رواية ملاكي الفصل الرابع عشر 14 بقلم نيللي ياسر

♥️♥️♥️♥️♥️♥️♥️عند حازم ♥️♥️♥️♥️♥️♥️♥️

اميره: محمود… يعني انا خلاص بقيت خطيبته

حازم: ايه!!

   « اميره من الصدمه وقعت الفون من أيديها وبدأت تبكي»

حازم وهو بيمسك دراعها: اتكلمي يا اميره في ايه

أميره بدموع: محمود ابن خالتي ماما قررت اني لازم اتجوزه وبتقولي أنها قالت كلمه لخالتي ومينفعش ترجع فيها وأن خطوبتي هتبقي الخميس الجاي…يعني بقيت خطيبته خلاص

    « حازم بدأ يحس أنه خايف اميره تضيع من أيده هو فعلاً حبها و خايف تروح لحد غيره وكان هيموت من الخوف عليها لما عمار حاول يقرب منها .. وكلامها نزل عليه زي التلج ومش عارف يتكلم أو يقول حاجه هو اصلا معترفش بحبه ليها وفضل السكوت لغايه لما اميره بدأت تتكلم»

اميره: هعمل ايه يا حازم

حازم:____

اميره: حازم رد عليا

حازم:_____

اميره بصوت عالي: يا حازم اتكلم رد عليا

حازم بصوت مكسور: انا شايف أنه ممكن يكون شاب كويس ممكن تدي نفسك فرصه و تتعرفي عليه 

    « اميره استغربت من رد حازم عليها هي كانت مستنيه رد تاني ..للحظه حست انها ضعيفه جدا علشان هو مش هيبقي جنبها .. فتحت الباب ونزلت تجري علي السلم وهي بتعيط وكانت هتقع كذا مره لغايه لما تعبت وقعدت علي السلم وهي بتعيط وقلبها وجعها من كلام حازم ونفسها يكون جنبها دلوقتي علشان تترمي في حضنه وتعيط »

كامل بحزن: لايه كده يا حازم

حازم: ______

كامل: انت بتحبها يا حازم

حازم بكسره: ايوه بس انا عرفت ده متأخر اوي

كامل بحماس: لا مش متأخر روح وراها واعترف ليها بحبك

حازم:_____

كامل: يلا يا حازم بدل ما تروح من ايدك

  « حازم بص ل كامل نظره طويلة وبعدين نزل يجري لغايه لما لقي اميره قاعده بتعيط علي السلم قرب منها بخطوات بطيئة وهو زعلان أن هو السبب في بكاء اميره كده..قرب وقعد جنبها وحضنها وهي بدأت تضربه في صدره وهي بتعيط بس هو مش حاسس وسيبها تطلع كل غضبها وحزنها لغايه لما هديت ومسكته قميصه وهو حضنها هيييييح????»

حازم: متزعليش مني يا اميره

اميره: مش زعلانه 

حازم: اميره انا..انا بحبك و مش هتبقى لحد غيري كل الكلام اللي كنت بقوله ده كلام من وراء قلبي صدقيني انا بحبك ومش هقدر ابعد عنك انتي بقيتي حته مني انتي بنتي يا اميره وعمري ما هسيبك أبدا

 « اميره بدأت تدمع من كلامه وهي مبتسمه ببلاهه»

حازم: وانتي بتحبيني

اميره: ( هزت رأسها بمعني ايوه)

 « حازم قربها منه وباسها بشوق ولهفه وحب ومش مصدق أن هي كمان بتحبه وفرحان جدا .. بس عم عبده البواب  الفصيل 

وقف قدامهم وهما بعدو عن بعض بسرعه واميره اتكسفت جدا و وقفو هما الاتنين وحازم مسك اديها وطلعو يجرو علي السلم وهما بيضحكو من الفرحه و السعاده اللي هما فيها»

♥️????♥️????♥️????♥️عند ملاك♥️????♥️????♥️????♥️

« ملاك دخلت الأوضه وراه عند زينب وهي بتعيط و ادهم دخل قعد جنب زينب وملاك وقفت قدامهم وهي بتعيط واتكلمت بصوت ضعيف جداً»

