رواية إنسان سافل بس محترم2 الفصل السابع عشر 17 بقلم رانيا محمود

عمر :_ماما من فضلك وطي صوتك عمتو تسمع

امل :_لا عمتك مع صاحبتها في المستشفى لان عمليه بنتها بكره وهي هتفضل معاها وليلي واختك ناموا حتي مروان نايم… المهم أنا عاوزه اعرف

عمر :_ تعرفي ايه يا ماما انا كنت مع بابا كان عنده جلسه مساج بس تعب شويه فقعدت معاه شويه وسبته لما نام وجيت علي طول

امل :_بقولك ايه بلاش طريقه ابوك المستفزه دي 

عمر :_بابا عمره ماتعامل مع حضرتك بطريقه مستفزه

امل :_يعني انا بقول اي كلام

عمر :_ماما حضرتك عاوزه ايه انا تعبان جدا على فكره

امل :_ابوك كان متعصب النهارده ليه

عمر. نظر الي والدته بشكل اثار عصبيتها

امل :_ انت عاوز تقول ايه ابوك قالك ايه

عمر :_بابا قالي على اللي حصل بينكم ومن فضلك يا ماما قبل ماتصبي غضبك عليا بابا مش غلطان ولا حضرتك كمان

هو كان محتاج منك تحسي بيه وبوجعه اكتر من ان حضرتك تشتكي… ماما انا ابنكم انتم الاتنين ولا ينفع اجادل حضرتك ولا ينفع ده مع بابا ارجوكي استحمليه الفتره دي عارف انك مستحمله كتير من فتره بس خلاص يا ماما بابا فعلا بيتقدم محتاج منك شويه دعم

امل بدموع :_صدقني يا عمر انا كنت متضايقه شويه واتكلم مع باباك بس هو اخد الموضوع بشكل عصبي اوي

عمر :_ماما حضرتك بتبرري ايه انا ابنك ارجوكي متزعليش مني انا اسف يا أمي (وقبل يد امه وحضنها)

امل :_وبابا ياعمر انا مش عارفه اعمل ايه زعلوه مني مدمرني

عمر :_للدرجه دي بتحبيه

امل :_اختشي ياولد

عمر :_وماله ماتحبيه مش جوزك يا اسماعيل بيه ???? ماتقلقيش هفضل وراي الحج جيمي بس اضحكي انتي وخليكى دايما مبتسمه  اتفقنا

امل بتحضن ابنها :_ربنا يباركلي فيك انت واختك ويشفي بابا ونرجع نتلم تاني

عمر :_ياااااارب

______=====____=======____

مروان يفتح هاتفه ليخبر مريهان بميعاد وصوله ليتفاحاء برسالتها له قبل سفره لم يكن قد انتبه لها

مريهان (حبيبي وحياتي  عمري اللي راح كانت منتظراك فيه واللي جاي ليك انت وبس… بحبك بعشق نفسك وبدوب في حضنك ربنا يخليك ليا… منور دنيتي… مستنياك ياعمري ????

مروان يتحدث لنفسه :_يخربيت عقلك يا مروان اذاي ماانتبهت على الرساله دي واذاي مكملتش مراتك اليومين اللي فاتوا بقى معقول ميسون اخدت كل تفكيرك… ياتري يا مريهان لما ارجعلك هتكوني عامله ايه.. انا لو منك اسبني وامشي.. انا غبي بصلح بيت غيري وبدمر بيتي…. يالله

مروان قرر يتكلم مراته ويشوف رد فعلها

مروان :_الو حبيبتي وحشتيني

مريانتحاول تخفي صوت دموعها :_وحشتني يا حبيبي

مروان :_انا في الطياره انشالله ساعه واكون عندك في حضنك انتي وبس…

مريان :_مستنياك يا حبيبي

مروان :_حبيبتي انا اسف اني مااتصلتش بيكي اليومين اللي فاتوا لما اكون في حضنك هحكيلك كل حاجه

مريان :مستنياك ماتتاخرش عليا

مروان :_”انا اسف اسف يا اجمل نعمه في حياتي

____—-

ندي :_الحمد لله الدكتور طمنا مؤشرات بنتك كويسه وانشالله العمليه تنجح وارجعي بيها احسن من الاول

امينه :_يارب يا ندى

ندي:_انا هكلم امل اطمن على الولاد

امينه :_طيب يا ندى وبجد شكرا انك جيتي كنت خليكي يا بنتي وتيجي بكره

ندي :_يا سلام يعني تبقى هنا لوحدك بقولك سيبك من الكلام ده انا هطلع بره اكلم في التليفون 

ندي :_الو امل اذيك الولاد عاملين ايه

امل:_ الحمد لله يا ندى ما تقلقيش الاولاد كويسين ليلى اتعشى ونامت وكمان مروان يا حبيبتي ما تقلقيش انا شايلها و بديله الرضعه بتاعته ما تقلقيش المهم قولي لي اخبار امينه صاحبتك ايه

ندي :_ادعلها ربنا يكرمها في بنتها وتقوم بالسلامة

امل :_يااارب ويديكي علي قد نيتك الطيبه ووقفتك مع الكل ياندي

ندي :_انا  ما بعملش اكثر من المفروض اني اعمله يا امل ربنا سبحانه وتعالى خلقنا نساعد بعض اللي يقدر يعمل حاجه لازم يقدمها

امل:_ مش كل الناس بتعمل زيك يا ندى ولا تفكر زيك عندي

ندي:_وانا مش زي احد( ولا تزر وازره وزر أخرى) كل واحد بيعمل اللي يرضي ربنا فيه وبس

امل :_عندك حق.. طيب روحي شوفي امينه وانا هكمل راضعه ميرو وهنيمه… تصبحي على خير

ندي :_ وانتي من اهل الخير

      __________________

مروان قبل ما يروح بيفكر يعمل حاجه حلوه لامراته لكن الوقت كان متاخر فكر ياجلها  ثاني يوم لكن على الاقل جاب معاه اجمل وارق بوكيه ورد والشكولاته اللي بتحبها مريان  فتح الباب بالراحه كانت مريهان تجلس في غرفتها امام المدفئه تنظر الي صور زفافها. تنظر إلى صوره مروان نظره عنيه ليها في الصوره تحمل الكثير  والكثير من الحب.. تمرر اصابعها علي شعره ومره اخري علي وجهة واخيرا قبلت صورته واحتضنتها.. أما مروان فهو واقف خلفها يراها ويتاملها يشعر بحبها وفي نفس الوقت بركان من الغضب من نفسه كيف استطاع ان يهملها كيف لهذا الحب من جانبها ان يقابله إهمال منه…. انحني بجانبها وضمها بذراعيه وقبلها من شعرها واستنشق عبيرها 

مريان :_حبيبي حمدالله على السلامه

مروان :_الله وبركاته يا عمري يا قلب مروان ♥️ اسف ياقلبي اتاخرت عليكي

مريان :_لا ياقلبي يدوبك ساعه ذي ما قولت

مروان التفت لها وقبلها في جبينها ومسك وجهه بيده :_لا انا قصدي رسالتك اللي بعتيهالي من يومين…اقسملك بحبي وعشقي ليكي اني ماشفتها غير من ساعه ونص انا مافتحتش  التليفون اليومين اللي فاتوا انا اسف

مريان بكت بين ذراع حبيبها بكت بدون صوت.. مروان قبلها بحب وحنيه كان يمسح دموعها بقبلاته علي كل جزء في وجهها حتى وصل الي شفتيها وهنا توقفت مريهان عن البكاء واستلمت تماما الي حبيبها…. قبلاته احيتها من جديد وقبلاتها عاد اليه قلبه الذي تركه منذ ان سافر

مروان يحمل زوجته ويضعها علي السرير وجلس بجانبها يسمع صوت أنفاسها ييضع ذراعه تحت راسها فتنام وتدفن راسها في حضنه وتقبل ذقنه

مروان :_”انتي كتير عليا ياعمري

مريان :_بحبك وبس حضنك عندي نساني اي شي.. انا مش محتاجه غير وجودك جنبي انا كمان بعدت عنك الفتره اللي فاتت. عارفه انك اتحملتني كتير….. فمافي مانع اني اتحملك شويه انا كمان ???? ياحب عمري ياجوزي يا سندي يا ابو ابني يا اغلي مافي دنيتي ((كانت كل كلمه منها بقبله رقيقه علي شفاه زوجها…. أما في الكلمه الاخيره لم يسمح لها مروان ان تترك شفاهه.. ضغط على شعرها وحاطها بذراعه وعبر لها عن حبه وعشقه وجنونه بيها ????

