم اللى بص لسميره :انا هاخد روسندا هانم ونروح ناكل فى..

روسندا قاطعته بأكلها من الفطير وصوت لزتها منه:امم ..حلو اوى ..

كرم بصلها وهى بصتله وابتسمت وبتاكل منه بصت لسميره بأبتسامه:تسلم ايدك..هو مختلف عن كل الاكل اللى كالته.

رحيم بص لكرم وبياكل وبيكتم ضحكته ..لاحظ أن روسندا بتحاول تعمل اى حاجه هو بيعملها وبيحبها عشان توريه أنها زيه …أو حتى تلفت انتباهه بيها.

سميره:بالهنا يا روحى.

روسندا ابتسمت وكملت اكل .

فى الوقت ده حد خبط على باب بيتهم.

خديجه قامت وفتحت ابتسمت لما شافت هبه وفريده وحور :اتفضلوا ..

روسندا بصتلهم وملامحها اتغيرت اول مشافتهم. 

دخلوا وكان معاهم صنيه كبيره فيها اكل وبعد ماسلموا على بعض بس روسندا ماتهزتش من مكانها ولاكأنهم جوم

فريده بلهجه صعيديه:جينالكوا فى وقت مش مناسب بس قولنا نيجى نفطر معاكوا جمال فطر وراح على المزرعه ف قولنا لازم نقرب المسافات احنا بقينا عيله واحده.

سميره مبتسمه :طبعآ طبعآ ده انتوا تنورونا فى اى وقت ايه بس كان لزمته اللى جبتوه ده مالخير كتير اهو.

فريده بلهجه صعيديه:ميجيش من بعد خيركوا يا ام كرم ..

قعدوا كلهم وهبه قعدت جانب كرم اللى روسندا قاعده جانبه من الناحيه التانيه وبتقطع فى الفطير من كتر غلها وأنها مركذه ف حديثهم.. تاكل لقمه وعشره ترميهم ..

فريده بتتكلم مع سميره وخديجه وحوز بيتكلموا مع بعض .

حور بهمس:هى البنت دى بايته عندكوا من امبارح؟؟؟!

خديجة ردت بهمس:ايوه ماهى تبع شغل كرم يعنى لما يسافر هتسافر معاه ..

حور بصت لروسندا وبتدقق اد ايه هى جميله ورائعه فى كل حاجه لبسها طريقه كلامها الراقيه كل ده حور ركذت فيه وكأنها بتستكشف ازاى بقت كده.

بعد ماخلصوا اكل وخديجة راحت تعملهم شاى ومعاها هبه.

خديجه: روسندا تحبى تشربى ايه اعملهولك!؟

روسندا بصتلها:شاى بردو .

خديجه:كام معلقه سكر؟

روسندا:لا ماتحطيش سكر بشربو ساده.

الكل بصولها حتى كرم كان مندهش..مش بقولكوا بئر كل اللى يتعمق فيه يكتشف ويتعجب..

حور بصت لروسندا:انتى مريضه بالسكر؟؟

روسندا بصتلها وهزت راسها بنفى:كل اللى فى الحكايه انى بحب اشربه ساده..

فريده بلهجه صعيديه:ليه بس كده ده الشاى لوحده مصيبه وانتى بسم الله ماشاء الله عليكى باين عليكى بنت أكابر وحرام يضيع شبابك فى الأمراض .

روسندا:اوقات الإنسان بيبقى ارحمله يتهرب من كل حاجه حلوه عشان مايتعلقش بيها..ويسيبها زى اى حاجه تانيه..

فريده بلهجه صعيديه:وليه ماتقوليش أن الحاجه الحلوه اللى سابها مكنتش مناسبه ليه؟

روسندا بصتلها اوى وضحكت بسخرية:مكنتش مناسبه؟؟؟!!..مكنتش مناسبه ازاى ودى الحاجه اللى بتسعد كل طفل وكل بالغ وبتبقى سند دايمآ فى الحياه..ازاى مكنتش مناسبه وانتى لولاها مكنتيش جيتى ولولاها مكنتش هبقى ناقصه حنيه ..انتى ازاى تقولى أنها مش مناسبه !!

