رواية ثلاثون يوماً من طاعته الفصل الأول 1 بقلم فاطمة خليل

معتصم : جدي ياجدي انت فين

الحاج مطاوع : تعالي يا معتصم اني هنا ياحبيبي

دخل معتصم الأوضة لجده وكان قاعد في ركن هادئ مخصص للعبادة والصلاة

الحج مطاوع بابتسامة : خير يامعتصم اول مادخلت ناديت عليا مطلبتش اكل يعني

معتصم بطفولة : الله انت ناسي ياجدي انهاردة اول يوم رمضان ولا انت فاطر

قال كلماته الأخيرة بنظرة طفولية وبطرف عينه

ضحك الحج مطاوع على كلام حفيده : هههه اه منك ومن كلامك ده ههه يعني انت شاكك اني فاطر

معتصم : لاء ياجدي دا الدنيا  تفطر الا انت

الحج مطاوع : ودا ليه بقى ياعم معتصم

معتصم : عشان انت معروف في البلد انك راجل صالح وقريب من ربنا وكمان شيخ اكيد مش هتفطر

الحج مطاوع : وهو الشيوخ مينفعش يفطروا

معتصم : لاء عشان هما شيوخ

الحج مطاوع : لااا دا انت فكرتك غلط خالص…بص يامعتصم الصيام فرض ولازم كل مسلم يصومه وهو ركن من أركان الإسلام ومع ذالك محلل الإفطار

معتصم بمقاطعة : لاا ازاي محلل الإفطار مولانا قالي حرام

الحج مطاوع : ماانت لو تسبني اكمل….محلل الإفطار لناس معينة زي الناس المريضة سواء مريض جسم او عقل وكمان الناس اللي على سفر بس مش كلهم… الناس اللي سفرهم مرهق ومتعب وبعيد دول حلال الإفطار اما اللي سفرهم صغير وطريقه قريب مش محلل يعني انت لما تروح المدينة اللي جنبنا دي بتاخد نص ساعة في الطريق كدا تفطر… لاء… لان مفيش إرهاق في كدا مفيش فرق حتى لو شيوخ كلهم بني ادمين وبيمشي عليهم نفس الكلام… فهمت ياسيدي؟!

معتصم : فهمت ياجدي

الحج مطاوع : قولي بقى كنت عايز ايه

ضرب معتصم راسه بايده بخفة وطفولة : انت لسه فاكر اني كنت جاي اقولك ان مولانا مبسوط مني قوي وخلي الكتاب كله يسقفلي

الحج مطاوع بابتسامة : ربنا يبارك فيك يابني ايوا كدا اتشطر عشان تختم القرآن

معتصم بتعب : حاضر ياجدي متخفش هخليك مبسوط مني 

الحج مطاوع : اني على طول مبسوط منك

معتصم : عايز أسألك حاجة

الحج مطاوع : اتفضل ياسيدي

معتصم : هو احنا بنصوم ليه…. ليه بنجوع نفسنا ونعطشها…

وشاور بايده في وش جده : استني استني انا عارف اننا بنصوم علشان دا ربنا عايز كدا بس هو ليه عايز كدا

الحج مطاوع ابتسم على حركاته الطفولية : اسمع ياسيدي ربنا أمرنا نصوم مش عشان نجوع ونعطش بس لاء…احنا بنصوم عشان نحس باحساس الفقير اللي معندوش فلوس يجيب اكل اللي بيفضل بالايام جعان عشان يحسسنا بالنعمة اللي عندنا ومش عند غيرنا وعشان نساعد بعض واللي معاه يعطي اللي مش معاه….وكمان عشان تمتنع عن معصية ربنا الصيام مش بس اكل وشرب لاء…. الصيام يعني تصوم عن المعاصي زي الشتم والسب زي النميمة والغيبة زي الخلاف

وبكدا بتطلع من رمضان صافي قلبك طاهر

كان الرسول صلى الله عليه وسلم كلما جاء رمضان يقول ( مرحباََ بمطهر الذنوب)