__________

ميسون :_اكرم انت كنت فين كل ده قلت لي هتغيب ساعتين وانت بقالك اكثر من اربع ساعات اتصل بيك تليفونك دائما غير نطاق الخدمه

 اكرم :_صدقيني يا قلبي انا كنت مع خالد في المطعم

ميسون :_حبيبي انا عارفه ان انت كنت مع خالد لكن ايه اللي اخرك كل ده بتعمل ايه انت وعدتني انك مش هترجع  شغلك على الاقل دلوقتي

اكرم:_ فعلا انا مش هارجع الشغل دلوقت كمان 10 ايام اتفقت معه انا هاخذ 10 ايام اجازه وبعدين ارجع لمده شهر وبعد كده انهي التعاقد بتاعي معاه

ميسون:_ وبعد ما تنهي التعاقد بتاعك معه

 اكرم:_ هابتدى تعاقد معاه كشريك

 ميسون :_يعني ايه هتشارك أكرم في  مطعمه

 اكرم:_ ايوه و ده اللي خلاني اتاخرت علشان كنا بنحط الخطوط الرئيسيه للشراكه بينا

 ميسون :_طيب بدل ما تشارك معه شاركني انا

 اكرم :_و هو انتي عندك مطعم

ميسون :_وهو ده حاجه صعبه من بكره يبقى عندي مطعم

اكرم :-انا مش فاهم حاجه يا ميسون انت عايزه ايه

ميسون :_ عايزه يبقي عندك مطعم. عايزه تشاركيني انا مش خالد…… يا اكرم دلوقت بدل ما تشارك حد غريب انا اولى احنا الاثنين نعمل مع بعض مشروع لنا

اكرم :_ميسون انا فاهم كويس قوي انت عايزه تعملي ايه ميسون :_والله ابدا يا اخي مش اللي في دماغك خالص انا سيده  اعمال مش هارمي فلوس في الارض انا فعلا هاستثمر فلوسي في مشروع مطعم ومعايا شاف كبير عالمي. انا  بنفسي اكلت من ايده  اكثر من مره و علشان كده انا متاكده ان مطعم هيكبرو متاكده انه كمان هيمسح كل المطاعم اللي موجوده هنا في باريس

 أكرم :_بكره يا ميسون بكره نتكلم في الموضوع ده

 ميسون:_ لا بكره انا هاكلم المحامي و بكره انا وانت هننزل نشوف اكثر من مكان ينفع يكون مطعم مفهوم

 اكرم:_ مش فاهم انت بتديني اوامر

 ميسون جريت على حبيبها وحضانته 

ميسون :- ما اقدرش اعمل كده ده رجاء منك انك توافق اني اكون شريك في مطعمك انت والمطعم هيكون باسمك انت و هنشارك مع بعض بالنص انا براس المال وانت اللي هتكون مسؤل عن كل شي يخص المطعم وبعد كده هيجيء الوقت اللي انت بفلوسك هتشتري المطعم مني وبكره  هتقول ميسون كان عندها حق

اكرم:_ قلت لك بكره نبقى نتكلم

ميسون :_اللي انت شايفه يا اكرم انا موافق عليه لو رفض الفكره وعايز تكمل مع خالد ما فيش مشكله انا مراتك و جوزي اللي تقول عليه انا هاعمله بس اهم حاجه  حضنك ما يسبش حضني

اكرم يطبع قبله رقيقه على شفاه ميسون :_اتفقنا  يا عمر اكرم يا قلب أكرم باقول لك ايه يا حبيبتي مش كفايه كلام بقى انا تعبان جدا ممكن ندخل نرتاح في اوضتنا

____________

في الصباح

ندى:_ الحمد لله يا امينه الحمد لله ربنا كرمك وجبر بخاطرك جبر بخاطر بنتك الحمد لله بطلي بكي بقى افرحي  بنت هتقوم  بالسلامه العمليه نجحت

 امينه  مش قادره توقف عن الدموع:_ الحمد لله الحمد لله  ندى:_ على فكره مامتك وباباكي اتصلوا كثير قوي وانت كنت في حالي مش عارفه تردي عليهم انا كلمتهم وحاولت اطمنهم  دلوقتي بعد ما العمليه ناجحة و الدكاتره طمنونا يا ريت تتصلي بيهم طمنيهم انتي بنفسك

 امينه:_ حاضر حاضر والله يا ندى هاتصل بيهم بس  انا عوزه منك طلب يا ندى ممكن يا ريت تروحي وترتاحي يا بنتي حرام ابنك ما شفتهوش من امبارح ولا بنتك كمان علشان خاطري روحي ارتاحي و تعالى بالليل انا هستناك انما دلوقتي لازم تمشي

ندى:_ امشي اذاي يا امينه واسيبك كده

امينه :_والله العظيم انا هابقى كويسه وبعدين البنت في الرعايه مش هنعرف نعمل حاجه انا كمان ها دخل اوضتها ارتاح شويه انتي لازم ترتاح يا امينه كفايه قوي انك مواصله من امبارح لغايه النهارده من غير نوم

 ندى:_ حاضر اطمن بس عليك و هامشي على طول هاروح اطمن على الاولاد و اخد دش كده و فوق واجي لك

_____————–

مريان تستيقظ من نومها لتجدزوجها في حضنها لا يستطيع ان يتركها  حتى في نومه تقوم بهدؤ حتى لا توقظه من نومه ، نظرت على الكرسي المقابل للسرير لتجد اجمل واكبر بوكيه ورد ابيض وهو المفضل لديها  وبجانبه الشوكولاته التي تحبها عرفت ان زوجها اتى بها امس لكنهم كان في عشقهما يغرقان فلم تلاحظها جالست على الكرسي واحتضنت بوكيه الورد  وبدات تاكل الشكولاته لاجد  زوجها يلعب في  شعرها:_ عجبتك يا حبيبتي

مريان:_ انا باعشقك يا مروان باعشقك عارف يعني ايه كل حاجه فيك بعشقها (( وقبلتها قبله جميله))

مروان :-ممكن اعرف ايه ده

 ماريان :_بما انك جبت لي بوكيه الورد اللي انا بحبه والشيكولاته انا باحبها حبيت اديك المكافاه دي

 مروان :_بوسه واحده بس هي دي المكافأه انتي بخيله قوي مريان :_يا سلام الف بوسه كمان

مروان :_و فين ده انا شفت منك حاجه

 مريان:_ تعال بس الاول ناخد شاور و نفطر وبعد كده  انشوف موضوع المكافأة دي، ????