الكل لاحظ اشتباكهم وعصبيه روسندا ده غير الدموع اللى ملت عيونها.

كرم جى يتكلم فريده اتكلمت 

فريده بلهجه صعيديه:انا مقصدتش والله يا بنتى مكنتش اعرف انك بتتكلمى عن امك…اعذرينى.

روسندا بصتلها وبعدت نظرها عنها:عن اذنكوا..

وتدخل اوضتها.

كرم بص لئوضتها وبص لفريده بأسف:انا اسف روسندا هى متقصدش تزعقلك هى فهمتك غلط و..

فريده قاطعته:مفيش حاجه يا بنى فقدان الام بيبقى صعب على كل شخص وانا عاذره اللى هى فيه.

كرم بصلها وأبتسم بخفه وبصلهم:عن اذنكوا ثوانى.

ويروح ورا روسندا.

روسندا واقفه فى الشباك وباصه قدامها وبتمسح دموعها .

كرم وقف جنبها وحط أيده على كتفها.

روسندا بصتله والدموع بتنزل من عيونها

كرم بص لعيونها اللى مليانه دموع وقرب أيده مسحلها دموعها.

روسندا بصاله 

كرم بعد أيده وبصلها بأبتسامه خفيفه:هى مكنتش قصدها تتكلم عن مامتك..

روسندا بصاله وهزت راسها بإيجاب وتفهم:انا عارفه…انا بس لما بفتكرها..مبقدرش امسك دموعى.

كرم حط أيده على شعرها بحزن وتفهم:عارف .

روسندا بصتله بحزن وقربت حضنته

كرم بص قدامه ومش عارف يتصرف ازاى يحضنها ولا يبعدها عنه كل ماتقرب منه بيفتكر اللى حصل امبارح واللى بيزود حيرته وضيقه من نفسه.

روسندا غمضت عيونها بأبتسامه بتحاول تكتم بيها مشاعرها اللى طايره من السعاده..

هبه وخديجه خرجوا برا المطبخ وحطوا صنيه الشاى على التربيزه:امال فين ابيه كرم وروسندا هانم ؟؟!

حور اتكلمت بأستهزاء:كرم مع روسندا هانم فى اوضتها..أصلها مضايقه شويه.

هبه بصتلها:أنهى اوضه؟؟

حور شاورتلها عليها وهبه راحت للئوضه وكالعادة كان كرم سايب الباب مفتوح بكل نيه سليمه وقبل ماهبه تخبط على الباب اللى هو مفتوح اصلا..شافتهم وقفت مكانها والصدمه اتملكتها .

كرم جى يبعد روسندا حضنته اكتر لما شافت هبه.

كرم بص قدامه وحط أيده على شعرها: روسندا..هانم.

روسندا:نعم؟

كرم اتنهد بعمق وجى بتكلم رفعت وشها وحطت أيدها على وشه وبتبص لعيونه ولشفايفه قربت من شفايفه وهو باصصلها هنا هبه خبطت على الباب وبعدت نظرها عنهم بضيق وغضب مخفى .

كرم بعد بسرعه عن روسندا وبص للباب بأرتباك:اا..ادخل..

هبه دخلت وبصتلهم وعيونها مش قادره تنزل من على روسندا ..الغل والغضب مالينها ومش قادره تخرجهم لكن بأن على ملامحها اوى التغيير..

هبه بلهجه صعيديه :خديجه عملت الشاى.

كرم:ااا..طيب..

بص لروسندا وخرج مع هبه .

روسندا غمضت عيونها وكانت بتتنطت من الفرحه وحاسه انها شويه وهتطير..حاولت تتماسك وتهدى بصت لشنطتها اللى فيها الهدوم بلؤم وتفكير.