معتصم : ماشي ياجدي اني هروح اغير هدومي واجي عشان اروح معاك نصلي العصر

الحج مطاوع بابتسامة : ماشي ياحبيبي

مشي معتصم ورجع الحج مطاوع للي كان بيعمله ويقرأ قرآن ويسبح

قرية ريفية صغيرة كلها بهجة وحب عايشين في هدؤ ناسها على قد حالهم اغني واحد فيهم يعتبر من طبقة المجتمع المتوسطة

الحج مطاوع معروف في البلد بقربه من ربه وصلاحه راجل بسيط بيشتغل أمام وخطيب في جامع البلد ينصح الناس وبيساعدهم ويقربهم من ربنا….بيروحوله الناس عشان يصلحو بين بعضهم بسبب المعروف عنه بحكمه وعدله

عايش في بيت بسيط وعنده عيلة بسيط عايشين معاه معتصم هو حفيده الوحيد ابن ابنه الأكبر عنده ست سنين مقرب من جده جدا

معتصم : يلا ياجدي اني خلصت

الحج مطاوع بابتسامة : ايه الجمال دا تبارك الرحمان الجلابية هتاكل منك حته

معتصم بخوف : انا هقلعها

الحج مطاوع : ليه يابني دي جميلة قوي عليك

معتصم : لا انت قولت هتعضني وتاكل مني حتة اني مش هلبسها

ضحك الحج مطاوع وفاطمة مراته ورحمة مرات ابنه

فاطمة بضحك : ههه يامعتصم جدك يقصد ان الجلابية جميلة عليك ومن حلاوتها هتاكل منك حتة

معتصم : شوفت حتى جدتي بتقول هتاكل مني حتة اني هقلعها قبل ما تاكلني كلي… واصلا هيا فاطرة ليه

الحج مطاوع : مين دي

معتصم : الجلابية هيا هتاكل مني حتة يعني هتفطر

رحمة بضحك : يامعتصم جدك بيهزر معاك بيقولك ان الجلابية حلوة ويلا بقى عشان الصلاة هتأخر جدك كدا

معتصم : يعني مش هتاكلني

الحج مطاوع : لا ياسيدي يلا بقى

مسك معتصم ايد جده وطلعو من ألبيت رايحين المسجد 

في طريقهم للمسجد عدو على أرض بيشتغل فيها فلاحين

الحج مطاوع : ايه ياحج حسن مش هتصلي العصر

حسن : باقي شوية صغار ياشيخنا هخلصهم وابقي اصلي لوحدي بقى

الحج مطاوع بابتسامة : رجالُ لاتلهيهم تجارة ولا بيع عن زكر الله ياحج

حسن بابتسامة : عندك حق يامولانا يلا

مشي الحج مطاوع وحفيده وراحو المسجد ومعاهم حسن

وقف الحج مطاوع في المقدمة ووراه الناس وبدأ يصلي بيهم العصر لحد ماخلص

طلع الناس من الجامع وقعد معتصم جنب جده

الحج مطاوع : عطشان؟،

معتصم : ايوا قوي ياجدي

الحج مطاوع : قولتلك دي اول سنة صوم لحد العصر او صوم يوم ويوم

معتصم باعتراض : لاا اني رراجل كبير واقدر اتحمل الجوع والعطش وهصوم زيك

الحج معتصم بابتسامة : ربنا يتقبل منا ومنك ياولدي

قرب عليهم رجل يظهر انه في التلاتين من عمره

حامد : ممكن اتكلم معاك شوية يامولانا

الحج مطاوع : طبعاََ ياعوض تعالي….ومسح على ضهر حفيده : روح يامعتصم العب شوية مع العيال لحد مااخلص

معتصم : حاضر ياجدي

الحج مطاوع بابتسامة : اتفضل ياجامد عايز تقول ايه

فضل باصصله شوية لحد ما الدموع اتجمعت في عينه وبكي

حامد : تعبان قوي يامولانا…. مبقتش قادر اتحمل

مسح الحج مطاوع على ضهره بحنان : مالك ياولدي ايه اللي تاعبك

حامد : بعدت قوي اني اللي عملت في نفسي كدا ياريت سمعت كلام امي قبل ماتموت قالتلي ان اللي بعمله غلط بس اني اللي مكنتش بسمع ليها

الحج مطاوع : هدى نفسك ياولدي كلنا بنغلط احنا بشر وبعدين باب التوبة مفتوح دا احنا حتى في أيام مفترجة