مروان:_ لا يا ستي انا اخذ مكافاه دلوقت حالا(( و لم يمهلها واحاط زراعيه من وسطها والقاها عل  السرير و كانت هنا بدايه الاشاره ليله اخرى كل منهما ذاب مع الاخر في بحر عشقه

بعد شويه حلوين ????????

مريان واقفه في المطبخ بتجهز فطار لجوزها

مروان :_ ممكن اعرف في واحده ست تبقى حامل تكون جميله كده هو  الحمل بيحلى ولا ايه

ماريان :_ده الحمل بيخلي الست قمر انت ما تعرفش ولا ايه مروان:_لا  يا ستي اللي اعرفه ان ست لما بتبقي حامل  بتكون  مكعبره شكلها فظيع لكن انا معايا القمر بنفسه موجود على الارض

مريان ????:_باقول لك ايه ما تنسنيش انت قولت لي هتحكي كل حاجه بالتفصيل بكره و ادينا بقينا بكره

مروان:_ حكايه ايه مش فاكر

مريان:_ عملت ايه في السفر لباريس كنت مسافر ليه لمده يومين واختفيت ما حدش عارف عنك حاجه

مروان:_ كنت عند ميسون وجوزها

 مريان :_جوزها هي ميسون متجوزه

مروان:_ هحكيلك كل حاجه بالتفصيل اسمعي يا ستي

__________________________

عمر:_ بابا ارجوك انا بقى لي ساعه باتكلم وانت ما بتردش عليا

 جمال :_عايز ايه  وجعت دماغي يا عمر كلام كلام كلام ارجوك انت اقعد ساكت  انا كمان شويه وميعاد جلسه المساج وانت عارف  بالنسبه لي وجع جامد

 عمر:_ عارف يا بابا انه وجع جامد بس صدقني الوجع اللي انت فيه من ماما اكبر بكثير من الوجع بتاع جلسه المساج جمال:_ طب انت عايز ايه دلوقت امك طعنتني امك بتتكلم على عمتك اللي هي اختي ترضى حد يتكلم على اختك

عمر :_ماما اعتذرت لحضرتك يا بابا انت في ضغط نفسي وعصبي وماما كمان في ضغط نفسي وعصبي صدقني هي قالت كلام ما كانش قصدها وحضرتك عارف كويس قوي يا ماما بتقول حاجات كتير وقت العصبية

جمال:- الكلام ده كان زمان لما كنا بنتخانق انا وهي على مصروف البيت او اي حاجه ثانيه لكن توصل نتكلم على اختي ده اللي مش ممكن ابدا ابدا وخصوصا ان ندي فعلا ما عملتش حاجه ومش ذنبها اي حاجه بالعكس هي اللي شيلانا فوق دماغها كل ده عشان قلت لها خلي ابني معاكي لا الموضوع اكبر من كده بكثير امك بتكره ندي

عمر:_ بابا انا عمري في حياتي ما سمعت ماما بتتكلم كلمه وحشه على عمتو ابدا ولا في وجودك ولا حتى في غيابك بالعكس دائما بتتكلم عن احترام و بتقول ان هي افضل صديقه

 جمال:_ ولما هي عايزه صديقتها قالت كده ليه

 عمر:_ ارجوك يا بابا كانت لحظه غضب و ماما  اعتذر لحضرتك من وقتها وعلى فكره حضرتك فعلا محتاج ان انت وماما تكون ايد واحده مع بعض عشان تقدري تعدي الازمه دي ارجوك يا بابا فكر في الموضوع ده كويس ماما غلطت ايوه لكن كلنا بنغلط مفيش حد فينا كامل يا بابا حضرتك دائما كنت بتقول لي اللي يحس بغلطه ويجي يعتذر تسمحه وماما اعتزر كثير قوي كفايه الوضع اللي هي فيه ماما حاسه بالذنب جامد قوي ومش عارفه تعمل ايه

 جمال:_ يعني ايه مش فاهم

عمر :_ ماما عارفه كويس قوي انا غلطت واديها الفرصه انها تصلح غلطها ارجوك يا بابا

 جمال:_ خلاص يا عمر بعد الجلسه نتكلم

عمر فكر في الفكره وراح جاري على التليفون بابا بيتكلم في التليفون

 عمر:_ الو ايوه يا ماما انت فين تاخرت ليه

:_امل:_ حبيبي انا جايه لك اهو عمتك كانت هنا ويدوبك لسه

سيباها و نازله حالا عمر طيب يا ماما تعالي بسرعه عشان الجلسه بتاعت  بابا هتبتدي

امل:_ حتى لو تعبت يا حبيبي انا هاعمل ايه انا كده كده قاعد في الكافتيريا تحت

عمر:_ لا يا ماما تيجي عند جوزك تطلعي تحضري معاه الجلسه انا مش هحضر مع بابا ومش هاقول له ان انتي هتكوني موجوده هو يتفاجئ بيكي  ومعلش لو تجاهلك مره او اثنين او ثلاثه خليك انت جنبي لغايه ما يحس فعلا ان انتي ماكنتي تقصدي  الكلام اللي قولتيه على فكره بابا مش بيكرهك هو  واخد على خاطره منك ارجوكي يا امي دي فرصه كويسه و يلا بسرعه بقى متتاخريش حاضر يا حبيبي جايه على طول

مريان:_ وانت بقى ايه اللي عرفك ان ميسون تغيرت

 مروان:- انا متاكد ان هي اتغيرت والسبب واضح جدا

مريان:_ اكرم صح

مروان:_ صح جدا جدا جدا اكرم هو اللي غير ميسون او تقدري تقولي كده صحى فيها ميسون القديمه

مريان:_طيب وبعدين يا مروان هتعمل ايه ناوي على ايه مروان:- حقيقي مش عارف علي العموم النهارده فيه اجتماع موسع مع  محامين المجموعه وهنتكلم  فيه ازاي نقدر نحل المشكله اذاي يخرج احمد لكن ميسون متتاذيش

 مريان:_ الفلوس تقدر تحل حاجات كثير قوي

مروان :- اكيد طبعا فلوس تقدر تعمل  حاجات كثير لكن ميسون  عندها استعداد انها تدفع لانها  وهتدفع كثير قوي وممكن كمان متدفعش  وتدفع حاجات تانيه  معتقدش انها  تقدر عليها

مريان :_ حاجات زي ايه

مروان:_ ما اعرفش لكن اللي اعرفه نهم  مافيا ممكن تطلب منها حاجات و امور خطيره  تحت اسم ميسون وهل  ميسون هاتقبل بيها علشان خاطر تخرج من ازمتها

مريان :_طب وبعدين هي كده ممكن تعرض نفسها للخطر مروان:_ اكيد بس انا مش هاسمح لحاجه زي دي تحصل حقيقي مش عارف يا مريان ادعي لي

 مريان تقبل مروان :_ بدعيلك يا قلبي ربنا يقدرك  دائما وتحل المشكله دي   وبدعي لميسون وبدعي لندى واحمد كمان.. عارف يا حبيبي نفسي اغمض عيني وافتحها و تخلص المشكله دي

مروان :_وانا كمان يا حب عمري يلا اسيبك هروح الشركه

مريان بدلع :_هتسبني ياميروا

مروان :_الله علي الدالع لا انا مش هروح ((ويقلع الجاكيت ويقرب علي مريان)).. في داهيه الشغل وميسون واحمد

مريان :_????????لا ياقلبي متقولش كده اهدي كده وابلس الجاكيت ويلا على شغلك ومتنساش متتاخرش ???? مستنياك ياقلبي

مروان :_طيب علي ايه بس البهدله لسه هروح الشركه وارجع.. ما انا موجود وخلاص

مريان :_???? لا خلاص خلاص على شغلك يلا بسرعه وارجع لي برده بسرعه

_________________

عمر:_ ايه يا ماما ده اللي انتي بتقولي عليه انك هتيجي بدري انت تاخرت قوي كده ليه

امل :_معلش يا عمر انا اسفه اني اتاخرت

عمر:_ خلاص يا ماما مافيش وقت بابا في اوضه التمرين 

امل دخلت وكان اول شيء سمعته صرخه ألم معرفتش تعمل حاجه غير انها جريت عليه ومسكت ايده وحضنته جمال لما شاف امل قدامه نسي الوجع ركز بس عليها ركز في نظره عنيها حس بايدها و هي ماسكه ايده في لحظه نسي كل اللي زعله منها امل باست ايده وقربت منه وقالت :_سامحني????

