رواية أحبني متمرد الحلقة السابعة عشر 17 بقلم رنا
 |
| رواية أحبني متمرد الحلقة السابعة عشر 17 بقلم رنا |
رواية أحبني متمرد الحلقة السابعة عشر 17 بقلم رنا
مهاب: اهلا اهلا سليم بيه
سليم بحده: عملت ايه
مهاب: كله في التمام… الامانه ال انت موصيني عليها… متروقه علي الاخر
سليم: طيب كويس..روح انت
مهاب: عن اذنك
_ سليم!! اخص عليك..كده متسألش علي سوسو
سليم : انتي!!
_ ايوه انا….. مكنتش متوقع تقابلني تاني صح!! بعد ماقتلت اروي!!
سليم بعصبيه: بقولك اي يا سالي انا مش فايقلك دلوقتي غوري من وشي
سالي: لا ياسليم…كفايه الفتره ال اختفيتها
سليم: يووه… انا ماشي
سالي حضنته بسرعه: لا لا ياسليم لو سمحت انا محتجالك اوي…. انا مليش حد اروي ماتت وانا مليش حد
سليم زقها بعصبيه: لو قربتي مني تاني..يبقي جبتيه لنفسك
* سابها ومشي وهي قعدت تبصله لحد مااختفي من قدامها *
سالي بعصبيه: ماشي ياسليم…انا هوريك هعمل ايه… ونور ال انت فرحان بيها دي هقولها علي كل بلاويك…
______________________________
امنيه بعصبيه: لا يازينه مش موافقه
زينه بهدوء: ممكن تفهميني مراد ماله!! دكتور كبير وشاطر واخلاقه كويسه كفايه انه ابن خالت نور
امنيه: اخلاقه كويسه ايه!! ده سافل وقليل الادب
زينه بعدم فهم: ليه بتقولي كدا
امنيه بتردد: انا حاسه كده…
زينه: مفيش حاجه اسمها انا حاسه كده…بالعكس شكله ابن ناس متظلميش حد… طيب اتعرفي عليه مش يمكن ترتاحيله
امنيه: معتقدش اني هرتاحله ابداا..بس بردو عشان جدي وبابا هقعد معاه…بس بردو هرفض
زينه وهي ماشيه بمرح:هنشوف ههه
____________________________
نور: سليم اتأخرت كده ليه
سليم: انتي ايه ال مصحيكي لحد دلوقتي
نور بزعل: انا كنت عايزه اطمن عليك قبل ماانام
سليم قرب منها بندم وحضنها: معلش يانور مش قصدي..بس مش حابب سهرك ده
نور حضنته: وانت اي ال اخرك كده مش قولت هتزور واحد صاحبك وترجع علي طول
سليم: مفيش كنت مخنوق شويه ومكنتش حابب ارجع دلوقتي
نور: احنا اصلا رايحين بكره الصعيد عشان انت عارف مراد متقدم لامنيه
سليم: اه طارق اتصل بيا وقالي…بس ايه اللي خلي مراد يفكر يتقدم لامنيه!!
نور بابتسامه: مش عارفه
سليم شالها بمرح: مش عارفه بردو!!
نور بتوتر: سليم بتعمل ايه!! نزلني لحد يشوفنا
سليم وهو شايلها وطالع: وفيها ايه واحد وشايل مراته
نور: لا ياسليم نزلني
سليم وهو بيحضنها بتملك: شششش
*شالها لحد ماوصلها اوضتها وحطها براحه علي السرير *
سليم: نامي بقي…كفايه كده
نور بابتسامه: اوك..
سليم قعد يبصلها: نور…
نور بتعجب: نعم!!