حامد : عصيته

الحج مطاوع : وهو غفور

حامد : بعدت

الحج مطاوع : وهو قريب

حامد : كنت ابن عاق

الحج مطاوع : ربك غفور ده كان شيطان

حامد : شربت وصاحبت ناس مشوني في طريق غلط

الحج مطاوع : وهو رجعك من الطريق الغلط

حامد : زعلت مراتي وبهدلتها معايا

الحج مطاوع : بتحبك وهتفرح بتوبتك

حامد : هيسامحني

الحج مطاوع : مبيردش حد تائب

حامد : ارجع ازاي؟!

الحج مطاوع : متبصش لحد طول ما انت قريب من ربك

لما حد يقولك ان الشئ دا حرام شرعاََ متقولش كلهم بيعملو كدا

“وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ”

“ويوم توفي كل نفس ماعملت” محدش بيتحاسب مكان حد كل واحد وليه دفتره مكتوب فيه الحلو والوحش

انتشار الحرام حولك لايبرر ارتكابهرةرة الواجب بيان الرسالة لا تغيير الواقع. 

سيب قلبك يتألم إن ارتكبت الحرام وصارح نفسك بأنه حرام ولو رجعت ألف مره فالندم توبة يعني انت تائب دلوقتي

لما تنهار…. اسجد

سجدتك شفاء لصدرك وتجديد لايمان قلبك انه محدش هينقذك غيره…. حتى لو صلاتك متقبلتش وانت بتبكي كفاية انه أعطاك فرصة تسجدله

حامد بامل : يعنى هو بيحبني

الحج مطاوع : لو مكنش بيحبك مكنش وعاك ورجعك من الطريق الغلط وفوقك

حامد : ونعم بالله شكرا ياحج مطاوع

الحج مطاوع : الشكر لله يابني يلا سلام عليكم زمان معتصم لف البلد كلها وهو بيلعب

حامد بابتسامة : ربنا يباركلك فيه

الحج مطاوع : ويبارك فيك يابني

طلع الحج مطاوع من المسجد واخد معتصم ورجعو البيت

( الله اكبر الله اكبر)

كان صوت اذان المغرب اللي صعد في البلد كلها وقف الحج مطاوع قدام بيته ماسك علبة تمر بيعطي الصائمين اللي بيمروا قدام بيته

معتصم : يلا ياجدي عشان نفطر

الحج مطاوع : هروح اصلي المغرب الاول يامعتصم تيجي معايا ولا هتقعد تفطر

معتصم : انا جعان بس عايز اجي معاك

ضحك الحج مطاوع : خلاص اقعد افطر وانا هروح اصلي انت تعبت النهاردة

معتصم : حاضر

راح الحج مطاوع صلي المغرب ورجع البيت واتجمعو العيلة كلهم يفطروا

الحج مطاوع : ذهب الظمأ وابتلت العروق وثبت الاجر ان شاء الله اللهم ادمها نعمة واحفظها ياربي من الزوال

الجميع : اميين

فطروا وقعد الحج مطاوع مع أولاده

ابنه الثاني محمد : اتفضل يابوي دا فلوس الشهر بتاعت الطلاب اول مرتب ليا

الحج مطاوع : لا يابني خليه علشانك واشتري حاجة لمراتك فرحها بيه

محمد : يابوي خده انت اللي أحق بيه اني هنا بفضل ربنا ثم انت

الحج مطاوع : وده كان وجبي اني ترعاك ومش مستني مقابل خليهم يامحمد دول حقك

محمد : اللي تشوفوه يابوي

الحج مطاوع : متخدش من الطلاب اللي مش مقتدرة يامحمد خليهم مجاني الله اعلم بحالهم

محمد بابتسامة : من غير ماتقول عملت كدا دا اني تربيتك ياحج مطاوع

الحج مطاوع : ربنا يبارك فيك يابني… وانت يا علي اخبار شغلك ايه

على (ابنه الأكبر وابو معتصم) : الحمد لله يابوي الناس هنا حالتهم صعبة قوي غير المدينة وعشان مش مقدرين بيطنشو على المرض ومبيروحوش لدكاترة