سامحني يا حب عمري

جمال المتكلم ضغطت على صوابع ايدها وكانت اشاره منه انه سامحها وانه محتاجها….. سند بايده علي كتفها وهي ساعدته علشان يقف ويكمل تمرينه

بعد شويه

جمال في غرفته وأمل وابنها ساعدوه

عمر حس ان باباه متقبل مامته فقرر انه يخرج :_ بابا باقولك ايه انا تعبانه قوي وحاسس ان انا مش قادر اواصل انا هاروح البيت انام ساعتين وارجع لك ثاني تكوني ماما قعدت معاك شويه وشافت طلباتك وارجع ابات معاك اتفقنا

جمال:= لا استني يا عمر عايز اقول لك على حاجه

عمر:_ مش قادر يا بابا اقسم لك انا فصلت سلام بقى يلا خلي بالك من نفسك ولو في حاجه ابقي كلموني سلام

امل  كانت  منتظره اللحظه دي جمال حبيبي ارجوك ارجوك انا باعشقك انا باحبك ارجوك يا جمال انسي اللي فات غلطه وصدقني ما كانتش مقصوده والله يا جمال

جمال:_  عارف كويس قوي انا النهارده لكن ما اقدرش اقول لك انها غلطه مقصوده ولا غير مقصود ة بعد السنين دي كلها اكتشف حاجات غريبه فيكي يا امل عمري ما كنت اتخيل انك تكوني كده

 امل:_ انا موافقه على العتاب موافقه انك تعمل اللي انت عايزه لكن ما تخرجنيش  بره دائرتك يا جمال ده انا كنت اساس حياتك ارجوك عايزه ارجع ثاني

 جمال :_انتي قولتي كنتي اساس حياتي عملتي كده ليه  ايه اللي حصل خلاكي تقولي كده علشان ندى سبتلك ابنها كام ساعه

امل :_ صدقني ياجمال انا مش عارفه انا قلت كده ليه وازاي حسيت ان  يمكن يكون الضغط اللي كان عليا  ارجوك انسى اللي فات اعتبرها غلطه وصدقيني عمرها ما تتكرر ثاني

(( جمال وكانه فعلا كان منتظرها  تجيء  علشان عايز يرمي نفسه في حضنها لانه بجد كان محتاج لها لكن كان بيعافر علشان يثبت لها ان هي غلطانه او  ان هو يعلمها ان الغلط ده وجعه اوي لكن فعلا كان محتاج انها تيجي عشان يصالحها كان هو محتاج يسامحها اكثر ما  منها

___________——–____________________

مروان ازيك يا ميسون عامله ايه وحشتيني

ميسون :_ والله يا حبيبي انت كمان وحشتني حمد لله على سلامتك اخبار مراتك ايه

مروان الحمد لله يا ميسون كويس بخير كلنا كويسين ،

ميسون :_خير يا مروان المحامين قال لك ايه

 مروان:_ طبعا كان لازم اتوقع سؤال زي كده من سيده اعمال ذكيه زيك عارف و متاكد ان اتصالي لهدف والهدف قوي كمان ميسون  مش وقته يا مروان كل اللي انت بتحكي فيه ده انا عايزه اعرف المحامين اقولك ايه

 مروان الظاهر كده انك لازم تيجي تشرفينا علشان تشوفي مراتي انتي عمرك ما شفتيها اصلا

 ميسون  :_ اه انا كده فهمت الموضوع باين ان  الموضوع كبير قوي ووجودي امر لابد منه حاضر يا مروان هتكلم  مع اكرم

اكرام:_ خلاص يا ميسون انا فاهم انت عايزه ايه  حسيت الموضوع كبير ما فيش مشكله انا معاكي وهافضل طول عمري معاكي… يلا بينا هنجهز للشنط بتاعتنا علشان لازم نسافر لمروان في اقرب وقت

ميسون :لم تجد ما تفعله فقط  وانها تحضن زوجها  بمنتهي الحب

ميسون:_ انا قلت ان انت الانسان الوحيد اللي هتفهمني من غير ولا كلمه باحبك يا كرم

اكرم الموضوع مش محتاج تفكير يا ميسون انا قلتلك انا باعشقك واللي بيعشق حد بيفهم من غير حتى ما يتكلم وبعدين يا حبيبه قلبي احنا كده هنتاخر يلا بينا

ميسون :_ربنا يخليك ليا ياقلبي ربنا يخليك ليا و اقدر اسعدك

أكرم :_ميسون احنا بقينا واحد انتي متعرفيش وجودك في حياتي عمل ايه انا معاكي بلاقي نفسي الدنيا بتصلحني تاني

بقي من حقي احلم تاني من حقي اني اعيش الدنيا دي

ميسون تقبل  يد أكرم :_مش انا يا أكرم انتي اللي عملتلي كل ده انا قبل كنت ذي الغريق… بتنفس اه عايشه لا بمشي في الدنيا لكن محدده هدف لا….. ست اه انثي لا((ميسون كانت بتتكلم ودموع عنيها بتنزل بتحرق  قلب أكرم) 

أكرم لم يتحدث اكتفي انه يمسح دموع ميسون ويقبلها في كل وجهها واحتضنها بشده وكانها طفلته اللتي تاهت ووجودها اخيرا

________________________________

بعد يومين كانت ميسون وأكرم في لندن

ميسون :_الو اذيك يا مروان احنا وصلنا لندن

مروان :_حمدلله على سلامتكم ااوك انا هجيلك البيت النهارده

ميسون :_لا يا مروان احنا مش في البيت احنا أجرنا استوديو صغير

مروان :_ليه يا ميسون

ميسون :&لما تيجي هنتكلم يا مروان… خد العنوان

_____________________

مريان :_امممممممم البرفيوم بتاعك رحته تجنن بقولك ايه هات بوسه لحسن انت مجنني اوي ومش قادره اسيبك

مروان ‘_????اهدي يا مناااااار

مريان :_????بحبك يا عااااطف…… مش بيقولها كده ????

مروان :_لا احنا هنكملها  قفشات افلام مش فاضي لما ارجع نلعب براحتنا

مريان :_ايوه .. هترجع منين بقى

مروان :_”هو انا مش قولتلك ان ميسون هنا في لندن

مريان :_ايوه.. بس مش قولتلي انك هتقابلها النهارده

مروان :_هقابلهم النهارده

مريان :_مين تاني مع ميسون

مروان :_حبيب العمر أكرم بيك الراجل البسيط اللي عمل اللي مافيش أقوى ولا اغني رجل قدر يعمله

مريان :_للدرجه دي

مروان :_:_لأول مره ميسون تتكلم بصيغه جمع لأول مره ميسون متتحركش من مكان لمكان غير بوجود جوزها معاها

مريان “:_الحب حلو ????????????????

