رواية عشق مخيف الحلقة الثانية 2 الجزء 2 بقلم ندى
 |
| رواية عشق مخيف الحلقة الثانية 2 الجزء 2 بقلم ندى |
رواية عشق مخيف الحلقة الثانية 2 الجزء 2 بقلم ندى
سيلا : ماما انا مش هاروح بكرة
جنة : ليه بس
سيلا : كدة مش هاروح مش عايزة اروح ولا اشوفه
جنة : هيزعل منك
سيلا : يزعل بس مش هاروح بردو
جنة بمكر : طيب بس متزعليش بقي لما يمشي تاني فاجاة
سيلا بتوتر : هيمشي تاني امتي
جنة : يومين
سيلا بضيق : طيب هفكر .. انا هدخل انام .
جنة بتنهدت بقلة حيلة : اهو دي بداية تعب الحب ، ربنا يريح قلبك يا بنتي …ابتسمت جنة علي ذكرتها مع بيجاد
فلاش باك #
بيجاد : جنه
جنة : عيونها
بيجاد : انتي حبيتي قبل كدة .. انا بسأل ك فضول
جنة : اها
بيجاد بغيرة : مين ده
جنة : انت بردو
بيجاد : قصدك ايه
جنة بحب : يعني قبل ما اشوفك حبيتك وحبيتك تاني لما شوفتك ، انت اول واحد في حياتي واخر واحد .. انت كل حياتي من غيرك عمري ما هقدر اكمل
بيجاد ابتسم و حضنها بحب : نفسك في ايه
جنة تنهدت وقالت : نفسي احمد و سيلا لما يكبروا يلاقوا حب زي حبك … كل واحد يلاقي نصه التاني مش مجرد اتنين وخلاص ، زيي انا وانت كدة
باك #
احمد واقف باصص لمامته بتعجب : بتضحكي علي ايه
جنة : ابدا افتكرت حاجة كدة
احمد : هو بجد فهد جيه
جنة ضحكت: يعني انت بتقول فهد .. واخدت الهبلة بتقول ابيه
احمد : دي عايشة في كوكب تاني دي
جنة : يلا بقي هنعمل ايه ، ابقي جهز لبسك ل بكرة
احمد : اشطا
——
سيلا بتوتر في اوضتها حاسه بقلق و خجل علي غير طبيعتها : انا مش عارفة افكر ليه ، هو كدة كدة اكيد في يوم من الايام هيتجوز ، هتفرق مين بقي ولا امتي ، المفروض اتأقلم علي ده ..ب انا متضايقة ليه بس كدة …يارب اسعدهم بعيد عني اووف
——-
تاني يوم بسنت وكارما و كريم وياسمينه لبسوا وجهزوا
كريم : يلا يا بابا
جاد : ياعم الصبر
كريم : هنتأخر علي اخوك كدة
جاد : يلا ياخويا
خرجوا وخبطوا علي شقة بيجاد : يلا يابني
فتح احمد : ايه براحة
جاد : امشي ياض من هنا
كريم : هنزل انا واحمد طيب
احمد : اه يلا بينا احنا
كارما : بابا هنزل معاهم
جاد : ومين هينزل معايا
بيجاد خرج : يلا بينا
جاد بص ل سيلا : الله الله ايه الجمال ده
بيجاد : الجمال ده بتاعي خليك في الجمال بتاعك لو سمحت
سيلا بتلف توريهم طريقة لبسها الجديد مع النقاب : حلو
جاد : حلو ماشاء الله، ربنا يحفظك يابنتي .. يلا بقي عشان هموت من الجوع انا
بسنت بضحك : كل مرة تعمل كدة معرفش ايه الهدف
جاد : لازم حد يشجعكوا عالاقل ف انا بشجعكوا
بسنت : طيب يلا
نزلوا كلهم وكل واحد ركب عربيته بعيلته ووصلوا للعمارة ..