غيرت هدومها وخرجت برا الاوضه.

كرم بصلها وهى فهمت نظرته عشان كده ردت وقبل مايسئلها:عايزه اتمشى معاك.

هبه بصتلها وبصت لكرم واتكلمت بغيظ وبلهجه صعيديه:احنا جايين نقعد معاك هتسيبنا وتخرج؟!

روسندا بصت لكرم بأسف وحزن:يعنى لا؟؟!

كرم بصلها وهمس لهبه:هبه دى ضيفه عندى وماينفعش أفضل قاعد معاكوا وسايبها على الأقل اليومين اللى هى فيهم هنا تستمتع بيهم بدل ماقعدها هنا غصب عنها.

هبه بصتله بضيق وجات تتكلم هو وقف وهز رأسه بإيجاب:شويه وراجعين.

روسندا ابتسمت وراحت اتشعلقت فى دراعه وكأنها قاصده تزيد من غيظ هبه وغضبها.

مشيوا وفريده بصت لسميره:بينى وبينك يا ام كرم انا مش مطمنه للبنت دى ابدا..هى لا من طوبنا ولا من عيشتنا ووجودها هنا مع كرم ميطمنش .

سميره:ليه بس كده يا ام هبه هى بس حبت تشوف بلده ويومين وماشيه..ماينفعش نضايقها واحنا اول مره نشوفها وهى مش قاعده معانا كل يوم يعنى..ولا ايه يا هبه؟

هبه بصتلها وبعدت نظرها عنها بتفكير :عندك حق..

كرم وروسندا ماشيين وسط الغيط ..

كرم:ده بيت عمى …ودى الأرض بتاعته هو مرتاح من وهو صغير كان بيبنى نفسه..نفسه ف طفل بس ربنا مابيديش كل حاجه.

روسندا بصتله :على كده هو ممكن يكتبلك الأملاك دى

كرم ضحك:ماظنش..ده بخيل لابعد حد ممكن يوصل ليه تفكيرك..لو دفع جنيه بيقعد اسبوع مريض عليه

روسندا ضحكت:للدرجه دى؟؟!

كرم:اه واللهى هو فعلا كده..

روسندا ابتسمت وبصتله :انا كنت عايزه أطلب منك طلب. 

كرم بصلها وهز رأسه:ايه هو؟

روسندا:عايزه اشوف أم سماح.

كرم ضحك:بتهزرى صح؟..انتى لسه فكراهه!!؟

روسندا ابتسمت:بتكلم جد عايزه اشوفها..مش انت قولتلى انها فاتحه محل قريب منكوا؟

كرم بصلها بأبتسامه:حاضر يا روسندا هانم..هوديكى تشوفيها.

للكاتبه/منه محسن [Milly]

امينه فاقت من نومها على صوت تليفونها..

امينه فتحت عيونها بضيق من صوت التليفون العالى ..قعدت على السرير وبصت جنبها ملاقتش فريد خدت التليفون وردت :نعم..

محمود :ايه اللى نعم!..انا بتصل بيكى بقالى اكتر من تلت ايام وبروحلك البيت مبلقكيش هناك ويوم ماتقررى تردى تقوليلى نعم؟؟!

امينه:وهو انت عايزنى اقولك ايه؟!..على العموم انا فعلا مابتتش ف البيت بقالى كام يوم .

محمود:امال انتى فين؟..انا قلقت عليكى ومبقتش عارف اوصلك ازاى  ..اليوم اللى اتصلت فيه بكارم عشان اسئله عنك قالى انك كنتى معاه فى الملهى ومشيتى..انتى لسه بتروحى هناك؟

امينه:وايه اللى اتغير؟

محمود:اللى اتغير انك حامل ..ولو كنتى بتروحى هناك عشان تشربى وتسهرى ف ده مبقاش ينفع لأنك شايله روح جواكى ولازم تحافظى عليها.