ملاك: هو…هو انت كنت بتتكلم بجد

ادهم ببرود: ايوه و بكره هيبقي كتب الكتاب

ملاك بصريخ: انت مريض مين سمح ليك تتكلم كده انت اكيد مش طبيعي يا زوزو اتكلمي

   « ملاك قربت من زينب وقعدت علي ركبتها ومسكت أيديها وبدأت تتكلم»

ملاك ببكاء: زينب..ردي عليا اكيد انتي مش موافقه زي 

زينب بدموع: ده الصح يا ملاك لازم تتجوزي ادهم

ملاك وهي بتسحب أيديها وهي مش مصدقه: انتي بتهزري

   ( معلومه صغيره بس: ملاك متعرفش أن عمها جيه المستشفى اصلا وزينب طلبت من ادهم أن ملاك متعرفش حاجه خالص)

زينب: يا حبيبتي ادهم طلب ايدك مني وهو عريس كويس وانا وافقت وانتي كمان اكيد هتوافقي

ملاك بدموع وكسره: بس انا مش موافقه

زينب: لازم تتجوزيه يا ملاك

ملاك ببكاء: يعني غصب عني

زينب:_____

ملاك بكسره ودموع: لا يا زوزو انتي قولتيلي عمري ما هجبرك علي حاجه انتي مش عيزاها..وانا مش عيزاه

زينب وهي بتداري وشها: الموضوع مختلف

   « ملاك قامت وقفت وبدأت تصرخ و تتكلم بصوت ضعيف»

ملاك بصريخ: لا…لا مش هتجوزه انا بكرهه انا مش عيزاه ارجوكي بلاش يا تاتا أبوس رجلك بلاش ده ممكن يموتني ارجوكي انا بخاف منه أوي ابعديه عني..عااااا يا تاتا بلاش والنبي .. اعااااااا يا مستر ادهم أنا أسفه والله بس بلاش تتجوزني يا تاتا بلاش….( واغمي عليها)

 « ادهم قرب منها وهو حزين جداً عليها ورفعها علي الكنبه وزينب بتعيط علي بنتها وعلي حالتها هي فعلاً مش عارفه تعمل ايه هل تقولها عمك اللي بقاله فوق ال10 سنين مش بيسأل فيكي عايز يا خدك مني  تقولها عمك اللي قتل ابوكي وامك ويتمك عايز ياخدك..هي مفيش قدامها حل غير ادهم …ادهم فوق ملاك وملاك قامت بصت لزينب بعيون مليانه دموع وبعدين بصت لادهم و خرجت تجري علي اوضتها وهي بتعيط »

أدهم: شوفتي هي بتكرهني اد ايه

زينب بدموع: هتحبك يا ادهم

ادهم بعند: بس انا مش بحبها

زينب: لسه بتعاند يا ادهم

ادهم وهو بيقف: ده مش عناد دي الحقيقه انا فعلاً مش بحبها

زينب: ماشي يا ادهم…بس افتكر كلامي لما تحبها

ادهم وهو يخرج من الغرفه: طب انا هروح الڤيلا علشان اظبطها وشوف كام حاجه اعملها في الشغل عن أذنك

زينب: ربنا معاك يا حبيبي

 « ادهم ركب العربيه ورايح الڤيلا بتاعته بس شاف في المرايه عربيه ماشيه وراه دخل شوارع كتير بس برضو العربيه ماشيه وراه..وقف العربيه علي جنب ومسك المسدس بتاعه ونزل كانت العربيه هتلف وتمشي بس هو فتح الباب بتاع السواق ونزله من رقابته واول لما نزل كسر ليه رقابته والراجل اللي راكب جنبه نزل و وقعد يتوسل لادهم ميقتلهوش»

الشخص: أبوس رجلك يا ادهم باشا متموتنيش انا عندي عيال..والله انا مليش ذنب

ادهم وهو بيرفع المسدس قدامه: مين اللي باعتك

الشخص بخوف: جم… جمال باشا

ادهم بغضب: وهو باعتك لايه

الشخص: علشان عايز يراقبك

ادهم: ويراقبني لايه

الشخص: ع..عل..علشان

ادهم بغضب: أتكلم يا ابن ال****

الشخص: في دكتور في المستشفى بس انا معرفش اسمه هو تبع جمال باشا و جمال باشا كان مكلفه أنه يعرف كل حاجه عن بنت اسمها..اسمها…اه اسمها ملاك!!