سليم مسك ايدها وباسها: عايزك تعرفي يانور اني محبتش ولا هحب قدك
نور بكسوف: ربنا يخليك ليا وانا من اول ماعرفتك وحبيتك بعيداً عن الخناقات ال كنا بنعملها بس كنت حاسه بأمان وانا جمبك
سليم رفع شعرها ورا ودنها: بس انا بحبك من زمان اوي..مش من اول ماعرفتك بس
نور: ازاي احنا مكناش نعرف بعض عشان سافرت وانا صغيره ورجعت وعمري ماسافرت الصعيد
سليم: انتي فعلاً اتولدتي هنا وبعدها سافرتي امريكا ومرجعتيش غير بعد 15 سنه تقريبا وطبعا من اول مارجعتي وعمي معرفناش عليكي كان بيبعتلنا صور ليكي ف كل عيد ميلاد ليكي ويقولنا انه لسه مش هيعرف يعرفنا بيكي عشان انتي لسه مخدتيش علينا…بس وانا من ساعتها حبيتك من كلام عمي عنك واد ايه انتي جميله وحلوه وذكيه وشقيه حتي اول مابقي يبعت صور كانت زي ال اتخيلتها بالظبط….كنت بحتفل معاكي بكل عيد ميلاد يمر عليكي لحد عيد ميلادك العشرين لما مامتك اتوفت وساعتها عمي جه عندنا وحكالنا ان وفاتها اثرت عليكي وبقتي علي طول بتسهري بره البيت مع صحابك وانه مش قادر يتحكم في تصرفاتك…انا وقتها اضايقت منك جدا كنت في اخر سنه ف هندسه…. حولت للجامعه ال هنا متتخيليش تعبت اد ايه عشان احول لهنا لحد ماجيت وكنت مبسوط عشان هبقي جمبك وفعلا كنت معاكي في الجامعه وكنت بشوفك كل يوم حتي قولت لعمي ميقولكيش حاجه لحد مااتخرجت واشتغلت وانا لسه بتابع تحركاتك لحد انتي كمان مااتخرجتي وبقيتي اهو عندك 24 سنه لحد ماتصرفاتك بقت لا تتطاق وبقتي تسهري في اماكن مش شبهك وطبعا مقدرتش اسكت وروحت لعمي وقولتله يجيبك في الصعيد وانا هعرف ارجعك عن ال بتعمليه ده بنفسي وهو وافقني وجيت اخدك مكنتش مصدق اني خلاص بقت قريب منك وكل يوم يعدي وانتي معايا احبك اكتر لحد ماخلاص مابقتش اقدر علي بعدك…..
سليم اتنهدت بتعب: عرفتي بحبك من امتي
نور بدموع حضنته بسرعه: وانا بحبك اوي ياسليم.. مش…مش عارفه اقولك ايه…
سليم وهو بيمشي بايده علي شعرها بحنان: متقوليش حاجه يانور…نفسي تفضلي ف حضني كده علي طول
نور وهي بتمسح دموعها: اكيد هفضل معاك وفي حضنك…
سليم بتوتر: نور انتي في حاجات متعرفهاش عن حياتي قبل ماتقابليني…
نور بابتسامه: حاجات ايه…
سليم بخوف من رد فعلها: نور انا كنت……
* قاطعه صوت تلفونه *
سليم: طيب هرد واجيلك علي طول
نور: ماشي
__________________________
سليم: الوو
مهاب: الو يابشمهندس
سليم بزهق: متصل ليه دلوقتي
مهاب: كنت بكلمك عشان محتاج فلوس ضروري
سليم بعصبيه: مش وقتك يامهاب انا قولتلك متتصلش بيا غير في الحاجات المهمه…اه صح سالي صاحبت اروي ظهرتلي انهارده تاني…عايزك تراقبها فتره ولو لقيتها في السليم خلاص..ولو في حاجه تقولي علي طول
مهاب: والفلوس!!
سليم: خلاص هبعتلك يلاا سلام
________________________
*سليم قعد شويه يفتكر اللي حصل وبعدها قرر يروح ل نور يقولها *
سليم بيخبط علي الباب: نوور!! نور انتي نمتي؟ امممم مش عارف هيكون رد فعلك اي لما تعرفي الحقيقه بس اتمني تفهميني كويس……
* في اليوم التالي *
نور بهدوء: سلييم
سليم كان واقف قدام المرايه بيجهز نفسه: تعالي يانور
نور دخلت بابتسامه: خلصت!!
سليم: ايوه…
نور بابتسامه: طيب يلاا
سليم شدها من ايدها: ايه ده!!
نور: في ايه!!