مروان:_ايه كميه القلوب اللي طالعه من عنيكى

مريان ::_بقولك الحب حلو

مروان :_” اوي اوي اوي ((ومع كل كلمه قبله رقيقه اوي اوي اوي))

مروان :_هروح مشواري وارجع

مريان بتوهان :_مشوار ايه

مروان :_انتي اتخدرتي ولا ايه اقولك خليكي ذي ما انتي كده هش هتاخر انا اساسا مقدرش اتأخر عليكي

________________________

أكرم ::_مالك يا حبيبتي رايحه جايه كتير ليه وبعدين من امتي بتشربي سجاير

ميسون :_معلش بس متوتره شويه مش عارفه المحامين قالوا ايه لمروان

أكرم :_اولا سيبي السيجاره دي وممنوع شرب سجاير اساسا

ثانيا. متقلقيش كل حاجه وليها حل.. ميسون تعالي في حضني وبس 

ميسون وهي في حضن أكرم :_متسبنيش يا أكرم مش هعرف اكمل لوحدي

أكرم :_انتي مجنونه… انتي حبيبتي ???? عمري اللي جاي ليكي انتي وبس ((يضع يده على شعرها)) هما هيفضلوا مجانينني كتير  كده

ميسون :_هما مين دول

أكرم يمرر أصبعه على شفاه  ???? ميسون :_هما دول هو فيه غيرهم مجنينني

ميسون ???? بخجل :_طيب ايه الحل

أكرم :_تعالي اقولك الحل ((لسه هيبوسها التليفون رن))

هادم اللذات الاستاذ مروان اكيد وصل

ميسون :_????معلش بقي

أكرم :_هتروحي فين مني ????

بعد شويه

مروان:ايه يا جماعه انتوا نسيتوني تحت.. ولا انا جيت في وقت غير مناسب

ميسون ???? :_تشرب ايه يا مروان

مروان :_????:_اي حاجه يا عروسه

ميسون دخلت المطبخ بتجهز عصير

أكرم :_خير يا مروان

مروان. بجديه :_الموضوع ميطمنش مافيش منفذ قانوني

أكرم :_وبعدين هنعمل ايه

ميسون:_يعني هتسجن! ؟

مروان :_مافيش حد قال كده انتي متسرعه ليه كده اهدي شويه… فيه حل لكن من تحت الترابيزه وركزوا معايا.

دلوقتي مطلوب منك يا ميسون انك ترجعي تتواصلي مع الناس اللي دخلوا شحنه المنشطات المشبوه علشان ذي ماهم اللي عقدوها هم بس اللي يقدروا يحلوها…. متبصوليش كده كل حاجه هتم واحنا مع بعض ومافيش حاجه هتحصل غير قدامنا يعني انشاالله هيكون كل شي تحت السيطره

أكرم بعصبيه ((ودي اول مره ميسون تشوف أكرم  في عصبيته)) :_انت بتقول ايه انت عارف ان دول مافيا مافيش أرخص من الدم عندهم… وبعدين هيعملوا كده ليه وهيجزفوا ليه ايه المقابل

مروان :_من فضلك اقعد واهدي بعد اذنك…. ميسون لو سمحتي قولي للسيد أكرم ان دي مش طريقه مناقشة

أكرم :_هو احنا بنتناقش ده باين انه قرار لأنك لسه قايل انه مافيش غير حل من تحت الترابيزه

مروان بنرفزه :_انت فاكر اني هسلم اختي للمافيا بايديا انت مجنون.. مهما كان أحمد مهم عندي بس انا اساسا معنديش اهم من اختي انت فاهم بتقول ايه (مروان كان واقف قدام أكرم وبيتكلموا وجها لوجه وبيتكلم بعصبيه شديده لدرجه ان  وشه احمر ))

أكرم :_”ارجوك يا مروان انا مقصدش ابدا اني اشكك في أهمية ميسون عندك

مروان :_وطالما مش بتشكك ايه اللي انا بسمعه منك

ميسون :_ خلاااااااص كفايه كلام حرام عليكم

أكرم:ميسون انا اسف.. انامقصدش ابدا

مروان :_وانا كمان اسف وبعتذر ليك يا أكرم

ميسون :_مافيش داعي للاعتذار من حد فيكم خلينا في اللي احنا فيه  انتوا مش عارفين انا فيا ايه حرام عليكم

(جلس الجميع في هدوء)

ميسون :_مروان انت دلوقتي بتطلب مني اني ارجع اتعامل مع الناس دي تانى وبتقول ان كل شي هيكون تحت السيطره طيب ايه الضمانات اللي عندك بتاكد الكلام ده

مروان :_*الفلوس… المصلحه… انتي او غيرك مافيش فرق كبير عندهم غير الفلوس اللي هيستفادوا منها هنطلب منهم يخرجوا احمد وفي نفس الوقت انتي متتاذيش وكل شي ليه تمنه… يا جماعه فيه الناس دي ذي ما احنا عارفين كويس يقدروا يعملوا كل حاجه واي حاجه بس الفلوس عندهم هي اللي بتتكلم يعني الأول تكلميهم تاني ونشوف هنعمل ايه

أكرم :_طيب ايه رايك لو نبلغ الشرطه

ميسون :_استني يامروان انا هرد أكرم معنى دخول الشرطه الموضوع يعني حاجه من الاتنين يا اتقتل يا ادخل السجن الأول وبعد كده اتقتل بردوا

أكرم :_ارجوكي يا ميسون ماينفعش تقولي كده اساسا حرام عليكي انا مش قادر أتصور ان ده ممكن يحصل

مروان:_علشان كده يا ميسون قولتلك في البدايه نتكلم معاهم وكل شي هيجي وقته

ميسون :_اوك تحب امتي

اكرم :_انتي كمان اتجننتي هتكلميهم تاني

ميسون نظرت الي أكرم بعيون متحجره فيها الدموع وقامت من مكانها وجلست عند قدم زوجها :_حبيبي ارجوك سبني اعمل كده انا محتاجه اوي اني اعمل الموضوع ده محتاجه اعيش معاك منغير وجع لازم الجرح القديم اعالجه علشان اقدر اكون ميسون اللي غابت عني من زمان صدقني انت قبلت وحبيت ميسون المهزومه من جواها لكن لو قابلت ميسون الواثقه من نفسها اللي قلبها دايما فرحان اللي بتعرف تنام نوم عميق من غير قلق هتحبها اكتر وتستمتع بحياتك اكتر معاها

أكرم يمسك يد ميسون ويضعها علي وجهه:_ بس انا بحبك زي ما انتي مش محتاج حاجه تانيه غيرك

ميسون :_لو بتحبني ساعدني ارجع ميسون اللي نستها من زمان.. ارجوك يا أكرم خليك معايا وساعدني

ميسون نظرت الي مروان :_اتصل بيهم امتي

مروان :_ياريت لو دلوقتي خلينا نخلص كل شي في أسرع وقت علشان الكل يرتاح

ميسون :_اوك…. الو من فضلك اريد موعد مع مستر هاريس للأهميه………… شكرا  سأنتظر

أكرم :_انتي كلمتني مين وقالك ايه

ميسون :_اعدي يا مروان… ده الوسيط بيني وبينهم وقالي خلال 15 دقيقه هيتكلم يبلغني لو اتحدد ليا ميعاد هيكون امتي

مروان :_هو ممكن ميتحددش ميعاد

ميسون :_مش عارفه كل حاجه هتبان نستني شويه

كانت الثواني بتمر بتقل رهيب انتظار أصعب من انتظار سفرات الانذار كل منهم صامت يدور ف مخيلتهم اشياء رهيبه موجعه كلا منهم ينظر للآخر وكأنه يطمئنه لكن من أين تاني الطمأنينه فقط ابتسامه باهته ترتسم علي الشفاه

بعد مرور 15 دقيقه كامله رن الهاتف

ميسون :_نعم.. اوك.. ِ.. سأفعل

أكرم ‘_شو عم يحصل مافاهم شي

ميسون :_الميعاد بكره الساعه 3 في السنتر بارك فيه سياره هتيجي واركبها يوصلوني

أكرم :_شو يعني إيه؟!