الحج مطاوع : ربنا يعينهم يابني دي طبع الدنيا فيها القادر وغيره بس انت تعمل اللي عليك وتعمل واجبك تجاه اهل بلدك يابني

على : والله يابوي بعمل اللي عليا وبحاول قد ما اقدر اوفر عليهم يعني تلت ايام في البيت هنا كشف مجاني وأربعة في المستشفى والعبادة اللي في المدينة لحد ما مبقتش عارف اقعد مع مراتي وابني والله

الحج مطاوع : ربنا يعينك يابني…… اني هدخل اشوف هاجر

على ومحمد : براحتك يابوي

دخل الحج مطاوع اوضة بنته الصغيرة هاجر وساب محمد وعلى ومعتصم مع بعض

محمد : خد يلا يامعتصم انت مجتش الدرس ليه النهاردة

معتصم : روحت الكتاب وكنت صايم مش فاضي

محمد : يعيني الواد بقى مشغول

معتصم : اصلا انت عمي يعني عادي مروحش الدرس

محمد : لا لا لا شغل الوسطية دا مبحبوش كلكم عندي واحد

على بضحك : الله عليك وانت حيادي كدا ياخويا

معتصم : هغيب بكرا عشان هكون صايم

محمد : لا مفيش غياب انت معندكش كتاب بكرا يبقى تيجي الدرس

معتصم : لا هغيب

محمد : لو غبت هضربك

على : مينفعش تغيب يامعتصم

معتصم : اني صايم وبكون عطشان وعمو محمد بيحفظنا كتير وانا بزهق

محمد : ايه يابني الإنجاز انك تصوم ما كلنا صايمين

على : مش عارف ماشي يعيرنا كدا ليه

معتصم : اني هقول لجدي انكو بتزعقولي هه وان عمر عايز يضربني

محمد : احنا مزعقناش

معتصم : لا زعقت

على : زهقنا امتا دا

معتصم : دلوقتي

على بصوت مرتفع : احنا زعقنا دلوقتي

معتصم : شوف شوف اهو زعقت

محمد : ولااا امشي يااا من قدامي عشان هضربك

معتصم : كدا طب والله لاقوله هه

جري معتصم على اوضة عمته

_____في اوضة هاجر___

الحج مطاوع : اخبار المذاكرة ايه ياست البنات

هاجر : الحمد لله يابابا كويس

الحج مطاوع : شدى حيلك انا عارف اني مقصر معاكي بس هعوضك

هاجر : متقولش كدا يابابا كفاية انك جنبي وان شاء الله ارفع راسك

الحج مطاوع : يارب يابنتي

هاجر بتوتر : خايفة قوي يابابا

الحج مطاوع : من ايه يابنتى

هاجر : خايفة محققش حلمي وحلمك خايفة محصلش اللي نفسي فيه

الحج مطاوع : طب ودا اسمو كلام ربنا ارحم من انه يعلق قلب عبده بحاجة هيا مش من نصيبه وبعدين انتي بتتعبي وبتلحي بالدعاء ان شاء الله هيستجيب ومش هيردك خائبة وحتى لو متحققش اللي في بالك فكله خير ربك عمره مايختارلك حاجة وحشة على طول يختارلك الاحسن هحكيلك حاجة….

كان فيه اتنين في ثانوية عامة زيك كدا واحد بيتعب ويذاكر ويدعى والتاني ولا في باله لما ظهرت النتيجة اللي بذاكر جاب مجموع ضعيف واللي مش بذاكر جاب مجموع قوي بس بالغش والخداع دخل كلية طب والشاطر دخل حقوق

عدت الايام ودخل الشاطر حقوق وهو تعبان ومقهور بس بدأ يحب الكلية ويحب الناس اللي فيها ودرس لحد ما اتخرج واشتغل وبقي أشهر المحامين في البلد

اما التاني دخل طب بشري وكان بيعدي السنين بالعافية لحد ما اتخرج واشتغل وفي مرة عمل عملية غلط ومات فيها المريض وهو دخل السجن بنفوذه وصلته راح للمحامي اللي كان زميله ودلوقتي بقى هو اللي محتاجه