ادهم: ملاك…طب وهو عايز يعرف عنها كل حاجه لايه

الشخص: والله معرفش

ادهم: بلغ الرساله دي ل جمال قوله ادهم السويدي بيقولك ملاك خط احمر..وملاك من النهارده حاجه تخصني…ولو جيت جنبها أو حاولت بس تقرب منها انا هقتلك يا جمال هقتلك!!

الشخص: حاضر ممكن امشي بقي

ادهم وهو ينزل المسدس: غور في داهيه

  « ادهم ركب العربيه واتصل بالجارد بتوعو وبعتهم علي المستشفى علشان محدش يدخل اوضه ملاك أو زينب ومفيش دكتور يدخل ليهم ولو ملاك أو زينب تعبت يدخل ليهم دكتوره تبع ادهم وراح البيت طلب من الشغاله تجيب هدوم عروسه لملاك وطبعاً الشغاله فهمت إن دي عروسه جديده وجابت لبس ليها »

♥️♥️♥️♥️♥️♥️♥️عند جمال ♥️♥️♥️♥️♥️♥️

جمال بغل: يعني انت قولتله اي حاجه عني

الشخص: ل…لا

جمال: اتكلم قالك ايه

الشخص: هو قالي ابلغك رساله وهي*******

جمال بغضب: ماشي يا ادهم ماشي..( وبص لواحد من الجارد)    اقتلوه   ( والراجل قتل  الشخص اللي كان واقف مع ادهم)

♥️♥️♥️♥️♥️♥️♥️عند حازم ♥️♥️♥️♥️♥️♥️♥️

اميره: يلا بقي يا حازم

حازم: ما تصبري الساعه لسه 8 

اميره: لا علشان لسه هطلب اوبر

حازم: انتي هبله … انا اللي هوصلك

اميره: لا ملهوش لازمه

حازم: لا انا اللي هروحك

كامل: ما تخليكي شويه يا اميره ده انتي قعدتك حلوه اوي

اميره: مره تانيه يا كوكي

كامل: يا لهوي علي كوكي دي

حازم: يلا يا بت احسن ياكلك

كامل: لا بس البت زي القمر

حازم: جمر يا أبا الحج جمر ????????

اميره: بحب واحد صعيدي انا

حازم: قولتي ايه

اميره بكسوف: مقولتش يلا بقي ( وطلعت تجري )

حازم: اوباا جعفر بيتكسف يا أبا الحج

  « نزل حازم و اميره.. وحازم وصلها لغايه البيت وهي طلعت وهي قلقانه من رد فعل امها لما تقولها انها مش هتتجوز محمود»

????????????????????????????عند ادهم????????????????????????????

     « ادهم قاعد بيفكر في الماضي واللي حصل ليه زمان وافتكر اليوم اللي أمه خرجت فيه»

Flash back+

   « ادهم طفل صغير وقاعد علي الارض بيلعب وامه نزلت من علي سلم الڤيلا وهي قلقانه جدا ومتوتره»

سهير بخوف واضح: ادهم انا خارجه خلي بالك من نفسك

ادهم بطفوله: رايحه فين يا مامي الوقت أتأخر

سهير بتوتر: هشتري…شويه حاجات ليا

ادهم: طب لو بأبي جه وسأل عليكي اقوله ايه

سهير بدموع: بابي..ربنا يقومه بالسلامه

ادهم: هو بابي تعبان

سهير: ه..لا مفيش حاجه..باي بقي يا ادهم  خلي بالك من نفسك

ادهم بطفوله: باي يا مامي

 « وفعلاً سهير خرجت وبعد وقت ابو ادهم جه وهو متعصب»