مروان :_أكرم من فضلك… هم عملوا كده معاكي اول مره قبلتيهم

ميسون :_ايوه

مروان :_تمام يعني مافيش جديد الأمر بالنسبه لهم عادي

أكرم :_يعني إيه عادي شو عم تحكي انت كمان

مروان :_اهدي يا أكرم قصدي انها احتياطات بيعملوا كل مره ومافيش جديد… من فضلك مافيش داعي ابدا نتكلم في حاجه ولا احنا عارفينها ولا احنا فاهمينها.. كل اللي نعمله اننا ندعي ربنا ان الامور تخلص علي خير… انا همشي وبكره نتقابل الساعه 12 عندك في مكتبك في الشركه والمسافة بينه وبين السنتر بارك بسيطه 5 دقايق بس… تصبحوا على خير

أكرم بعد نزول مروان :ومنين هيجي الخير

ميسون بدموع :_”انا اسفه حبيبي والله انا اسفه عارفه ان ورايا مشاكل انت مش ناقص كفايه اللي مريت بيه

أكرم اخد ميسون في حضنه جامد وكأنه يريد أن يخفيها بين ضلوعه عن العالم كله يريد أن يمحو الماضي معها قبلها علي جبينها عده مرات “:_مجنونه لو تتصوري اني ممكن اسيبك او حتي اتعب من اي حاجه تخصك.. انا هموت عليكي مش بس خايف …

ميسون :&متخفش يا حبيبي انا…

أكرم :_ششششششش………… ولا كلمه تعالي ندخل نرتاح بكره يوم طويل ربنا يقدرنا اننا نجتازه علي خير

____________________

مريان:_ حبيبي حمد لله على السلامه تاخرت ليه

مروان: لا ابدا متاخر تش ولا حاجه الوقت لسه بدري

 مريان ????:_ بالنسبالي من وقت ما خرجت من البيت وانت متاخر عليا

مروان يضم زوجته بحب :_ للدرجه دي وحشك

مريان :_ حبيبي وانت قصاد عيني تبقى واحشني  باكون  لمسه ايديك و برده واحشني نفسي في نفسك و برضه واحشني

مروان:_ طيب نعمل ايه بقى عشان احل المشكله دي

 ماريان:_ ما اعرفش بقى فكر مروان طب باقول لك ايه ما تيجي نفكر مع بعض????

مريان:_  استني بس  عملت ايه مع ميسون واكرم

 مروان:_يووه بقي  ده وقته  بعدين بعدين لما افكر في الموضوع بتاعنا ونتكلم فيه

مريان :_  بجد يا مروان عشان خاطري عملت ايه

مروان :_صدقيني ما عملتش حاجه بكره اعرف ايه اللي حصل النهارده كانا بنتكلم عادي و بكره التفاصيل كلها هشوفها تعالي بقي انتي كان وحشاني بجنون مش عارف انتي بتحلوي كده ازاي ????????

__________

ندى:_ الحمد لله يا امينه الحمد لله الدكتور بيقول الخطر زال والبنت تقدر ترجع اوضتها وهتسيب الرعايه بكره انشالله هي بقت طبيعيه

امينه :_الحمد لله اللهم لك الحمد علي كل شي

ندي :_دعوات مامتك وباباكي ليل ونهار ربنا استجابها

امينه :_انا مش عارفه بقى من  غيرك كنت عملت ايه هنا حقيقي  ونعم الاخت

 ندى :-يا بنتي انا ما عملتش حاجه ده اقل من الواجب كمان امينه:_ ازاي بس انتي كنتي بتسيبي اخوكي و تسيبي ابنك مع مرات اخوكي و تسيبي بنتك و تيجي تقعدي جنبي و تشوفيني ازاي يا ندي  انا مش قادره ابدا مش عارفه ازاي هوفي جميلك ده

 ندى:_ ما تقوليش الكلام ده ما تخلينيش ازعل منك ان شاء الله بنتك تقوم بالسلامه وان شاء الله هترجعي بها مصر احسن من الاول كمان

_____________===(((

مروان :_الساعه بقت 1 الضهر لسه ساعتين علي الميعاد… جوزك  فين صحيح

ميسون :_في البلكونه واقف

مروان :_شكله متوتر اكتر مننا.. قوليلي يا ميسون انتي فعلا حبتيه ولا اتجوزتيه فراغ مثلا

ميسون :_لا مش فراغ.. انا حبيت أكرم

مروان :_ ممكن يكون احتياج… انتي عرفتيه في وقت كنتي محطمه نفسيا وهو كمان محطم يعني تقدروا تقولي أن كل واحد فيكم دور علي احتياجه من الشخص التاني يعني مش حب

ميسون :_وايه الحب من وجهه نظرك يا مروان غير انه احتياج لوجود حبيب جنبك يكون هو عالمك محتاج حضنه محتاج كلمه منه تديك سعاده تخليك تواجهة الدنيا بمتاعبها

مروان :_ارجوكي يا ميسون متعتبريش كلامي معاكي على أنه رفض لاكرم أو حتي رفض لتفكيرك انا عاوز افهمك ويمكن حابب اطمن عليكي.. انتي مريتي بحاجات كتير وعلاقات كتير كلها كان اساسها اي حاجه غير الحب والاستقرار الاسري…… انا بس عاوز اطمن عليكي مش اكتر

ميسون:_ اطمن انا ولأول مره اعرف يعني ايه حب اعرف يعني ايه ست تعيش في ضل راجل وتحس معاه انها ملكه في قلبه لأول مره اشوف حب وحنيه في عيون حد ليا انا ومش فارق معاه هياخد مني ايه… تعرف امبارح اول ما مشيت أكرم كان جنبي طول الليل ولما حس اني نمت مع اني معرفتش انام بس عملت نفسى نايمه قولت يمكن يبطل قلق ويحاول هو كمان ينام لاقيته قام من جنبي واتوضي وصلي وكان بيدعي ربنا بصوت عالي ودموعه كانت بتدبحني من جوه…. صدقني يا مروان لو أكرم سبني انا هفرح علشانه لانه احسن وأنقى من انه يكمل مع واحده ذي ????????????