 ربنا حب يثبت الشاطر ان تعبه مرحش على الفاضي وانه الأمر اللي اختاره هو الأفضل ليه

وهنا صدقت الآية (لا يستوي الذين يعملون والذين لايعملون )

هاجر حضنته : انا متشكرة قوي يا بابا اعطتني امل جديد وفعلا كلامك كله صح انا هتعب وكل اللي يجيبه ربنا خير

الحج مطاوع : ربنا يوفقك يابنتي يارب

دخل عليهم معتصم ووشه كله غضب

الحج مطاوع يضحك : مالك يامعتصم

معتصم : بابا وعمو محمد قالو هيضربوني وبيزعقولي

هاجر : تلقاك عاندت مع حد فيهم

معتصم ببرأة : اني ابدا دا اني هادي ومؤدب

هاجر : وانت هتقولي دا انت نسمة

معتصم : اني معتصم مش نسمة

هاجر : دا تعبير مجازي

معتصم : تعبير مزاجك ازاي

هاجر : اطلع برا يامعتصم براااا

طلع معتصم والحج مطاوع وهو بيضحك على حفيده المشاكس وبعدها سمعو اذان العشاء وراحوا المسجد

امم الشيخ مطاوع بالناس وصلي بيهم العشاء والتراويح وبعدها قعد مقابل ليهم

واحد من الناس : عايزين نتكلم كل يوم عن حاجة بعد التراويح زي السنة اللي فاتت يامولانا

الحج مطاوع : بس كدا عينيا ليكم…. تعالو نتكلم النهاردة عن 

رمضان وفضل الصيام بما انه اول يوم

ربنا قال ( كتب عليكم الصيام كما كتب على الذين من قبلكم اياماََ معدودات)

نلاحظ انه قال اياماََ معدودات يعني شوية ايام تلاتين شهر أو تسعة وعشرين لازم نستغلهم في طاعته ونيل رضاه ومحو ماتقدم من ذنوبنا وماتأخر

قال عَلَيهِ الصَّلاةُ وَالسَّلامُ -: «وَرَغِمَ أَنفُ رَجُلٍ» 

يعني أنفه التصقت بالتراب يعني خيبة اللي يطلع من رمضان مش مغفور ليه ذنوبه

بيصوم الإنسان بالنهار في الليل بيقيم جزء من قيام الليل ويحفظ لسانه بعيد عن المعاصي وسمعه وبصره بيصوموا عن الحرام وبيعمل كل اللي يقدر عليه عشان يرضى ربه ويعمل عبادته لحد مايطلع من رمضان مغفور له وطاهر من الذنوب والمعاصي 

رسول الله صَلَّى اللهُ عَلَيهِ وَسَلَّمَ قال -: «إِذَا كَانَ أَوَّلُ لَيلَةٍ مِن شَهرِ رَمَضَانَ صُفِّدَتِ الشَّيَاطِينُ وَمَرَدَةُ الجِنِّ، وَغُلِّقَت أَبوَابُ النَّارِ فَلَم يُفتَحْ مِنهَا بَابٌ، وَفُتِحَت أَبوَابُ الجَنَّةِ فَلَم يُغلَقْ مِنهَا بَابٌ، وَيُنَادِي مُنَادٍ يَا بَاغِيَ الخَيرِ أَقبِلْ، وَيَا بَاغِيَ الشَّرِّ أَقصِرْ، وَللهِ عُتَقَاءُ مِنَ النَّارِ وَذَلِكَ كُلَّ لَيلَةٍ»

يعني طوال التلاتين يوم مبيكنش في جن ولا شياطين أبواب النار مقفولة وأبواب الجنة مفتوحة وربنا يعتق حد من النار كل ليلة في رمضان

لازم تدخل رمضان صافي مسامح كل اللي اذاك حقك عند ربنا مش منسي لكن انت هترتاح لما تسامح حتى انت بتغلط ومحتاج تتسامح شوف غلطت في حق مين وصالحه شوف اذيت مين واعتذرله

ادخل رمضان بقلب ابيض وصفحة جديدة استغل التلاتين يوم صح صوم صلاة وقيام ليل قرأة قرآن إفطار صائم

قدامك فرصة تمحي كل اللي فات وتبدأ من جديد استغلها صح….. غفر الله لنا ولكم وكل عام وانتم بخير