السويدي: ادهم..يا ادهم

ادهم وهو بيحضنه: بابي..انت جيت

السويدي بتوتر: ادهم فين مامي

ادهم: خرجت وقالتلي أنها هتجيب حاجات ليها

السويدي بغضب: خرجت دلوقتي دي الساعه 10 وبعدين هي عمرها ما خرجت وانا معرفش..طب هو السواق هو اللي وصلها

ادهم: معرفش

السويدي بغضب: مصطفى يا مصطفى

مصطفى ( السواق) : ايوه يا فندم

السويدي: هي مدام سهير خرجت راحت فين

مصطفى: معرفش يا فندم..انا طلبت منها اني اوصلها بس هي خدت العربيه وقالتلي انا همشي لوحدي

السويدي بغضب: وانت ازاي يا بني ادم تسيبها تخرج لوحدها

مصطفى: والله يا فندم….

السويدي بغضب: هشششش..( وصلت ليه رساله)

  « السويدي شاف الرساله وطلع يجري علي بره وركب عربيته ومشي بسرعه وبعد وقت طويل جيه وهو ماسك شعر سهير و سهير هدومها متقطعه وبتصرخ..وهو ماسك شعرها وبيجرها في الارض»

سهير ببكاء: اعااااااا..أبوس رجلك اسمعني يا سليم

سليم السويدي: اخرسي يا زباله يا وس***

سهير ببكاء: حرام عليك انا مليش ذنب

سليم بغضب: ده انا جايبك من حضنه يا زباله يا بنت ال***

ادهم بخوف وبكاء: بابي أنت بتضرب مامي لايه

سليم بصوت عالي: الحقي شوفي ابنك علشان مش هتشوفيه تاني 

سهير ببكاء: لا..لا يا سليم بلاش ابني ..ابني لا اعاااا

سليم: مامي خاينه يا ادهم مامي زباله

ادهم ببكاء وشهقات متقطعه: لا يا بابي.. متقولش كده علي مامي..

سليم: بقولك امك خاينه …خاينه…خاينه..

Back+

ادهم ببكاء: اعااااااا…انا تعبت يا رب والله مش قادر اكمل خلاص

ادهم: لحد امته هخلص من الكابوس ده

ادهم بوجع: اعااااا يا رب ارحمني بقي

????????????????????????????عند ملاك????????????????????????????

 « ملاك قاعده علي السرير ورجليها عند وشها وبتعيط جامد ومش عارفه هتعمل ايه … وزعلانه من زينب اوي وحاولت تخرج من الاوضه بس الجارد منعوها تخرج لغايه لما الموبيل بتاعها رن وكان المتصل رقم غريب»

ملاك بدموع وصوت مبحوح: م..مين 

مصطفى: الو يا ملاك انا دكتور مصطفى

ملاك: اه..ازيك يا مصطفى

مصطفى: تمام…هو في ايه المستشفى مليانه بودي جارد كتير و مدير المستشفى مش عايز يبلغ البوليس وبيقول أنهم تبع ادهم السويدي من أكبر رجال الأعمال وحتي مش عارف ادخل الأوضه بتاعتك

ملاك: وانا زي زيك معرفش حاجه

مصطفى: طب ملاك انا عايز..

ملاك: عايز ايه

مصطفى: انا عايز اتجوزك

     « ملاك بعدت الموبيل شويه عن ودنها وعيطت بقهر بس من غير صوت وبعدين اتكلمت»

ملاك: انا اسفه بس انا متجوزه

مصطفى بصدمه: نعم متجوزه هو مش انا سألتك قبل كده وقولتيلي انك مش متجوزه أو حتي مخطوبه

ملاك ببكاء: انا بقيت مرات ادهم السويدي

مصطفى بخوف: مرات ادهم السويدي!!

ملاك: ايوه

مصطفى: طب انا أسف مكنتش اعرف .. اعتبريني مقولتش حاجه

ملاك: حاضر .. سلام

مصطفى: سلام

  « ملاك قفلت معاه وفضلت تعيط كتير لغايه لما تعبت ونامت»

????????????????????????????عند مصطفى ????????????????????????

