رواية وحدة شغف الحلقة الثانية عشر 12 بقلم ندى

 رواية وحدة شغف الحلقة الثانية عشر 12 بقلم ندى

رواية وحدة شغف الحلقة الثانية عشر 12 بقلم ندى

رواية وحدة شغف الحلقة الثانية عشر 12 بقلم ندى

دخل احمد وعمر شقته 

– شهد… شهد .. راحت فين دي 

=مش عارف هي قالت هتستنانا 

رجع عمر لباب الشقة لقي المفتاح واقع جوة الشقة 

=احمد .. شهد اختطفت 

-انت بتقول ايه 

=زي ما بقولك كدة المفتاح بتاعكوا واقع اهو يعني معني كدة انها لو خرجت بمزاجها كانت اخدته معاها 

قعدت احمد مكانه في حزن خايف علي اخته عمر اتفاجي ب اسلوب احمد الغريب وحزنه علي غير متوقع .

=احمد انت كويس 

-كويس ايه بس يا عمر دي تاني مرة شهد تروح مني .

قال عمر مشجعها = احمد انت عمرك ما كنت بالضعف ده .. متفكرش في اي توقعات ويلا قوم نلحقها 

قام احمد وقبل ما يخرج مع عمر – عمر فين الورق اللي قولتلي عليه 

=شهد قالت انه في مكتبك 

دخلوا الاوضة فتح درج المكتب لقي ورق كتير اخده معاه وخرجوا لذهابهم للمحافظة التانية .

…………..عند شغف 

بصت شغف لقت واحدة ست كبيرة سنا بتبص عليها من عند الباب بصمت وبهدوء تاام و نظرات لوم وتعجب.

قامت شغف بسرعة و بخوف 

-اهدي يا بنتي مالك .. انتي شغف صح 

=ايوة انا .. بالله عليكي متقوليش لحد اني هنا … حضرتك مين 

الست بدموع -انا الست جوهرة صديقة للحاج يحيي الله يرحمه كنا جيران زمان وجيت من يومين كنت محتاجة اودع كل حاجة خاصة بيه واخد حقه .

شغف بتسرع= والله العظيم انا مظلومة انا كنت بحب جدا الحاج يحيي كان زي والدي.. والله انا مظلومة اتمني تصدقيني 

-وايه جابك هنا طالما مظلومة مش خايفة ابلغ عنك او حد يمسكك 

=انا جيت عشان تعبت من الهروب وطالما انا مظلومة ومش غلطت يبقي مينفعش اختف

الست جوهرة بابتسامة-انا عارفة انك بريئة 

شغف بسعادة= بجد 

– ايوة طبعا .. الحاج يحيي حكالي عنك كتير وقد ايه كنتي بتعملي بهجة في بيته وعوضتيه وبعدين هو مش سهل لو شك فيكي واحد في المية كان قالي 

=انا عارفة مين اللي قتله

بصت لها جوهرة باندهاش- مش فاهمه قصدك 

=عمي هو اللي قتله انا متأكدة لانه هو اللي قتل عيلتي كلها ف اكيد هو اللي عمل كدة 

-وانتي فكرتي هتعملي ايه صح

=مظبوط.. اشمعني قولتي كدة 

-اصل انتي فيكي ثقة رهيبة و عارفة بتعملي ايه من تصرفاتك ف اكيد عارفة جاية هتعملي ايه 

ابتسمت شغف = متشكرة اوي انتي شجعتيني اكتر 

-مش هتقوليلي هتعملي ايه 

=هقولك كل حاجة 

……… 

عمر سايق العربية بسرعة واحمد بيقرأ الورق 

-لقيت حاجة 

=اها ده ورق يوديهم كلهم ورا الشمس 

-فيه ايه يعني  

سكت احمد فاجأة لما لقي ورقة مختلفة عن الباقي حمست مشاعره اوي 

عمر بصله – يابني بكلمك 

احمد بابتسامة = عايز ايه 

عمر باستغراب – مبسوط ليه الورق فيه كنت وانا معرفش ولا ايه ????

احمد بدل ملامحه في ثانية = ولا حاجة متركزش معايا شد حيلك شوية عايزين نوصل بدري .

عمر – طيب ..وفي نفسه.. هتجنني يا احمد والله عندك تخلف في المشاعر .. شوية تضحك وشوية تزعل وشوية تخاف وشوية تتعصب وبيطلع عليا كل ده … يارب شهد تبقي كويسه يارب 

– احمد بقولك ما ترن علي شغف كدة شوفها فين ولا شافت شهد ولا لا 

= صح عندك حق اول مرة اعرف انك ذكي كدة … الحمدلله تدريبي ليك طلع بفايدة ????

عمر  وبيداري خوفه علي شهد – شوفت مش حابب اطلع عينك ازاي و شاطر ????

……….