سيلا بتوتر : بابا
بيجاد : نعم
سيلا : ممكن اروح اشتري حاجة واجي
جنة بتعجب: هتشتري ايه
سيلا : ايس كريم لينا كلنا
احمد : هاجي معاكي
سيلا : ماشي طبعا ..وبصت ل باباها ومامتها .. ها بقي
بيجاد : مفيش مشكلة متتأخروش احنا هنسبقكوا فوق
سيلا بفرحة ونزلت هي وأخوها : ماشي
طلعوا كلهم شقة حسام ماعدا سيلا واحمد
فهد فتح واول حاجة دور عليها بعينه سيلا بس مكانتش موجودة حس بأحباط شديد وقال بابتسامة مصطنعة : اخيرا جيتوا ، اتفضلوا
ياسمينة بسعادة سلمت عليه : حمدلله عالسلامة فهد
فهد : الله يسلمك احلي ياسمينة
خجلت ياسمينة فهي تشعر بأنها بتحبه و بدأت تخجلها كلماته ليها
كريم وكارما : حمدلله عالسلامة يا ابيه
فهد حضنهم بحب : الله يسلمكوا
بدأ يسلم علي كل واحد بس قلبه حزين ، محبط ، انطفي لعدم وجودها حواليه .. مش عارف يسأل ولا لا بس الظاهر قلبه مش هيسكت
دخلوا قعدوا سوا ويهزروا ويتكلموا
فهد بتلقائية : اومال سيلا واحمد فين
جنة بصت ل سلمي بصة سريعة وابتسموا لبعض ابتسامة خبيثة
سلمي : تقريبا مش هتيجي
فهد بتسرع وحزن : ليه حصل حاجة ولا ايه ، هو انتوا سيبتوها لوحدها في البيت
بيجاد وحسام كاتمين ضحكتهم علي خوف فهد علي سيلا الملحوظ
جنة حست بالعطف تجاهه: لا يا فهد هي واخوها هيجيبوا حاجة وجايين زمانهم طالعين
مشي فهد بتلقائية للباب ونزل يقابلهم .. والباقي ابتسم علي طريقته
جاد مش عارف هم بيضحكوا علي ايه : هو فيه حاجة ولا ايه
بسنت بغمز : يعني تقريبا كدة بيوقعوا فهد
جنة : احنا .. ابدا انا بريئة
سلمي بهزار : ابني هو حر ياختي انتي وهي يعمل اللي عايزه .
بسنت بضحك : هو انا قولت حاجة
ياسمينة : هو حصل ايه
جاد ابتسم بعد ما فهم قصدهم : ابدا يا حببتي بعدين هقولك
بيجاد : هو نزل بجد
حسام بهمس : ايوة .. عارف فاكر اول يوم شال فيه فهد سيلا .. من يومها وحبه ليها بيكبر في قلبه بس للاسف حاسس بتشتت
بيجاد اتفاجي من كلام حسام : تشتت ليه .. احنا كلنا عارفين ده بس بس مستنين الوقت المناسب ليهم الاتنين
حسام : عارف بس مس عارف الفترة دي بالذات اللي فاتت .. كان متغير جدا حتي لما كنا بنكلمه كان عكس فهد اللي دايما بيكلمنا
بيجاد تنهد : انا وانت عارفين الحاجات دي بتاخد وقت ، سيبه براحته
حسام : بيجاد انا خايف علي سيلا بنتك
بيجاد : ليه
حسام : ممكن متقدرتش علي شخصيته اللي بدأت تتغير دي .. ممكن تكون هي كمان بتحبه مثلا ، ودراستها تتأثر بسبب فهد
بيجاد : انا معاها متقلقش .. ضحك بيجاد فاجأة: مش متخيل اننا بنتكلم في المواضيع دي حقيقي
ضحك حسام : مش مجربين ..لازم نساعد الباقي ده اكل عيش ده
بيجاد : ولسه لما يشوفها بالنقاب
——–
فهد نزل واقف قدام العمارة مستني سيلا واحمد
اتفاجئ ب سيلا هو اتاكد انها هي لما شاف احمد معاها .