 « مصطفى بيتصل بجمال»

مصطفى: الحقني يا جمال باشا

جمال: في ايه

مصطفى: في مصيبه

جمال: مصيبه ايه اتكلم

مصطفى: ملاك..ملاك بقت مرات ادهم 

جمال وهو بيقف من الصدمه: ايه…انت بتقول ايه

مصطفى: بقول أن ملاك الشامي بقت حرم جمال السويدي

جمال: انت متأكد

مصطفى: لسه متصل بيها وطلبت أيديها زي ما اتفقنا بس هي قالتلي كده بنفسها

جمال بغضب: اكيد في حاجه غلط…

مصطفى: احنا هنعمل ايه دلوقتي

جمال بصدمه: أقفل دلوقتي وانا هفكر واكلمك

مصطفى: سلام

 « جمال قفل مع مصطفى ومكنش مصدق نفسه كده كل حاجه باظت هو عارف أنه مش هيقدر يقرب منها وهي مع ادهم»

????????????????????????????عند اميره????????????????????????????

اميره بغضب: ماما..يا ماما

داليا: في ايه صوتك عالي لايه

عدلي: حمد الله على السلامه يا اميره

أميره بغضب: مين قالك اني عايزه اتجوز محمود مين قالك اصلا اني عايزه اتجوز

عدلي: بالراحه يا اميره..احنا قولنا هناخد رأيك 

اميره: طب وانا مش موافقه

عدلي بفرحه: خلاص احنا هنقول كده لخالتك والموضوع يخلص

داليا: خلصتي كلامك انتي وابوكي…برضو هتتجوزي محمود

اميره بصوت عالي: هي عافيه يعني

داليا ببرود: ايوه..هتتجوزيه غصب عنك

اميره: وانا مش هتجوزه

داليا: انتي اتجننتي بتكسري كلامي

امير بدموع وصوت شديد وعالي: اه…انا تعبت منك خلاص كل حاجه في حياتي انتي اللي بتختاريها.. تعبت منك وكرهت حياتي منك انتي..حتي اخويا تعب من حياته معاكي وطفش وساب البيت ايه عيزاني اغور زيه..

داليا وهي بتضربها بالقلم: اخرسي..مش عايزه اسمع منك كلمه تانيه

اميره بدموع: انتي بتضربيني

داليا: واكسر رقابتك كمان

   « اميره دخلت اوضتها قعدت تعيط وبعدين كلمت حازم بس موبايله مقفول ..قعدت تعيط لغايه لما نامت»

عدلي: لايه كده يا داليا

داليا: انت مش شايف بتكلمني ازاي 

عدلي: ايوه بس مينفعش تضربيها كده

داليا: انا تعبت منك و من بنتك وشكلي انا اللي هغور( ودخلت الاوضه تنام..نامت عليها حيطه????????)

????????????????????????????عند حازم????????????????????????????

  « حازم واقف منتظر عمار يفوق وبعد شويه عمار فاق»

حازم: اهلا أهلا

عمار: انا فين 

حازم: انت هتموت دلوقتي ف اظن مش لازم تعرف انت فين

عمار: والله انا مليش ذنب كل ده من تامر

حازم بسخرية: أوباا هنبدأ كدب من أولها

عمار بغضب: انت مش مصدقني لايه

حازم وهو بيضربه بالبوكس: أولأ انت متعليش صوتك ثانيا انا ممكن اسيبك تعيش بس بشرط

عمار: ايه هو 

حازم: انت هتتعذب شويه لغايه لما تتمني الموت..هشوهك وهكسر عضمك..من الاخر مش هتبقي نافع وبعدين هسيبك ها هتوافق

عمار:____

حازم: يبقي نبدأ التعذيب

حازم؛ ادخلو 

  « دخلو جارد كتير يضربو عمار وحازم خرج وروح البيت بس نسي يفتح الموبيل ونام من غير ما يحس»

????????????????????????????عند ملاك????????????????????????????

  «ملاك نايمه وحست أن في حد دخل عليها الأوضه اتحركت وبصت للباب وكانت الصدمة»

ملاك بصدمه: انت ايه اللي جابك هنا

: انا***

يتبع..