صحت شهد ببطئ تستوعب اللي حصلها وفاجاة شافت واحد رايح جاي قدام الباب  مراقب المكان عملت نفسها نايمة تفكر تعمل ايه ولا هتتصرف ازاي 

فتحت عينها ببطئ تستكشف المكان حواليها عامل ازاي ملقتش حد خاالص غير الشخص الجاموسة اللي عالباب ..لقت موبايل الراجل علي سور كدة جانبها بشوية .

حاولت تجر نفسها شوية وتعمل نفسها نايمة عالارض شوية و  تجر نفسها تاني شوية واخدت الموبايل بسرعة ورجعت مكانها حاولت تعمل الموبايل صامت و لقت صوت قريب فخبته في كم التيشرت اللي لابساه وماسكه طرفه بايدها 

=القمر اللي جوه صحت ولا لسه

-لسه مصحتش ياعم 

=تكونش موتها ما انت ايدك دي حلوفة 

– انت كل شوية بتسأل ليه 

=ما قولنا قمر بس دي شكلها صغيرة عن اللي قالنا عليها عصام باشا

-مش سألنا البواب وقال ان اخت البيه خرجت والضيفة اللي معاهم فوق .. يبقي هي مش محتاجة ذكاء 

=بس التانية عالوصف مختلفة عن دي 

دي قمر ودي قمر????

-ما تروح تجيبلنا حاجة نشربها لحد ما اشوفها صحت ولا لسه .

=لو صحت رن عليا 

-اشطا 

دخل الراجل لشهد لقاها نايمة هزها بايده مصحتش ف سابها وخرج 

…….

شغف رايحة جاية في الاوضة بتشجع نفسها عالخطوة الجاية مسكت موبايلها وكتبت رقم عمها ولسه حاسه بخوف وقبل ما ترن لقت رقم بيرن عليها ترددت وفتحت 

سكتت شوية 

احمد – الو شغف الو 

شغف حمدت ربها انه طلع احمد مش حد تاني = احمد 

-شغف انتي فين وازاي تعملي كل ده من غير ما تقوليلي 

بعصبية-وانت مالك اعمل اللي عايزاه وبعدين انا تعبت مش عايزة افضل اهرب واتقل عليكوا اكتر من كدة 

احمد بعصبية ومش مدرك باللس بيقوله =لا انا مالي ونص .. اولا عشان انتي بتاعتي انا وبس والله لاندمك علي اللي عملتيه ده .. ثانيا شهد اتخطفت ويا عالم هي فين كله بسببك 

صدمت شغف من كلامه- شهد اتخطفت ازاي وليه

=اسالي عمك اللي رايحاله برجليكي .

قالت شغف بتسرع-طب انا هتصرف متقلقش هرجعهالك .. قفلت بسرعة قبل ما يرد 

بقي كدة يا عمي .. عايز تاخد كل اللي بحبهم مني والله لاندمك علي كل حاجة ..الا شهد دي اختي يارب

شغف اتصلت علي رقم عمها بشجاعة 

-الو

=الو ايوة عمي حمدي .. انا شغف ولا نسيت صوتي 

-انتي فين يابت ال***

=ليه الغلط ده انت بتغلط في اخوك اللي موته بايدك والله عيب عليك..

-ايه التخاريف اللي بتقوليها دي 

=ششش متقاطعنيش  انا معايا حاجة بتاعتك مهمة اوي لو محتاجها وديني مكان شهد اللي خطفينها من غير سبب اهلها مش هيسيبوك اساسا ولا تحب أدي حاجتك للغريب .. هديك خمس دقايق تقرر وابقي رد عليا يااا  يا عمي هه

قفلت شغف في وشه و بصت لنظرات الست جوهرة المفتخرة باللي شغف عملته …

-ست جوهرة انا مبسوطة اوي انا مش عارفة قدرت اعمل كدة ازاي .. 

حضنتها بخفة =حببتي لو الحاج يحيي عايش كان فرح اوي انك عارفة تيجيبي حقك وحق اهلك وحقه بنفسك .

…….

شهد شافت الراجل خرج وبيكلم واحد تاني برة …وبسرعة جدا حاولت تكتب رقم اخوها وحطت الموبايل تحت دماغها عشان محدش يشوفه… رن و اول ما سمعت صوته  

بصوت خافت -احمد انا شهد 

=شهد انتي فين هم خطفوكي 

بهمس وصوت متقطع -ايوة .. بص .. انا في .. مكان غريب .. هحاول  …سكتت للحظات بخوف من الراجل اللي بص عليها فاجأة  ورجع تاني كمل كلامه مع صاحبه .. هبعت ..اللوكيشن ..في رسالة .

=طيب يا حببتي خلي بالك نفسك انا وعمر جايين متخافيش انتي اخت ظابط يعني متخافيش ابدا .

……

رن فون شغف برقم عمها .. ابتسمت بمكر 

يتبع..

لقراءة الحلقة الثالثة عشر : اضغط هنا 

لقراءة باقي حلقات الرواية : اضغط هنا