سيلا وقفت لحظة بعد ما شافته.. قلبها بدأ يدق بعنف وفي نفسها : انت خايفة ليه ، متخافيش يا سيلا عادي هو اخوكي حتي لو زعقلي عشان خايف عليا..وبردو متنسيش انه سابك ومشي وبيحب ياسمينه
احمد جري علي فهد سلم عليه : جبنا ايس كريم جامد جدا
فهد باصص ل سيلا بعيون مشتاقة ، حب ، راحة
سيلا تأملتها لدقائق كان وسيم جدا شبه باباه جدا وعضلاته ب عروقها البارزة ، طويل ، عيون حادة بني ، بشرته قمحاوية جذابة فاتنة
احمد : سيلا .. يابنتي ،سيلااااا
سيلا بصلته بتوتر : ايه
احمد : انا هطلع عشان احط الايس كريم في الفريزر قبل ما يسيح ويبوظ الدنيا…ايديكي باظت علفكرة
سيلا بصت للايس كريم اللي في ايديها بتوتر كان الايس ساح وكل لون اختلط بلون تاني
اتوتر اكتر وحست للحظة انها هتعيط
فهد ابتسم علي تشتتها وتوترها وطلع مناديل من جيبه وقال : اطلع انت يا احمد ، احنا هنجيب غيره ونيجي
طلع احمد وبدأ فهد يمسح ايدين سيلا برقة وهي خجلت من قربه ليها ولمسته
سيلا في سرها : الحمدلله اني لبست النقاب كان زمانه شاف شكلي اللي زي الفار المبلول ده
فهد : شكله حلو عليكي
سيلا بتوتر : هو ايه
فهد بصلها في عيونها : النقاب ، تعرفي اني كنت هلبسهولك
سيلا متنحة في ملامحه علي غير طبيعتها: ليه
فهد : لو اطول اخفي عينيكي دي هخفيها
سيلا بتلقائية : وايه اللي مانعك
فهد ابتسم علي عفويتها : هقولك بعدين .. يلا بينا
سيلا حاولت تفوق نفسها من اختلاط مشاعرها المفاجئ: لا مش هاجي انا هاروح لوحدي
فهد بحزم : لا هاجي معاكي.. او اتفضلي اطلعي قدامي وبلاها ايس كريم خالص
سيلا بغضب : طيب هاروح اجيب وتيجي معايا بس ومتكلمنيش ابدا
فهد : ماشي امشي خلصي
مشوا سوا جانب بعض
فهد : طب هتفضلي زعلانة كدة
سيلا بدموع : ايوة
فهد : بتعيطي ليه دلوقتي
سيلا : مش بيعيط
فهد بصلها بتعجب : النقاب عليه دموع من عينيكي ياتري دي ايه مثلا
سيلا بغضب : انا زعلانة منك ومش هكلمك ابدا ، انت بتوعدني وبتخلف وعدك
فهد بجدية : حببتي انتي اكتر واحدة عارفة نظام الشغل
سيلا اتفاجات من كلمه حببتي وسكتت
فهد بقلق : سيلا ، متزعليش بالله عليكي، هعوضك صدقيني بس خليكي واثقة فيا
سيلا بغضب : انت حتي محاولتش تشرحلي او تقولي قبل ما تمشي ..
فهد : مكانش فيه وقت
سيلا بغضب واندفاع : والله.. اشمعني قولت ل ياسمينة وانا لا ..انت بتحبها صح ، انا اساسا كنت عارفة .. انت وهي بتحبوا بعض اساسا مفيش داعي تعاملني اني مش بفهم
فهد صدم من كلامها : مش فاهم قصدك حب ايه وزفت ايه اللي بتقوليه ده
سيلا بغضب ودموع: هي قالتلي انها بتحبك .. وانت دايما بتكلمها وانا لا ، دايما تبقي عارفة كل حاجة قبلي وانا لا ، حتي لو بتحبها المفروض اني اختك
فهد حس ان فيه حاجة غلط او سؤء تفاهم …شدها بعنف لعربيته وقال بغضب : اركبي
سيلا : لا مش هركب
فهد: اقسم بالله لو ما ركبتي هوريكي وش عمرك ما شوفتيه
قلقت سيلا وركبت بسرعة
———–
الساعة 9 بالليل
بيجاد بيرن علي سيلا وحسام بيرن علي فهد ومحدش بيرد
سلمي بدموع : هيكون حصلهم حاجة
جنة بصت لأحمد بقلق: انت متأكد انهم كانوا واقفين تحت
احمد : ايوة والله يا ماما حتي هو قالي اطلع وهيجيب هو ايس كريم معاها
ياسمينة : طب هيكونوا فين طيب
حسام بعصبية وقلق : مش بيرد ليه طيب .. يعمي قولت ساعة ساعتين بيلفوا بس كدة كتير
بيجاد بدأ بخاف اوي وبيحاول يتماسك: خير ان شاء الله ،طالما هم كانوا سوا خلاص دي نقطة كويسه
جاد : طب هنعمل ايه.. هنفضل ترن عليهم بس
بيجاد بص لاخوه بحيرة : مش عارف
حسام : خلينا نرن ربعاية كمان لو محدش فيهم رد نفكر نشوف هنعمل ايه تاني
سلمي بقلق : حسام انا خايفة ، مش مطمنة
بعد قليل
فتح باب الشقة ودخل فهد مع سيلا ..
يتبع..
لقراءة الحلقة الثالثة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