امينه ضحكت واتكلمت بأستهزاء:هامك اوى الروح اللى جوايا!..مش كنت خايف على صاحبك لأزيه وكنت عايزنى اجهضه!

محمود بضيق :انا مكنتش خايف عليه ومقولتلكيش تجهضيه عشان كده انا قولتلك تجهضيه عشان مصلحتك انتى ..ومصلحه البيبى

امينه:انسى انسى كل حاجه اعتبرنى محكيتلكش عن حاجه ابدا..انا عارفه حقى هاخده ازاى ومين اللى هيجبهولى.

محمود:امينه ممكن تسمعينى..طيب احنا مش هينفع نتكلم ف التليفون انتى فين؟

امينه:مطرح منا موجوده انا مش راجعه البيت وعشان كده متستنانيش هناك ..ومش عايزه اقابل حد .

قفلت الخط وهو غمض عيونه بضيق وغضب 

امينه سابت التليفون على الكمودينوا وبصت للباب قامت دخلت الحمام خادت شاور وخرجت وهى بتنشف شعرها بالفوطه بصت لنفسها فى المرايه ..سرحت للحظات وحطت أيدها على بطنها وفى نفسها:انا هخليك تندم على كل حاجه عملتها معايا يا كريم…هعافر وهجيب الطفل على الدنيا وبس عشان يكون مصدر عزاب ليك ..هعيشك فى عزام وهخلى اللى فى بطنى كابوس حياتك..وابقى قول امينه قالت..

للكاتبه/منه محسن [Milly]

بعد ماوصلوا لكوشك ام سماح اللى كرم كلم روسندا عنها وطلبت تشوفها .

ام سماح بلهجه صعيديه:كنت مختفى فين الفتره اللى فاتت ولا بتسئل ولا حاجه 

كرم:اعذرينى بس والله نزلت شغل فى القاهره ولسه راجع من يومين..وكان كتب كتابى امبارح انا قولت لخديجه تقولك لانى فعلا كنت مشغول بس ماجيتيش 

أم سماح بلهجه صعيديه وبأسف:اعذرنى يا بنى والله كنت مشغوله مع رضا ابنى فى المستشفى 

روسندا بصالهم ومبتسمه ومنبهره من طريقتها 

ام سماح بصتلها وابتسمت وبتبص لهدومها وجسمها:مين المحندجه ؟؟

روسندا بصتلها بأستغراب وبصت لكرم :الايه!!!

كرم كتم ضحكته وهمسلها:حلوه يعنى.

روسندا ابتسمت وبصت لام سماح جات تتكلم كرم سبقها.

كرم:دى روسندا هانم انا شغال حارس شخصي عندها…بنت عزام بيه من أكبر رجال الأعمال.

وروسندا بصتله ورفعت حواجبها : وبس!!

كرم بصلها مكنش قادر يفهم قصدها وايه اللى كانت مستنياه منه..

روسندا:كرم كلمنى عنك كتير ..وكان بيشكر فيكى اوى..عشان كده انا كنت حابه اتعرف عليكى.

ام سماح ابتسمت وبلهجه صعيديه:كرم انا بعزه وبحبه زى ابنى تمام ..

كرم أبتسم فى الوقت ده جاله اتصال وهو مسك تليفونه وبصلهم:عن اذنكوا ثوانى.. روسندا هانم لحظات وراجع.

وبعد عنهم شويه عشان يرد على اتصال عزام..

روسندا بصت لام سماح واتكلمت بفضول :انتى تعرفى كرم بقالك فتره كبيره مش كده؟

ام سماح هزت راسها بإيجاب وبلهجه صعيديه:من وهو عيل صغير.

روسندا ابتسمت:حلو..عيزاكى بقى تقوليلى على كل حاجه عنه ..من وقت مكان صغير..لحد دلوقت ….

يتبع..