مروان :_اوعي تقولي علي نفسك كده فاهمه انتي ست رائعه ولو فاكره نفسك شيطان فاحب اقولك مافيش فينا ملاك لو سمحتي يا ميسون مش عاوز اشوف روحك الانهزاميه دي تاني مفهوم

لحظات صمت كانت في المكان… وقف ميسون واتجهت الي الشرفه لتجد زوجها شارد لم يشعر بدخولها وضعت يديها علي كتفه.. انتبه  أكرم

أكرم :_حبيبتي

ميسون :_مالك بتفكر في ايه

أكرم :_تفتكري بفكر في ايه

ميسون :_امممممم…. يمكن بتفكر في كنافه بالفستق وكاسه شاي مثلا

أكرم مبتسم فهو يعلم أن ميسون تداعبه :_اه فعلا شاطره انا بفكر في كده وتعرفي بقي لو اكلنا الكنافه دي انا وانتي في بيتنا واحنا قاعدين جنب الورد والياسمين اللي احنا زرعينه ياسلام سعاده ما بعدها سعاده

ميسون تحبس دموعها :_انشالله هنعمل كده النهارده

أكرم بوجع :_النهارده يا ميسون

ميسون :_انشاالله يا حبيبي… يلا بينا انا لازم انزل

أكرم :_يلا…. و(اشتبكت الأيدي معا وكأنه يعاهدها وتعاهده في صمت ان الطريق سيسيروا فيه معا الأبد)

_________________________

بعد مرور ثلاث ساعات

اكرم :_طيب هنعمل ايه دلوقتي انا هتجنن ميسون تليفونها مقفول ومش عارف عنها اي حاجه

 مروان :_ما تقلقش ما فيش حاجه هتحصل وبعدين هي راحت تقدم لهم فلوس مش هيعملوا حاجه اما بالنسبه للتليفون هو مقفول ده اكيد اجراء احتياطي ما تقلقش((  وبعد قليل رن  الهاتف كانت وميسون))

أكرم :_ حبيبتي انت فين طمنيني عليك رجعت ولا انتي فين  ميسون :_ اكرم ما تقلقش عليا انا بخير خمس دقائق واكون في السنتر بارك يا ريت احد يستناني هناك

أكرم :_ حاضر يا حبيبتي

مروان :_خير يا اكرم يا وصلت

 اكرم :_هي موجوده دلوقتي  يلا بينا على سنتر بارك نقابلها هناك

بعد قليل على الجميع الى مكتب الشركه ومروان اولا الحمد لله على السلامه يا ميسون ميسون الله يسلمك مروان ايه الاخبار

ميسون:_ 10 مليون جنيه استرليني

 مروان:_ 10 مليون جنيه استرليني وانت معاكي الفلوس دي كاش

ميسون :_اكيد لا طبعا مافيش فلوس زياده سيوله لكن انا مضطره اني  اخذ من الشركه اخذ من رأس مال الشركه ومروان :-انت بتتكلمي ازاي يعني ايه تاخذي من راس مال الشركه

 ميسون :_ انا عارفه كويس قوي انت هتقول ايه كده الشركه هتقعد في البورصه و هتبقى خساره و مصيبه لينا كلنا لكن انا عندي حل انا هبيع بيتي اللي هنا في لندن وبيتي اللي في موناكو الاثنين هيجيبوا 15 مليون جنيه لكن المشكله عندي الوقت انا لو بعت البيتين  دلوقت مش هاجيبوااكترمن  7 مليون لكن لو استنيت على الاقل سنه ممكن كمان يعدي 15 مليون وبالتالي نقدر نرجع ال10 مليون جنيه اصول الشركه ويتبقى 5 مليون جنيه استرليني كمان يكبر بهم راس مال الشركه

  مروان :_فكره عبقريه بس انا اعملها ازاي

 ميسون :_بكره الصبح نعمل اجتماع عاجل على اعضاء مجلس الاداره و انا متاكده ان الموضوع هيكون في صالحنا مروان:_ انا كمان متاكد من كده انا دايما منبهر بيكي يا ميسون علي الرغم من المشكله اللي انت فيها والضغط العصبي اللي عليكي لكن حقيقي افكارك من ذهب ماشي يا ميسون متفقين بكره ان شاء الله هاعمل اجتماع مجلس اداره موسع  يلا بينا عشان انا تعبانز بجد كلنا تعبانين ميسون :_بس لسه مخلصتش الكلام

 مروان:_ خير في حاجه ثانية

ميسون :_طبعا طالبين مني انقل  لهم شحنهزعلى طائرتي الخاصه تكون باسمي

 اكرم :_انتي اتجننتي انتي عاوزه  تدخلي مع المافيا كمان في شغل  هتودي نفسك في داهيه انا مش موافقه على كده ميسون :_اهدي بس يا اكرم وانا مش ممكن ادخل مع المافيا في اي شغل انا قلت لهم ان انا  بعتها لكن هم ما كانوش مصدقاني انا دلوقتي محتاجه واحد يكون قوي سمعته قويه يقدر يقف قدام هم ابيعله الطياره حتى لو باقل سعر ممكن فكر معي يا  مروان

 مروان:_ من غير تفكير  أنطوني

 ميسون :-عندك حق انا زاي كنت ناسياه فعلا انطوان هو اكثر حد ممكن يقف قدامهم وما يقدرش يعملوا معاه حاجه بس ده حرامي كبير ممكن ياخذ الطياره بارخص الأسعار

 مروان هي الطياره ممكن يكون سعرها كم دلوقت

ميسون :-تقريبا 3 مليون جنيه استرليني

 مروان:_ معلش حتى لو خسرتي فيها اي مبلغ مش مهم لكن انطوان هو الشخص الوحيد اللي يقدر يقف قدامهم ومش ممكن مش ممكن  يستعدوه ابدا ان شاء الله خير على العموم بكره نعمل اجتماع مجلس الاداره و انا بنفسي هاروح لانطوان اتكلم معاه واكيد هنوصل لحل الاجماع تصبح على خير

_________

مروان :_مش قولتلك هيوفقوا أعضاء مجلس الاداره كانوا هيعملوا اي حاجه بس يتأكدوا انك موجوده وانك هتكوني رئيسه مجلس اداره المجموعه عدم وجودك الفتره اللي فاتت ماكنش في صالح المجموعة

ميسون :_الحمد لله يا مروان ان الاجتماع خلص ذي ماكنا عوزين

مروان :_انا عندي  ميعاد مع انطوان بعد ساعه تعالي نشرب قهوه ونتكلم

ميسون :_اوك تعالي ههكلم أكرم الأول

مروان :_هو فين صحيح

ميسون :_أكرم متوتر الفتره دي

مروان :_ده عادي معلش الكل متوتر

ميسون دلوقت يا مروان احنا علشان نحل مشكله الفلوس و علشان نجمع الفلوس قدامنا تقريبا ثلاث شهور هنعمل ايه يا مروان انا كنت اتمنى ان الفلوس تتجمع في وقت اقرب من كده ويخرج احمد من اللي هو فيه

 مروان :_احنا حاولنا وكل حاجه على الله

ميسون :_يعني ما فيش وقت اقل من كده نجمع فيها الفلوس

 مروان:_ احنا هنعمل ايه اكتر من اللي عملناه احنا علشان نجمع فلوس في ثلاث شهور هنقلب البورصه و احتمال ان يحصل مشاكل ربنا وحده اللي عالم هتكون  ازاي لكن ان شاء الله مش هيحصل حاجه وحشه و هنقدر يكون معنا 10 مليون استرليني قريب المبلغ مش قليل ده المبلغ ضخم جدا في شركات كثير راسى مالها اقل من كده بكثير ومع ذلك ربنا يقدرنا و نقدر يكون المبلغة معنا واظن ثلاث شهور مش فتره طويله