سليم: ايه ال انتي لبساه ده
نور: اييه!! ماله طويل ومش عريان
سليم: بس مخليكي زي القمر
نور بابتسامه: والمفروض اعمل ايه
سليم قربها منه وحط ايده علي وسطها بحنان: تبطلي تحلوي كده..
نور وهي بتبعد عنه: يلاا مراد واقف تحت وبابا كمان
سليم: حاضر… يلاا
نور بتوتر:كنت عايزه اقولك انا لما ارجع هشتغل علي طول
سليم بعدم رضا: ماشي يحببتي…وانا خلال الايام دي هحاول اخلي شغلي هنا علشان اكون قريب منك
نور بابتسامه: اوك…يلاا
__________________________
* بعد تلات ساعات ف محافظة في الصعيد *
نور دخلت بمرح: نونوو..مبروك ههه
امنيه بزهق: مبروك علي ايه…مانتي عارفه ال فيها
نور ضحكت: مانا عشان عارفه ال فيها بقولك مبروك… صدقيني يا امنيه مراد كويس… انسي ال عمله كان غصب عنه…يلا مستنيكي تحت
امنيه بتوتر: تحت بيعمل ايه!!
نور ضحكت:مفيش جاي يتقدم لواحده لاسعه..وربنا يكون ف عونه
امنيه من غير ماتنتبه وهي بتقول بابتسامه: يكون ف عوني اناا
نور ابتسمت: لا متقوليش كده.. مراد مفيش احن منه
امنيه: طيب هي مامته او باباه معاه تحت!!
نور بحزن: خالتو وجوزها ميتين من سنتين ف حادثه
امنيه بحزن عليه: لا اله إلا الله… ربنا يرحمهم
نور بابتسامه: يارب… يلا بقي
امنيه: يلاا
__________________
محمد: هاا ياامنيه موافقه يا بنتي
*الكل كان مستني ردها مع انهم عارفين انها هترفض *
امنيه بتردد: موافقه ياجدو
محمد بتأكيد: اكيد يابنتي!! احنا مش بنغصبك علي حاجه
امنيه بكسوف وهي باصه ف الارض: اكيد ياجدي انا صليت استخاره وموافقه
محمد بابتسامه: طيب كويس…مبروك يامراد يابني
مراد بعدم تصديق: الله يبارك ف حضرتك
* بعدها بص لامنيه ال كانت قاعده جمب زينه بتكلمها بابتسامه وبعدها بص ل نور ال كانت بصاله وبتضحك *
مراد وهو بيغمزلها بمرح: مش مصدق
نور بابتسامه: الف مبروك… بجد مبسوطه انك خلاص هتعقل بقي
مراد ضحك: معتقدش.. هي اجن مني
نور ضحكت: بصراحه اه ههه
مراد قال بصوت عالي: احم طيب ياجدي انا كنت بقول نعمل الخطوبه بعد فرح نور وسليم علي طول يعني بعد اسبوع من دلوقتي اكون جهزت كل حاجه ونقلت شغلي هنا وبعدها نتكلم علي الفرح والحاجات دي
محمد: انا معنديش مانع اي رايك يا كامل
كامل’ ابو امنيه’: علي خيره الله… وبقول منأخرش فتره الخطوبه مبحبهاش يعني الفرح يكون بعد شهر
مدحت: شهر بدري اوي… نستني شويه عشان مراد يكون جهز نفسه
مراد: لا ياعمي حلو شهر…
ليكمل بحرج: قصدي انا جاهز مفيش مشكله
مدحت: خلاص حلو شهر… اي رأيك يا امنيه
امنيه بتوتر: ال تشوفوه ياعمي
مدحت بابتسامه: خلاص يامراد يابني…بعد فرح نور تتخطبو
مراد اتنهد بابتسامه: تمام….
_________________________
طارق: في ايه ياسليم… مش علي بعضك انهارده كده
سليم وهو بيدخن بزهق: خايف يا طارق… خايف اخسرها
طارق: انت رجعت تشرب سجاير تاني من امتي
سليم رمي السجاره ف الارض وكمل: مش عارف حسيت ان دماغي مصدعه من التفكير
طارق: خايف من ايه طيب!!
مراد: حاسس ان موضوع اروي وجوازي منها مش هيعدي علي خير……
يتبع..
لقراءة الحلقة الثامنة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.