ميسون:_ طيب و بالنسبه لاحمد هنقول له ايه

 مروان:_ انتي اتجننتي اقول لاحمد ايه اديله طوق نجاه وفي الاخر ما يلاقيهوش واخذ الموضوع بالظبط باي شكل وباي طريقه هو احنا بنقول يا رب لكن انا عمري في حياتي ما هاقدر اقول لاحمد ولا  الاي حد  حتى مريان نفسها مش هاقول لها اي حاجه لما نخلص من الموضوع ولما يكون فيه حاجه واضحه قدامنا ان احمد هيخرج يبقى ساعتها قولي للكل إنما  دلوقتب مش هنقدر نقول لاي احد

 ميسون :_يا رب يا رب قدرني اقدر اعمل حاجه يا رب

بعد مرور شهرين

اكرم :_ميسون :_حبيبتي مالك فيكي ايه بقالك ثلاث ايام مش مضبوطه ودائما بتشتكي من بطنك

ميسون انا مش عارفه معدتي على طول وجعاني… بقولك ايه  مش مهم المهم دلوقتي انت هتنزل النهارده هتروح للعمال في المطعم انا بجد مش قادره اروح امبارح وقفت معهم كنت خلاص مش قادره

 اكرام :_انا عارف وشفتك فعلا انك تعبانه ما تقلقيش مش عايزك تنزلي المطعم ثاني خالص انا اللي هفضل واقف معهم ميسون :_طيب يا حبيبي خلي بالك من نفسك مش قادره اودعك زي كل مره بجد معدتي وجعاني قوي مش قادره اقوم من مكان

اكرم :_خلاص يا قلبي ما تقلقيش بس عايز اقول لك على حاجه النهارده لازم نروح للدكتوره انت من ساعه ما تعبت وانا بقولك  نروح للدكتور وانتي رافضه

 ميسون :_لازم اروح لدكتور الالم بقى لايحتمل ربنا يستر

أكرم :_ ان شاء الله يا حبيبتي ما تقلقيش مع السلامه

مروان:- الو يا ميسون ازيك يا ميس

ميسون :_ازيك يا مروان عامل ايه

 مروان:_ ايه يا بنتي بقى لي يومين باتصل بك ما بترديش علي وكلمت اكرم امبارح قال انك تعبانه و نايمه في ايه مالك ميسون :_مش عارفه يا مروان معدتي وجعاني بقالي ثلاث ايام ما فيش حاجه بتقعد فيها

 مروان ممكن يكون دور برد او اكلت حاجه مش كويسه و خصوصا ان انتي بقالك اكثر من شهر وقفه مع العمال بتعمل المطعم  صحيح الافتتاح امتى

 ميسون :_ان شاء الله اخر الشهر ده

 مروان:_ يا دوبك 10 ايام بس ربنا يكون في العون ان شاء الله هاجي احضر الافتتاح انا ومريان. على فكره هي زعلت قوي ان انتم مشيتوا من قبل حتى ما تشوفكم   كان نفسها وتعذمكم كمان

ميسون :_معلش ما انت عارف كان لازم نرجع صحيح عملت ايه في موضوع الطياره

مريان :_ اه نسيت صحيح ده انا كنت باتصل بكي علشان انطوان الكلب عايز ياخذ الطياره ب 500000 الف  بس تخيلي من 3مليون استرليني

ميسون :_ يا نهار ابيض مش قلتلك حرامي بس ما كنتش متوقع ابدا انه  مجرم

 مروان :_انا حكيت له كل حاجه كان لازم يعرف كل شيء كنت متاكد انه يستغل احتياجنا ليه لكن ما توقعتش انه حرامي  قوي كده على العموم فداكي المهم متضريش 

ميسون :_ عندك حق ده المهم  خلاص انا موافقه المهم

مروان :_ طيب اسيبك دلوقتي  ترتاحي وانا النهارده هاقابل انطوان واتفق معاه واشوف هيدفع الفلوس دي امتى وانا متاكد انه عقبال ما يدفعها هتكون طلعت روحنا ربنا يستر  ميسون :_ان شاء الله وعلى فكره وعايزه اقول لك على حاجه يا مروان اكيد ان هيجي يوم ويقع تحت ايدينا اصبر انت عارف كويس قوي انا عالم البيزنس عالم  صغير كله  بيدور في فلك واحد وهو المصلحه و اكيد في يوم مصلحتها تيجي تحت ايدينا

__——–_______________

ندى:_ نورت بيتك الف حمد لله على سلامتك يا اخويا

امل:_ والله العظيم لولا اننا  احنا مش في بلدنا  كان زماني زغرطت ومليت  الدنيا زغاريط انا مش مصدقه اخيرا اخيرا ربنا كرمنا والحمد لله ماشي تاني  على رجليك

ندى:_ انا سعيده قوي انا شوفتك داخل بيتي  النهارده وانت ماشي على رجليك انا مش قادره انساه ابدا اول مره دخلت في البيت وانت قاعد على كرسي ربنا ما يرجع دي ايام ابدا جمال:_ الحمد لله انا مش مصدق اني مشيت تاني على رجلي  صحيح ايدي اليمين لسه فيها التنميل بس مش مشكله المهم ان انا ماشي على رجلي انا مش مصدق بجد انا نفسي اجري

ندي:_ لا اخويا والنبي بالراحه على نفسك الدكتور قال واحده واحده و بالراحه أسند  عليا كده وان شاء الله مع الوقت هتبقي زي الرهوان

 ندى:_ ايوه بالله عليك جمال خليك دائما متابع  كلام الدكتور خلينا نحس بفرحه جات في حياتنا من زمان قوي ما حستش نفسي زي النهارده لو اقول لك ان انا مبسوطه النهارده اكثر من يوم ولادته ابني مش هتصدقني

 جمال:- لا يا حبيبتي مصدقك عشان انا باحبك زي بنتي  و عارف اللي جواكى كويسه انتي طيبه قوي يا ندى ربنا يقدرني وارد جزء من جمايلك

 ندى:_ ايوه كل شويه تقول لي جميالك  كل ده حاجه بسيطه  يا جمال انت اللي ربتني انت كنت ابويا فيه اب مديون لبنته البنت طول عمرها مدينوه لابوها المهم سيبك من الكلام ده بقى والنهارده هنحتفل باحتفال ضخم وكبير

جمال:_ هتعملي ايه يا مجنونه ندى هاطلب بيتزا

 عمر:_???? ايه هو ده الاحتفال الضخم يا عمته البيتزا ماشي بس وحياتك بقى معها بيبسي

جمال:_ عارفه يا ندى انا نفسي في ايه

 ندى:- نفسك في ايه يا حبيبي عايز حاجه غير البيتزا

 جمال:_  انا نفسي اسرح معاكي لأحمد  هو وحشني قوي ندى :_وانت كمان وحشوه  والله كل ما اروح له دائما بيسال عليك ودائما بيطمن عليك مني

جمال:_ انت هتروحي امتى ثاني

 ندى :_الزياره الجايه بعد عشره ايام

 جمال:_ هو ما ينفعش اني ازوره

ندى:_ هاكلم مروان اخلي المحامي يعملنا انا وانت تصريح زياره

 جمال:_ ياريت انا نفسي اشوفه قوي بجد واحشني

 ندى:- حاضر يا اخويا من عيني

___———–___________________

مروان :_ ميسون ازيك عامله ايه

ميسون:_ ازيك يا مروان خير كلمتني مرتين في يوم واحد في ايه المصيبه الجديده

 مروان :_انا لسه مخلص اجتماع دلوقت مع انطوان الكلب عارفه قال لي ايه

ميسون :-قال لك ايه

يتبع ……